صوتكم مسموع !

[ألم ترى]

بسم الله الرحمن الرحيم

http://oasis.bindubai.com/bin/uploaded/3361_11204905429.jpg (http://oasis.bindubai.com/bin)

خرخشه واصوات تطلع من ورى الطوابير !
اعضاء زعلانين ومتذمريني من اشياء معينه
نحن مانذمهم وكم نتمنى نسمعهم

اي طلب او نقد لـ اي شيء وكل شيء تبونه
اقتراحاتكم وطلباتكم ونظرياتكم
هنا تقدرون تطرحون مشاكلكم لـ الأدارة !

انا عضو مثلكم ولي مطالب اكيد
واحب تكون طلباتنا مختومه بقلم واحد
قلم الأصدقاء وأوفياء واحات بن دبي !

[المزوحي]

كم زعلت في الأول، إني كنت اطرح مواضيع، ويقولون موضوع مكرر أو منقوول، مع إنه مايكون منقول ..

صدق شي يضايج ، لكن دومهم ينادون بالرقي .. وعسب الواحات تكون مميزة ويكون منتدى على مستوى

يعني مب كوبي بيست ... وإذا انتوا تبون هالشي، فخلونا ناخذ راحتنا مرات في واحة معينة وموضوع معين ..

نحن مب في المدرسة وإلا في الجيش، وكل شي له حد أكيد ..

صح يطالبونا بالانضباط عسب مصلحة الواحات ..

لكن الحمدلله إنه واحات بن دبي مميزة، فلاتخلون التميز يتغير بزعلنا ...

أتمنى إني الصوت يكون مسموع ...

ألم ترى شكرا لك

[طير الغرام]

http://oasis.bindubai.com/bin/uploaded/1184_11201028869.gif



أخويه ألم ترى دومكـ سبـّاق للخيــر ولمصلحة الواحات
وأنا عن نفسي إذا في شي أقدر أسويهـ فـ أنا حاضره
وإن شاءالله نغطي الثغرات اللي صايره ! ونرقى بكم للأفضـل


وترى الواحات بدون الأعضاء ما تسوى
فـ لو شو ما صار لا اتخلون أسباب تافهه اتخرب اللي بنيتوه من زمــان


احنا ما نبى انحسس الأعضاء انهم مجبورين ع شي
بالعكس أهم شي راحتهـم ..!!
( وأعتذر لني عممت بقولي احنا )


وإن شاءالله التواصـل يكون بينـا أكبر
وكل مراقـب يداري واحته أكثر ،، ونعذرهم إذا ظروفهم حدتهم

وأنا أدري اني امقصره بس اظروفيه هيه اللي اتحدني !


والسموووحه منكم =)


http://oasis.bindubai.com/bin/uploaded/1184_21201028869.gif

[أنامل قلب]

...

:

السلام عليكم ورحمة الله وبركاته ..

ما شاء الله عليك عمي ..
أبد ما تقصر ..

جهودك ندركها وندرك ثقل قدرك ..
فابقى كذلك ولا تحرمنا ما تملك ..

وإن كان بنظرك بسيطا فهو لنا ذو قيمة طيبه .. !

كما احترامي وتقديري الدائمين لشخصك ..

:.... .. .


:


انزين ..
لو ممكن أبدي كلمه لنفسي وللأعضاء عامه .. !


اممم ..


كلنا عارف بحالة الخمول والركود اللي مرت ابها الواحات ..
ولازالت وإن خف الركود بنسبة ضئيله ..


نشوف الشكاوي والتذمر واللي متملل واللي مضايج ..
واللي يستفسر ليش هالركود .. ؟!


اللي يسأل عن المواضيع الجديده ..
واللي يبحث عن الردود ..
واللي واللي واللي .. ؟!


لكن لو وجه كل واحد منا ردود الأفعال هذي لنفسه وسأل بصراحه ..


هل أنا ممن ساهم لتواجد هذا الركود .. ؟
هل أنا ممن ساهم بحل هذا الركود .. ؟


لاختلف الحال كثييـــــــــرا .. :smile2: !


:
:


والمعذره .. !


كما قد يكون لي عوده ..


:


...

[حلم الطفوله]

السلام عليكم ورحمة الله وبركاته

أخويه ألم ترى

مشكلتنا إنه الواحات احتلت جزء كبير من حياتنا والتواجد فيها صار إدمان ماله علاج

حبنا للواحات كبير واحترامنا لإدارتها أكبر

مشكلتنا الرئيسية بالواحات إنا نفتقد تواجد الإدارة وتفاعلهم ويانا وخصوصا بن دبي

يرد لنا بين فتره وفتره ويوعدنا بالتفاعل وعقب كم يوم يختفي ....

اكيد لكل إنسان مسؤولياته بالحياة ...بس الواحات بدون تفاعله ويانا يسبب نوع من التخبط إلي يؤدي للإحباط

كلمة حق بقولها في حق الحاضر الغايب وعايش وهم ....

وجودهم وتفاعلهم ويانا بتطبيقهم القوانين العقلانيه جدا نفتقده هالفتره واااايد وااااايد

بالعكس وجودهم في المواضيع يعطيها أهمية .... وتصرفهم عقلاني ومنطقي جدا جدا

وأكيد إنه الواحات على أيامهم كانت في قمة عطاءها .... مب علشان الصرامه في القوانين ولكن علشان إنهم ما يقبلون غير المميز من المواضيع فيحفزون الأعضاء الموجودين على الابداع في طرح افكار لمواضيع يديده وحصريه في الواحات

والدليل إنه الواحات وصلت لمستويات مرموقه خلال تلك الفتره ....

طلبي الوحيد ..... هو عودة الاداريين والمشرفين للمشاركه والتفاعل مع الأعضاء لأنه الواحات بدونهم الحين جامده وتحتضر

ما أنكر وجود أعضاء يحاولون قتل هالجمود بطروحاتهم المتميزه ...بس بعد نفتقد الألوان الحمر وقوانينها :)

[عايش وهم]

السلام عليكم

لي عودة للتعقيب

[شمعة أمل]

أعتبر نفسي من الأعضاء الزعلانيـن:ghostface:

كـ عضوه.. انا أدش الواحات عشان اتواصل ويا العضوات\أعضاء.. أستانس .. أتعلم
ما أدش هني عشـان أحس بالإهانه!:glare:

مثل ما قال المزوحـي.. نحن مب في المدرسه.. ولا في الجـيش
نحن في منتدى

من فـتره.. مسحو ردودي.. أولا.. بدون مايخبـروني.. وثانيـا.. لانه أونه السؤال ممنوع:ghostface: مع انه السؤال له خص في الموضوع
ولا مره في حياتي حسـيت بالإهانه كثـر هذاك اليوم..
المفروض المراقـب مايكون له الحق انه يمسح ردود الأعضاء لو مافيـها شي غلط.. المفروض يمسح الردود فقط لو فيهم سب!! وانا مب من النوعيـه الى يسبون
حتى لو ان شاء الله سوالف.. لازم مايمسحونهم.. (مع اني ما كنت أسولف حتى)

والقهـر.. انه يمسحونهم بدون مايخبرونـا.. يمسحون الردود على كيفهم ويختـفون
لو المراقب يمسح لازم يطرش رساله ويقول ترا انا مسحت ردج! والسبب! (ولازم السبب يكون مقنع)

شي مراقبـين ابدا مايحبون يتواصلون ويا الأعضاء.. بس يحبون يهددون ويمسحون.. مب حاله هاي

هالسـالفه وايد ضايجتبي .. لدرجه انه الحين استويت ماداني ادش الواحات وايد.. واحس اني خلاص مابا ادش الواحه الى استوت هالسالفه فيها!!!

مادري اذا بس انا
لكن أحس اني شي خط بين المراقـبين والأعضاء.. وبس شي مراقبيين قليليين ومنهم ألم ترى.. الى يحسسونا انهم مثلنا.. أعضاء.. اما الباقيين.. مادري.. من استوو مراقبين تغيـروو..
نعرف انه لازم يهتمون في واحتهم.. بس مب معناته يشردونا من الواحه ويزعلونا..
شي قوانيـن.. ندري.. نفهم.. مب لازم يذكرونا بهالشي كل يوم..

كلنا نسولف.. السوالف مب ممنوعه.. لانه لو كانت ممنوعه مابيكون شي مواضيع او اعضاء:tounge:.. بس السوالف الزايده لا
لكن المشكله انه بدو يمنعونا نقول اي شي.. يبون كل شخص يحط رد بدون مايتواصل ويا الشخص الى طارح الموضوع..

يخلون الواحد مايبا يشارك


أحس انه يبالنا يوم وين نحنا الاعضاء نمسح ردود المراقبيـن ويحسون باللي نحن نحس فيه.. عقب بيعرفون لـيش نحن نزعل

[قصايد غلا]

بما انك يا ألم ترى عطيتنا القرين لايت عشان نقول اللي في خواطرنا

أنا بقول لي في خاطري



كلام شمعة صح 100% ، والله شي مراقبين ناسين عمارهم انهم من الأساس كانوا أعضاء

لو ملكوا الواحات مادري شو بيسوون:glare:

هم محطّايين عشان ما تكون فيه أشيا غلط في الواحات ، و الغلط = سب + قلة أدب + أي كلام يسيء للدين ....إلخ:fa46:



مرة انمسحن ردودي ومن هذاك اليوم ماداااااااااني أشوف نكّات ناس الله يستر عليهم و قد ما أقدر أحاول أتجنبهم ===> ما أقدر أجامل و أقول عاااااادي مول مب حاطة في خاطري ، بالعكس حز في خاطري اللي سوّوه



أتمنى إن مسح الردود ما يتم بدون رسالة خاصة للعضو عشان يعرف غلطته وما يكررها:a070:

لأن هالشي يطفّر بالأعضاء و يخليهم يتردّدون ألف مرة قبل لا يكتبون أي رد دام إنه في مجال تنمسح الردود:fa45:

[عايش وهم]

السلام عليكم


شكراً لاخونا ألم ترى على تبنيه لقضايا الأعضاء و شكراً على كونه الوصلة الخيرة بين الإدارة و الأعضاء و لو أني أرى أن الأعضاء باستطاعتهم التواصل مع أي إداري و لكن قد يختلف الإستيعاب من إداري لآخر على حسب شخصه و دوره كإداري ... كما أني أشكر كل عضو إنتقد أو أثنى ... لأن النقد قد يعالج إشكال ما و الثناء قد يحفز على التواصل .


... إخوتي أخواتي الكرام .


لنتخيل معاً .. و على سبيل المثال لا غير ذلك
أن الإدارة منحت كل عضو حق التصرف في مواضيعه الخاصه .. من حذف الردود و التعديل عليها .. و لنفترض أن الإدارة وضعت نظم على أساسها يتم تقييم المواضيع على أساس الردود و التعقيبات .. و كان هذا العضو يسعى للتميز .. برأيكم .. ألن يكون هذا العضو حازم مع الردود التي ستدرج من قبل الأعضاء الآخرين في موضوعه ؟ و هنا سيختلف الأعضاء عن بعضهم .. فبعضهم سيبعث رسالة ينوه فيها عن حذف الرد و آخر سيضع ملاحظة في الرد عن سبب التعديل و آخرون قد لا يلقون بال لكلى الأمران .. يعني ذلك أنه أمر عائد للمسؤول عن هكذا أمر .. هي مجرد افتراضات لأوضح لكم الأمر .


سؤال : يا ترى مالذي دعى ادارة واحات بن دبي لنص قوانين و ضوابط ؟

الإجابة على هذا السؤال تكفي لو أنا فكرنا بها للحظة .. بعيداً عن أخذ الأمور بشكل شخصي و الوقف عنده على أساس أنه حق ضائع و مسلوب .


أخوتي أخواتي الكرام ...

كمشرفين .. نحن لا نسمح بتعنت مراقب ما أو إداري مسؤول عن واحة ما .. فقط لمجرد التعنت و التعصب ضد عضو ما لأسباب شخصية .. و لو أني على يقين أنه لا يوجد لدينا إداري من هذا النوع إلا أنه لو وجد لما طال تواجده مع فريق الإدارة .. في فترة ما كانت تدور معارك حامية الوطيس بين الإداريين و ذلك من أجل حق عضو ما أو تصرف خاطئ بحق عضو ما .. و شخصياً أشهد أن البعض منا كإداريين يبادر بالإعتذار حين يخطئ بحق عضو ما و أشهد كذلك أن غالبية الأعضاء لديهم من رقي الروح ما يسمح لهم بقبول الإعتذار مرفقين ابتسامة رضى على الفور .

أحياناً تأخذنا حماسة الاستنفار مستنكرين من تصرف مراقب أو إداري بحق ردودنا و مواضيعنا و ذلك لأن الأمر يعنينا لكن يغيب عن بالنا أن الإداري لا يعمل ضد أحد إنما يعمل ضد الردود أو المواضيع الخارجة عن نص الضبط الذي حددته الإداره و قد تسائله عنه في يوم .. يعني ذلك أن العضو لا يعامل كعدو لا سمح الله إنما تبدر منه تصرفات في الردود يراها المراقب أنها تعدت حدود المسموح به ..

ملاحظة هامة أرفق معها ابتسامه : لا أحد يقتنع بمخالفة شرطي المرور على الرغم من أنه يعلم علم اليقين أنه يستحقها .. إلا أن شرطي المرور لا يعاديك كشخص إنما يحاول ضبط مخالفات الشارع .

و الحمد لله نحن لسنا في شارع و عليه نقول .. أن التعليمات واضحه .. و من لا يريد أن تتعرض ردوده للتعديل أو الحذف .. ما عليه سوى أن يقضي دقيقه في مطالعة ضوابط الواحة المعنية .. أو تنبيهات مراقب الواحة إن كانت موجوده ليتفادى .. ما لا يطيقه .



نحن نعمل من أجلكم لا ضدكم

و تخيل أن الإدارة لا تنتهج الحزم في اسلوبها .. و تعرضت أنت لإهانه من عضو ما .. فكيف سيكون الأمر ساعتها ..

هذا بشأن الردود
---------------


أما بشأن غياب النكات الحمر عن التفاعل ..

فالأسباب لا تحصى و هناك أمور فوق طاقتنا ... و أهمها اختلاف التوجهات بين المعنيين بالأمر و عدم توفر صلاحيات تقنية تعطي مجال لتحقيق أهداف قيمة .. الأمور معقدة بعض الشيء و الشرح بها يطول و اللائمة تقع علينا ككل لا على فرد واحد .. لكن نعدكم أنه سيكون هناك من يعوضكم عن غيابنا آملين منه أن يكون أفضل من سابقيه بآلاف الآميال و آلاف الطموحات المرجوة ..

عن شخصي لا أقول سوى "آســف على غيابي"



اخوكم عايش

[صريح]

[ عايش وهم ]


تسلم على توضيح بعض الامور للاعضاء
:smile:


بعيدا عن المشاحنات اللي تكون بين الاداره و الاعضاء
و المشاكل اللي تصير دوم


انا برمس عن واحات بن دبي و اعضاء الاداره بكل مسمياتهم من المشرف الى المراقب



الاداره تتكون من فوق الـ 20 شخص .. 80% منهم ما يتفاعلون ولا مهتمين بواحاتهم " الا من رحم ربي"
بالشهر يحدرون مره ولا مرتين .. يكتبون رد او يغلقون موضوع و يرجعون لسباتهم الشتوي مره ثانيه

وين التفاعل ويا الاعضاء ؟
وين مشاركاتهم و مواضيعهم اللي تحرك الواحه اللي هم مراقبين عليها ؟


من ناحيه الردود:

بعضهم ما يشارك الا على مواضيع معينه او بمعنى ثاني مترفعين على باقي الاعضاء
بسبب انه مواضيع الاعضاء ما توصل للمستوى الفكري و الكتابي للمراقب ( و هذا الشي ينطبق على بعض الاعضاء كذلك)
معروف انه مستويات الاعضاء متفاوته فالكتابه و التفكير .. اذا المراقب يشوف العضو مستوى نازل ليش ما يشجعه و يعلمه من اللي يعرفه

شغلت المراقب اكثر من انه يمشي القوانين ع الاعضاء ولا يغلق و يمسح ردود ..
بس منو اللي يعرف هالشي ؟!



مراقبين صفر على الشمال:

بعضهم مراقب بالاسم فقط
حتى و هو مراقب على واحة ما ينزل مواضيع ولا مسابقات في واحته "مرات العضو يشك اذا هذا المراقب يعرف شي عن واحته"
اذا المراقب بنفسه ما يساهم و يشجع كيف تتوقعون الواحات بتستمر ؟




بتقول المراقبين بشر مثلنا و عندهم مشاغل فالدنيا ( يدرس - متزوج - يشتغل )

اذا هو مشغول نقوله مشكور و يعفى من الرقابه
و يكلف شخص ثاني بالرقابه .. المسأله بسيطه


كلنا بشر و كلن له حياته بعيد عن عالم الانترنت و اكيد محد بيجابل النت 24 ساعه فاليوم
بس المراقبين عدنا مرتاحين من الوضع لانه في نهايه اليوم محد فيهم بينشال لو غاب شهور
و هذا اللي حاصل من سنيين مش من اليوم

بعكس باقي المنتديات اللي تشوف فيها المراقب يشارك اكثر ع العضو
يتفاعل وياهم ... ينزل لمستواهم .. يحسسهم انه واحد منهم ... يسولف و يضحك
حتى لو بيمسح رد ولا بيغلق موضوع العضو نفسه صاحب الموضوع
ما يشتكي لانه يعرف انه المراقب حاله من حالهم و ماشي فرق امبينهم

عدنا فالواحات المراقب يغلق المواضيع و السلام عليكم
ع الاقل روحك نزل مواضيع ساهم شارك حسس الاعضاء انه انته موجود و ماسك واحتك

ايي يغلق مواضيع الخلق سوى كانت اسباب الغلق صحيح ولا غير صحيح ..
العضو بيقول في خاطره ( بس فالح يغلق و يمسح و هو روحه ما يشارك ولا يسوي شي )

و المراقب الذكي هو اللي يخلق الابداع في المكان اللي هو ماسكنها


مثال واحد عدنا فالواحات على هالشي [ الم ترى ] و [ انامل قلب ]
شهاتي فيهم مجروحه لو رمست من اليوم لين باجر

و انا اقولها لو مب هم فالفتره الاخير جان الواحات ما بيكون فيها عضو واحد
و انته بنفسك تعرف معاذ و تعرف شكثر يتعب ع الواحات


و اخر شي ابا ارمس فيه و اللي استغرب منه في الواحات

كيف تختارون المراقب في الواحات ؟

هالشي محد يعرفه.
اختياركم للمراقب يتم بطريقه مبهمه و محد يعرف كيف تكون


كثير من الاعضاء مبدعين في واحات معينه ... ما شفناهم مراقبين مع انهم يستاهلون الرقابه اكثر من المراقبين الحاليين

في طرق كثيره لاختيار المراقب

اما الاعضاء يختارون و يرشحون المراقبين

او

تفتحون الباب للاعضاء و اللي يشوف نفسه يقدر او يباا الرقابه
بيرمس وبيقول انه بيمسك واحه معينه


و اللي صدق يقهر يوم نشوف مبعدين عدنا فالواحات يبتعدون عنها بسبب هذا الاهمال


شتان بين واحات بن دبي 2004 و واحات بن دبي 2008
و المشكله الاسباب واضحه وضوح الشمس و لكن محد غيير شي لين اليوم


من سنيين و انا اتمنى انه يتم تغير طاقم الاداره بشكل كامل مع ابقى على المراقبين الكفو


فاتنمى نشوف هالتغير قريب .. و ما نسمع وعود اللي تكون بمثابت المخدر على الاعضاء لفتره
و بعدها السالفه كلها تنسي شرات باقي المواضيع و الاقتراحات اللي انمسحت من واحة الشكوي
:smile:


و لنا عوده في ما بعد


مع تحياتي
بو صرحه ---> ع قولت معاذ
:m_mar7ba:

[عايش وهم]

السلام عليكم


اخونا صريح .. مساك الله بالخير

قبل كل شي .. شكراً على صراحتك .. و اهتمامك بسلبيات الواحات .


ليعلم الجميع أنا لا أشكل حاجز صد للإنتقادات التي توجه تجاه الإداره إنما أنا هنا اليوم لأبين الأمور التي تعاني منها الإداره و التي بسببها يقل تفاعل الإدارة يوم عن يوم أو كما ينوه البعض أن سبب تراجعها هو السبب الرئيسي لتراجع مستوى الواحات .

من الطبيعي أن يؤثر غياب الإداره سلباً على الواحات .. و من الطبيعي أن يكون ابتعاد الأعضاء مؤثر في نشاط الواحات ..

غياب الواحات ليس كامن في الحضور و الغياب فقط لا غير إنما في إبراز همتها و التواصل مع الأعضاء و الإتيان بتطويرات خلاقية قبل أن تكون تقنية تعود بالإيجاب على كل من المنتدى و الأعضاء و توفير مساحة للإبداع و زيادة على كل ذلك .... كما نوهت أخي الكريم .... وضع الشخص المناسب في المكان المناسب .. و هذي في أهميتها لا تقل عن أهمية تنصيب مشرف عام على واحات بن دبي .

قد حاولت في فترة إيضاح فكرة أن المراقب أو الإداري الذي يحمل الرتبة الأقل هو الذي لديه التأثير الأكبر على الواحات و كلنا نرى أن واحة الأصدقاء ليست ناجحة بإشراف عايش العام على المنتدى أو الخاص على الواحات العامة إنما هو إشراف أخونا ألم ترى أولاً و تليه اختنا أنامل قلب ... و كان ذلك عن طريق تخصيص هيكلية لا تعطي المجال إلا على الإشراف على أمر ضيق ليزيد الإهتمام به .. كنت أسعى باختصار لـــ(( لتوفير إداري متخصص لكل واحة )) يليه مشرف أو فريق إداري متمكن من قدراته أولاً و حائز على قدرات تقنية تعطيه الفرصه لتلبية رغبات الإداري الناجح .

لــــــــــكــــــــــن ... تجري الرياح بما لا يشتهي الحاضر الغايب و عايش ... و كانت الرياح المضادة للأسف تأتي حيناً من الأعضاء و حيناً من من لهم القدرة على التأثير إيجاباً أو سلباً في مصير الواحات .

تجربة شخصية اخوي صريح و أتمنى تتفهمها ..

هذا المنتدى بغالبية مرتاديه سواء من الإدارة أو الأعضاء ..(إلا الندرة التي نعفيها من الإيماء) لا يحب النظام .. كنت ناجحاً حين أدرت كي بورد النظام تجاهي و واجهت صعاب المنتدى و كان الحاضر الغايب ناجحاً حين لملم طموحاته و أفكاره الراقية بعيدة المدى ليطبقها في الواحات .. و هي فتره لن ينساها الأغلبية حين كان يسري النظام على الإدارة قبل الأعضاء .. كل أمر كان يسير بنظام من الترقيات حتى الإعلان عن كل صغيرة و كبيرة في المنتدى و التطوير حتى أن الخطط كانت مقررة بتواريخ كنا نؤرخ الأيام التي كنا سنفكر بها حالها من حال تطبيق القرارات أو خلق أجواء جديدة في المنتدى .. لكن كانت النتيجه عدائية كانت عوائدها على حياتنا الخاصة .. خرجت لأبعد من المنتدى و أصبحنا العدو الأول لكل من لا يستطيع أن يلوم نفسه أو لا يعرف للحق طريق ... خلال كل ذلك كنا متماسكون ... حتى تهب ريح جديدة و يترقى المنتدى تقنياً و يضيع مع الترقية أحلام و طموحات و حقوق و جهود لكلى الطرفان سواء من الإدارة أو من الأعضاء .

...

أخي صريح ...

كما قلت ... قد يكون حل .. خلع فريق الإدارة و تنصيب فريق جديد .. الحل الأمثل .. لكن في ظنك .. فئة ليست بيسيرة من أعضاء واحات بن دبي .. ألا تحتاج لخلع من مفاهيمها أن المنتديات عالم ثقافة معرفة و تسلية فكرية قبل أن تكون موووووووووول ؟


اخي الكريم ...

اثبت لي أن هذا المنتدى يحب النظام و سأوفي بوعدي حين أقول لك أن المنتدى سيعود أفضل مما كان و إن لم تستطع فنحن بكل الأحوال سنفسح مجال لغيرنا ليثبت جدارته .



لم المشكله بعيونك و قولي رايك حبوب .. وجهة نظرك احترمها .


اخوك عايش

[عنكوشه المنكوشه]

السلام عليكم والرحمه

بس حبيت اقول ان الاشتراك في منتداكم وايد صعب

يعني والله العظيم اني تميت ساعتين بس احاول اشارك ...

والسبب النك نيم الحروف مادري بلاها

انقهر ت وحطيت النك اللي حظرتكم جايفينه ههههــ

بس ع فكره هب انا بس اللي اشتكي من صعوبه التسجيل

معظم اللي اعرفهم يقولون هالكلام ...

انتوا ما تحسون انه صعوبه التسجيل بيكون عامل يخلي الناس يبتعدون عن المنتدى
لان جنكم تقولون خلاص اكتفينا اعضاء!!

ومب كل الناس بيقعدون ساعتين عنااااد بس عسب الاشتراك

بيقولون منتدى بداله الف

والسموحه

# عنكوشه المنكوشه# ^^

[شوق القلوب]

السلام عليكم..

الاشتراك في الواحات ما اتوقع انه فيه مشكله أبداً..!

في الواحات عدنا نظام بسيط اللي هو انه ما يقبل غير الاسماء العربيه الخاليه من الرموز.. وبس! و هالشيواااايد يميز الواحات عن باقي المنتديات الثانيه.. و نحن كـواحاتيين حابين هالشي ..

جربي اتسجلين باسم عادي.. و بتلاقين عمرج على طول مرحب فيج يا عنكوشه :)

[طير الحب]

السلام عليكم


نحن نفتقد التواصل بين الاعضاء والادارة يعني جزء كبير من الاعضاء مصورين المراقب على انه بعبع ...وهو انسان يحتمل انه يخطأ أو يصيب جربوا انكم تفتحون حوار مع المراقب...يعني عدنااعضاء مبدعين بس ما نشوف ترجمه لأفكارهم وانا اتحدث ن واحتي وامد يدي لكل من لدية فكرة خارجة عن المالوف وجريئة...وانا انسانه جدا مرنة في التعامل ممن نتناقش ونتوصل لحل بشأن واحتي فقط كذا فكرة طرحتها بس مافي اقبال يعني يمكن الخلل في فكرتي....وهيك

[عنكوشه المنكوشه]

السلام عليكم..

الاشتراك في الواحات ما اتوقع انه فيه مشكله أبداً..!

في الواحات عدنا نظام بسيط اللي هو انه ما يقبل غير الاسماء العربيه الخاليه من الرموز.. وبس! و هالشيواااايد يميز الواحات عن باقي المنتديات الثانيه.. و نحن كـواحاتيين حابين هالشي ..

جربي اتسجلين باسم عادي.. و بتلاقين عمرج على طول مرحب فيج يا عنكوشه :)


المشكله اني جربت اسم عنكوشه المنكوشه وبعده طرق ومن دون اي رموز واشيا

بس ما طاع يقبل ..

[صريح]

[ عايش وهم ]


تسلم ع تعقيبك على كلامي
و انك عطيتنا من وقتك


انا فهمت كلامك و عن صعوبه اللي تواجهها انته و الحاضر الغايب
و اكيد اقدر جهودكم على كل اللي تسونه
و رايتكم بيضا


صعب عليه اني اشوف حل للمشكله و السبب اني عضو واحد
و يمكن اللي انا اشوف الخلل من صوب واحد و ما انتبه للاشياء الثانيه المهمه
فلازم الكل يرمس عسب نطلع بحل جذري و مناسب

انا قلت اللي في بالي من فتره و اذا عندي اي اضافات ثانيه ع طول بقولها و بطرحها
فالموضوع

بنسبه للنظام

انته تقولي


اثبت لي أن هذا المنتدى يحب النظام

الدول عندها صعوبه تمشي النظام على شعوبها
فاكيد صعب انك تمشي النظام بحذافيره على المنتدى

المنتدى فيه عقليات مختلفه و اعمار متفاوته
البيئه اللي كل شخص عايش فيها تختلف عن الثاني
فصعب تفرض شي على الكل و تلقى القبول من الكل
اكيد فيه ناس بتأيد و فيه ناس بتعارض


و عن المووول .. بنسميها ثقافه المووووول

هاي موجوده في كل المنتديات بشكل عام و صعب توقفا و كل يوم بتلقاها تزيد
لانه المنتدى للكل و مب محدد لفئه معينه من الناس
فكيف بتعدل تفكير هالفئه و هي موجوده في كل مكان ؟


و حط في بالك انه الفتره اللي كنت ارمس عنها 2004 .. معدل الاعمار كان فوق 21
بشكل عام و حتى الاعضاء نفسهم المختفين و الي بعضهم موجود حاليا عقلياتهم كانت تختلف
فالواحات كانت غير بشكل كبير

و الفتره هاي معدل الاعمار فالواحات و الغالبيه اللي عدنا 19 و 20
فالنظام لازم يتغير شوي ويا تغير الافكار و العقليات اللي عدنا


مابا الاعضاء يعتبرون اني يوم قلت الاعمار 19 - 20 ان اقصد انهم صغار و مب فاهمني شي " محشومين"

ممكن نلقى ناس عمره صغير و عقولهم توزن بلد
و ممكن تلقى ناس كبار بالعمر بس عقولهم صغيره و تفكيرهم سطحي


انا ما اقول انه ما نتخلى عن النظام نهائيا
بس اللي اقصده انه حاول تسهلون بعض الامور و تعطونها مساحه اكبر شوي


النظام يوم يكون شديد و حازم يولد الانفجار و التعصب
و النظام يوم يكون منفتح زياده عن اللزوم يعني على الدنيا السلام

فرأيي انا انه النظام يكون بالوسط .. مب حاازم بشده و ما يكون منفتح بزياده



يمكن انا ما عندي الحلول الوافيه
لاني ما اعرف طريقه تفكير و عمل الاداره

بس كلامي من خلال اللي اشوفه بمنظوري الشخصي

يمكن اعضاء غيري يختلفون ويايه و هالشي بيفيد الكل و الواحات بشكل عام
:smile:


في بالي اكثر من فكره ممكن تفيد الواحات بس بطرحها في الوقت المناسب
بعد ما نشوف شويه تحرك فالواحات من ناحيه الاداره و الاعضاء


و
:m_mar7ba:

[الشوق]

السلام عليكم ورحمة الله وبركاته ...

عندي سؤال للاعضاء اللي يتكلمون عن الركود الواحاتي ..
.
.
ليش العضو دايما ينتظر من المراقب انه يعطي ..
ليش العضو هو بنفسه ما يبادر في التواصل ...
ليش العضو يعتقد ان المراقب هو فقط الكاتب الطارح صاحب العقليه اللي ممكن اتخلي الواحه اللي مستلمها توب ...
.
.
انتوا ما فكرتوا ان المراقب ممكن ( عطى كل الأفكار اللي في باله ) والحين ينتظر الدور من العضو نفسه
انتوا ما فكرتوا ان المراقب ممكن يكون وجه طاقته للواحه اللي مستلمنها في فترة .. واحينه من كثر الجهود اللي سواها يحس ان كل العطاء في اللحظه هذيج اتوقفت بعد احساسه ان العطاءالمقدم .. ماله اي مقابل ..
.
.
واحتنا لديها الكثير من الاعضاء المتميزين .. لكن ... للاسف ...
اذا كل واحد انتظرالمراقب ودوره وتفاعله والمراقب ما شاف شي من طرف الاعضاء ..
فلا يزعل العضو اذا كان شغل المراقب فقط (التعديل - والحذف - ونص القوانين )
.
.
وجهة نظر حبيت ابديها ..
وانا اعترف اني كنت في فترة شعله من النشاط .. لكن اعترف ايضا اني مقصره في غيابي وعدم تفاعلي
بس لاني ما شفت شي بالمقابل من الاعضاء ...
علشان جي احس اني ما عندي افكار .. لكن في النهايه اقبل بذوي الافكار المبدعه ..
فاللي عنده فكره في تطوير اي قسم خاص بواحات الحياه .. او واحة التراث
فرسائلي الخاصه مفتوحه لكل من لديه الفكره .. وحياكم في اي وقت ..
.
.
والسموحه
اختكم / الشوق