ناوي اشتريها

[المزوحي]

السلام عليكم

وش حالهم ؟؟

بصراحه مادري شو ياني .. :4:


مع إني ما انصح الناس يمتلكونها ... كثرة الخرابات اللي فيها .. وسعرها ينزل وااايد ..

واللي عنده دخل ثاني غير راتبه ... ممكن نقول خذها :fa56:



شـــــــو رايــــــــــــكم بــــــ



















رنــــــــــــــــــــــج روفـــــــــــر ؟؟؟ :6:



http://www.adgoog.com/blog/photo/7772a-range_rover_200.jpg


بالنسبة لموديل 2008 إن وصلت كم سعرها

HSE

[صريح]

[ المزووحي ]


اذا ناوي ع الرنج العادي خذلك الـ Vogue سعره 380 الف تقريبا
حرام تاخذ الـ HSE



الرنج العادي HSE اب 300 الف
الرنج سبورت HSE ابـ 300 الف

يعني لو تاخذلك الاسبورت احسن لك

احنا خذنا السبورت الـ HSE ويا الـ service contract ابـ 315 تقريبا و ترينااه 5 شهور


يعني لو بتطلب و الموتر مب موجود
الله يعينك متى بيوصلك

[المزوحي]

صريح انته تقصد السبورت الكلاسيك نفسه .. مب السبورت الشكل .. لانه ما احب


http://img.autonet.com.tw/news/img/2008/1/ba71210621.jpg

[الزرعوني]

ولا تفكر تاخذ رنج

احنه عندنا فالبيت 2006

بصراحة مول ما اتعيبني سواقته


سواقة الاكس 5 وايد احلى

ثبات الاكس 5 وايد احسن

وكالة البي ام مليون مرة افضل من الطاير


تبي نصيحتي .. خذلك اكس 5


الرنج بيتغير شكله السنة الياية

و الاكس 5 توه يديد و ما بيتغير لين 6 سنوات جدام

و نفس السعر تقريبآ تراهم

غير ها ضمان 5 سنين و سنتين كونتراكت و اذا دفعت عشرين الف يعطونك 5 سنوات كونتراكت

[إسهر معي ليله]

لو بتاخذ الرنج.. خذه Vogue
وانا اشوفه احسن من الـ Sport بوايد

اشخص.. ارقى.. وما تشوف صغاريّه يسوقونه
وبيني وبينك سواقته الممتع فيها انك فوق.. سو تست درايف قبل أحسن
:
:

او على شور الزرعوني.. X5 .. بس سعرها وسعر الـ Vogue واحد
يعني وااايد اشوفه الصراحه.. بس كـ سواقه ومكدّه.. سياره زينه تراها

وانها يديده.. عشان جيه.. بس السعر وايد مبالغ !
:
:

صل الإستخاره ^_^

[ألم ترى]

بسم الله الرحمن الرحيم ..

هلا خوي ..

اوني ياي اساعدك ويوم شفت السالفه عن الرنج قلت خلني اجلب ويهه احسن ! ..

انا حدي قوم بو 150 ألف و وايد عليه بعد هههه :biggrin: ..

ربي يوفقك ويهنيك ..

[أمواعد]

انا عندي لسبورت كمل عندي سنه لا مشاكل ولا شي وسواقه مثل العسل

وانا اقولك الرنج السبورت ما بيتغير شكله لين 2012 متأكد 10000%

[ذنـيـنـي]

الرنج استوى تكسي في الشارع و الي يسوى و الي ما يسوى يسوقه
لو انا مكانك بصراحه باخذ اكس فايف

و تراه غير يوم يكون اسود و عليه الرنقات الغامجه p=

[راعي الزعـامه]

انا ويا راي الشباب ،،

الاكس فايف كشكل و اوبشن و راحه و وكيل احسن بوايد عن الرنج

الرنج الاوبشن اللي فيه مايقارن بالاكس فايف ،، وهم كلهم تقريبا نفس السعر ،،

وشرات ما قال ذنيني ،، رنجات الاكس الفايف الغامجه روعه

[المزوحي]

الزرعوني ...

بالنسبة للأكس فايف انا تعيبني من أول مانزلت .. تقدر تقول أكثر من 6 سنوات

والحينه نزلت موضوع إنه أخويه يبغي ياخذ موتر .. ومحتار بين الحوت والاكس فايف ..


أما ردك إنه الأكس فايف احسن عن الرنج .. احترم وجهة نظرك ...

زين .. بس الكونتراكت على أي موديل من اكس فايف ؟؟ :m_atmasha:

[المزوحي]

اسهر معي ليله .. انا يوم قريت رد الزرعوني، يوم طرى البي ام .. قلت بصلي استخاره .. بما إنه طلع برع موضوع

الرنج ... والواحد يحب ياخذ رايكم بعد :8:

[المزوحي]

ألم ترى .. الله يقدرك إنك تاخذ الموتر اللي في خاطرك يارب .. :5:

[المزوحي]

امواعد .. يمكن بعد يعتمد على سواقة الواحد ... والكلام اللي يقولونه عن الرنج بشكل عام إنه يخترب اسرع

عن المواتر اليابانية ... :m_m7tar:

[المزوحي]

ذنيني .. يمكن السبورت انتشر بشكل اكبر، كون إنه البنات عندهم ..

واحد من الأهل خذ الاكس فايف اليديدة سودا ...

بس من زمان قبل الرنج الاكس فايف انتشر ... والحينه مب وايد مثل الرنج :4:

[المزوحي]

شكرا راعي الزعامه :fa42:

[الشيـــن]

اختي تبا تاخذ سياره وكان ريلها حاشرنـها ع الرنج
وانا تميت احن ع راسها لاني مول ماحب الرنج ..
وحشرتها بـ الاكس 5 .. والحين ريلها بعـد غير رايه للاكس 5 مع انه ماكان يدانيها مول !

[عيماني وكلي فخر]

\\

المزوحي

وين بتحصل رنج في الوكالة احينه ..؟
مال الجيش شفطوو الرنجات من الوكالة << الله يخلي الزيادات :a033:
لو بتسير تحجز احينه بيقولك تريا سنة ..! :fa46:

//

[المزوحي]

الشين ماشاء الله كيف اثرتي عليهم :4: الحينه الدور عليّه :fa56:

[المزوحي]

عيماني .. بالبركه عليهم :a033:

[الشيـــن]

لول هي امبلا اثرت عليها بس ريلها ماقلت له شي خخخ
راويته الx5 اليديده قال هاي يسمونها سياره ؟ .. وامس تقول لي عايبتنه الاكس5 ويقول لي خذيها !
شوف التناقض S= .. !

[عيماني وكلي فخر]

المزوحي

تصدق ربيعي يداوم في الجيش يقولي
فوق 110 واحد يداومون في الجيش نقعولهم رنجات !! تدَين وتزين
واحد سار الوكالة يبا يحجز له رنج .. المسؤل هناك قاله انت داوم في الجيش << !! :k_nono:

المزوحي .. عليــك بالـ x5 :14:

[الزرعوني]

الكونتراكت على معظم سيايير البي ام

و الاكس 5 من بينهم

و على فكرة .. الاكس 5 سعره بين 285 الى 310 ..

و اللي فوق هالسعر يكون 7 كراسي و يوصل لين 360

[المزوحي]

عيماني يبالنا اكس فايف


الزرعوني اخويه كان ينشد عن الاكس فايف ام الكراسي

[إسهر معي ليله]

عيماني وكلي فخر

ع طاري زيادات الجيش.. يقولك 500 واحد طالبين شهادة راتب

بس في اول يوم زياده .. الله يهنيييهم ان شالله.. يستاهلون

[إسهر معي ليله]

الإكس فايف 6 سلندر.. بس كت الـ 8.. اظن بـ 260 الف تقريباً

[المزوحي]

مشكور اسهر معي ليله باالمعلومات .. لأني من فتره منقطع عن اسعار السيارات مع إني كنت سباق بــ

هالمجال ..

[ولد الشحوح]

انا بعد ما انصحك فالرنج
ML بعد عجيب صراحة و Q7

[المزوحي]

ولد الشحوح ماحب المرسيدس .... والكيو سفن حلوه ... لكن امس شفتها شالينها بالونج

قلت ليكون مب شي .. حم

[عيون الليل]

السلام عليــكم .. .. ..

الرنج شخصية وحلوه سواقتها وتبا الصدق إذا اتعودت ع سواقتها وع كثرة الخرابات الي فيها الا انك عقب كم سنه بتبيعها وبتشتري الموديل الايدد منها. . وبتقول ف خاطرك ما دام السيرفس كونتراكت موجود شو يهمني. . .
الرنج لها هيبه بصراحه. .

والاكس فايف وايد يمدحونها بصراحه . . عاد مادري. . استخير مثل ما قالوا لك اخواني . .

نتريا قرارك ^_^ وبالتوفيج

[ملاك الروووح]

والله انا رايي من راي الشباب بعد


الرنج صج مستويه تاكسي !!

شيل حصى تحصل رنج تحتها :biggrin:
:

بنت عمي كانت بتاخذ الرنج قبل وخرشناها نحن وخليناها تاخذ الاكس فايف

وعجيييييييييييييب الموتر بصراحه

وايد حلو شكله وسواقته ممتعه أحس ..

والسياره ثابته وايد .. ويسد انها من وكالة البي ام ..

سو أحس الاكس فايف ول بي ذ بست جويس ..! :biggrin:

[المزوحي]

عيون الليل صح الرنج انتشرت بشكل كبير، ويمكن موضوع الكونتراكت، هو اللي يشجع الناس إنه يقتنون الموتر

مثل البي ام كذلك ووو الجاكوار ...


ملاااك ..صدق احب الاكس فايف، بس موديل 2008 انتشرت بشكل كبير ، لكن هذا مايمنع إني امتلكها ..

[ملاك الروووح]

:

هلا المزوحي ..


هيه انزين ..

:fa56:


في ناس يقولون لك أنا ما أحب أسوق سياره منتشره وايد وكل حد يسوقها

بس أحس مول ما يخصه يعني !! :3:


انت ما يخصك ف غيرك عليك بنفسك وبس ..

شوف السياره اذا عيبتك وحسيت انها تناسبك ..

وحبيتها .. خذها .. ولا تسوي سالفه حق حد ..

:fa56:


أهم شي الواااااااااااااحد يكون مقتنع بالسياره اللي ياخذها @@


يعني احيد أبوي يوم خذ الفتك ..

اتخييييييييل وهو راد من الوكاله يسوق الموتر ..

خطف ستيشن عنده جان يقول هالمواتر ولا بلاش !!

لأنه كان خاطره ف استيشن بس أخوي قص عليه طبعاً

لانه الشباب يحبون النيسان أكثر :biggrin: وخلاه ياخذها

وشلها الحين من ابويه بعد :boxed:

[المزوحي]

الأكس فايف حبي الأول .... ههههه قبل ماتنتشر الرنج .. حتى اذكر كنت باخذ مستعمله، مع إني ما احب

موتر مستعمل ...

ربيعي كان بياخذ الأكس فايف قال 6 سلندر مافيها شي فخذ أودي كيو سفن ...

[ملاك الروووح]

ما الحب الا للحبيب الأولي !

:k_harhar1:


حلوووووووووه الاكس فايف بصراحه

:fa42:



بنت عمي يوم قررت تاخذها .. كانت تبا الـ 6 سلندر

بس اخوانها تموا يحنون ويزنون ع راسها عشان تاخذ 8 ..

طبعاً عشان هم يسوقونها :biggrin:

بس قلت لها انتي بنت ومالج حايه يعني ف 8 .. خذي لج السته أحسن


ولد عمي ضحكني اونه فلانه انتي ترضين اخوج الشباب يسبقونه !! :boxed:

<< نعم .. انته اشلك انزين موترك هو ! :biggrin:

:

الكيووو سفن

اممم

للحين انا مش مقتنعه فيها ..

أحس جنها باص :boxed:

يعني حق عايله هي أوكي تنفع

بس حق شاب .. اممم احس شكله بيكون غلط فيها ..! :9:

حلاته يوم تسمت ب نيسان ولا اكس فايف :fa42:

[شمعة أمل]

تعرف شو رايي
لا تاخذ سياره على حسب راي الناس.. سير الوكاله وخذلك تست درايف وبعدين بتعرف اي سياره تناسبك

يعني مثلا
انا الحين اسوق الرنج.. ماحبهـا لانها كلحد ع شارع يسوق رنج.. لكن.. ك سيـاره.. ماشي أحسن عنها في السواقه.. انا سقت سيايره مختلفه.. والصراحه سواقة الرنج ماشي أحسن عنها ووايد دقيقه .. أحس انه في السواقه برفكت.. بس كـ شكل انا ماحبها ..
واستغرب انه في الردود اشوف بعض الاعضاء كاتبين انه الرنج تخترب وجي.. هالشي غلط.. ما جد ودينا السياره الوكاله لانها خربانه .. بس نوديها يوم عندها سرفسس


وعن الاكس فايف.. ربيعة اختي عندها ووايد تمدحها .. واختي تقول انها حلووه من داخل..
بس بعد على حسب الشخص.. يعني ربيعات امي.. وحده كرهة الاكس فايف والثانيه تعشقه وبعد بتشتري لبنتها اكس فايف!


كل شي يعتمد على الشخض
ونصيحتي لك تاخذ تست درايف وتشوف انته شو عايبنك.. ويوم تاخذ السياره لا تاخذ البيسسك اوبشن يعني أرخص وحده.. خذ الى في النص او احسن شي..

[المزوحي]

ملاك .. أحيانا مكينة السته تكون أفضل عن الثمانيه من ناحية الخراب، ومع هذا تلقين مواصفات حلوه في الثمانيه

الكيووو سفن في كراسي في الدبة بعد .. وحتى الاكس فايف فيه أوبشن كراسي ورا ...

[المزوحي]

شمعة أمل ... يمكن بعتمد عيل على استخدام الآدمي ...

إذا السواقة نظيفه، وصيانه مستمره في الوكالة ممكن تعيش ومافيها مشاكل ...

بس الاكس فايف داخله مزاجي أكثر، ومع هذا بشوووف الهنتين