شو من المخفي ؟

[المزوحي]

السلام عليكم

على ماظن والله اعلم إنه الشتاء خلاااااااااااص، مافي شي اسمه شتاء، وسلمكم الله بغيت اركب

مخفي، لكن مب الحين، عقب ما اجدد موتري، يعني عطوني 10 أيام ..

المهم ... :6:

كنت افكر في v-kool ولا اركب زيرو زيرو عاكس و50% عند الايراني :fa56:

يالله بغينا نصايحكم عسب المخفي ...

اللي على الموتر خف، والشمس من صوب جامتي حراره :4:

[ألم ترى]

بسم الله الرحمن الرحيم ..

هلا اخوي ..

القرار اليديد يعطيك 30% بس ! ..

بنشوف شو راي الاعظاء ف التلوين ونوعيته وبنستفيد إن شاء الله ..

بحفظ الله ..

[المزوحي]

ألم ترى ... من زمان وانا اركب 80% .. ومحد يعرف إني انا في الموتر يوم يكون واقف .. صدق غيييييير

بس السنه .. قلت بحط خفيف .. حطيت 50% واستوى 3%

الحينه عاد الــ 30% شو تسوي ؟؟

زين 30 خلاص، بس من وين نركب ؟؟

نتريا الاعضاء

شكرا ألم ترى

[ملاك الروووح]

:

أنا أقول بعد ..

بسك 30% :k_harhar1:


مب زين !

بيخالفونك !


ده كان زمان يوم محد يلاحظ ومحد يقول شي

بس الحين مع هالنقاط السوده وهالنظام اليديد .. كل شي بيتغير :h_daleel:

[المزوحي]

تدرين ملاك الحمدلله محد كان يزخني، مع إنه ماعندي واسطه وخرابيط ... مره وحده زخوني أونه الليسن والملكيه



عقب قال لي رقيب سير، شو تباني اسوي، قلت له على راحتك .. رد لي الليسن والملكية وقال تفضل ..

شوفي اللباقه بس ... :vampire:

ولو الحينه بيلاحظون، احتنه ماعندهم شغل، 3/4 شغلهم تحول لهيئة الطرق :k_harhar1:

[الهيثــم]

المخفي إلي ع موتري حاطنه قبل اسبوعين تقريبا أو ثلاث .. على كلام الريال 70% بس انا اشوف انه 50%
لا تقولون لي خف .. لأني من أول يوم قلت إن ها 50 مب 70 ...

[ملاك الروووح]

المزوحي

ترى هم جيه .. يوم يشوفون واحد وغد :biggrin: وملسون ..

ما يودرونه ..


بس يوم يشوفون واحد ذوق .. ويحرجهم بأسلوبه ..

مايسوون له شي :h_daleel:

:

لووووووووووول

هيه والله الحين عند كل لفه وف كل سكه نحصل دوريه :biggrin:


لا والمخالفات يسجلونها غيابياً سو .. الله يعييييييييييين !!:9:

:

[بحر الموده]

30% وانت والقانون رباعه لوووووول

[المزوحي]

زين .. وين اركب مخفي،، في محطة بترول الامارات يركبون بعد ..

[مايهزك ريح]

انا ركبت على الموتر من سنتين .. وما شي احسن منه .. 3 ام .. في بن بطوطة بس غالي موتري سواه ب900 درهم .. مع عازل حراري للجامه اللي جدام .. كااامله ..

ما اعرف اسم المحل .. بس مكانه في باركات الصينيه المظلله اول ما تدخل على يمينك يفتح الساعه 11 الصبح سير له من وقت لأنه ياخذ 3 ساعات يركب المخفي .. وكل العايله ركبوا عنده .. اهم شي انه ما تحس بالحراره لأنه المخفي اللي عنده فيه عزل .. بس انا الجامه للي جدام ماكنت ابا عليها مخفي فركبت عازل حراري زيرو زيرو .. وما يركب إلا 30 % وانا اشوفه زين لأنه موتري من داخل اسود اذا ركب اكثر عن 30 % بيستوي مظلم وانا روحي ما اشوف عدل ^_^

[المزوحي]

يبالي أشوف 3 ام مايهزك ريح

[الشيـــن]

v-kool و تيتاانيوم بعد اوكي

[خيال الحب]

انا من النوع الي ما اهتم بالمخفي بموتري .. انا احط 50% جوانب والجامه الي ورا..

انا انصحك ب v-kool الصراحه اوكــي.. واحسن من الزلمات والمهنده الي يخربون لك الجامه

بس على ماعتقد v-kool لو تبي 70 يمكن يقولك ييب تصريــح عسب يركب لك.. >>مادري اسالهم


وشوف الي قال عنه اخوي مايد 3 ام .. وخبرنا عنــه ..

لو يسمحون بالمخفي 50% والله احسن 30% شو يسوي بهالزمن؟؟!!

لازم نحتج

[الشيـــن]

انا حاطه 50% ومره الشرطه وقفووني خخخ .. مشاااكل ع الريج ! كنت سايره الدوااام !

بعدين مادري شو قتله وطوفنـي .. وماغيرته هع !

قبلها كنت حاطه 30% بس مب شي مب جنه حااااطه مخفي !!

[المزوحي]

شكلهم عندهم جهاز، يعني مافي مجال تناقشهم وتقص عليهم !

بشوف باجر يمكن أغير المخفي، والله إني هلكت .. الشمس صوب اليسار عذبتني

مع إنه المخفي كمل 6 شهور، مب سنوات، مثل ناس تخليه لين ماتذوبه الشمس ويغدي لونه ابيض ..

[الملهم]

قبل كنا حاطين في الموتر 70% ..
بس عقب يودونا شرطة بوظبي .. ^__^

الحين ركبا 30% وارف ..

بس انصحك بالتانتينيوم ..
واحد من الاهل امركب 30% ووايد اوكيه ..
عازل حراري .. بس يبين اشوي من برع ..
هو مركب في بوظبي صوب شارع السلام ..
بس ما ادري اسم المحل .. اذا تبا الاسم بسالك .. ^__^

[الهيثــم]

الملهم : كم سعره هاا ! اسمه صعب يا خي ! .. !!

[المزوحي]

زين، إذا شي منه في دبي ... مب لازم يكون المخفي مظلم، المهم يمسك الحرارة

[الملهم]

هو مركب على موتره كابرس اس اس ..
بـ 600 درهم بس ..

اكيد شيء منه في دبي ..
بس عاده وين ما ادري .. ^__^

[الملهم]

شيء بعد لمسات ..
بس غالي .. على الكابرس اس اس 1400 درهم ..

[المزوحي]

شو لمسات ؟؟؟ اسم المخفي وإلا المحل

وين نحن عايشين ومب دارين بــ هالشغلات

صدق ماعندي خلفية ...

[الملهم]

ههههههههه

نوع من انواع المخفي ..
لمسات ..

وهيه صح عن التانتينيوم ..
المحل يعطيك ضمان 5 سنوات على المخفي ..

^__^

[المزوحي]

الملهم مشكله لو عطونا ضمان، وانا كل سنة لازم اغير المخفي .. ما احب المخفي يتم اكثر عن سنه على الموتر

إلا إذا هو ما يتأثر بالحرارة !!

ويمكن الواحد يبيع الموتر كل 3 سنوات

مكارين هاذيل بعد

مشكور الملهم

[الملهم]

ترا يعطونك الضمان عشان ياكدونلك ان المخفي ما يتاثر بالحرارة ..

ها اللي اعرفه .. ^__^

والعفو العفو ..

[الهيثــم]

بصرااحة فكرة انه الواحد يدفع هالمبالغ الكبيرة ع مخفي ما ادش راسي ...

حراام يعني ...

إلا هو مخفي ... وبتمل منه ...
وتروم تحطله بـ 150 وتغيره كل سنة

ولا تدفع 2000 وشي ولا 1500 وشي انواع ب 2500 على مخفي مرة وحده

[مايهزك ريح]

خطاب .. انا كنت احط قوم بو سبيعن ربيه على الموتر .. وكل مره اغيره !
بس هالمره قلت بجرب اللي بو عازل حراري .. وعليه ضمان سنتين .. بصراحه وايد فرق ..

اولا .. ما يتم الموتر ضو من داخل في الصيف خصوصا انه موتري من داخل جلد اسود.. >_< ..
ثانيا .. يكون واضح الفليل مب مظلم .. خصوصا اني ما اشوف عدل ..
ثالثا .. ما يخف بسرعه مثل المخفي العادي .. لين اليوم ما شاء الله ما اتغير مع اني مركبه من سنتين

اتصدق اخويه كان مثلك احتشر عليه يوم ركبت هالمخفي .. بس يوم ركب الموتر .. وجربه في الحر طبعا ..
اول ما خذ الدينالي سيده سار ركب عليه نفس المخفي اللي انا حاطنه .. ^_^
وخواتي نفس الشي .. قبل اشتطوا .. وقالولي حرام وما حرام .. وعقب كلهم حطوا منه ..^_^

[المزوحي]

بسير في الويك اند، عسب المخفي، بس سالفة إني اسير بن بطوطه .. ماتعرفون مكان ثاني

[مايهزك ريح]

اعتقد انه له فرع في برجمان بعد في الباركات .. بس مادري وين بالضبط شايفنه !

[المزوحي]

هيه ،، برجمان مب مشكلة .. بدور مكانه