خادمة....ولكن

[طير الحب]

السلام عليكم


الخادمة ضرورة أو حاجة...طبعا الكل يقولي ما بتصبرين بدون خادمة تساعدج بس لليوم مب قادرة اقتنع...مرهقه فعلا بس ما اتحمل بشكارة تبدل لطفلي او تغسله احس هاي شيء حميم يخص الام وممكن اسمح لخواتي او خوات ريلي بس البشكاره لا ما بتخاف على عيالي من اسبوعين كنت شبه مقتنعه عقب محاولات من بو عبود بس اقوله اخاف استوي هيزه اذا يبت بشكارة معاه انه نحن نباها للكوي والنظيف بس يهال وطباخ لا لاني احب اليهال والطباخ بس اكره اني اكوي وهالمشكله حليتها بالدوبي الي ما يكلفني معاش خدامه...وبلاويهم احس عمري ما ابا اظلم بشكاره معاي لانه ما احب كل طلعاتنا نطلعها معانا وما احب منر الام والابو في سنتر ووراهم البشكاره ميوده اليهال...طيب افكر ايبها لمشروعي خياطه ووممكن بس اخليها توي بس المشكله احب اخذ راحتي بالبيت لانه ما يصير اذا بشكاره بالبيت البس على راحتي اوي ما ادري احس سلبياتهم تكثر من ايجابياتهم ولا انا معقده مع انه بيت اهلي ما يخلى منهم بس انا قناعاتي غير....ابا افهم انا غلط ولا شو...ما احب حد يتحكم بحياتي واحس البشكاره قيد ومسؤولية

[فرح ناز]

البشكارة حسوودااا

البشكارة حرامية

البشكارة وجودها من عدمها كله واحد

البشكارة نفر زيادة فالبيت ( مصاريف اكل وعلاج وتيلفوناات ونفانيف ,,الخ)

هذا رايي بس تعالي شوفي الواقع

احنا عندنا يمكن عندنا 7 بشاكير 3 طباخين 3 خدامات 1 سواق

طبعا في 3-5 يهتمون بالحديقة بس ما اقدر احسبهم لانهم ما ينامون عندنا هذييلة تابعين لشركه .. واحنا كلنا على بعض 5 فالبيت .. طبعا انا ما يدشون غرفتي بس بيتنا كبيييير ماشاء الله يعني امي ما تقدر تنظفة لازم خدم .. انا اكل سندويج وسلطه الاكل كله يروح حق مينو؟ حق خدم

هذا كله مصاريف منوا يدفعها؟ احنا ؟؟؟ ليش؟؟؟ مادري؟؟؟

اذا مرتاحة حبوبة لا تخلين الخدامة اتدش بيتكم

[شمعة أمل]

طيـر

يوم نحن كنا يهال امي كانت تربينا وتلعب ويانا وكل شي بس يايبه بشكارتين عشان ينظفون ويكوون ويطبخون.. يعني البشاكيـر بس كانو يتمون ويانا يوم هالشي ظروري بس عادة كانت اطرشنا وياهم بيت يدوتي لانه كان عدالنا ف جنه أهلنا يهتمون فينـا
طول حياتي ونحن عندنا بشاكيـر بس الصراحه ولا مره يوم طلعنا كـ عايله شلينا بشكاره ويانا .. أحس انه تخلفO_o بس اذا مثلا سايرين رحله ومحتاجين مساعده نشل بشكاره

اذا انتي محتاجه بشكاره هاتيها عشان تخم وتنظف وتكوي وتغسـل .. واذا تبين تطبخ بعد
بس عيالج.. انتي اهتمي فيهم.. لانه هالشي مهم
ويوم تيبين بشكاره خذي وحده عوده.. بتحسـين بأمان.. وعادة الكبـار يكونون أحسن ويا اليهال
ترا البشكاره بتفيدج.. لانه مثلا يوم عيالج بيكبرون شويه وبيسيرون بيت ربعهم ولا عندهم حفله ترومين اطرشين البشكاره.. ولا مثلا بيسيرون يلعبون في الألعاب ترومين اطرشين وياهم بشكاره ف بتحسين بـ أمان

[طير الحب]

ما ادري...محتارة فوق التصور...

[شوق القلوب]

السلام عليكم..

طيـــر.. انا وايد فاهمه ترددج و حيرتج..
الشغاله في نظرج بتحرمج الحميميه اللي عايشينها في البيت.. العالم الحلو اللي متكون من عايله صغيره ..

وجود الشغاله في هالحاله بتخرب من الاجواء وايد.. خصوصاً لو كنت عايشه في شقه..

لو كنت بتسكنين في مكان يكون للشغاله حجره في الملاحق ( بمعنى انه مب موجوده وياج طول الوقت ) بيكون شي طيب و بتساعدج وايد..

لكن.. لو كنت في الشقه يعني تتوقعين دخلتها و طلعتها في أي وقت.. ليش ما اتحاولين اتيبين هالشغالات اللي يشتغلون بارت تايم ..؟ بيكون اريحلج..

او لو حد من أهلج عندهم ملاحق للشغالات .. اتيبينلج شغاله خاصه فيج.. و اتيبينها عندج البيت لوقت معين.. و أخر النهار اترد بيت أهلج .. ع اساس البيت يكون لج بروحج آخر النهار..

[فرح ناز]

صلي استخاره حبوبتي :fa35:

[ملاك الروووح]

::

السلام عليكم


امممم

موضوع الشغالات وايد شائك .. :biggrin:

شرات ما قلتي له سلبياته وايجابياته ..

نحن شغالتنا بعدها ما كملت عندنا سنه ..!

كنا عايشين ومرتاحين قبل بدون شغاله ..

طبعاً أنا كنت بطاليه .. سو شغل البيت كله كان ع راسي ..

وعادي كنت أسويه وأنا مستانسه ..

بس عقب ما أمي اقتنعت انييب شغاله .. وااااااااايد ارتحنا ..

اتسوي شغل البيت .. من غسيل وتنظيف وكوي ..

وطبعاً ما عندنا صغاريه .. سو ما كنا نحاتي وايد ..

يعني يايبينها بس حق شغل البيت .. مع انها في البيت الأولي كانت بيبي ستر ..!!

أني ويي

أنا ضد انه الشغالات هم اللي يهتمون بالصغاريه !!

لأنه الصغاريه وايد يتعلقون فيهم .. ويتأثرون فيها وايد !!

وبعدين وايد نستوي نعتمد عليهم ف كل شي ..

ونستوي صج هيز :biggrin: ما نسوي أي شي عقب

لأنه نعتمد عليها بشكل كبير ف حياتنا ..

يعني حتى قلاص الماي تتهايزين اتييبينه :biggrin: ..!

سو من البدايه اذا يبتي شغاله .. حددي واجباتها ..

وقولي لها انه هاي هي مسؤؤولياتها .. بس ما تتدخل ف الاهتمام ف عيالج ..


اذا كنتي ف شقه .. اممم أفضل اتييبين هاللي يشتغلون بارت تايم شرات ما قالت شوق ..

بييون كل كمن يوم في الاسبوع ينظفون لج البيت ويرتبونه ..

وجيه محد بينتهك خصوصيتج << حلوه ينتهك صح ! :h_daleel: .

وبتحسين براحتج ف بيتج ..

لكن اذا انتقلتي بيت عود .. اكييييييييييييييد بتحتايين شغاله ..

لأنه البيت بيكون عود .. وتعب عليج انج تشتغلين وتنظفين وتهتمين ب عيالج !!

ف أحس وجودها بيكون ضروري ..

لكن ييبي وحده تكون زينه .. لا صغيره وايد ولا كبيره وايد ..!

لأنه الصغار بطرانات .. والكبار شوي ويموتون مابيشتغلون بضمير :biggrin: ..!

:

الله يوفقج حبيبتي .. ف هالقرار اللي بتتخذينه ..

:fa56:

والله يعينج

[طير الحب]

شوق ...فهمتيني...وفعلا اذا في بيت ممكن بس شقة الموضوع جدا متعب...طيب شو الاحسن فلبينيه صح انظف

[شوق القلوب]

هلا طير..

هي الفلبينيه اشوفها أحسن.. ع الاقل شوي بتكون متعلمه و بتفيدج.. ع الاقل بتعرف تقرا تاريخ الانتهاء للمعلبات و هالسوالف..

[قصايد غلا]

تبين نصيحتي أم عبّــادي

ما تبين البشكارة دامج في شقة وتبين تاخذين راحتج ، و دام عندج حل لمشكلة الكوي خلاص يعني مب مهم وجودها

ما أحــــــــب أتعامل ويا الخدم واااااااااااايد

لأني كنت وااااايد أرحمهم و يغمضوني و أسوي لهم سالفة و آخر شي يبطرن

و مووووووول ما أحب أظلمهم ولا أداني أفاتن عليهم لأنهم مب عبيد عندنا

عشان جذه أحب أطلب كل شي من أميه و هي تامرهم

لا أنا ولا اخويه نحب نتعامل وياهم وايد

يوم أشوفهم أبتسم وبسسسسسسسسس لكن إذا بطلب منهم شي يا ان اميه تكون مب موجودة أو أطلب منهم يكوون لي شي :fa35:
ومرّات أكوي الأشيا الخفيفة بروحي يوم أكون مستعيلة


الحمدلله نحن ما نعتمد عليهم وايد ===> أميه و أبويه بيهزبوني لو زقرت البشكارة عشان قلاص ماي :)


وجودهم بس للتنظيف و الغسال و الكواي :icecream:




دخييييييييييييييلكم لا تطرون الفلبينيات:k_nono: ==> والله إنه أغلبهن مظهرهن نظييييف لكن فضل عنهن وصخاااااااااات ولعااااااااانة الدنيا كلها اتيمّعت فيهن


والله في هالسنه 7 فلبينيات أمهات المصايب مرّن عليّه (بشاكير خالاتي و عموه و وحده منهم كانت عندنا ) أوّل ما شفتهن قلت هنه الدنيا ، و آخر شي اكتشفنا العجايب من وراهن:mf_leia:




والله دوم أفكر في مستقبلي و حاجتي للخدم :P
أتمنى إني يوووووم بعرّس :tounge: أسكن عند أهلي ==> عشان أرتاااااااااااااااااح وما أفكر بشي اسمه خدم:14:

[طير الحب]

الخدم...هالأيام مشاكلهن أكثر...انا شراتج قصايد في التعامل مع الخدم من جي ما أفضل اني استخدم بشكارة يمكن هالفترة مرهقه عشان اليهال وطلباتهم بس بعدني افكر مب متحمسه

[عذبة الروح]

وعليكم السلام والرحمه


امممم

عندي اقتناع كامل بـ انه مثل ما يدتي عاشت وقدرت تربي افراد العايله الكبيره
وتهتم في الكبيره & الصغيره في البيت
انا أقدر اسوي هـ الشي مع عايلتي الصغيره :)


يمكن هـ الشي صعب .. وتقولون زمان أول غير عن الحينه
وممكن الحرمه تشتغل وما تقدر تلحق على دوامها ومطاليب ريلها & عيالها & بيتها ..... إلخ !



لكن مهما صار ..
حاطه في بالي لو وصلت لـ هـ المستوى من التفكير
بـ خيّـر عمري بين دوامي والبيت
وطبعا هـ الشي سهل جدا .. لانه الأولويه لـ بيتي

لكن
يوم تكون الحرمه مقتنعه فـ دوامها .. وما تبى تحط عمرها وسط هـ الخيارين
تلجأ لحل يبعدها عن مسؤولية الخدم .. ومشاكلهم واللي هو
انها تييب بشكاره ( بارت تايم )
يعني مرتين أو ثلاثه فـ الأسبوع تكفي
تقدر تشل عنها شغل البيت من كوي وتنظيف الحجر وعزكم الله الحمامات ..... إلخ


لكن خدامه تعيش معانا ... تنام وتنش وسطنا لا .. وألف لا


أهم سؤال اطرحه ...
وين رااااحتي في بيتي .. .. ؟!

وهي مجابلتني صبح & ليل !!!!!

[مجموعة إنسان]

سوو نفسناااا
نحن ما شاء الله يعني مب وايد في البيت ,.,
بس تقدرين تقولين حاجتنا للخدامة ضرورية ,,
تعرفين ليش !!

لان عدنا خدامتين ,, وحده للكوي وتنظيف البيت
والثانية غسيل الثياب و الطبخ
ومن خلاااال تجاربنا ويا الخدم
دوري خدامه فلبينية مسيحية كانت تشتغل في قطر او في سنغافوره
اللي عدنا جذي !!
وحده كانت تشتغل بيت امير في قطر
والثانية في سنغافوره

بتقولين ,, ليش مسيحية !!
لان المسلمات اللي كنا انييبهم حرامية وشغلهم مب شي

اذا تبين خدامات نفس خداماتنا ,,
خبريني
بطرشكم لمكتب خدم في راك !!
او تقدرين تكلمينها
لان مديرة المكتب كانت خدامة في بيت خالتي
والمديرة اللي في الفلبين بعد كانت خدامة عدنا !!

[مجموعة إنسان]

نسيت اقووول شي ,,
ان خدااامة الكوي أهم بمليووون ألف مره عن خدامة الطبخ ,,
لان الطبخ مقدور عليه بس الكوي وفرز الثياب مشكله

( تخيلوا يوم تسافر خدامة الكوي نتلعوز نحن الأولاااد ,, لان هي اللي تعرف تفرق كناديرنا ,, ولا علينا نحن ما نعرف ونلبس كنادير بعض)

[مــهــابه]

أم عـبدالله :

بحـكم أنج فـ عـايله صغير تتكون من طفلين وأبويهم فـ أعـتقد مافي حاية للبشكاره . .

تـدرين ليش؟!

لأن البيـت ~ مملـكة ~ للحرمة بـروحها . .

يمكن الحايه لها مستقبلاً تكون ضروريه . .

لكن ! الحين ما اعـتقد . .

انا ختيه كانت شراتج عندها بنت وولد بس مايابت البشكاره إلا يوم أشتـغلت واضطرت انها تخليها تتطبخ ، بس عيالها تخليهم عند امايـه . .


فـ من وجهة نظري الشخصيه ، لو المسأله كلها على كـواي ، الدوبي يحل الموضوع . .


والبيت بلا بشكاره يكون فيه خصوصيه أكثر ويحسسج فـعلاً بأنج حرمة ومسؤولـه عن زوج وأطفـال . .

وتأدين واجبج بـدون قصـــوور . . .

[طير الحب]

مجموعة انسان خلاص من اقرر بخبرك لانه فعلا ما لقيت مكتب خدم موثوق من خبرات المحطين بي وانا اباها كوي وتنظيف بس باقي الشغلات احب اسويها بروحي


مهابه...معاج كل الحق وهاي نظرتي وان شاء الله حاليا مب مقتنعه

[وعد]

الخدامه ضرورة اختي للمراة العاملة , لانه بتحتاج حد يساعدها
ام المراة الي هي ربة البيت احس احتياجها للخدامه اقل بحكم انها بالبيت طول اليوم

بالنسبة لي انا عندي خدامه بس لو كنت غير موظفه ما كنت بحتاجها

[طير الحب]

مرحبا



يبت خدامة فلبينية مسلمة وانجلب حالي وسفرتها

ما احب دلع الفليبنيات

حاليا محتاجه لخدامة تسوق ومضطره ايب فلبينيه على ما اعتقد بس مسيحية بشو تنصحوني

ما تعبت من شغل البيت

بس ظروفي شوية تغيرت فأحتاج مساعدة طفيفة...؟

للعلم انا إنسانة جدا دقيقة وأحب الي يتعامل معاي يحترمني ويؤدي شغله على أكمل وجهه بس بعد وايد طيبة وما أعرف أفاتن وبسرعة يغمضني اي حد وهذا كان أساس مشكلتي مع الخادمة السابقة استغلت طيبيتي...وريلي يقولي الخدامة لج فأنتي الي تتعاملين معاها والله مش عارفه أعمل ايه.."؟

[حلم الطفوله]

السلام عليكم

المستخدمه ( تعودوا تقولون هالكلمه أحسن )

شر لا بد منه وخصوصا للكوي !! أنا نفسيتي تستوي داااون يوم تسافر الشغاله فجأه وأضطر أكوي لثياب

وأكره نفسي بالسفر يوم إخواني يتفلسفون ويطلبون مني أكويلهم

مجموعه !! شو اسم المكتب إلي براك ؟ بطلب منه لأنه شغالاتنا بيسافرن جريب :)

[طفلة من هذا الزمان]

ام عبـــــــادي //

مرة كنت اقول حق ربيعتي عن ربيعتنا تبا اتييب مسيحية و فتنت عليّ .. قالت لي انه في فتـوى يديدة تحرم استقدام المسيحيات - مع انهن مش كافرات يعني من أهل الكتاب - بس مااعرف صحة الموضوع ..

لكن كفكرة عامة .. انا فعلا ماحب المسيحيات و لا الفلبينيات .. احس إلهن مــآرب أخـــرى يوم ايوون .. مع ان كل اللي حوالي يعارضوني و مصرين ان الفلبينيات احسن عن الاندونيسيات .. و انا اقوول العكس .. من تجربة .. مالنا حظ أبدا مع الفلبينيات .. و انتي تبينها دريولية .. المعظم يكونن من هاييل المستريلات - استغفر الله يعني بس يزيغن ..

و الله حااسه فييج .. القرار جــدا صعب .. بس انصحج كل ما شفتي وحده استخيري .. و ربج بيسرلج الأحسن

[طفلة من هذا الزمان]

حلوووم // تحيدين الشهر اللي عاانيت فيه يوم ست الحسن و الدلال (مستخدمتنا ) سااافرت ..

اسمييني عاااانيت // خصوصا ويا الطبخ :k_no: الله لا يردهــــــــا من أيــام :fa46:

[حلم الطفوله]

طفله

تراني يوم شفتج بالموضوع قلت أكيد تبكين عالأطلال :)

عن تجربه طفله

الوالده دوم تقول الفلبينيه المسلمه ( هيزه ) و ( إيدها خفيفه ) عن تجربة ربيعاتها

والاندنوسيه زين وشينه ( وأسحارهم تزيغ )

أخوي الحين يقول للوالده اطلبي نيباليه !!

ما أدريبه يسولف وياها وإلا صدق