نمر بن عدوان

[طير الحب]

السلام عليكم


السلام عليكم


عمر وسلمى هو الاسم الذي كان مقترحا لهذا الموضوع لكن التهيت ...طبعا هالموضوع بيكون متسلسل وبتكلم فيه عن شغلات وايد تشمل الحب والزواج وعلاقة الزوجين والصورة الخاطئة الي بنات وشباب هالجيل يتوقعونها عن الزوج المواطن او الزوجة المواطنة بإعتبار انه ما يفعله الغرب لا يمكن ان يحدث بين المسلمين وما نراه في الافلام مجرد خيال...أقرب مثال بنظري علاقة نمر وزوجته علاقة يحكمها الدين قبل العادات والتقاليد والتي من صغري احارب بعض عادتنا البالية اولها قيادة السياره بس خذت الليسن من 9 سنوات عشان ابين لبعض ذوي النفوس الضعيفه انه مب كل واحدة تسوق انسانة غير محترمة ولا يمكن ان تتزوج طبعا هذا تغير اليوم بس من في مجتمعي كان عيب وهذا مب موضوعنا موضوعنا نمر وزجته والعلاقة الراقيه بينهم والي المفروض تكون كل زوجه مثلها وكل زوج مثله اكيد تمر لحظات نغضب نزعل بس الأحلى انه ما تمر خمس دقايق الا ويتصافون الزوجين والاهم من هذا انه ما ينام الواحد زعلان على الاخر...وثانيا فكرة انه كل شيء عيب من تتزوج الوحدة خلاص لازم تصير عيوز وتهتم بالبيت والاولاد لا....مافي رجل من هذا العصر الا ويحب التجديد في الحياه كلكل من جميع النواحي يعني لكل فترة استراتيجية معينه وهالشيء بيمنع الملل من العلاقة الزوجية انا برمضان مافضيت اشوف نمر ويمكن الي شوقني اشوفه اغنيه نمر بدون عدوان وايد احيها اقول حق اختي بنخلي الفرقه تغنيها بعرسج عاد هي تقول بس لا يقولون حيو نمر بن عدوان خلي يقولون حيو اخت بو(.......) تقصد اخوي...نعود لمحور حديثنا الحين انا شوي بيزي بس ابا الي ما تابع المسلسل يتابعه ونبا نتناقش ....تعرفون يوم ذموه الناس عسب باس حرمته على راسها انقهرت منه والله ما اعرف كيف اقول بس اذكر نفسي في موقف ما ابا اسرده بس كان له اثر رائع بحياتي وعمري ما انساها هي ليش العادات تقلل من مكانهة المرأة مع انه الاسلام كرمها...وبقولكم شغلات عن علاقة الرسول بزوجاته بتستانسون بس لازم بالدلة الشرعية وانا كاتبتنهم في مذكرة بالشارجة يوم برد بكتبتهم لكم...بس في جملة دوم اقولهم المرأة جدام الناس محتشمة وحافظة كرامة ريلها وباعدة عنه صفة الديوث بس معاهم ممكن تكون كل النساء في إمرأة والحياة جدامهم ان شاء الله...خلها تجدد عقب كل فترة ومرحلة بحياتهم...


لي عودة لأكمل...

[تحفه]

أنا في انتظار الموضوع يوم يكتمل ... بس فالبدايه احب ابدي اعجابي بالدعاء الي في توقيعج

[حلم الطفوله]

بانتظارج أم عبادي

دام نمر بن عدوان بالموضوع بنترياه بفارغ الصبر ....

وإلا إشرايج تحفه :)

[دمعة شوق]

بنـتــريـــا بـن عـدوان
^^

[تحفه]

بانتظارج أم عبادي

دام نمر بن عدوان بالموضوع بنترياه بفارغ الصبر ....

وإلا إشرايج تحفه :)

والله انا وايد استانست بصراحه :heart: دشيت الموضوع علشان العنوان لوول :14:

[وحي القلم]

في انتظار الموضوع يا طير الحب

تحفه.. من قريت العنوان اتذكرتج :k_harhar1:

[شوق القلوب]

السلام عليكم..



أويـــه... انا بعد..!
من شفت العنوان.. قلت وييييييينج يا تحوووفه.. ^_^

[تحفه]

اسميني مول مب فاضحه نفسي >,<

[قصايد غلا]

نترياج يا أم عبادي

لووووول حتى أنا تذكرت تحّوفة :D ...

[ايه احبك]

لووووول طبيعي طبيعي الكل بيشهد الموضوع دامه المعرس اساس الموضوع XP صح تحوفه

[صريح]

يقولون ليلى بالعراق مريضةٌ .. فيا ليتَني كنتُ الطبيب المُداويا!
:whistling:


في انتظار الموضوع
اللي الصبايا متخبلين عليه قبل لا ينزل لوول

[المزوحي]

بالله ياريح ود لي خبر وعلوم عني تمثل وحي نمر بن عدوان

يالله انتظر الموضوع ...

[عهد الوداع]

طير الحب شوقتينا لوووول

[طير الحب]

ردوا واقروا الموضوع فوووووووووووووق


تحفه...خبريني شو سالفتج ويا نمر بن عدوان ...فضووول...وبالنسبة لتوقيع من ذوقج عيل عندي كتاب لو قريته وايد بتستانسين بشوفه اذا يبناع في دبي للتوزيع بقولج تشترينه واذا ما لقيته بطرش لج اوردر..


حلم شو سالفتكم...ليكون نمر بن عدوان خبل برومانسياتكم... انا شفت كم من حلقة هو ريال والنعم ههههههههه .

[المزوحي]

في انتظار تكملة الحوار ....

[تحفه]

تعرفين ان نحنا العرب نملك أغنى لغه من ناحية التعبيرات والكلمات والمرادفات .. لدرجة انا نحن عندنا اكثر من اميه كلمه مرادفه لكلمة الحب ... ومع ها نحن اكثر ناس بينا عداوات وحساسيه :S

في انتظار الجزء الثاني ام عبودي 3>

[شوق القلوب]

ام عبــادي..


المقدمه شوقتنا أكثــــر لمتــابعته..

موضوع مهم وايد.. و احنا محتاجين نطرق لهالنقاشات.. لانه مرات الحياه تفرض على الانسان استايل معين ولو انه كان في قراره نفسه رافضنيه..

..

[طير الحب]

وتحفه صدقج والله...حتى بأسلوب كل رجل أو إمرأة يقدر يلعب بالألفظ بأسلوب رهيب حلو انه الزوجين ينسون اسامي بعض ويزقرها حبيبي حياتي عمري روحي قلبي.....والاحلى انه تكون عفوية يا حلاتها يوم تكون عفوية وجدام اي حد وما يحس انه ارتكب غلط يوم زقرها حبيبي صار من التعود شيء عادي بس هالشيء في نفسية المرأة له عظيم الأثر...شريحة كبيرة من النساء ما تهتمهم الذهب والهدايا الغالية يحبون الشيء عفوي قولولي في شيء اروع من انه الزوج يجهز الفطور بيوم اجازة ويوعي حرمته بعدين...في شيء احلى من انه يطبخ معاها هذا ما ينتقص ابدا من رجولته بالعكس ...يكبر بنظر زوجته...بتقولولي الرياييل ما يفهمون طيب فهموهم هذا دور الزوجة مثلا ببساطة تشوفون فيلم اجنبي ويا سلام على بعض الافلام تشوفين واحد يطبخ لزوجته تقولين روعه احساس وايد حلو انه الواحد يفاجا حرمته جي...عقي الملاحظة واصبري عليه يمكن يوم او شهر او شهرين او اكثر بتشوفينها بيوم بيسويها لج اهم شيء الصبر...وعندي كلمة دوم أقولها لأي زوجة لا توعدين بشيء انتي مب مقتنعه فيه قوليليه يصير خير نتناقش...بس لا تجبرين نفسج على شيء ما تحبينه بعد كم سنه بتشوفين وحده من معارفج ما تنازلت وحاولت بالتفاهم تقنع زوجها واقتنع بس انتي كنت مستسلمة في هاللحظة بتتضايقين وايد...



المهم ناقشوني...وبنتكلم بس انا امس رادة من السفر وبعدها اجازتنا فما بدي اضيع الوقت بحاول ارد اكتب اذا فضيت :)

[تحفه]

وتحفه صدقج والله...حتى بأسلوب كل رجل أو إمرأة يقدر يلعب بالألفظ بأسلوب رهيب حلو انه الزوجين ينسون اسامي بعض ويزقرها حبيبي حياتي عمري روحي قلبي.....والاحلى انه تكون عفوية يا حلاتها يوم تكون عفوية وجدام اي حد وما يحس انه ارتكب غلط يوم زقرها حبيبي صار من التعود شيء عادي بس هالشيء في نفسية المرأة له عظيم الأثر...شريحة كبيرة من النساء ما تهتمهم الذهب والهدايا الغالية يحبون الشيء عفوي قولولي في شيء اروع من انه الزوج يجهز الفطور بيوم اجازة ويوعي حرمته بعدين...في شيء احلى من انه يطبخ معاها هذا ما ينتقص ابدا من رجولته بالعكس ...يكبر بنظر زوجته...بتقولولي الرياييل ما يفهمون طيب فهموهم هذا دور الزوجة مثلا ببساطة تشوفون فيلم اجنبي ويا سلام على بعض الافلام تشوفين واحد يطبخ لزوجته تقولين روعه احساس وايد حلو انه الواحد يفاجا حرمته جي...عقي الملاحظة واصبري عليه يمكن يوم او شهر او شهرين او اكثر بتشوفينها بيوم بيسويها لج اهم شيء الصبر...وعندي كلمة دوم أقولها لأي زوجة لا توعدين بشيء انتي مب مقتنعه فيه قوليليه يصير خير نتناقش...بس لا تجبرين نفسج على شيء ما تحبينه بعد كم سنه بتشوفين وحده من معارفج ما تنازلت وحاولت بالتفاهم تقنع زوجها واقتنع بس انتي كنت مستسلمة في هاللحظة بتتضايقين وايد...



المهم ناقشوني...وبنتكلم بس انا امس رادة من السفر وبعدها اجازتنا فما بدي اضيع الوقت بحاول ارد اكتب اذا فضيت :)

تدرين كلامج حلو بس انا احس ان مستحيل انسان يتغير اذا هو متعود على طريقه معينه فالحياه ..
بس تخيلي ريل مايبي يفهم ويشوف هالسوالف خربطان للابد بيتم جيه

[طفلة من هذا الزمان]

أم عبـــادي .. حمدلله ع السلامــة أولا ،،

ثانيـــا شو حركات التشويق و الإثــارة هذي :k_puppyeyes:

لسبب غريب ماعرفه.. ماشدني هالمسلسل أبدا رغم اني احب اغنية راشد اللي في البداية اعتقد و كانو يحطونها في الدعاية .. حمستيني اتابع لو حلقات بسيطة و اتعرف على هالشخصية ..

لي تعليق بسيط ..
لأول مرة أقتنع تمــاما .. وأعتقد إني كنت مقتنعة قبل زمن و تناسيت هالحقيقة .. إنه لا يمكن لأي شخص أنه يتغير إلا إذا حس هــــــــو بذاته و بنفسه ضرورة للتغيير .. تغيير ما يرضي حد فيه غير نفسه فقط .. لأنه إذا ما كان مقتنع بهالضرورة لا يمكن يواضب عليها إلا إذا كان مجبور لكسب رضا شخص أو يمتثل لرغبات شخص غيره .. والغير مقتنع بيعيش صراع داخلي مع نفسه باعتقاده بصحة أفعاله و أقواله وما بيرضى بهالتغيير لوفت طويل .. وفي النهاية يا بيرجع لنفس ما كان ..أو بيكره الشخص اللي تغير عشانه لأنه ما تقبله مثل ما هو .........

و أوافقج أن الصبر ينفع .. لكن مب بالضرورة دوووم .. في شخصيات استبدت فيها السلبية و الاعتقادات الغلط .. وهاييل ما ينفع وياهم منطق أو ملاحظة تنعق و نقول بيحسون أو صبر ... هذا بس ينفع :fa32: (اسولف:fa46:)

وفي ناس عايشه لمجرد العيش و تبا تعيش يوم بيومه بدون الالتفات لهالأشيا الانسانية في العلاقة الزوجية و يعتبرون مالها داعي أحيانا .. و أحيانا حركات مبالغ فيها وأحيانا يعتقدون أنها تقليد فقط للناس ..و هاييل بعد ضايع وياهم المنطق .. :fa32:

عيبني النقاش و تحيديني ماقصر في هالمواضيع :fa46:

في انتظــــــــــــارج :fa35:

و لي عودة :icecream:

[أمطار]

الموضوع قمــــة الرووعــــة ..
وبإذن الله لـــي تعليقااات مش تعليق !


برب

[طير الحب]

تحفه...أولا كلمة صعب ومستحيل ما أعترف فيها...الشيء الي أعترف فيه الصبر مفتاح الفرج بشكل بسيط جدا بوعبادي ما جد سافر الا مرة وحده بس من تزوجنا اولا سويت برنامج شهر العسل بشكل يخليه يحب يسافر ومن المكان الي سرناه لليوم قام يحب يسافر وكل اجازة عيد فطر لازم نسافر وكل اجازة اليوم الوطني لازم نسير مدينه في الامارات صار هو يفاتحني في السفر وصار يحب ترتيباتي بالنسبة للسفر والفنادق والبرنامج والحين هو يخرشني عالسفر ربي لا يغير علينا هي مسألة تعود ومب تدخل من اهل الطرفين اشياء وايد يغيرها الريال في الحرمه وتغيرها الحرمة في الريال

[طير الحب]

طفلة...يمكن في شغلها تعلمت ببيت اهلي من خلال شخصية الوالد الله يحفظه كل شيء بالإقناع خلاني اسوي الشغلات الي اباه بس هو مب مقتنع فيها وكنت يوم افشل اقوله كلامك صح يا ابوي بس كان لازم اجرب عشان اقتنع...وصعبه جدا تتعاملين مع شخص ما يبا يغير شيء ويحس انه بيرفكت ....وراحة البال اهم شيء في هالدنيا وانا ادقق على العلاقات الانسانية اكثر من انه الناس شو بتقول ...وفي شغلات بسيطة الاثنى تحبها الرجل يمكن يشوفها سخيفة بس اكثر البنات يتمنون الرومانسية الواقعيه طبعا ومب مهم عندهم الذهب والا الاشياء الغاليه يا حلاتها وردة وكلمة حب.....الخ


شوق القلوب...اختي ملجت من فترة قلت لها جملة انه الملجة فترة الاكتشافات ومهما قدم لج من مشاعر لا توعدينه بشيء انتي مش مقتنعه فيه اهم شيء القناعه لانه عقب كم سنه بتقولين ليتني ما وعدت لانه الرجل يغير قناعاته عقب ما يرتاح للمرأة الي اختارها زوجة مسألة وقت فقط....لسبب بسيط في رياييل اذا وعدتيه بشيء وعقب غيرتي رايج يقولون لج طب انتي وعدتني ورضيتي...!


أمطار ...اترياج الغاليه...وسوري اني مقصره بمكالماتي بس دلع حواري دلع بنات من الخاطر ربي يبارك فيها عسل ربي لا يحرم حد من الذرية الصالحه

[تحفه]

تدرين عاد قليلين الي هم قابلين للتغيير (;

معظم الاشكال الي اشوفها واسمع عنها هي هي من انولدت .. احس كلوحده وحظها

يقولون لج كان في واحد معروف ولد عايله وجي وملج على وحده وكان زززززززززززززززززززطي ونحسسسس ودوم يضاربها على اي لبس تلبسه وفلس ما يطلعه لدرجة ان البنت كانت بتعرض عليه انهم يعيشون اول شي في بيت "اهلها"!! وحليلها .. الموهيم.. فجو الملجه وكلواحد عرس وراح في نصيبه...يقولج هالريال اتزوج وحده ثانيه وكان غير صدق صدق غير وياها .. يعني عطاها كان يعطيها سيايير و بدال الشقه سوالها بيت و وماكان يدش البيت وايده فاضيه

فهل تؤمنين بان ويه الحرمه ولا الريال خير على بعض؟ نفس مايقولون عن مطر اسماعيل وحرمته؟ XP

[طير الحب]

تحفه....شو سالفه اسماعيل مطر وحرمته هاي بعد انا هالشخصيه احترمها وايد...خبريني هالسالفه عشان افهم وبرد بناقشج في سؤالج

[تحفه]

يقولون من خطب اسماعيل مطر و حظه قايم .. صار يدّخل اقوال وقامو يعطونه القاب والكل يشجعه ويحبه وتسهلت عليه وايد اشيا منها انه حصل بيت وسياره وجيه .. فهو من نفسه يقول ان ويه حرمته "خير" عليه!

[طير الحب]

ههههههه ما اعتقد عيل انا بيكون ويهي نحس على ريلي...بس سبحان الله هذا رزقهم وكل واحد الله يرزقه بنيته ربي يبارك لهم

[قصايد غلا]

أشكرج أم عبادي على الموضوع الحلو :fa35:

في خاطري أشوف حور:a032: ، تشبه عبادي فديته ولا :tounge:؟

[مــهــابه]

قصوده :
مب جنج داخله عرض:4:

أم عـبدالله :
بانـتظار التكملـه ، ابا اناقش واسولف:4:

[طير الحب]

قصايد...بمر عليج يوم هيه تشبه عبادي يوم صغير....برجع اكمل النقاش بس بلاكم نمتوا