]..رســـائل ..@ ..بــريـــد ..[

[مايهزك ريح]

رسائل تصلنا كل يوم .. :vertag:
قد نعرف اصحابها وقد لا نعرفهم .. :a116:
وقد تشدنا عناوينها .. :a049:
و قد نمسحها بمجرد وصولها وذلك لعدم معرفتنا لمرسلها شخصيا !
تختلف الرسائل .. من واحده لأخرى .. :10:
فمنها المضحك ..ومنها المبكى .. :smile2:
وبينها ما هو دعاء .. أو آيه قرآنيه ..
ومنها ما لا اريد ان اتحدث عنه :doh:
أحيانا استغرب من كثره الرسائل التي تصلني بالبريد .. :3:
ومن يقوم بكتابتها .. وما الهدف من بعضها .. :k_special2:
.
.
.
.

افكاري مشتته .. :k_nono:
.
.
.
.
.
.
هي رسائل احيانا تترك بسمه .. أو حزنا
واحيانا .. تتركنا في حيره .. :boxed:
واحيانا اخرى تبقى حروفها عالقه بأذهاننا .. :k_shock_1:
قد نغفل لحظه عنها ..ولكن سرعان ما تعاودنا حروفها .. كطيف عابر !
لنجترها .. كمشهد سريع يمر من امامنا في لحظات .. !

ترى .. :k_icon9:
هل للحروف التي نقرؤها وقع .. نسمعه !
أم هل للحروف لحن تعزفه .. وتجبرنا ان نصغي إليه .. :whistling:
أم ان الحروف تترك أثرا .. كنقش في حجر ..
.
.
.
.
.
.
.


قد أعود ..
أو لا أعود ..
لأكمل حديثي عن الرسائل !

[المزوحي]

نعم

رسائل توصلنا،فالذي نحب أن نقرأها ومنها مانحذفها بمجرد وصولها بالبريد ...

أحيانا تكون معاده، وأحيانا تشدنا، ولانحذفها، فبين الحين والآخر، نقرأها،

فمنها تريح النفس، وتجعل يومي خفيف، ومنها ماتعكر صفو يومي،،

نتمنى لك العودة بالسلامة، وتكمل حديثك عن الرسائل ..

[مايهزك ريح]

هيه والله يالمزوحي .. :k_smile2:
بس ساعات اتغمض على الرسايل اللي تكون مطرشه لناس معينين .. وتوصلنا بالغلط .. :doh:
اذا في الدوام ارجع اطرشلهم لأنه ساعات اتكون فيها طلبات معينه ..أو اشياء سريه .. لازم نحنا ما نعرفها .. !

يمكن ارد اكمل على الموضوع .. لأني احس انه اللي دخلوا يمكن دار راسهم ومب عارفين شو يالس اخربط :birgits_giggle:

[المزوحي]

مرتين مطرشين لي، على أساس اتابع الموضوع، عرفت إنهم مطرشين لي بالغلط :4:

[مايهزك ريح]

انا عاد .. مطرشين لي مره رساله فيها قرار تفنيش موظف .. طبعا انصدمت .. >_<
وواحد ثاني يلخبط بيني وبين مدير اسمه جريب من اسمي ..
ومبهدلني من كثر ما ايطرشون لي ايميلاته .. وارد اطرشهن له ..
وغيره وغيره ..

[المزوحي]

تصلني قرارات إدارية، لكن هالمره مش بالغلط، ولكن القرارت شاملة كل الموظفين، لكن حضرتي أسوي ديليت

والسبب إني تعبت من قراراتهم، اللي ماتفيدني بشي،

[مايهزك ريح]

هيه والله .. إلا فلان رقوه .. وإلا فلان مادري بلاه .. ونحنا مثل ما نحنا في مكانا ومحد يعرف عنا .. لازم انسوي لنا Marketing ولا بنضيع >_<

[المزوحي]

عيل يبالك تطلع

أنا أبعث رساله الآن، واطالب بالديمقراطية

[مايهزك ريح]

" كلمة ولو جبر خاطر .. ولا سلام من بعيد .. ولا رساله يا هاجر..في يد ساعي البريد "

" لا تردين الرسايل ويش اسوي بالورق "

اغاني تحدثت عن نوع من الرسائل .. :k_blush-anim-cl:
وهي رسائل المحبين .. :fa35:
تحمل في طياتها .. حب وشوق ولهفه .. :inlove:
كانت في الأزمنه السابقة .. حلقة الوصل بين المحبين .. :birgits_giggle:
وتكون مختومه بالشمع حتى تصل للمعني بها ولا تقع في يد احد آخر .. :bash:
فكان الشمع يعطيها طابع السريه :vertag:

كم من رسالة وصلت حتى الآن .. من حبيب لآخر ..
وكم محبره .. افرغت من الحبر .. في كتابة هذه الرسائل التي لا حصر لعددها ..
وكم من الشعر كتب عن هذه الرسائل ..
ولا زال .. :fa46:



:8: لكل من وصل لهذا المكان ..

