مخاوير الفريج

[حلم الطفوله]

السلام عليكم ورحمة الله وبركاته


استعيبت من فلانه بنت فلان ....الله يستر عليها :k_puppyeyes:

يوم قالتلي ....ما عندي بالكبت ولا امخوره !!! شو هالمخاوير مال أول :mf_leia:

بس حلاة بنت الناس والعرب يوم تلبس ذيج لمخوره وتستعرب شوي

الموهيييييييييييييييييييي ييييييييييم ....على قولة حبيبة قلبي تحوووووووفه:heart:

أبغي صور مخاويركم مع اسم لمخور ومكانه ....

عشان تكون عدنا موسوعه مخاوير نستفيد منها

وربي يوفج ويرزق كل بنت بتحطلنا صورة بكل إلي تتمناه بحياتها ( ذليتكم أدري):a070:

[عايش وهم]

http://oasis.bindubai.com/bin/uploaded/1145_11209913195.jpg

:m_afaker:

[صريح]

يا حلاتها بنت العرب و هيه لابسه لمخوره و عليها المرتعشه و المريه
بس ما فيه منهن هالايام ولا حان شفتوني معرس لول
:fa41:


نص بنات اليوم ما يعرفون شو هي المرتعشه و المريه للاسف
فضل عنهن .. جاان اعصب
:mad:




العيووز حلم اكيد تعرفين اماكن لمخاوير في فريج المرر في دبي ولا فريج الشرق فالشارجه
اخطفي عليهم و شوفي اللي يعيبج
:h_negab:




عايش

شو رايك بنفتح خياط نسائي
و بنقص عليهن اونه كل لمخاوير و الدزاينات اللي عدنا
ايين من ايطاليا سييده اممرره من قوم LV و Fendi و Gucci
صدقني بسرعه ينقص عليهن و بنطلع ذهب من وراهن هالحرّيم
:14:

[عايش وهم]

بن عمك صريح ناوي علينا لبدك ؟! :smile2:

الحين بيدشن و بيشلوحوبنا تشلويح

بنيات أنا ما يخصني

هذا صريح امبونه شر

أمسات بيعقني في ثلاجة طرادهم :glare:

و اليوم ياي بمؤامره :k_nono:


انزين صريح الله يهديك

الحين نحن يوم بنسوي هالمؤامره آخرتها بيطيحون فيها الرياييل فقارى

ترى من جيبهم آخر شي و خبرك عارف أظني بأسعار المخاوير و خسرهن

ولا تبى الصدق هو مكسب

يباله بصراحه :k_icon9:

[طير الحب]

حلم...هاي أنا ما احب المخاوير وايد بس بحط لج صور آخر تفنيناتي في المخاوير

[مايهزك ريح]

صريح وعايش وهم مب جنكم نسيتوني ^_^
ولا ما تبوني وياكم في المشروع >_<

انزين نرجع لموضوعنا ..
الوالده دايما اتخليني اوديها فريج المرر وما اطيع اتخور إلا عند واحد اسمه بوسالم ( جابر جاسم سابقا )
بصراحه ما اعرف ليش.. الظاهر انها تعودت عليه واحين ايخلصلها ابسرعه .. واسطه ^_^
وساعات اسمع اسامي ثانيه بس مب متأكد من مكانهن ..( جميم اعتقد في سوق الذهب )
و "عمر" في السوق الجديم ( الدويات سابقا )

طبعا كل الأماكن اللي فوق في ديره ..

وفيه مخاوير في العين بس ما اتذكر الأسامي .. ^_^

[قصايد غلا]

السلالالام علييييييكم

:fa41:


منو هااااااااااي اللي ما تلبس المخورة :fa52: ؟!

أنا "الوحيدة" من يوم كنت ياهل ألبس الكندورة ولا أستغنى عنها "من بد البنات اللي في عايلتنا" :k_smile2:
أمس أخويه يقول لي : تحيدين عمرج يوم تربعين في عزبة قوم فلان بن فلان و اميه مسوية لج عقصين :k_harhar1:

حلاة البنت بالكندورة :fa35:


طبعـًــا كناديرنا نفصلهن في فريج المرر + فريج الشرق هو نفسه اللي فيه مسيد بن درويش ؟ "المهم إنه هذا هو المكان :p" + قبل كنّـا نفصل في العين و بوظبي بس ما نسير لأن الخياط ايينا


يوم بتفيّج إن شا الله بحط لكم الصور

:h_mar7aba:
==================================

صريح : منو قال إننا ما نعرف المرتعشة و المرية:boxed: ؟
منو قص عليك :surrender:؟

نعرف المرية و المرتعشة و نعرف حيل بو الشوج و المنثورة و الفتخ و الطاسة :3:

[المزوحي]

هيه صح مايد بوسالم مشهووووووور في فريج المرر، وعمر اللي تطريه انتقل من هناك،، وسار عند بوسالم فريج

المرر، أحس له واحسن للحرمات ...

