خبراء ألمانيا

[المزوحي]

السلام عليكم

كيف الحال ؟؟

بما إنه الصيف قرب .. اكيد الواحد بدأ يفكر وين يسافر، وفي ناس ماشاء الله، يسيرون بلدان

معينه كل سنه ... بس ربيعي اليوم قال أبغي أزور ألمانيا، ماتعرف شي عنها، أو عن الشقق ..

ويبغي يعرف كل شي، يبغي يودي هله ... لمدة اسبوعين ... :k_blush-anim-cl:


قلت له فالك طيب وبسأل لك، لأنه تذكرت الواحات يوم كان يكلمني :a049:

يعني تقدرون تقولون رحلة اقتصاديه، بس هاي ما تركب رحلة اقتصاديه ..

بمعنى أصح .. يبغي يزورها ويخاف من المصرف، فيبغي ترتيب حلو، وهيه صح كان ينشد عن اسعار

التذاكر، بس هنيه يقدر يسأل السفريات ..

[بنت الدلع]

عن اسعار التذاكر
جان يبا يسافر الحين سعر التذكره من 3500 لين 4000
اما في الصيف الاسعار بترتفع لين 6500- 7000

[المزوحي]

بنت الدلع يعني التذاكر بس يباله 20 ألف على جيه ...

على العموم أنا مابقوله لاتسير، بس أقوله عن الأسعار، وعقب هو يقرر

[بنت الدلع]

انزين خله يحجز من الحين ارخص

[المزوحي]

صح كلامج في ناس تحجز قبل بشهرين عسب فرق السعر، لكن أتريا ردود أكثر عسب أخبره،

[مايهزك ريح]

ده كان زمان .. :biggrin:
انك تحجز من قبل ويكون ارخص الحين لأ .. :smile2:
نفس السعر على اساس انته تاخذ تذكره في الـ High Season .. :d014:
بس الفرق انك في الصيف صعب اتحصل حجز .. والحين اتحصل بسرعه ..
وعندك وقت تضرب ويزه لأنه الويزه هاي روحها سالفه ..
( تأمين صحي + كشف حسابك + حجوزات مدفوعه للتذاكر والسكن ) وتاخذ وقت لين تطلع :whistling:
قبل كان على الأقل تاخذ اسبوعين احين ما اعرف .. :k_icon9:

[المزوحي]

مشكور مايهزك ريح، هو اليوم رد فتح الموضوع، بس انا مابغي اعطيه كاش في الويه، وأقوله شو تبابها ولاتسير

مب حلوه الواحد يتدخل، حتى لو هو طلب مني فكره عنها ...

[بنت الدلع]

هيه صح مايهزك ريح
الفيزه يباااالها وقت الله يبحصهم
اخر شي الي سمعته انها تاخذ شهر !!!!

[المزوحي]

لو الواحد مقرر من قبل إنه بيسير، يقدر من الحين يزهب الويزه ...

وشي ويزة اوربا ...

[مايهزك ريح]

هيه ياخذ الشنجن فيزا .. يقدر يحوط في اوروبا كلها ( 11 دوله تقريبا بدون سويسرا و بريطانيا )

[المزوحي]

وتختار المدة اللي تباها أظن :look:

[عفاريتووو]

^ عن الفيزا هم غالبا يعطون حق 5 سنوات بس انه ماتم اكثر عن 3 شهور

و سويسرا بعد يقدرون يدخلونها بالشنجن دام انها مب اول محطة
كل سنة اسيرلها بالشنجن ما كانوا يقولون شي

[المزوحي]

محد يعرف عنها،

لأنه رد يسألني،، مادري ليش مصر يسألني، قلت له شوف مكاتب السياحة

بس لو عندكم فكره لاتبخلون علينا

[عفاريتووو]

وين بيسيرون في المانيا ؟ ميونخ ؟

و يبون شقة في المدينة ولا في القرى ؟

[المزوحي]

هو روحه مايعرف ميونخ وإلا غيرها، بس هو قال مايبغي يسكن في فندق، ولو ميونخ ومنطقة ثانيه

سهل إنه ينتقل لها، مب مشكلة ..

أو إذا في ترتيب، من ميونخ ويرد ميونخ مافي مشكلة، بس يبغي يعرف وين يسير، وشو المناطق المعروفة

واللي الواحد يستاهل يزورها ...

[مايهزك ريح]

جارمش..
ديسيلدورف .
.هامبورج ..
فرانكفورت ..
ميونخ ..
وقريب عليه من ميونخ يسير سالزبورج وزيلامسي (النمسا)..يباله موتر وجي بي اس ويتوكل على الله ..
وايد اماكن يقدر ايسير لها في المانيا ..
كان عندي رقم مال الشقق اللي في المانيا (ميونخ) مادري وين ذلفته !

[المزوحي]

ماتقصر .... :3:

ميونخ يستوي يحوط فيها، وإلا الناس تسير حق علااااااج أكثر ؟؟

ديسيلدورف سمعت بها، بس ماعندي فكره عن ألمانيا :look:

زلامسي يمدحونها ... :woot:

بالنسبة للشقق مب مشكلة ...

بخبره عن المناطق، ويشوف ...

Thanks :fa56:

[مايهزك ريح]

ميونخ فيها اماكن للحواطه ويوم يسكن يحاول انه يكون قريب على المارينا .. عشان هالمكان فيه كل شي .. ^_^

[المزوحي]

مشكور مايد، الله يعطيك العافية ...

[مايهزك ريح]

الله يعافيك ^_^

[المزوحي]

حبيت أضيف معلومات عن ألمانيا، عسب غيرنا يستفيد،

بالنسبة لميونخ

برنامج سياحى لزوار ميونخ :1-

الحديقه الأولمبيه Olympic Park اللتى تضم على برج و حديقه جميله و ملعب رئيسي .. يمكنك الوصول لها بالمترو Olympic Park
2- قصر نايفمبرغ Schloss Nymphemburg مثل قصر فرساي فى باريس .. به حديقه جميله جدا و نوافير كما تاخذ جوله فى داخل قاعات القصر الصيفي ..
3- حديقة الحيوان Hellabrunn Zoo تفتح من 8 صباحا و حتى 6 مساءا .. الدخول للكبار 9 يورو و الصغار 4.5 يورو
4- مارين بلاتز Marienplatz ساحة المدينه و تكثر فيها المطاعم و المقاهى و المحلات التجاريه
5- انجليش غاردن Englisher Garten من أجمل حدائق ألمانيا و هى فى وسط المدينه
6- قارمش Garmisch من المناطق الجبليه القريبه من ميونخ ، يمكنك التمتع بجمال جبال الألب ..
7- بفاريا فيلم ستوديو Bavarian Film Studio على نمط يونفرسال ستوديو بس مصغره و بها مواقع الأفلام الألمانيه و بها عروض يوميه و جوله داخل الأستوديو ، الدخول 10 يورو للكبار و 7 يورو للصغار .. من 9 صباحا و حتى 4 مساء
*مجمع التسوق الألماني الشهيــر :: كاف هوف ::
*محلات ( بريتير ) للملابس
*توجد فى ألمانيا و بالأخص فى مدينة هانوفر الجميله ..
Zoo Hanover الحديقه كبيره جدا و فيها أنهار و فيها غابه أفريقيه .. تحتاج يوم كامل حتى تلفها كلها و تقام فيها عروض جميله للفيله و كلاب البحر .. قيمة التذكره للكبار 17 يورو و الصغار 12 يورو ... و معروف انها الأفضل فى أوروبا ...
س/حبيت اسأل عن حديقة الحيوان في ميونخ اذا كان الواحد جالس في ميونخ من ليلتين الى ثلاث ليال يعني الفتره محدوده هل يحرص على الذهاب لها ؟ يعني تستاهل ؟وكم يكفيها من الوقت ؟ وماهي وسيلة النقل المناسبه للذهاب لها ؟وبكم تذاكر الدخول ؟
ج/ الحديقة قريبة من وسط المدينة صغيرة ولا توجد بها جميع الحيوانات ،، اذا كنت مثلا في (المارين بلاتز ) والمحطة الموجودة هناك تروح بالاندر كراون الى محطة thalkinchenخلال ثلاث دقائق واذا بالباص تأخذ الباص رقم 52 الى Tierpark ويوجد ايضأ موقف تاكسي قرب الحديقة اسعار الدخول الكبار 9 يورو والصغاراقل من 14 سنة 4.5 يورو والاطفال اقل من 4 سنوات بدون تذكرة اوقات الدخول من 8 صباحا الى 6 مساءا ويمكن حتى تروحلها مشى اذا حابيت تتمشون والجو يساعد ،،،،، ولو انا مكانك والفترة محدودة بثلاث ايام ما افضل اروح حديقة الحيوان لانها موجودة في كل بلد واذا كان الجو حار ما تنطاق ...... استغل الايام في اكتشاف ميونخ وخل يوم لحديقة اولمبيك تستاهل الروحة
س/ابروح ميونخ في 9/8/2005 لمدة ثلاث ايام وش تقترحون علي اروح لان هذي اول مره اروح وش اهم الاماكن واحلى المطاعم والاسواق؟
ج/بالنسبة للأماكن ممكن انجلش قاردن والالمبيك,,,,,منطقة تبعد عن ميونخ 35 كيلو فيها زحليقة , والاسواق شارع الماكسى مليان,,,,,المارين بلات ,,,سنتر أسمة بيب وفية سنتر قريب الالمبيك,
المارين كلة فية تجارية,,,,,,
س/وبودي اخذ رايكم في فندق الهوليدي ان في مدينة ميونخ ,,,, ايش مميزات هذا الفندق ,,,, وايش مساؤه؟
ج/الزين فى الفندق انه فيه محطة مترو و مركز تسوق صغير و مخبز و سوبرماركت ... الفندق نفسه عباره عن مجمع سكني شقق و مكاتب و محلات تجاريه تحت منه ....... و يبعد 15 دقيقه مشي عن المارينا بلاتز اسم المحطه "Rosenheimer Platz" station إذا كنت جاي من المطار ؟

الاسواق في ميونخ
الشارع الرئيسي اختي هو المارين بلاتز شارع كبير للمشاه وفيه اسواق وقهاوي يتفرع من شارع المارين شارع ثاني هو الماكسميليان هذا شارع فيه اغلب الماركات العالميه شارع هادي وغالي جدا
ميونيخ من اجمل المدن اللي زرتها ، واهم اماكن التسوق المشهوره
طبعا المارين بلاز ... و karstadt ...
متاجر kaufhaus
غير المحلات الأوروبيه المعروفه مثل H & M و C&A
بصراحه التسوق في المانيا وبالذات ميونخ.... عن تجربه شفتها حلوه... اول شي انصحج بشارع المارينا بلاتز... فيه كل المحلات .. مثل C&A H&M وعلى فكره بضاعه H&M وايد حلوه وعمليه وبعدين عندج مركز كرستاد في المارينا بلاتز والكوف هوف وفي بعد مركز الهيرتي .. بس غالي شوي مقارنتا ببضاعة الكوف هوف نفس الشي تقريبا على ارخص... وفي مركز الاولمبيك.. حلو بعد .. وبعد في محل عنده اقمشه راقيه وماركات انا دايما لما اروح اخذ عندهم اشياء غريبه اسمه دوناكو وفي مبنى في المارينا بلاتز بجانب موسيقى الاجراس اسمه لودفيج بك فيه بضاعه متنوعه... وعندج مركز اسمه الرايم بس بعيد وكل شي موجود في المارينا ما فاتني شي وصلت له وتعبت نفسي ورجعت فضول شارع ماكسمليان يوجد فيه جميع الماركات العالميه وامتدادة مجموعه معارض رائعه
بالنسبة للأسواق,,,,سى أند ايه وبعدة بشوى كاف هوف ومقابلنة هيرتى,,,,,,واذا كماتى السير بيطلعلك المارين بلات,,وفية مركز جنب الدانوب زنتروم,,,,,تحصلين كل المحلات اللى فى المارين موجودة فية بس ميزتة ""تحصلين فية أكثر البضاعة اللى مش موجودة فى المارين بالنسبة للمقاهى المارين كلة مقاهى وشارع الماكسي مليان
بالنسبه للأسواق يومي السبت والاحد.. بس يوم السبت نص دوام عندهم من الساعه 7,30 صباحا لين الساعه 3,00 ظهرا .. هذا بس يوم السبت ... ويوم الاحد اجازه رسميه ممكن تروحين حديقه الانجلش جاردن اما باقي الايام فيفتح من 7,30 او 8,00 على ما اذكر لين الساعه 8,00 مساء وهو يفتح على طول ما يسكر عزيزتي.... هذا اللي اعرفه من الصيف اللي فات .. وما اعتقد اتغير شي.. وعلى فكره بالنسبه للمحلات للي في المحطه الرئيسيه الهبتن هوف شغاله 24 ساعه واغلبها سوبرماركت ...
افضل مراكز التسوق في ميونخ
متجر هيرتي (مقابل المريديان)
متجر كافهوف (مارين بلاتز)
متجر karstadt (مارين بلاتز)
متجر C&A ( مارين بلاتز)[/list
متجر كافهوف (مارين بلاتز) كل شي تبية موجود فيه بس علي فكره تري المجمعات التجارية
متجر هيرتي (مقابل المريديان)
متجر كافهوف (مارين بلاتز)
متجر karstadt (مارين بلاتز)
متجر C&A ( مارين بلاتز)
موجود في كل مقاطعات ألمانيا
وفية مراكز لم تذكر:
1- مركز أسمة بيب .
2- أركادا .
3- جنب حديقة الالمبيك

منقول للفائده

[المزوحي]

Olympic Park

http://z.about.com/d/gogermany/1/7/S/4/-/-/olympic.jpg

القصر

http://cache.virtualtourist.com/1000158-Schloss_Nymphenburg-Munich.jpg


Marienplatz

http://www.emschertal.de/online/muenchen/upo-22-s-marienplatz.jpg

قارمش

http://www.thonhausen.de/berg/garmisch/garmisch.jpg

[المزوحي]

4 اشخاص تذكرة ألمانيا 12 ألف كبار - و 2 صغار

واستراليا 32 ألف

مثل ماربيعي قااال .. وهو حجز على اساس يسير ألمانيا - بس باجي نشوف له إذا في شقق في ميونخ

[مايهزك ريح]

انا اذا بسير .. افكر اسكن في هالفندق ^_^

http://www.accorhotels.com/accorhotels/fichehotel/gb/sof/5413/fiche_hotel.shtml

[المزوحي]

فنان الفندق مايهزك ريح، بس ما عندك فكرة عن الشقق اللي في ميونخ ؟

[مايهزك ريح]

ما حصلت الرقم للأسف ..مع انه هالشقق غاويات وقريبات على المارينا !
بحاول ادوره لكم !

[ذنـيـنـي]

يعني نحن لو ما حددنا مكان السكن ما بنحصل ويزه !

نحن في سفرتنا قايلين انه ما نبغي نحجز فنادق
نبغي نسير كل مدينه و ندور فيها بروحنا

نبغي نحس بالمغامرة شوي D=



تسلم على الموضوع المزوحي
وايد استفدت منه لأنه اول محطه في رحلتنا من عقب وصولنا لفرانكفورت هي مدينة ميونيخ

[مايهزك ريح]

ذنيني ..
لازم اتكون الحجوزات مأكده .. والتذاكر .. وكل الأوراق .. لا وبعد تأمين صحي .. عقب يعطونك الويزه >_<

[ذنـيـنـي]

بعععععد
انزين اذا جي بنحجز لأول يومين في ميونيخ و من عقبها بنقولهم انه نحن بنسير النمسا
ما عليك بنحاول نرتبها لاااه p:
الا هم المان هبلان

[المزوحي]

الله يخليك ذنيني، وانا استفدت منكم وغيرنا بيستفيد

[مايهزك ريح]

هيه لاااااااه ^_^

[ذنـيـنـي]

زينب مال السفريات بترتبلي موضوع الويز
ريلها يسير يخلص الويز في السفاره الالمانيه و يعرف يتصرف وياهم
و بيعطيهم حيا الله مكان عسب يحطونه كـ مكان للسكن
طبعا زينب تشتغل في محل السفريات الي في جمعية الشارجة
حليليها وايد خدومه و فنانه

[المزوحي]

ذنيني رحلة سعيدة، وإن شاء الله يوم بترد بالسلامة - خبرنا عن ألمانيا في هالموضوع .. وإن امكن مع الصور