نظرتكــ اتجاه البنت الكرويه

[فركوشه]

السلام عليكم

شحالكم شو امسووين

.

المهم نخش فالموضوع على طووووول

.

في مباراة نهائي كاس رئيس الدوله اللي كانت مصخره
مبروك للاهلاويه وحظ اوفر للوصلاويه

:glare:

المهم قبل المباراه الصبح كنت اقول حق بنات كلاسي شوفو النهائي اليوم
يت وحده وسألتني سؤال..انتي ليش تشوفين كوره وهالسوالف



قلتلها كششخه وتحسين انج فـ جو منافسه

:fa51:

قالت لي لا يكون شذوذ..!!
:k_shock_1:
لانه الكوره بس للرياييل
وانا لما شفت مباراه لاعت جبدي ليش تحبون تشوفون

انا ويهي صار
:boxed:
ماعرفت شو اقول ولا شو اسوي
المهم قلتلها ممكن تضييع وقت
:fa46:

.

لا يكون الناس جي بعد
اذا البنت تشوف مباراه يقولون عنها شاذه
:crazy:

[ملاك الروووح]

عليكم السلام ورحمة الله وبركاته

:

اشحالج فركوشه ؟

عساج طيبه ؟

:fa34:

:

مشكوره لأنج طرحتي ه الموضوع للمناقشه ..

لأني من زمان كنت أبي أعرف راي الشباب ف هالموضوع ! :h_daleel:

بالنسبه لي أنا ..

ما أشوف انه الكلمه اللي قالتها ربيعتج منصفه !

يعني مب لهالدرجه :3: !!


أنا أشجع نادي العين .. وأحب اتابع المباريات ..

بس مب اني مدمنه ومتعصبه وأضارب الخلق

وأسير أحضر مبارياااااااااات !!!!!!! :3:

لا بس أستمتع وأنا أشوف المباريات ..

عندي اهتمامات وتوجهات كرويه :biggrin: ..

وما أشوف انه هذا عيب أو شي ..

بالعكس ..

أحس انه نايس تشاركين ريلج باجر مثلا اهتماماته ..

وما تيلسون تضاربون .. هو يبي يشوف مباراه وانتي تبين اتابعين مسلسل :biggrin: لووول


بس مب اني أكون تو متش ..

شرات التيم ليدر مالنا الله يستر عليها << أسميج فضحتي هالحرمه :biggrin:

يعني هي من النوع اللي وايد متعصبه

واتضارب الشباب في الدوام .. ويوم فريقهم يفوز تسبل ف عمرها ..

وتلبس كل شي أصفرررررررررر .. واتي وتيلس تغني أصفر أصفر أصفر جدام الخلق :boxed:

ف أحس مول مب حلوه .. شكلها غلط يعني ..

مب حلوه ف حقها ..

أنا انحرج بصراحه !! :9:


في ناس يستنكرون متابعة البنت للمباريات ..

على اساس انها مب من اهتماماتها .. تكون من اهتمامات الشباب ف اغلب الاحيان ..

بس في ناس عادي كول ..



ف أنا أتريه راي الشباب ف هالموضوع ..

عادي عندهم هالشي .. ولا يحسون انه شي غلط !! :m_afaker:

[مزن هتان]

عليكم السلام و رحمة الله وبركاته
منوّره فركوشه

أنا بعد يوم اتحجى عن سوالف المبارايات جدام رفيجاتي
اونه شو صبيّك <<< موووول ما يخصه

أنا و خواتي نتابع المبارايات و صج نتحمس من الخاطر
يعني مثلا عادي اذا دخلوا علينا قول نصيح و ندعي عليهم
و نغربلهم، و احيان يصادف نشوف مباره بيت يدتي
أنا و خواتي و خوالي تلقون باقي الحريم كلهم فوق، يقولون
حق أمي أون متأكده انج يايبه بنات. !

أخواني وايد يعيبهم يقعدون معنا عشانا نندمج بسوالفهم
حتى خوالي و عمومتي.

[كـلـكـلـووش]

ممممم .. أعتقد يحق للمرأه متابعة الكرة و تشجيع فريقها المفضل .. بس ما اظن ان لها الحق انها تمارس هالرياضه .. لإنها رجالية و فيها خشونه و فيها جهد .. و هالاشيا تنطبق على اطباع الرجال و ليس النساء ..

اما بالنسبه للتشجيع .. اشوف انه عادي .. بس اذا هي في بيتها و ساتره على عمرها .. بس تسير النوادي و تيلس تناقز جدام الخلق !

هذا رأيي

[بنت الدلع]

هاهاها
she's
tomboyish =p

[أنامل قلب]

:
.

السلام عليكم ..

امبلا صح البنت اللي تحب سوالف كرة القدم شاذه .. !

ههه اسولف :)
بالعكس مع اني ما اميل لكرة القدم ابدا .. ولا بميل له الا بحالة وحده فقط ..
لكن كون البنات ممكن يميلون لهذي اللعبه فهي بالنهاية ميول ويعتمد عالمحيط كذلك ..

يعني خاصه عدنا بالامارات .. وكأنها صارت موضة العصر .. :fa46:
لكرة القدم وزن ثقيل ويعمل له حساب كبير من قبل الاعمار كافه بكلا الجنسين .. !

مابتكلم عن الشغلات اللي احسبها تجذب بعض البنات لهاللعبه ..
لكن اكيد مثل ما ذكر اخونا كلكلوش .. لهذا الانجذاب حدود ..

واعتراض البعض حول حب الفتاة لهذي اللعبة ممكن يكون لنسبة الخشونة اللي ابها ..
وهذا الأمر مرتبط بكل أنواع الرياضه التي تحوي نوع من الحدة بشكل أو بآخر ..

مع العلم بإن سبب انجذاب الفتاة مختلف عن سبب انجذاب الشاب .. !

:

لا هان الرحمن قدرج اختي ..
وابقي بتواصلك هنا قريبه ..

احترامي ~
اختج أنامل قلب ..

:.

[شمعة أمل]

ممممم موضوع حلو..
عن نفسي ماحب أتابع رياضه على التلفزيون.. أفضل أمارسهـا
in general محد في بيتنا يتابع كوره.. ف يمكن عشان جي انا بعد ماحب اتابع.. ماروم اشوف تلفزيوون واتابع كوره.. مادري احس ملل

بس طبعا كلحد غيـر.. وانا متعوده اشوف بنات يتابعون كوره.. اسبشلي بنات المدرسه.. ياربي شوو يسون حشره في المدرسه وينافسون بعض.. لدرجه انه يوزعون ماي نادي الوصل.. وكنت أتحمس وياهم واشجع الوصل.. مع اني من هناك لا اتابع ولا اعرف شي.. بس تغيير جوو ووناسه الصراحه


فـ رايي
أحس انه عادي البنت تشجع & تلعب كوره.. بس مب جدام الخلق.. يعني صدمه يوم تشوفون بنات عـالتلفزيون يشجعون كوره ويصارخون والمكان كله شباب
بس اذا بتشجع في بيتها عادي شو فيها؟؟ واذا بتلعب في بيتها ولا في المدرسه عادي شو فيها؟؟ عادي.. اصلن لعب الكوره ويا البنات صدق مصخره ووناسه.. احيد ايام المدرسه ماكنا نضحك في رياضه كثر الكوره .. لانه نركض وعبالنا شتنا الكوره آخر شي نكتشف انه الكوره في محلها وماتحركت:surrender: فـ يعني يغيّر جو وكلحد يستانس

وأهم شي الضحك والوناسه في هالـ زمن

[حلم الطفوله]

شمعه أمل .....صدق إنج صديقتي !!!! أنا ما يخصني بالكره موووووووووووووووول

بس يوم يستولون على التلفزيون أنجبر أتابع إشوي ... صدق صدق شد أعصاب !!

مع إنه عادي البنت اتابع المباريات بالبيت وترتبش ويا إخوانها وعايلتها ....بس توصل لدرجة الصريخ يوم يدخلون الأجوال مثل وحده الله يستر عليها .....يا بوج بلعومج اختفى !!! ( عدنا وحده فاضحتنا بالفريج )

لا والحلو بسوالف الحريم ...إنه تشوفين حرمه أم عيال تلغي كل ارتباطاتها والعزايم العائلية يوم امباريات المنتخب

يالله .... إن شاء الله يفوز المنتخب

[شمعة أمل]

صديقتييييييييييي

تدرين نحن الى مانتابع مانروم نفهم شعوور الى يتابعون
يعني اذا الريايل تحصلينهم يصيحون شو تتوقعين من البنات؟ نحن حسّاسات اكثر

[ملاك الروووح]

^

^

تدرون ذكرتوني بأيام الخليجي !!!

يااااااااااااه صج كانت أيام حلوه

والفرحه كانت غيييييييييييييير !!

:inlove:

:

صحنا صياح هاك اليوم .. :biggrin: في النهائي ..

شلق وصريخ وصياح في البيت .. الشغالات زاغوا لووول


حتى اختي حليلها كانت مربيه في المستشفى وما سرنا لها ..

قلنا لها اسمحي لنا مباراة المنتخب والفاينل ... وسرنا لها ثاني يوم :biggrin:

صج ما نستحي على ويهنا صح !!


فدييييييييييييييت المنتخب والله ..

ان شاءالله يفرحونا ونتأهل حق كاس العالم هالمره بعد !!

:m_9afgah:

[حلم الطفوله]

إن شاء الله ملووووكه

[ملاك الروووح]

^^^

ياااااااااااااااااااااااا ااااااااه هالاسم !!

( ملوووكه )

ذكريااااااااااااااااااااا ااااااااااااااااااااااااا ااااااااااااااات

:fa41:

:

[قرموشة]

انا اذا تابعت مباراه كره قدم تستوي مصييبه لول !
>.< وايد أتحمممس خخخ مع العلم اني ما أشجع أي ناادي .. ! كل مره ويا حـد P= وعلى حسب المباراه نفسها


وبصراحـه هـ السمستر .. كنت كل أثنين وأربعا أسير نادي الجامعه وألعب كره قدم في المرتبه الأولى ! بس لعب بنات يعني ! >.< مال طفاسه شوي لول
على قوله ربيعتي .. يوم كره القدم موجوده ما أعترف بـ باقي الالعاب خخخ !
فـ أشوف انه عادي البنت تشجع .. أو حتى تلعب كره قدم ما دام المحيط بها أهلها أو مجرد بنات حالها من حالهم =)

[فرح ناز]

فركوشه هذة البنت اكيد ما تحبج شلون تقول كلام مثل هذا

ماله علاقه ..

انا صح مااشوف مباريات حتى المباراة مالت هذة كاس خليج الي الناس مسوين عليها حشرة ما شفتها لول

بس اذا وحدة ربيعتي قالت انها شافت مباراة ما بقول عنها جذي (لانه موضوع عادي)


الا اذا البنت راحت تشجع .. حتى في هذة الحالة مابتكون مسترجله او الي خبري خبرج .. هذة بنت ما تستحي لول

البنت الشاذة تبين من تصرفاتها والبنت المسترجله بعد

بس تشوفين مباراة كرة قدم على التلفزيون عادي مافيها شي :shutup:

[وحي القلم]

صح أنه ما يخصني فالسالفه و لا أحب الكووره :k_harhar1:

بس حبيت أقول لج.. ما عليج منها.. طنشي اللى قالته دام انج عارفه أنج مب غلطانه

و بعدين شو هالتفكير :7: .. هاي شكلها امخرفه :crazy:

[الاسطوري]

أنا شاب ومايهمني أتابع المباريات يعني عادي أشوف أحضر أشجع وعادي أسوي طاف ولا أفتكر ولا أسأل عن
النتايج حتى ماتفرق وياي وأحس ماله داعي الواحد يحرق أعصابه ويتنرفز ويسب
ويكسر ويضرب ويتعكر مزاجه وعادي يحلف بالطلاق
عشان اللاعب فلان يابها
على العارضه في آخر دقيقه وضاع القول، في النهاية هي رياضة لا أكثر بالنسبة لي وماتسوى اللي الناس
يالسين يسوونه عشانها وأقصد المشاكل اللي تصير بين الجمهور واللاعبين
والحكام سواء في الملاعب أو برع عيل حد يضرب
أخوه عشان فريق فاز
أو خسر
:boxed: