] ذنيني .. ومن يرغب من الجماعه ..ادخلواا .. ~

[مايهزك ريح]

اليوم اكتشفت مكان .. مادري اذا تعرف عنه من قبل .. انا اول مره ادخله !

المكان سلمك الله في داون تاون دبي .. عدال برج دبي .. اسم المكان سنتر البحر .. جنك ساير فندق the palace اللي ملاصج برج دبي .. انا حطيت اسمك في العنوان لأني اعرف انك اتحب هالأماكن !

صورت كمن صوره طبعا بالموبايل .. واسمحلي على رداءة الصور .. بس المكان رووووووووووعه محد كان يمشي فيه غيري :biggrin:

فاتحينه من 29 نوفمبر ..وانا توني اشوفه :10:


خارطة السنتر ..

http://oasis.bindubai.com/bin/uploaded/558_01205002281.jpg (http://oasis.bindubai.com/bin)

http://oasis.bindubai.com/bin/uploaded/558_11205002281.jpg (http://oasis.bindubai.com/bin)


http://oasis.bindubai.com/bin/uploaded/558_21205002281.jpg (http://oasis.bindubai.com/bin)



http://oasis.bindubai.com/bin/uploaded/558_01205002532.jpg (http://oasis.bindubai.com/bin)

http://oasis.bindubai.com/bin/uploaded/558_11205002532.jpg (http://oasis.bindubai.com/bin)

هالمكان فيه استاربكس يطل على البحيره ! وايد حلو المكان .. اذا تبا تعزم حد :biggrin:

http://oasis.bindubai.com/bin/uploaded/558_21205002532.jpg (http://oasis.bindubai.com/bin)



http://oasis.bindubai.com/bin/uploaded/558_01205002739.jpg (http://oasis.bindubai.com/bin)

http://oasis.bindubai.com/bin/uploaded/558_11205002739.jpg (http://oasis.bindubai.com/bin)


http://oasis.bindubai.com/bin/uploaded/558_21205002739.jpg (http://oasis.bindubai.com/bin)


http://oasis.bindubai.com/bin/uploaded/558_01205002867.jpg (http://oasis.bindubai.com/bin)

http://oasis.bindubai.com/bin/uploaded/558_11205002867.jpg (http://oasis.bindubai.com/bin)


والسموحة على رداءة الصور .. :4:
بس المكان حلو ويستاهل انه الواحد ايسير له !

:inlove:

[المزوحي]

مرحبا مايهزك ريح، مشكور على الصور، وانا أول مره اسمع عن هالمكان منك ..

انته وذنيني وغيركم .. بنتريا صوركم والفن اللي يظهر منكم :)

شكله خالي ومافي حد ..

[قرموشة]

وايد حلو المكان ! والزوايا للي فيه روعه ..
يبالك تسير هنـاك بالنيكون وتصور لنـا كمن صووره حلوة Pp=

[تحفه]

هي هالمكان من زمان فاجينه .. يقولون مطاعمه كلهاا بتكون عربيه لان الثيم كله خليجي في خليجي .. ماله الا مدخل واحد بعد .. قبل لا الناس تعرفه كنت دوم انا وربيعاتي هناكي XP

احلى شي يلساته العربيه

[مايهزك ريح]

المزوحي .. قرموشة ..
مشكورين اخواني على الردود ..
واذا تبون الدايركشن انا حاظر .. بس انتبهوا انه درب هالمكان كله مطبات ..
وفي مطبه ما شفتها .. وكسرت موتري .. قلبي عورني .. لازم ارد اسير العصر مب الفليل لأنه المكان مظلم

[مايهزك ريح]

مرحبا تحفه... ليش ما قلتيلنا عنه !
فاتحين مطعم ايطالي .. اسمه Italian Kitchen ووايد كوفي شوبات !

[المزوحي]

مايهزك ريح ...

يعني لو انا ياي من زعبيل، وعلى يميني مروج روتانا، كيف اسير له ؟؟

هذا الموقع


توني شفت المحلات اللي فيه، يبالكم تكبرون الحجم عسب تقرون المحلات والكوفيات الموجودة

http://www.theoldtownisland.com/content/Store%20Directory-Eng.pdf

[عهد الوداع]

انزين ليش ما فيه حد غريبه وفي دبي ...

ما يهزك ريح تسلم ع الصــــــــور ...

[ذنـيـنـي]

افا عليك يا ماايد
سرت هناك و صورت D=

http://oasis.bindubai.com/bin/uploaded/313_01205007600.jpg


^
مدخل فندق القصر

[الملهم]

انا ادور شرات ها الاماكن ..

تسلم على المعلومات ..
واكيد لازم اسير له .. ^__^

[شوق القلوب]

السلام عليكم..


المزوحي.. اذا كان المروج على يمينك هو بيكون على يسارك..!


..


اسهل مكان تدخله لو كنت على شارع الشيخ زايد بس في اتجاه بوظبي - دبي.. متى ما اتقربت من برج دبي.. بتلاقي لافته صغيره.. كأنها مدخل للانشاءات.. Entrance ما ادري كم.. المهم على اللافته مكتوب اسماء الاماكن اللي داخل..


و عقب تتبع اللافتات و بتوصله.. و مثل ماقال مايد.. تراه مجابل فندق the palace .. ع فكره الفندق بعد فيه مناظر حلوه.. خصه في الليل..

[أنامل قلب]

:

حلو المكان ما شاء الله ^_^ ,،

:

تسلم أخوي ما يهزك ريح ..
ما تقصر ..

:.

[مايهزك ريح]

المزوحي هو اسهل اذا انته ياي من بوظبي لدبي .. !
اول ما اتطوف مركز دبي للطيران ودناتا .. بتييك لفه مكتوب عليها داونتاون واسامي فنادق .. تتبع فندق the Palace لين توصله اول ما توصل بيكون مجابلنك دوار تاخذه يمين اذا تبا سوق البحر .. وسيده يدخلك فندق القصر ويسار يودييك الشقق للي شارين شقق ملك او مأجرين !

[مايهزك ريح]

مرحبا عهد الوداع ... المكان يديد محد يسير له لأنه الشوارع اللي تودي له أرف .. !
كل الدرب مطبات .. وستين ألف لفه .. اتدورين لين يدور راسج !
وما فيه وايد محلات .. نفس مدينة جميرا !

[مايهزك ريح]

ذنيني .. سرت القصر ولا المركز .. لأنه وايد فيه اماكن .. وانا اعرف انه هالأماكن تعيبك !

[مايهزك ريح]

مرحبا الملهم .. شرحت للمزوحي كيف توصله !

[مايهزك ريح]

شوق القلوب .. سرتي للمكان من قبل .. انزين ليش ما قلتوا لنا عنه !

[مايهزك ريح]

مرحبا انامل قلب .. المكان صدق رومانسي والجو حلو .. سرت اكتشفه قبل عقب بودي الأهل .. !
بس صدق كان شكلي غلط وانا امشي روووووووحي .. ومحد ويايه .. والمكان خااااااااااااالي .. ما حد غيري انا والسكيورتي ^_^

[ذنـيـنـي]

سرت سوق البحر و دكان المنزل "اعتقد جي اسمهم"
فندق القصر بس صورته من برع,, ما دخلته

عندهم كوفي شوب وايد حلوو تابع لمحل بتيل مال التمور
يسوي سوالف عجيبة و غريبة و منها على سبيل المثال تيراميسو بالدبس !
و اسكريم بـ "الخلاص" و الدبس

يبالك تسيرله,, صدق شي على مستوى

[طير الحب]

وايد حلو المكان ذكرني بمينا السلام بنسيره قبل لا يستوي زحمه

[تحفه]

غريبه انهم فجو فيه كوفي شوبات :S

انا من سويت حادث فسيارتي ماقمت اطلع وايد وبعدين انته وين ساير بصراحه اول مره اشوف البلدنغ طويل من داخل انا المكان الي سرته وايد متفوح :S

[المزوحي]

شوق القلوب مشكورة اختي ..

مايهزك ريح، يوم قلت بوظبي - دبي .. تذكرت شي،، كنت دوم اشوف ناس يلفون افول هاذيل وين يسيرون هنيه

يمكن نفس المكان... لأني أكون راد من صوب اعمار ...

[مايهزك ريح]

مرحبا ذنيني .. انا بس سرت سوق البحر لأني ساير على الساعه 9:30 تقريبا .. بسير مره ثانيه بكمل باقي الأماكن عشان اصور .. ^_^


طير الحب .. الحقي قبل لا يعرفون عنه الناس ويستوي زحمة ^_^!!

تحفه .. في كذا مكان هناك .. في سوق عدال فندق المنزل .. وسوق ثاني اللي هو سوق البحر ..
يبالج اتسيرين اتحوطين هناك !





ايوا صح المزوحي .. لأنه هناك سكن ( شقق وفنادق يمكن 3 او 4 !
والتكاسي ييبولك المرض ..من كثر ما هو لاصق فيه خلاني احوم المطبه !

[المزوحي]

مرحبا مايد، البارحه في الليل سرت هناك، اللفه مجابله تقريبا سفستوي .. الدخله على اليمين، قلنا خلنا

نلحق التاكسي، لأنهم يدلون، وتميت اتبع اللوحات وين مكتوب سوق البحر، كانت الساعه 9:45 يعني ماشي

مجال انزل، مع إنه ممكن ، تكون المطاعم فاتحه .. عند الظهره ماعرفت .. وفي تاكسي واقف، يوم سألته

قال خذ دوار يسار وعقب أول لفه يمين ... يدلووون هل بالتاكسي ..

برد أسير إن شاء الله ... قبل مايستوي شرات الفستفال من الزحمه

[مايهزك ريح]

مرحبا المزوحي انا بعد ناوي اسير مره ثانيه عشان اصور .. لأنه صدق في زوايا حلوه .. بس شكلي بشتري العدسه اليديده عقب بسير ^_^

[عمة العيم]

هي هذا يسمونه سوق البحر

بس غريبه ليش محد صور الحوض الاندلسي

الماي يعكس المبنى جنه مرايا

المنظر وايد جميل

(^_^)
...

[مايهزك ريح]

مرحبا عموووووووووه .. صورت .. بس بعدني ما عدلت الصور عشان احطهن ^_^

[المزوحي]

مايد بما إني سرت سوق البحر ( داون تاون ) قلت بحط الصور

http://www.up07.com/up8/uploads/863a552174.jpg (http://www.up07.com/up8)

http://www.up07.com/up8/uploads/2b769ac3ed.jpg (http://www.up07.com/up8)

http://www.up07.com/up8/uploads/332e5aabf4.jpg (http://www.up07.com/up8)

http://www.up07.com/up8/uploads/0998defe11.jpg (http://www.up07.com/up8)

http://www.up07.com/up8/uploads/a9e172b96b.jpg (http://www.up07.com/up8)

والسموحة

[مايهزك ريح]

Nice .. ^_^

[المزوحي]

في صور زياده، لكن أوادم في الصور :vampire: