ابحث عن وظيفة [الأرشيف] - -:: واحات بن دبي ::-

المزوحي

27-03-08 ||, 08:48 PM

السلام عليكم

كيف حالكم، عساكم مرتاحين

حبيت استفسر عن الوظائف وأكيد في دبي ...

ناوي اغير من مكاني، كون المكان اللي فيه نفس الروتين، ماشي تطور وظيفي، وفي نفس الوقت

ماشي ترقيات ... مع إني كنت متمسك في شغلي وايد، وأعطي لكن ماشي نتايج ...

محد يسأل عن حد، بالتالي الواحد يبغي يشوف مستقبله، فكرت إني أبحث عن وظيفة ثانية،

ما أحب فكرة إني أقدم الــ CV كل مكان وأشوف وين يطلع لي وأسير ..

سامعين من اهلكم ربعكم وناسكم، انتوا شخصيا .. عن مكان تعطي ويميزونك ...

يمكن حد يقول كلنا نبغي التقدير وما نحصله ..!

لكن فعلا

أرجو المساعده ... :k_blush-anim-cl:

الهيثــم

28-03-08 ||, 03:19 AM

ما عندي فكرة عن الموضوع .. أتمنى إن الإخوان يساعدونك

المزوحي

28-03-08 ||, 09:32 AM

تسلم خطاب

:(

أنامل قلب

28-03-08 ||, 03:24 PM

:
.

و عليكم السلام ورحمة الله وبركاته ..,،

اممم ..
عني فـ للأسف ماعندي ذاك العلم للافاده بهالمجال ..

بس شو رايك ابـ بنك دبي الاسلامي ..
أو حتى نور دبي الاسلامي .. !

ماعندي تجربه شخصيه ..
بس سبق وسمعت وحده من الاهل تمدحهم ..
وإهي مثلك مب عايبنها شغلها وقدمت حاليا عند دبي الاسلامي ..

فجرب تقدم عندهم أو بالاحرى اسأل عنهم ..
واستخير قبل أي قرار تتخده ان شاء الله ..

ربي يوفقك دنيا وآخره ..
واسمحلنا عالقصور ..

:

احترامي ..

:.

المزوحي

28-03-08 ||, 04:49 PM

مرحبا اختي انامل قلب شكرا لج على الرد ..

أنا حصلت في بنك ويبوني شخصيا ، قبل ما أقدم أوراقي، لكن مش بنك اسلامي ..

خلاف شليت فكرت البنوك من بالي بشكل عام ..

والحينه أفكر اشتغل في مكان لو في جبل علي مب مشكلة، بس مكان ارتاح منه، وطبعا محد بيعرف لين

مايكون هناك ويعتمد على طبيعة العمل وعليّه انا كموظف وكيف اتعامل مع الغير ...

مكان مافيه قيل وقال ( وأظن مستحيل أحصل مكان مافيه هالشي )

وايد اتشرط صح ؟؟

شمعة أمل

29-03-08 ||, 12:05 PM

وحده تقربلي & ريل ربيعتي في dubai properties مستانسـين

وحده اعرفها بدت تشتغل في شركه يديده ماعرف شو اسمها بالضبط بس شي arts and culture والافتتاح الرسمي كان قبل يومين.. هي واااااااااااااااااااااااا اااايد مستااااااانسه لانه وايد يقدرون الموظفيين & في احترام لكل شخص

جيّك دبي القابضه والشركات الى تي تحتهاا.. بس لاتسـير للميديا لانه مابترتاح... ولا تقدر تدورلك وظيفه تحت شركه تحت مشاريع محمد بن راشد للشباب؟

فندق من فنادق جميرا؟؟

إعمـار.. داماك

البلديه؟ ساعات قصـيره

اذا صدق تبا مكان تستانس فيه وتبا تثبت نفسك دورلك شركه صغيره ويديده..

المزوحي

29-03-08 ||, 12:10 PM

نحن رئيس القسم عندنا قدم استقالته العام، ويشتغل في شركة من شركات اعمار، صح عدد الساعات أكثر

لكن الراتب 3 أضعاف ( ماشاء الله ) وهو مرتاح ... لكن بعد يعتمد على وظيفته ...

ربيعي يشتغل في البنك، وما حصل نتيجه، كل مره يقولون له اصبر بتترقى وهو كمل 8 سنوات عندهم ..

طفر منهم، واشتغل في دبي القابضة ..

شمعة أمل بشوف dubai properties

مشكورة

مايهزك ريح

29-03-08 ||, 10:09 PM

دبي العالميه .. جمارك دبي .. دبي القابضة .. المجلس التنفيذي .. مدينة دبي الملاحيه(الحوض الجاف سابقا ) .. مدينة دبي للمعادن ..نخيل .. سلطة المواني والمنطقة الحره جبل علي .. دوكامز ( العوير ) ..
هالأماكن اللي اتذكرهن لين الحين ^_^
وبالتوفيق لك يا المزوحي !

المزوحي

29-03-08 ||, 10:17 PM

مايهزك ريح ..

دوكامز وين في العوير ... يبالي اسأل عن الشركة

thanks

http://tbn0.google.com/images?q=tbn:_7A6XmYjhj8k8M:http://trueword.files.wordpress.com/2007/12/happy-face.gif

المزوحي

29-03-08 ||, 10:38 PM

مايهزك ريح هذا موقعهم، بس ما اعرف طبيعة الشغل عندهم

http://www.ducamz.co.ae/homepage.html

الزرعوني

29-03-08 ||, 10:59 PM

JAFZA

في دبي الموانئ

المزوحي

29-03-08 ||, 11:23 PM

الزرعوني ، يبالي اسأل .. عن كذا شركة، وخلاف اقدم

مايهزك ريح

30-03-08 ||, 08:53 AM

المزوحي .. اتعرف وين معارض السيارات في العوير اللي تابع للبلديه .. هناك دوكامز .. بس ما اعرف شو طبيعة شغلهم !

الاسطوري

30-03-08 ||, 12:17 PM

السلام عليكم ..

"المزوحي"

جهز ال CV مالك وطول بالك شويه لأن معرض الامارات للتوظيف الخاص بالمواطنين بيكون بتاريخ 15-
17 إبريل 2008 في المركز التجاري، روح هناك وأسأل عن كل شركة أو مؤسسة
وعن الشواغر اللي عندهم وعن مميزاتهم وصدقني
من تجربة تقريبا بتلقى
كل المعلومات اللي تحتاجها وتقدر تختـار اللي يناسبك ويناسب تخصصـك وميولك وعقب تقـدم عندهم
وتختصر عناء التقديم بشكل منفرد مع أن التقديم خلال المعرض مب فعال
100% بس الغالبية يتصلون حتى لو تأخروا
عشان يغطون الشواغر
المتوفـرة وبالنسبه لدوام البنوك صح يشغلونك عدل وتتعلم وتستفيد خبرة بس مابيكون الدوام مريح
عشان جيه الواحد عقب فترة يظهر وياخذونه الاماكن الثانيه لخبرته
وان شاء الله تحصل اللي تباه وخلنا نشوفك
ونشوف خيال بعد
:yes:

وصلة لتفاصيل الخبر (http://www.ameinfo.com/ar-92917.html)

الاســـطـــوري
أخوكم

المزوحي

30-03-08 ||, 03:08 PM

مايهزك ريح، هيه اعرف معرض السيارات .. يبالي اسير وأشوووف ...

المزوحي

30-03-08 ||, 03:10 PM

الاسطوري يعني الــ CV اعطي المكان اللي أنا أباه من ضمن الدوائر أو البنوك اللي تكون عارضة الوظايف ..

أنا اقدر اشتغل فب البنك ومن باجر، لكن خلاص شليت فكرت البنك من بالي، مع إني ممكن اترقى أسرع ...

ويبالي اشوف دوكامز وين قال لي مايهزك ريح .. واستخير وإن شاء الله خير ..

طير الحب

08-04-08 ||, 08:14 AM

ربي يوفقك...تم نقله للمفتوحة كونها الأنسب

المزوحي

16-04-08 ||, 08:07 PM

باجر آخر يوم المعرض، وين تنصحوني أقدم :look:

مايهزك ريح

16-04-08 ||, 08:11 PM

قدم في الجمارك وايد عندهم وظايف .. واحد يخبرني توه ..
ويسوونلك المقابله في نفس الوقت ^_^

المزوحي

16-04-08 ||, 08:14 PM

باجر إن شاء الله يبالي أسير :b050:

لأنه حصلت في بنك، ويبوني من باجر، لكن انا رفضت ... من بعد ما كنت متحمس !!

شو رايكم في المطار ؟؟؟

صح وايدين يظهرون بسبب الراتب، لكن سمعت إنه في تعديل من هالناحية :look:

المزوحي

16-04-08 ||, 08:15 PM

ربيعي يبغي يقدم في دوبال

مايهزك ريح

16-04-08 ||, 08:18 PM

احيد دوامهم طويل .. نحنا لين 3:30 ..وهلكانين .. خله يفكر عدل ..والله يوفقه

المزوحي

16-04-08 ||, 08:23 PM

صدق ؟؟؟؟ بخبره عيل ..

مايهزك ريح

16-04-08 ||, 08:52 PM

الي احيده انه لين 5 العصر .. ^_^

مجموعة إنسان

17-04-08 ||, 01:10 AM

لا يفكر في دوباااال

دوامهم مب شي وعنصرية هنااااك

ايه احبك

17-04-08 ||, 03:48 AM

حد يخبرني عن نخيل ؟؟

مايهزك ريح

17-04-08 ||, 08:26 AM

نخيل اوكيه ودوامهم لين 5 مادري 6 العصر ... ^_^

الاسطوري

17-04-08 ||, 10:00 AM

^
لين 6 بس جان خلوه لين 8 بعد، ياخي الدوامات اللي جيه تاخذ من الواحد اليوم كله تقريبا ومنها
التلفزيونات يقولك ماشي ويك اند ودوامك من 9 لـ 9 وماشي إجازه إلا عقب
6 شهور يعني ماتكمل شهرين إلا نازل 15 كيلو
وايد أوكيه للي يبون يضعفون
:k_harhar1:

ياخي دوبال رواتبهم مغريه يقولك الخريج الفرش يبدأ راتبه فوق الـ 20 يعني اللي عنده خبره
بيكون له تقييم ثاني، انا لفيت نص المعرض وقدمت على عدد
السيفيات اللي كنت ماخذنهم قبل
يومين واليوم
بكمل النص الثاني بس ماأفكر أغير إلا إذا بحصل شي أحسن لأن الفترة اللي اشتغلتها
مابتنحسب كخبره وبتروح علي خاصه ان يايتنا زيادة في الدرب
وترقية ان شاء الله فمحتار شويه في
فكرة التغيير

المزوحي قدم في الاماكن اللي تشوفها مناسبه لاتقول بعدني ومابى اغير ومرتاح حاليا انت
مب خسران شي خله يتصلون فيك وبعد المقابله شوف العرض وعقب
حدد اذا كنت تبى ولا ماتبى وان شاءالله
تلقى شي أفضل

السموحه

مايهزك ريح

17-04-08 ||, 10:23 AM

الـ ع ـم كرتوشة

17-04-08 ||, 01:31 PM

الله يوفقك

المزوحي

17-04-08 ||, 02:55 PM

ياجماعة الخير، واحد من الشباب، سار شركة من الشركات الكبيرة وعرض مغري في الراتب 4 اضعاف

متزوج وهله مايشوفونه، عياله مايشوفونه، قالوا له خلاااااااااااص مانبى، قال : مب انتوا تبون مادة ؟؟؟

بس صدق المادة مب كل شي،، زين كم الواحد بيشتغل وبيكرف، مايشوف الناس وآخر شي يموت ...

صدق زياغ، صح الواحد يفكر براتب أفضل ..

مايهزك ريح

17-04-08 ||, 02:58 PM

بس الراتب مب كل شي .. يابوك بنموت وما اتهنينا في صرف الراتب ^_^

المزوحي

17-04-08 ||, 03:40 PM

ترى راي من رايك، مرات يقولون لي ليش ماتسير القابضة وخواتها، زين وعقب ؟؟؟؟

كفايه اليوم يمر بسرعه، ويالله يالله نشوف هلنا، أحس حتلى بيستوي جفا

خيال الحب

18-04-08 ||, 03:31 AM

ياخي وايد اماكن جيه دواماتهم ..
الحياه مب دوام وبس ..
نبا انعيش انشوف هلنا ..
نيلس وياهم ..
نطلع ويا ربعنا روحه الواحد بليا شي ضايج ..

من هاي الأماكن عندك ..
دوغاز .. دبي القابضة ..المجلس التنفيذي .. دواماتهم 12 ساعه .. نحنا 8 ساعات وطفرانين >_<

عيل الي يداومون في نص البحر شو يقولون لا حنيس ولا ونيس
12 ساعه دوام و12 ساعه رقاد

اسبوعين على هالحال

واسبوعين اجازه>>احلى شي هالاجازه

الاسطووووووووووووووووووور ي

دوبال صدق معاشهم 20:fa56: انا الي سمعته انه 9 متى زادوهم:fa56:

ربيعي احيد متدرب عندهم وقالي هاي معاشات المهندس هناك:fa56:

انزين اخوي المزوحي سامحني انا طلعت خارج اطار الموضوع ولازم نطلع بفايدة لك

اخوي ليش ماتقدم في واحة دبي للسيليكون؟

يقولون معاشهم حلوووو وزين

انا كان خاطري اداوم هناك.. بس ما قدمت:glare: لانه متعايز :d014:

المزوحي

18-04-08 ||, 09:31 AM

خيال ...

أصلا وايد شركة ظهرت ورواتبهم عاليه، لكن انا مابغي الدوام يكون طويل

مب دلع

بس شو حياتي عاد لين المغرب

بقدم كذا مكان وبستخير

ايه احبك

19-04-08 ||, 02:58 AM

نخيل اوكيه ودوامهم لين 5 مادري 6 العصر ... ^_^
ببببببس
ما شالله سبحان الله والحمدلله ولا اله الا الله وتبارك الرحمن على مخ الي حط هالتوقيت حق الموظفين :pullhair:

انزين ما يهزك ريح ما تعرف هالدوام لذكور او للأناث لنه حرام يساونهم من بيربي عيالنا بعدين :k_no:
المزوحي بعد اذنك بستغل موضوعك مره وحده :fa46:
شباب او صبايا حد يرشح مكان مناسب ويا اوفرات مناسبه حق فرش قرجويت وممكن يتفهم اني ابي اكمل البجلر ؟؟

خيال الحب

19-04-08 ||, 04:41 AM

ايه احبك

شوفي واحة دبي للسيليكون وايد ناس اشوفهم يمدحونهاا..

وشو تخصصج؟؟

ايه احبك

19-04-08 ||, 04:45 AM

بزنسس
قدمت لعدة فاكنزيس عندهم لين الحين ما ردوا عليه =(

خيال الحب

19-04-08 ||, 04:55 AM

شووفي الهيئة الاتحاديه للماي والكهرباا

عندي رقم مدير هناك لو تبينه برسلج اياه على الخاص

ايه احبك

19-04-08 ||, 05:05 AM

حكومة ؟؟ مستحيل اشتغل في شي حكومي
مشكور يا خيال
بس عندك غيره سمي قفرمنت؟؟

المزوحي

19-04-08 ||, 09:09 AM

ايه احبك تحسين الحكومة تعبانين نوعا ما، ماشي تطور ...

وايدين ظهروا من وظايفهم الحالية، وبالهبل اللي ساروا معرض الوظايف، كل واحد يبغي يظهر من مكانه ...

ايه احبك

19-04-08 ||, 09:45 AM

تعرف المزوحي
مديري مال المكان الي اخذت فيه انترشب قالي
حطي في بالج شي انه الي يطلع من حكومة يقدر يتكيف في الخاص
اما الي يطلع من الخاص و يدخل حكومة ما بيقدر يتأقلم
لنه المستوى العملي يفرق انا قالوا لي الجمارك توصل رواتبهم ل20 الف حق الثانويه العامه يعني انا كاهير دبلوما خشمي بيرتفع بمعاشهم XP
بس انته شو بتشتغل هناك شو بتتطور هناك هوى ّّ!!
الأنسان الطموح ما بيقدر يتأقلم في الحكومه
انا الي ابيه مؤسسه اتسويلي اتريني ايشبعني مدى الدهر XD

المزوحي

19-04-08 ||, 05:27 PM

ايه احبك، تراني اعرف واحد ماشاء الله عليه، يقدر يعطي وايد وكان يشتغل في قطاع حكومي، وماقدر يستمر

ماشي تطور وسار مكان ثاني ونفس الشي وظهر عنهم، والحينه سار خاص ومبسوط ..

ايه احبك

19-04-08 ||, 07:54 PM

شو بيعطونه الحكومي ؟؟ما في ديمقراطية <_>

المزوحي

22-04-08 ||, 08:34 PM

صدق متذمر من دوامي، وكل ما أقدم مكان، إما العرض يكون مب مناسب لي أو أماكن ثانية مايزقروني ...

وآخر مره قدمت من أسبوع، وأنا أصلي الاستخاره، أحس إنه مابيزقروني، مادري شو السبب !!

يمكن يكون دوامي أفضل، يمكن تتغير شغلات للأفضل والله أعلم ...

الحمدلله ..