[شوق القلوب]

السلام عليكم..

والله ما اتوقعت انه بوســالــم هالكثـــر مشهــور... ماشاءالله الكل عنده..

حتى احنا .. المخوره ما تطلع عدله الا اذا سويناها عند بوســالم..

[طفلة من هذا الزمان]

احم احم .. كح كح :look:،،

جنها إلا العيوز حلوووم قطعتنا اهنه !! :k_blush-anim-cl: ..

يااميه هالسوالف الحينه حق المناسبات و الإجازات الرسمية في الدولــة .. اصبري شوي و بتحصلينهن في متحف راك :a033: ..


ماشاء الله الشباب وفــوا و كفــوا في الأمــاكن ، استغرب ليش كل شي يعرفون :k_icon9: (محاولـة احراج بس:whistling: )

انا بدليج مكــان جريب و مايضيع مولية .. اهنه في راس الخيمة ام الدنيــا .. في الكويتــي أهم معــالم التراث الإمــاراتي بتزّعـــــم من القـلادة و عبدالصبــور وباختـــر وطبعا المفضل عند حريم الفــريج شمس الضحى مادري الصباح ..

بس صور صبري نهاية الأسبوع بسير اسوي لفـه عليهم و بصورلج آخر مستجدات السوق و التقليعـات التراثيــة الموجودة في الساحــة الإماراتيـــة ،،

لاحظتي ان صار كل شي تراث .. ربي المستعــان ..

مراسلتكم في بغداد .. أقصد راك :cool:
طفلــة ،،

[تنينه]

السلام عليكم والرحمـه

اتذكرت الوالده الله يطول بعمرها من فتره لـفتره أجوفها مسوتلي مخوره:doh: ؛ اتسير تاخذ القطعه واتخورها وكل شي وتاخذ مقاس من مقاساتي وآخر شي اتييب لي المخوره وعاد ما تنلبس الا ف المناسبات الوطنيه وعزايم الحريم:fa56:؛ وطبعاً في العيد شي رسمي :nerd: وساعات اذا في الجامعه الكل ييلس يقطع واوووه مخوووره اليوم والـخ :doh: ؛ شي تراثي استوى وشرات ما قالت طفله بنحصله ف المتحف عقب :m_m6awa3:؛

الوالده دوم اتفصل في خيااييط الشرق والماركتينك عند الخيااطيين ممتاز :fa56: كل واحد يقول الزين عندي والشين حوالي اتدش المحل واتجوف المخاوير *تصقل لمعان*اً :fa41:؛

حلمي الجميل ان شاء الله اذا حصلت وقت بنرفق الصوور :a050:

[الا انا]

.^^

تدرين حلم .. انا ماعندي ولا مخوره ..
ولا مره لبست ..

مادري ليش احس مب حلوه علي ..

مع انه خواتي كلهم يلبسون ...
إلا انا ..

لا بالعيد ولا غيره ..
احس شكلي يطلع غلط ..

بس احب المخاوير الي تييج ع شكل جلابيه ..
يعني شغلها يكون غير
مب شرات العاديه ..^^

...

بسالهم وين يخيطون وبحط صور لو صورت ..^_^

[طير الحب]

http://www7.0zz0.com/2008/05/05/07/798337075.jpg (http://www.0zz0.com)

هاي نك


http://www3.0zz0.com/2008/05/05/07/671729848.jpg (http://www.0zz0.com)


اليد بعد فيها حركة

[مجموعة إنسان]

خيااااييييييط

هيييه
اعرفهم هذيل

في واحد اسمه ام سلطانه في بوظبي
هذا دووووووووم اهلي عنده
بس غااالي يخرب بيته

[الا انا]

..^^

طير ..

وايد حلوين ..

الثنيه عيبتني ..
جي احب البس ..

مع اني ولا مره جربت تدرين ..
كله حاطه فبالي مب حلو علي ..

بس بسالج ..
يد منو هالصغيرونه .. **

[مــهــابه]

حـلم :

أنـا صباح العـيد جان مـا لبسـت مخور ، احس عمريه زلـمه:4:

سنة مـؤكده ، يـا إمـا مخـور أو أتـم راقده:fa46: . .

~ أحب أفصل المخور ، بس ما أحب ألبسه وايد ،

أحيـان يوم اليمعه يوم الكل يتيمع فـ بيتنا ألبس ، ولو وحده من ربيعاتي يزوروني == > عـاد أونه مواطنه

وصباح العـيد . .

عـنديه امخور مالـت أم سـعيد ، عنابيه يوم بـروح البيت بصورها لـكم بس لاتضحكون جنها مال عيايز:fa56:

وعنديه وحده بـعد من القطع اللي يسمونها ( بـوقليم ) . .

عـاد أنـا من فـتره طـويله كـله أسـوي فـ العــين . .

خيـاط الأمم

وبـعد لـه فـرع ثـاني بس ناسيـه أسمه


وعـندج بـعد بـوحليقــه



وهـذي صوره من الأرشيف لـ مخوري ، تـراني ماعـرف أصور أنـا عسب جيه :h_mar7aba:

هـذي طبـع شــرات القــطعة





http://oasis.bindubai.com/bin/uploaded/222_01208954445.bmp

[الوحيدة]

مجموعة انسـااان .. هيييه ام سلطاااانه مفصله عنده وصح كلامك غالي .. !
بس وايد حلـو شغله ..

[الدلووووعة]

حلم الطفوله
وايد بنات هاي الايام يقولون نحن مانحب نلبس مخاوير وجي

عاد نحن فالبيت ان مالبسنا مخاوير جنه مسويين جريمة ههههه

يعني ماشاءالله الوالده هب مقصره يا انها هي تسير تشتريي القطع وتودييهم تخورهم وجي
ولا نحن نسير وياها بس اغلب الاوقات هي تسير تفصل لنا لأنه ماشاءالله عليها عليها ذووق فالمخاوير

انا احب ألبس المخاوير دووم بس ايام العييد عندنا عاده نحن نخور 3 ولا 4 مخاوير
وناخذ لنا بدله وحده عسب ما نلبس وايد بدل ونهد المخاوير يعني الصبح لازم نلبس مخوره
واليوم الثاني والثالث بعد مخاوير ويوم نسير رحلات وجي لازم مخوره يوم نسير البر (نلبس المخاوير وتحتها البنطلون خخخخخخخخ) ويوم ايون اربيعاتنا دوم نلبس مخاوير وسيرات المولات وجي بعد مخاوير لأنه احسسن شي اذا ماتبون تلبسون عباه مسكره ^_^

وبس


اممم نفصل من بوظبي فشارع المطار ولا من الشارجة بس ماعرف اساميهم ولا وين مكانهم هههه

ان شاءالله بحط لكم شي من مخاويرنا

[طير الحب]

الا انا....الثاني تصميمي انا عاطتنه الفكرة....واليد يد حور مب مخلتني اصور

[الا انا]

.^
والله ..
وايد عيبني ..
احب جذي انا ..
اما العاديه ماحب البسهم مادري ليش ..
احس شجعتوني .. اني البس .. وناسه احس .^^
بسوي خلاص ..
قررت استوي بنيه هع
..

فديتها صغيرونه .. الله يخليها لج ..^_^

[تحفه]

لوول مادري ليش حسيت الموضوع نغزه حقي =x

الموهيييم p;

نحن كله نفصل في فريج المرر وعلعيد ماما اتييب لنا من حرمة عيوز في بوظبي بس مادري شو اسمها ( شغلها حلو) 3>

عندج خدلج بعد على نفس شارع كباب استاذي صوب فريج البستكيه شغله ححححححححللللوووو
مره وحده سيري تعشي هناكي .. اخر مره سرت شفت فزاع ...........

[اليازية]

أحب المخاوير خاصة حق الزيارات و يوم ايوونا ناس و طبعا في المناسبات


بالنسبة للمخاوير الحديثة عندكم شارع الخياييط اللي فالسوق الكويتي براس الخيمة ..عني انا: ما عندي خياط معين افصل عنده.. ألف و أدور لين يدش شي خاطري عقب أخوره عنده و أفر القطعة عند خياط أفنان لأنه الوحيد اللي يظبط القياس :fa42:

أما بالنسبة للمخاوير التقليدية نفس قوم ام خماس و اللي بالتلي و هالسوالف التراثية .. عندكم خياط ماعرف شسمه فسوق المعيريض

طفلة من هذا الزمان: القلادة مب جنه محل عبيو شيل !! :boxed:

[حلم الطفوله]

السلام عليكم

ونستوني وااايد بتفاعلكم مع الموضوع :fa35:

بالنسبه للشباب ... أتمنى لكم التوفيق بالبزنس اليديد :a034:

وبالنسبه للصبايا ... يبالكن مخاوير عشان تواكبون جيل الهويه الوطنيه ...

أغلب مخاويري عند بوسالم بشارع المرر.... شغله ما عليه كلام

وبعد بسوق المخاوير بالشارجه صوب مركز ساره وغرناطه وربعه

وفي بوظبي مخاويرهم حلوه بس أسعارها توووومتج الحين :3:

وبراك .. الشارع لكويتي متروس مخاوير فاتنقي واختاري وفصلي ...أشياءهم حلوه :fa35:

ومشكوره يا طير الحب ويا مهابه على الصور الغاويه ....:a074:

[أمطار]

ييـّــــهاا ..
ييتي ع العــــووق ..!

بصراحة ماي كلوزت 3 ارباعها مخاااوير ..
صورتهم لكن بحطهم بعدين ...


ووو طبعاً كل مخاويري في العين ..
عمارة المويجعي ومرات عمارة زاخر .. وحارة المناصير ..!

^.^

[شمعة أمل]

ماحب البس مخاوييرر عندي يمكن بس 5 .. عكس خواتييي كم من يوم في الاسبوع يلبسون

أعرف انه اختي تفصللنا من فريج المرر وخياط من العين ايي بيتنا بس ماعرف شو اسمه:4:

[وحي القلم]

حلم الطفوله

ممكن أحط الاسامي بدون الصور؟؟

تدرين بالهيازه شو تسوي :4:

عندج داليا و الصيري و بو سالم كلهم في فريج المرر

.
.

تحفه


عندج خدلج بعد على نفس شارع كباب استاذي صوب فريج البستكيه شغله ححححححححللللوووو

هالسطر قريته كمن مره عشان أفهمه :fa46:

[حلم الطفوله]

عافان الله !!!

محد يحط صور مخاوير :(

زعلتوني

[الجنيه]

افا يا حلمي لا تزعلين ممم عاد انا يدوه معروفه ما اعيش بليا مخوره واتم اتفنن احب روحي اختار القطعه طبعا بعد ما امر ع المحلات اشوف التخاوير شي من التخاوير ما يبا لها قطع مشيره ع الساده احلى اموت ع التلي وامس مسويه حملة وطنيه ع بنات اختي الصغار ماخذتلهن خامه وخورتها وطقمنا يوم الجمعه هع هع اخوي يقول ذكرتيني بايام الثمانينات يوم كنا كلنا الخوات الست نلبس نفس الرقعه ويا امي ومرت عمي وبنات عمي *_* اذكر بوتيله لونها بيج والنقط حمرا الله يرحمه ابوي ماخذ طاقه كامله للعايله الكريمه

الصور ان شاء الله يوم ارجع البيت بحطهن لج بس ما حبيت اظهر من غير تعقيب *_*

[قصايد غلا]

http://oasis.bindubai.com/bin/uploaded/7683_01215117692.jpg

[قصايد غلا]

هالكندورة وااااااااايد تعيبني :fa41:
أحس بها مال البنّوتاااااااااااات صدق :k_harhar1:===> خس الله الوصف



http://oasis.bindubai.com/bin/uploaded/7683_01215117852.jpg

[شوق البدو]

^
^
قصاايد غلا عيبتني هال مال بنوتااااات

حبيتها

انا من كم يوم سايره افصل لي مخاوير للعيد وهااااي كااااااانت اول مره لي اسير واختار

بالعاده امايه الله يطول بعمرها تاخذ القطع واتفصل برووحها لكن الحين فضينا بنخور لعمارنا هع

وخورنا فشارع الكويتي فراك ما اعرف اسامي المحلات اللي اعرفه انه نمشي عنفس السيد ونخور

عند كل واحد كم من وحده هع


يوم بيخلصن بحطهم لكم





....

[قصايد غلا]

^ فدييتج ما تغلى عليج ، ما جد لبستها :14:

[حلم الطفوله]

واغميييييييييييييه على هالمخاوير يا قصوده ....صدق إنهن بنوتيات :)

تتهنين بلبسهن إن شاء الله

شوق البدو .... بنتريا المخاوير وياج ما ورانا شيء :)

[قصايد غلا]

تسلميــــــن حبيبتي أبلة حلم :a050: ...

