الامارات اليوم تطالب ضاحي خلفان ....

[مزايا]

http://oasis.bindubai.com/bin/uploaded/8000_11201724468.jpg

الســلام عليــكم
وســط معمــة الاحتــفال بـ مهرجان دبي للتســوق
تظهر قضيــه تعد من اسخن القضــايا في الساحه الاماراتيه في وقتنــا الحالي
الامارات اليــوم تطــالب ضاحي خلـفان بإثبــات اتهامه لها بالفــساد
بعدمــا صرح القـائد العام لشرطه دبي "ضاحي خلفان" في مؤتمر صحافي
يقول : ( أشخاص من الامارات اليوم قبضوا من مؤسسات ، ولدي أثبات ....الأمارات اليوم لها مآرب بعيدة عن خدمة المصلحة العامة بنشر الأكاذيب والافتراءات على شرطة دبي )

وقد وصــف رئيـس التحرير سامي الريــامي تلك الاتهامات بـ أنها إرهــاب فكــري
وقد طــالب أيضــا عبد اللطيف الصايغ " الرئيس التنفيذي للمجموعة الاعلامية العربيه" بإثبات صحة تلك الادعاءات والافتراءات على جريده الامارات اليوم ..

محمد يوسف " رئيس جمعية الصحافيين"
يقول: ( رد فعل القائد العام لشرطة دبي أكبر من حجم الحدث وهو مطالب بكشف الأدلة)


عبدالحميد الكميتي "محامي"
يقول : ( أنه لايتوجب على القائد العام ضاحي خلفان أن يدلي بتلك الاتهامات في مؤتمر صحفي بشكل علني , أذ ان ذالك يدلل على نيته في توسيع دائرة العلانية والانتشار على الفعل الذي اقدم عليه , وتابع أن ماحدث من وجهة نظر القانونية يتوافر فيه القصد الجنائي اذ وضع الامارات اليوم بوصف الصحيفة والعاملين فيها بصفات مشينة , مؤكد ان القذف اذا وقع بطريقة النشر في احدى الصحف أو المطبوعات عد ذلك ظرفاً مشدداً بحسب المادة 273 من قانون العقوبات الأتحادي ) !

الأمارات اليوم " صحيفة"
(تلقت الأمارات اليوم اتصالاً من أحد المواطنين يفيد بأنه اتصل بشرطة دبي أكثر من أربع مرات، في وقت هطول الأمطار في المرة الأخيرة ، ليبلغ عن تعطل أشارة مرورية في شارع أبو بكر الصديق المقابلة لمركز القبائل, ولم يرد أحد على أتصاله , وأكد أن مكالمته تلك جاءت على أثر سماعه لنفي الفريق ضاحي خلفان القائد العام لشرطة دبي، حدوث مثل هذه المواقف أمس، في برنامج البث المباشر في اذاعة نور دبي ، ملعناً انه احدى حالات التي لم تتلق أية رد على محاولات الاتصال برقم الطوارئ 999 . )

هل سيــقف القــانون مع رجــل القانون ؟!
لماذا صرح ضاحي خلــفان بتلك الادله من دون أي دليل ؟!
الحق سيكون حليــف من ؟! ضاحي خلــفان أم الامارات اليوم ؟

جريدة الامارات اليوم في عددها 684 الأربعاء 30 من يناير 2008 - 22 من محرم 1429 هـ
http://213.132.44.184/emaratalyoumnew/




مودتي
مزايــا

[مــهــابه]

وعليج السلام والرحمة اختيه . . .

محمد يوسف " رئيس جمعية الصحافيين"
يقول: ( رد فعل القائد العام لشرطة دبي أكبر من حجم الحدث وهو مطالب بكشف الأدلة)

فـ الوقـت اللي تطالب فيها الصحف عـدم اعـطاء المواضيع أكبر عن حجمها ، نـرى انه [ جريدة الإمارات اليوم ] تـضخم الأمور وتعطيها أكبر عن حجمها

والدليـل :

قضية منتخب الإمارات والمراقص ، واللي الهدف كان منها انهم يوصلون الصوت والصورة الحقيقـة والشفـافه للمسؤولين الكبـار ! . .( أدري مايخصه بـس كـ دليل من الواقـع )


ولكـن السـؤال :

كـيف نـوصل ؟! ومـتى ؟! وبـ أي أسـلوب وطريـقه ؟!

يعني كان بأمكانهم انهم يوصلون لهم لـكن بالطريقـة الصح ، مب انه الخبر ينتشر فالجريدة ولأكثر من يومين ، وبألفاظ وطريقة اتوقع انهم يقدرون يحطون أفضـل مـنهـا

الإمارات اليوم يمـكن لهـا نظره اللي هي [ الشفـافـيه ] فـ الأمور . . .

فـ بالتالي المفروض تتقبل كـلام ضاحي خلفـان بـصدر رحـب

أولاً لأنه ضاحي رجل قـانون ، وبالتالي ما اتوقع انه يـتكلم فـ مؤتمر بـدون وجهة حق أو دلـيل

وشو الهدف مـن هالموضوع ؟

لـذلك ضـاحي والقـانون وجريدة الإمارات اليوم يـتواسون . . .

[ايه احبك]

والله ما عرف الحق بيكون مع منو بس احس الأمارات اليوم تنقل الواقائع الي تصير في البلاد
بس بي مبالغه يعني الشرطه مب مقصرين في دبي
انا احس انه من حقه يفور عليهم بس مب لدرجة الأتهام مهما كان هاي اعلام وبي ار لدوله

شكرا لنقل مزيوتي ^_^

[مزايا]

الإمارات اليوم يمـكن لهـا نظره اللي هي [ الشفـافـيه ] فـ الأمور . . .
فـ بالتالي المفروض تتقبل كـلام ضاحي خلفـان بـصدر رحـب


عزيزتي مهــابه :
في رأيك ماهو مفهوم الشفافيه ؟!





ولاً لأنه ضاحي رجل قـانون ، وبالتالي ما اتوقع انه يـتكلم فـ مؤتمر بـدون وجهة حق أو دلـيل
جريده الامارات اليوم طالبت فقط بإثبــات تلك الاتهامات بأدله ..
وما صرح به ضاحي خلفان من دون دليل قاطع



شكرا لأضافتك :)

[مــهــابه]

بـ أعـتقادي ومن وجهة نـظري الخاصه

الشفـافيه :

نـقل الصوت والصورة بالشكل الصحيح ، بدون أي مبـالغـه ( وحطوا تحتها 10 خـطووط )

وهـذا اللي ماوفقت فيه جريدة الإمارات اليوم بالشكل المطلوب فـ بعض الأمور



العفو اختيه . .

[مزايا]

والله ما عرف الحق بيكون مع منو بس احس الأمارات اليوم تنقل الواقائع الي تصير في البلاد
بس بي مبالغه يعني الشرطه مب مقصرين في دبي
انا احس انه من حقه يفور عليهم بس مب لدرجة الأتهام مهما كان هاي اعلام وبي ار لدوله

شكرا لنقل مزيوتي ^_^



حقيقة لســت من قراء جريده الامارات اليــوم :redface:
ولا أعرف ماهي الاستراتيجيه المتبعه في عرض الحقائق والاخبار
ربمــا آن الاوان لـ أعطي جزئا من وقتي لتلك الصفحات الورقيه الكبيره :k_puppyeyes:


شكرا عســل دوعن :fa35:

[ايه احبك]

والله زين اسوين يا مزايا بلا عوار راس انا انسانه ما جيس الجريده خير شر الا اذا شفتها جدامي وكان لي بارض XP وهذا نادر لوول
العفو ولو ^-*

[بنت الدلع]

امارات اليوم من الجراايد الي تنشر الوقائع
عكس بقية الجراايد
الي كلها مجاااااملاااات واكاااذيب والمعلومات مبهمه

واذا في اي انتقاد للجريده
بيكون السبب
انها تنشر فضايحهم الي كافة الاعلاميين يتسترون علييييها

[محد يستاهل]

وعليكم السـلام ورحمـة الله وبركــاته


مرحبابج فيلسوفة واحتنا:icon_rr:


ختيه الموضوع اللي محدرتنه اليوم واحد من أهم المواضيع اللي تناولتها جريدة الامارات اليوم واللي من يومين صاير هالكلاام وما دامج مب من قرائها فأعتقد صعبة اشوي اتنزلين موضوع ماتعرفين من له الحق فالسـالفة كلها


عمومــا :


من وجهة نظري الخاصة المفروض من القائد العام لشرطة دبي قبل لا يزيد الطين بله ويعالج المواضيع اللي تقوم يوميا جريدة الامارات اليوم وتنقل الموضوع بكل وضوح بدون ما يكون لها أي هدف بالكلام اللي يقوله ضاحي خلفان أن بعض الصحافيين تلقووا رشوة من أي شخص كان


ما أعتقد أن اعلامنا له اي هدف انه يشوه شيء في دولتنا وما بالنـا شرطة دبي اللي تعتبر من أفضل مراكز الشرطة فالدولة



" الأمارات اليوم " صحيفة"
(تلقت الأمارات اليوم اتصالاً من أحد المواطنين يفيد بأنه اتصل بشرطة دبي أكثر من أربع مرات، في وقت هطول الأمطار في المرة الأخيرة ، ليبلغ عن تعطل أشارة مرورية في شارع أبو بكر الصديق المقابلة لمركز القبائل, ولم يرد أحد على أتصاله , وأكد أن مكالمته تلك جاءت على أثر سماعه لنفي الفريق ضاحي خلفان القائد العام لشرطة دبي، حدوث مثل هذه المواقف أمس، في برنامج البث المباشر في اذاعة نور دبي ، ملعناً انه احدى حالات التي لم تتلق أية رد على محاولات الاتصال برقم الطوارئ 999 . )




ليش ضاحي خلفان اهني ما برأ الشيء اللي صار يعني يوم قامت جريدة الامارات اليوم اتظهر الفضائح
هذا جزاء الاحسان بالاساءة

انرد لموضوعج وانقول :
هل سيــقف القــانون مع رجــل القانون ؟!


مب شرط كل رجل قانون له الحق في كل شيء يعني الانسان مب معصوم من الخطأ


لماذا صرح ضاحي خلــفان بتلك الادله من دون أي دليل ؟!

المفروض منه انه يوضح دليل عالكلام اللي صرح به

لأن المجرم ما تبين جريمته إلا بدليل حتى يتم محاكمته وما دامه رجل قانون ليش ماشي دليل على الكلام اللي قال عنه


الحق سيكون حليــف من ؟! ضاحي خلــفان أم الامارات اليوم ؟

ما اعتقد انه دام ضاحي من رجال الامن فالدولـة فبيكون الحق معه

كل واضح بياخذ جزاءه فهالموضوع

وأعتقد أنه يغطي على الفضائح اللي قامت اتصير الحين




بالنسبة للأخت مهابة :mf_turban: :

من باب الفلسفة انج ما ادخلين سالفة بسالفة
يعني الموضوع يقول الكلام اللي صرح به ضاحي خلفان

فموضوع ظاهرة المنتخب اللي قام بها ماله أي داعي بها لأن ما يخص الموضوع ولو كنتي تبين اتوضحين دليل ع الرمسة اللي قالتها الأخت
المفروض تعالجين الظاهرة من حذاريفها مثل ما يقولون


اتوقع لواحتنا دور بارز دام فيها أنـاس تتفلسف وهي فالأساس لا تعرف عن هذه الصحيفة أي شيء
:a033:

[مزايا]

بنت الدلــع :
شاكره لج إضــافتج عزيزتي :fa35:



محد يســتاهل :

وما دامج مب من قرائها فأعتقد صعبة اشوي اتنزلين موضوع ماتعرفين من له الحق فالسـالفة كلها
فعلا انا لســت على درايه بــ صاحب الحق في هذي القضــيه ولم ادعي بـ المعرفه يا محد يسـتاهل
والاحقيــه في تحديد صاحب الحق ليست بمتناولنا ، ويا خبر اليوم بفـلوس ، بكره ببلاش ... قريبا ستنقشع الضبابه وسيتضح لنا من هو صااحب الحق ...






المفروض منه انه يوضح دليل عالكلام اللي صرح به
لأن المجرم ما تبين جريمته إلا بدليل حتى يتم محاكمته وما دامه رجل قانون ليش ماشي دليل على الكلام اللي قال عنه
كلام ســليم 100%





اتوقع لواحتنا دور بارز دام فيها أنـاس تتفلسف وهي فالأساس لا تعرف عن هذه الصحيفة أي شيء

ولاتنســين بأسلوب مثل هالاســلوب بتبرز اكثر واكثر

شاكره لج إضافتج

:fa35:

[إسهر معي ليله]

عليكم السلام
:
:

والله ما ندري شو سالفتهم.. مسوّين حشره ويهاجمون بعض
وانا بتكلم عن كل واحد فيهم.. الإمارات اليوم و ضاحي خلفان
:
:

الإمارات اليوم

هالجريده مثل ما يقولون صريحه،، بس على صراحتهـا
اشوفها وايد تكبّر المواضيع.. يعني عادي موضوع فــي
كل الجرايد في الصفحه الأخيره.. وهم في اول صفحــــه
فـ يوم الواحد يشوف الموضوع في الصفحه الأولــــــــى
يقول هذا هوه الموضوع الكبير.. وخاصه انه الواحد يوم
يكبّر الخط ويخلي العنوان كبير.. القارئ يحس انه شي
مهم.. من هناك يمكن ما يسوى

ما انكر انها تعيبني وفيها مواضيع حلوه.. مع انه عمري
ما فكرت اشتريها.. يوزعونها بلاش مادري ليش :a116:

اللي خلّى ضاحي خلفان يصرّح هالتصريحات.. مقال "سكيـــك"
في الصفحه الأخيره.. ويكون ع شكل مقتطفات من هني وهناك
وفي الفترة الأخيره كانوا وايد يكتبون عن "999" واللي هوه رقــم
العمليات.. عن شكاوى ناس يتصلون ومحد يرد عليهم او يتأخرون
عليهم في الرد

اول شي انا استغرب انه الإمارات اليوم اي شخص يتصلهم ويقول
انا استوالي كذا.. كتبوا على طول!.. انزين يمكن يتبلّى او يبالغ!

وثاني شي اذا ع شكاوى الناس ترى اغلبها شكاوى سخيفه
اعرف واحد في العمليّات يقول فيه ناس من يشوفون دوريّات
شرطه في الشوارع اتصلوا على "999".. اونه شو السالفه؟
يعني انا لو مسؤوول في العمليات بسوّي عقوبه حق اللي
يتصل لـ هالإسباب التافهه !

وبعد استغرب انه عبداللطيف الصايغ طلع عـ الهوا وتهجّم
يعني ترد الغلط بـ غلط؟؟.. في رأيه هاي صراحه وشفافيه
بس انا اشوفها مصاخه.. استوينا الإتجاه المعاكس !
:
:

ضاحي خلفان

هـ الإنسان ع آخر أيامه ما خلّى حد ما تهجّم ضدّه
يعني صار هوه نفسه جهه إعلاميّه وجهه قضائيــه
وكل شي.. سوبرمان

وأغلب الأحيان تصريحات في الجرايد وتهديدات و
آخر شي.. ما نشوف شي :birgits_giggle:.. شرات سالفـــة
المسجات في قنوات الأغاني

ياخي انته انسان ظهرك قوي.. ونعرف إنه وراك الشيـــخ
محمد بس مب معنى هذا تسوي جيه.. ضاحي خلفان
ما ننكر إنه زين وسوّا وايد.. لكن بصراحه في حالة إنــــه
هجم على حد.. يتكلم بإسلوب مب حلو وغير منطقي

شو يعني غير منطقي؟.. :birgits_giggle:
:
:

أحين يه دور الأسئله

هل سيــقف القــانون مع رجــل القانون ؟!

احساسي يقول هاي كلها بلبله وكلام فاظي
وموضوع في النهايه بيتسكّر :yes:
:
:

لماذا صرح ضاحي خلــفان بتلك الادله من دون أي دليل ؟!

يقول انه عنده دليل.. وبيني وبينكم لو تقرون جريدة اليوم
اشوفهم هم بعد مصخوها.. مقالة "سكيك" كلها تهجّــــم
عـ ضاحي خلفان وشرطة دبي

وأنا كـ قارئ ما استغرب من تصريحاته.. لأنه فعلاً الجريده
وااايد حاطه دوبها في دوب "999".. ليش؟ مادري :fa46:
:
:

الحق سيكون حليــف من ؟! ضاحي خلــفان أم الامارات اليوم ؟

مادري.. إذا فعلاً سوّاها وياب أدلّه هني عاد الإمارات اليوم
بتقووول نشكرك واهديتنا عيوبنا.. وبيتغيّر الإسلوب من هجوم
إلى شكر.. وبيحبون بعض وبيردون حبايب

بس اذا ما فيه دليل.. وطلع كلامه ماله أي صحّه.. بعد اعتقد
انه السالفه بتتسكّر
:
:

محد يستاهل


ليش ضاحي خلفان اهني ما برأ الشيء اللي صار يعني يوم قامت جريدة الامارات اليوم اتظهر الفضائح


بديت أشك انج من الإمارات اليوم :k_harhar1:
ليش المبالغة.. سالفه مثل هاي ما تعتبر فظيحه !
:
:

واايد رمست اليووم.. يعطيج العافيه عالموضوع :a070:

[ألم ترى]

بسم الله الرحمن الرحيم ..

هلا اختي ..

ثلاث مرات ادخل الموضوع لجل اشوف رأي الأعضاء ف هالقضية :fa46: ! ..

عيبني الأخ اسهر معي ليله ف اضافته الغنيه بنظري طبعآ ..

انا ماقد سمعت عن هالسالفه الا من هالموضوع إذا انا صامت لكي اتعلم منكم :smile: ! ..

ربي يعطيكم العافيه ..

[وحي القلم]

أنا ما أتابع هالجريده

بس الصراحه اللى ألاحظه يوم أقراها

أنه فيها وايد خراريف... و يكبرون أشيا ما لهن معنى :glare:

.
.


وأغلب الأحيان تصريحات في الجرايد وتهديدات و
آخر شي.. ما نشوف شي .. شرات سالفـــة
المسجات في قنوات الأغاني

عالأقل الريال تكلم و بين الغلط اللى يستوي عندنا

فالوقت اللى غيره ما تنطقوا ابـ كلمة

[إسهر معي ليله]

عالأقل الريال تكلم و بين الغلط اللى يستوي عندنا

فالوقت اللى غيره ما تنطقوا ابـ كلمة


وأنا قلت ما ننكر إنه زين وسوّا وايد :yes:
بس بعد.. الكلام بدون فعل ما فيه فايده !

[وحي القلم]

:yes:

الله يعلم

ما تدري يمكن يكون الموضوع أكبر من ضاحي

بس هو حاول أنه يسوي شي

(( من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان ))

[أنشودة المطر]

ضاحي خلفان "رجل" ما شفنا منه الا كل خير
و يكفي أنه الوحيد اللي يدافع عن حقوق المواطنين في هذي الأيام
و له هوية وطنية واضحة و قوية :yes:

و أشوف أني مهما قلت ما بقدر أوفيه حقه :tounge:

ضاحي خلفان من رجال محمد بن راشد و الشيخ محمد ما يختار رجاله "سدىً"


هـ الإنسان ع آخر أيامه ما خلّى حد ما تهجّم ضدّه
يعني صار هوه نفسه جهه إعلاميّه وجهه قضائيــه
وكل شي.. سوبرمان

:10:

و جريدة الإمارات اليوم ما بقول عنها أكثر من اللي قالوه الأعضاء اللي قبلي:


[ جريدة الإمارات اليوم ] تـضخم الأمور وتعطيها أكبر عن حجمها


الإمارات اليوم اي شخص يتصلهم ويقول
انا استوالي كذا.. كتبوا على طول!.. انزين يمكن يتبلّى او يبالغ!


عبداللطيف الصايغ طلع عـ الهوا وتهجّم
يعني ترد الغلط بـ غلط؟؟.. في رأيه هاي صراحه وشفافيه
بس انا اشوفها مصاخه

و في هذا الموضوع "يقال" أن عبداللطيف الصايغ اشترط أنه ضاحي خلفان ما يشارك و لا يتكلم!!!
"وين الصراحة و الشفافية؟؟!!" :fa55:

http://www.uaeec.com/vb/showthread.php?t=64342&page=2


يوزعونها بلاش مادري ليش


فيها وايد خراريف

توزع ببلاش لهذا السبب في رايي :k_harhar1:

هل سيــقف القــانون مع رجــل القانون ؟!

هذا اللي لازم يستوي

لماذا صرح ضاحي خلــفان بتلك الادله من دون أي دليل ؟!

أنا متأكدة أنه ضاحي خلفان ما بيتكلم في شي إلا إذا كان متأكد منه...هذا اللي عودنا عليه دايما

’’’’’’’’’’’’’’’’� �’’’’’’’’’’’’’’’’� ��’’’’’’’

هذا الموضوع ذكرني ببرنامج عمرو خالد
ما أذكر أسمه بس كان من كم سنة عن اتفاقية بين شرطة دبي و منظمة بريطانية
"عن مكافحة المخدرات" و عمرو خالد وياهم

في بداية الحلقة عمرو خالد قال أنه مرة في إحدى الجرايد البريطانية في أحد أهم عناوينها
مكتوب أنه "شرطة بريطانيا" لازم تتعلم من "شرطة دبي"!!

بريطانيا تتعلم من دبي!!

ما أدري هل كلمة شي "مشرف" تكفي لوصف هذا الخبر؟! :k_harhar1:

مهما صار شرطة دبي معروف أنها متميزة على مستوى العالم
و الأخ اللي "قال" أنهم ما ردوا عليه لازم يراعي الظروف
و الحالة الجوية اللي كانت تمر بها البلاد في هذاك الوقت

و جل من لا يسهو يا حلوين

:a070:

[عذبة الروح]

بـ اختصار ...

كافي انه ريال والنعم فيه
و
بصمته هي رمز الأمان للدوله

ربي يحميه & يعله ذخر لنا
والسموحه

[أنامل قلب]

:

السلام عليكم ورحمة الله وبركاته ..

عيبني الطرح بطريقة تناول بعض الأعضاء للموضوع ..
اخوي اسهر معي ليله ما قصر وكملت عليه وحي ما شاء الله ..
وما ننسى التفاعل الطيب من أنشودة المطر والبعض الآخر ..

فجل الشكر لكم جميعا :)

:

تدرون شنو ..
الحلو بالموضوع ان بالنسبة لي ماكتفى بطرح الوقائع والآراء ..
لكن ضم وتخلل أبعاد ثانيه أفدت منها جدا ..

والاكيد إني استمتعت بالمرور من هنا ^_^ ..
فيزاج الرحمن كل خير اختي مزايا ..

وصان قلبج مما كره ..
يارب .. .

:
:

كل الود والاحترام ..
اختج أنامل قلب ..

... :redface:

[ملاك الروووح]

::

السلام عليكم ورحمة الله وبركاته ..


أول شي أحب اقدم تحيه تقدير للأعضاء اللي شاركوا في النقاش ..

:a070:

:

وثاني شي أبي أقول وجهة نظري ف هالموضوع ..


أنا أشوف انه الموضوع خذ أكبر من حجمه بوايد !!

:

ضاحي خلفان .. لو ما كان عنده أي أدله على الاتهامات اللي وجهها للجريده ..

أعتقد انه لازم يطبق عليه القانون .. لانه هذا يسمونه قذف ..

والاتهامات هاي ترى مش بسيطه !

وشرات ما قالت المعيني في الجريده ..

لو كان عنده هالادله والاثباتات .. ليش ما استخدمها .. وكشف هوية المرتشين هييل من قبل !!

بما انها ضمن اطار صلاحياته كمسؤول للقياده العامه لشرطه دبي !

ولا كان المفروض حد يسيئ لهم .. عشان يردون عليهم بأسلوب ( وحده بوحده ) !!

:fa52:

::

الامارات اليوم .. جريده يديده ..

وأكيد موضوع شرات هذا بيكون ماده دسمه لها ..

عشان تكسب قراء أكثر ..

وعشان تلفت الانتباه ..

ف مستحيل يفوتون نفس هالفرصه .. عشان الاعلام يسلط الضوء عليهم ..

وهالشي طبعاً حصلوه مثل ما نحن شايفين ..

واكبر دليل انه يالسين نرمس الحين عن الموضوع !!

:h_daleel:

::

ضاحي خلفان .. ما قصر ..

وله بصمات واضحه ومميزه أكيد ..

وله انجازات وايده ..

بس ما أعتقد انه الموضوع يسوى يكبرونه جيه !!

وهالشي يسيئ له بشكل خاص ..

كان بامكانه يشرح ظروفهم .. ويقول الاسباب اللي خلتهم ما يردون على الاتصالات ..

وكان بيحرج الجريده بأسلوبه .. والناس كانت بتعذرهم أكيد ..

لأنه الظروف الجويه هاي كانت تمر بالدوله كلها .. ف كنا بنتفهم هالشي ..

لكن انه اييهم بهالاسلوب ..

ويهدد ويتوعد .. ما أعتقد انه تصرف يليق بحجمه !!

:9:

::

عالعموم ..

بنتريه وبنشوف شو آخرتها وياهم ..

والسالفه بتتفركش والناس بينسونها عقب كمن يوم ..!

مجرد ظاهره .. وبتختفي !!

::

[تحفه]

بقول رايي بصراحه

وايد ناس تشوف الجريده انها الجريده الوحيده الصريحه والي تنقل الواقع و مادري شو
بس هم مب منتبهين انها مرات تسوي فوكس على قضيه وتكبرها! والمشكله من دون المصدر!
اوكي نقول مش مشكله

بس يوم السالفه توصل انهم يظهرون مقالات كل ما يقدمون على جايزة الجوده هني حتى الغبغب يعرف السالفه فيها ان!

انا ما الوم ضاحي ابدا لان السالفه تمصخت وايد .. هاي مب ثالث ولا رابع سنه ينحطون بهلموقف!

هو من بين افضل الشخصيات الي ساهمت في بناء دبي
وكل منا لازم يشكره على الجهود الي يبذلها


ابي اطرح فكره لجامعه زايد نشكره فيها من خلاله .. يستاهل ضاحي خلفان 3>