عنكوشه المنكوشه
23-03-08 ||, 07:58 PM
السـلام عليكم و رحمه الله و ربكاته
" يومــيات كرسي معاق "
في بداية السنه الدراسيه اول مرة ادخل فيها الصف ، تعرفت ع البنات و سلمت عليهم .. اخترت لي مقعد و يلست عليه ، كانت الامور طيبه و عاديه ، واستمر الوظع لي بداية الفصل الثاني .
" الفصل الثاني "
اكتشفنا ان الاداره غيرت كراسينا و طاولاتنا ، كانت الطاولات و الكراسي اوكيه ، الا كرسي واحد .. هالكرسي يا من نصيب بنية باخر الصف كانت كل ما تقوم تجاوب او تسوي حركه بسيطه يرد الكرسي على ورى و هي تطيح ..
كانت ما تحب تجاوب ولا تسوي شي مع ان طبيعتها حركيه ، فـ يوم من الايام ، اشفت عليها من كثر ما طاحت و تكسرت ، قلت لها خذي كرسي و عطيني كرسيج و عقب الحصه بنسير نييب كرسي يديد ، و فعلا عطيتها الكرسي و قعدت حصه كامله على كرسيها ، الكرسي مريح في اليلسه بس عيبه ان خفيف و ريل من ريوله اقصر من الباقين .
و لاني انا يالسه بالنص الكرسي كل ما بغى يطيح تصده الطاوله اللي وراي ، الله قدر و ماطحت .
عقب الحصه سرنا ركض انا و البنيه نييب كرسي يديد من الاستور ، سرت عند الفراشه و خذينا المفتاح ، اخترنا كرسي يديد توه بقراطيسه ، و خذناه معانا الصف .
طبعا الكرسي اللي كنت يالسه عليه حطيناه ورى ، بس جي منظر محد ييلس عليه ، مرت الايام و ما سمعنا صوت طيحته ولاحد قرب منه او يلس عليه ، بس في يوم من الايام في حصة الكيميا ، دقت علينا بنيه الباب و قالت : عندكم كرسي زياده ..؟
نحن بكل بساطه ردينا عليها لا ماعندنا
جان مس الكيميا قالت : عيل الكرسي اللي ورى شو يسوي ..؟؟
قلنا لها : الكرسي خربان ..
قالت اهاا اوكي ..
بندت البنيه الباب و اول ما بندت الباب الكرسي طاح و سوه صوت مزعج وعالي ، كلنا التفتنا لورى ، غربيه حسيته يقول " انا هني " ، المهم كملنا حصتنا ماعلينا و خلينا الكرسي طايح مثل ما هو .
و قبل فتره بسيطه تحديدا يوم الاربعاء الماضي ، في هذا اليوم ، اغلب البنات كانوا مش مداومات لان الخميس كان اجازه ، و كان المفروض يكون يوم مفتوح ، يعني مافي دراسه ، بس انلغى .
عسب جي غيرنا طريقه يلستنا ، يلسنا مثل اطفال الروضه ، ع طريقه مربع او مثل ما يسمونها حرف ( U ) ، و ردينا الطاولات و الكراسي اللي اصحابها مب مداومين ورى ، داومنا بشكل عادي بس ماكان في حصص و شرح ، عسب جي كنت القى الكراسي طايحه و الشنط على صوب ، يعني صف كان جنه اعصار جونو سلم عليه وروح ، روحنـا بيوتنا و داومنا يوم الاحد .
لقينا كل شي مثل ما هو ( معفوس ) فكل بنيه كانت تدور كرسيها و طاولتها و يحاولون يرتبون الصف ، بس انا تاخرت كالعاده ، كنت ارمس الاخصائيه في موضوع .
يوم حدرت الصف كان كل شي مرتب ، لقيت البنات حاطين اغراضي ع طاولتي و مرتبينها لي ، شكرتهم ، بس يوم جيكت عدل على اغراضي لقيت ان الكرسي اللي حاطينه مب لي ، كان من نوعيه الكراسي العوده الجديمه ..
انا ماحب ايلس عليها ، روحي قصيره بالنسبه لبنات الصف ، بعد ايلس عليها ، اصير مابين جني قزمه ، قعدت اقول للبنات وين كرسي ..؟
قالوا ماندري ، لو تبين شي كرسي ثاني وري .
التفت على الكرسي اللي ورى لقيته الكرسي " المعاق " ، اللي الكل مستخف فيه ، و محد يبي ييلس عليه ، لانه خفيف و مب ثابت و ريل وحده اقصر عن الباقي ، خطر ببالي هالكرسي لو كان ينطق نسمعه و يسمعنا شو كان بيقول..؟!
هل كان بيشتكي ..؟!
هو صنع عسب الطالب ييلس عليه بس باعاقته هاذي خلت الكل يبتعد عنه ، نحن حاولنا نيلس عليه اكثر من مره بس البنات كانوا يطيحون منه ، كان ماذنا ، بس لو لقى حد يصلحه كان راح يادي مهامه على اكمل وجهه .
صح .. ؟!
تحياتي قبل حياتي
.. بقلم اختكم ..
" عنكوشه المنكوشه "
" يومــيات كرسي معاق "
في بداية السنه الدراسيه اول مرة ادخل فيها الصف ، تعرفت ع البنات و سلمت عليهم .. اخترت لي مقعد و يلست عليه ، كانت الامور طيبه و عاديه ، واستمر الوظع لي بداية الفصل الثاني .
" الفصل الثاني "
اكتشفنا ان الاداره غيرت كراسينا و طاولاتنا ، كانت الطاولات و الكراسي اوكيه ، الا كرسي واحد .. هالكرسي يا من نصيب بنية باخر الصف كانت كل ما تقوم تجاوب او تسوي حركه بسيطه يرد الكرسي على ورى و هي تطيح ..
كانت ما تحب تجاوب ولا تسوي شي مع ان طبيعتها حركيه ، فـ يوم من الايام ، اشفت عليها من كثر ما طاحت و تكسرت ، قلت لها خذي كرسي و عطيني كرسيج و عقب الحصه بنسير نييب كرسي يديد ، و فعلا عطيتها الكرسي و قعدت حصه كامله على كرسيها ، الكرسي مريح في اليلسه بس عيبه ان خفيف و ريل من ريوله اقصر من الباقين .
و لاني انا يالسه بالنص الكرسي كل ما بغى يطيح تصده الطاوله اللي وراي ، الله قدر و ماطحت .
عقب الحصه سرنا ركض انا و البنيه نييب كرسي يديد من الاستور ، سرت عند الفراشه و خذينا المفتاح ، اخترنا كرسي يديد توه بقراطيسه ، و خذناه معانا الصف .
طبعا الكرسي اللي كنت يالسه عليه حطيناه ورى ، بس جي منظر محد ييلس عليه ، مرت الايام و ما سمعنا صوت طيحته ولاحد قرب منه او يلس عليه ، بس في يوم من الايام في حصة الكيميا ، دقت علينا بنيه الباب و قالت : عندكم كرسي زياده ..؟
نحن بكل بساطه ردينا عليها لا ماعندنا
جان مس الكيميا قالت : عيل الكرسي اللي ورى شو يسوي ..؟؟
قلنا لها : الكرسي خربان ..
قالت اهاا اوكي ..
بندت البنيه الباب و اول ما بندت الباب الكرسي طاح و سوه صوت مزعج وعالي ، كلنا التفتنا لورى ، غربيه حسيته يقول " انا هني " ، المهم كملنا حصتنا ماعلينا و خلينا الكرسي طايح مثل ما هو .
و قبل فتره بسيطه تحديدا يوم الاربعاء الماضي ، في هذا اليوم ، اغلب البنات كانوا مش مداومات لان الخميس كان اجازه ، و كان المفروض يكون يوم مفتوح ، يعني مافي دراسه ، بس انلغى .
عسب جي غيرنا طريقه يلستنا ، يلسنا مثل اطفال الروضه ، ع طريقه مربع او مثل ما يسمونها حرف ( U ) ، و ردينا الطاولات و الكراسي اللي اصحابها مب مداومين ورى ، داومنا بشكل عادي بس ماكان في حصص و شرح ، عسب جي كنت القى الكراسي طايحه و الشنط على صوب ، يعني صف كان جنه اعصار جونو سلم عليه وروح ، روحنـا بيوتنا و داومنا يوم الاحد .
لقينا كل شي مثل ما هو ( معفوس ) فكل بنيه كانت تدور كرسيها و طاولتها و يحاولون يرتبون الصف ، بس انا تاخرت كالعاده ، كنت ارمس الاخصائيه في موضوع .
يوم حدرت الصف كان كل شي مرتب ، لقيت البنات حاطين اغراضي ع طاولتي و مرتبينها لي ، شكرتهم ، بس يوم جيكت عدل على اغراضي لقيت ان الكرسي اللي حاطينه مب لي ، كان من نوعيه الكراسي العوده الجديمه ..
انا ماحب ايلس عليها ، روحي قصيره بالنسبه لبنات الصف ، بعد ايلس عليها ، اصير مابين جني قزمه ، قعدت اقول للبنات وين كرسي ..؟
قالوا ماندري ، لو تبين شي كرسي ثاني وري .
التفت على الكرسي اللي ورى لقيته الكرسي " المعاق " ، اللي الكل مستخف فيه ، و محد يبي ييلس عليه ، لانه خفيف و مب ثابت و ريل وحده اقصر عن الباقي ، خطر ببالي هالكرسي لو كان ينطق نسمعه و يسمعنا شو كان بيقول..؟!
هل كان بيشتكي ..؟!
هو صنع عسب الطالب ييلس عليه بس باعاقته هاذي خلت الكل يبتعد عنه ، نحن حاولنا نيلس عليه اكثر من مره بس البنات كانوا يطيحون منه ، كان ماذنا ، بس لو لقى حد يصلحه كان راح يادي مهامه على اكمل وجهه .
صح .. ؟!
تحياتي قبل حياتي
.. بقلم اختكم ..
" عنكوشه المنكوشه "