[دمعة شوق]

الله محـلى الكـنـاديـر والطبـعـه
اااااحلى شي عندي الكنااديـر
،،
أمسـات رايحه افصل للعيد وللبيـت
وبصـور اللي عنـدي إن شاءالله
،،


وأحلـى الشغـل عندنـا فـ الـعيـن


فـ المسـعـودي
غـانـم
الوفاء
وعداالهم واحد صدق جناااان يعني كلهن فـ نفـس الكبـره
//


المنـاصيـر
السـعـيد و والخيايط اللي هنـاك
//


زاخــر
الشـاكـر ، أبـوفـرج ، والخيايط اللي هناك

[دمعة شوق]

نص بنات اليوم ما يعرفون شو هي المرتعشه و المريه للاسف
فضل عنهن .. جاان اعصب
:mad:




مـش الكل يـا صـريـح
:mad:
نـحـن اذا مالبسـنـا كنـاديـر نحصلـلنـا هزززبه محتـرررمه
وقصورنا انتـم مترصصـات فـ البـيت
:boxed:
\\
والله يـقـصـبـونــا قصـااب
:a049:
خخخخ

[مزن هتان]

مخاوير


1. ذول الحبال من ورى بعد
http://oasis.bindubai.com/bin/uploaded/447_01221959097.jpg (http://oasis.bindubai.com/bin)

2
http://oasis.bindubai.com/bin/uploaded/447_11221959097.jpg (http://oasis.bindubai.com/bin)

3
http://oasis.bindubai.com/bin/uploaded/447_21221959097.jpg (http://oasis.bindubai.com/bin)

4. مالتي حق ثاني صباح العيد
http://oasis.bindubai.com/bin/uploaded/447_01221959367.jpg (http://oasis.bindubai.com/bin)

أول ثلاث ماليل أمي
و اربعتهن في فريج المرر عند خياط شهد قريب بوسالم

[شوق القلوب]

غريبه هذي ام الحبال... طالعه حلوه في اللبس مزن ..؟؟؟

ماشاء الله المخاوير كلهم حلويـــــن...

..

هالعيد.. انا بعد امسويه كمن وحده عند بوسالم..

[مزن هتان]

اي طالعه حلوه، شوق هذي قطعتين الأولى مفصصه
و اللي فوق شيفون أم حبال و الاكمام بعد حبال
و من تحت شي فتحتين من الشيفون محدده بحبال بعد

[تحفه]

بالعافيه عليكم جميعا .. اكتشفت ذوقي في الجلابيات اكثر شي مغربي .... عاد انا احب الفخامه الي في الجلابيات المغربيه XD بس بعد ماحب البس جلابيات

[حلم الطفوله]

ما شاء الله على مخاويرج ..... غاويات

بس الأولى غريبه !!! ومب قادره أتخيلها في اللبس ....أكيد بتطلع مميزه :)

[قصايد غلا]

ملبوس الهنا يا مزن :)

أنا أحــــــــــب الكنادير المغربية بشكل فظييييييييع :k_blush-anim-cl: ، لكن ما لي غنى عن المخاوير الخفاااااااف

المغربيات الخفاف أحب ألبسهن لكل وقت ، لكن المغربيات اللي فيهن شغل وايد ألبسهن في العزايم لو مالي مزاج ألبس البدل و لو عرس في البيت ألبسهن بــعـــد

لكن المخاوير أحب ألبسهن يوم حد ايّينا البيت أو نقيّل في بيت حد من هلنا أو يوم أكون طالعة مرات ألبسهن =)

بس حظي عاااااااااااثــــــــر هالمرة لأن كل كناديري اللي فصّلتهن موووووول ما يناسبن عبيّه مال العيد :k_sadwalk:

[مــهــابه]

ملبوس الهنـا مـزن


وانا للحين ماشفـت مخوراتي ، اصلاً ماحيد كيف شكلهن ، بس احيد انه لون وحده منهن [ تركوازي ]

[مزن هتان]

تسلمون
أنا أحب المخاوير، بس بالنادر ما افصل :fa46:
و جان الا فصلت افصل وحده و الا ثنتين
تعودت عـ الدراريع :smile2:

بس المخاوير أحلى عليه لأنيه مليانه :h_ttmasha: