تسخن موتركـ ..؟

[صدى جوفي]

السلام عليكم ورحمة الله وبركــاته ..


http://www.assayyarat.com/forums/image.php?u=16010&dateline=1183118246


تسخن موتركــ ..؟





لابد لك من تسخين المحرك قبل التحركـ.. لأن لها فوائد عديدة (شيقة ومفيدة) :




اولا,,’’ الزيت في المحرك قبل التشغيل يكون باردا ،




وكفاءة الزيت تزداد كلما تعرض للحرارة




لان هناك جزيئات في الزيت تزداد فعاليتها وتكون قادرة على منح الزيت اللزوجة الكافية :sleepy:




لتقليل احتكاك قوالب الحديد الموجودة داخل المحرك من بساتم وحلقات وتروس وغيرها




وكلما زادت الحرارة كلما زادت فعالية الزيت اذا كان جيدا طبعا..... (فيزيا يمكــن)




لذلك ترى ان السيارات الجديدة يكون مؤشر الحرارة في المنتصف حتى يحافظوا على المحرك فترة اطول باذن الله




والوقت تعرفون من ألمــاس .. فـإن كنت مستعيل فعليكـ بـ كركـ :14: وانت تسخن السيارة أو عليكي بـ تشطيبات الـ :a100: .. ولو كنت أو كنتي من :k_wheelchair: مــا عليه خلي حد يسخن السيارة لين مــا توصل السيارة :k_harhar1:




ثانيا ,,’’لابد من تجهيز المحرك للعمل الشاق




وذلك بتسخينه بعض الوقت حتى تسمح للمعدن داخل المحرك بوجود الزيت بالتمدد




حتى تجنبه التاكل وبالتالي حصول فراغات في الحلقات تسمح للزيت بالدخول الى غرفة الاحتراق




وبالتالي ظهور الدخان الذي يخرج من العادم ..




سؤالي .. هل كــل السيارات تحتاج إلى تسخين؟ وشو من السيايير ما تحتاج لــ تسخين..



وسلامتكم ..

منقول للإفادة مع بعض اللمسات الايحائية :a033:


صدى ..

[شرجاوي]

كل السيارات تحتاج للــ تسخين

[الهيثــم]

أنا حدي دقيقتين ... وسيااييرنا كلها جي ...
ما نيلس نسخن الموتر 10 دقاايق ولا 5 دقاايق ..

والحمدلله كلها ومن يومها تأدي وااجبها على أكمل وجه ...

[الاسطوري]

وعليكم السلام ..

"صدى جوفي"

النظام الجديم كان بان الحراره لازم توصل للخط الثالث وعقب تغير صار بس في خط واحد، بعض
السيارات اليديده من الوكاله يقولون لك لاتسخنها وعقب خمس ثواني
من التشغيل بتسمع صوت المكينه
يخف بعد ماينزل
الـ RPM وتقدر تتحرك ، عن نفسي أسخن السيارة دقيقتين في الحالات الطبيعية وأيام البرد قبل
كنت أسخنها 3 دقايق اما طبعا في الحالات اللي اكون فيها مستعيل
لا اسخن ولا شي ادق سلف واشغل
المكيف وريس كامل

الاســـطـــوري
أخوكم

[حبوبه دبي]

لــول !

انـا اطلـع دووم متـأخــره :fa55:

مـاعندي هـ السـوالف .. انا نـاقصـة تـأخيـــر !


:nerd:

.

[مجموعة إنسان]

موتري اخليه يدور 3 مرات عالبيت عقب يسوي ضغط وبطن عسب يسخن

مافي دلع للموووتر
خله يكرف
يتأدب
عسب ما يدلع
على طووول شغل وروح

[خنفروش]

موتري اخليه عقب يسوي ضغط وبطن عسب يسخن :hysterical:




مافي دلع للموووتر
خله يكرف
يتأدب
عسب ما يدلع
على طووول شغل وروح :hysterical:


حسبي الله على ابليسك .. جتلتني مالضحك ..


و على جيه .. ماشي تجييك ولا شيات .. شو هالدلع بعد .. :hysterical:

[المزوحي]

انا اسخن الموتر 5 دقايق تقريبا ومرات 8 دقايق،

[مزن هتان]

أحيد أيام النيسان ادق سلف و انطلق
بس الخسفه اللي عندي الحين اسخنها
بس من اسبوع استعيل فـ ما اسخنها

أيام الشتا الوالد يزخني زخه الا اسخن الموتر بالاول

[مجموعة إنسان]

مزن ..
سؤاااال

شو الخسفه ؟
لا يكووووووون مال الإجار هع

[صدى جوفي]

سيــارتي الجديمــة كنت صدق كارفتها كرااف وطااااف لل تسخين .. بس اليديدة مــا أعرف حد يقوللي يبالهـا تسخين وحد لا .. << بأمشي عالــلا طبعــاً .. أسهل .. عسب جي مسوية البحث .. وبدق عالوكــالة أضمــن

اللي عرفتــه الـ BM ما يبــالها تسخين بس الــ لجزس والباجي مـب متأكدة ..

:8: لكل من مر هنا ..

صدى

[الزرعوني]

انا اللي اعرفه ان السيارات اليديدة خلاص ما يبالها تسخين

البي ام يقولك .. لا تسخن السيارة ..


انا عن نفسي اشغل السيارة و اسير اتريق ( ريوقي خفيف ) يعني مال 5 - 8 دقايق

[مزن هتان]

مزن ..
سؤاااال

شو الخسفه ؟
لا يكووووووون مال الإجار هع

اي إجار ؟
لا أنا أقصد الكامري مالتي
أدريبك تتطنز بس بطوفها
لا تقول عنها خسفه ما أرضى أنا !

[الاسطوري]

أعرف واحد الله يستر عليه لازم يسخن السيارة لين الحراره ترتفع مع ان السيارة
تطول وايد حتى لو كان مستعيل ومايشغل المكيف إلا
إذا كانت السيارة حاره ولو كان
يمشي
مايشغله لازم يوقف ويحط القير في الـ N عقب يشغله، صدق اتعب نفسيا يوم
اركب وياه احس السيارة مهما جدمت تظل بالنسبه
له يديده (وراحـتـهـا) اهم
من راحته
:bash:

[مجموعة إنسان]

يخرب بيييييته

هذا شووووو ما يخاف عالموتر !!!
بس شكله موتره بيخترب بسرعه من زود الدلع

[شوق القلوب]

السلام عليكم..

والله عطيتيني معلمومه قيمه.. كنت استغرب من سالفه تسخين السياره ..!

يلا.. عقبال ما انســـوق.. عشان انعرف هالسوالف... ^_^

[شرجاوي]

غلطان من يقول السياره ما تحتاج للتسخين .. و ربيعك يالاسطوري موتره اكييييييييييييييد مافيه شي و مثل العسل وياه

[مايهزك ريح]

انا ادق سلف واتريا 3-5 دقايق عقب اتحرك .. ^_^

[الاسطوري]

ربيعك يالاسطوري موتره اكييييييييييييييد مافيه شي و مثل العسل وياه


ياريال إسكت الموتر صار له كم سنه
وللحين مقرطس
:doh:

[شرجاوي]

ماشاءالله .. الله يعطيه خيره

[بو عمير]

يا جماعه السياره إذا ما اسخنها وعطيتها ريس تقعد تنتفض جنها بتبند
لازم إسخنها بس شوي ما الدقيقتين