شاركوني فن الرسم بأفكاركم الجزء الثاني

[المحاق المشتعل]

السلام عليكم ورحمة الله وبركاته

اخواني واخواتي الاعزاء

اقدم لكم اغلى تحية طيبه ونفحات زكية عطرة على تواصلكم الجميل بهذه الواحه
أشكر جميع من قاموا على إعلاء شأن هذه الواحة الجميله من فنانين ومبدعين ومتأملين.

أبدأ وياكم اليوم باسم الله الرحمن الرحيم الجزء الثاني من موضوعي إلي طرحته في السابق
وكان في بداية انضمامي للواحات تقريباً.

وكانت غاية طرحي للموضوع في السابق هو تقوية مستواي اكثر في مجال الرسم
وبالأخص رسم أفكار الآخرين .

يعني موضوعنا هذا بيكون عباره عن

(حط فكرتك وانا ان شالله ارسم الفكرة هاذي)

لكن بشروطي المعتاده

1- من غير ملامح البشر مثل العيون الخشم والبوز والاذن أو ما شابه .
2- ما تكون الفكرة مخله للأدب العام للدين أو للعادات والتقاليد .
3- اذا في اشياء ثانيه بخبركم عقب :14:


وان شالله بحط كم عمل من افكار بعض الاعضاء في الموضوع القديم
وان شالله اشوف افكاركم عن قريب

في انتظار افكاركم الجميله

:heart:

http://oasis.bindubai.com/bin/uploaded/3053_01204654091.jpg

http://oasis.bindubai.com/bin/uploaded/3053_11204654091.jpg

http://oasis.bindubai.com/bin/uploaded/3053_21204654091.jpg

[أنامل قلب]

.......


:


وعليكم السلام ورحمة الله وبركاته ..


:k_special2: .. !


أخيرا لحقت أحجز المقعد الأول .. :fa46: !!


اممم ..
بما إني للأسف ماكنت حاضره الموسم الأول للطرح ..
إن شاء الله بيكون لي زيارة دائمه للجزء الثاني منه


جدا متحمسه أشوف أفكار أعضاءنا الطيبين ونتاج الرسم بريشتك تالي .. !


والأكيد إن بما إني حاجزه الكرسي الاول بيكون لي فكره بسيطه ..
بس خلني أفكر وأتخيل وأعيش الجو شوي ^__^ ..


صدق وناسه .. وايد عاجبتني الفكره ..
والرسمات اللي طرحتهم لفتو انتباهي بشكل كبير ..


طلعو الاعضاء مب هينين ما شاء الله بأفكارهم .. !
وأداءك كعادته مميز وطيب ..


لي عوده باذن الرحمن لطرح فكرتي ..


وجدا متحمسه أشوف نتاج الطرح ..
وبشده .. !


:


احترامي الدائم لشخصك كما تقديري لما تبذل من جهود ..
والمعـــــــذره .. !


اختك أنامل قلب :redface: ..


:


.......

[وحي القلم]

السلام عليكم

أول شي أحب أشكر اخونا المحاق المشتعل على هالموضوع الجميل :fa34:

و أنا عندي فكره :tounge:

ممكن ترسم لنا ورد اللوتس "اللى ينبت على الماي" ^_^

..

[المحاق المشتعل]

انامل قلب

من الاعماق اختي الكريمه اشكرج على هذا الحضور الرائع

وعلى تلك الكلمات الطيبه من شخصكم الطيب

وانا ان شاء الله متفائل بوجودك معنا هذه المرة :fa34:

اتمنى انه ينجح هالطرح وما انشغل عن اداء واجبي بالشكل المطلوب

ربي يوفقني في اتقان افكارج ان شالله وافكاركم

سأكون بانتظار افكارج بإذن الله تعالى

مع جزيل الشكر والتقدير

محاق

[المحاق المشتعل]

وحي القلم

أشكر لج وجودج الطيب أختي الكريمه وان شالله ينال الموضوع بالفعل اعجابج :m_mar7ba:

بس ابا اعرف انا ماعرف اذا هي هاي الروده إلي في بالي ولا لا اخاف مب هي واتوهق

مب هاي إلي لونها ابيض وتطفوا عالماي ( وردة الضفادع ) :tounge: ؟

في انتظار ردج

محاق

[المحاق المشتعل]

كتبت في السيرج طلعت نفس الورده إلي توقعتها

اختي وحي القلم اتمنى تنال رسمة فكرتج الجميله رضى قلبج

وشكراً جزيلاً عالمشاركه :14:

http://oasis.bindubai.com/bin/uploaded/3053_01204668737.jpg

محاق

[خيال الحب]

ياهلاااا والله بالناس الطيبه^___^


حاليــــا مافي شي في بالــي بس لــي رجعـــه

[المحاق المشتعل]

هلا فيك اخويه خيال وحياك الله في كل وقت

وفي انتظار فكرتك ان شالله :fa35:

[الاسطوري]

السلام عليكم ..

"المحاق المشتعل"

أحيد قبل كم سنه طلبت منك ترسم شي ويلسنا نعدل على الفكرة ويه بعض بس الظاهر انشغلت
وماقدرت ترسمها بس بعدني أتريا هالرسمه مافقدت الأمل وبذكرك فيها عن قرصان
المافيا اللي يسحب سيارة شخص متروع لسفينته عند المينا
وراعي السيارة يحاول بكل قوتها انه يشرد
بس طبعا ما في أي فايده من كل
المحاولات لأن القرصان
مسيطر

الاســـطـــوري
أخوكم

[الا انا]

...

السلام عليكم ..

..


طرح مميز كالعاده ^^

..

ااممم ...

ابغي الفصول الاربعه بشكل غريب *
...

نار بوسط البحر وبجو ممطر *
..**

عالم تحت الارض ..^^
ــــــــــــــــــ

أفكار غبيه صح .. بس ماعليه ^_^
إحترامي وبالتوفيج ..**

[وحي القلم]

المحاق المشتعل

مشكور اخويه

حلوه الرسمه ما شا الله :fa34:

أول مره أعرف أنه يسمونها وردة الضفادع :fa46:

[عمة العيم]

محاقنا

فخاطري اشوف رسمه

تعبر عن

"لوعة الإنتظار و الصبر"

:a070:


لأني لين الحين ماقدرت ارسم هالفكره !!!

...

[المحاق المشتعل]

الاسطوري حبيبي انته وتاج راسي

ماعاش إلي ينساك بن عمي

انا والله ما نسيتك

ورسمت أول رسمه من فترة

بس انا ابا اسويها شي حلو من جي اتأخرت عليك بن عمي

وعدي ما نسيته وانته انسان طيب وانا ادين لهاي الطيبه بشي جميل ان شالله :fa35:

بس بقن رسمتين وبنجز إلي اتكلمنا فيه كنت ابغي اسويلك مفاجئه والله :icecream:

وفي موضوع غير هذا بس ان شالله بتوصلك الرسمات بن عمي

واذا تبغي تتأكد إني ما نسيت موضوعك ومخلص رسمه من قبل

برويك اول رسمه في موضوع من الموضوعات دش ودوره :a068: :tounge:

واسمحلي وايد عالتأخير والله وانته تامرني حبيب الشعب :a070:

محاق

[المحاق المشتعل]

إلا انا

شكراً جزيلاً للمرور الرائع

وان شالله بنشتغل على طلبج بإذن الله تعالى :mf_leia:

:tounge:

لج اغلى تحية :14:

[المحاق المشتعل]

هلا عمووووووووتنا

هلا بالفن والابداع

وهو كذلك عمو وطلبج في قائمة الانتظار بعد

انجاز طلبات إلي سبقوج ان شالله :14:

شكراً جزيلاً عالمشاركة يا مبدعه

محاق

[المحاق المشتعل]

وحي القلم

العفو أختي الكريمه

أتمنى من اعماقي ان تكون نالت رسمة فكرتكي رضاك

وان شالله ما اقصر ابد في امثالج من الطيبين

كل الشكر عالمشاركه :m_mar7ba:

محاق

[المحاق المشتعل]

إلا انا

استمتعت وانا ارسم فكرتج :fa34:

اتمنى انها تنال اعجابج واعجاب

شكراً جزيلاً عالمشاركه :2:

محاق


http://oasis.bindubai.com/bin/uploaded/3053_01204757239.jpg

[المحاق المشتعل]

قتال ويا الالوان غسلت ايدي عشرين مرة :Oo: وخيست الدنيا


http://oasis.bindubai.com/bin/uploaded/3053_01204764416.jpg



عمة العيم


أتمنى اكون وصلت لفكرتج او اقتربت منها عالاقل

اتمنى تنال رسمتي اعجاب ذوقج

شكراً عالمشاركه :14:

محاق

[الا انا]

إلا انا



استمتعت وانا ارسم فكرتج :fa34:


اتمنى انها تنال اعجابج واعجاب


شكراً جزيلاً عالمشاركه :2:


محاق



http://oasis.bindubai.com/bin/uploaded/3053_01204757239.jpg






:fa35: حبيتهـــا وايد ,,"

:a070: ثانكس محاقو *

عيبتني ... وايد خصوصا التلوين ..**

[الاسطوري]

ماتقصر يالمحاق

[عمة العيم]

شكرا محاق

(^_^)
...

[مايهزك ريح]

استاذ .. استاذ ممكن انا اطلب .. >> يتحسب عمره في المدرسه خخخ

ابا رسمه للبحر .. وفي يمين الرسمة قارب وواحد ايدف ..
الشمس نازله ومنعكسه على البحر .... مثل وقت للغروب ..

مادري اذا فهمت عليه .. احس اني اشويه ماب عارف كيف اعبر !

[المحاق المشتعل]

إلا انا

عمة العيم

شكراً عالمشاركه :mf_turban:

[المحاق المشتعل]

ما يهزك ريح

اتفضل ابني اطلع عالصبورة :tounge:

حياك يا اخويه نورت موضوعك بوجودك الطيب

وان شالله اكون فهمت فكرتك بن عمي بالشكل المطلوب

واتمنى تنال اعجابك ان شالله

:fa35:

[عمة العيم]

محاقنا

عندي سؤال

انا كيف اقدر ارسم اشياء غير ملموسه مثل

الأمل....الصبر...الحب...الصدق.. ..الكذب...المسامحه....البخل....� �لاسراف....الحزن....كيف اقدر ارسم شي جي؟؟؟؟؟

لان ساعات احس عمري ابا ارسم ابا فيني طاقه و فيني رغبه ف يالرسم و فيني مشاعر ابا اطلعها لكن....يوم ايي ارسم اتجمد في مكاني و عقلي يتوقف ماعرف شو ارسم ...يجيسني احباط و ضييييج و اهد فرشاتي و اروح!

:(

اغيثوني

...

[أنامل قلب]

:

السلام عليكم والرحمه ..

ياعيني ياعيني عالتفاعل الطيب ..
مو جني متأخره بزياده .. . !

جدا حبيت أفكار الأعضاء ..
وجدا حبيت الرسمات كذلك ..
ما شاء الله عليكم .. :redface:

:

اممم انزين ..
ممكن أطلب طلبين ولا .. !

بحط الطلب الاول ..
وبعد ما تجيب الطلب بحط الطلب الثاني ..
وان شاء الله ماثقل عليك ^_^ ..

الطلب الأول يمكن تعتبره غريب ..
اممم ابيك استاذي ترسملي الحزن لكن بدون عناصر .. !

يعني كأنك بترسم خلفية ملونه ..
تكتفي بدمج الالوان وحسب
بالشكل اللي تحسه يوصل معنى الحزن بمحل ما ..
وهم انتقاء الالوان يكون باختيارك .. !

+ الطلب الثاني عقب ان شاء الله ..
في حال كان بالامكان يعني :fa46: ..

:

بالانتظار ..
والسموحه .. !

:...

[المحاق المشتعل]

عمة العيم

انا اولاً أسف وايد اني ما رسمت طلبج بالشكل المطلوب خفت من تكاثر الطلبات فرسمتها فكرة سريعه

وماتعمقت فيها

المعاني إلي طلبتي وصفها يبغيلها شرح لج وان شالله بسجل الشرح في

نوتي وبخبرج عنه بإذن الله قريباً إن شالله

لانه انا احس عندج هاي القدرة بس لو توجهينها في داخلج بطلعين طاقات هائله محبوسه من زمان



انامل قلب

حاضرين للطيبين انتي تامريني امر أختي

انا عن نفسي هاليومين مشغول اشويه بأمور ترقيتي في الدوام اوه صح قولولي مبروك :14:

وان شالله برسم افكاركم كلها قريباً ان شالله وان شالله ما يشغلني شي عنها بإذن الله تعالى

لج خالص الشكر والتقدير :m_mar7ba:

[أنامل قلب]

:

اوه مبروك أخوي ..
جعل ربي من الرقي بكل أمرك مب إلا بدوامك ..

وإيانا جميعا إن شاء الله ^_^ ..

:

خذ راحتك ..
واسمحلنا عإشغالنا لوقتك ..

احترامي ..

:....

[أنامل قلب]

^^

ووو نسيت ..
حط نسخه من نصايحك لعموه بالعام ..

خلنا نستفيد نحن بعد ..

لو ممكن يعني .. :fa46: !!

والسموحه .. !

:....

[عديم الشوق]

هلا هلا الشقيق لول


تو الناس -__- اخر واحد كالعاده


الصراحة موضوع عجيب


و رسمات أعجب ^__^


تسلم يا المحاق

[عذبة الروح]

وعليكم السلام والرحمه

وايد عيبتني فكره الموضوع
ولو انه ما في رسمه فـ بالي حالياً

عيبتني وايد رسمة الزهرة البيضا
واسمحيلي اخت وحي القلم .. اللوتس زهره ما تنبت على النهر
واللي رسمها المحاق .. هي زهرتي المفضله زنبق الماء - water lily
منها الوردي - البنفسجي - الأبيض


طلب
ممكن تحط لنا صورة الأولوان الشمعية
يعني اللي أقصده نوعها .. من أي ماركه
وبعد الورق اللي ترسم عليه


وايد عيبتني الرسمه
وربي يعطيك العافيه
ولا يحرمنا فنك
يسلموووونيشن محاقنا

[خيال الحب]

عااادي اقولك كاريكاتير وترسمه


ولا طبيعه بس

[عمة العيم]

محاقنا وينك طولت
ترا بديت اعصب انا

...

[المحاق المشتعل]

السلام عليكم من جديد

اعذروني عالتأخير والله

اشويه انشغلت هاي الفترة لكن ان شالله مب ناسنكم :m_mar7ba:

شكراً انامل على مباركتج لي على ترقيتي وعقبالج ان شالله ترتقين في دنياج وآخرتج

للي يحبه ربنا ويرضاه سبحانه

وعن طلبج حاضري وتامريني امر

وعن إلي طلبته عمة العيم حاضرين بعد ان شالله بكتبه هني ان شالله



عديم الشوق

مرورك هو الاحلى والاعجب

ودايماً يضفي على نفسي الثقه

من الاعماق اشكرك واتمنى تواجدك دايماً

:m_mar7ba:



عذبة الروح


جل احترامي لإضافتج الطيبه ولمرورج الاطيب

وان شالله دوم تكون موضيعي راضين عنها وتنال اعجاب احاسيسكم المرهفه

وعن اسم الورده

مهما اختلفت الاسماء تبقى الورده ورده جميله تستحقها انظارنا المتأمله

وتستحقها انظار تعشقها مثلك اختي الكريمه

اما بالنسبة للألوان

فهي مب شمعيه هي طباشيريه ( باستيل )

وهي من ماركة فيبر كاستل

بس المشكله وقفوها في السوق ماعرف ليش

صح هي مب غاليه لكن وايد روعه وفنانه

وإلي يحصل منها في السوق يخبرني :14:

واشكرج على ذوقج وتقيمج الطيب لرسمتي وان شالله تنال كل رسماتي اعجاب انظاركم

كل الشكر

محاق

[المحاق المشتعل]

خيال الحب

عمي إلي في خاطرك قوله دام انه ما بيتعارض ويا الشروط :14:

:fa35:


عموووو

آسف عمتي كله ولا جبلوخج عمو بتطيرين ويهي :smile2:

عمو سمعي

التعبير عن اي شي بسيط وهو مايباله شي

وتقدرين اتعبرين عن اي شي بسهوله وذلك بطريقة الرموز

مثلاً الغروب رمز للغربه للوداع للحزن لكثير من الاشياء

لكن اذا حطيت غروب وحطيت وياه رمز ثاني يمكن اتزيدين لذة الفكرة نفسها او اغيرها

مثلا ارسم الغروب فيكون منظر طبيعي

لكن اذا سويت واحد يالس ويتأمل الغروب بيكون هذا منظر حزين

واذا سويت هالمتأمل يبكي بعد بيضفي حزن عميق في اللوحة

واذا سويت حمامه اطير في الغروب من بعيد

بيدل على الوداع او الفراق

واذا سويت انه الحمامه تحمل قطعة قماش هالشي بيبين انه في قصة من البعد

وكل رمز تضيفينه يكو مثل تتبيلة اللوحة السرياليه

وحتى الالوان لها دور كبير في الانطباع الي تبغين اتوصلينه للمتلقي

وعن رسمج للأشياء الغير ملموسه مثل

الأمل....الصبر...الحب...الصدق.. ..الكذب...المسامحه. ...البخل....الاسراف....الحزن

هاي صفه والصفه مالها شكل معين

انما لها تعبير خاص قد يكون موجود في الطبيعه مثل اني ارسم

ريال ما ينفق على اهله او شخص يكذب ( بالكركتير ) او مسامح او غيره

او اقدر اني ارسم هالشي بطريقة الرموز واشوفها اجمل الطرق

اني مثلاً اصور الكذب في لوحتي بالحبل القصير

والصبر بخطوات اقدام في الصحراء

والحب بالقلب او بعدة طرق كزوج من العصافير الجميله وهما بجانب بعض

والامل النافذه المفتوحه التي يدخل منها النور

الحزن كالجروح او الغرفة الظلمه او القيود

كل تلك الصفات يمكن التعبير عنها بتلك الطريقه إن اردتي

اما اذا لم تريدنيها بطريقة الرموز يمكن تعبيرها بطريقة اخرى تخصك

كما يقوم بعض الفنانين بالتعبير بطرق عديده

وتقريباً كلها رموز ولكن تخص عالمهم الخاص ( التجريديه )

منهم من يقوم بوصف مشاعره بمزيج من الالوان وتكون اللوحة كلها الوان بس

يسميها مثلاً الامل أو الصبر او ما شابه

وتخلف طريقة عرض تلك المشاعر من فنان لفنان

لكن افضل تلك الرموز هي الرموز اتي تخطر في اذهان الناس

وهي كالغروب وغيره من مواضع

واتمنى تكون فكرتي وصلتلج عمو :14:

[المحاق المشتعل]

الاسطوري

اعتذاري لك من جديد اخي عالتأخير

هاي فكرتك بن عمي وان شالله اتمنى انها تنال اعجابك :14:

تقبل شكري على مشاركتك الطيبه

وحطيت الموضوع في ارسم شخصيات الواحات لأنيخليتك انته القطان :icon_rr:

:icecream:

http://oasis.bindubai.com/bin/showthread.php?t=37754&page=20

[عمة العيم]

شكراً محاقنا

وصلت لي الفكره

لكن اظني مابتقبل الفكره الا عقب تجربه

ان شاء الله احاول ارسم لوحه تعبيريه لأول مره


(^_^)
...

[المحاق المشتعل]

عمو انتي تقدرين ومب صعب عليج موول

بس نفسيتج اتصعب السالفه

وانا اكتشفت انج على مقدرة بهالشي من زمان من احدى لوحاتج

بس قوي مقدرتج في الدمج بين العناصر والتخيل اكثر واستغلي الاضاءه من المنطقة المضيئة والظل من

الاماكن المعتمه على الاشكال المضافة الاخرى في اللوحة وشوفي النتيجه كيف :fa46:

[عمة العيم]

واللله؟

من اي لوحه؟

[أنا فقط]

مستمعة بصمت ..




مستمتعة بصدق !

[أنامل قلب]

حلو التفاعل ما شاء الله ..
وتسلم استاذي عـ حرصك وارشادك ..

+ حبيت اللوحات الاخيره ..
اتقانك عجيب ما شاء الله :)

:

عمـــــوووه ..
خصصيلي وقت باجر بكلمج ..
جي قريب الظهر .. !

بخصوص سؤالج
بس عندي ملاحظه زغنطوطه ^_^ ..

والسموحه عالقصور .. .

:

متابعين ومتأملين بامتنان ..

:.

[بنت الدلع]

السلام عليكم ورحمة الله وبركاته


شو هالاشياااااء الجميييله يا محااااق :a036:
ماشالله عليك
صدق انسان مبدع



يعني الغرض من هالموضوع نحن نحط فكرتنا وانته ترسم ؟


مستلمينك عيل الجماعه :vampire: لوول







اما بالنسبة للألوان


فهي مب شمعيه هي طباشيريه ( باستيل )


وهي من ماركة فيبر كاستل


بس المشكله وقفوها في السوق ماعرف ليش


صح هي مب غاليه لكن وايد روعه وفنانه


وإلي يحصل منها في السوق يخبرني :14:





متأكد ان وقفوها في السوق ؟ !!
لان عندنا في الشارجه يبيعون


انا استخدم هالالوان بس اشكالهم غير عن الي عندك


http://oasis.bindubai.com/bin/uploaded/2211_11206190842.jpg


هم نفس الشي اصلا ولا غير ؟


استخدامهم يرفع لي ضغطي
بس مره وحده حاولت الون بهم
بس النتيجه ماكانت مرضيه ابدااااا


اصلا ماطلعت بنتيجه :biggrin: ههههه


شلك في البحر واهواله وارزاق الله على السيف :vampire:


وقريت شي عن هالالوان
انك تحرقهم بالنار شوي عقب تلون بهم عشان اللون يكون سايح
جرّبت
و :hysterical::hysterical::hysterical:
مابقولك شو استوى بعدين هههههه

[المحاق المشتعل]

السلام عليكم بنت الدلع

أولاً اشكرج جزيل الشكر على مرورج وإطرائج الاكثر من جميل

الألوان إلي انتي تتكلمين عنها باختصار يا شطورة هي الالوان الشمعيه :birgits_giggle:

وهي الالوان صح اتذوب بالاشتعال وتعطي تأثير عند الإذابه

ويمكن بتذويب هاي الالوان كمعلومه اضافيه انها تستخدم ايضاً في بعض اللوحات المائيه

(منو يتخيل هالشي ) لكن في عالم الفن عند العيايز كل شي جايز :h_mar7aba:

اما ألواني انا إلي بييبلي نفس هاي العلب إلي انا حاطنها وهي مب غاليه في السوق

لكن إلي صدق بييبلي اياها بعطيه ضعفين المبلغ إلي بيشتريه فيهم او اكثر :k_devil2:

وعلى فكرة بنت الدلع

انا اكره الالوان الشمعيه وما اطيقها

والوناسه كلها في ألوان الباستيل ( الطباشيريه ) بالإنجليزي ( جوك )

هاي يوم ترسمين فيها مثل الطباشير بس عالورق الملون

فن وابداع روعه ووناسه صدق في الرسم

جربيها في منها اقلام بعد وطباشير كبيره

لكن اصراري على النوعيه الي عندي لأنها تعطي نتيجه مذهله عالورق

يبالج صدق اتجربينها :laugh:

[بنت الدلع]

اندووووووكم
وانا المغفيه ماخذه الوان شمعيه !!!!
لاااا بس هذيل غييير >.< مابدّيييي

انا ماداني الالوان الشمعيه ابدااااااان

اوني مصدقه عمري اتحرييت طباشير هههههههه
جان اقفط

ان شاء الله اذا تذكرت بمر عالمكتبه وبشوف اذا عنده
انته تبا نفس الي عندك بالضبط ؟؟
ولا علبه اكبر

لان اذا حصلت بدليك عالمكان او باخذلك وبخلي حد من اخواني يوصلهم لك

[بنت الدلع]

ادّي تحجني ابا اسير المكتبه الحين

[المحاق المشتعل]

هلا والله بنت الدلع

انتي من اي مكتبه تاخذين من مكتبة الامارات ؟

وانتي اتعرفين كيف شكل ألأواني اصلاً ؟ هي مربعات مب دوائر

هي يمكن نزلوها مال نفس الشركه بس دوائر انا ابا نفس نوعية الواني اذا شي

واذا حصلتي دليني انا بسير مب مشكله ما بتعب اخوانج ان شالله :14:

.
.
.
.

أعضاءنا الكرام

اعتذر وايد عالتأخير

فعلاً في هاي الفترة عندي وايد ضروف شاغلتني

وان شالله اول ما احصل نفس بنتواصل بإذن الله تعالى

تقبلوا اعتذراي الشديد

محاق

[عذبة الروح]

الأسبوع اللي طاف سرت بوظبي

وسألت عنها في المكتبه المتحده (مكتبه جرير - سابقاً)
وقالوا ما عندهم

وطلعت عنهم وسرت محل قديم خاص بـ ادوات الرسم
كنا دوم نسيره أيام المدرسه وحصه الفن
قلت عل وعسى أحصل عندهم مطلوب محاقنا
لكن لـ الأسف ما عندهم


وبعدين يعني ... ؟!
شو الحل
صدق خاطري أجرب هـ الألوان ... !
يا ناس ... أبى ألون ..!!

[أنامل قلب]

أخوي المحاق ..
خذ راحتك ^_^..

جميعا ..

اللي يبون هالنوع من الألوان ..
حمستوني معاكم ..,،:surrender:

انزين أحدكم جرب يسير مكتبة الشرق الأوسط ..
أو مكتبة دبي ..,، !

مرات الاقي ابهم شغلات غير متوقعه .. :k_smile2:

:

بجرب اسير لهم .. احتمال يكون عندهم ..:fa51:

وان شاء الله برد لكم خبر :)

:.

[المحاق المشتعل]

اشكر تعاونكم جميعاً .. جان استانس انه الناس كلها بتساعدني في هالشي :m_mar7ba:

هاي الالوان روعه في التلوين ( انحمسكم زياده ) هيهيهي

عذبة جداً سعيد لمرورج وان شالله اذا حصلنا الالوان بنحاول انسوي توصيل بواسطة عمو للكل

لأنها رخيصه مب غاليه بس ابداع في استخدامها

انامل قلب

من الخاطر اقدر صبرج على فكرتج سامحوني والله امر في ظروف صعبه هاليومين ان شالله ربي ايسرها

وعن الالوان ليتج اتحصلينها بكون سعيد جداً :mf_leia:

ومن الاعماق اشكركم جميعاً

:fa34:

[بنت الدلع]

حمست الكل على هالالوان ماشالله
صدق فخاطري استخدمهم
لان مره كنت عند ربيعتي وربيعتها كانت تراوينا رسوماتها
صدق غيييييير في الطبيعه
استخدامهم يعطي طابع ثاني للصوره

بخصوص المكتبه
انا اسير مكتبة الحرمين ، دار الهجره في الشارجه
ان شاء الله احصل هناك
واذا ماحصلت شي تقريبا 3 مكاتب قراب منهم

كان المفروض اسير اليوم بس رقدت >.<

[بنت الدلع]

http://oasis.bindubai.com/bin/uploaded/2211_11206459880.jpg

المحاق كم تدفع ؟ :k_devil2:

[أنامل قلب]

أمبييــــــه بنت الدلع يا خطيره انتي ..
تصويرج غــــــــاوييي لول ..,، !

:

اقــــــووول في حال مالقيتهم ..
طرشي صوبنا بعد ..

والدفع طبعا عالمحاق .. :nerd:!
ههه

....

عقبال مالاقيهم بالمكاتب اللي طريتهم ..
بالويك اند ان شاء الله ..

ومثل ما قلت تحسبا في حال ما لقيتهم
جهزي سوقج ابـ كرنفال الجامعه باخذلي منهم .. :shutup: .,، !

ويالله خل نشوف ابداعاتج بعد دام رزقج ياج .. :fa51:

^_^ .,،

:.

[بنت الدلع]

نياهاهاها بنت الدلع هااااي مب اي وحده

خلاص تم بس الدفع مقدم وتربل السعر =p >>> استغلاليه نمبر وننننن
خذي بعد زياده حق خواتج وبنات عمج وبنات خالج وربيعاتج ومحاق بيتولى الدفع p=
(نربح من ورا الكومشن)

[خنفروش]

.. الله يسامحك بس ..

[أنامل قلب]

^

ان شــــــــــــاء الله .. :birgits_giggle:

:.

[المحاق المشتعل]

ياااااااااااااااااااااااا سلاااااااااااااام كيف حصلتيها

:oh:

ماشالله عليج بنت الدلع

انا مستعد ادفع خمس اضعاف سعر الالوان بس توصلني في ايدي

كيف سويتي بس من اي مكتبه خذيتيها ؟؟

انا حرقت المكتبات ما حصلتها وبعض المكتبات قالولي ما انيب شرات هاي الالوان

وحاضرين والله

من حلات هاي الالوان

ودي الكل يجربها والي يبا يقول وانا بتولى شراء هاي المواد له بدون اي تردد

صدق والله إلي يبا منها انا بتولى تكاليف هاي الالوان للجادين فقط :m_m7tar:

تعالي بنت الدلع بسألج

في نوع ثاني نفس النوعيه بالضبط بس فيه تدرجات لونيه اكثر هل كان موجود ولا لا ؟

وانامل قلب يوزي عن سوالفج والي تبينه اعتبري ثمنه مدفوع خاص واسبشل من المحاق

هاي الالوان انا بدفعلج بس عشان اتجربينها روعه :smile:

....

.
.
.
.
.
في واحد داش عرض ماعرف شو سالفته :whistling::fa56:

هلا خنفروش هلا والله ... :fa56:... الله يسامح الجميع بن عمي شو صار شو سويت انا :a010:

حبيب الشعب نبغي اضافتك ما نبغي زعلك وعدم رضاك :eek:

[بنت الدلع]

الله كشخه بستنذل عليكم الحين هههه :devil:

يالله اعضااااء كلكم اشتروا المحاق موجود :icecream:



يالله يالله كل هذااا اتسوي فيك الباااستيييل

الله يسلمك اليوم العصر سكرت الليتات وكل شي على اساس اني برقد
جاااان اتذكر المكتبه
وقلت خله يولي الرقاد بسير ادور في المكتبه يمكن احصل
سرت مكتبه 1 ويلست ادور وادور وماحصلت

سرت مكتبه 2 سئلت الريال وهو بروحه مغفي ويدوّر وياي اخر شي قال مافي
قوووم عني لااااااه
جان ادور بروحي وحصصصصلت :11:

فيه نوع ثاني
جيه لون العلبه خضرا وفيها الوان اكثر
بس مب من ماركة فيبر كاستيل (فيه علبه وحده بس في الكتبه وشي لونين مكسورين لول شو الاحظ)

اما هذا فهو الوحيد الموجود
يعني اقصد هالالوان الموجوده مافي حجم اكبر

انته من دبي شكلك صح ؟

هالمكتبه في الشارجه
في منطقة حلوان
مجابل مستشفى القاسمي

متى ما ناوي تسير خبرني عسب ادليك وين بالضبط مكانها

وحاضرين للمحاق
نحن في الخدمه ^_^

[المحاق المشتعل]

خفي علينا بنت الدلع عاده :d014:

قلنا نذاله مب جي عاده :tounge:

والله جد اشكرج من الاعماق ( سارت اشترت وماعزمتنا ) مذهب قراشيه هههههههههه

اسوي سوالف مب تزعلين :11:

هيه انا من دبي وماحصلت في مكتبات دبي نفس هاي الالوان

لكن زين انه في الشارجه شي

شو اسم المكتبه ؟

وين بالضبط دليني اياها عشان اسير آخذلي كم علبه حق اليوم الاسود

وشي ثاني

يا جماعة الخير الي يبغي نفس هاي الالوان يخبرني باخذله وبطرشله اياها

لا تترددون والي يقدر ياخذها يسير ياخذها ترا سعرها رخيص مقارنةً بروعة اداءها

على فكرة بنت الدلع

هاي الالوان لازم اشوف ادائج عليها

فبسألج هل خذتي كراسه ملونه ولا لا ؟؟

اذا ما خذتي لا تفكرين تلونين بهاي الالوان على ورقه بيضا

نصيحه بتفيدج وايد :h_ttmasha:

[بنت الدلع]

ههههههههههههههه
يعني قبل لا اركب السياره احدر الواحات واقولكم تراني سايره اشتري ؟

ويا مذهب السروال المخطط الي علييك ههههههه


اسم المكتبة : مكتبة حلوان عدال مكتبة آوال

تعرف كافتيريا رجب (جاي كرك) المشهوووور في الشاارجه ؟
المكتبه على نفس السيد

عدال المكتبه مركز حلوان مال العبي وعدالها محل روز مال ورود

كيف توصل للمكتبه
اول شي انته من وين بتي ؟
من شارع الامارت ؟
خبرني من وين بتي عسب ادليك على طريجك

وعن الكراسه لا ماخذت
شفت كراسات جدامي جان اقول مابا اقص على عمري واسوي عمري فنانه >.<
يوم وصلت البيت خبرت اختي
وقالت بتسجلني في كورس painting (حسيت اني ياهل يوم جيه قالت) لول
بس ان شاء الله اذا حصلت وقت وسجلت براويك ادائي


{ الله ياخذ الجامعه ان شاء الله } ... تصبحون على خير

انا آسفه جدا لاني خرجت عن الموضوع

[تنينه]

يا مسااا الإبداع والفن والذووق كله وبيكون كله مساا منوو غير فنانا الطيب المحاق :woot:؛

اشتقت جداً لواحة الفن التشكيلي ولقراءة ذوقكم الراقي بين السطور والألـوان :inlove:؛

موضوع جمييل جداً وفكره رائـعـه كـ عادتك استاذنـا :fa51:؛ وما بقول فكرتي ألـحين دام لازم أوقف في الطابور ؛محد سووي زحممه غير بنت الدلـع ويا ألوانها :pullhair: يالسه اتغايضنا :bash: باااجر الألوان اتيبينهم الجامعه فاهمه ولاا :a0360:؛

سلمت الأنامل المبدعه وعسانا ما ننحرم من إبداعاتها وصاحبها :a074: والف مبروووك الترقي ادري تو الناس :h_hadeyah: ؛

[المحاق المشتعل]

بنت الدلع عقبال الدكتوراه ان شالله :k_smartass:

اقول بنت الدلع هيه لو ييت من صوب شارع الامارات كيف ؟

وزين يوم انه المكتبه عند رجب ( كرك ) ابا اجرب الشاي ماله من زمان يمدحونه :cool:

بعد بلاه صروالي المخطط

عموووووووو

وينج يا عمووووووووو

أوووووووووه يمااااااااااااال

عمووووووووو أوووووه يمال ( حد شاف هاي الدعايه في السينما ) :a046:

:laugh:

تغلط عالصروال عمو الحقي

احينه الدم لين الركب :birgits_giggle:

بنت الدلع

الكورس وايد بيفيدج بس قبل لا اتدشين هالكورس استعملي ألوانج هاي في كراسه ملونه

واستفيدي ترى الكورس محتاجله ممارسه لو كنتي ماتعرفين شي حتى عن الالوان

بس عشان تاخذين عنها فكرة :m_afaker:

سمعي كلامي ان شالله وخذيلج كراسه عوده ملونه

وخذيلج نوعيه زينه وعلبة الوان ثانيه ( بس لا تخلصين العلب لاني ابا اشتري منها ) :k_devil2:

وعقب ايلسي ارسمي بتحسين بوناسه روعه في الرسم

ويوم بترسمين ( هاي الالون اتخيس الدنيا )

لكن فيها متعه لا توصف :inlove:

[أنامل قلب]

:

ها .. :k_puppyeyes: !
أمبيــه ترى والله كنت أسولف .. :rock: !!

بس لاتقول ماحصلتها بمكاتب دبي وتحبطني .. :fa46: !!!

صدق إن شاء الله بلاقي ..
واذا مالقيت بلاقي غيرهم ..

الحيا حلوه .. :mf_leia:

وووو السموحه أخوي ..

صدق قفطه .. :fa46: :fa46: :fa46: .,، !

:

بنت الدلع ..

أشوفج ما شاء الله مب هينه .. ^_^ ,،

وبانتظار تجاربج العملية .. :k_smile2: ,،

:.

[خنفروش]

الله يسامحك بس ..

[عمة العيم]

خنفروشنا المبدع شو بلاه زعلان؟

عسى ماشر منو زعل مبدعنا ترا مانرضى هااااااء

محاقوووه اعترف في شو زعلته؟

[بنت الدلع]

الله يسامحك بس ..

افاااا والله افااااا

المحااااااااااااااااااااا ااق شو مسوي في ابوناااا :d014:
كله ولا بابا خنفروش
مانرضى نحن

خبرنا شو مسوي فيك ونحن بناخذ حق منه :1:

---

استاذي المحاق
اشكرك الصراحه على مدحك لهالالوان
استخدامهم وايد حلو
جربت ارسم الغروب
وااايد استمتعت وانا الون
بس مابراويكم عشان ماتضحكون :icecream:

الـ direction :
انته ياي من دبي على شارع الامارات
انزين بتكمل سيده وبتصعد على جسر ناشونال وبتكمل سيده
بعدين على يمينك بتشوف معسكر الفلاح ومن بعده جسر
انزين بعد معسكر الفلاح بتييك لفه مكتوب عليها الذيد على ما اظن (ماعلييك منها)
بعد هاللفه على طوول بتييك لفه ثانيه اظن مكتوب عليها الشارجه او مخرج
بتاخذ هاللفه وبتنزل
اول ماتنزل بتيك دخله ثانيه على طول
بتاخدها
بترد تصد مره ثانيه
يعني بترد على نفس الشارع
بتمشي شوي وعلى يمينك بتيك دخله
اول وحده خذها
على يمينك بتكون منطقة الرفاع
بتكمل سيده بييك دوار التانكي
بتكمل سيده بييك دوار ثاني
بتكمل سيده بتييك اشااير (على يمينك بتشوف مستشفى القاسمي)
بتاخذ يمين
بعدين بتكمل سيده بييك جسر وتحته دوار
بتاخذ دوار كامل وبترد
اول مابترد بتييك دخله على يمينك الي هي دخلة المحلات
مب تغلط وتاخذ دخلة الفريج
وبعدين بتشوف مبنى وردي على يمينك اسمه مركز حلوان
بتكمل سيده
بتييك جييه محلاات على يمينك
بعد كمل شوي وبتشوف مكتبة حلوان
وعدالها مكتبة آوال

مادري جان فهمت علي :fa46:

----

هالناااااس الي يبووون يسوون حساسيه بيني وبييين عموووه :a058:

[شوق القلوب]

بنت الدلع... انا داار راسي..! :boxed:

..

المحاق.. انا بقولك..

ادخل شارع حلوان.. وبيتييك مكتبه اوال و حلوان على ايدك اليمين.. و احيد بعد مكتبه " هنادي " سابقاً.. نسيت شو اسمها الحين .. عندهم بعد سوالف حلوه.. هالمكتبه اتييك اذا كملت الشارع سيده و خذت الدوار سيده.. اول دخله على ايدك اليمين..

..


تبون الصدق.. شوقتوني للرسم.. خصوصاً انه عندي هالالوان اللي ادورونها :icecream:
احيدني ماخذتنها من المجرودي.. من زماااااااااااااان

[المحاق المشتعل]

السلام عليكم ورحمة الله وبركاته

اعزائي اعضائي الكرام

اعتذر كثيراً عالتأخير الي بدر مني

والسبب اني مريت في ظروف كثيره شغلتني عن الموضوع

فأطلب العذر منكم اصدقائي على كل ما بدر مني من تقصير

واشكر جميع الردود السابقه كلها واعتذر مجدداً عن كل تقصير :surrender:

نرجع لإحدى الردود وإلي اشكرها على توجدها الجميل معانا

تنينه

لج احترامي الشديد اختي الكريمه

واتمنى وجودج دايماً زينه ونور للوحاتي ان شالله :thumbup1:

والله يبارج فيج وعقابلج الارتقاء في الدنيا والآخره ونحن وياج ان شالله في نفس الدرب

بإذن الله تعالى :k_smile2:

.....

ونرجع حق بعض الناس الي قطعوني عسب واحد داش عرض ( بو خنفش )

كل هاي العفسه آخر شي طلع الريال يقول

ليش ما خبرتني جان انا بدبرلك الالوان ( انا من كثر ما قال الله يسامحك قلت يمكن

غلطت على ربيعه راع الكفتيريا إلي في الشارجه إلي مكتوب على لافتت دكانه .... عصــــائر طـــازج )

هاهاهاهاي :birgits_giggle:

...

بنت الدلع شوفيج عليه انا مسكين وما أأذي خنفروش هو إلي يطلع عيوني محد غيره :k_harhar1:

....

وفي وحده داشه عرض تبا اتدليني الدرب

انا اعرف وين الشارجه عشان اعرف وين شارع حلوان ههههههههه

:k_harhar1:

تسلمين شوق على مرورج وان شالله انشوف ابداعاتج الجميله إلي غابت عنا من زمان :k_smile2:

[المحاق المشتعل]

ما يهزك ريح

أعتذرلك يا اخويه عالتأخير

هاي فكرتك وان شالله تنال اعجابك يا اخويه وامسحها فيني عالتأخير :fa52:

وفي حال ما نالت افكاري ذوقكم ان شالله احاول ارسم غيرها بإذن الله تعالى

مع جزيل الاعتذار

وجزيل الشكر عالمشاركه الطيبه :k_smile2:

محاق
.
.
.
.
.
.
.
.
.

[المحاق المشتعل]

انامل قلب

لج اعتذاري ايضاً على تأخيري وتقصيري

ولج اعتذاري ايضاً على صعوبة الفكرة الي طرحتيني فيها :whistling:

مب انها صعبه لكن احس اللوحات يوم اصورها ما تطلع بنفس الالوان الي رسمتها في الدفتر

وعشان جي ما بتقدرين تشوفين حزن اللوحة بالشكل المطلوب والواضح

لكن اتمنى اوصل المعنى المطلوب للوحتي :m_m7tar:

.
.
.
.
.
هاي لوحة يمكن تكون عاديه لكن ما كانت عندي فكره حق الوان حزينه بشكل وافي اليوم :sleepy:

مادري مخي ليش مقفل هاي الايام بس ان شالله ايي اليوم الي ارضي فيه خاطركم برسمه تنعش

قلوبكم بإذن الله تعالى.


http://oasis.bindubai.com/bin/uploaded/3053_11208908345.jpg


.
.
.
.
.
.
.
.
واذا كانت في لوحة بديله لهاي اللوحة

بتكون هاي الالوان :smile:


http://oasis.bindubai.com/bin/uploaded/3053_21208908345.jpg


:fa43:

اشكرج اختي انامل قلب عالمشاركه الطيبه

وانتظر افكارج اليايه بإذن الله تعالى

كل التقدير

محاق

[شوق القلوب]

داشه عرض.. هاه ..؟؟ :boxed:

..

المهم صبــاح الورد..

..

يعني المحاق ما اتعرف دوار المركز الثقافي ..؟؟؟ :3:

اذا خليته علي ايدك اليسار جنك ساير صوب مطار الشارجه.. بييك على طول جسر.. بس انت لا تاخذ الجسر وخذ السيد اليمين.. المهم بتلف يمين.. و بيدخلك على شارع.. هذا هو شارع حلوان.. بتمشي شوي.. بتيك المكتبات على ايدك اليمين..


..

اتصدق.. ما حصلت الالوان.. ما ادري منو شلهن عني :fa55:

[المحاق المشتعل]

هلا بشوق القلوب

وين تقصدين ؟.. دوار الكتاب ؟

انا ترا وايد ادل في الشارجه ف لج عليه اشويه :whistling:

[شوق القلوب]

هيه.. دوار الكتاب

[المحاق المشتعل]

شكرا شوق القلوب :fa42:

[الشوق]

بالتوفيق جميـــعا ...
الله يسهل عليكم ان شاء الله
..
.
.
ابداع في ابداع ...
رسام واحات بن دبي
عيني عليك بارده ..
مبدع بما للكلمة من معنى

[المحاق المشتعل]

الشوق

يروقني مرورك الجميل

واخجل من كلامك الطيب النبيل

وحياج في اي وقت في اي فكرة ان شالله :smile:

:fa42:

[ايه احبك]

حلووووووووووووووووو رسمك يا محاق ما شالله عليك ^-^
احيد اول رسمة باستل ما دري منو خربها لني ما سويت لها فريم مالت علي <_>
اقولكم انا وايد احس الباستل اصعب من الألوان الزيتيه واحسه يعقد بي حياتي لنه يوصخني اكثر من ما يلون الرسمه
يبالي اشتري وارسم
والله من زمان مب راسمه ×_×

[المحاق المشتعل]

ايه احبك

حياج الله في موضوعج وموضوع كل الاعضاء :yes:

وزارتنا البركه بعد :m_m7tar:

الباستيل اسهل شي ومافي اسهل منه واحلى شي فيه انه ممتع وايد

بس الصعوبه يوم تكثر الالوان واحياناً اتكون الصعوبه في اختيار لون الورقه نفسها بس مب وايد

اتمنى تعرضين رسماتج نحن في شغف للتطلع عليها :smile:

شكراً عالمرور الرائع اختي :fa42:

محاق

[أنامل قلب]

انامل قلب

لج اعتذاري ايضاً على تأخيري وتقصيري

ولج اعتذاري ايضاً على صعوبة الفكرة الي طرحتيني فيها :whistling:

مب انها صعبه لكن احس اللوحات يوم اصورها ما تطلع بنفس الالوان الي رسمتها في الدفتر

وعشان جي ما بتقدرين تشوفين حزن اللوحة بالشكل المطلوب والواضح

لكن اتمنى اوصل المعنى المطلوب للوحتي :m_m7tar:

.
.
.
.
.
هاي لوحة يمكن تكون عاديه لكن ما كانت عندي فكره حق الوان حزينه بشكل وافي اليوم :sleepy:

مادري مخي ليش مقفل هاي الايام بس ان شالله ايي اليوم الي ارضي فيه خاطركم برسمه تنعش

قلوبكم بإذن الله تعالى.


http://oasis.bindubai.com/bin/uploaded/3053_11208908345.jpg


.
.
.
.
.
.
.
.
واذا كانت في لوحة بديله لهاي اللوحة

بتكون هاي الالوان :smile:


http://oasis.bindubai.com/bin/uploaded/3053_21208908345.jpg


:fa43:

اشكرج اختي انامل قلب عالمشاركه الطيبه

وانتظر افكارج اليايه بإذن الله تعالى

كل التقدير

محاق



السلام عليكم والرحمه ..

ما شاء الله عليك ..
كفيت ووفيت وزياده .. . !

:
.

اممم ..

أحس بالرسمه نوع من الرضوخ والتفاؤل المتخاذل بشكل ما .. !

حزن سارح .. حزن صافٍ .. حزن متعطش هو ما رسمته هنا أخي ..
ما شاء الله عليك .. .

+ بغض النظر عن كل شي .. يكفي إني أحب هاللونين ..
(( الاصفر والازرق بدون غض النظر عن الابيض والاسود ! )) ^_^ ..

أما عن الرسمه البديله .. فهذي توصف الوحشية مب الا الحزن ..
والله يكون بعون الألوان المسكينة .. :fa46: !

^ سوالف استاذي ..

:

ما ادري شو أقول أخوي ..
بس فعلا سعدت بتلبيتك .. جدا ..
وأبد ما عنالي التأخير شي .. ولا داعي أكيد للاعتذار ..
فلكل امنا ظروفه ويحق لك تاخذ راحتك عساس لا تحس بثقل مطالبنا ..

وان شاء الله أرد أثقل عليك قريب بفكره ثانيه جان ربي قدرني لطرح ما يثري الخاطر ..

:

احترامي وتقديري الدائمين لشخصك وحرصك ..
اختك أنامل قلب ..

:.

[مايهزك ريح]

ما يهزك ريح

أعتذرلك يا اخويه عالتأخير

هاي فكرتك وان شالله تنال اعجابك يا اخويه وامسحها فيني عالتأخير :fa52:

وفي حال ما نالت افكاري ذوقكم ان شالله احاول ارسم غيرها بإذن الله تعالى

مع جزيل الاعتذار

وجزيل الشكر عالمشاركه الطيبه :k_smile2:

محاق
.
.
.
.
.
.
.
.
.



مشكور اخويه المحاق .. ما شاء الله عليك الرسمه واااااااااااااااايد حلوه .. تسلم ايديك عزيزي :8:

[المحاق المشتعل]

انامل قلب

آسف عالتـأخير كنت في فتره يرثى لها ونسيت هالموضوع :a100:

بس انا رديت رفعت الموضوع اقولج خذي راحتج واقترحي افكارج من جديد وكلي عيون مترقبه :k_puppyeyes:

:tongue:




ما يهزك ريح

تسلم على ردك الحلو وانته احساسك حلو وتستحق فن حلو :a100: يا حلو :fa56:

ألف شكر عالمرور وشكراً بمشاركتك الطيبه بفكرتك الجميله

:k_smile2:




.
.
.

وييين الافكار يا جماعه

قمت اخوور في الرسم عطوني افكاركم :a116:

[أنامل قلب]

^ أنا عندي أفكار ،، بس ما عرف أطبق !
وكاني مجابله لوحه ازغنطوطه عـ قدي ،، وكالعاده بالرصاص ..

+ حاليا حطيت قلمي عـ ينب ،، مكتفيه بالتأمل //
وكأن بالأمر لغز مو عارفه حله ،، ولا محله !

/

هممم ،، انزين ليش ما نتبادل الادوار شوي ^^"

,

[المحاق المشتعل]

كيف نتبادل الادوار ؟؟

هي اذا على حسب فهمي بتكون فكره حلوة

:birgits_giggle:

[شوق القلوب]

قلبي حن وايد في هالصفحات الجميلة...

شريط طويل من الذكريات مر علي...

شكرا من اعماق القلب :)

[مايهزك ريح]

هيه والله .. وينهم الأعضاء ..