مبروك عليكم الرحمة !

[مايهزك ريح]

انا الحين في الدوام .. والمطر يصب صبيب .. :icon_rr:
في جبل علي ... يا سلام .. من زمان ما شفنا المطر .. :a049:
ان شاء الله تنغسل ذنوب الناس .. بعدد كل قطره مطر .. يا رب .. :inlove:

واللي يتمشون برع ..صورولنا الله يخليكم .. :fa46:


والسموحة منكم .. :k_smile2:

اذا الموضوع انا حاطنه في مكان غلط .. حطوه في المكان الصح :k_icon9:

[المفتاح]

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته


هلا باخى الكريم مايهزك ريح شحالك ان شاء الله بخير وعافية

المطر صبيب فى جميرا وجبل علي بس فى ديره بسيط جدا

الله يبارك لك ويبارك على دولتنا ويحميها من كل شر
امين يارب العالمين

والله الموفق
المفتاح

[مايهزك ريح]

وعليكم السلام والرحمة ^_^
مرحبا حيالله اخويه المفتاح ..
انا بخير والحمدلله .. ان شاء الله يوصلهم .. مثل اللي يانا ..
ولا تنسون الدعاء في المطر .. زين .. !

[الاسطوري]

السلام عليكم ..

"مايهزك ريح"

سبحان الله قبل ماأظهر من البيت حسيت ان الجو جنه جو مطر وخذت لي نظره من الجامه
شفت أثر النفاف قلت هاي الخدامه شكلها متحمسه من الصبح
وغاسله الحوي بس يوم ظهرت برع
اكتشفت ان المطر
هو لاعب دوره ونحن خبر خير غير عن الرعد كان صوته عالي حزتها وكان المهب قوي، تغيير
جميل والحمدلله شويه الجو نظف والسما صارت زرقا نوعا ما
وصوبنا الجو مشمس الحين والله يجعله
خير علينا جميعا
:14:

الاســـطـــوري
أخوكم

[عذبة الروح]

مبارك علينا & عليك اخويه



فـ عيمان .. حبتين ونص :)

نعمه من رب العالمين ..
لا تنسون الدعاء ...
والله يغفر لنا & لكم


من ظهرت اليوم الصبح // عيوني عـ الارض
هل اللي اشوفه حلم والا علم ؟!
ربيعتي مرت صوبي .. تقولي .. (هاااالوووو نحن هنا)
صديت صوبها .. (تمطر .. تمطر طاعي) <--- البنت مب صاحيه


هذي بركة صلاة الاستسقاء
الحمد لله .. نعمة كريم

[مايهزك ريح]

وعليكم السلام .. مرحبا اخويه الأسطوري ^_^
انا اول ما سمعت صوت المطر على جامات المبنى اللي انا فيه ما صدقت ..
اخيرا طاح مطر .. !
يبالنا اليوم طلعه للتصوير شويه عقب ما نظف الجو من الغبار ^_^



مرحبا اختيه عذبة الروح ..
انا بعد ما صدقت انه المطر يصب .. ونشيت فتحت الستاره عشان اتأكد ^_^

[مجموعة إنسان]

مبروووك عليييكم


ما يهزك ريييح
شوووت الغيمة صووبنا شوي

[مايهزك ريح]

مرحبا محمد .. الله يبارك في حياتك ..
ان شاء اتسير صوبكم وتييكم رشة غاويه شرات اللي يتنا .. ^_^

[مجموعة إنسان]

الله يسمع منك !!

داااام الموتر االأصفر عندي
ابي المطر !!
ههههه

متهور الطيب !!

[الا انا]

..^^

ليش احنا ولا نفة عندنا ..

..

الخور مغبره .. والجو ارف .. جو مرض والله ..

ماعليه ..

هواجيس يوم تخلصون منها شوتها صوبنا .. لوول ..

[مايهزك ريح]

مرحبا إلا انا .. ان شاء الله ياينكم الدور .. اتريوا اشويه ^_^"

[مجموعة إنسان]

طلع يااااينا صبييييب بعد
وانا توني اعرف

[مايهزك ريح]

صباح الخير .. يا محمد ^_^

[شتشووته]

ما شاااا الله ... حظكم والله

احناا جونا فظيييييييييييع :(

يلاا تستاهلون وعقباااااااااااااالنا :)

[دمعة شوق]

الله حظكككككككككم
نحن الجو عندنا غراااااااااااام رهيب الجو
::
باقي بس تصادم السحب هيهيهيهي
عسى خير ياربــي
^^

[مايهزك ريح]

شتشووته وين انتوا .. !
ان شاء الله اييكم ما يانا .. وتنظف البلاد ونفتك من الغبار !

[مايهزك ريح]

ان شاء الله يا دمعة شوق !

[حلم الطفوله]

ما شاء الله ربي يزيد ويبارك ................ ليش نحن ما عدنا غير مهب وعاصوف !!!

[بحر الموده]

السلام عليكم ورحمة الله وبركاته

مبروك عليكم الرحمه ...

الخبر يوم وصلنى استانست وقلت الحمدلله على كل حاااااال وعسا الامطار دايمه فى دولتنا دولة الخير والعطاء

الله يجعلها امطار خير وبركه على الجميع ...

[المزوحي]

مرحب اخويه، نحن صب عندنا 10 دقايق ،، وحررررر

اتمنى يصب صبيب وتكون امطار رحمه

[أنامل قلب]

:
.

السلام عليكم والرحمه ..

حلو هالاحساس الطيب من شخصك أخي ^_^ ..

جعل ربي من رحمته لنا لزام ..
ولا قرب لدروبنا ما كره باذنه ..

:

يزاكم الرحمن خير ..
والمعذره ..

:.

[مايهزك ريح]

مشكورين اخواني على الردود .. ^_^