حادث بالقرب من غنتوت

[المزوحي]

وقع صباح اليوم على طريق بوظبي - دبي بالقرب من غنتوت حادث بسبب الضباب

اتحملوا على عماركم، شغلوا الليتات ... وسوقوا شوي شوي ... :6:

في ناس يبطون الجبد يوم يضربوووون اربع اشارات .. :3:
تابعوا الصور

في الموقع

http://www.gulfnews.com/

[الهيثــم]

لا حول ولا قوة إلا بالله ... الله يعيينهم ويرحمهم برحمته إذا كانوا مسلمين ..

[شوق القلوب]

السلام عليكم..

يقولون في كمن شخص اتوفوا.. و واااايدين في المستشفى ..!
لا حولا ولا قوه الا بالله ..

[راعي الزعـامه]

لا حول ولاقوة الا بالله

حادث كبير ،، حوالي 60 سيارة ،،

الله يرحمهم ويشفي المصابين ،،

[تحفه]

هاي صوره ...

http://oasis.bindubai.com/bin/uploaded/3281_11205242080.jpg (http://oasis.bindubai.com/bin)

[تحفه]

توها وصلتني هالصور ...

http://oasis.bindubai.com/bin/uploaded/3281_11205242200.jpg (http://oasis.bindubai.com/bin)


http://oasis.bindubai.com/bin/uploaded/3281_11205242240.jpg (http://oasis.bindubai.com/bin)

الله يرحمهم .. يقولون سيايير مواطنين استوت رماد

[خيال الحب]

لاحول ولا قوة الا بالله

شوهااااااااااااا@________________@

[شهوووودة الأمورة]

لاا حول ولا قوة إلا بالله .. الله يرحمهم )":

فظيييع هالحادث ):

[شوق القلوب]

الصور اللي حاطينها اتخوف..!

[عهد الوداع]

لا حول ولاقوه الا بالله ,,

[المزوحي]

الله يرحمهم وخذوا الحذر يا ناس ..

بس مشكلة يوم الغير يكون السبب لك

[الملهم]

اي 60 سيارة ..

80 سيارة احترقت ..
وحادث لـ 400 سيارة في 4 مناطق في دبي وبوظبي

الله يرحمهم ويعين الباقين ..
اخوي كان في الحادث .. وزين انه دوامه على الساعة 11 ..
لو كان الشفت على الساعة 8 .. كان بيكون من بينهم .. الله لا ييب ..

[المزوحي]

الله سلمه والله يعين الباجي ويشفيهم ويرحم الموتى

[حلم الطفوله]

لا حول ولا قوة إلا بالله

هالضباب زياغ ...أتم حاطه إيدي على قلبي لين أوصل الدوام

[ألم ترى]

بسم الله الرحمن الرحيم ..

هاي اجواء حرب يابوك مب حادث ! ..

اول ماشفت الصور يت ف بالي لبنان وكيف التفجيرات هاده حيلها ..

الله يرحم المسلمين برحتمه الواسعة ..

[عهد الوداع]

يقولون 200 سياره والله يوم شفت الصور خفت ,,’

شوفوا الحادث اليوم على اخبار الامارات اكيد بيطلعونه ...

[الشيـــن]

الحمدلله .. اليوم نشيت متأخر عسب جي طلعت متأخر ! حسيت ان التأخيره خير !
لان يوم طلعت وشفت الشـارع فجيت عيوني !! .. مش عشان الضباب .. عشان الوضع الي كان فيه !!

[ألم ترى]

اللحين بيحطون الخبر ع اخبار الأمارات !

[عهد الوداع]

قناة العربيه موضحه اكثر عن الحادث ومطلعينه بنفس وقت الحادث تقريبا ,,,

[شتشووته]

لا حوول ولا قوة الا بالله .

فظييييييييع هالحادث ..

[أنامل قلب]

بعدني مب مستوعبه .. . !

لا حول ولا قوة إلا بالله ..

...

[بنت الدلع]

اميه زيااغ O.o

الله يرحمهم جميعا
والله يكفينا شر الحوادث

[بنت الدلع]

80 حااااادث !!!!!!!!

شي لا يصدق O.o

[ذنـيـنـي]

Police have said around 200 cars were involved in the crash, which happened in heavy fog, with 25 cars catching fire.

200 سيارة في الحادث و 25 الي احترقن

و يقولكم السبب الرئيسي للحادث هو انه الناس يمشون و هم ضاربين اربع اشاير !!
و هالشي صدددددق خطييييير في الضباب،، لأنه في الضباب نحتاج الاشاير هذه لتنبيه الناس لوجود شي ما في الشارع،، مب عشان نمشي فيها و بعد في هالحالات نحتاج لستخدام اشاير الانعطاف "يمين و يسار"

اتمنى انه يكون عندنا حملات توعيه مرورية لتنبيه الناس على مخاطر استخدام الاشارات الاربع في غير وقت حاجتها "الفعلية"

[شوق القلوب]

ناصر..

ليش يعني الاشاير الاربع هي اللي امسببه..!؟
احس في هالاوقات الناس محتاجه هالاشاير عشان السيايير يشوفون بعض في هالجو..

[عذبة الروح]

بعدني تحت تأثير الصدمه

الخبر شل كل من سمعه

http://www.alkhaleej.ae/articles/show_article.cfm?val=490465



يا رب ألطف
الحمد الله على كل حال

[المزوحي]

شوق القلوب .. تخيلي هو ضارب اربع اشاير ماعرف متى يضرب بريك وماعرف متى مشى وماعرف إذا واقف ..

الأفضل إنهم يشغلون الاسطابات، او لايتات الضباب ، او حتى الليتات كلها ..

شو بيستوي عليهم يعني، ودوم يقولون لهم لاتضربون هالاشارات... ومع ذلك يسون اللي يبونه ...

[بحر الموده]

لا حول ولا قوة إلا بالله

الله يرحم الاموات فى هذا الحادث الكبير

وربى يعافى الجميع ...

[ا ل غ ل ا]

لا حول ولا قوة إلا بالله

أنا اليوم سمعت السالفة من بنات الكلاس ..

الله يرحمهم برحمته ويرحم جميع موتانا وموتى المسلمين


تسلم المزوحي على نقل الخبر لنا ^_^

[الملهم]

حسبي الله ..
شو هاي الاخبار ..
صدق انصدمت ..الله يرحمهم كلهم ..

اللهم احفظنا

[رمــش الغـــلا]

اللهـ يرحم الموتى

صدق حاااااااادث فظييييييع << شفتهـ أمس عاخبار الامارات ><

[تحفه]

Police have said around 200 cars were involved in the crash, which happened in heavy fog, with 25 cars catching fire.

200 سيارة في الحادث و 25 الي احترقن

و يقولكم السبب الرئيسي للحادث هو انه الناس يمشون و هم ضاربين اربع اشاير !!
و هالشي صدددددق خطييييير في الضباب،، لأنه في الضباب نحتاج الاشاير هذه لتنبيه الناس لوجود شي ما في الشارع،، مب عشان نمشي فيها و بعد في هالحالات نحتاج لستخدام اشاير الانعطاف "يمين و يسار"

اتمنى انه يكون عندنا حملات توعيه مرورية لتنبيه الناس على مخاطر استخدام الاشارات الاربع في غير وقت حاجتها "الفعلية"

بس هالاشاير تعتبر من اشاير التحذير : Oo: حتى مرات يوم حد كان يديم لي كنت اشغله هالاشاير علشان اقوله اني مابتحرك من السيد الي امشي فيه :14:

[المزوحي]

ندري إنها أشاير تحذير، لكن للوقوف بشكل مفاجئ، أو على كتف الطريق ..

مب طول ماهو يمشي

[تحفه]

انزين ترا في ناس تمشي عميا وتعرف ضبابنا غير لو ان شاء الله ركبو كشاف بعد في ناس بتدعم !

انا اقول غنتوت من البلاوي الي تستوي فيها اسوت منطقه ملعونه :ghostface: .. والله صدق كل سنه يستوي بها شي :osama:

مره رياييل ياخذون بعض و مره مادري شو .. اخر شي بيستوي في الامارات بحر الميت ثاني :smile2:

[تحفه]

هي صح على ايام اعصار جونو كنا طول الدرب فاجين هالليتات وحتى الشرطه كانت فاجتنه وتمشي ويانا! فاعتقد هالشي عادي!

[تحفه]

انا كزنتي كانت هناكي وقالت لي ان السبب كان من شاحنة شاله اكثر من ثلاثين عامل وفجاه اشتلت وقامت تلاوح فيهم وهم طاحو هالسيايير والسيايير الي بغت تتفاداهم ظربت بريك وطبعا الي ورا دعموهم :S

[ذنـيـنـي]

شوق القلوب

صح انه لازم نشوف السيارات الثانية

بس في نفس الوقت لو صار حادث كيف بنقدر ننبه الناس بأنه الشارع واقف بغير هذه الاشاير !؟
و كيف بنقدر نلف يمين و يسار في هالاجواء الصعبة بدون ما نضرب اشاير "يمين او يسار"

المفروض انه في هذه الاجواء نفتح ليتات السيارة و طبعا الليتات الي ورا بتكون شغاله "الحمراء"
و نخلي الاربع اشاير الخاصة "بالطوارئ" لأوقات الطوارئ فقط


اتمممننننننى انهم يسوون حملة توعية مرورية لتوعيه السائقين على اهمية استخدام اشارات التنبيه بطريقة صحيحة

و اتتتتمننننى انهم يركزون على فئة الاسيويين الي يتحدثون بالاوردو،، لأني اليوم قريت في جريدة الامارات اليوم خبر حسيتبه سخيف و يقهر عن محطه الارصاد الجوية الي اعلنت بانها غير ملزمة بنشر حالة الطقس و التحذيرات بالأوردو !!

كيف مش ملزومين و هالجالية تمثل اكثر من ثلاث ارباع سكان الدولة !

[ذنـيـنـي]

تحفة لا تقارنين عمرج بالشرطة

الشرطة احياننا تستعمل الاربع اشاير بدال "اللّوّاح" لأنه اللواح يستعمل للحالات القصوى فقط
و هم يستعملونه عسب انه السيارات تفتحلهم الطريق و تشوفهم و هم يايين من ورا "يشوفون شي يغامز"

مب اي شي يسوونه الشرطه معناه انه نحن نقدر نسويه,, لأنه الشرطة احياننا يقطعون الاشارة الحمراء،، هل هذا معناه انه نحن نقدر نسويها =)

[تحفه]

المفروض انه في هذه الاجواء نفتح ليتات السيارة و طبعا الليتات الي ورا بتكون شغاله "الحمراء"
و نخلي الاربع اشاير الخاصة "بالطوارئ" لأوقات الطوارئ فقط
!

ترا الي استوا ابو الطوارئ !! اذا هالاكسدنت مب طوارئ عيل شو الطوارئ!

كزنتي تمت تصيح ومارقدت طول الليل .. تقول كانو يسمعون روس ومخوخ الناس تطرقع يوم السيايير انفجرت!
وقالت كانت "اعضاء" الناس والدم فكل مكان!

تخيل من الساعه 8 لين الساعه وحده ونص مش متحركين ويشوفون هالمنظر ويشمون الدم والبترول!

[تحفه]

انا شودراني .. عادي اسوي اي شي ماما وبابا يقولونلي اسويه :icecream:


تحفة لا تقارنين عمرج بالشرطة

الشرطة احياننا تستعمل الاربع اشاير بدال "اللّوّاح" لأنه اللواح يستعمل للحالات القصوى فقط
و هم يستعملونه عسب انه السيارات تفتحلهم الطريق و تشوفهم و هم يايين من ورا "يشوفون شي يغامز"

مب اي شي يسوونه الشرطه معناه انه نحن نقدر نسويه,, لأنه الشرطة احياننا يقطعون الاشارة الحمراء،، هل هذا معناه انه نحن نقدر نسويها =)

مــــــاشـــــــاءالـــــ له *تك تك* ادق الخشب عن احسدك :tounge:

[ذنـيـنـي]

تحفة الناس تلقينهم قابضين الخط و ضاربين الاربع اشاير 24 ساعه في الضباب

يعني محد بيدري اصلا انه هذه حالة طوارئ لأنه اصلا هم ضاربينها من قبل حتى من قبل ما يدرون انه شي حادث جدامهم

[تحفه]

:ohboy: .. انزين شو الزبده من هالاستنتاج؟ شوتبي تقول من خلاله يعني؟ تبي تقول ان هذا سبب الحادث؟؟

بالعكس لوتفكر فيها لو الناس تشوف هالاشاير هي بديهيا بتخفف السرعه ! ومابيسببون اي حوادث "بليغه"!

[ذنـيـنـي]

الزبده انه سبب الحادث هو

1- استهتار الناس و سواقتهم بسرعه في الظروف الصعبة
2- عدم الالتزام بترك مسافة كافية بين السيارات لتفادي الحوادث
3- الاستعمال الخاطئ لإشارات التنبيه و الي سببت نوع من التظليل و الارباك للسائقين الاخرين
و انتي بروحج قلتيها يوم الناس بتشوف هالاشارات بديهيا بيوقفون،، بس الي صاير انه الناس اصبحت تسوق سواقة عادية بالاشارات هذه،، يعني ما يستعملونها لوقت الضرورة لذلك اصبحت هالاشارة ما تعني شي في وقت الضباب لأنهم مشغلينها طول الوقت


هذا هو المختصر =)

[مجموعة إنسان]

صح ناااصر
هذا سبب الحادث وكان بين تقريبا 10 سيايير
بس الباقي
اكيد الآل انترس في ا الشارع
والمواتر يايه بسرعه وتشاااوح ووتدعم
وسيارة على سيارة
اكيد تستوي حوادث كبييييره