[الاسطوري]

السلام عليكم ..

"مايهزك ريح"

ياخي جان سميت الموضوع مايهزك ريح .. @ .. المزوحي أحس يناسبه أكثر < سوالف، بخصوص
الرسايل اللي صرت ماداني اقراها اللي هي عن الوفيات سواء على الايميل
في الدوام او بالمسجات يمكن هالنقطة تحتاج ان
الواحد يقوي إيمانه عشان
يتغلب عليها

المسجات الغريبة ماتكثر إلا في المناسبات والاعياد والواحد مابيده غير إنه يسوي
طاف بس في ناس مايصدقون حد يغلط على طول يطبقون
يامرحبا يامغلط في تلفوني
:fa44:

الاســـطـــوري
أخوكم

[مايهزك ريح]

وعليكم السلام حيالله الأسطوري ..
شو نسوي انا والمزوحي وايد اشياء في خواطرنا طلعناهن في هالموضوع ^_^

عن الرسايل .. نحنا عندنا Bulletin.. كل يوم يطرشون رساله شكل .. عزاء .. ترقيه .. تهنئة .. السيستم داون .. الشارع غيروه .. البوابة صكوها .. ما خلوا شي .. >_<
وبعد اكره شي عندي يوم ايطرشون لي فيديو حادث .. يتم في بالي طول اليوم ويتراوالي اللي ماتوا >_<

[ايه احبك]

لووول حسيت بقيمت المسجات في هالموضوع
بس انا ما توصلني الا مسجات الخصومات <_<

[مايهزك ريح]

مشكورة على المرور والتعقيب اختي ايه احبك ^_^

[خنفروش]

تدري انا من قريت الموضوع .. تذكرت اغنية عبادي .. الرسايل أصبحت ماضي دفين .. و القلم يجري على الصفحة حزين .. "حبر و ورق " ..



رساله بالـ DHL :devil:.. أنت تباني أرد عليك :m_afaker: .. استفزني صح أول :fa37: .. ولا تتبلعم ياخي :hysterical:


ريض يالطـــارش يالمـــعنى ... خــــــط بكتــــابك بترحيبـــــــه
لو ســرى بك ليللك وجنـــى ... بالدجى في الليل تســري به
وإن سـأل عنــــا له المنــــه ... قل على ماكنت تــــدري بــــه
مدعيكـــم غــــايب عنـــــــــا ... والحكم ماييوز فـــي الغيبــــه
ينبغي الإنســـان يتــــــأنى ... ويحكــم بأحكـام مصيبــــــــــه
لا تحسب الحيـــف ذا منــــا ... النصـــف نآخـــذ ونعطيبــــــــه
سو جميـــل وبلــغه عنـــــــا ... بالســــلام وألف ترحيبــــــــه
بلـــغ المهمـــــوم ماتــــهنى ... ســـاهر ليله يهــــاذي بـــــــه
يشغله بالفكـــر والظنــــــــا ... مكر وســــــواس والاعيبـــــه
حـــزن في قــلبه مخفنــــــه ... دون نــــاس خايف تعيبـــــــه
قــول له اللي لـــه المنـــــه ... عالــــــم بالجهــــر والغيبــــــه
يعلـــــم بحـــــالك ولكنــــــه ... يختبــر عبـــــده بالمـصيبـــــــه
من بـــغى مثـــواه للجنـــــه ... مارضــــى بالنفــس التعيبــــه
حــــد كل حيلتــــه يتمنـــى ... وحد حلمـــــه بيــــده اييبـــــــه
واللي يقــــول يارب آمنـــــا ... مايعرف اليــــاس والريبــــــــه
زاده القــــــرآن والسنــــــه ... وإن دعاه الـداعي يجييبـــــــه
طــارشي إن ييت قول إنــه ... على العهد والوعـد نوفي بــه

http://www.awraq-uae.com/?file_id=1

[الجنيه]

رسائل البريد الالكتروني رغم فائدتها الا ان البعض يصر على استخدامها للترويج للسخافات (عذرا ع الكلمه )

تعودنا ناخذ الغير مفيد من كل مفيد وعن نفسي شخصيا اذا وصلتني رساله مشكوكة المضمون او المصداقيه ما اشارك في التهريج والترويج

حلاة الرساله الي تحوي مضمون حلو ومفيد بنفس الوقت لكن للأسف يوميا اول شي اسويه الصبح افتح الاوت لوك ( ايميل الدوام ) واتفاجا بالكم الهائل الي واصلني من الايميلات المكرره والغير مفيده بشي *_*

ع العموم الرسايل حلوه لكن الي خربها طريقتنا في تداولها

[مايهزك ريح]

مرحبا حيالله خنفروش .. وايد عيبتني النشيده .. سيفتها .. ومشكور على الرد ..
وتعال شجايل عرفت اني اباك اترد عليه



مرحبا اختي الجنيه .. صح الواحد لازم يفكر شو الشي اللي يطرش .. وشو الشي اللي لازم ما يطرشه *_*