هدية سمو الشيخ خليفة للمواطنين فقط...

[مايهزك ريح]

وصلني ايميل ..
وقلت بسألكم إذا هالكلام صدق ولا جذب ..
وطبعا المعلومه بتتأكد من الناس اللي عايشين في العين !

نص الإيميل ..




هدية سمو الشيخ خليفة للمواطنين فقط...

بسم الله الرحمن الرحيم.....




يسرني أن أبشركم بصدور أمر من صاحب السمو الشيخ خليفة بن زايد آل نهيان-طووووول الله بعمره- بمنح بطاقة صحية للمواطنين فقط...

امتيازات البطاقة...
تستخدم هذه البطاقة في جميع عيادات و مستشفيات الدولة الخااااااااااااصة
و يتم خصم 90% من سعر العلاج عند إبراز هذه البطاقة..يعني بس تدفعون 10%....يا بلاش والله...
و الشي الاروووووووووع عن هذا انكم ما تدفعون شي بالمره إذا استخدمتوها في مستشفيات و عيادات بوووظبي الخاصة....

مكان إصدار البطاقة....

في هيئة أبوظبي السياحية -منطقة عود توبه في مدينة العين -شارع البنوك-بجانب 711 للمفروشات...

الاوراق المطلوبة:
-صورة شخصية واحده
-نسخة من خلاصة القيد
-نسخة من جواز السفر
-بالاضافة الى جواز السفر الاصلي
-خلاصة القيد الاصلية..

و لا يشترط حضور الشخص نفسه يعني بامكانك اطرش اي حد



فنصيحة الحقوا قبل الزحمة..و عفكرة اكتشفت أنه ناس وايد مسوينها و ما نشروا الخبر...عافانا الله حسااد..



والعهده على اللي كاتب الإيميل :10:

[قصايد غلا]

أول مرة أسمع بهالشي :look:

[مايهزك ريح]

انا بعد عشان جيه قلت بسأل يمكن حد ايعرف !

[عهد الوداع]

ربيع اخويه اتصله البارحه وقاله عن الخبر ,.,, وانه سار وسوا البطاقه ...بس في بوظبي والعين ...

و لا يشترط حضور الشخص نفسه يعني بامكانك اطرش ابوك او اخوك عادي..

[أنامل قلب]

:
.

السلام عليكم ..

اممم اظني الوالده قاريه الخبر ..
بس ما أذكر أي مجلة ولا أي جريده بالضبط .. !

يعني توكلوا على الله ^_^ ..

:

والمعذره ..

:.

[خطايــا]

هي سمعت انا عن هالسالفه ... الكل يرمس عن بطاقه التأمين الصحي ..!!

ربي يطوول بعمر الشيخ خليفه ما قصر :) ..

[إسهر معي ليله]

هالكلام صحيح،، وهذا هوه الخبر

http://www.emaratalyoum.com/CS/Articles.aspx?HeadlineID=9219

[صريح]

حسب ما وصلني

البطاقه لمواطني امارة ابوظبي
و ممكن للمواطنين من باقي الامارات يطلعونه
:laugh:

[ملاك الروووح]

:

أنا بنت عمي تداوم ف دايرة الصحه ف بوظبي ..

وقبل لا يعلنون عن الخبر كانت قايله لنا .. انه على اساس حق هل بوظبي بس ..

لكن تفاجأت من فتره أخوي يقولنا ييبوا جوازاتكم وجيه بسوي لكم بطاقات صحيه ..


طلع مودي أوراقه هو وحرمته .. ومسوي له ..

وشل أوراقنا أعتقد عشان يسوي لنا بعد :11:

بس طبعاً التأمين ما يشمل كل شي ..

يعني في كيسات يحددوا لكم مبلغ معين للعلاج واذا تعديتوه تدفعون الفرق :14:

:

الله يخلي الحكومه

ويحفظ بنا الشيخ خليفه ..

:inlove:

[تحفه]

قرار انساني 3>>

الله يطول بعمره وفي ميزان حسناته :)

أحب بوووووووووووووظبييييييييي ييييييييييييييي والله شكلي بعيش في بوظبي 3>

[ايه احبك]

ياليت يحسون فينا نحن هلدبي ويسون لنابعد <_>
انا اول مره اعرف عن هالبطاقه وذا صح الخير
ثانكس فور شيرنغ يا ما يهزك ريح ^^

[عهد الوداع]

ايه احبك

فديتج حق كل المناطق ...

[مجموعة إنسان]

بتريا ابوي الصبح !!
وبشوفه لو مو مسوي بسير اسوي اليوم
بروحي الحين من 6 سنين ما عندي بطاقه صحية

[مايهزك ريح]

مشكورين اخواني ..على الردود ..
والله يخليكم اللي يطلع البطاقه يسأللنا اذا يستوي حق هل دبي ولا لأ ! ..
و وين بالظبط المكان .. ^_^

[ملاك الروووح]

هلا مايد ..

هيه يستوي حق هل دبي ..

يوم الخميس أخوي سار يسوي لنا .. في العين ..

بس بسأله وين بالضبط سار ..

:biggrin:

اتخيل النحااااااااااااسه

أنا جوازي كان وياي على أساس كنت سايره البنك أخلص معامله وجيه ..

وأخوي شل جوازاتنا اللي عند أمي وجنسية الوالد ..

وشل جنسية أخويه ونسايبي وعيالهم وجوازاتهم :biggrin:

ترى يستوي تسوي حق غيرك ..

والصبح اتصل بي اونه ملاكوه وين جوازج قلت له وياي

قالي بارك الله فيج :biggrin: راحت عليج عيل .. ماشي بطاقة صحيه

كنت بصييييييييييييييح :fa43:

اذا سرت تسوي لكم مايد قولي بطرش جوازي وياك هع هع


:

فديته أخوي وصل هناك ثالث واحد وما كانوا فاتحين الباب ..

عقب شوي استوت الزحمه والناس يدزون بعض استغفر الله اتقول في الحرم ..

يوم سار هناك عطوه هالأرقام : 10 : 11 : 12 : 13 .. ويا دوره جيه ع الساعه 9

ويووووووم يا دوره .. قالوا له والله نحن ما نبا الجواز الأصلي ..

لازم صوره منها !!!

وما يصورون هم هناك .. لازم تروح المكتبه وتصور ..!!

وطاف عليه الدور يوم رد عطوه 100 وشي وثلاثين :k_puppyeyes: فديته تم يتريه وايد ..


ف من الحين أقولكم .. صوووووووووروووووووووا الجوازات والجنسيه ..

ما يبون الأصليات !!

[مجموعة إنسان]

امس سألت ابوي

طلع مسويلنا وانا ماعرف !!

بس اللي خاص في أهل بوظبي هو ( ثقه )
لان الضمان للكل
بس ثقه خاص لأهل بوظبي


هذا اللي فهمته من أبوي

[قصايد غلا]

يعني طلع هالشي صدق :fa42:

عاد انا سووها لي ولاّ ما سووها عادي ما تفرق

مادري من كم سنة ما جدّدنا البطايق الصحية مال مستشفيات الحكومة :doh:


ما أحب أتعالج إلاّ في المستشفى العسكري :yes:

[دمعة شوق]

الخــبر صحيـح ،، بـس مادل اذا بس لهــل بوظبي والعيـن .!!
"،"

الله يـطــول بعمــره
^^

[دموع قلم]

مـايهـزك ريـح ..

تسلـــــم عالبشارة الحلوة, عسـى الرحمن يبشـرك بالخير دوووم ..
وربي يحفـظ شيخنـا وأبـونا خليفـة بن زايـد ويطول بعمـره ..
.
.




مجمـوعة إنســان ..

كيـف يعني الضمـان لكـل المنـاطق .. والثقـة لأهـل بوظبي ؟؟
وووأهـل بوظبي يعني اللي جوازاتـهم من بوظبي.. ولا اللي عايشيـن ببوظبي ؟؟



ووويـزاكم الله كـل خير ^_^

[مجموعة إنسان]

جوازاتهم بوظبي !!

[شوق القلوب]

السلام عليكم..

همم.. يعني حق جوازات بوظبي..
بس منو بيوصل للعين يسوي..!!! جان خلوه في بوظبي..!

[مجموعة إنسان]

لالا
يسونه في مدينة خليفة الطبية

بوظبي

[عايش وهم]

السلام عليكم

للأسف ليس الخبر مفرح

إنه وجه من وجوه الخصخصه

اليوم ببلاش و غداً سترتفع نسبة تكلفة العلاج من 10% حتى 70% تدريجياً عام بعد عام دون أن يشعر المواطن أنه تم رميه على عاتق القطاع الخاص .. ليواجه مصيره بنفسه .

و هنا لاحظ معي التطورات على ذات الصعيد .

http://www.emaratalyoum.com/CS/articles.aspx?HeadlineID=9878

[دموع قلم]

وعليكم السلام ورحمة الله وبركاته


يــااااالله ..

ليـش جيه ..؟!!
على شو ناويين ..؟!!

..!



اللهم اكفنا شر الظالمين ..
اللهم اكفنا شر الظالمين ..

[وحي القلم]

(( مع تولي الشركة الأميركية ـ التايلاندية مهمة إدارة مستشفى المفرق بدا واضحاً التفرقـة في التعـامل مع الممرضـات العرب، خصوصاً في الدرجات والمهـام الوظيفية ))

بلادهم استوت تراها :a046: