المساعد الشخصي الرقمي

مشاهدة النسخة كاملة : دير دياري ~ يوميات


الصفحات : [1] 2 3 4 5 6 7
تحفه
24-01-08 ||, 10:09 PM
الجزء الثاني :a034:

السلام عليكم . .

هالموضوع بيكون كـ "يوميات" ترومون تكتبون كلمة .. ترومون تكتبون مُعلقة .. تحطون صور .. المهم شي يخلد ذكرى اليوم الفلاني ..

بشرط تحددون
الساعه واليوم:
المزاج:
والموضوع:
مــهــابه
24-01-08 ||, 10:31 PM
بـعدني المغـرب قـاعدة أقـول ليش للحين مب منزله موضوع لووول


~ اليــوم :

الخميس


المزاج :

رايـــقه


الموضوع :


25- 1- 2007



بــعد سـاعـة ونص بالـضبط راح أحـتفل بـ ميلاد أغ:fa41:ـلى البشــر : ~ ~ أمــونتي


تــمر سنييييين وأنـت [ الحــب ، ،

عـسى الله لايــفرقــنا:12:

حبيبي مهما نتـغير ~ ~ يــكبر حبـنا معــنا







اليوم وصلني مسج خلاني أراجع حساباتي وااايد
المزوحي
24-01-08 ||, 10:43 PM
اليوم الخميس ..

الصبح سرت الدوام، كنت احاول إني أكون رايق .. خلصت شغلي بضمييييييير كالعادة طبعا ..

رديت البيت مالي نفس على الغدا ... كلت سلطة .. اسوي ريجيم ..

كل مااقول بظهر احس إني ابرد ... مع إنه من يومين اعتدل الجو ...

احس بعمري اعيش حالة حب ...

ياليت حد يفهمني ويقدر شعوري ...
ملاك الروووح
24-01-08 ||, 11:16 PM
To Be Always There .. For them

To listen To Them ..

Take Care of Them ..

Love them ..

Understand Them ..

Encourage Them ..

and .. When You Need Them .. Just Once ..

They Leave You .. Alone .. Behind them ..



it's Just Killing ME !!:fa41:
شمعة أمل
25-01-08 ||, 02:07 AM
اليوم الخميس
المود:
السبب:


شكرا تحفه على الموضوع:fa35:
أتمنى
25-01-08 ||, 03:55 PM
يسعد مساكم و الله يعطيكم العافيه

اعذروني لاني حذفت جميع الردود
اللي كانت عبارة عن دردشة و لم تلتزم بشرط الموضوع

الموضوع عباره عن يوميات
و الرد تحدد بشروط وضعته صاحبة الموضوع


بشرط تحددون
الساعه واليوم:
المزاج:
والموضوع:

أتمنى ان لا يتحول الموضوع لدردشة
ليستحق أن يكون الموضوع في واحة الفضفضة :smile:

.
.

عوااافي
خطايــا
25-01-08 ||, 07:12 PM
الجمعه .. 25_1_2008

رايقه + بردانه اشوي لول ..


اليوم كان حلوو من بدايته .. حاليا انا في بيت أمواج ومن العصر مجابلين وسوالف وضحك ...

لمه الاهل حلووه ..
مــهــابه
25-01-08 ||, 09:54 PM
اليــوم :

اليــمعه



المــزاج :

عـال العــال



المــوضوع :


~ ~ رضـت علَيه آلـهة ولـد اختيه ، مـن متى وهو معـاند هب طايع اني أركب دراجـته ، واليوم الروحة يزقرني
صـح انه زقرني فـ عز القـايـله بس بـعد ، يـعـتبر إنـجاز ( يـا أنـه هالأنسـان دفش ، أقول يوم بيكبر الله يعين حرمته ، هو سنتين ومايسولنا سالفه لوول )


اليوم اختيه احرجتني جدااام الكل ، ويهي أسـتوى أصفر وأخضر وأحمر وأزرق ( قـوس قـزح لوول ) . . الله يسامحهـا



وبعد قـصة عـناء مع ملف انـجاز اختيه ، جان اخلصه اليوم وأفـتك :)




آخيـراً :



~ ~ [ لا ] تـضيـق يـا ال~ غـــلا قــلبك / غـيرك ولو ( مــات ) مـاجيــته
قصايد غلا
25-01-08 ||, 10:35 PM
اليوم : الجمعة


الساعة : 10 و 34 دقيقة


المزاج : متنرفزة


:a058:
الموضوع : وين ردي في هالموضوع ؟ ==> لو انحذف أعتقد إنه لازم يكون فيه تنبيه و شــــــــكــــــراً لأنه فيه غيري مب كاتبين غير اليوم ولا بكاتبين التاريخ ولا الموضوع ولا المزاج ، بس ما يحتاي أحدّد لأنهم ما لهم ذنب ...
طير الغرام
25-01-08 ||, 10:35 PM
http://oasis.bindubai.com/bin/uploaded/1184_11201028869.gif



الـيوم :
اليمعه
المـود :
مادري
الموضوع :
أحسني معتفسه ،، متلخبطه ،، امصدعه
باختصار هب طبيعيه :smile2:


http://oasis.bindubai.com/bin/uploaded/1184_21201028869.gif
شمعة أمل
25-01-08 ||, 11:19 PM
اليوم الجمعه
المود معتفسسسس
السبب

تعرفون يوم تنشون من الرقاد وشي غلط يستوي عقب يومكم كله غلط في غلط؟ >_<

انيويييزززززززززز

من ساعه وايد تنرفزت
انا وامي سرنا نتمشى اليوم وظعنا مرتين.. بس ثاني مره صدق ظعناظعنا ماشي أمل:mf_leia: سرنا جي مكان اول مره في حياتنا نسيرله.. بس تصدقون مكان وايد حلو.. انيوييز

من البرد سرنا كوفي شووب نشربلنا شي وناكل كيك.. وليييتناا ماسرنا اففف وايد تنرفزت:a058:


في الكوفي شي بنات عرب .. جي شله عووووووووده.. بس هم بنات يدرسون في لندن.. مب انه مأجزيين...
المـــــــــهم .. اف انا وايد مغيضه
هالبنات تمو يرمسون وبصوت عالي.. والى قهرني انه ماحشموني ولا حشموو غيري.. وكله تمو يغلطون على العرب او بالاحرى على الاماراتيين.. ولا وحده فيهم اماراتيـه! كلهم كويتيات وبحرينيات وسعوديات ولبنانيات

تمو يقولون كيف نحن مب ستايلش ومانعرف نحط ميك اب:Oo:

بعديييييييين
يوم يووو على الاماراتيييييين ضغطيي ارتفع..
وحده لبنانيه مادري شو قالت عن دبي جان تي هالكويتيه اونه لاااا عن دبي انا بخبركم عن دبي.. ووحده ثانيه تقول هالعوايل الكبيره في دبي وايد يسولهم سالفه.. بعدين البنات تمو يقولون شقايل شبابنا ماعندهم سالفه.. وانه مايسون شي في حياتهم غير يغازلون بعدين حشو ف مادري منو في بوظبي بعدين في مادري منو في الشارجه وتمو يغلطوووون.. بعدين وحده تمت تقول انه حكومة الامارات وايد تسوي سالفه للمواطنين.. والمواطنين هم اهم شي في الامارات ونحن وايد جايفين عمارنا لانه نحن اماراتيين<< يعني مايقولون هالشي بطريقه حلووه.. افف منهم.. بعدين من حقنا نحن اماراتيين والمفروض حكومتنا تسولنا سالفه غير انه شكلهم ماسمعو في شي اسمه الوطنيه


صدق سخيفات بمعنى الكلمه..

نحن مانحش في الكويتيات والبحرينيات.. واذا نرمس عنهم نرمس عنهم بالزين مب بالشيـن!!!!
لا بعد.. هم جي يقولون عنااااا.. انزين اذا مايحبون الامارات ليش رازيين ويههم فيها.. افففففف

الشي الى يضحّك.. انه مادري ليش شايفين عمارهم.. روحهم خسفات شكليا ويقولون انه نحن الى مانعرف نحط ميك اب ونحن الخقاقين يوم نحن الحمدالله مانّزل عمارنا لمستواهم ونرمس عن شعبهم بهالطريقه.. هه اغبيا
ايه احبك
25-01-08 ||, 11:23 PM
^^اصلن معروف انه يغارون منااا وهم يقولون جي لنهم ما احتكواا فينا خلهم يقولون لين ما يشبعون بنظل نحن احسن عنهم XD
حلم الطفوله
26-01-08 ||, 12:36 AM
اليوم .... الجمعه

المزاج : رايق وعال وعال ...الحمد لله على كل حال

الموضوع : ما أدري ليش مستانسه اليوم !!! صارت لي وايد مواقف و أشياء حلوه اليوم

شمعة أمل ....

ما عليج ربج كريم .... تراهم قالو بالأمثال

إلي ما يدانيك يخرب معانيك ....
قصايد غلا
26-01-08 ||, 02:12 AM
اليــوم : كااااااااان يوم الجمعة :tounge:

المزاج : كنت مستانسة وايد وايد وايد و عقب تنرفزت لكن أحينه راااااااا:fa35:ااااااايقة ومستانسة ==> لأنه ماشي و ما حد يستاهل أحرق أعصابي عشااااااانه :fa44:


الموضوع : كنّــا ( أبويه و أميه و أنــــا ) معزومين عند نااااااااااس أحبهم بشكل فظيييييييع من كثر ما هم قريبين منّــا ومن كثر طيبة و صفاوة قلوبهم ، ما لهم مثيــــ:12:ـــل



ونااااااسة .. سولفنا و تذكّرنا سوالف الطفولة و اللعب و خلاف سرنا العزبة استانسنا و ردّيــــنـــا:fa34:

بــ إختصار : كان يومي حـــــــــــــــــلــــــ ـــــــو ==> إن شا الله تزيد الأيام الحلوة قبل ما تبدا دواماتنا :14:
شمعة أمل
26-01-08 ||, 03:58 AM
ايه احبك
يقهرون.......

حلم الطفوله
>.<


اليوم الجمعه
المود : أحسن
الموضوع:
طلعت حرتي في البزلل.. واخيرا خلصته.. مادري كيف ضيعت حبتيـن.. بدورهم باجرر.. يمكن منخشين تحت الزووليه ولا شي..
بسير ارقد
تصبحون على خيــر 3>
أنامل قلب
26-01-08 ||, 04:45 AM
السلام عليكم ورحمة الله وبركاته ..

اليوم : السبت ..
المود : .....
الموضوع :

لو بيدي أشطب على حياتي كلها طول بعرض جان ما قصرت ..
نظامي من الخاطر مخترب .. وكلمة مخترب جدا صغيره وما توفي محل الكلمه ..
كلي على بعضي مستوية غلط بغلط ..

مو قادره أستوعب نفسي بنفسي .. !

تدرون شنو ..
أتمنى يكون لي ماجيك بوك أكتب وارسم به كل الشغلات اللي اباها تكون بي كـ شخص ..
بـ أيامي كـ عمر أقضيه .. وأشوفها تترجم لواقع أعيشه تالي .. :smile2: !

أستغفر الله .. :ohboy: !!

دومه الانسان ينظر للبعيد وينسى تتبع سير قدميه خطوه بخطوه ..
يتأمله ويتبعه خطوه بخطوه .. ليمن يوصل لمناه .. !

تلاقي دربك بعيد المدى .. بمنظار بعيد الأفق ..
والمنظر السرابي يثير أعصابك .. يشتت فكرك .. !

تحس بجمود أطرافك .. مو لسبب ولا علة حاشتك ..
لكن لكونك رضيت لها الجمود وحسب .. !

المشكله ..
ان مو أنامل قلب اللي تقعد ..
بدون أثر لحراك يسد رغبة الخاطر عندها ..

باذن الرحمن ..

ولو إن في طوق غريب عني وبي ..
مو قادره أترجمه بشخصي ..
أبد مو قادره ..

ولا عارفه له من محل يسد معناه .. !!!

:

.....
حلم الطفوله
26-01-08 ||, 10:47 PM
اليوم : السبت

المزاج : متقلب من الزجمه

الموضوع : أشياء وأحداث واااايد صارتلي اليوم ....

أحس إني مب أنا !!!

مهما يتكلمون جدامي ما أعلق ولا أشاركهم بالراي

أتحرطم بيني وبين نفسي بس مسويه نفسي كوووووول جدامهم

لأول مره أكتشف إنه فيني نسبة وغاده مب طبيعيه

ولآخر مره أتمنى إنهم ما يكلموني بموضوع أكرهه لحد الكره نفسه

لأول مره أحس إنه هالموضوع بيخليني أطيح بنفسي وأنا مب بكامل قواي العقليه (امدوخه )
تحفه
26-01-08 ||, 11:04 PM
^hug u so tight :love2:

و سلمي على الشمس شوق القلوب :heart:
عافك الخاطر
27-01-08 ||, 12:04 AM
اليوم: السبت
المزاج: حزينة على ندمانه
الموضوع:
- اليوم كان هو آخر يوم في أتعس و أبيخ و أبرد اجازة في حياتي ..
و الأدهى والأمر انهم في آخر يوم قبل الاجازة عطونا اسايمنت نسلمه في اول يوم .. وانا اليوم بس اتفيجت اطالعه .! > ياني احساس بايخ بالاهمال:Oo: .. وطلع الاسايمنت سم و دمه ثجيل جداً ..خاصة الاسئلة اللي حاطها العميد .! > شو خلاه يتفيج و يحط اسئلة يبالها خمس ست سبع سطور عشان الواحد يجاوب عليها ..

اتمنى اليوم يكون 48 ساعة عشان يمديني اكمل الاسايمنت و ارقد ..!

- ما حبيت طريقة ردي عليهم ..صح اني فجرت اشيا كاتمتها من سنتين بس كنت ابي اكون أقوى ..!

- كنت محتاجه - نفسياً- لإجازة تغير حالتي النفسية وتطلعني من رتابة الدراسة واحباطاتها اللي ما تخلص بس تجري الرياح بما لا تشتهي السفن ..
الله كريم ..
- الايام الياية بتكون اصعب ومحتاجة أكون اقوى ..
- محتاجة ارتب مفاهيم الاولويات في الاهتمام بالاشخاص وبالاشيا ..
ابوي وامي > دراستي > أنا (محتاجة اهتم فيها أكثر .! )
قرار فيه انانيه يمكن ..بس انا تعبت وانا احاول وياهم من سنين .. بس يا الوقت اللي اتمسك بالاشيا اللي اؤمن فيها و احقق احلامي بعيد عن كلامهم اللي يغث.. ولا عليّ من الشعب

.
.
شكـراً تحفه على هذا المتنفس :)
شمعة أمل
27-01-08 ||, 01:52 AM
اليوم : السبت
المود: :fa35:
السبب:

اليوم يوم وايد حلووووووو:heart: أحلى شي اني رقدت من الخاطر.. اظني 13 ساعه:mf_leia:
& اليوم لندن وايد وايد زحمه.. في الصيف ماحس بالزحمه لانه دوم زحمه بس في الشتا لندن نت باااد .. بس اليوم الزحمه فضيعه.. انا عبالي لانه ويك اند.. بس طلع لانه آخر يوم للتنزيلااااااااات SAD.. هني يتخبلون على شي اسمه تنزيلات ويعدون الايام والسااعات ويخيّمون برع المحلات.. وعندنا نحن اكبر طاف:tounge:

&&&&&
رمست ابويه وخواتي:heart: & مريم ومها و *س* وندى وامل:heart: مها قررت تيي ويايه ايطاليا يوم نعيّز ونتقاعد هناك وناكل باستا وبيزا وجيلاتو كل يوم:heart: على قولتها hopefully we still have teeth!:hysterical:

&&&&&
الياااااااااه مس يوووو:a050: وgood luck في الجامعه
المزوحي
27-01-08 ||, 06:19 PM
اليوم: الاحد

بداية السبوع ومن اصبحت امبوز .. ماعرف شو بلايه .. مودي مب شي ..
:3:
ياني اتصال خبر وفاة .. يرانا ( يدتهم اتوفت ) الله يرحمها ... وفي شي مب عايبني مستوي في الدوام ..
:k_shock_1:
بس شو اسوي يوم الغير مايفهم .. :3:

ظهرت من الدوام الدنيا تمطر وإن شاء الله خير ...

رديت البيت ... اتغديت، والحينه صليت المغرب وبسير العزا ..

اقوول شمعة سلمي على اهلنا في لندن ... وحد من الشيخات وياهم ... :fa56:
العجيبة
27-01-08 ||, 09:49 PM
اليوم : الاحد > سألت عشان أعرف :/ مشكلة البطالة تنسينا الايام ..!

الموود : عادي على أوكييي

الموضوع :

اليوم كان اوكييي وطلعت ويا الوالدة عند نااااس ... وهالناس يو عندهم ثنتين مصريات ..

بس شووووووو عجـيـــــــب ... وشو ونااااااسة .. والله من سوالفهم حسيت جنه داخلين في مسلسل مصري ههه

أحلى شي ... يوم بغينا نطلع .. يسألوني انتي صف كم

قلتلهم انا في الجامعة سنة أولى

قالوا ايوااا ما شاء الله اعزمينا على عرسج لا تنسينا



خخخخ والله انهم تحـــــف ...



امممم

على الصعيد الاخــر

مازلـت أفكــر بجدوولي اللي مب راضي يكتمـل لين الحين :/
ايه احبك
28-01-08 ||, 09:27 AM
اليوم هو الأثنين
والساعه تسع وثلاث وعشرين دقيقة
بتاريخ ثمانيه وعشرين الشهر
---
راحت على المقابله لني سهرت طول الليل
راحت علي المشيه لني ما نشيت من الرقاد
في احتمال شديد انه اشتغل وانا ما ابي
في احتمال اني اسوي عباه تستغرق شهر
في احتمال اني اصيح من ويع الراس
في قابليه اني انفجر على الأتصالات
في تأكيد على موتي بسبت الملل
>_<
دير ديري انا انتهيت
مــهــابه
28-01-08 ||, 01:41 PM
^
هـونيهـا وتــهون . . .



اليوم :


الأثنين


المزاج :


زين بس الزجمه ملعوزتني



المووضوع :


~ اليوم انا نشيطة ، الله يسامح اللي حط تلفون امايه عند راسيه ، كل شوي ويدق ، طلعوني من طوري
يحليلها اختيه تتصل فيَه عسب أتوديني أتشرى للجامعه وانا تلفوني سايلنت ، وخلاف دقت ع موبايلي اميه ، وجان احطه سايلنت وأرقد ، ليـما شفتها واقفه عند راسي ، طالعه من المدرسه ومتعبله بس عشاني لوول


ممم هالأنسـانه ما احب اروح معـاها ، تـدرون ليـش ؟!

لأنه كل ما اروح انا وياها ارواحنا ، لازم يستوي بنا شي ، وآخرتها قبل أسبوعين يمكن ، دعمنا سيارة جدام الصالون وجان نشرد ، لوول فذمتـها انا مايخصنيه . . .


رحـت ، وخلصت بيزاتي بس ! ماخصلت أغراضي . . .


جان ماروحنا القريه العالميه العصر ، بخلي خاليه يخطف عليه وبروح أكمل لوول . .


فيَه رقااد ، بس بـقــاوم لأني أبا اعدل رقادي ، دوامنا عقب جم من يوم
مايهزك ريح
28-01-08 ||, 01:47 PM
اليوم : الأثنين
المزاج : عال العال .. ^_^!!


اتكشت في ربوع ماليزيا .. وما خليت شي ما صورته ..
احس اني ما ابغي ارد للدوام >_<
الخنساء
28-01-08 ||, 02:53 PM
اليوم الأثنين

المزاج: محتارة واااااايد


كنت اتريا اللحظه اللي اغير فيها دوامي :icon_rr: واتصلوا فيه اليوم عرضوا عليه الoffer >> بس راتب اقل ... ساعات دوام أقل ... شيء يديد عليه مب في مجالي الحالي ولا مجال دراستي ... يعني لازم ابدأ من الصفر .. تحدي حلو ..وخطوة كبيره .. ما اعرف إذا اتخذها أو اتريا فرصه ثانيه ... جد محتاره وايد ومب عارفة اقرر ... :glare: شو رايكم ؟؟ :12:




اخويه ما يهزك ريح ..الحمدلله على السلامة .... ماليزيا من اكثر الأماكن اللي احبها ... :heart:
بنت الدلع
28-01-08 ||, 04:33 PM
اليوم: الاثنين

المود: مستااانسه على تعباااانه وهلكااانه

البارحه اخويا ومرته وعياله وصلوا من السفر :fa35:
فدييييتهم والله ولهت علييييهم كلللهم :love2:
من شهر ونص مب شايفتنهم

واليوم كان يوم حلو الصبح ظهرنا ويا الاهل

بس بعد شوي بنسير نعزي وحده :image005:
يحليلها البارحه حالتها كانت تعبانه هي وخواتها
الله يصبرهم يارب

وفليل ماي كزنز من الدوحه بيوووون :a033:
وبيتمون اسبوعين لين ماتخلص اجازتي
يعني هالاسبوع والي بعده بيكون فلللل
بس وااايد بتعب هالاسبووع ادري :smile2:
وشي وحده وااااااااااايد ترمس
صدق صدق الله يعيني على هذربانها
بس الحمدالله اني ما اجامل واايد :fa35:
وهالشي الي احبه فيني :alien:

اوروفوا
بنت الدلع
28-01-08 ||, 10:21 PM
اليوم: الاثنين

المود: :fa35: Happy

تغير الجدول من بعد ماسرنا العزا
i really enjoyed my tiiiime with my cutieee friends
They are the best :fa35:

وسويت طاف لماي كزنز :alien:
لول مب عن قصد بس هم ظهر لهم مشوار وباجر بمر عليهم وبحوطهم :14: اوني كبرت الحين

واستوى موقف فظييييييييييع لأخوووويا
صدق صدق انحرج
بس بعدني مارمسته بعد الموقف لووووول

اتخيل شو بيكون رده :fa46:
ههههه اول مره اشوفه جييييه :icecream: so cute

---

مايهزك ريح
the best thing سويته انك سافرت :fa35:
ترد بالسلامه ان شاء الله
المزوحي
28-01-08 ||, 11:48 PM
اليوم : الاثنين

المزاج : عادي

تعبت من رديت من الدوام، يادوب صليت العصر وسرت الشارجه، صدق ماعندي سالفه

تميت ساعه ونص لين ماوصلت .. جان الحينه انا في البحرين :3: ملل ملل شوارعهم وكل شي

السموحه لأهل الشارجه :4: يادوووب وصلت البيت الساعه 9:30 قلت خلني اسير الفستفال

اتعشى، وكلت الحمدلله :k_blush-anim-cl: يم يمي ..

ورديت البيت .. اتسبحت ودخلت الواحات، قلت قبل ما ارقد ..

مايهزك ريح صدق اتريا الصور من ماليزيا .. تراني اقول الولد مختفي ...

حلو بين فتره والثانيه الواحد ياخذ إجازه .. تغيير :vampire: الله يعطيك العافيه ..

ابغي اتمدد من التعب ... :look:
بنت الدلع
28-01-08 ||, 11:56 PM
اليوم: بعد دقايق بيستوي يوم الثلاثا لول

اليوم استوى موقف غبي لربيعتي لوووول
يحليلها سايره العزا نزلت وسلمت عليهم
سئلتهم وين فلانه ؟

ردوا عليها هذا مب عزا فلانه :hysterical:

يحليييييلها ما اتخيييييل موقفها كييييف كااان

كانت مغلطه بالبيت
وثنيناتهم عندهم عزا

الشرهه على الي دلاها لول

الله يرحم موتانا جميعا ان شاء الله
مــهــابه
29-01-08 ||, 03:44 PM
اليوم :

الثلاثـا

المزاج :
مادري


الموضوع :

ماشفت وحدة متفيــجة شراتي ، مريضه وميهوده وناشه من غبشه السـاعه 6 أسوي لي زنجبيل لووول
عاد الله والزنجبييل

شسوي ذبحتني الكحـه وماكنت أبى أخوف أمايه عـَليَه . .

ويوم شافتني إلا توديني الدختر وانا مابا ، ريحة المستشفى الروحها تييب المرض . .

ومعاندة للحين ومابا أسيير بـعد


،
المزوحي
29-01-08 ||, 11:09 PM
اليوم : الثلاثا

في الليل

المزاج : cool

الحمدلله على الصحة والعافية .. من اصبحنا سرت الدوام، وشغل على الخفيف + شرده على

السريع + ضحك من الخاطر .. رديت البيت مادري شو اللي خلاني ارقد، ومب من عادتي ارقد

خاصه الوقت مايمدي ويأذن العصر .. بس رقدت عقب الصلاة :doh:

نشيت جريب المغرب صليت وسرت الجمعية ...

وآخر شي مريت الفستفال .. ززززحمه ... كأنه week end :a046:

ماحب الحشره .. خلاص بحول على وافي :devil:

والحينه يبالي ارتاح .. عقب ما اتجول طشونه في ربوع الواحات :a0360:
مزايا
29-01-08 ||, 11:49 PM
اليوم : الاربعـاء
المزاج : مصدومه
الموضووع : أول مره أصحى على نفــسي
كنت حابــه المتن وايد ، بس قلت لــنفسي stop وايد زودتيــها
من اليوم ورايــح ، لازم امســك نفسي شوي وابدا اسوي ريــاضه
واللي مشجعني أكثــر إنه أبوي بدا يســوي له * GYM* صغيرون فالبــيت
على الله عاد ماغيّر رايي
شموخ آنثى
30-01-08 ||, 02:53 PM
اليــوم : الاربعا

المزااج : تعبااانه . .

الموضوع :

قــمت اليوم متــأخره لــلمدرسه . . مــا كان ودي أرووح ( نــاس تنش من غبشه و ناس بساابع نوومه )

يــقــولون بااجر عليه تست و أنا مالي خلق للدراسه . . مدري لــيــش كل ما أقاابل الكتااب أحس أنــي أبــي أناام و لــما أقعد يطييير الرقاد . .

كان عنديه امتحان فزيكس وكمستري وزفت فالأثنين
عفاريتووو
31-01-08 ||, 03:02 PM
المزاج : مب اوكي


مادري شو سالفتها هالجامعة ويا التسجيل
مادري هل هم يستانسون يوم يخبلون بطلابهم :wacko:
خلص اسبوع السحب و الاضافة و ما حطولنا مادة اختيارية نقدر ناخذها
بيخلووني اخذ صيفي غصب :fa43:
ملعوزينهم من اسبووع و مداومين عندهم بدل ما نداوم في كليتنا
بس ما نفع وياهم :fa43:
بس الصراحة استانست يوم يا واحد من الطلاب اليوم و عصب عليهم عدل
طلع حرتي زين يسوي فيهم
و اخر شي قالولي اروح ارمس المسؤوول دورت الجامعة كلها و لا لقيت حد بهل اسم

ما يخصني مابا اخذ صيفي :fa43: ماباااااااااااااااااا
المزوحي
31-01-08 ||, 03:44 PM
اليوم : الخميس

كنت اتوقع يومي بيكون حلو خاصه إنه ويك اند

سرت الدوام، اشوف قام يعق خيط وخيط، مرات ناس ماتحاسب على الرمسه

أونه مزحه ... الواحد بيتقبل لكن مب بالطريقة هااي :3:

مثل ما انته ماتحب حد يغثك، فلا تسوي هالشي مع الغير ...

الله اكبر يأذن العصر ...

إن شاء الله ماكون ظالم حد في حياتي .. وإن شاء الله يكون باجي يومي حلو وخفيف .. :vampire:
العجيبة
01-02-08 ||, 01:12 AM
اليوم : الجمعة

المووود : مادة البوووز


الموضوع : خلصت اجازتي وانا بعدني ما مليت :/
ملاك الروووح
01-02-08 ||, 01:19 AM
::


اليوم .. اليمعه

الساعه : 1:08 الفير ..


المود : متضايجه شوي :k_no:ومستانسه:fa56: !

:

في أشيا مضايجتني اليوم ..

وأشيا مونستني .!


أخوي فديته استلم جيكه مال صندوق الزواج ..

و وايد مستانسه له .. :fa56:

بس ف نفس الوقت .. سافروا وخلوني .. :fa43:

بيردون من السفر عقب 10 أيام

وأنا من الحين متولهة عليهم !!

حتى اخلاقي مستويه صج خايسه في الدوام !!

واحد قالي ملاك ييبي لي شي .. جان أقوله جيه أشتغل عندك أنا !! :fa52:

والثاني كان يرمس عن المواتر .. جان أقوله انته روح اغسل موترك وارحم شبابك لاعن خير الموتر

حتى لونه مو مبين .. وعقب اتفلسف علينا !! :k_puppyeyes:

والتيم ليدر كنت متاخره شوي .. ومخبرتنها ..

وتمت تتفلسف علي .. جان أقولها انتي بلاج هاه ..

شو تبين مني الحين ؟ تبين تحطيني ابسنت نفاد حطيني ’.. آي دونت كير !! :k_puppyeyes:

صج صج صج كنت وغده ورود وكريهة اليوم ..

وعلى آخر الدوام رديت حق صوابي :biggrin: ورحت استسمح منهم ..

فديتهم والله محد منهم شل ف خاطره ويالسين يضحكون علي ..

اونه مب لايق عليج .. تكونين كريهة :biggrin:

::

ورحت الفستفال اليوم

شو زحممممممممه !!


كنت بحط كفر حق تيلفوني .. جيه وايد فنكي وعليه كرستالات كيوووت

بس من نحاستي ما حصلنا الا كفر واحد ..

وقالت باجر بييبون واحد ثاني ..

وأعتقد انه يدي بيوديني باجر :3: عندهم

محد بيسوي لي سالفه .. شو هاه

داش خاطري والله !!

::

أحس مادري ..

أبي أعلق على كمن رد ..

أبي أشاركم أفراحكم وهمومكم:biggrin: .. بس مافيني يلعنون خيري :9:

الحين بيحذفون ردي هذا بعد !!


أفتقد الموضوع الأولي وايد !! :fa41:
ملاك الروووح
01-02-08 ||, 02:57 PM
اليوم اليمعه ..

الساعه : 2:51

المود : مشتاقه لهم :fa41:



أف اليوم ثاني يوم ..!

وباجي 8 أياااااااااااااااااااااام !!

متى بيمرون !!!!!

:k_no:
جنون امرأة
01-02-08 ||, 06:11 PM
اشتقت لــ الواحاااااااااات !!
المزوحي
01-02-08 ||, 06:19 PM
اليوم : الجمعة

الساعه 6:20

الوقت : المغرب

اليوم كان حلو .. قمت الصبح ومر بسرعه الوقت وعقب الصلاة كنت معزوم :a042:

لكن الجو مغبر ( عاصفه رمليه ) رديت البيت ...

شويه وأذن المغرب ...

أبغي اظهر ... أحس ببروده نوعا ما :b050:
مــهــابه
01-02-08 ||, 06:39 PM
اليوم :

اليمعه ~ ~

المزاج :

~ ~ عــادي


الموضوع : ~ ~


~ اليـوم آخــر يــوم للإجازه ، أحاول استمتع فيها بقدر الإمـكان ، أسوي كل اللي فخاطريه واللي مب فـ خـاطريـه . . .

ولله الحمد اول مره ما احس اني متضايجة لأني بروح العين ، بالعكس احس اني أبى اروح ليش مادري لوول بس مابي أدرس :P

اليوم أول ماقمت من الرقاد مسكت ورقة وقلم وجان احسب جم ساعه وبخلص من الجامعه ، أول مره أسويها فـ حياتي


الجو بـااارد وايد ، بس حلو ، لو يتم لـ باجر جيه ونـاسه . . .
ملاك الروووح
01-02-08 ||, 07:02 PM
اليوم .. اليمعه ..

الساعه : 10 : 20 بتوقيت كمبيوترنا المخرف :biggrin:


تولهت على لمتنا الحلوه هاي !!


أحلى جاي كرك وجباتي ف هالجوووووووووو :fa56:


::

فديته أبوي .. فيه رمد شكله ! :k_no:

وايد حاسه بالذنب .. أحس اني اللي عادتننه !!! :k_puppyeyes:
تحفه
02-02-08 ||, 02:24 AM
^اويه سلامات وان شاء الله ابوج بعد مايشوف شر ,,

هيه اليوم الجو ارف ولون الجو برتقالي .. والهوا بارد

تعالو صدق ايران ياها زلزال؟
تحفه
02-02-08 ||, 02:25 AM
^انتبوا على لون الجو برتقالي XD
شمعة أمل
02-02-08 ||, 01:59 PM
اليوم: السبت
المزاج: ابا أرقد!
الموضوع

اظني حد داعي علي:fa46: من رديت من المطار سيده جيكت الكلاسات وحطيت كلاساتي في جدول وجي ولا جي دوامي خايس.. بس أداوم يومين في الأسبوع:hysterical: بس القهر انه عندي كلاسات من الصبح لين وقت الغدا بعدين من المغرب لين الساعه 10 الفليل:glare:

والقهـر انه يوم من هاليومين يوم الخميس:a058: كلهم بيطلعون يتعشون ويسيرون السينما وانا بكون في الجامعه أدرس:k_nono: أصلن مادري كيف مخي بيشتغل الفليل:mf_leia:


اففف قهـر:glare:


انيويز
بسير اسويلي كوفي ولا شي لازم مارقد ولا رقادي مابيتعدل.. باجر وراي نشه من الساعه 8 الصبح:redface2:
العجيبة
02-02-08 ||, 09:54 PM
اليوم : السبت

المود : ( :/ )


الموضوع :

اليوووووم من غبشة رحنــا نخطط الجامعة سايــر ياي ....
وياريـــت طلعنا بنتيجـــة ....

باقـي باجـر أو نهاية هالاسبوع الأرف .. أمر على مستشفى الجامعة عشان أصفي النيـة خخخ

واحتمــال احتمــال أعلــن انـي اتخـبـلت رسـميــاً


الله المستعـان

ويارب يعدي هالاسبوع على خيــر ...
رمــش الغـــلا
02-02-08 ||, 10:30 PM
اليوم :
السبت



المود:
Boring
الله يرحم الموتى:k_no:


أحس وايد ناس يتوفون هالفترة
الله يرحمـ الجميع:k_no:


أمي وأبويه من عزا لي عزا ثاني




امممم مستوية امهم فالبيت لول:fa35:


انا اشوف البشاكير شو سووا عشا


وأقولهم متى يحطون العشا


اوني عاد اعشيهم من وقت:fa46:


واذاكر لاختي الصغيرة


ذبحتني عشرين مرة أراجعلها الامتحان:k_puppyeyes:


>>> btw
اشتقت لربيعاتي فالكوووولج واااااايد
وا ل غ ل ا
وحدة منهم :12:


بس قبل أبا اسير أخلص الشوبينق من الاشيا اللي باقتلي


ل semester 2
:icecream:
ملاك الروووح
02-02-08 ||, 11:45 PM
::

تحفتي الله يسلمج حبيبتي ..

الحمدلله بس طلع فيه التهاب :fa56:


لوووووووووووول

عيل مب برتقالي !

صدقج والله .. فظيع الجو !

:k_puppyeyes:

:

اليوم : السبت ..

المود .. لا باس ..


داومت اليوم .. و واحد من زملاء العمل الكرام قهرني ..

حرج علي !! :k_no:

مع اني مب غلطانه ..

يبت اوراق هو كان طالبنها عشان يخلصون شغل الكستمر ..

و ربيعتي قالت لي ملاكوه ييبيهم عندي الكستمر عندي الحين ..

سو عطيتها .. لانه كان ضغط علينا اليوم ..

عقب شوي .. قالي ملاك وين الأوراق !!

قلت له عطيتها حق فلانه !

جان يحرج أونه لو سمحتي مره ثانيه يوم بقولج ييبي الاوراق ييبيهم حقي

مب تودينهم حق أي حد ثاني @@ :k_no: آي واز لايك وااااات !

أول مره جيه يعلي صوته يعني

والمشكله جدام الخلق .. كستمر مواطنين :9:

فضيحه :biggrin:

قهرررررررررررررني

بس أنا براويه من اليوم ورايح مول ما بسوي له سالفه ولا بسلم عليه حتى :3:

:

7 Dayz Left !!

:fa41:
المزوحي
03-02-08 ||, 10:31 PM
اليوم : الأحد

المزاج : مصنف

الصراحة من أمس وأنا مب طايق عمري، من الموقف اللي استوى بالخميس http://www.dxbmoon.net/vb/images/smilies/rocket[1].gif

وتميت متكدر في الويك اند، مع إنه مافي شي يسوى http://www.dxbmoon.net/vb/images/smilies/no[1].gif بس ماعرفت كيف أوصل المعلومه

اللي مب عايبتني ... ولأني اليوم موووووووول مب حلو شكلي وينعرف إنه في شي http://www.dxbmoon.net/vb/images/smilies/a034[1].gif

حاول الطرف الثاني يعرف شو بلايه، لنهاية اليوم ،، شرحت السبب .. والحمدلله إني وضحت الأمر

http://www.dxbmoon.net/vb/images/smilies/wink_smiley[1].gif بس صدق زين سويت

.. والحينه احس بسعاده لاني من بينكم في الواحات http://www.dxbmoon.net/vb/images/smilies/woot_jump[1].gif
الخنساء
04-02-08 ||, 10:09 AM
صباح الخير


اليوم: الأثنين
المزاج: واااااااايد متردده



هاليومين لازم اوقع العقد في شغلي اليديد ..وبعدني متردده وايد مع إنه مكان زين .. وعطوني أكثر عن راتبي الحالي.. ومكان في مجال للتطوير .. لكن المشكلة ... دوامي الحالي بدوا في الإغراءات ... تمي وبنرقيج .. !!! وينكم من زمان الترقيه اللي كنت اترياها من سنتين الحين يكل سهوله خلال اسبوع واحد بنعطيج إياها ... !! صدق قهر يعني ليش تخلون الواحد يساومكم من البدايه ..:icon_rr:

محتاره أنا .. اسير مكان يديد واتعلم واتطور ...وإلا اتم في مكاني .. واحصل فلوس أكثر :ohboy:
مايهزك ريح
04-02-08 ||, 10:21 AM
اليوم الأثنين ..
المزاج :اوكيه
الساعه : 2 و 22 دقيقه الظهر ..

يالس ارتب الشنطه وارتب الصور عشان انزل آخر رحله ^_^

ما بقى شي كمن يوم ... ورادين لدبي .. اففف ما ابا ارد الدوام >_<
ملاك الروووح
04-02-08 ||, 01:38 PM
::

اليوم الاثنين ..

الساعه 1:35 ..

المود .. نعسانه :biggrin:



مع اني رقدت أكثر من 12 ساعه .. بس بعد أحس ما شبعت رقاد !!

هلكوني في الدوام ..

يوم الخميس دوامي كان المسا .. ومداومه بالسبت والبارحه كنت ايفننغ بعد !

قلت حق التيم ليدر لو سمحتي انا باجر باخذ أف .. ما أقدر أستحمل خلاص .

والله حلوووووووو الشعور بصراحه ..

تولهت على أيام السهر والرقاد :fa43:

::

الخنسا ..

معروفه الشغله ترى دوم ..

يوم تقولين انج بتظهرين .. يبدا مسلسل الاغراءات ..

يعطونج عقب الامتيازات والترقيات اللي كنتي تتريينها من زمان !

أحسن شي انج تستخيرين .. وشوفي شو أنسب مكان لج ..


عن نفسي اذا في مجال أشتغل في مكان أقدر اني اطور فيه من نفسي ..

ويكون في مجال اني استفيد منه .. بروح بدون ما أفكر ..

وأكيد انهم بيقدرونج هناك .. وبيكون شي ان شاءالله ترقيات .. :fa56:

واذا ما كان شي على طول قولي لهم انج بتطلعين وبيرقونج .. :biggrin:


الله يوفقج حبيبتي .. :inlove:
ا ل غ ل ا
04-02-08 ||, 11:26 PM
من متى كل ما أكتب شي ما ينحط

تحطمت >_<
شمعة أمل
04-02-08 ||, 11:45 PM
اليوم الاثنين
المود بخيييييير
الموضووووع..

بشكارتنا وايد تضحكني:fa46: مادري من وين تييب ال vocab مالها..
يوم عطيتها الهدايا الى يبتلها من السفر جان تقولي "مشكووووريين يالحلووو يالغاالي يا حبيبتي" :hysterical:
واليوم الصبح كنت راده من الجم جان اقولهاا هلااااااا وردت عليه هلا هلا واللللللللللله هلااا . :hysterical:


انيويززز

اليوم اول يوم ارد للجم من بعد اجازه طويله:fa46: وعاد من دشيت سيده قلتلها تراني متنت واااااااااااايد:k_no: وماخليتها توزني بعد:hysterical:
ف يوم كنت امشي على الترد مل جان تقولي مثلا كم متنتي؟ عشر كيلوو؟ لا ماظني يمكن 15 كيلو؟؟..
وانا في خاطري اكسسس كيوووز ميييي:k_puppyeyes: حسيت اني بطيح من هالمكينه مال مشي:hysterical: جان اجوف نفسي في المنظره واقوللها جوفييييي هذا مب ويهه عشر كيلو اكسترا لو سمحتي يعني:k_puppyeyes: هذا ويه ثلاث كيلوو ونص:mf_leia:
تخيلو شو قالتلي! اونه ريحتيينييي 3 كيلو شويه:glare:
هاي من صدقهااااااا:k_puppyeyes: انا بتخبل.. ابا اخسر هالثلاث كيلوو + 5 اكسترااا :11:
& ماعرف كيف ربيعاتي مايسون رياضه.. احسن شي يوم الجسم يكون toned :fa35:



& سؤال
حد يعرف مكان يسون فيه يوغا ويكون للحريم؟ بس مب نادي دبي للسيدات:mf_leia:
ومايكون بعيد.. يكون في هالمستطييل من الضيافه لين نولدج فلج






&
اكرهه شي اسمه كلاسات مسائيـه!! >_< ماعرف كيف بتحمل سمستر كامل!!!
ذنـيـنـي
04-02-08 ||, 11:58 PM
اليوم الاثنين

المزاج "احساس بالانزعاج"

=========

خلال اليومين الي طافن صارتلي اشياء ضايقتني جدا
ظلمت ناس ظلم كبير و اتمنى انه الله يغفرلي و انه هالناس يسامحوني على الي سويته

و امس صادف يوم ذكرى المفروض انها تكون مناسبة سعيده و مفرحه جدا
لكنه للأسف صار يوم للذكريات فقط

امس كان يوم فعلا يوم مؤلم بالنسبة لي
و يوم "يعور القلب"
وحي القلم
05-02-08 ||, 12:08 AM
اليوم : الاثنين ولا يمكن يكون بدا يوم الثلاثا

المزاج : اممم ماعرف :smile2:

انصدمت بشي كنت متوقعتنه يظهر أحسن عن جيه

ان شا الله أقدر أغيره .. ما عندي غير الاسبوع الياي

لازم أتصرف بسرعه عن أبتلش بعدين :glare:
بنت الدلع
05-02-08 ||, 12:36 AM
اليوم: استوى الثلاثا
المود: .........

هالاسبوع كانت حالتي النفسيه تعباانه ومضاايجه
ووايد اتذكر اشياااا
بس اليوم الصبح الحمدالله يوم نشيت
حسيت بهم كبيييير انزاااح من قلبي
الحلم الي حلمته وايد ريحني
وعالمساء ظهرنا جيه ظهره بناتيه عائليه
واااايد استااانست الصراااحه وصدق غيرت جو
والحين حاسه بحالة من الاستقرار والطمأنينه

الله يدوم هالشي =)
ا ل غ ل ا
05-02-08 ||, 02:46 PM
دييييييييير دايرييييييييييي





اليوم : الأثنين 04-02-2008


المكان : القاهرة


الساعة : 8:34 مساءً


الحالة النفسية والمزاج : متكسسسسسسسرة






اليوم من نشيت من النوم على إزعاج الهرنات "الكلكسات" وأنا مقهورة منهم يالله على قولة واحد من أهلنا (الهرن والريس) الشيئين المهمين بس فالسيارة في مصر ..






نزلنا السنتر عقب ركبا تكسي من تكاسي الأفلام الأبيض وأسود وأنا كل شوي أطالع أمي وأبتسم (على فكرة أول مرة أيي مصر) أقولها أحس أني في فلم مصري .. المهم وصلنا جدا النيل دشينا فندق شيراتون القاهرة نبا ناكل كشري والله الكشري زين ،، بس السيرفس خايس !!! أقول حق أبويه ونحن نتغدا ،، ولا تحطلهم قرش زيادة على الفاتورة :glare:






المهم عقب تمشينا على النيل والوصخ والإزعاااااااااااج اللهم ياكافي :k_no: بس يعني


I was living the moment مثل ما نقول ،، يعني أبا أجرب كل شي ،، كنا بنركب الكوبري (المركب) بس كان وايد برد ف ركبنا الحنطور أو الركشة :fa35: أستانست وايد ههههه


المهم عقب لاعت جبدنا ونحن ندور تكسي يردنا ،، وحصلنا تكسي وقفه لنا الشرطي طبعا طبعا عشان يحصل شي من ورانا :fa46: الأمور ما تمشي إلا جيه أعوذ بالله .. عقب ركبنا التكسي وكسرنا تكسير :k_nono: والله الشوارع أررررررررف


وزحمة يا دنيا زحمة






ولفينا على واحد وقال حق سواق التكسي مالنا (يا حمار) :fa46:


والشوارع مافيها سيدات كله مخلوط مع كله مادري كيف الناس ماشية ،، وماشي إشارات والأوادم يتعافدون في الشارع عشان يعبرون للجهة الثانية .. المهم وصلنا وأنا راسي كبر اليحة






قلت بدش الكافية اللي تحت باخذلي كوفي ،، وزحمة !! بسبب أنه اليوم مصر بتلعب في كأس الأمم الأفريقية ،،


قلتله : لو سمحت يا معلم ،، واحد كافيه لاتيه :14:


قالي : إيه !! :k_puppyeyes:ما عندناش


قلتله : طب فيه نسكافيه ؟


قال : آه فيه امال !! :a033:


قلتله : طب أعملي نسكافيه بالحليب


المهم عقب ما سوالي


قالي : أربعة جنيه فقط لا غير


جان أبطل عيوني :k_puppyeyes: الله يرحم كوب الكوفي اللي ب20 فالبلاد خخخ المهم


عطيته يوم ييت بروح


قالي : مش حتحطي سكر !! وإلا حتحطي صباعك فيه ؟


خخخخخخخخخخخخ


قلتله لا ده ولا ده متشكر مع السلامة :glare:






وييت طيران على الواحات ^_^
المزوحي
05-02-08 ||, 03:44 PM
اليوم : الثلاثا

الوقت : 3 الظهر

تلمزاج : عادي

صدق ........... شو هالسواقه اللي يسوقونها تخبلو العالم والناس :6: :3:

اصبحنا واصبح الملك لله وسرنا الدوام .. روتين .. الحمدلله على الصحه .. بس

في شغلات تقهرررر وااايد وماعرف كيف اتعامل مع الآدمي اللي يستهبل :h_negab:

وبعدين وياهم ... هاليومين داخل في بالي آخذ لي موتر :4:

زين لو ادخل جمعيات عسب اختصر :vampire:

عقب صلاة العصر بتلقوني في الفستفال .. واللي بيي هناك :m_mar7ba:

وعندي مشوار ثاني .. بشوف إذا بيتنكسل ...

ووووو


واتمنى النص الثاني من اليوم يكون خفيف ومريح وغييييره .... :fa56:

حقيقي good luck :woot:
ذنـيـنـي
05-02-08 ||, 03:46 PM
خخخخخ
صدق انه فلم مصري

و اسميهم هالمصاروة ما ايوزون عن حركاتهم
احيد يوم كنا في مصر كانوا يزقرون الوالده يا أميره لول
و يزقرون اخويه يا برينس
=================


اليوم واحد من الهنود الي في الدوام احرررجنيييي و قهرني
كنت توني ياي بطلع من الدوام و بو الشباب دق علي الدريشه
قالي ناصر وين دربك، قلتله صوب شارع الامارات، قلتله انته وين دربك قالي القصيص
قلتله يعني مب على دربي و توني ياي برد ريوس و بروح عنه

قام و اشرلي بايده و هو يرمس بالتيلفون

ها "مامو" يبمنليب مينىبرسيمبة يمبنةسكيمبن
طبعا انا ما فهمت غير كلمه مامو لنه هذا ربيعه الي يرد وياه كل يوم
و قام الاخ و بطل باب السيارة و ركب و قالي انه مامو مريض

يعني قوم يا ناصر و غير دربك و وصلني غصبا عنك!!

اسميني ما اداني هالحركه
يعني مثلا لو كنت ساير اييب اهلي و ركب وياي بهالطريقة
بيكون موقفي بايخ جدا لو قلتله ما اقدر اوصلك و نزلته من السيارة

وايد انزعجت منه >.<
الخنساء
05-02-08 ||, 03:47 PM
اليوم الثلاثاء (مره ثانيه) :14:

المزاج: عال العال :a033:



وقعت العقد .... ووبباشر شغلي اليديد اول الشهر الياي إن شاء الله مع إنه شغلي الحالي ما وقعوا الإستقاله ومب موافقين عليها :icon_rr: مب على كيفهم ... خلاص احس ما اقدر اعطي في مكاني الحالي ابداًًًًًًًًًًًًًًًًًًااا ااااااااااااااااااااااااا اااااااااااااااااً ومع إنه الراتب مغري ... والسوق والماركات تغري :fa45:بس حكمت عقلي لأول مره ... ورفضت الترقيه أو حتى الإنتقال لإدارة ثانيه ... :fa32:



ملاك حبيبتي كلااااامج صح 100 % ..... وشكلي بعد ما اتثبت بقدم استقالتي .؟.. عسب يرقوني :k_puppyeyes: اخاف يقولون مع السلامه :a032: وأرد في اقوالي ...



شمعة أمل ..الغاليه في مكان لليوجا ... في مركز كاريزما للسيدات ... انا كنت مشتركه قبل فتره بس مب متأكده إذا بعدهم يعطون كلاسات ..اتصلي اسأليهم ... ومكانهم مناسب ..وراء لامسي بلازا تقريباُ



دعواتكم لي بالتوفيق في شغلي اليديد:heart:
المزوحي
05-02-08 ||, 03:51 PM
ذنيني حركه بايخه إلا .. بس على فكره ابيخ لو استوت الحركه مع مواطن .. انا كذا مره صار إنه يوم يخلص الدوام وبظهر

واحد منهم يقول لي اقولك ترى ماعندي موتر اليوم وصلني ... :a046:

ومايقول من قبل .. إلا وقت ما انا اطلع .. مره كان عندي مشوار عقب الدوام على طول

واستوت نفس الحركه وقال وصلني .. قلت له عندي شغل .. عاد مادري به لو يتحراني متعمد :k_icon9:
شمعة أمل
06-02-08 ||, 12:12 AM
اليوم: الثلاثا
المود: عادي
الموضوع:

وصلني اتصال وايد حلو اليوم:fa35:.. الحمدالله..
ماي فرندز في الجامعه وايد يضحكوني:hysterical:

+


حد يعرف مكان يسوي kick boxing حق البنات؟ :fa32:





الخنساء
كريسما شوي بعيـد علي اذا ورا لامسي.. والمشكله اني ما أدل هالأماكن:fa46:
كنت افكر اسير مكان على شارع الوصل بس اليوم اكتشفت انه البلديه شلت الباركينغ مالهم.. ف لازم ادور مكان ثاني
سمعتي عن الى في الميديا ستي؟؟
مايهزك ريح
06-02-08 ||, 08:53 AM
اليوم الأربعاء ..
الساعة : الواحده تماما ..
المزاج : يعني مب لين هناك ..
الموضوع :
اليوم ان شاء الله بنرجع دبي .. طيارتنا بتوصل الخميس الفجر ..
بعدني مب مصدق ..
ايه احبك
06-02-08 ||, 09:00 AM
شمعة امل بتحصلين في الهنا جريب اي بليف مال بو عشر دقايق
مــهــابه
06-02-08 ||, 12:15 PM
اليوم :

الأربـعا ~


المزاج :

~ عـادي


الموضوع :

~ وجـان يخطف الأسبوع الأول من الدراسه بسرعه:11: ، الحمدلله ، ماحسيت به وايد . . .

الجـو واااااايد فضيع ، حتى الشمس وجودها والعدم واحد ، ما احس بها اتدفي:fa46: . .


مشـتاقـه لـ كتاكيتي واااااايد:fa41:



همسه :

حـلفـت وقـلت لك : غـيركـ / محـد فـالحب يســتاهـل . ..
شمعة أمل
06-02-08 ||, 09:39 PM
اليوم الاربعاء
المود تعيس
الموضوع: بلاهم الناس هالايام؟؟

الشي الى معظم الوقت يكرههني في شي اسمه الشتاء هو مود ومزاج البشـر.. ادري انهم متضايجين وحالتهم حاله بس ماله داعي يضايجوني وياهم ومايحاسبون على كلامهم :glare:

في شي استوى يوم الأحد لين الحين تام في خاطري
عندي كلاس لازم نكون في قروب تقريبا للسمستر كله.. ف انا ووحده خليجيه ووحده ماعرف شو اصلها في قروب.. صح انه ربيعتي الخليجيه الانجليزي عندها شوي تعبان بس انا ماي انقلششش تووب! وهالأبله بطريقه غير مباشره تمت تقول للكلاس كله انه العرب يوم يرمسون الانجلش عندهم اوكيه بس يوم يكتبون لا.. لكني انا مب وحده منهم! لدرجه اني وقفتها وقلتلها اكس كيووز ميي ماي انجلشش از فاااااين.. تدرون ليش انصدمت منها؟؟ لانها درستني العام ويبت علامه وايد عاليه في كلاسها *اذا مب أعلى علامه*.. وهالماده كانت عباره عن essays & reports .. خاطري افهم كيف الانجلش مالي تعبان؟؟ مع انه كلحد يمدحه!!!!!!!!!!!!!!!!!!!!!!!!! الظاهر انه الممري عندها تعبان..
والحين لازم اجابلها باجر




ان شاء الله مودي يتعدل باجر.. عالصبح عندي كلاس ويا تقريبا معظم ربيعاتي في الجامعه:fa34: عقب الكلاس بحوّط بنتين في سيارتي بعدين بسير اتريق ويا اختي وربيعتها بعدين بطلع ويا ماي فرنندد بعدين برد الجامعه لين الفليل بعدين عندي عزيمه ف اذا يطلعوني من وقت بسير العزيمه وبشوف ماي فرندز من المدرسه:heart:






ايه احبك.. ثانك يوو :fa35:*
مجموعة إنسان
06-02-08 ||, 09:54 PM
كنت في حديقة الخور ,,
كان عدنا تطوع ,, او تمهيد لباجر ,,


قاعد من الصبح اليوم ,,ركبت تواير لموتر اخوي ,, وسرت أأمن السيارة ,,
رجعت البيت تغديت وسرت دبي ,,
عقب ما خلصنا من التطوع سرت القهوة وشفت الشوط الأول من المباراة ,,
من خلص الشوط طلعت وللا اتفاجأ بمخالفة على السيارة ,,
هع هع هع
خل اخوي يتوهق ههه


الحين انا في البيت ,, اتريا العشا ,, بتعشا وبرقد ,, وباجر من الصبح بروح دبي ,,
بعد في حديقة الخووور


احلى شي اليوم ان البرد خلانا نرتجف انا والأسطوري واللي موجودين كلهم هههههههههه
مزن هتان
07-02-08 ||, 09:30 AM
اليوم: الخميس
المزاج: ضغطي مرتفع مليووووون

الموضوع

نهاية أسبوع و أنا فيّه غصصصصه
بس بعد أقول أحسسن اللي صار
أحب أعاند نفسي
أحس اني بموت من زود الغصه

شئ ثانيه مشتاقه لـ خوالي يوسف & خالد
واااااايد يردون بالسلامه بإذن الله، 7 شهور مو شويه
خطايــا
07-02-08 ||, 07:49 PM
الخميس ... 7/2/2008

خلصت اجازتي .. ويوم الاحد بنداوم ..!! ابداً مالي مزاج ... من كم يوم ضايجه .. مفتقده ناس في حياتي ..!!

همسه: تسري بــــوريدي عبرتٍ مالها صوت
المزوحي
07-02-08 ||, 07:55 PM
اليوم : الخميس

الوقت : الساعه 8 المساء

المزاج : عادي

سرت الدوام اليوم وحاولت اضبط اعصابي من عقب اللي صار البارحه، الحمدلله إني انشغلت .. عندي وايد شغل

وخلصت ، طلعت من وقت اليوم، ومريت الفستفال وتغديت وتسوقت ...

ورديت البيت ..

وعقب صلاة العصر سرت مشوار ، أحاول اتأقلم مع المواقف اللي تستوي ...

والحينه عندي شي بسويه ...
مجموعة إنسان
08-02-08 ||, 01:26 PM
امس
7 \2

كنا في حديقة الخور ,, بطولة البوتشي للمعاقين ,,
من الساعه 10 انا هناااك ليييييييين الساعه 6

خلصنا ورجعت البيت ,,
من دخلت البيت ميرا شافتني وقالت شوفيييه ويهك ؟
قلت لها ليش؟
قالت لونك red
اسير اشوف ويهي واللا ويهيي احمممر


اترييت العشا وتعشيت ورقدت من الساعه 11 ليييين الساعه 11


وليييييين الحييييييييين ويهي احمر
ومزجم صداااااع
مــهــابه
08-02-08 ||, 03:24 PM
^
سـلامات مجموعه انسـان ، أشرب لك جاي زنجبيل وايد أوكي :)



اليــوم :


اليـمعه ~ ~


المزاج :

~ ~ حــلو



الموضوع :

~ ~ اليوم كان وايد وايد وايد حـلو:inlove:


وعـيت من غبشه ، ومحد كان واعي فالبيت غـيري أنـا وأمايه وأبويـه

يلسنا فالحديقـه نتريق وجان اسوي انا وأبويه جاي حَمر وكـرك ع اليمر :fa42: ، كان نـايس
وجان أخلص الدله بكبرها :fa56:

وعقب يلسنا نسولف ، وجان اتذكركم :fa46:

أبويه كان يقرأ الإمارات اليوم ، وانا أقرأ جريدة البيان ، وجان يقول لي هالجريدة وايد تعطي الأمور أكبر من حجمها ، اهنيه تـذكرتكم :4:

أسـتانسـت وايد :fa41:

وعقب الكتـاكيـت شرفـوا ، وتغدينا ربـاعه ( بالأحرى هم تغدوا ، لأنهم كانوا مسوين سمج وانا مـا أحبه ) كنـت متفـرجة فـقط لا غـير:fa55:


أحـب يوم اليمـعه ، لأن فيها لـمة الأهـل :fa41:
مجموعة إنسان
08-02-08 ||, 05:17 PM
مهابه الله يسلمج من كل شر

هو في شي ما شربته اليوووم ,.,




تصدقين نحن بعد اليوم متريقين برع ومتغدين برع لااااا
ومتغدين سمج بعد
عفاريتووو
08-02-08 ||, 06:47 PM
اليوم : الجمعة


اليوم يو يصورون دعاية فبيتنا
كان فخاطري اجوف
بس بابا ما خلاااني :fa43:

و اتمنى ان باقي اليوم يكون احسن
و يغير لي مزاجي :k_no:
الشيـــن
19-02-08 ||, 04:53 PM
اليوم \ الحين لول
المزاج \ زين
الموضوع . .


سبحان الله صدق يوم يقولون المصايب اتي ورا بعض !

توفى ابويه واثنين من اهلي وبين موتة كل واحد والثاني شهر بالظبط !
الله يرحمهم يميع !

\
/
\

همسـات :

{1}
الفشل كان النتيجه
واعتقد آااان الأوان
أبني مستقبل حياتي
وانسى قصتنا الحزينه !
وخطوتي الأولى غيابك
وراح اطبقها عشان
يبكي قلبك لا فقدني
والندم يملي سنينه


{2}
ليش يا انته \ كذبت !!
لو صدقت . . آااه يا ليتك صدقت . . .
كنت [ وافي ] ما اظن يهون عندي لك طلب
لو طلبت [ الوداااع ] كااان اهون
كنت [ طيب ] قبل أعرفك .. والله طيب يا الحبيب !

{3}
امضـي فـي حياتكـ . . .
فـ صعب أن نكمل قصتنـا هكذا !
فلنحـاافظ على ما تبقى فينـا \ فينـا
ولكن
حين تكمل [ وعدك ] . . .
تعرفه \ مكاني
سأكون بانتظااارك
صدقني
سأكووون هناااك
بنت الدلع
19-02-08 ||, 04:56 PM
اليوم: الثلاثاء
المود: كوول على تعب :surrender:

الموضوع:

اليوم خلصت الساعه 12 وناااسه كلاس الماث تكنسل لان السير غايب
فسرنا كوستا الي جدام جامعتنا ويا البنات
وعقب رديت بنتين على دربي "اصلا مب على دربي :bash: بس ماحب حد يطلب مني شي واقول لاا" المشكله لو ربيعاتي عاااادي وناااسه بس وحده my classmateو الثانيه ربيعتها وماااا اواااااطنهاااا ابدااااااا
والله قهرتني
كنت اكلم ربيعتي اقولها هاا تبين تسيرين مكان
قالت I don't mind
تمينا نفكر شوي
وقلنا خلاص بنسير كوستا
شوي الا اسمع ماي كلاس ميت الي هيه ربيعت ربيعي
قالت بتوصليني انا بعد البيت :k_icon9: (( شو ارد عليهاا يعني :bash: ))
قلت لها هاا .. ! هي اوكي :look:

شوي الا اشوفها اتقول فلانه بتي ويانا !!!!!!!!!
انتي منو عزمج
وفلااانه ربيعتج منو عزمهااا !!!!!
قلت لها وعقب اردها الجامعه
قالت لا بتي بيتنا

نعم !!!
يعني بتكون وياي في الدرب
مادااااااااااااااني هالبنت
واقفتلي هنه

اني وي
ما كملنا شوي الا اشوف ماي كلاس ميت تتصل في ربيعتها تقولها وينج
وهاذيج تتريانا برع !!

المهم سرنا واستانسنا مادري يمكن
وكل شوي ربيعتي تغايضني وتقولي "ur friend" بتكون وياج
واناااا :pullhair:
she's not my friend
اونه ماعليه احاول اخلي الموضوع يكون كول بالنسبه لج لازم تتعودين
daaa اتعود على شووو
ماحبهاااااا

اتخيلو انا عند بيتنا الساعه 1 وربع
ولازم امر على بيتنا اول لان على دربي وعقب انزلهن
لين ماوصلت هالنتين ورديت
الساعه كم انا واصله البيت !!
الساعه 2
صددددعت في السيااااره
وحسيت بضربة شمس

اني ويييييييييييييييز

الحين ..

وااااااايد عندي اسااااايمنتس حق باااجر
بمووت من ضغط الشغل
عندي اول شي كتابة براقراف للميديا في حدود 50 كلمه لول لعب يهال
وعندي قراية اوديبس من بارت 2 لين بارت 6 :wacko: بصيح
ولازم اقرا 7 صفحات عن وحده مادري شو سالفتها راهبه وتعيش في ديلفي
وشي اسئله عن مادري شو لازم احلهم
واسلّم ورقتين لسير الانجليزي

وبعد صلاة المغرب بنسير القريه :inlove:
بس انا بعدني مارقدت وتعبااانه
وابا ارقد وابا اسوي واجباتي وابا اسير القريه
so
خذت بندول نايت من نص ساعه الحين بدا يأثر مفعوله فـ ان شاء الله ايني رقاااد على الاقل ارقد ساعه

وبس :inlove:

ادعووووولي
كلكم لازم تدعووون لي
لول غصب :fa51:
مــهــابه
20-02-08 ||, 01:10 PM
اليوم :

~ الأربــعـا

المزاج :

نـص / ونص


الموضوع :

وبإخـتصــاار

~ الله لايبلي مؤمن بـ [ عـوق الضرس ]:k_no: . .

الله يسامح لي كان السبب

البارحة بلييل مارمت أرقد من زود الألم ، رقدت السـاعه 3 . .

مـدري كيف عـَورني أصلاً

كـنت أطـالع شـاعر المليون ، والحال أوكي ، واستانست وااااايد بـ قصيدة بن نوه:11:

وعقب يوم حطيت راسيه برقد ، جان يجيسني الألم:fa43:

وغير المسج اللي وصلني وغثني :3:

واحس اني مول مارقدت ، لدرجة انه دوامي 10 وانا واعيه 9 ونص بالظبط . . .



~ بقـلمي :

/
/
كـيف أقـدر [ أقــنعه ؟! . . .
بأني راح أصبح لــ ~ غـــيره ؟ . . .
ملاك الروووح
20-02-08 ||, 06:28 PM
اليوم الأربع ..

المود .. مستانسه :biggrin:


التيم ليدر مالنا كان عندها ميتنغ اليوم ..

والحبيبه أونها اونها يعني كاشخه !


عباتها عررررررررررررس .. تو متش تو متش يعني ..

واونه الشنطه ماتشنغ مع العباه واللبس ..

بس فظيعه العباه .. مول ما تنفع حق الدوام !! :k_no:

والمشكله انها مستانسه على عمرها يعني .. واتي عندنا وتسوي حركات جيه بايدها

لووووووووووووول اتذكرت يوم اتسويها :hysterical:

اونه هاه شو رايكم ف كشختي ..!!

لا وتسير عند الشباب بعد ..

صج ما تستحي .. بس عيبني واحد قالها والله يبالج تسيرين مسرحيه ولا تشاركين ف سيرك!!!

قووووووووووووووويه

أنا مادري كيف يودت عمري وما ضحكت عليها ! :biggrin:

لأنها تستاهل بصراحه .. وايد قاهرتني هالكمن يوم !!

:

المهم

عالساعه 12 قالت لنا انها بتروح .

وطبعاً نحن نهيت ونصيع ع كيف كيفنا يوم ما تكون موجوده :biggrin:

منو يقول انه ملاكوه يالسه ف المكتب ..

أول شي رحت الصالون وسويت ماي نيلز .. :biggrin: جيه خذت لي مال ساعه

ومحد سأل عني ..

عقب رحت وقصيت شعري :biggrin: ..


وعقب رحت خذت لصق جروح من الصيدليه لأنه صبعي انقص .. :biggrin:

وعقب وين رحت بعد !!

هيه سرت خلصت شغلي في الدايره الاقتصاديه ..

وبعدين سرت الرست روم ضبطت عمري ورديت ..

سولف شوي ويا ربيعتي .. وشليت شنطتي ورديت البيت :biggrin:

ولا من شاف ولا من دري هع هع هع

والله وناسه .. جان زين لو كل يوم عندهم ميتنغ !! :m_9afgah:

:

ما أحب جيه ..

ربيع اخوي ويانا في الدوام ..

وأحس مادري .. غير .. مب شي !! :boxed:
شمعة أمل
20-02-08 ||, 07:08 PM
اليوم الاربعاء
المود مستانسه الحمدالله
الموضوع:-

أبويه من شوي راد من الشغل وياب هدية عيدميلادي:fa56: اخترتهاا اليووم بس قلتله ماباه الحينننن اباه يوم ميلادي ويا كرت.. ويمكن ورد وكيك بعدp= وايد مصدقه عمري..اصلن انا استاهل.. امي بتسافر ف مابتكون هني يوم ميلادي ف لازم يدلعوني زياده:fa56: اليوم حشرت امييي وقلتلها اني اتوقع سبرايز ولا شي يوم ميلادي:vertag:

ابويه وايد كيووت.. كسرت خاطره البارحه من كثر ماقوله ودني السينما ودني كوفيي وومايقدرر.. ف البارحه الفليل وداني باسكننننن:fa56: وكانوو يصوروون فلم هناك:fa56: بعدين يوم ردينا البيت خلاني ايلس وياه واشوف فلم ويوم بغيت اسير ارقد ماخلاني.. تم يقول لو شمعه تسير ترقد انا بسير ارقد ف ممنوع تسير ترقد لين نخلص هالفلم الممّل.. عذااب الفلم صدق ملل وروحه ابويه ملان بس ماخلاني ارقد:fa56: بس استانست لاني مايلست وياه من زماااان:fa41:



اووووو لازم اكتب هالشي عشان مانسااااااه
اليوم شفت شي كشخه
عيوووووز يمكن عمرها جي 80 لابسه برقع تسوق سياره بدون مخفي وترمس على الموبايل:fa56: شكله كشخه وخطيييييره:fa56:
المزوحي
20-02-08 ||, 07:29 PM
اليوم : الاربعاء

المود : أوكي

الدوام كالمعتاد، وابغي اكون كووول على طووول وابتسامه مني وابتسامه مناك ... وسوينا

هاك الكرك :woot: وبدنيا سوالف على السريع ( اللي استوى البارحه ) وعقب ماطلبنا الريوق

كل واحد سار المكتب وبدينا الشغل، ووصل الريووق وكلنا وتمينا نسوولف .. :a0360:


ظهرت وسرت برجمان .... ورديت بس كل شي تمام :fa42: ووووووووو

في شي كان ناقص اليوم، بس مابقولكم شو هو :fa56:

رديت البيت اليوم عيبني الغدا ... وسرت القرية ... وبسسسسسس
تحفه
20-02-08 ||, 10:42 PM
5:59 am الارم رقم 1 يرن واطبعا صكيته ورديت رقدت
6:10 الارم موبايلي رن وسويتله سنوز وسنوز وسنوز ( كنت ميته تعب )
6:20 الارم مبايلي الثاني رن وصكرته ورقدت لول
بعدين نشيت سبع وشي انصدمت من الوقت لان كلاسي ثمان فكرت في السالفه وحسيت عمري مب متفيجه افكر جان اضرب الوضع طاف ورديت رقدت XP
8:00 فتحت عيوني نفس الناس والاوادم جان اقول لازم اداوم علشان اتم لي غيابات حق اخر الكورس D:
تلبست وجيه
9:15 ربيعتي دقتلي تقولي ويني جان اقولها الحين ظاهره و طلعت عل درب اسمع بونوره 3>
40 :9وصلت الجامعه دقيت حق ربيعتي اقولها بدخل كلاس الساعه 10 بدال الكلاس الي طوفته مافيني علغياب وبشوفها 11
الكلاس عبط و وحده ماعرفها يلست حذالي وقعدنا نهذرب علشان مانحس بطول الكلاس الممل!! لول
استوت 11 وعلىىىى طووول سرت اشوف ربيعتي وتريقنا فالكوفي بين وبعدين ردينا نخلص شغلنا ونسولف 3>
بعدين يتنا ربيعتي الثانيه وردت روحت لان دوامها خلص ..
الموهيم
1 طلعنا على كلساتنا
2 خلصت كلاس الماركتنغ وي الاستاذ الي ما اروم ابلعه اففت
الموهيم
3 دشيت كلاس العربي تميت اسولف وي وحده مب شايفتنها من الف قرن لول.. الناس تعرض برزينتيشنها ونحن يالسين نشوف صور عرسها لوووووووول ..
كان الكلاس ساعتين وحسيت نفسي بنهااااااااار .. جان اطلع برع يلست احوط ورديت بعد ربع ساعه لول
اول مارديت خلص الكلاس
4:15 ماما ادق تقولي يله وينج قلتلها يالله يايه لول
5:40 وصلت البيت تغديت لول
وبعدين شفت تلفزيون ويلست وياهم وسولف وي ربيعتي وبس :>

كان يوم عادي <.<
بنت الدلع
20-02-08 ||, 11:40 PM
اليوم: الاربعاء
المود: sleepy :sleepy:

الموضوع:
اليوم الساعه 5 الصبح حاطه المنبه
ويرن ويرن وكل شوي سنوز
لين ما اخر شي تفيجت ونشيت الساعه ست
يلست اسوي اسايمنت الميديا "يوم سلمته وايد عيبه والبنات يرمسونه وهو مسوي طاف ويالس يطالع ورقتي جان استانس، ربيعاتي قالوا وايد كيوت الي سويته وارتحت نفسيا لان النشه من وقت يابت نتيجه"

بعد ماخلصت يلست اقرا عن pythia الي هي القدّيسه مال يونان سابقا "يعلمونا اشيااا غبيه:a116:"
المهم في الجامعه على اخر كلاس كان عندنا تور في اللايبراري لول
حسيت عمري فرشمن لول
وشفت تحفه بس هي ماشافتني :k_harhar1:

خلصنا وانا وربيعتي كنا نتمشى سايرين صوب البوابه
فتمت تقول سوالف عن البنت الي ماحبها وانا جيييييييييييه :boxed:
بعد ماخلصت قالت what do u think now !!! وانا صدق جييييه نووو كمنت :shocked:
استغفر الله في ناس جيه

رديت البيت وانا مسسسسطله
حتى ماتغديت رقدت على طول
يوم نشيت ماشفت ماما ولا بابا :sad: ماداني جيه
تميت عالنت لين ما وصلوا :inlove:
فديتهم البيت يكون حيوي وفيه حركه يوم يكونون موجودين
والحين يالسه اقرا عن Helios the god of sun هههه يضحكوني ويا معتقداتهم :birgits_giggle:
ومصدعه العجيبه وياي
اسوي رفرش للمعلومات عليها لول

ابا ارد ارقد
حلوو الرقاد يوم يكون عندكم وايد اشغال لول :fa51:
تحفه
20-02-08 ||, 11:48 PM
اويه كنت اتحراكم من مدارس يايين ايحوطونكم لول ووحليلها ربيعتي تحاول تقنعني انكم من جامعتنا تدرسون انفايرمنتل ساينس لووول

على فكره انا ماحفظ الويوه "أ بـ د ن" لان دوم اشوف ويوه يديده ومحد يثبت فمخي >.< فلاتزعلين اذا مشفتج وماعرفتج لول!
بنت الدلع
21-02-08 ||, 12:03 AM
ههههههه
كل مانمر على قروب يصدووووون صوبنا
جنه غرباااااء لووول
لا هذا تور عشان الميديا communication & media
اونه عشان نحس كومفورتابل ونعرف اماكن السكشنز وهالاشياء


لول عادي
لان السمستر الي طاف
كل اسبوع كنت امر عدالج وانتي تشوفيني
بس استحي ابتسم لج
احسج تكونين مشغوله بالتفكير في شي ومابا اقطع حبل افكارج لول
فقلت اكييييد ماتذكرين شكلي
خلاص مره ثانيه بسلم عليج عشان ترد ملامحي في بالج
تحفه
21-02-08 ||, 01:22 AM
تدرين انا اسامي بنات الي وياي من كمن كورس مب حافظتنهم! لول!!
مجموعة إنسان
21-02-08 ||, 05:36 AM
قمت الساعه 10 الصبح
سرت الكلية
رجعت الساعه 1
تغديييت وشفنا فلم مع الشباب
الساعه 4 عندي كلاس
الساعه 6:30 انا طالع من العين ويااي بوظبي
الساعه 7 وماعرف كم انا عند محل في شعبيتنا
وبالحظ اشوف سيارة عمي واقفه عدال محل ثاني
والزلمه الكلب ماسك شي ويبي يضرب عمي
ومن يقووووووول
ركضت لين الزلمه وعطييييته بكس من خاااااااطر خااااااطر خاطري
وانسدح
وقااام مره ثانية
وامسكه مره ثااانية وادوووووسه دووووس
اللا اسمع ضرب بعصاا
اشوف عمي مكسر العصا على ظهره الكلب

الساعه 8 انا في مركز الشرطه
الساعه 3 الفجر طلعنا
ورفع قضية هع هع
استوييييت حدث اليوم
وصايع وخريج مراكز
مــهــابه
21-02-08 ||, 11:55 AM
^
يحـليلك ، ويستاهل الزلمه لوول

اول مره احس بك انك عصبي:4: ، شكلي انا الحين لي بحصل بوكس




~ اليوم :

الخميس

المزاج :

:fa42:

الموضوع :

~ الله يسامح نـاس / وعَونا من رقـادنا بسبة شخيرهم:fa56:

واللي كان بسبة السهر:d014:
بنت الدلع
21-02-08 ||, 01:01 PM
ركضت لين الزلمه وعطييييته بكس من خاااااااطر خااااااطر خاطري
وانسدح
وقااام مره ثانية
وامسكه مره ثااانية وادوووووسه دووووس

الله اكشــــــــــــــــــــــ ن :5:
مجموعة إنسان
21-02-08 ||, 06:04 PM
تصدقون توني قاعد من النووم !!
تعبان من السهر امس ..
قمت على اتصال الشرطه ,, يقولون تعال راجعنا شوي ..
بسير بسبح وبروح لهم


بنت الدلع
شوووو مب اكشن!!

مهابه
العصبية متوارثه في عايلتنا
بس تصدقين
كسر خاطري
شايفين بعمركم كسر في عظمة الخد !!
تحفه
21-02-08 ||, 06:54 PM
المود : خليط مشاعر :smile2: حزينه على ريلاكسد على ملانه على مرتاحه ومابي اسوي شي :Oo:
اسمع : اغنيه اليسا ~ بتمون 3>

اليوم

5:59 رن الارمي نشيت بدون وعي وصكيته
6:15 الارم موبايلي 1 رن نشيت وصكرته
6:20 الارم موبايلي 2 رن كنت اسمعه بس مش متفيجه و اختي دشت و صكته :fa46: ههههه
7:30 فتحت عيوني تحت الفراش اطالع الساعه وكنت صدق مش متفيجه انش وارديت رقدت :fa46:
8:40 نشيت رسميا تلبست وجيه :redface:
9:30 ظهرت من البيت وسرت الجامعه
10:00 وصلت الجامعه سلمت على ربعي
10:05 دشيت الكلاس اقول للبنات بلاكم داشين الكلاس من وقت بصوت عالي :a068: ماكنت منتبهه انه الكلاس بادي من خمس دقايق وجان يضحكون يقولون الكلاس بادي ونتي متاخره لول
الكلاس كان زوين ,, مدته ساعه وربع ( خلص دوامي :fa34: )
11:15 ظهرت وسرت الكوفي-بين اخذ لي my fav chai latte with extra vanil :heart::heart::heart::heart:
بعدين نزلت تحت خذت لي جكن ساندوج وذ اكسترا جيز و وايت برد :fa35: من كوستا روسا
بعدين دقيت لربيعتي وسرت اشوفها :a070:
12:00 الشله كلها تيمعت وماعرفو وين يحوطون بغيت اكمل وياهم بس ماما قالتلي ارجع اذا عندي مشاوير :fa45:
12:30 رديت البيت اطالع تلفزيون واتريق (السندويج الي خذته) و اتريا الماما ..
1:00 ماما دشت تحرطمت على لاني مخسره اربع تالاف على ادوية ويهي :fa46: تقولي وايد خذتي وانتي خلاص بتخلصين البيلنغ جريب حق شو شاريه هالكثر :fa46:
انيويز
1:00 طلعنا سرنا نسوي شوبنغ في جميره وجيه 3>
2:30 ردينا البيت
بعدين يلست ارمس ربيعتي الي من الف سنه مب مرمستنها :heart: ليييين 4 :12: سوالفنا دوم ما تخلص لول .. بعدين كزنتي اتصلت تبي اشياء من ادارة جامعتنا كانت تتحراني في الجامعه بس قلتلها لا اليوم اخلص من وقت :a033: الموهيم بعدين اتصلولي المكتب التنفيذي :Oo: يتحروني ادور شغل :k_puppyeyes: لول قلت لهم لا بس بعد سنه يقدرون يتصلون ( على كيفي بعد لووول ) !
تميت اسمع اغاني فالغرفه ساعه :heart: ( يعيش بو نوره :a034: )
والحين انا فالواحات :mf_leia:
وحي القلم
21-02-08 ||, 07:14 PM
الخميس

اليوم زين ما فلعت وحده :glare:

قاهرتني من بدا الكورس :fa46:

من النوع الغلس اللى تحسون أنه ما عندهم مشاعر :tounge:

تتأمر جنا بشاكيرها و تبى تسوي كل شي مثل ما هي تباه

و ما تعطي حد مجال عشان يرمس.. دومها ناطره في النص

مادري شقايل بتحملها 18 اسبوع

أهم شي أنها اتم بعيد و ما يحطونا في نفس القروب :a058:
المزوحي
21-02-08 ||, 07:54 PM
اليوم : الخميس

قلت فرصة نهاية السبوع نغير جو ... ونبعد عن روتين الدوام :a049: واااااااو

الصبح كل شي تمام الحمدلله ... بس للساعه 1:30 مادري ملللللللل

عقب ماظهرت من الدوام سرت وافي ... الله غير هالشعور ... :k_harhar1:

رجعت البيت ... وتميت اليوم ماظهرت، إلا وياكم في الواحات :a0360:

والله ضايج بالي ومالي بارض ...

اليوم احس بإنه الدنيا غير وايد غير .... :k_shock_1:

وفعلا إني تغيرت ... للأحسن .. الحمدلله ... :k_blush-anim-cl:

بس صار لنا اليوم اسبوعين مانكلم بعض .. بسبب موقف والمسامح كريم

انا بعد مافهمته الموقف ومب عايبني تصرف منه واعتذر لي .. :a108:

انا تقبلت عذره .. :3:

لكن من عقبها ما حاول يكون cool ويايه وانا من نفسي ماقدر ارمس ...

خوفه إني اتجاهل شخصه وانا انسان ما بصد عنه دام من بينا عشره ...

بس من بينا السلام ... حسيت صدق الدنيا ماتسوى ..

مابغي اتكلم زيادة بــ الموضوع .. لانه كل شي بزيادة يكون سخيف ...

بس اللي كنت اباه .. يتكلم عادي وخلااااااص ...

وانا مابغي اتم اعاتب ...

الحينه احس بيووووع ... في خاطري كباب ... :a042:

هممم لو اظهر آخذ لفه بالموتر :6:
شمعة أمل
21-02-08 ||, 09:39 PM
اليوم الخميس
المود وايد تعبانه
الموضوع


نشيت 7:45.. اول مره انش من وقت وأول مره من سنه اوصل الجامعه الصبح من وقتتتتتتت..
عندي قروب صغير واخترنا شركه وكل شي بس بعدين المدرس قال لا لازم نزيد 3.. ف يبنا 3 زياده بس وحده وايد opinionated ووووووووايد تتفلسف.. لدرجه اني اسرح يوم هي ترمس:Oo:
الى قهرني وحسيت اني شوي وبشوتها.. يوم قالت لا مابناخذ هالشركه .. <ع كيفج هو!! انا مجهزه كل شي ويا هالشركه وآخر شي تقولي لا ولاااا بعد توها اليوم دشت قروبنا..
ف بعد ماحصلت الابروفال من كلحد.. باجر الصبح بتصل في هالبنت وبقوللها نحن بنسوي هالشركه واذا هي مب عايبنها تطلع من القروب لانه شي وايدين يالسين يترجوني يبون يدشون قروبي.. SO انا ماحتاجهاا
يا تصطلب وتسمع الكلام يا تظهر.. لاني انا اللييييدررررر واذا هي تبا تكون ليدر مع السلامه:hysterical: هاللي ناااقص.. وحده افريقيه تتأمر علي..

اوووه ووحده في قروبنا حشّت فيّه.. تتحراني ووحده ثانيه مواطنه في جامعتنا.. وقالت لـ وحده اني انا رسبت!!! واذا اتم في القروب بيرسبوون!!:hysterical: آخر شي يوم قالت اسم العايله ربيعتي زين ما صفعتها .. قالتلها هالبنت وحده ثانيه.. شمعووه شاطره:tounge:

المهم
عقب الكلاس وديتهم امرتس مول.. يوم كانو يتغدوون وانا اشرب كوفي.. ياهل عمره يمكن ثلاث يا عند طاولتنا ورفس ربيعتي وشرررد:hysterical:

عقب سرت اتغدى ويا اختي .. تغديت سوووشييييييييي:heart:

عقب رديت البيت وكملت واجبي وحااولت ارقد لاني مول مارقدت عدل البارحه بس مارمت لانه فريجنا تقولون ديسكوووو!!!!:ghostface: غير انه ريحة بيتنا كله صبغغغغغ :ghostface:


عـ المغرب رديت الجامعه وشلكي تعباااانه.. كسرت خاطرهم:tounge: حتى الأبله طلعتني ساعه من وقت لاني سويت الوااااجبببببب:fa34:.. بس هي شو قالت في المحاضره انا مادري.. طول الوقت كنت سرحاانه:Oo:



اوو وتعرفت على بنت وايد طيبه اليوم.. مستانسه لول!



وايد رمست =s
بنت الدلع
21-02-08 ||, 10:39 PM
اليوم: الخميس
المود: ريلاكسد :fa35:

الموضوع:
اول كلاس كان عندي اسلاميك
وماي كزن كان عندها برزنتيشن
في وحده يالسه جدام
افففففففف كيف تتفلسف
تووو مج
تبون تفلعونها من كثر ما تتفلسف :fa32:

اول شي بنت سئلت الاستاذ سؤال
والاستاذ يحاول يرد عليها بس في النهايه ماعرف يرد تم يلف ويدور
وهاذيج الا ادخّل عمرها في السالفه غصصصصصصصصصب :Oo:
في كل شي لازم تنط
لين ما آخر شي ما كزن سكتتها
وقالت لها جيه وجيه وجيه وانا ابا اكمل قبل لا يخلص الوقت :tounge: زين سوت فيها
صخخخت ولا قالت شي

بعد مادري كمن اسبوع بيكون دوري
يا ويلها لو نطت في شي:alien:

اني ويييز خلصت اليوم الساعه 11
ورديت البيت
صليت واتغديت ورقدتتتتت لين الساعه 5 ونص
حلووو الرقااد
نشيت اتسبحت ويلست ويا ماما
بعدين اتعشيت وسرت اوصل مرت اخويا بيتهم
ومريت خذتلي افوكادو وذ ستروباري
وكنت ابا اظهر ويا اخويا بس قال انه بيظهر بالدراجه
وانا اوكي كووول الدراجه فيها مكانين بيلس ورا :icecream:
and he was like هيــهيــ ماعليه عن تركبين بس

اتس نوت فيير
الشباااب عايشين حياااتهم ونحن مانقدر نركب دراجة ونحوط في الشارع :alien:

والحين يالسه افكر شو بسوي .. :fa35:
بعدين بشوف فلم تروي
ابا استرجع الاحدااااث والذكريااااااااات :heart:

===

باي ذا وي
احب اقرا sham3a's diary
it's so cute
شمعة أمل
21-02-08 ||, 10:47 PM
اووووويه وجان استحيي:blush:

ثانك يووو:fa35:
الخنساء
22-02-08 ||, 08:46 AM
اليوم الجمعه

المود :love2:


الموضوع حنين



من أجمل صباحاتي ...تلك التي تعانق نبرة صوتك اذني


لتهمس: صباح الحب حبي :heart:




ترى هل سيستمر مسلسل العقاب يوم آخر ..:k_nono:


اتمنى ..لا ... من كل قلبي :a070:
رمــش الغـــلا
22-02-08 ||, 12:00 PM
دير دياري

اليوم الجمعة

الساعة 12

بتوقيت كمبيوتر البيت :fa35:


جمعهـ مباركة للواحات ^^



اممم

طبعا كعادتنا كل جمعهـ لازم عزيمة ف مكان ....:fa34:

ومن أمس وأنا أدور لي لبس ...

والقهر طبعا ان لازم أظهر
بدلتين
وعباتين
واكسووريز
وشنطة
ونعال
حق كل بدلة يعني سااااااااااااالفة :mf_leia:

لان عدنا عزيمتين

:a033:

عالغدا بيت خالي

والعشا عزيمة عووووووودة بيت قم عمي عسب النيو حفيد :redface:

باي ذا وي انا الحين متلبسة ويالسة ..:fa35:

بس عسب امي ما تحتشر واتقولنا تبون نوصل عند الناس الساعة 4 :a068:

وهيكـ ^^
مــهــابه
22-02-08 ||, 03:04 PM
اليوم :

الجــمعه

المزاج :

مستانسه

الموضوع :

~ نــورت البــلاد بـ [ وجــودك ] . . .
المزوحي
22-02-08 ||, 08:22 PM
اليوم : الجمعه


المود : عاادي

قمت من وقت ... وطلعت قبل الصلاة ... وخلاف رديت بس ماتغديت .. العصر سرت عند الرضيعه ...

اشوفها تسوي كيكه ... رديت البيت وتميت في الواحات ... وأحس بملل الصراحه ..

كان داق في بالي فرايز مريت خذت لي .. وكلت بدون ماتشوفوني :)

الحينه بظهر واشوفكم بعدين
شمعة أمل
22-02-08 ||, 11:16 PM
اليوم الجمعه
المود زفت

من كثر ما مودي زفت كلت فاست فوود مرتين اليوم.. مع اني ماحب الفاست فووود:tounge:
وربيعتي طرشتلي ترفلزز فرنسيه اليوم لأنه الذك ذك يوم سافرت سويسرا يابتلي جوكلت فيهم خمر وهي ماتدري.. والحمدالللللللللله X 1000000 ياني احساس اني اقرى المكونات قبل لأكله وجان انصدمممم واتصل فيها :glare: لول يحليلها قفطت واليوم طرشتلي جوكلت خالي من الكحووول تعوييض.. الصراحه طعمه وايد حلوو:tounge:

الهاايلتسسس
- كزنتي واخيراا حصلت الليسن
- عيدميلاد ربيعتي اليوم
- عيدميلاد ربيعتي من الطفوله باجر
- بسوي عزيمه يوم الثلاثاااء وكل الى عزمتهم بيوون:heart: معجزه.. عادةً ثلث البنات مايوون
بنت الدلع
22-02-08 ||, 11:33 PM
اليوم: الجمعه
المود: رايقه على مصدعه
الموضوع:
اليوم ناشه من وقت
الساعه 9:00 shaaarp
نشيت اتريقت وذاكرت وحليت واجباتي
الضحى كنت بتخبل على واجب الماث
يمين يساااار احاول اطلع الفورميلا مارممممت
كل الطرق جربتها
واخر شي اختي فديتها ساعدتني
بس في النهايه يطلع لنا الجواب الصح بس الفورميلا ما تضبط
لين ما لاعت جبدي وطرشت مسج لربيعتي
عالعصر اتصلت وقالتلي شو الي لازم اسويه
شي سخييييييييييييييييييييييي يييييييييييييييييييف !!!

تعرفون يوم تكتبون الرقم وبعده تكون علامة استفهام !
جيه هالشي بس انا صدق كنت نااااستنه لان من سنتيييين او ثلاث ماخذت هالشي

اني وييييز
بعد صلاة العشا انا وبنت اختي سرنا باسكن وخذنا ايس كريييم في هالبرد :icecream:
وقفنا وتمينا ناكل وبعدين تمينا نتحوط في السياره
امشي على 20 وموطيه على صوت الاف ام
حلوووو هالشعووور
والأحلى ان الاماكن الي عدال بيتنا هاااااااديه
والجو حلوووو ومافي حد يسرع او متهور

وانا الحين في الواحات
وبعد شوي يمكن نسير السينما على اخر عرض او نسير جدى شارع السيف
المزوحي
23-02-08 ||, 09:59 PM
اليوم : السبت

صح إنه إجازة، لكن سرت الدوام، عسب أخلص أشغالي ... :doh:

وعقب سرت مركز الغزال http://www.dxbmoon.net/vb/images/smilies/poster_kewlpics[1].gif

وعقب ماظهرت مريت http://www.dxbmoon.net/vb/images/smilies/pontiac_black[1].gif على محطة البترول عسب افول الموتر ومنها نزلت من الموتر آخذ لي شي http://www.dxbmoon.net/vb/images/smilies/arabia[1].gif ورديت البيت ..

بس الغريب ووايد غريب إني ماطلعت من البيت ... اتجول من الواحات واسير الصالة ... http://www.dxbmoon.net/vb/images/smilies/kicking[1].gif

بس الحينه أحس ببرررررررررررد http://www.dxbmoon.net/vb/images/smilies/cold[1].gif

اتسبحت وصليت وتعشيت وضربت بروووش http://www.dxbmoon.net/vb/images/smilies/euro[1].gif

وبتم وياكم لين ما إيني الرقاد http://www.dxbmoon.net/vb/images/smilies/all2[1].gif
ملاك الروووح
24-02-08 ||, 12:40 AM
اليوم : السبت

الساعه : 12:39 ..

المزاج : نعسانه .. :k_puppyeyes:


بس مب يايني رقاد !

قلت بحدر الواحات شوي !

:

هالويك اند كان وايد بزي ..

من شوي رادين البيت وأحس عمري هلكانه

ومالي بارض حق الدوام ..

بس بعد متحمسه .. لأنه عندي كورس .. :fa56:

وبشوف ناس و ويوه يديده .. أحسن من هالمرضى اللي عندنا :biggrin:


واستانست وايد لأني شفت صديقتي الصدوقه .. وحبيبتي ما وحشتكوه

ياربي اشكثر أحب هالبنت :inlove:

وكل ما أروح لها .. أحبها أكثر وأكثر :biggrin:

الله لا يحرمني منها ! :fa41:

She Is Alwayz There .. 4 ME !

To Listen , Care and understand My Feeling !

Luv U Fwend !

:fa41:

::

باجر بقطع الشرجاويه والوحداويه اللي ويانا في الدوام :biggrin:

وطبعاً ريوقنا بيكون عاللوزرز :hysterical: .. ياحليلهم والله

صار لهم كمن يوم يريقونا الحين ..

أول مره يتم لي شي من راتبي لين آخر الشهر هع هع :biggrin:

جان زين دوم يخسرون !

ما بصرف شي من راتبي :h_daleel:
الساحره
24-02-08 ||, 12:51 AM
اليوم : السبت

الساعه : 12:50 ..

المزاج : فيني رقاد

لاني ناشة من وقت كان عندي امتحان انجليزي في اتصالاات
ان شاء الله يقبلوني حق الوظيفة مليت وانا بطالية


>.<
الخنساء
24-02-08 ||, 11:53 AM
اليوم : الأحد

المود: :a033:


الموضوع: آخر أحد



لا يسير فكركم بعيد وتتحسبوني قررات انتحر ... :14: وهذا آخر أحد في حياتي ... كنت اقصد آخر أحد لي في هالدوام ... :a070:وبفتك ... اسميهم متنيذلين عليه من الخاطر .. انزين خلوني احتفظ بذكريات حلوه وياكم ... :k_nono: مطرشيلي ايميل أول الصبح Salary for the month of Feb 08

Date : 29-FEB-2008


Total Earnings 0.00
Total Deductions 0.00
________________________
Net Salary 0.00


انزين أدري ماشيء راتب هالشهر ..لازم تذكروني من الصبح :alien:



ملاك ..اولاً تولهت عليج وعلى الديري اللي يكون مشابهه للدري مالي تقريباً أو يومي ويا التيم ليدر ..عاد هاااي هالأيام مستوغده عليه من الخاطر وأنا مستهبله من الخاطر .. وكله تسب المكان اليديد اللي أنا بسير له ... :a032: وانا اكبر طاف وحياتج ..في ناس لازم تلبيسنهم لأنه الرد عليهم معناته تنزلين من مستواج ... :fa35:


اليوم في خاطري اسير السوق ... واشوف الناس وايلس في مكان مفتوح ... :icecream:
رمــش الغـــلا
24-02-08 ||, 12:44 PM
اليوم


الاحد


اول يوم فالويكـ:redface:


وانا ما داومت مرييضة من أمس وتعبااانة << زجام وكحة وبلاعيم وكل شي


ومتغصصة بعد لاني ما سرت عرس اخو ربيعتي << لان كان فراس الخيمه:mf_leia:

كان فخاطري والله اسير

لانها ربيعتي الكلوووز واااايد :fa35:




وامس استوالي شي:fa46:


خلاني افكر وااايد وآآآخذ اجازة من التفكير من اشيا وايد


واحصر تفكيري في هالشي وبس:14:


لانه فيه شي يتعلق بمستقبلي


ادعووولي ان كان لي خير يستوي والله يوفقني ^^
ملاك الروووح
24-02-08 ||, 12:56 PM
الخنسا ..

حبيبتي مي تو تولهت عليج !



يااااااااااااااحيج :fa56:

وأخيراً تم الافراج عنج .. :11:

مبروووووووووووووووووك .. عالوظيفه اليديده

الله يوفقج حبيبتي ..

ويارب ترتاحين فيه .. ويكونون الستف كلهم أوكي وياج ..

:m_9afgah:

هيه والله معاناتنا متشابهة أنا وانتي ..

بس انتي خلاص انحلت مشكلتج وأنا بعدني عالقه مع هالمرضى !:3:

بس مافي حد مرتاح ف شغله صدقيني ..!

أهم شي انه نتاقلم عالتغيير وعالوضع اللي نحطينا فيه

ونحاول قد ما نقدر ندهن سيرهم :biggrin:

لأني اكتشفت انه ما ينفع الواحد يكون صريح و واقعي .. معاهم ..!

وكلمة الحق هالايام صارت تزعل وايد .. :9: !

::

رمشوه

ما تشوفين شر حبيبتي ..

هاه لا يكون الشي هو اللي ف بالي .. :biggrin:

خبريني خبريني .. ما بقول حق حد .. :fa56:


الله يوفقج حبيبتي .. ويكتب لج اللي فيه الخير .. :a070:

:

اليوم الأحد ..

أول يوم من أيام الاسبوع ..

اتفاجأنا البارحه انه منزلين رواتبنا :boxed:

حسيت انه وايد من وقت يعني !

أني ويي .. كنت أبي أسير أتريق ..

وما كان عندي جينج .. سو رحت أسحب من الاي تي إم .. وطلع خربان !

رحت مصرف بوظبي الاسلامي .. بعد الاي تي ام مالهم خربان :3:

وأنا ميته من اليوووووووووع .. وما عندي إلا 15 درهم ونص ف بوكي :biggrin:

ورحت أشوف الفطاير .. يالسه أحسب كل فطيره بكم بتطلع

لوووووووووول أحس اشفقت على عمري وايد :biggrin: شكلي كان فقيروه !

والحين متوهقه ماعندي كاش .. ولازم أدفع عربون حق اللي بتسوي لنا الميك أب حق


عرس بنت عمي :fa46: لازم ندفع لها اليوم !!


عندي ستين ألف التزام هالشهر .. وأحس مابيتم شي من راتبي

من الحين يالسه أحاتي والله ..

الله يستر بس .. :boxed:

::
ملاك الروووح
24-02-08 ||, 01:02 PM
حتى أنا حسيت اليوم انه ربيعتي زعلانه لأنه ما حضرنا عرس أخوها

المشكله انه كان في العين :fa46: سو احس وايد صعبه !

وأوردي كان عندنا شغل في الفجيره .. ف ما قدرت أسير .


بس عيبتني وايد متغير شكلها :biggrin:


جنها هي العروس !!

:biggrin:

:

ياحليلهم كل ما حد يعرس .. كل وحده فيهم تيلس ترمس عن معاناتها ..

ويقولون انهم يبون يعرسون وجيه .. وايد يغمضوني والله :k_no:

وأخاف اني اعنس وأيلس ف بيت أبوي أخر شي :boxed: يوم أشوف حالتهم !


أني ويي

أنا سويت شي من يومين ..

ويااااااااارب أطلع بنتيجه حلوه من ورا هالشي .. :fa56:

أسميني بستانس وبفرح وايد ناس غيري !

وبيدعون لي ليل ونهار :biggrin:

يااااااارب يتحقق !!
شمعة أمل
24-02-08 ||, 02:27 PM
اليوووووم الأحد
المود حلووو
الموضوع:

مستانسه لاني داومت اليوم .. لانه الاسبوع الى طاف نسيت أنش من الرقاد وماداومت.. مع انه ماشي فرق لو اداوم ولا لا لاني مافهم شي في هالكلاس بس يله ماعليه:fa46:

يوم خلصت سرت وديت اختي امرتس مول.. حظها عندها اجازه!!!!!!! شفت وحده أعرفها..احس اني منحوسه.. ماروم اطلع من البيت بدون ماشوف حد

البارحه كان عيدميلاد صديقتييي من الطفووله.. وفي نفس الوقت امي سافرت:glare: .. الشي الوحيد الى مونسني انه ربيعتيي يت بيتناااااااااا اصلن ماتمت في بيتنا الا يمكن عشر دقايق.. طول الوقت كنا برععع ووحده ثانيه بعد يتت وهي معرسه.. قلتلها تراويني بيتهم:tounge: بس فضيحه يوم وصلنا عند فريجهم ريلها طلع في ويههنا:hysterical: لا بعد اونه تقولي دقييله هرن.. هاللي ناقص..قلتلها مافييه يبلغ علييه الشرطه:tounge: ولا بعد يوم كنا طالعين بعد شفت وحده أعرفهاا :glare: قهر.. خاطري اطلع من بيتنا بدون ماشوف حد او حد يشوفني < اقصد حد اعرفه مب اي حد لول:glare:



لازم اسير أطلب أكل حق العزيمه يوم الثلاثاا.. مول مب متفيجه! غير انه وراي كلاس مسائي:glare: ماداني هالكلاس لانه معظم الناس freaks & weridoOos فييه
عفاريتووو
24-02-08 ||, 02:56 PM
اليوم : الاحد

الحمدالله الحمدالله انه ما عندي دوام اليوم
لانه اعصابي صدق منهارة
و قلت بذاكر ما قدرت :k_no:
مووول ما توقعت هالحركة منهم .. الله يسامحهم
وانا اوني اخطط اني اسوي شي يفرحهم و اترياهم
و هم يتعمدون يجرحوني
الله يسامحهم
بس لو كل حد يعامل الناس مثل ما يبونهم هم يعاملونهم جان الدنيا بخير
الله كريم
شمعة أمل
24-02-08 ||, 05:21 PM
لو كل حد يعامل الناس مثل ما يبونهم هم يعاملونهم جان الدنيا بخير
الله كريم

So Trueee!!!
تحفه
24-02-08 ||, 07:39 PM
5:59 الارم 1 يرن .. ارد اصكه
6:10 الارم 2 ارد اصكه
6:20 الارم 3 ماحسيت فيه
6:30 ماما دقتلي اتوعيني :fa46: .. اتلبست وجيه
7:30 طلعت فالدرب سايره الجامعه :2:
7:45 فالجامعه طلعت ناسيه نوتبكي وطلعا مب حافظه رقم كلاسي وتميت احوط لين ماحصلت الكلاس
8:00 فالكلاس الاستاذ ياخذ الغياب والحمدلله والشكر اني مش متاخر لان اسمي دوم اول اسم :Oo: شو هالكلاس الي كلهم قوم ز/ش/ج :k_puppyeyes:
انيويز انا فالكلاس لين 9:44
9:44 الكوفي بين اخذ ماي لقلر درنك :fa35: chai latte with extra vanillia :heart:
10:00 ادق حق ربعي وكلهم عندهم كلسات :Oo:
قلت بتفلسف بسوي برنتغ وجي والطابعه ماطاعت تطبعلي :k_puppyeyes:
11:00 تيمعنا وتمينا نسولف نسولف نسولف :heart: وبعدين سرنا نتغدا
1:00 سرنا كلساتنا انا وربيعتي :osama:
الساعه 2 خلصت :mf_turban:
بعدين سرت اخلص كذا شي :smile2:
3:00 سرت الكلاس
4:00 خلصنا من وقت اليوم :a034:
ونحنا فالدرب انصدمنا من شارع الخيل مادري النخيل مادري شو يسمونه :a068: كان واااااااااااااااااااااااا ااااايد زحمه
5:45 فالبيت صليت وغيرت وشربت جاي بالزنجبيل لان احس بترد تستويلي بلاعيم :glare:
6:00 يابلت التلفزيون اطالع غريس انتمي الي ما امل منه :fa35:
والحين صليت المغرب و يالسه علنت :ghostface:
رمــش الغـــلا
24-02-08 ||, 07:54 PM
ملاكوووه


هع هع بخبرج عقب مب الحين


يوم بشوفج انشاللهـ:a070:




....


هي والله أنا صدق كان فخاطري أسير عرس أخوها


وهي كانت واااايد كيوت عيبتني


اقولها جنه ملجتج مب عرس اخوج :fa35:



...


حبيبتي عاد انتي كيوووت اكيد بيدقون باب بيتكم قريب >> ع كيفي انا :fa34:


لاتقولين بعنس:alien:


بسم اللهـ عليج من هالطاري :fa46:


ومل وحدة تاخذ نصيبها فهالدنيا فالنهاية :fa35:
ملاك الروووح
24-02-08 ||, 09:26 PM
::

حبيبتي رمشوه ..

تسلمين والله ..

الله يسمع منج

:inlove:

وخلاص بترياج تخبريني عيل ..

يبالنا نزوركم .. لكم وحشه والله :fa56:

::

توني راده من الدوام ..

تعبااااااااانه ..



أبي أرقد .. بس متحمسه وايد بعد .. عشان شي :biggrin:

الله يعديه على خير ..



كنت يالسه في الدوام اليوم .. جان ايي واحد وسمعته يقول حق ربيعتي

لو سمحتي أنا أبي الاخت ملاكوه .. وين أحصلها !

قلت هاه جنه قال اسمي :biggrin:

وسرت له قلت له نعم أخوي ..

قالي وين الاخت ملاك ؟

قلت له أنا ملاك ..

أحس شكله جيه استوى ! :k_puppyeyes: و :boxed: و :shocked: !

قلت له آمر .. جان يعطيني ظرف وقالي هذا حق الاخت أم عمر << اختي ..

وسار .. عقب شوي اتصلت فيها أسألها شو السالفه قالت لي انه هذا الموظف

اللي كان يداوم عندهم ف دوامها الجديم من كمن سننننننننننننننه ..


ويايب لهم أوراق الدوام أو شي جيه ..


قلت لها نو وييييييييييييي !!

أحيد يوم كنت صغيره كله كنت أسير وياها الدوام .. وكنت أشوفه هناك ..

وكان يقولي انه بيتزوجني :biggrin:

ف عشان جيه حليله انصدم يوم شافني كبرت .. وشكلي تغير !


هو روحه وايد متغير .. ما عرفته والله !

بس ات واز نايس تو سي هيم ..

:11:

::

اليوم ربيعتي تقولي انه المدير مطرش اسمي عشان الترقيه ! :m_9afgah:

انصدمت وايد .. لأنه توني مكمله 8 شهور .. ومسرع ما طلبوا لي ترقيه

ف جان أستانس وااااااااااااايد :11: ..

ان شاء الله خير عاد .. ما يندرى السالفه صج ولا اشاعه !

:3:

::
المزوحي
24-02-08 ||, 09:53 PM
الــيوم : الاحد

الوقت : المساء

الساعه : 9:50

الصبح كل مابغي اقوم، أقول 5 دقايق، وثرها هالخمس دقايق شو بتسوي بي ! بشبع رقااد :fa48:

قمت وخلصت أموري وتوكلت على الله . ياااااا كيف زحمه ... وصلت الدوام متأخر ... :6:

بس يومي كان حلو في الدوام، كانت تستوي شغلات فكاهيه :k_blush-anim-cl:

صدق يومي كان خفيف ...

رديت البيت، بس ماتغديت .. دخلت الواحات .. صليت العصر وطلعت ربع مشواار :4: حلوه

وعقب سرت الفستفال وكلت من عند http://www.franchiseemporium.com/images/charleys_140x70.gif هو غدا وعشا

ورديت البيت .. كنت بدخل اتسبح .. واستوى موقف ضيج بي الصراحه ...

كنت اتمنى يكمل يومي بدوون مغثه :3: حسبي الله ونعم الوكيل ..

شليت بعمري ودخلت اتسبح وصليت والحينه قلت اشوفكم :fa42:
ايه احبك
24-02-08 ||, 10:23 PM
اليوم الأحد والساعه 10
تحففففففففففففففففففففففف ففففففففففففففه بطني يعورني موووت من الأكل الي أكلناه البارحه شوية وبصيح توبة والله توبه اخبص واجبر نفسي اكل غصبن عن معدتي حتى لو بسوي رجيم قاسي لمدة قرن =(
والله اليوم يوم العوار العالمي
اول شي كان عوار هالخبصه الي اكلتها ويا تحفووه يعني الأكل لا يرتفع ولا ينزل في المعده .. بطني اترقص لين ما قال بس مع اني نزلت كوستا من الفجر عشان اشرب لي قرين تي ولا فاد وتميت طول اليوم لين الحين مب قادره ارقد ولا اتنفس احس بشي ثجيل في جسمي لا حول ولا قوة الا بالله
والعوار الثاني كان عوا راس دخلوني في الشغل ميتنغ رووم قالوا لي الخلق بيونج لا تتحركين من الساعه 8:ونص لين الساعه 3 ونص يعني انفجار في بؤرة الرأس --> لا حد يسألني وين هاي
المهم السالفه ما مشت حسب ما السبرفيزر بغت وعالساعه حدعشر يو ناس وخذوا الميتنغ قروب فتشتت ومن ديبرتمنت لديبرتمنت حالتي قشره اليوم وغير جي اخر ميتنغ اتحريته انا الذكيه على الساعة 3ونص مادري ليش صدق اني مخ انزين شوفي الساكجول لكن من يقول ايلس على السولتير والعب لين 3 ونص وبعدين مستانسه رايحه عند الأورنتد واقولها يالله نبدا الميتنغ جان يقول اتخرتي بنص ساعه صدق جيه استويت O_O وهبله لا تفجين انزين السكجول جدامه اقولكم فجييته وطالع هو السكجول وقال شفتي متأخره نص ساعه وابتسام ابتسامة نصر مالت عليه .. استغفر الله العوار مأثر في كلامي
يوم بستوي زينه بمسح الرد
بس ما اقدر اكمل شههههههههيقققققق
دمعة شوق
25-02-08 ||, 12:09 AM
الـيـوم
الأثـنـيـن

التـاريـخ
25\2\2008

الـمـزاج
لا بــاس

نـشـيت اليوم متأخـرة تقريبا 6 و 35 وكـنـت حـاطـه المنبـه الكبـير ولاااا دريـتـبـه وحاطه منبه التلفون ولاسمعته من التعب ، الحمدالله ظهـرنـا صوب الجامعة ولا تأخـرت على الكـلاس كان عندي انجلش ، فـ نـص الكـلاس يانـا المرشـد الاكـاديـمــي مادل يسويلنـا محــاضـرة << الموهيـم

رحممممممته من خاطريه زين ماصـحت خخخ تخيـلوا قـعـد يعرفنا على نفسـه ويكـتب على البورد البطاقة الشخصـيـة بس قسسسمن بالله انيه ماازيـد عليـكم وعلى فكـرة هو عــربــي

المـرشـد القديما
أنا اسم محمد المهنــا عندي واحد ولد اسم ***** ولد تاني اسم كذا
نحـن استوينا جي
:k_puppyeyes:
ونضضحك نتحسبه يتمصـخـر وظهر صدق<< فششششله
يااالله كيف رحمـتـه يلس يقولنا ع قصة حياته انه هو انولد في استراليا وعاش هناك ولايعرف عربي اصـله من لبنــان وعلى قولتـه ( الحــق على بـيـئ )

وقـال انه يحب السياسه ويشوف شريط الجزيرة اللي تحت بس مايواحي يقراه بسرعه يخطف وهو يالله يالله يهجـئ الأحــرف
:fa46:
:
ووحـده من بنات الكلاس شافتنـي داشه واحات بن دبي قاالتلي بعدها معمره خخخ
قتلها بالمره انتي مشتركه قالت لا بس قبل ادش واقرا فقط، قلت يحيج
\\
الموهيـم عقـب هذا الكلاس كان بعد عندي انجلش لين 12 وخلصـت دوام
بس رحت ولاقيت ربيعـتـي ووديتهـا كلاسـهــا
//

عقـب يأ بويـه شــلنـي بالكـروووزر:heart: وقتله خطفني العيادة صارلي شهرين مسويه فحص دم ولارحت اشوووفه وتوني اتفيجـت خخ
\\
عقـب مااخلصـت رحت انا وبويه نتغـدا في الخـروف الذهــبي
وهناك الله لايرويـكم تخيلوا شلة بنات (وافدات ) وكمن مواطنه عندهن ،، شو السيجااره افففففف يالخياس خيسنــا الله يخسـهـن ،والحشره والعفسـه جنه محد سوا عيدميلاد غيـرهـن
//
عقـب رديـنا البيت ورقدت لين 6 ونشيت وقعدت عند خوانيه وحليت واجباتي وعقب ساعه 8 رحت اوني بسوي بطاقة الهوية تعنـيت لين هنااك ولقيتهم مسكــريـن ، عقب رحت اسجل في النــادي ومن باكــر ببدا ،
\\

صصصصصصصصصح اللي زادنــي وناسه وقلق وتفكــير
عــرس خويه فـ 27\3
وف هـ الـيوم بيـكون عندي امتحان مد تيـرم:glare:
تخيـلوا لو كان المغرررررررب اففففففففففف نحيييييسه
وبسسسسسسسس
والحينه بسير ارققققققد ورايه كراف من 8 لين 4
:ghostface:
تصبحون على خيـرر

:fa35:
بنت الدلع
25-02-08 ||, 01:30 AM
اليوم: استوى الاثنين
المود: calm :fa35:
الموضوع:
اليوم في البريك سرت زرت اختي لان من يومين ظهرت من المستشفى :fa35:
فديتها يابت بيبي صغيروووووون
وااااايد تااااايني وكتكوووووت :inlove:
يلست عندها ساعه ونص
وعمتها مارضت اظهر بدون غدا
واقولها والله مشكوره مابا لاني بسطل في الكلاس
وهي: مابتظهرين من بيتي بدون غدا لول :birgits_giggle:
ماشالله عليهم كيف هالناس طيبين ويدشون القلب

اني ويز سرت الجامعه وخلصت ورديت البيت
وكنت ميييييييته من التعـــــــــــــــــــــ ــــــــــب :surrender:
قلت لهم يسوون لي اندومي لاني مب متفيجه اكل
ويلست اشوف الامبراطوره ويا ماما وحريم اخواني
الساعه 5 وعشر انا في الحجره
يمكن عالساعه 5 وثلث رقدت
لــــــــــــــــــــــــ ـــــــــــــــــــــــــ ـــــــــــــــين 10 الا شي
حلوووووو رقاااااااد العصر :fa35:

والحين لازم اسير عندي ريدنق
واحد بو 3 صفحات
والثاني بو 12 صفحه :Oo:

wish me a good luck
رمــش الغـــلا
25-02-08 ||, 12:15 PM
ملاكوووه


فديتج << مس يو من الخاااااطر :fa35:


انشاللهـ نشوفكم قريب


باي ذا وي << كزنتي فاليني مع مرت أخوج اتقولي ان دوم وياها :a033:


سوالف وكووول وجيهـ:fa34:






اليوم


سرت الكلية دوامي من 8 لي 10 مادري شو اللي جابرني اداوم:redface:


وانا مووووووووول ما فيني حيل:ohboy:


وتعبااانة مب رايمة أرفع راسي من عالطاولة :redface:


وجان اتصل فاختي حاشرتنا عسب اتمرني ساعة ادقلها


والاخت راقدة :smile2:


وانا شوي وبصيييييح:k_nono:



وامي حليلها اتحاتي


كل شوي متصلة


واقولها اختي ما اترد اتقول لا !!!:mf_leia:



...


آخر شي ربيعتي قالت انا رادة عيمان قلتلها طوفيني بيت اختي عالدرب


وجان ارد وياها:unclesam:


واختي سوتلي قالت خلاص اترياج


توها اكتشفت اني اباها تمر علي :fa34:
ملاك الروووح
25-02-08 ||, 05:51 PM
:

حبيبتي رمشووووووووه

فديت روحج أنا

:inlove:

:

هيه اتقولي مرت أخوي انه شافتها في الجامعه ..

وسوالف وياها وجيه .. دوم ويا بعض :11:

كله ولا فستانها الأحمر :biggrin: العجيب

ما قلت لج انه شفناها هاك اليوم في القريه ؟

بس غريبه ما كنتي وياها .. توقعت اشوفج .. :m_9afgah:


ان شاءالله نتلاقى جريب حبيبتي ..

ترى عرس كزنتي تاريخ 11-4 .. :11: من الحين اقولج هاه ..

:

اليوم كنت صج ملااااااااااااااااااااااا ااااااااانه

من الساعه 11 لين 3 وانا فاضيه ماعندي شغل ..

خلصت شغلي كله .. وماعرفت شو أسوي ف عمري

والتيم ليدر الله هادنها اليوم ويالسه تسولف وياي وتضحك ..

وعطتني عقب شي مغبرررررررررررر من الخاطر .. :biggrin:

بسكوت غلوكوز .. جان اقول حق الاوفيس بوي سولي شاي سليماني ..

ويلست أغمس البسكوت فيه وآكله .. :biggrin:

ع كيفي جني يالسه ف بيتنا ..

والمدير يطالعني بكيمرته اللي حاطنها في الغرفه .. ويوم شافني عقب تم يضحك

اونه هاه خلصتي أكلج ؟ :hysterical: قلت له هيه خلصت .. :k_harhar1:


جكيناه اليوم الحبيب .. شكله كان مواعد :9:

ماسك ورده وخطف من برع جيه ما انتبه لنا انا وربيعتي كنا نتريق ..

وعقب جيه 5 دقايق رد وهو مستانس :biggrin:

مليون بالميه كان مواعد ! :fa52:

انا ما قلت شي هاه ومحد سمع شي !


استغفر الله :


وربيعتي تقولي اللللللله انا ابي حد اييب لي ورد بعد ..


جان اطلع عقب شوي بما اني فاضيه وشريت لها ورده حمره ..

وطرشتها مع صاحب المحل .. نقعنااااااااااااااا من الضحك

طبعاً على طول عرفت انها مني :hysterical:
::

باجر بيبدا الكووووووووووووووورس

حمااااااااااااااااااس

:m_9afgah:

يالسه أوصي السي آر ام عالستاف وعلى الستوك ..

فريخاتي خايفه عليهم :biggrin:

أحس بتوله عليهم والله ! :boxed:

مابشوفهم لين يوم الأحد .. :fa43: شو هاه !!

:
تحفه
25-02-08 ||, 08:01 PM
اول شي كان عوار هالخبصه الي اكلتها ويا تحفووه يعني الأكل لا يرتفع ولا ينزل في المعده .. بطني اترقص لين ما قال بس مع اني نزلت كوستا من الفجر عشان اشرب لي قرين تي ولا فاد وتميت طول اليوم لين الحين مب قادره ارقد ولا اتنفس احس بشي ثجيل في جسمي لا حول ولا قوة الا بالله


انا بعد!! حتى فليل مارمت ارقد!! واليوم الي عقبه تميت اشرب سوائل بس :Oo:
حتى كنت افكر اغيب لول بس يودت عمري :fa46:


سلامات حبيبتيي :fa35:
رمــش الغـــلا
25-02-08 ||, 08:55 PM
ملاكوووووووووه


يب يب


خبرتني انج شفتيها فالقرية:a033:


نحن اصلا البلان مالنا كان ان اليوم اللي قبلهـ انسير القرية:fa35:


بس من وصلت دبي غيرنا راينا وسرنا امرتس مول:fa34:


وقلنا ثاني يوم لان خواتي كلهم بيون:redface:



بس عقب ما استوا ثاني يوم


لانهـ محد ودانا


وماسرنا:mf_leia:


والا جان شفتيني وياها


للأسف:fa35:



......


انشاللهـ خير لي العرس


هع


اهم شي ما تفوتني كشختج حبيبتي :love2:




اليوم ..


لي الحين مزاجي بين البين:smile2:


الشي اللي استوالي خلى ربيعتي تتغير !!



ماعرف ليش ما توقعت هاي تكون ردة فعلها:redface:


المهم رمست ربيعتي الثانية فديتها


يلست اطمني


مع اني وايد متوترة ما عرف ليش:smile2:


خايفة من الفيوتشر وااايد


ادعوولي :fa35:
شمعة أمل
25-02-08 ||, 09:16 PM
اليوم الاثنين
المود متضايجه
الموضوع


من البارحه وانا متضايجه..=( اففف
حتى حجرتي الى حجرتي تقولون كم من قنبله منفجره فيهاا .. لدرجه انه ربيعة اختي اطوعت تي بيتنا عشان تنظف حجرتي:fa46:.. ماظني حجرتي بتكون نظيفه لين ما مودي يتعدل >_<

وبعد

انا وايد احب انه عندي ربع من جنسيات مختلفه.. بس مرات صدق صدق صدق صدق اتوهق..
ربيعتي البكستانيه متصله فييه اليوم تقولي شمعووه بشترييلج هديه!!! بشتريلج لبس بكستاني!! .. وانا: :Oo: < لا بعد صديقتي الصدوقه يوم درت قالتلي يوم هالبنت تيبلج لبس بكستانس لبسيه وتعالي بيتنا:hysterical:

وربيعتي الايرانيه يت عندي : شمعوووه عمتي بتي من ايران قلتلها تيبلج هذا وهذا وهذا وهذا وتدرين انه هذاا وايد حاااااامض انا وايد احبه .. الخ.. وانا::smile2: انا الى مخوفني انه هالاشياء جي يكونون اكلات غريبه.. وانا من نوعية البشر الى ماياكلون اي شيي >_<


مودي خايس:glare:
المزوحي
25-02-08 ||, 11:01 PM
اليوم : الاثنين

المود : cool

الوقت 11 المساء

الصبح سرت الدوام ... وانا رايق .. الحمدلله :fa56: وبدينا الشغل مع مواقف فكاهيه وحلوه

احس اتعودت على ربع الدوام :vampire: ولو إني مرات اطفر منهم :3:

عقب الدوام أكيييييييد البيت ... وعقب صلاة العصر سرت القرية زحممممممممممة

زحممممممممة ... حتى وقفنا خدمة صف السيارات :6: مايسوى 35 درهم :h_negab:

هههه مب راضين يفتحون المواقف المجابله ..

وبرد ... رديت البيت اتسبحت وصليت وتعشيت وخلصت كل شي وقلت آخذ لفه عندكم :a0360:

ياااااااا حلو هالشعور


http://www.adoptionblogs.com/media/CrisisPregnancy/thumb_mom%20kiss%20baby.jpg


:woot:
مايهزك ريح
26-02-08 ||, 11:46 AM
اليوم الثلاثاء ..
المزاج .. نص ونص ..
من اصبحت وانا بطني يعورني .. مب رايم ايلس على الكرسي في الدوام >_< ..
مادري شو كلت البارحه وجلب لي بطني.. واليوم احس اني بموت من الويع ..

ما اعرف شو اسوي عشان يخف الويع .. !
مــهــابه
26-02-08 ||, 12:00 PM
سـلامات مايهزك ريح ، انزين أستأذن ورَوح البيت . . .



اليوم :

~ الثــلاثـا . .


المزاج :

اوكي بـس خايفـه طشونه ~ ~

الموضوع :

~ حلمت حـلم أعـوذ بالله منه ، أول مره احلم بـه فـ حيـاتي / وتفسيره يـخوف
والمشكله مب اهنيه ، المشكله انه احلامي تتحقق معظم الأحيان . .

انا أتعـب نفسيـاً يوم أحلم


~ اليوم واعيه من الرقاد فـ الوقـت البدل ضـايع 7.25 بالظبط ، كل شي أسويه وانا مستعيله ، لو تشوفون
شقـايل مرتبه سريري بتضحكون عليه من الخاطر . . .

اسـتانست أكثر يوم اني كلـمت ~ قصـودتي . .

بس الله يسامحه السير ما خلاني آخذ راحتي ، كنت أخاف انه يجكني وانا أرمس بـالكلاس . . .

جت العواقب سليمة . . .

وشي ثاني مخلني أحـتار وايد ، وهو هل انزل وأشارك بخواطري وكتاباتي فـ مجله رسمية بطلب من المجله
ولا ؟!
انا أبـى وما أبـا ، قلت لهم بنزله بـ نك نيم مستعار بس هم قالوا لي حبذا لو تكون بـ أسمج حفـظاً للحقوق ومادري كيـف . . .

شاورت اختيه وماعلقت ، بس بعدني بشاور أخويه إذا طاع بحط ، واذا ماطاع مابنزل . . .

كلمات كتبتها قبل لا أنام ومن وعيت وانا معلجة عليها :


~ من كثر ما منـيت صـبري بـ [ الصـبر
لا قـلت يـا قـلبي أصبر
قـال لي : وبـ ع ــدين ؟!
مايهزك ريح
26-02-08 ||, 02:26 PM
الله يسلمج .. ما اقدر استأذن .. عندي شغل ;_:

مهابه ذكرتيني بأبيات شعر ..
سأصبر ...
حتى يعجز الصبر عن صبري
وأصبر ...
حتى يحكم الله في أمري
وأصبر ...
حتى يعلم الصبر أني صبرت
على شيء أقسى من الصبر
المزوحي
26-02-08 ||, 03:03 PM
خذ لك حبة باسكوبان عن المغص

اليوم الثلاثاء :

المزاج : عااادي

ساير الدوام وإلا اركب الرصيف من العيله والعيله من الشيطان .. عوذ بالله منه ..

وصلت وكان عندي وااااااااااايد شغل اليوم والحمدلله خلصت كل اللي عندي وتريقنا ..

استوى موقف حلو اليوووم ...

ورديت البيت وقلت بدخل الواحات والعصر عندي مشوااار
مايهزك ريح
26-02-08 ||, 03:20 PM
مرحبا المزوحي شكلي يوم برد البيت بحط راسي وبرقد اشويه .. لأنه بعد ظهر يعورني احس اني مدقدق ابكبري ..
مادري شو استوا بي *_*

دامك ظربت الرصيف عيل يباله ميزانيه تواير موترك .. !
المزوحي
26-02-08 ||, 03:43 PM
صح سير ارتااااح

هممم ... اوني بختصر الدرب .. دخلت شارع الخدمات، فظهرت بسرعه قبل المواتر ماتنهد من الشارع العام ..

يوم ظهرت لفيت يمين .. اصلا اولريدي مسوي ميزانية ... كنت بوصل بنت اختي وضرب موتري وانا افتن عليها

يالله عااااد .. تدري ليش ؟؟؟

كل هذا لأني قلت ابغي اشتري اكس فايف ... فموتري زعل ...
رمــش الغـــلا
26-02-08 ||, 06:44 PM
اليوم


الثلاثا




اشكر كليتنا الصراحة على هاليوم اللي يسوولنا اياااه:fa56:


صدق بريييييك من تعب الكلية وحق الرقاد:fa56:


اونهـ


independent learning day

:doh:

كشششخة محلات الرقاد فنص الاسبوع


بريك بدون آبسنت بدون شي :a049:



...



طبعا قضيت يومي فالرقاد:sleepy::sleepy::sleepy:



أحلى شي:fa42:


وانا اوريدي هالسبوع مب مداومة الاحد :k_smile2:


والاثنين بس حاضرة كلاسين من 8 لي 10 :k_harhar1:



واليوم ماشي دوام:thumbup1:



وباجر دوام ارف 6 كلاسات :a046:



واللي عقبهـ رحلة:a036:



...



يعني كشششخة الاسبوع طاف وانا ما داومت الا يوم وربع:4:


...


الظاهر الكليــة تعرف اني كنت وايد احتاج فترة نقاهة


وخاصة هالاسبوع:fa46:


لاني أفكر في شي يتعلق بمستقبلي وااايد:fa46:


..


انشالله كل شي يعدي ع خير:inlove:


...


توهـ امي خبرتني انها خبرت اخوي


واحس مالي ويهـ أشووفه:inlove:


مادري ليش !!:confused:


أمي تقولي عادي ما فيها شي أخوج العود


بس انا يمكن لانه أكثر أخواني انا وياه


عسب جيه أحس بهالشي :9:


وهيـــك
تحفه
26-02-08 ||, 06:49 PM
امس :

6:30 نشيت وتلبست وجيه
7:30 سرت الجامعه
8:00 وصلت وسرت الكلاس
2:20 رديت البيت .. wasnt feeling well :<
3:30 طلعت وي ماما مرينا على اختيه
4:20 سرنا امرتس تاورز
6:00 اعتقد .. طلعنا ومرينا علخياط
7:00 وصلت البيت
8:30 رقدت من وقت :fa35:

اليوم:

6:30 نشيت وتلبست
8:00 فالكلاس
10:00 خلص الكلاس وسرت الكوفي بين وسرت الكلاس الثاني :Oo: تمينا نشتغل وجيه
12:00 تشاوفت وي ربعي ويلسنا
1:00 كلاس
2:00 خلص كلاسي بس تميت بزي
3:00 سرت كلاسي الاخير الي ما احس فيه ( كله سوالف ) :heart:لوول
4:50 طلعت ورديت البيت خمس وشي
والحين انا هني :redface:
شمعة أمل
26-02-08 ||, 10:11 PM
اليوم الثلاثااااء!!!!!
الموود: مستاااااااااانسه:fa34:

الموضوع:
نشيـت 8 لانه كان عندي جم الساعه 9.. استانست في الجم لانه سوينا اشياء يديده!!! ومن عقبه وانا أجهز لعزيمتي:fa34:
اسمينا استانسناااااااااااااااااا ا ووواااايد ضحكناااااا واستهبلنا وتصورنا صور تقولون هنوود.. ونحن في نص البحر فجأه يونا الشرطه:fa46: لول ضحكني الشرطي ويا طراده والليتات.. آخر شي كل هالحشره عشان يبانا نتم على اليسار لانه مادري شو مستوي المهههههممممممم
عقب يوم ردينااا يلسنا في الميلس وشغلنا تلفزيون عقب حطينا اغاني.. أحلى شي انه ربيعاتي من جنسيات مختلفه.. الى حطت اغاني ايرانه والى حاطه هندي والى حاطه مادري شووو:tounge: تمينا نستهبل وننقز لول:11:
ماروم اشرح اليوم لول.. صدق استاااااااااانسسسسسسست..
ولا بعد سرت نزّلت بنتين بيتهم.. ووحده في the springs < كششششششخه عندهم نهر ومادري شووو والمكاان شو عووود بس وااااايد فييه مطباااااااات.. ريلي عورتني وانا اسوق والسبب المطباااات!!!!! لا بعد دشيت داخل بيتهم وأكلتني حلاوه ايرانيه :tounge: طعمه لذيذ تقولون رافييلوو!! وعرفتني على خواتها عقب سرنا نتمشى عند النهر:heart:
بعدين سرت the gardens بعد حلووو بس ذا سبرينغزز احلى.. وايد مستانسه لاني سرت اماكن يديده وانا الى اسوووووووووووووووقققققققق ققققققققق:11:

من شوي رمست امييي:heart: كنت أخبرها عن يوميييي:heart:





اليوم يوم لاينســــى...

وايد استانست..من كم من يوم وانا متضايجه بس الحين احس اني بطير من الوناسه:fa34:


بعض الصور



http://oasis.bindubai.com/bin/uploaded/2373_01204049258.jpg (http://oasis.bindubai.com/bin)

الشرطي
http://oasis.bindubai.com/bin/uploaded/2373_01204049445.jpg (http://oasis.bindubai.com/bin)

برع بيت ربيعتي بالغلط صورت هالصوره :tounge: بس يعني لازم احطها لانه فيها ورررررد:heart:
http://oasis.bindubai.com/bin/uploaded/2373_21204049258.jpg (http://oasis.bindubai.com/bin)


(فييه فضوول ابا اعرف شو داخل الهدايا الى عطوني اياها بس مابفجهم لين عيدميلاديييي):ghostface:
دمعة شوق
27-02-08 ||, 12:26 AM
^
عسى دوم هالوناسه يـ شمعة أمـل
بس تعالي بتخبرج شو هاا الاسود الدويري اللي في الصور
/


سلامات مايهزك ريـح
:)
صريح
27-02-08 ||, 12:38 AM
دمعه شوق


اسمها بويه .. و جمعها بويات
ينزلونهن ع الزوايا عسب اليخت ما يدق اليخوت الثانيه
او يدق رصيف المرسى يوم يوقفونه

سوالف هل البحر هههه
:14:
دمعة شوق
27-02-08 ||, 12:45 AM
آهـااا
يابويه شدرانيه بسوالف البحر
انا راعية رجااب هب بحور ومادري ويش
:)
بس ومنكم نستفيد
شكـرا ً صريـح
صريح
27-02-08 ||, 01:03 AM
دمعه

تسرحين الرجاب كل صبح ؟ ..
:14:

انزين سؤال ع الطاير .. شو هي الـ لقيه ؟
شمعة أمل
27-02-08 ||, 11:00 AM
هيه يسمونهم بويات p: لول
مــهــابه
27-02-08 ||, 04:17 PM
/
اليوم :

الأربـعـا


المزاج :

مريضـه


الموضوع :

~ عـوق الضرس مخبل بي:k_no: ، من البـارحة وانا مب راقدة عـدل بـاكيـتMafepain قـرب يخلص وانا ضرسيه للحين ماخف:3:

معكر عليَه مزاجي ، واللي زاد الطين بـله

كنـت متفقـه مع ختيه انه تخطف عليه ونروح العـين مول ونتمشى منيه ومناك ، وخلاف أرد البيـت

لكـن الأخـت ع قـولتها عندهـا شغل ومب متفيجـه:fa55:


~ الواحد يوم يكون فيه شي يعوره ، مايكون له مزاج يسوي شي موليـه . .
ملاك الروووح
27-02-08 ||, 04:37 PM
:

مهابتي

ما تشوفين شر حبيييييييييبتي

حاسه فيج والله :k_no:

:

شمعتي

يعلها دوم هالوناسه

:m_9afgah:

وكل عام وانتي بخير مقدماً .. :fa41:

شو حياتج !!

أنا لو منج سيييييييييييده ببطل الهدايا .. ما أقدر أستحمل :fa56:

::

رمشوه

هاااااااااااااااه

يعني السالفه طلعت هي اللي ف بالي !

منو هو الانكلودد ف الموضوع انزين :biggrin:

<< لقافه هاه لووووول

الله يوفقج ويجدم اللي فيه الخير :fa56:


ياحليييييييييله أخوج

اتذكرت يوم ملجته يوم نحن كنا يالسين ..

وشافنا جان يقول حق حرمته منو هييل ؟ قالت له ما أدري :biggrin:

ونحن مستانسين يالسين نسمع بعد :hysterical:

وأنا كنت أبي أرد عليه أقوله انا بنت فلان الفلاني :k_harhar1:

والله شكلنا كان صج غبي:biggrin:

::

بكمل الدايري عقب

بتشل اختي اللاب توب .. :fa46:
رمــش الغـــلا
27-02-08 ||, 04:43 PM
ملاكوووووووهـ

عاد انا مادري شو اللي فبالج

الانكلووود كل اللي فالبيت ^^

رياهم طبعا بس اسبشلي أنا لول



....

انشاللهـ بخبرج قريب لو كل شي تم ع خير ^^

..

هي أحيد واللهـ

يوم ملجتهـ

وهي حليلها حرمتهـ بعد ما تدري

ثاني يوم عقب الملجة سألنا منو هاييل

وجان نخبرهـ

اونه ماشاللهـ كبروا

ما كنت أعرف ان هم هاييل
دمعة شوق
27-02-08 ||, 09:01 PM
دمعه


تسرحين الرجاب كل صبح ؟ ..
:14:



انزين سؤال ع الطاير .. شو هي الـ لقيه ؟




لـقـيـه هــي سن ( عمـر ) الـنــاقـه أو مرحــلة من مراحـلهـا
:fa35:
شمعة أمل
27-02-08 ||, 09:13 PM
ملاك الروح
وانت يبخيـر
لا ماقدر.. لازم افتحهم يوم ميلادي.. ميمعه الهدايا من يمكن اسبوعيـن.. مادري شو سالفة كلحد .. يطرشولي الهدايا من وقت p=



اليوم الاربعاء
المود بخير
الموضوع


نشيت وجسمي يعورنيييييي وكنت لازم أسير الجم =< .. المدربه شوي وبتكفخني لاني مب رايمه اتحرك لول.. حتى ماروم أرفع ايدي نفس الاوادم.. كل عضلات جسمي تعورني:hysterical:
بس الحمدالله اني سرت الجم
لانه شفت تايراا وفي البرنامج كانو يابيين حرمه وهي بروفشنلل في مكانة الياهل من بين اخوانه.. يعني كيف الاهل يعاملون ولدهم العود ولا الى في النص ولا آخر العنقوود
مع انه اهلي وااايد يسولي سالفه بس قلت خلني اخذ كم من معلومه عشان عيبني شو قالت:hysterical: يقولون انه الياهل الى في النص لازمممممم الام والابو يعاملون هالياهل احسن معامله.. ودايما يقولوله انه يحبونه وانه هو مميز.. ومثلا يعلقوون الشهايد ولا رسومات على الثلاجه.. ولازم يطلعون هالياهل روووحه جي يعني مثلا لازم امي اطلعنيي روحي بدون خواتي ولازم ابويه يطلعني بدون خواتي عشان احس اني مميييزه ويحبونيييي.. ولازم دوم يقولولي انهم يحبوني واني مميزه:heart:
يوم جي قالوو شو استانست.. هههههه.. للعلم هالسالفه انه الى في النص مايعبرونه ماينطبق على بيتنا.. في بيتنا انا اكثر وحده يسولها سالفه :hysterical: بس يعني بعد اباهم يدلعوني أكثر..

ابويه رد من الشغل عالمغرب جان اسير عنده وقلتله شو قالو على البرنامج:tounge: قلتله لازم دوووم اطلعنيي روحي :tounge: فديييته عقب سيده وداني فندق القصر حق كوفيييي:heart: ويوم كنا هناك اتصلت في امي جان اقوللها بما انها مسافره لازم تشتريلي انا هدايا اكثر عن خواتي ويوم ترد دبي لازم اطلعنيييي روحييي:tounge: < شريره:tounge: في البدايه ماصدقتني بس قلتلها بيبلهاا الحلقه لو تباا

اسميني مستانسه على هالحلقه:11:
مجموعة إنسان
28-02-08 ||, 03:57 PM
سلام عليييييكم


اليوم الخميس
الساعه 3:49

الموود لين الحين اوكي ,,
قبل شوي قااعد من النوووم .
راقد الساعه 8 ...
صارلي كمين بعد الصلاة ,,
كنت لابس شورت وتيشيرت واني بطلع باخذ الجريده من برع
والجو بااارد
وانا امشي
ليييش رشاااش الماي مال الزراعه يشتغل ويسبحني
هلكت والله من البرد

وانا رااقد سولي حشره مب طبيعيه (شكلي مستهدف )
اخر شي فريت التلفون على الأرض لاني اعرف انه بيغلق لو فريته
ورقدت

عاد منو اللي يتصل ..؛ مال الحالاق يسالني اذا بسير
ربيعي يتصل يقول عندك فلم مطب صناعي
واحد متصل يقول يتكلم بلغة غريبه
بس فتح الخط ايران
عقب استوعبت منو بعد ما ما سكرت بويهه

سي يوو
المزوحي
28-02-08 ||, 06:34 PM
اليوم: الخميس

المزاج : خايس

الوقت : 6:30

الصبح ناش لكن تعبان مافيّه حيل .. قلت مب مشكلة انته الحين سير واليوم آخر السبوع .. يعني باجر ماشي

دوام .. :a049: وسرنا كالعادة، وكل واحد على راس عمله :4: وخلاف حسيت بملل، مادري هالشعور

البايخ في آخر السبوع، تبغي تطلع من وقت على تبغي تودر الشغل على تندم إنك داومت :h_negab:

رديت البيت مالي خاطر في شي، وقلت برقد .. ورقدت وقمت الساعه 5 صليت يادوب

يلست مع الاهل، ودخلت الواحات أذن المغرب ... دخلت اكتب الموضوع هذا وأذن والحينه بسير أصلي

:vampire:
مزن هتان
28-02-08 ||, 09:24 PM
اليوم: الخميس
المزاج: عااادي

الموضوع
أحس الدنيا لعبت فيني لعب، بس خلاص
مليت. Anyway أنا بـ مرحله حلوه من حياتي
و لازم استغل الفرصه و ماخلي الحزن يكتسيني.
اليوم شفتي ربيعتي آخر مره كنت شايفتنها
تاريخ 24-06-2006، شو استانسنا قعدت وياها ساعه
زعلانه من ربيعتي وايد<<< تقول لي دلوعه
شمعة أمل
28-02-08 ||, 10:42 PM
اليوم الخميس
المود مستانسه على احاتي:k_nono:
الموضوع:

تليفوني شوي وبينقع من كثر ما اتصل على تليفونات ابويه ويعطيني مغلق O_o واتصل على تليفون الثريا ويطلعلي ريال يرمس انه ماعرف شو السالفه >_< ليش جي؟ المفروض تليفونه يشتغل هناك =s زياغ
لازم أرمس ابووووييييييييييه >_< ليش؟ عشان لازم اخبره علاماتيييييي:fa34: علامات تبيض الويه الا الاكاونتينغ خخخخخخخخ مالت على هالماده والى اخترع هالماده.. حتى لو اقرى الكتاب مليون مره مابفهم شي xD والشي الى يضحك.. انه اختي مييجرهااا أكاونتينغ:tounge:
علامتي تفضح لدرجه انه يوم اشوف كل علاماتي علامة الاكاونتينغغغغغغغغغغغغغ شكلها غلط:Oo: ليرووح تفكيركم بعيد.. مارسبت:tounge:


وشو بعد

هيه

سرنا بوظبي اليوم الصبح.. انا وخواتي وربيعة اختي:tounge: اونه سايرين بوظبي عشان نفصل عبي.. ابويه عطاني بيزات وخلصتهم كلهم & البيزات الى في بوكي.. رديت دبي وبس عندي خمسـتين يعني عشر في بوكي:hysterical: كل ها عشان عبي>_<
ورديت البيت سيده سويت واجبي وعقبه بشوي كان عندي جامعه >_<
أعييييييييد
وأكرررررررررررررررررر (أكرر)

أكره... أكره.. شي اسمه كلاسات مسائيه!!!!!!!!!!!!!!!!!!!!!!!!!!!!!!!


بس الحمدالله سويت الواجب.. طلعتني ساعه من وقت:fa34:


أكسر الخاطر
I'm parent-less & BROKE:smile2:
ملاك الروووح
29-02-08 ||, 03:22 AM
::

رمشوه

لا أنا أقصد انكلودد من الطرف الثاني :k_harhar1:

مبينه السالفه ترى ويا راسج هع


لووووووووووووول

ياحليله ترى توقعنا انه ما يعرفنا أصلا @

بس كل ما نتذكر السالفه ننقع من الضحك على أعمارنا :hysterical:

سو ستيوووووبد يعني !

::

شمعوه

لوووووووووووووول

والله انا لو منج ما بقدر أستحمل !

بس صح حلاته يوم تفجين الهدايا ف يوم ميلادج :fa56:

بس ليش جيه انزين ؟ مطرشينهم لج من وقت ! :boxed:

::

اامممممم


الحمدلله خلصنا الكووووووووووووووورس :fa56:

و واااااااااااااااااااااايد واااااااااااااايد استانست واستفدت منه ..

ومتحمسه من الخاطر الحين .. :fa56: أبي أرد الدوام ..

عشان أثبت نفسي وأحسن من أدائي :biggrin: ..

عيبتني الانستركتر وايد :inlove:

فناااااااااااااان !!

حبيته للأبد :biggrin:


المشكله انه القروب اللي وياي كانوا لوزرز :boxed:

يعني ما يشجعون الواحد انه يشارك ويجاوب ..

أحس شكلي غلط يوم أجاوب روحي :9:

وكل ما أقول شي يعلقون اونه هاه نشت نشت المصريه :biggrin:

ويتضاربون يبون يشتغلون وياي في القروب

وانا مييييييييييته من المستحى .. مب متعوده أصلا اني احضر كلاسز

او انيي أشارك ولا أسوي اكسرسايز ويا قروب

لا ويا شباب بعد !! :k_puppyeyes:

ومقهوره من هاي اللي اسمها سهير ! :k_devil2:

كان المفروض اتي الكورس بس الحبيبه سوت أحلى طاف

واستويت انا البنت الوحيده .. كرهت عمري والله ! :fa43:

بس صج استفدت وايد ..

وأحس اتولهت على دوااااااااااااااااااامي !! :inlove:

ياحليلهم متصلين فيني كلهم ومطرشين لي مسجات انه المكان مب حلو بدوني

وانهم مفتقديني وايد .. وجان أتأثر !! :biggrin:


شفت راعي المج هناك .. كان عنده كورس هو بعد :biggrin:

حليله يا وسلم علي .. ما توقعت يعني ..

لأنه مستوي تتش ومس اندرستاندنغ .. وأحسه كارهني الحين :9:

بس طلع عادي كووووول .. مش فارأه معووو يعني :biggrin:

وجاااااااااااان أرتاااااااااااااح :fa56:

::

باجر عازمه بنات عمي وخواتي ع الغدا

قلت لهم خاطري نطلع جيه طلعة بنات ..

ويبالنا نسير عقب السينما .. بس بالدسه طبعاً :biggrin:

لأنه محرمنا ( اختي المعرسه ) مشغوله ومابتي ..

وممنوع منعاً باتاً انروح السينما روحنا :boxed:


أبي أغير جو ..

أبي أسوي شي كريزي هالويك اند :biggrin:

::

فيني رقاد

محد اون لاين ع المسن غير ما وحشتكوه :3:

ولاعت جبدي من شيفتها ياخي :k_harhar1: لوووول جست كدنغ حبيبتي


بسير أرقد .. بنت عمي فديتها مودرتنها روحها

صج ما أستحي ! :a058:
رمــش الغـــلا
29-02-08 ||, 01:30 PM
ملاكوووه


لا صدقيني مش السالفة اللي فبالج فديتج :10:

زين والله المهم انج استانستي فالكورس

<< ما اتخيل شكلج انتي البنت الوحيدة


لو انا ما برفع راسي

:hysterical:
...


امس كانت رحلتنا لتقنية بنات دبي

عسب الكونفرنس

اممم

حلوة كليتهم

استانسنا فيها

تمينا من الساعة 9 لي 3
:icon_rr:

...

اول شي ودونا جيه سيشن كان السبيكر ياينا قبل:nerd:

فكان من يسوي شي والا يقول شي

نحن وياهــ وحليلهـ مستغرب ان الكل متفاعل وياهـ:fa56:

لانه أصلا نعرف شو بيقول وكل السالفة:fa56:

بس انعيد الموضوع يعني :a068:

...

عقب سرنا الاوبينينق مال الكونفرنس في الاودوتيريم مالهم

وتم يرمس مدير كليتهم:whistling:

وعقب 2 سبيكرز تموا يرمسون:fa44:

ونحن شوي وبنرقد

خلصنا السوالف:a108:

حش وقرض:pullhair:

ما خلينا شي

وبعدها ما خلصت رمستها:fa52:

وياريت فاهمين شي:doh:

مب مسوين سالفة حق شي

عسب نفهم :fa46:
...

وعقب اونه كوفي بريك

ظهرنا برع

يوااااعة نبا ناكل شي بس زحممممممممة

تعرفون الزلمات يوم يشوفون اكل:hysterical:

والله لاعت جبدنا :bash:

..

عقب ردينا مرة ثانية

وبعد ردوا سبيكرز غير يرمسون

لين خلصوا استوت الساعة 1 ونص:m_9afgah:

وانا طول الوقت فالكونفرنس

اشوف اخت ملاكووه سايرة رادة

وابا ازقرها:a036:

بس ما يستوي كل حد صاخ وانا اطلع وارمس

واسويلها حركات بس مول ما تشوفني :hysterical:

وربيعاتي من اتي هذي ربيعتج ونتم نسويلها باي من بعيد بس مووول ما تطالع :a068:


....

عقب سرنا حضرنا سيشن كان حلو شوي احسن عن اللي قبله

ووجان نظهر ونسير انصلي

ويت وحدة من ربعنا اللي فالتقنية وودتنا اتعرفنا عالكلية:fa47:

سرنا السنتر مالهم

ووعقب الكافتيرا

واللايبرري

والجم

نايس كليتهم :fa35:

وجان انسير ناخذلنا سناكس ونركض عالباص

لان كنا مأخرينهم :fa46:


...

وطبعا من وصلت التقنية

مروا علي وسرنا القرية

وانا بروحي متكسسسسرة

بس ماشي لانه اخر ويكند لازم انسير :fa35:

وهيـك
بنت الدلع
29-02-08 ||, 04:21 PM
اليوم: الاربعاء


الموضوع:
كان عندنا كونفرس في كلية دبي
اففف كيف كان ممل وارف :a058:
الكونفرس بدا الساعه 10
الساعه 10 وثلث استااااذناااا محد
من الملل سار يلس برع


وحتى شيخ نهيان ماطوّل
الحرمه كانت ترمس وترمس وترمس
في نص رمستها قام وظهر !!


وهي بعدها مكمله
اخر شي لاعت جبدنا كان عندنا بريك من الساعه 11
ظهرنا وتمينا نحوط ونحوط في الكليه
كليتهم حلواااااااااااااااااااااا اه وااايد وااااااايد حلوه كل شي عندهم
بس بيئتهم مول ماحبيتها
ابدا مب بيئة دراسه


===


اليوم: الخميس
المود: راحة ورضى عن نفسي :fa35:


الموضوع:
نشيت الساعه 6
الساعه 7 ظهرت
الساعه 8 انا في الجامعه
من 11 لين 2 كان عندي بريك
قلنا بنسير Outlet
طبعا لازم اجرب كمن شارع لين ما اوصل لول :biggrin:
بس مب وايد حلو المركز
لكنه عوود وفااااااااااااااااااااااض ي هالحلو الي فيه
مافيه حد
اني ويز
خلصت كلاسي الساعه 3 وصلت البيت الساعه 3 ونص
اتسبحت وغيرت ثيابي بسرعه
الساعه 4 ظهرت وسرت كان عندنا حدث مال فولتنيرز


صدق كان شعوور ثاااني
وتجربه واايد حلوه
اول مره اجرب اني اتطوع ويا المعاقين
كنت متوقعه اني بخاف منهم ومابستحمل اشوفهم جيه
بس طلعوا العكس
ناااس جدااااا حبوبين ومرحين :fa35:


شفنا بنت واااااااااااايد كيوووووت
صدق كيووووت
بس يحليلها فيها اعاقه في المخ وما تقدر ترمس
يعني فيها شلل دماغي :k_no:
وماتروم تمشي بعد
فكانوا مخلينها في غرفة العلاج الطبيعي
يساعدونها على تقوية عضلاتها
ويتأملون ان في المستقبل تمشي :yes:


ومرينا على كل السكشنز الي عندهم وشفنا الكل
وفي النهايه سوولنا حفله
وااااايد واااااايد استااانسنا والله :a033:
كل قروب منهم كان يعرض لنا شي
الا تمثيليه او نشيده


شي واحد مواطن لابس كندوره ومتسفّر
اول ماشافنا دشينا القاعه تم منزل راااسه ومستحيييييي
وااااااايد كتكووووت
بس ماعرفت شو هي اعاقته


عقب كان عرضه انه جيه يدور ويا الشباب الي وياه ويرقص
افففففف عجيييييب
ههههههه كيف كااان يرقص
جيه يتم يصفق ويهز جتووفه
هلكنا علييييه من الضححححك
واااايد كااان حبووب وfunny


وشي بنتين وزّعوا علينا جيه شرات الحلويات
مسّتهم قالت انهم من يومين يشتغلون عليه لان عرفوا ان بنيهم يوم الخميس
وقدموا لنا الحلويات الي سووها
واااااايد لذييييييذ ماشالله عليهم


وبعدين استاذهم شل المايك وقال ابا 4 من بنات زايد
ونحن الاربعه كنا في ويهه
ثنينه ساروا
انا ووحده تمينا واقفين
البنتين قالوا له اسم وحده منّا


جان يقول "فلانه" تعالي
( انا والي عدالي نفس الاسامي وهي ماتعرف اسمي )
جان اقولها سيري يزقرج لول
ابا ابعد الشبهه عن عمري
جان يرد ويقول الفلانه التانيه
اونه شي (فلانتين) لول


قففففففففطه صدق كنت مستحيييه وين يبااااني اسير :blush:
المهم مشيت وسرت هناك عندهم


كانوا حاطين اربع متسابقين
ونحن البنات لازم نعطيهم طابه وهم يركضون ويفرونها هناك في العمود ويردون


وجي الكل يشجّع ومتحمس
اخر شي المتسابق الي كان وياي فاز


وبعدين يابولنا متسابقين ثانيين
الي هم عالكرسي "ويل جير"
واتخيلوا شو لازم نسوي !!


نحن لازم نعطيهم الطابه وندزهم ليييين الصوب الثاني يفرونه فيه ونردهم
ومره ثانيه نعطيهم الطابه ونوديييهم يفرونه
هههههههه :birgits_giggle:
ركضونا


والله وااااااااايد كاااان حلوووووو
الكل كاااان يشجع
وانا صدق كنت مستحيه لاني اول مره جيه اسوي واشارك وياهم بس بعدين حسيت انه شي وااايد حلوو :inlove:


احس ان الواحد يوم يشارك في هذي الفعاليات يحس انه سوا شي في حياته
وهالشي وايد بينفعنا في حياتنا الحين وفي اخرتنا :fa51:


كفايه اني اشوف البسمه على ويوهم
وهم مايعرفونا بس اييون يمدون ايدهم ويسلمون علينا
وايد اجتماعيين ماشالله عليهم


اتحسفت اني ماشليت كاميرا وياي
وهالصوره بالفون


http://oasis.bindubai.com/bin/uploaded/2211_11204287112.jpg


مره في كل شهر بنسير لهم :fa35:
ملاك الروووح
29-02-08 ||, 06:54 PM
::

رمشوووووه

وياراسج .. قالت لي اختي انها شافتج @!

:fa56:

جان قلتييييييييي ليييييييييي كنت بي والله !!

ما وحشتكوه قايله لي انها بتسير بعد ..

وقلت لها اتخبرني من وقت عشان آخذ أف من الدوام وأسير لها . .:m_9afgah:

وايد كشخه كليتهم ..

وبعدين نص ربيعاتي مال المدرسه هناك .

وانا مرابعه ربيعات اختي .. ف أحس جني من بنات الكليه :hysterical:

::

:hysterical:يوم بتسيرون مره ثانيه خبريني ..

:fa47:

::

بنت الدلع

كشخخخخخخخخخخه والله

صج شعور ثاني يوم تكونين جيه متطوعه وتشاركين ف مثل هالفعاليات ..

يزاكم الله خير على زيارتكم هاي ..

أكيد ونستوهم .. وغيروا جو حليلهم .. :11:

::

اليووووووووووووم كان بزي ..

من الصبح ونحن في السوق ..

بنت عمي يايه بالاكس فايف .. وخليناها تودينا بموترها :biggrin:

وانا مستويه شرات هالمهنده الفقر .. يالسه في السياره واتصور :hysterical:

وايد حبيت لون السياره من داخل !! دشت خاطري :inlove:

خذت لي يمكن 6 نعل :fa46: بس دخلتها البيت بالدسه ..

لأنه الوالده لو شافتني بتلعن خامسي .. ماشي مكان ف غرفتنا ..

عاقين النعل عالدري اللي فوق .. ونصها في الستور .. والنص الثاني اختي

امس شلتهم و ودتهم الهلال الأحمر .. :biggrin: .. وبعد ماشي مكان !!

مستويه شوز هولك .. :9: !!

خذت لي وايد خرابيط .. واشخط واشخط بالبطاقه ..

لين حسيت اني مصختها وايد .. ويوم جيكت ع الرصيد ..

شفت انه باجي لي ألف وشي !! :fa46:

ونحن ف أول الشهر توه الراتب نازل ..

بس أنا أتريه أستلم بيزات جمعيتي هالشهر .. عشان جيه ما أحاتي وايد :11:

مخططه وحاطه بلان شو بسوي فيهم ..

بس أفكر اني أحطهم مع ولد عمي ف محفظه .. وينزلوا لي كل شهر مبلغ مرتب ..

:h_daleel:

وايد مستويه أصرف !!

::


اممممم

AM So ProuD Of My Bro-In Low !!

:inlove:

ماشاءالله عليه مبيض ويهنا .. ورافع راسنا بين الناس ..

كان يداوم قبل ف نفس المكان اللي أداوم فيه ..

والكل يمدح فيه وفي أخلاقه .. حتى الانستركتر مالنا يوم قلت له انه يسلم عليه ..

تخبللللللللل .. تم جيه ساعه يمكن يمدحه .. :biggrin: ويقول انه كيف قدر يغير ف المكان

اللي اشتغل فيه .. !!

ع قولته UR Sis Is Really Lucky 2 Have Such a Husband :biggrin:

وفعلاً شي اززززززززززز :fa56:

أبي ريلي يكون نفسه ..

يخليني فخوره ومستانسه عليه .. :inlove: ويرفع راسي دووووووم بين الناس ..!
المزوحي
29-02-08 ||, 08:59 PM
اليوم : الجمعه

المزاج : عادي

الوقت : 9 المسا

تدرون انا سبب نفسي بنفسي ( مب اغنية بوبكر ) :k_harhar1:

ماعرف اتكلم عن نفسي شخص مب فضولي مب لحوح ولا اتدخل ولا أسأل .. يعني جيه :fa42:

بس اظن هذا ماينفع في هالزمن :look: عيل ما اشوف عمري اوكي واللي يسأل اشوف الناس

مسوين لهم قدر أكثر .. يعني هل اغير من طبعي عسب ارضي نفسي ؟؟

ما احب أكون ثجيل .. اي شي يستوي اكون بعيد .. ما أسال ربعي عن سعر الشي الفلاني ..

سيارة .. او اشي يمتلكونه .. كله عادي عندي ...

اتحرى جيه كشخه ..

مب عن يسألوني في المقابل .. لا ..

شو رايكم الحينه ...

.....
شمعة أمل
29-02-08 ||, 11:07 PM
اليوم 29-2-08
المود الحمدالله
الموضوع: It's a leap year!!!!!!!

أحس اني وايد هبله >_< كل ويك اند عندي روتيين:tounge: لازم انش من الرقاد وانزل تحت اسير ايبلي دبة ماي عوده واسير ايبلي لحاف صغير واسير الصاله وأكمل رقادي هناك لـ ساعه او ساعتين بعدين انش من الرقاد :hysterical: مادري ليش؟ مع انه يوم انش من الرقاد اول شي اكون شبعانه رقاد بس يوم انزل من الدري اييني رقاد (وهالشي يستوي بس في كم من ثانيه يعني)
في حد جي ولا بس انا؟:fa46:


اليوم كان وايد ملل بس حق العشا خواتي طلعوني وودوني الستييك هاوس في فندق كراون بلازا لانه وايد احب الستيييييييييك:heart: وايد مفتخره في اختي الصغيره لانه هي الى حجرت:a034:
وسويت شي وايد غبي.. في الرده ابويه اتصل ويوم اختي عطتني التليفون انا شليت التليفون بالجلب ويلست ارمسه واقوله ابويه بلاااه صوتك ماينسمععععععععع واتحرطم على اختي واقوللها تليفونج كجره.. آخر شي استوعبت اني انا شاله التليفوون بالجلب:hysterical:



الحين نتريا ربيعة اختي تي بيتنا.. بتبات عندنااا:heart: باجر بوعيهم عشان يطلعوني اتريق.. بعدين ربيعتي بطلعنيييييييي بعدين ماعرف شو بيسون

مب تنسون.. باجر عيدميلادي:tounge: يعني عقب 55 دقيقه



تصبحون على خيرررر:heart:





ملالالالاك الروووووووووح
ترا على قولتهم يبون يعطوني الهدايا فيس توو فيس:tounge:
المزوحي
29-02-08 ||, 11:59 PM
كل عام وانت بخير شمعةةةة ...
وحي القلم
01-03-08 ||, 12:31 AM
هذا في مدينة الخدمات الانسانية اللى فالشارجه ؟؟

كنت سايره قبل كمن سنه :icecream:

حلو المكان أتذكر كان وياهم ولد صغيروني امسوي جو ما شا الله عليه مع انه ما يرمس

كلهم كانو متخبلين عليه :tounge:

و الله أيام.. ذكرتيني يا بنت الدلع يبالي أسير أدور صورهم اللى عندي :fa35:
بنت الدلع
01-03-08 ||, 01:03 AM
ملاك الروووح
وايد تحسين براحه يوم تظهرين من عندهم
وتحسين انج سويتي شي عظيييييم =)
وكفااايه استقبااالهم الكبييير لج

وحي القلم
هيه الغاليه
اسمه مدينة الشارقه للخدمات الانسانيه
هم وايد حبوبين ماشالله عليهم
الله يشفيهم يارب

يوم ينشدون نشيدة انا انساااااااااان
قلبي يتقطع علييييهم =(
المشكله نحن في مجتمعنا ننظر لهم نظرة خوف وشفقه
وهم مايبون يشوفون هالنظره الي تحسسهم انهم اقل عنا
مجموعة إنسان
01-03-08 ||, 12:57 PM
هذا اخووووي الكبير مسوي زحمه

امس سرت دبي الساعه 9
اخذت ربيعي من البرشااا ( الحين 3 مرات اضيع واسير عند كفتريا شباب البرشا وانا لازم اسير عند كفتريا شمس البرشا)

المهم
عقب سرنا السينما
وتقولون سايرين نتعشا
انا ماخذ كرسبي و كورن والنجس حق المزه بس
وربيعي نفس الشي

المهم ونحن واقفين
في واحد او وحده
مافرقت
هو لابس كندوره بس حاط مكياج
!!!

المهم
هذا طلع جدامي انا ما ادري ليش ويهي لوح هالأيام
على طول ضحكت في ويهاا
جااان يعصب ويقول
إيه أنت شوفيك تضحك علي ..
قلتله : رووح لا يا الخداااي
روح شل المكياج اللي بويهك وتكلم هههه


عن يوهقني بس !! سهمهم مرتفع هذيل

المهم
عقب طلعنا من السينما
وسرنا بيتزا هت جميرا
وضربنا هذيج البيتزا العجيبه
وخلصنا
عقب سرنا القهوة
قعدنا جذي لين الساع 1:30
سرت نزلت ربيعي ورجعت البيت
وطووووول الخط

أحبك لييييه أنا مدري
لي أهواك انا مدري
الزرعوني
01-03-08 ||, 03:40 PM
عن الكونفرس يا بنات

انا كنت موجود السنة الماضية .. امثل كلية التقنية الشارجة

لوووووووووووووووووووووووو وووووووووووووعه جبد

حتى اخر يوم .. المفروض اتم فيه لان الشيخ نهيان بيمر على الـ exhibitions .. رديت الشارجة .. ما تحملت اكثر .. حسيت اني بنبط
شمعة أمل
01-03-08 ||, 10:48 PM
اليوم يوم ميلادي
المود مب مصدقه
الموضوع: عيدميلادي:fa35:


انا مستاااااانسسسسسسسسسسسسسسس سسسسسسه
خواتي طلعو أذكى مني.. كل ما اتوقع انه بيسولي سالفه مايسولي السالفه والعكس لول!
على الساعه 12 يابولي كيكه وغنولي:tounge:


http://oasis.bindubai.com/bin/uploaded/2373_01204396837.jpg (http://oasis.bindubai.com/bin)


اليوم الصبح سرنا نتريق وعقبه سرت السينما اشوف فلم مممممممممل & غدا متأخر ويا صديقتي الصدوقه.. وفي السياره تقولي شو بتسوين يوم بتردين البيت.. وانا اقوللها مادري عبالي خواتي بيسولي حفله ولا شي بس لااا ولا يوم دشينا فريجنا اسميني انصدمت:hysterical:
مكشخين سيارتي :icon_rr: ماروم اشرحلكم كيف:fa46: كاتبيلي كل عام وانتي بخير كل مكان ولا بعد كاتبيلي كل عام وانتي شيخة الحريم:hysterical: خواتي & ربيعاتهم كلهم رسمو على سيارتي it was AMAZINGGGGGGGGGGGGGGGGGGGGGGGGGGGGGGGGGGG!!!!!!!!! !!!!! والكشخه انه مبركينيين السياره برع عشان العالم كله يشوفه .. ف عشان جي مابحط الصوره.. يمكن خطفتو جدام بيتنا بعدين بتعرفون وين أعيش:hysterical:

كانو ملصقين هالورقه على سيارتي .. أول شي تحريته مخالفه من الشرطه :tounge:

http://oasis.bindubai.com/bin/uploaded/2373_11204396837.jpg (http://oasis.bindubai.com/bin)

كان مكتوب اني لازم اسير عند الباب:tounge:

http://oasis.bindubai.com/bin/uploaded/2373_21204396837.jpg (http://oasis.bindubai.com/bin)


طلعو عازمين ربيعاتي الكلوووووسسس:heart::heart::heart::hear t:

http://oasis.bindubai.com/bin/uploaded/2373_01204396946.jpg (http://oasis.bindubai.com/bin)

http://oasis.bindubai.com/bin/uploaded/2373_11204396946.jpg (http://oasis.bindubai.com/bin)

هالكيكه وصلتني اليوم الصبح ويا هديه من ربيعتي ماكسييين:heart:

http://oasis.bindubai.com/bin/uploaded/2373_21204396946.jpg (http://oasis.bindubai.com/bin)

هالكيكه من صديقتي الصدوقه:heart:

http://oasis.bindubai.com/bin/uploaded/2373_01204397052.jpg (http://oasis.bindubai.com/bin)

ورد:heart:

http://oasis.bindubai.com/bin/uploaded/2373_11204397052.jpg (http://oasis.bindubai.com/bin)



وايد مستانسسسسسسسسسسسه:fa35: مول ماتوقعت اني جيي يسووليي حفله جميييييله.. والاحلى اني بس عزمو ربيعاتي الكلوووس .. وايد مستانسه عادي اصيح:tounge:

ميلسنا شكله يجنن متروس بالونات وهدايا:heart: مابا اشل شي من هناك اتريا امي ترد باجر عشان تشوف الميلس:icon_rr:

انا وايد مستانسه:fa35:



الحين بسير ارد على موضوع بنت الدلع:heart:
& المزوحي.. وانت بخير شكراا
ا ل غ ل ا
01-03-08 ||, 11:09 PM
رووووعاااااااااه عيشتيني الجو

تدرين طول ما أقرى الدايري مالج وأنا مبتسمة ^_^

عساج دوم مستانسة

وكل سنة وأنتي بخير ^_^

وربي يحققلج اللي تبينه
بنت الدلع
01-03-08 ||, 11:17 PM
^ اويه بتصيحيني وياااج
they are sooo emotional +_+
الله يخليييهم لج ياااارب
وان شاء الله اياااامج كلهااا ونااااسه =)

===

الزرعوني
وقت البريك ظهرت برع وشفت ربيعتي من الكليه
قالت انتي هنييي !! شو تسوين
لاتقولين يايه عشان الكونفرنس !!
قلت لها هيه
قالت صدق ماعندج سالفه !!
قلت لها صخيييي برووحي لايعه جبديييي جان زيين تميت في البيت ورقدتتت
مادري ليش جييه يسوون كونفرنس ممل ويلوع بالجبد وابداااااا مامنه فاااااايده >_<
شمعة أمل
01-03-08 ||, 11:34 PM
الغلا
ان شاء الله دوم مبتسمه :)
وانتي بخيـر ومشكووره (F)

بنت الدلع
they exceeded my expectations!! :D
تحفه
02-03-08 ||, 12:21 AM
لووووول وايد كيوت يوم عيدميلادج ماشاءالله عليييججج

انا يصادف اني امتحن شي فيه رياضيات كل يوم عيدميلادي من ست سنوات لوووول!! نحسه هاها!
مايهزك ريح
02-03-08 ||, 09:23 AM
الأحد ..
المزاج تمام إلى حد ما
كان اتعس ويك اند يمر عليه .. طايح في العياده 4 ساعات على المغذي ..كان عندي تسمم .. وظاربيني ابره ..
ما صحيت إلا يوم السبت !
رمــش الغـــلا
02-03-08 ||, 04:28 PM
كل عام وانتي بخير شمعهـ ^^


شكلج استااااااانستي فالحفلة >>


عقبال مليون سنة ^^


:happybday:

......




ما يهزك ريح


سلامات << الله يعينكـ :smile2:
بنت الدلع
02-03-08 ||, 05:50 PM
اليوم: الأحد
المود: كالعاده :redface2: sleepy

الموضوع:
معاناااااااه ليييين مانشييييت الصبح
كل مايدق الاااارم اسكره
واخر شي سويت skip لاول كلاس
لاني كنت مسطططططله
وحضرت الكلاس الي الساعه 10
ومن بعده كان عندي كلاس الساعه 11 لين 12
الساعه 12 ونص سرت عند اختي
يلست عندهاا
وشفت ولدهااااا التااااايني :fa35:

فدييييييييييييييييته يوم تشله كيييف حجمه صغيييييييير
وااااااااايد كتكووووت
صدق يخبل يوم تشوفونه بدون قماااط
تميت العب بسويجي عشان يصد صوبي
تم يطاااالعني فديييييته والله وفديييت عيوووونه الصغاار :inlove:

وبعدين رديت الجامعه ويلست لين الساعه 3
خلصت كلاسي وصلت البيت الساعه 3 ونص
وتمييييت الا سوااالف ويا ماما ومرت اخويااا

وبعدين ماما قالت لي قصص عن بر الوالدين
so emotional والله :d010:

اتمنى اني اكون مثل ينضرب في طاعة الوالدين
!!
قلت اتمنى بس بعدني ماوصلت لهذي المرحله
احس لو شو ماسويت في حياتي
مستحيل اوفي حق ماما وبابا :k_no:
بس i hope انهم يشوفوني مثل مايبون
واهم شي اكون the best ومافي مجال للمقارنه بيني و بين قريناتي :fa35:

والحين يالسه افكر شو اسوي :m_afaker:
بحاول اني اتفيج وابدا في my essay

wish me a good luck
شمعة أمل
02-03-08 ||, 07:08 PM
تحفه
اويه ماث مره وحده.. ماتخيل اني امتحن شي يخص رياضيات كل سنه في يوم ميلادي!

مايهزك ريح
سلامات ماتشوف شر!!!!

رمش الغلا
وانتي بخير:fa35:




اليوم الاحد
المود مب اوكيه
الموضوع
مع اني رقدت لـ 8 ساعات بس نشيت من الرقاد وانا تعباااانه ماعرف شو بلايه اليوم.. تريت لين ما امي ردت البيت وبدال ماسلم عليها سيده قلتلها شو رايج في ميلسنا :icon_rr::icon_rr: عقب داومت وليتني ماداومت..
سواقتي كجره.. تدرون يوم تسوقون وجي عيونكم تغمض شوي وبترقدون:ghostface:
بعدين داومت ونفس الحاله.. وعيوني تعورني من الليتات في الجامعه :ghostface:
رديت البيت من وقت ورقدت من 11:30 - 1 وبعدي ماشبعت رقاد:ghostface:

احس اني بزجم.. لانه من كم يوم وانا أعطس:tounge:

من كثر ما فييه رقاد كنسلت الاجتماع الى عندي اليوم العصر وماسرت المحضاره & الكلاس المسائي >_< قلت حق وحده من البنات تخبر الابله اني مريضه .. يمكن ماتحطلي ابسنت؟

أفكر أكنسل الجم باجر بعد مافييه اسير ولا بتسويلي بوت كامب
المزوحي
02-03-08 ||, 09:20 PM
مايهزك ريح ماتشوف شر، سلامتك ...

اليوم : الاحد

المود : مب لين هناك

الوقت 9:30

قمت على الساعه 6:15 وظهرت من البيت 6:45 ووصلنا بحمد الله ... وكالعادة شغل، روتين، بس اليوم بزيادة

بداية السبوع .... تغديت في الدوام، رديت البيت رقدت نص ساعه .. قمت صليت العصر وسرت العيادة ..

لأنه بلاعيمي وأذني .. أحس بألم كبير ... وصرفوا لي الادوية ..

سرت اشوف سيراميك ...

خلاف مريت الفستفال آخذ شغله ... ورديت البيت تعشيت ...

والحينه دخلت الواحات اكتب لكم دياري ..

وووو


بس يبالي سبوح ...
مزن هتان
02-03-08 ||, 09:43 PM
اليوم: الأحد
المزاج: عااااادي

الموضوع
ربيعاتي وايد دلوعات، كل شوي أقعد أراضي فيهن
كل وحده تغار من الثانيه اشق عمري يعني ؟!!
اليوم طلعنا أنا و خواتي غيرنا جو لأن بالويكند كلش
ما طلعنا، كنا ابـ فستيفال نحن بعد

كنت قاعده مع ربيعتي، طرشت لي الثانيه مسج و هو:
ادري لو غبت عنكم ما كن غاب عنكم شي
ترى النخل لو طاح تمره ماكنه صاب النخل شي
^^ ويهي عورني

end of the DAY
أحب ربيعاتي وايد و ربي لا يفرق امبينا
تحفه
02-03-08 ||, 09:59 PM
مايهزك سلامااااااات.. ماتشوف شر والله
ودر الالبان شويه واكتف بالاشيا الخفيفه وان شاء الله تنش بسلامه بسرعه



شمعه : لول صار شي عادي XP
تحفه
02-03-08 ||, 10:03 PM
هي صح مايهزك يمدحون ماي اسمه ماي مرقدوش .. ريحته خاااااااااايسه بس مفعوله سحري لول! مادري وين ممكن تحصله نحنا ايبونهلنا من البحرين
مايهزك ريح
03-03-08 ||, 08:48 AM
الله يسلمكم من الشر اخواني ..

تحفه انا كنت صالب على لبن .. وروب .. :biggrin:

ماي مرقدوش اعرفه يبيعونه في السطوه ..اعتقد كانت الوالده تشتريه بس ما اعرف لشو يستخدمونه !
ملاك الروووح
03-03-08 ||, 11:42 AM
::

شمممممممممممممعتي

كل عام وانتي بألف خير حبيبتي

و:fa56:


وعقبال المليون سنه ان شاءالله


:fa41:

:

عسى عامج سعاده .. وحب .. وفرح ..

وان شاءالله تحققين فيها كل أحلامج وأمانيج ..

:a070:

::

فديتج

والله وكبرتي :biggrin:

بس بعدج صغيره !

:

( أنا متأكده اني حطيت رد هنيه من قبل وين راح :k_puppyeyes: )

\
ملاك الروووح
03-03-08 ||, 01:03 PM
:

مايد

الحمدلله ع سلامتك

ألف لاباس عليك

:a070:

::

مستااااااااااانسه اليوم .. ماخذه أف ..

أبي أرتاح من ضغط الدوام ..

البارحه كان عندي شغل أسبوع كامل بما انه كان عندي كورس

وما عندي باك أب عشان يسوي شغلي وانا مب موجوده :3:

ويااااااااااادووووووووووو ب خلصت ع الوقت ..

لا وحاطيني أكتنغ مكان السكرتيره بعد .. لأنها مسافره :fa46:

ما كنت أدري انها تسوي كل هالشغل !!!!! :boxed:


حسيت اني أبي برييييييييييييييييك من كل شي ..

وغالقه تيلفوني بعد لأني أدري انهم بيحرقونه أز يوجول !

وفديتها ما وحشتكوه خافت علي .. تتحرى صايبني شي :biggrin:

:

ياني كستمر البارحه قهررررررررني

شاف اسمي ع الآي دي .. اونه لو سمحتي .. قلت له نعم ؟

اونه هذا اسمج :k_puppyeyes:

<< لا اسم بنت ييرانا ..!

كان خاطري أفره بالستابلر اللي جدامي .. :3: بس أمس يايه من كورس كستمر سيرفس

ف هالتصرف بيتعارض مع اللي اتعلمته لووووول


( اسمي عاااااااااااااااااااااااا ايبني خلااااااااااااااااااااااا اااااااااااااص ..

حبيييييييييييييييييييييته للأبد .. وما بغيره .. عشان خاطر أي حد !!! )

:k_harhar1:

:
مايهزك ريح
03-03-08 ||, 01:09 PM
الله يسلمج من الشر ..
انتي شو اسمج ..
انا مرت عليه اسامي غريبه .. ليكون اسمج بينهم !
نانيس - فينوس - نيلوفر - هميان - ليوذا مادري ليوزه - فريشته -عذيجه - طريفه - بريسم - شطيطه - بوتا >> شكلي بنظرب :biggrin:
ملاك الروووح
03-03-08 ||, 01:14 PM
أشوف الكل عرف الجواب عشان جيه شليت وسائل المساعده لوووووول
مايهزك ريح
03-03-08 ||, 02:18 PM
اللي اعرفه .. اسم افسانه .. بس احيد انه هالأسم يعني الأسطوره فما اعتقد انه هو نفسه !
بس بدور
ملاك الروووح
03-03-08 ||, 02:40 PM
ان شاءالله تطلعون بنتيجه :k_harhar1:



::

تيلفوني كان مغلق من البارحه لأنه اختي مبدله ويا تيلفوني ..

أونه عندها Pink Week :boxed: .. سو تبا تشل موبايلي البنك ..

وقاصه علي بطارية تيلفونها الموتو مفضيه وانا ما كنت أدري يعني انه الموبايل مغلق

اني ويييييييي

انا طرشت مسج حق التيم ليدر وقلت لها اني سك ما بقدر أداوم وقلت لها حطيني أف

بما انه عندي 4 أفات .. :h_daleel: ورقدت

وتوني يوم فجيت التيلفون .. عقب ما يابوا لي الجارجر ..

اشوفهم متصلين 60 ألف مره :boxed: من ارقام كل الستف :hysterical:

ومطرشين مسجات : ملاك وينج ؟

وير آر يو ؟

طمنينا عنج ؟

بتداومين اليوم ولالا ؟

ستين ألف مسج بعد :biggrin:

جان أتصل بهم .. اونه انتيييييييي وييييييييييييييييييين

خوفتينا عليج .. ومادري شو

قلت لهم اني مطرشه مسج .. اونه لا ما وصلنا :boxed:

وحليييييييييلها التيم ليدر غمضتني .. حبيتها للأبد :biggrin: شوي وتصيح

اونه ملاكوه اخر مره تسوين هالحركه خوفتيني عليج والله قمت احاتيج

وما طرشتج ابسنت .. قلت لهم انها مستحيل تسوي هالحركه اونه

اهم شي انج بخير الحين .. ومادري شو .. حليلها حسيتها صج متاثره !:9:


جان أتصل ف ربيعتي على طول .. قلت لها هاه شو العلوم

تقولي انتي شو سويتي بهم اليوم ..

الفرع مشتل ع ريل وحده :biggrin: يدورون عليج

ومطلعين الكونتاكت نمبر مالج بعد .. مادري متصلين ف ابوي ولا اخوي لووووول

ويحاتونج اونه زين التيم ليدر ما صاحت :boxed: !

وعقب يلسوا يرمسوني واحد ورا الثاني ويسلمون ويطمنون علي ..

اونه بنتنا انتي .. لازم نحاتيج :inlove:



زين الحمدلله .. الله هادنها هالكمن يوم .. مستويه تحبني :biggrin:

وأناا دهااااااااااان سير من الخاطر .. :h_daleel: والله ما ينفع وياهم الا جيه ..

وبتشوفون ..هذا ويهي ان ما حطتلي في الابريزل اخر السنه اكسلنت :k_devil2:


:



:

حلو جيه يوم تحسون انه في حد مهتم :biggrin: وتدلعون عليهم ..
ملاك الروووح
03-03-08 ||, 02:55 PM
::

وااااااااااااااايد مستانسه ..

:fa56::fa56::fa56::fa56::fa56::fa56::fa56:


فديت أمي ..

أوللللللللللل مره تحضني ..!!!!!!!!!!!

:9:


حبتني ع راسي ..

مادري ليش ..

بس جيه بدون مناسبه ..


وأنا ما تنصخت ولا قلت شي .. بس ابتسمت ..

ما حبيت أخرب على عمري هاللحظه .. واسألها ليش !! :fa41:
رمــش الغـــلا
03-03-08 ||, 06:03 PM
اليوم الاثنين


اممم


هالسبوع كراف من الخااااطر


عقب باجر عدنا اقزام في مادة صدق الاوراق يوم شفتها :k_puppyeyes:

المس تقرا وتشرح ,..


وانا وبنات قروبي كل وحدة تطالع الثانية:smile2:

كيف بنقدر انذاكر ونحفظ هذا كلهـ
:a058:

IT's toooo much

اللهـ يعينااا !!


والخميس عدنا تسليم reading log

وانا ما فكرت فيهـ لي الحين

أشوف البنات مشتطين ويشتغلون فالبيت

وفالكلاس !!


وانا :smile2:

ولا يخصني مادري ليش!!:k_no:


وأخس عن هذا كلهـ

انسوي ويب سايت

والكودز ملعوزينا

صدق اذا خربطنا ف علامة والا حرف

اخترب كل شي !!:frown:

اللهـ يعين

وانا مسويهـ طاااااااااااااف لكل شي

وبس أيلس عالمسن

والواحااااات

:fa35:



امممم

يمكن الشي اللي مريت فيهـ

أثر واااااايد

بحيث انهـ تفكيري

بس ماخذ هالشي !!!

ماعرف كل ما حد يرمسني

يقولي بشو اتحسين !!

خلاص تراني رديت عليكمـ

ليش هالاسءلة !!

يعني برد أغير رايي مثلا !!:9:

انشاللهـ يكون هالشي خيير علي واللهـ يوفقني ^^

:fa35:
شمعة أمل
03-03-08 ||, 06:27 PM
ملاااك
هيه بعدني صغيـره.. بس ماعرف ليش كلحد يقول اني عيوز =s مع انه البنات الى قالولي اني عيّزت كلهم اكبر عني p:
تدرين انه ياني فضوول ابا أعرف شو اسمجp:


مايهزك ريح
نييلوفر مب اسم غرييب.. هو اسم ايراني.. عندنا أبله نص هنديه نص ايرانيه اسمها نيلووفر.. ربيعتي خبرتني شو المعنى بس نسيت!
الاسامي الى كتبتها ماتتحدى الاسامي الى عندنا في الجامعه xD
الافريقيين والآسييويين اسامييهممممم غريييييبه وصععععععبه لدرجه انه يقولولنا انه اسمهم شي ثاني!
يعني أحيد وحده اسمه اونييلوهلونيي شي جيي كانت تقولنا سموني برشس.. ووحده نحن نسمينها ليسا اصلن اسما شي غريب وطووووويل بس نهايته أليسا
المزوحي
03-03-08 ||, 06:51 PM
اليوم : الاثنين

المود : مب شي - لأني تعبان

البارحه في الليل صدقت هلكت ... وماقدرت ارقد، والصبح قلت شكلي ماقدر اداوم اليوم

المهم ..

بلغيتهم إني ماقدر اداوم ...

ورقدت طشونه، وخلاف سرت العيادة عسب يغيرون لي الدواء، يعني فحص من أول ويديد .. وسرت مكان ثاني بعد

ومن رديت وانا خلاااااااص احس بعمري ابغي ارقد، وما احب هالشعور ...

وخذت حبة مضاد هلكتني بزيادة ... واحاول انسى الحين وقلت بدخل الواحات ...

همم أحس بيوع الصراحه ..

بسير آكل شي
تحفه
03-03-08 ||, 09:43 PM
تحفه انا كنت صالب على لبن .. وروب .. :biggrin:

ماي مرقدوش اعرفه يبيعونه في السطوه ..اعتقد كانت الوالده تشتريه بس ما اعرف لشو يستخدمونه !

لول انا الي اعرفه ان الالبان والاجبان مب زينه حق المتسممين لانه يزيدهم

الموهيم

هالماي يشربونه :fa46: .. عادي صبه في قلاص وبتشفى .. مفيد حق الي جبودهم لايعه والمتسممين والي بطونهم تعورهم ومايعرفون ليش .. يعني نفس الفكس والبندول :2: هاها بس المرقدوش حق سوالف البطن
مايهزك ريح
04-03-08 ||, 09:05 AM
شمعة أمل ..
الأسامي الغريبه بالنسبة لي هي الأسامي الغير متداوله .. يعني مب مثل فاطمة عاشه حمده حصه.... إلخ
اللي نحنا متعودين عليها !


تحفه الدكتور اللي في العياده قالي اشرب لبن وكل عيش وروب تخيلي يومين على عيش وروب ولبن !
بس زين عرفت الحين لشو يستخدمونه ..المرقدوش .. ^_^
رمــش الغـــلا
04-03-08 ||, 12:34 PM
اليوم الثلاثا

بدا العد التنازلي لشي يترياني فالويكند :fa46:

من الحين وانا احاتي

اللهـ يعين لي الجمعهـ شو بسوي انا !!:smile2:


...

اليوم ما درسنا من 8 لي 1 فاااضين

بس انا يالسة شغالة عالويب سايت

وبعدني ما خلصت !!

كل شغلة تاخذ وقتها وضعفهـ

مادري ليش مستوية غبيهـ وما افهم هاليومين :mf_leia:


!!!

متى يمر هالسبوع واخلص من شغل الكلية الممل :glare:

....

أمس ارمس كزنتي عالمسن

قالتلي شي صدق نررررررررزفني !!!

عن وحدة واسلوبها المش حلووو مووول فالرمسة

والكلام اللي قالتهـ عني ..

صدق شي ناااس وايييييد شايفين عماارهمـ !!!:alien:

ليش أنا مادري!!

:a058:



لي الحين كلامها فبااااااااالي !!!

صدق ناس ما عندهمـ أسلوووووب مووووووووووووووول !!!

وحدة صدق انا امبوني ما ابلعها ..

بعد من اليوم وساير أ؟ن بعق عليها كلام

عسب تعرف مرة ثانية

مش انا اللي ينقال عني جيهـ !!:a058:


............


لي اليوم وااااااايد ناس فعايلتنا << مصدومين من الخبر اللي سمعوهـ عني ..


ليييييييش!!

آي دونت نو !!:Oo:
ملاك الروووح
04-03-08 ||, 02:49 PM
::

شمعتي

فديييييييييتج والله ..

ما عليج حتى أنا أحس دوم اني عيوز :biggrin:

بس بعدني صغيره ما كملت الـ 22 !

ومن داومت .. حسيت اني صج صغيره

لأنه اللي ويانا كلهم شياب وعيايز لوووول :biggrin:

العمر كله فديتج ..

أفا عليييييييييج والله ما بخليه ف خاطرج

بطرش لج رساله الحين وبخبرج عن الاسم .. :fa56:

أتوقع انج بتكونين سامعتنه .. بما انه ربيعاتج من وايد دول .. احس بيكون مار عليج الاسم ..

::

رمشوووووووووووووووووتي

فدييييييييييييييييييييت روحج أنا

ما تتخيلين والله كيف استانست !!

مادري الحين أبارك ولا شو @@ :biggrin:

انتي اون لاين الحين ولا شو ؟

بدش المسن أحسن ؟


وبعدين ما عليج من هاي اللي ترمس وايد ..

تلاقينها غيرانه منج ..

:h_daleel:

وحياتج احلى طاااااااااااف


وااااااااااااااااي مستانسه لج وايد والله :fa56:

الله يوفقج حبيبتي ويجدم لج اللي فيه الخير ..

:inlove:

::

المود : هلكاااااااااااااااااااااا ااااااااااااااااااااااااا اااااااااانه

البارحه بما اني ما داومت .. سو كان عندي شغل يومين ..

وانا روحي مريضه اليوم .. جايسني زجام .. وكارهة عمري ..

وبعد آكتنغ مكان السكرتيره !!!! :boxed:

ستين ألف شغللللللللللله عراسي ..

ودوامي سبلت .. يعني المفروض اروح البيت الساعه 12 وارد الساعه 5 !!

وانا الساعه 12 بديت أسوي شغلي !! :k_no:

تميت لين 2 في الدوام .. وبرد الساعه 5 ..

والله احس عمري بموت اليوم !!


بس حليييييييييله راعي المج وايد وايد رفع معنوياتي ..! :m_9afgah:

والله الواحد يهون عليه اللي يمر فيه يوم يسمع شرات رمسته ..

لو يخلونه منجر عندنا وايد زين !! :h_daleel:


طالب ترقيه حق وحده ويانا .. مقهوره منها غريدها بيكون أعلى عني :biggrin:

والمشكله انها أردنيه تقهرررر وايد قاصه على عمرها ..!


خل أكمل سنه ,, ان ما رقوني بطلللللللللللللع .. :biggrin:

ماعندي وقت ..!

::
المزوحي
04-03-08 ||, 05:59 PM
اليوم: الثلاثاء

المود : مب شي لأني تعبان

اصبحت بداوم ( البارحه كنت في إجازة مرضية ) كنت حاس بتعب، بس قلت يالله قوم وكون نشيط

ومافيك إلا العافية :a116: وتوكلت على الله وسرت .. كان استقبال ربعي كأني ماخذ إجازة شهر

هلااااااااااااا والله مكانك خالي :a010: مادري صدق وإلا مجامله :vampire:

وعقب الشغل واليلسه والريوق ... حسيت بتعب .. خذت لي فوار فيتامين سي :wacko: حسيت

إني أحسن ... واترييت آخر الدوام، أحس مب طايق عمري وكل شي ممل مستوي .. :3:

واليوم أحس الكحه ذابحتني :fa43:

أتمنى إني استوى بخير في هاللحظه ياااارب :a042: وأكون cooool
رمــش الغـــلا
04-03-08 ||, 07:09 PM
ملاكووووووووووووووووووووه ـ


:fa56::fa56::fa56::fa56::fa56::fa56::fa56:


فدييييييييييتج أنا والله

أحلى مبرووووووووووووووك ... وصلتني منج انتي والله

استااااانست واااااااااااااايد يوم كلمتج فديت روحج :fa35:


كلامج وااااااايد رفع من معنوياااااااااتي

كنت دوم أحاتي بس من رمستج احسج غييييييير:9:

والله استااانست وااااااااايد >> وبخبرج الديتيلز كلها حبيبتي :a108:


:a010:


الله يعدي يوم الجمعة ع خير

:fa41:

....

فدييييتج تعالي بيتنا ... << بس عاد ما حصلتي الا الجمعة

Just joking sis

أسووووولف وياج حبيبتي:fa35:

حياااج أي وقت

البيت بييييييييتج :love:


حبيبتي ما عليج من رمسة العذال << فاهمتني :4:

ما عليج منهم

بس يحبون ينرفزون

ويرفعون الضغط :3:

....

:a036:سي يو سووووووون
شمعة أمل
04-03-08 ||, 09:19 PM
ملااااك
الى يقولج اسمج غريب قاص عليج.. اسمج كشخه وله هيبه:heart:



اليوم الثلاثا
المود كان اوكي بس يوم مسحو ردودي عكّروو مزاجي
الموضوع

انا شي يايني من كم يوم... كله أحس عمري تعبانه وابا ارقد:ghostface: اليوم في الجم زين ما صحت.. حسـيت اني بدوخ عليهم.. حليلها المدربه زاغـت.. من كثر ماكنت تعبانه رديت البيت وسيده رقدت .. يوم نشـيت من الرقاد انصدمت سيده سرت اتسبح

والعصـر سرت امشي على حديقة الصفا .. اول مره..خطفنا صوب هالبيت المسكون الى فيه جنون.. تذكرت يوم انا وامي كنا ندور بيوت وحرمه دخلتنا داخل هالبيت.. على قولة امي اول مره في حياتها تشوفني أركض برع بيت بهالسرعه:hysterical: بسم الله صدق خفت.. البيت من داخل تقولون حمام عود استغفراللله
بس يوم كنا نمشي شي بنت وايد قصـيره ماشاءالله كانت ورانا وفجأه تجدمتنا.. جان اقول حق اختي هالشووورتي أسرع منا:Oo: وعقبه شوي هي قالتلي (شخطته).. انا سمعت شيخ محمد.. لو تجوفون شقايل نقزت وتميت اطالع واقوللها وييييييينه؟!!! قالتلي منوووو؟ قلتلها شيخ محمد!!!!!!:fa34:
قفطه.. :tounge:

اظني عندي اجتماع باجر:ghostface: مب متأكده .. بتصل في القروب وبشوف شو السالفه
ملاك الروووح
04-03-08 ||, 10:09 PM
::

المزوحي

ماتشوف شر ياخوي

والله مي تو الكحه ذابحتني من البارحه :k_no:

كارهة عمري ..

:

شمعتي ..

فدييييييييييييتج

ثانكس حبيبتي

:inlove:

والله وايد استانست برسالتج ..

تسلمين لي حبيبتي

:fa41:


أحب أتمشى حول حديقة الصفا

أرضيتهم مالة الاولمبياد حلووووووووه مريحه حق المشي :fa56:


بس زيغتيني من هالبيت :k_puppyeyes: كيف دخلتوا !

تعرفون الحرمه يعني ولا شو ! :k_puppyeyes:

:

رمشووووووووووووووووووووه

فدييييييييييييييييت قلبج أنا ..

والله انا استانست وياج أكثر ..

ان شاءالله اشوفج اون لاين جريب ... :fa56:

سوالفج حلوووووووووووووووه !

:

والله انه ما تتخيلين اشكثر فرحت .. :fa56: ومتحمسه وايد حق السالفه يعني ..

تستاااااااااااااااااهلين كل خير فديتج .. :fa41:


خلاص خلاص لا تحاولين

انا يوم اليمعه يايه بيتكم :k_harhar1:

قلتي لي الاورنج هاوس هاه :biggrin: لووووووول

ما أوصيج .. افرشي لي الارض ورد .. :h_daleel:



خلاص بتصل بج يوم اليمعه بالليل .. أبي الديتييييييييييييييييييلز لو سمحتي :k_harhar1:

وعن العذال

ماعليج أحلى طاف وحياتج :biggrin:

وشرات ما قلت لج ..

أحسن دوا للي يحاول يستفزك تحقره ! :fa42:

:

Luv You Waaaaaaayed

:fa41:

:


المود : مستانسه وزعلانه

زعلانه على براد لأنه طلع من هلز كتشن :fa43:

ومستانسه لانه فديييييييييييييييييييتها التيم ليدر تبا ترقيني !! :9:

أنا كنت أسولف وياها الصبح ..

لأنه راعي المج يا وعطاني أوراق ترقية هالاردنيه .. والتيم ليدر كانت واقفه ..

سو قلت لها أنا بعد أبي ترقيه .. قالت لي بس توج يديده ..

سو صخيت أنا مالي ويه أقول شي يعني :fa46:


بس مساعه اتصلت فيني .. وقالت لي ملاكوه انتي وين ؟

قلت لها في الدوام ( مع العلم انه الدوام كان مخلص قبل ساعه الا ربع بس انا كنت تامه :biggrin:)

وهالشي أحس خلاها تتأكد من قرارها :hysterical:

سو قالت لي بقولج شي بس لا تخبرين حد .. خوفتني :k_puppyeyes:

جان أقولها شو ..

قالت لي انا بحاول ارتب لج الترقيه وبطلب لج باجر ان شاءالله

بس لاتخبرين حد .. ونحن بنستغل فرصة انه المنجر محد .. عشان الاكتنغ مكانه توافق لج عليها

:fa56:

وانتي تستاهلين ومن هالكلام يعني :inlove:

وجاااااااااااان أتأثر .. أحسها مستويه وايد كلولو .. و وايد تحبني هاليومين !! :fa56:

الله لا يغير عليهااااااااااااااااااااا اا

:inlove:

:

وان شاءالله يوافقون على ترقيتي

بتكون أسرع ترقيه عندنا .. عقب 8 شهور بس .. :fa56:
شوق القلوب
05-03-08 ||, 02:13 AM
ان شاء الله نسمع أخبار حلوه عنج يا ملووووكه العســـل.. ^_^
طير الغرام
05-03-08 ||, 02:38 AM
http://oasis.bindubai.com/bin/uploaded/1184_21201028869.gif

اليوم : الأربعا

المود : Bad

الموضوع :

الكحه ذابحتني وويع الحلج فـ صوب من اسبوعين !
وانا امعانده ما رحت العياده [ ما اداني اللي عندنا فـ السكن ]،،
والمشكله يوم اقول بروح احسن انيه استويت اوكي
وعقب اترد الحالــه !!

بس فديتها يدتيه ما قصرت داوتني ع الطريقهـ المعتمده عندهم أول
احم احم بس ما فادتني :fa46: >> ماحبيت أكسر ابـ خاطرها وقلتلها الحمدالله احسن :fa35:

ان شاءالله باجر يكـون احسن

http://oasis.bindubai.com/bin/uploaded/1184_21201028869.gif
مــهــابه
05-03-08 ||, 03:46 PM
سلامات طير الغـرام ، ومأجـورة يـاختيه:a070: . .



اليـوم :

~ بـدايه ويـك آنـد يـديد . .


المزاج :

~ مســتــــانسه أوي == > متغدية كشري:4:


الموضوع :


~ هالأسـبوع كـان أسبوع وااايد حلو بالنسبه لي ، أسـتوت أشيـا وايد خلـتني أسـتانس عليها من الخاطر . . .

مسـتانسه أكثر لأني بروح العين مول:fa56: ، والمبزرة ، من شهر أحـن عليهم أبـا أروح وكلهم مسوين لي طااف:k_no:

بس اليوم الطلعه بتكون غير لأن كتاكيتي بيكونون ويايه:11:
تحفه
05-03-08 ||, 06:43 PM
تحفه الدكتور اللي في العياده قالي اشرب لبن وكل عيش وروب تخيلي يومين على عيش وروب ولبن !
بس زين عرفت الحين لشو يستخدمونه ..المرقدوش .. ^_^

ابيه .. شكلها معلوماتي جديمه :icecream: ,,, وجنه ماصار شي ان شاء الله هاها :tounge:
تحفه
05-03-08 ||, 06:49 PM
امس :

من 8 لين 4 ونص فالجامعه
5 انا فالبيت هلكانه ورقدت ليييييييييييييييييييين اربع الفير :k_puppyeyes: يحليلي اعاني وي دوام الساعه 8 :ohboy: لين اخر التيرم اتوقع اني بكون منتتتتتتتتتتهيه :ghostface: لول اخر مره اخذ هالسكاجول الزفت
الموهيم
نشيت سويت لي سندويجه وجاي حليب طعمه حلو :icecream: استويت مشهوره بجاي الحليب مالي :tounge:
الموهيم
بعدين يلست اذاكر الفاينانس البايخ :ghostface: لييييييييين 6 وربع
ويلست اوعي اخواني واعذبهم هاها :alien:
وثمان سرت الجامعه داشه ثمان الا دقيقه وانصدمت في البنات بادين الامتحان :Oo:
الموهيم
حاولت اغشش بس جكانا السير :fa46: يحليلي على ويهي ماعرف انافق :icecream:
اخر شي طلعو اشطر ثنينه فالكلاس بعد يغشون :m_mar7ba: لوووول

الموهيم
ثلاث وصلت البيت هلكانه احاول اشتغل .. عندي بروجكت باجر وبعدني مب باديه فيه :m_mar7ba:

جاااو
مجموعة إنسان
05-03-08 ||, 07:22 PM
اليووم مثل ما مهابه قالت .. بداية ويكند بس عندي لين الحين مب شي

كنت راقد الساعه 5 الفجر لان كان عندي شغل شوي وبروجكت وكوز

قمت الساعه 9:43 لاني حاط المنبه على هذا الوقت ,,

وصلت الكلية 10:50
داومت الكلااس الممل

رجعت السكن مره ثانية
الله يخلي الشباب يايبين مندي من مطعم اليحر

بعد المندي تنسدح والمكيف يدق بويهك
احلى شعور في العالم

شغلوا فلم حلو ,, نسيت اسمه

الساعه 3:45 انا عند الكلية
وللأسف اني قاعد اتريا هذا الوقت كله واخر شي الدكتور حاط رسالة انه ما بيداوم
بلف شكله
لو رجعت البيت احسن
كنت بلحق اوصل عالغدا وارقد وانش واسير اتحلق
بس الحين مالي خاطر اسير
الحلاق بعيييييد

هع

شوفوا في بيتنا كيف يفاجئونكم ,,,
من دخلت البيت وسلمت على امي
قالت اسمع ,, باجر العصر سير راس الخيمه
انا قلت : هااااااه ,, بس انا عندي شغل يوم السبت في دبي
قالت : سير راس الخيمه لان من شهر انت مب شايف يدتك

المهم
قلت : وانتوا؟!
قالت : نحن بنسير مع ابوك
قلت : اوكي ,,, احسن عشان محد بيروح معاي ,,
هع هع


بس بعد شوو ,,
بعد ما خربوا كل مخططاتي لباااجر
قلت
ملاك الروووح
05-03-08 ||, 08:39 PM
شوقتي

ياقلبي انتي تسلمين :inlove:


بس اقري يومياتي اليوم .. عشان تعرفين التتمه :h_daleel:

:

اليوم طرشت مسج حق نسيبي كنت أبي أسأله أطرش أوراق الترقيه حق منو ؟

بما انه كان يشتغل في الاتش آر .. سو يعرف منو المسؤول هناك ..

قالي فلان الفلاني .. بس طرشت البروموشن مال الاردنيه .

وانا مالي كان يتريه توقيع الاكتنغ منجر .. سو ما طرشته ..

على اساس انه باجر أطرشه ..


المهم يوم ييت بيتهم اليوم .. قالي ملاك لا يكون ترقيتج اللي بتطرشينها ؟

قلت له احم احم هيه :biggrin:

جان يقولي ما انصحج !!

آي واز لايك وااااااات :boxed:

قلت له ليش ؟

قالي انا يوم كنت في الاتش آر أول ما يطرشوا لنا ترقيات موظفين يداد كنت أقصهم

وأعقهم ف الزباله .. (وانتوا بكرامه ) :9:

قلت له والله ؟

قالي هيه بيخرب الريكورد مالج هاه .. وما بياخذونه ف عين الاعتبار أصلا ..

لأنه من قوانينهم انه لازم تكونين مكمله سنتين عشان اتطالبين بأول ترقيه ..

وانتي توج يديده .. بيحطون عليج اكس كبيره ! :k_puppyeyes:

ف أنا من رايي تتريين عالاقل لين تكملين سنه .. وعقب خل يطلبوا لج ..

لأنه شي استثناءات .. سو يمكن يوافقون عليج قبل ما تكونين مكمله السنه الثانيه

سوووووووووو اتخيلوا باجر بايدي بقص ورقة ترقيتي :hysterical:

:

ولا أجازف وأطرشها ؟ :h_daleel:

مادري مادري

يصير خير باجر بشوف التيم ليدر ..

:

والله هالايام اشتغلت من خاااااااااااااااطري

لعنوا بو خامسي اليوم في الدوام ..

زين ما أغمى علي من ضغط الشغل !! :fa46:

أسوي شغلي وشغل غيري .. وبعده الشغل متكود

باجر لازم أروح من وقت وأسويه لأنه اييييييييييييييرجنت ..!!!

أفففففففف

يبالي اخون فيهم وارقد وأسوي طاف

:hysterical:

أسمييييييييييهم بيتوهقون !!
ملاك الروووح
05-03-08 ||, 09:12 PM
:

المود : مستااااااااااااااااااانسه

:fa56:



طرشت مسج حق التيم ليدر أقولها اني باخذ ساعاتي الاوفر تايم باجر

لأنه أبي أسير الصالون وأتحنى ..


جان تتصل فيني وجيه أحسها حايسه بوزها

قالت لي هاه ملاك شو السالفه ؟

قلت لها جيه جيه .. باخذ هالكمن ساعه اخر الدوام

قالت لي اهاااا يعني بتداومين ؟

قلت لها هيه

جان تقول خلاص اووووووووكي لأنه عندي شغل ايرجنت وانا واعدتنها اخلصه اول الصبح :11:


وعقب قلت لها نسيبي شو قال

جان تقولي هيه انا ادري عن الاستثناءات وان شاءالله انتي تكونين منهم :9:

قالت انا اوردي كاتبه ركمنديشن لتر .. انج هارد ووركر .. وحطيناج ف اكثر من بوزشن ف فتره

قصيره ويو هاندل ات بروفشنلي .. وانج اكتنغ مكان اثنين .. ومن هالكلام :9:

وجاااااااااان أستانس ..:fa56:

قالت نحن بنسوي اللي علينا وان شاءالله ان شاءالله خيييييييييييييير

:m_9afgah:

الله يوفقني ..


أصلا يوم بظهر من هنيه .. وبقدم مكان ثاني ..

بيكون شي زين حقي انه ترقيت يعني ف فتره قصيره ..

عشان جيه اتمنى يوافقون عليها .. :fa56:
شمعة أمل
05-03-08 ||, 09:53 PM
اليوم الاربعا
المود متضايجه
الموضوع

(1)
ملاااك
ترا كنا ندور بيووت وهالناس يبيعون بيوت وودونا عند البيت.. انا من شفت البيت من برع اع قلت حق امي خلنا نروح بس قالت لا عيب
وعلى حظي الاسبوع الى قبل فتحت موضوع انه وحده حطت صور اوراق حصلتهم في بيتهم ويا واحد وقالها هذا من الجنون ومادري شو
ف دخلنا هالبيت اقولج حمام عود.. من الارض لين السقف كاشي!! >_< والحوض في القراج .. كل شي اع في اع
ويوم سرنا فوق شفت ورقه عوووده نفس الورقه الى هالبـنت حطتها في النت!!!
جي كتابه بالعربي بس مخج مايروم يقراه ومكتوب ويا شي جي اصفر غريب:Oo:
انا من جفت وسحبت ايد امي وركضضضضضضضضضضضضضضضضضضضضضض ضضضضضتتتتتت:hysterical: عقب يوم سألتني شو السالفه قلتلها هالبييت مسكون فييه جنون جان تركض ويايه لين السياره وروّحناااااااااا:hysterical:
بعدين تخيلي يوم خبرنا ووحده ربيعة امي مطوعه قالت انه هالبيت معرووف لانه العايله الى تملكه تتعامل ويا الجنون:Oo: ونحن آخر من يعلم!!!!!!!!!!!!


(2)
اليوم ماسـرت الجممممم:tounge: اوني برقد بعدين ابويه حس اني راقده ف قبل لايطلع دق ع بابي .. بس بعدين طلعت أتريق وشليت خواتي وعقبه سوينا ورد حق عمي عشان ترقى وسرت عند يدوتي
يبالي حد يصفعني.. من زمان ماشفت يدوتيييييي.. استانست علييه يحليلها:heart:

وكان عندي ميتينغ اليوم.. اول مره اشوف الولد الى ويانا في القروب.. تصدقون طلع فنان يعني يشتغل ويقولنا راييه.. كان أول ميتينغ اسـيرله وصدق صدق صدق استفدت وسوينا شغل وdebate وذكي بعد.. مع انه انا دايما لو يكون وياي ولد يكون اوكي بس اول مره يطلعلي واحد ذكيييي!!
الميتينغ ويا الشركه الاسبوع الياي >_< زياااااااااااااااااااغ!!!!!! !!!!!!

وهيه اليوم بعد سرت امشي عند حديقة الصفاا< عايبتني السالفه:tounge:
ملاك الروووح
05-03-08 ||, 10:38 PM
::

يممممممممممممممممه شمعوه خوفتيني !!!

:k_puppyeyes:


جيه حسيت بشعور غريب ..!

زغت ..!!!!

:boxed:

شو حياتكم !!

زين انج تلاحقتي على عمرج وشردتي ! :biggrin:

:

مبرووووووووووك ع ترقية عمج .. :fa56:

والله يحفظ لكم يدتج ..


أنا كان خاطري أيرب هالشعور .. انه يكون عندي يده !!! :9:

الله يرحمهم ..

خاطري اعرف كيف شكلهم !

:

المود : شبعانه :biggrin:

أووووووووووووووووووول مره ف حياتي .. آكل 3 سندويجات !!

أحس مغفي ع بطني :biggrin:

مب قادره أتحرك .. لوووول

أول مره أحس بيوع جيه فظيع !!

نازله 2 كيلوووووووووو @@ :9:

احس ابا أمتن .. بس خلاص فقدت الأمل نهائياً ..

يمكن يوم أشترك ف كاريزما .. يشوفون لي حل :fa56:

قايلين بيحطون لي نظام غذائي .. ان شاءالله يفيييييييييييييد :11:

:

شبعانه رقاد اليوم ..

شكلي صباااااااااااحي :fa56:
المزوحي
06-03-08 ||, 11:28 AM
اليوم: الخميس

المود : مب شي - بعدني تعبببببان


يتني حمى الصراحه، بديت بالتهاب الاذن ومريت بالزجام والحينه تعباان ... اتدهن بفكس وخفت الكحه وسرت

الدوام متأخر، ورديت البيت من وقت، ماقدرت اتحمل ، مافيّه طاقه، خذت الحينه حبه عن الزجام وبسير ارتاح

وإن شاء الله اقوم خلاف مودي coool يارب .. ويخوز المرض عني ...
ملاك الروووح
06-03-08 ||, 04:36 PM
:

المزوحي

ألف لاباس عليك ..

ما تشوف شر ان شاءلله

:a070:

:

المود : كارهة عمري ..!


اليوم ضغطي ارتففففففففففففففع من وحده ويانا :3:

السالفه طويله ما بكتبها هنيه ..

بس صج صج قهرتني .. ما عرفت شو أسوي

جان أتصل فيها .. وقلت لها أبي أكلمج ..

عاد ملاكوه معصبه .. محد يرمسها :biggrin:

كلهم مستغربين اونه شو بلاج !!

قلت لهم نرفزتننننننننننننننننننني

تتفلسف وايد .. أنا ما يخصني .. بالعكس ساعدتها أصلاً ..

وهي تتحرطم ويالسه ترمس من وراي اونه ملاكوه ما تعرف تشتغل :boxed: وفرق بينها

وبين االسكرتيره .. ومادري شو ..


( يبوني أتعلم شغل السكرتيره ف يومين !! :3: )

لا والقهر .. انه اليوم الستف 2 منهم سك و وحده أف !!

يعني ماشي غير وحده عشان جيه خلوني ايلس ع الكاونتر

وشغلي متراكم .. ما مداني أخلص شي !!!

:fa43:


لا والسكرتيره طرشت لي مسج .. اونه بمدد اجازتي اسبوع !!!

اتصلت فيها قلت لها مابااااااااااااااااااا تردين باجر ما يخصني

والله تعقدت .. يتني حاله نفسيه .. والستف يقهرون ..


كلهم يقولون لي اني ضعفانه :biggrin: !


والله تعب تعب تعب ..

أحس لاعنين خيري يعني ..

وانا وايد ساكته عنهم

واخر شي اتي وحده شرات هاي تتفلسف وتقول اني ما أعرف أشتغل !!


قلت لها مب انتي اللي تقيميني .. أنا عندي مسؤوله ومدير يقيموني ..

انتي شو تطلعين عشان تقولين هالرمسه ..

ولو ما كنت كفوووو جان ما طلبت لي ترقيه التيم ليدر << ذليتهم ع السالفه :biggrin:

واذا عندج شي تعالي وارمسي جدامي .. مب تسيرين تيودين الموظفات وحده وحده

وتحشين .. وترمسين وايد !!

واذا عندج شي .. روحي وراجعي مسؤولج .. :3:

وانا الغلطانه اني رتبت لج السالفه أصلاً ..

طحت فيها وهي زاغت .. والله وايد نرفزتني

بس حسيت عمري صج كريهة :biggrin:

بس دواها عشان تصطلب ..


:11:

::

بس زين اني طلعت حرتي ..

وعقب رحت عند ربيعتي ويلست أصيح :fa43:


وايد أشيا مضايجتني هالفتره .. وهاي اليوم زادتني ..

وأحس وايد مشاكل مستويه ف الستوك .. ومب قادره أحلها ..!

أفففففففففف


لو مب مشتغله وايد أحسن !!

:k_no:

تعببببببببببببببببببببببب ت
شمعة أمل
06-03-08 ||, 09:43 PM
اليوم الخمـيس
المود متنرفزه على تعبانه
الموضوع

البارحه كنت مخططه اسوي كم من شي اليوم لكن ماسويت شي >_< وايد كسولـه هالأيـام
أحس اني ابا ارتب عمري بس ماعرف كيف أرتب عمري >_<

البـارحه سهرت على النت.. من زمااااااااااااان وانا ماسهرت على النت.. مادري اذا يعتبر سهر بس طلعت الساعه 12 ونص:fa46:
تميـت أرمس ربيعتي في آيرلنداا.. تمينـا نترحطم ونتحرطم.. من زمان مارمستها ..صدق استانسـت..
تمت تقولي افتحي blog وانا اقوللها لاااااا:mf_leia: تقول انه لو فتحت واحد بيكون كشخه لانه حياتي وايد انترستينغ:a070: استانست.. بس صدقها احس حياتي غيـر يعني عندي حدود نفس اني نااادراااا اطلع الفليل وجي بس بعد احس حياتي غيـر ... كله عزايم ولا سفر وغير انه الجامعه انترستنغ لانه 99.9% من المواطنين مايعرفون جامعتنا:tounge: بس آي دونت ثنك اني بفتح واحد:ghostface: أفضل يوم محد يعرف شي عني:fa46:

وباجر عندي سبرايز بارتي بس للاسف مابسـير.. مع انه خاطري اسير لانه هالشـله ماشفتهم من سنه ونص..

وشي ثاني وايد قهرني
عندي قروب وكلهم فنانيـن بس في نفس الوقت مادري كيف.. يعني مايقولون يوم شي مايعيبهم:Oo: انا عطيتهم موعديـن وين نقدر نتلاقى ويا الشركه الموعد الاول كنسلناه لانه ماكنا مستعدين واخترنا الثاني والحين يقولون الثاني وايد متأخر:Oo: يعني شو يبوني اسوي مثلا؟ (مع انه مب متأخر لانه نحن اولريدي نعرف شو المشكله!) اغبيا.. ولا بعد اونه لازم 4 اجتماعات ويا الشركه.. وين يبون.. المفروض اجتماعييين max.

اشتريت كتاب صغيـر عن الاجتماعات وشو تسون وجي.. بقراه على الويك اند:glare:

والى صدقققق قاهرني
انه ابلتنا ماكانت تدري عن الاجازه 20-03 ف معناة الكلاس بيتكنسـل وبدال ما تحطه في يوم ثاني بتجمع كلاسيـن في واحد يعني عادي اكون في الجامعه لين الساعه 11 ولا 12:redface2: احس انه هاليوم بطلععع في نص المحاظره:ghostface: افف
العجيبة
06-03-08 ||, 11:19 PM
اليوم : خميس

المود : عادي

اليوم نشيت من الصبح ..

رحت المكتبة الرئيسية .. أول مرة أسير أذاكر هناك ..

رديت الظهر ، صليت وتغديت .. وكملت مذاكرة في غرفتي لين نص العصر ...

قلت برقد لين ما يأذن المغرب ...

أول ما حطيت راسي وصلني مسج يالله نروح ملتقى العائلة

وقمت ولبست ورحت لهم ، يلست في مجمعهم شوي ... وعقب المغرب رحنا الملتقى

كان شي جميل .... وأحلى شي الأكل ... كلينـا أكلات من السودان + الأردن + العراق + ألمانيا + الهند + روسيا + فرنسا !!!

رديييييت السكن عالساعة 9 ، وحسيت اني ما كليت شي... لأن المكان بعيييد وتعبت من المشي ..

رحت المطعم .... خذت أكل ، شفته وما كليت منه !

رديت الغرفة ... واتصلت ربيعتي من الغرفة المجاورة .. عندها ضيوف رحت ويلست وياهم

الحين شغلت النت ... حليت امتحانات تجريبية للامتحان اللي بيكون يوم السبت



مليـت أتريـا الويـك اند الياي ايي بسـرعـة ... لأني أبا أرد البيـت !!




شمعة أمل .. إجازة شو ـ20 -3 ؟
شمعة أمل
06-03-08 ||, 11:32 PM
اجازة المولد النبوي الشريف
الشيـــن
07-03-08 ||, 01:14 AM
أونه ! عشرين- 3 !!
ونحن already عدنـا اجازة تاريخ 23 لين 29 -3 .. ! sprinG breaK .. ههااي (B
يعني من الخميس تاريخ عشرين لين السبت تاريخ 29 !! يت في وقتها الصراحه !
بس بعد احس اني مابشبع ..
ربيعاتي يبون ياخذون سمر كورس هالسمستر وانا مابى لان السمر كورس فـ جامعتنا شهرين !
وانا مافيني أأجز بس شهر 8 !! ماتخيل الصراحه !!

المهم ..
المزاج GD
اليوم ..
الموضوع ..
مافي شي انترستنج اليوم صارلي .. ظربت خط من بوظبي لين راك .. تعبS= جني أول مره اضرب خط !
ماعرف ليييش !! ..
أول ماييت ربعت عند اختي اطالع سياارتها اليديده .. هع!
وبعدين يلست ويا خواااتي .. سـوااالف وضحك ..
بعدين شبكنا انا وربيعاتي 3 .. عشان البيرذداي مال ربيعت ربيعتي .. احتشرنا ..
بندت عنهم .. والحين بظهر من النت بروح انخمممد ..!
nighty n8 ..
بنت الدلع
07-03-08 ||, 12:02 PM
اليوم: الخميس "يعني البارحه"
المود: :Oo:

الموضوع:
كنت واااايد متحمسه لشيي حلووو كان بيستوي
وسرت اتسبحت بسسسرعه عشان ارتب عمري واتجهّز لاني كنت مستااانسه

وبعدين يوم سمعت الرمسه :oh: والله جيه كاان شكلي
ابدااااا ماتوقعت اني بسمع هالكلااام من هالشحص !!
تمييييت 10 دقااايق وانا جيه :oh:
مووووول مب مستوعبه الساااالفه

عقب يلست جدام المنظره ابا امشط شعري بس بعدني جييييه :oh:

كلمت ثلث ساعه وانا بعدني على نفس الحال

بعدين عسولة "بنت اختي" يت حجرتي وشافتني
شلّت المشط ومشطت شعري

قالت: مسويه عمرج اميره,, لازم يمشطون شعرج

يوم قالت لي جيه بديت استوعب
ورديت للواقع

she's sooo sweeeet :fa35:
فديتها والله

وهي تمشط شعري كنت اشووف برائتهاااا
ونسييت الرمسه الي سمعتها
وحاولت اطنش الموضوع
ولا جني سمعت شي
لاني لو تميت افكر وااايد بقووول اشيااا واشياااا واشياااا
وبنقهر وبتنرفز

وجود اليهال في حياااتي واااايد مهم

احس شعووور واااايد حلووو
خصه يوم ارد من الجامعه واكون تعبااااانه
ادش الصاله واشوفهم يزقروني عموووه ويربعووون صوبي يبوني اشلهم :inlove:

انسى التعب وابوو التعب
مــهــابه
07-03-08 ||, 10:37 PM
الـــيوم :

~ اليــمعه


المزاج :

رايقـــه . . .


الموضوع :


~ هـ الويـك آنـد طاف بســرعه ، وماحسيت به ، احس اني قـزرته فـ الرقـاد بس . .

حبيـت يوم الأربـعـا واااااايد ، اهليه كلهم كانوا يايين ياخذوني ومب مخبريني ، انا اللي عـرفته انه أختيه وعيالها بس

لكـن !

انصدمت بهم كلهم يايين وناسه :11:

طبـعـا يـوم الأربـعا وصلت البيـت السـاعه 11 بعد حواطه دامت ساعات ومن زود التـعب رقدت بـ الملابس اللي عـليه ، عيال ختيه خبلـوا بي فـ السوق:k_no:
والله حرمت أروح وياهم مولات ، ماحب جيه ، صح أسـتانس وياهم ، بس كانوا شياطين أكثر عن اللزوم وعصبوبي وخبلـوبي بـعد لـ درجة أني رقـدت علـى طوووول وبدون حاسيه ، غير جيه موعيني من غبشه يبون ريـووق

جـني أنا أمهم الحين ، وانا يحليلي يكسرون خاطريه واسوي لهم لي يبغونه . . .


وعاد الصبح وانا واعيه وجسميه متكسر ومب رايمه أفج عيوني ، بنت اختيه قابضه التلفون وحاطه أغنيه الميدان - يـاهل اليوله

وتقول لي : أنعشي :fa46:


الحين شو أسوي بها ؟!

ومـاشي

اليـوم أمـونتي كانـت عـنديـه ، ويـالسين من السـاعه 4 لـ 8 ، وناسه ، سوالف وضحك وجيه:12: . . .


وعقب طلعـنا مع أبويه ، واحس انه فيَه رقاد ، بس اخاف خواتي يروغني ، ويقولون انتي ماتسهرين ويانا
تحفه
07-03-08 ||, 10:45 PM
^هاها هالشعور جني عرفته في القريه العالميه وي كزنتي ايه احبك لوووول
الشيـــن
08-03-08 ||, 02:29 PM
اليوم : السبت
المزاج : not bad
الموضوع . . .

صدق يوم يقولون المصايب اتي ورا بعض !!
4 من أهلي توفوا خلال 3 شهور !! ربي ارحمهم وتجاوز عنهم ..
اللهم ارزقنــا حسن الخـاتمه ]|~

كان ويك اند مش حلــووو أبدا! بس الحمدلله ع كل حال ..
ملاك الروووح
08-03-08 ||, 07:52 PM
^^

الله يرحمهم !

والله يصبركم ف مصابكم حبيبتي الشين ..

:

مهابتي ..

فديييييتهم كتاكيتج ..

:biggrin:

صج انج أمهم !

أنا أكره شي عندي انه حد يقومني الصبح يوم اجازتي :3:

بس اذا انا روحي نشيت عادي :fa56:

::

اليوم السبت ..

هالويك اند كان واااااااااااااااااايد حلو

وااااااااااااااايد واااااااااااااايد استانست ..

:fa56:

حجزنا شقق في الفجيره .. لأنه كنا بنحضر عرس اخت ربيعتنا ..

والعرس كان روووووووووعه ماشاءالله عليهم غاويات كانوا ..

وردينا الشقق .. سوالف وضحك وخبال لين الساعات الاولى من الصباح :biggrin:

وعقب شلينا غدانا ورحنا عزبة النسيب ..

كشخخخخخخخخخخخه

وأخيراً شليت عنز :biggrin:

أقولهم هذا جالنج ..!

كل ما أسير أجز منهم جيه أحس عظامهم مادري كيف

ما أقدر أيودهم !!

بس اليوم يوووووووووودتهم .. سو كيوووووووووووت

واختي صورتني .. صوري طالعه حلوه :biggrin: فديتني ..


Daaady , Bu '3aaaith & Bu Sl6an & Bu na9ir & Bu 3bdullah & Bu huda

Thaaaaaaaaaaaaaaaaaaaaaaanls Alot !!

:fa41:


الله يديم علينا هالفرحه .. والوناسه .. واللمه الحلوه !!

:inlove:

::

متحمسه حق باجر وايد ..

لأني شاريه بدل .. ومفصله عبي يديده :biggrin:

والسكرتيره بتررررررررررد ان شاءالله :fa56:

يعني برد ملاكوه الأوليه .. مب اللي يالسه على اعصابها .. .وتزاعج ع الخلق :hysterical:
رمــش الغـــلا
08-03-08 ||, 07:59 PM
بكتب عن البارحة


اليوم..


الجمعة


امممم ماعرف هاليوم غيييييييير وااااااااااااايد بالنسبة لي !!!:fa35:


مادري


:fa41:


:fa41:


يعني عادي نشيت وسرت اسوي سويت مع خواتي


وعقب سرت وسويت الاشيا اللي لازم اسويها


واتصلت فاختي اقولها


شو اتيب وياها من بيتها :fa46:


...


وعقب مر الوقت


ووصلوا قوم يدي ويدو :a070:


ويلسنا وياهم شوي


وبديت اتلبس


>> ع قولتهم اليوم يومي <<:inlove:


وعقب ما خلصت


اممم
مادري



احس احاسيس غرريبة


بطني يعورني ... مغص كل شي

:fa36:

:k_blush-anim-cl:

:wacko:

:blush:


لول


وعقب ماشي


سرت ويلست مع المعازيم واستااااانسنا وايد الصراحة:fa35:


وفديتها اغلى ناسي كانت ياية فدييييييييتها الله لايحرمني منها


...


وعقب استوالي شي


لي الحين اذكر كل ثانية في هالوقت


احس الدقيقة كانت جنها ساعة

:fa41:

:fa41:

ماعرف شو استوى


مااعرف


احساس غررريب:fa46:


...


هالدياري مالي ^^
شمعة أمل
08-03-08 ||, 09:41 PM
اليوم السبت
المزاج تعيس
الموضوع


يوم بايخ

يوم بايخ بايخ بايخ >_<
المزوحي
08-03-08 ||, 09:48 PM
اليوم: السبت

المود: - -

الموضوع : مرض

تميت لايث يومين في البيت، وطايح على الفراش ميهود، وادخل الواحات طشونه، وأرد أظهر ... ماقدرت اطلع

من البيت .. صدق مللللللللللل مليييييت ياناس ... اليوم أحس بعمري احسن الحمدلله ..
مجموعة إنسان
08-03-08 ||, 09:52 PM
السبت ,,


سرت دبي اليوم الصبح وانا موااااصل
خلصنا الإجتماع
والساعه 1 رجعت
وانا راجع ادق رووووس
والله شوي وكنت بروح فيها
اول ما وصلت رقدت
الساعه 2

قمت الساع 8:30

والحين قاعد عالواحات شوي
وارتب اغراضي
وبروح العين


انا مو مخرب ايامي اللا خط العين!!
بنت الدلع
08-03-08 ||, 10:19 PM
اليوم: السبت
المود: واااايد تقلبااات شهدتها اليوم بس الحين :redface2: sleepy

الموضوع:

من يوم الخميس وانا تستويلي اشياااا وصدق عشت في صدمااات متتاااليه:k_puppyeyes:
اول صدمه بعدني اعييييشها وما تعديييتها
اما الصدمااات الي صارت بعدين خلاص قمت استوعبها
واليوم اففففف صدق اترررررفزززت :a058:

الصبح عااادي كل شي كوووول
سرت ويا اختي كاريزما مادري كرمستجي مادري شو اسمه !!
كوزمستاج !!
ماعرف شي جيه اسمه :a068:

الجو كان حلووو هناااااك وعالبحر وكنت كووول
وبعدين سرنا جمعيه بس مب اي حد يدشها ههههه
والله هلكت من الضحك هناااااك
حسيت اشكالنا غلط
لان كلللللهم موااااطنين
اف احس قففففطه جيييه :2:

المهم

ردينا وصلينا
وبعد الغدا عالعصر جيه شليت بنت اختي ووديتها محلات الاكسسوريز يمكن ساعتين ونص وهي تختاار الي تبااااه
من هالمحل لهالمحل

دوّختني
بس شو بدييي اعمووول لازم ادلعهاااا :fa35:

وبعدييين شو استوى همممم
هيه خذنا ايس كريم وردينا:icecream:
وههههههههههه خبلتهاااااا في السياااااااااااره
مسكيييينه خااافت مره وحده نقزت
جيه في اللفه طولت عصوت الاف ام مره وحده ولفيت لفه حااده شوي
هههههههههههههه :hysterical:
هلللللكت علييييييها من الضحك
الخاشوقه طارت ويت صوووبي لول :icecream:

وصلنا البيت
وبديت اتنرفزززززز مره ثاااااااااااانيه
صدق اف
بس عادي احاول اني اكووون كوووول
اتفقت ويااا اختييييي لول
ان الاسبوع الياي يوم بتساافر تقولهم اني بسير وياها
وهم يركبون طياره وانا اركب طياره ثانيه لول
جيه مال هوم alone لول
اوني خلاااص ابا اهاااجر
تعبت نفسياااااا :mf_leia:

والحين وااااااااااااااااااايد اكششششششنزززز يستوي في بييييتنا
صدق بيتنا بكبره مشتل
وانا شليت بعمري وانسحبت بكل هدااااااااااااوه
بس بعد 3 دقايق بسير لول

----

تحفه
افففف واااايد حاااسه بهالاحساااااس تعرفييييين ـــــ!!!
ان يوم امج تعاملج شرات اليهال :alien:
مزن هتان
09-03-08 ||, 01:38 PM
اليوم: الاحد
المزاج: مش تمام
الزجام و الكحه هادين حيلي

الموضوع:استانست هالويكند رحنا العين، خواتي
ذلوني عـ شي صاير لي. بس كشخه نرفزت
أم سيف فديتها، و شرات دوم ابوي لازم يوقف
بـ صفي، أم سيف شـ تقول اونه
(القطوه ما تحب إلا خناقها)، تراي دوم مناقر
مع الوالد -الله يخليه لنا-. شي ثاني جمعية
الامارات شكلهم ما يبوني جان أزعل.
تحفه
09-03-08 ||, 10:17 PM
بنت ادلع : المشكله مهما كبرنا بيشوفونا صغار :S

--

اليوم 8 - 4 فالجامعه /5 الا ربع وصلت البيت / تريت اختي بعد ما وصلت البيت وغيرت وصلت العصر .....
سرنا امرتس مول / صالون سستر في ذا فلج / مرينا علملاح ووصلت البيت

والحين انا منتتتتتتتتتتتتتهيه من التعب =/

كم مره لازم اقول اني اكره دوامات الساعه 8 :<
عفاريتووو
09-03-08 ||, 10:28 PM
9 -3-2008

المزاج : مستااااااااااااااااااااان سة :fa34:


بنت عمتي ربت و يابت نوااااااري :fa35:
الله يحفظها ان شالله و يخليها لامها و ابوها
بس ما بجوووفها لانهم في استرااااليا =(

بس صدق مستااانسسسسسسسة :fa34:
ملاك الروووح
09-03-08 ||, 10:32 PM
اليوم : في الدوام مودي كان معتفس صج :3:

بس الحين مستانسه عقب ما رمست رمشوه !

:fa56:

::

اتحيدون السالفه اللي كنت مخبرتنكم عن هييج الكريهة اللي كانت قاهرتني :3:

والله صج ما يستاهلون حد يسوي خير فيهم !!


اليوم سايره عند ( راعي المج )

ويالسه تحلف له اونه والله العظييييييم والله اني مب قايله حق ملاك جيه جيه

اونه مادري هي شو الفكره اللي وصلتها لك ..

بس والله اني ما قلت !!

:boxed:


طبعاً ربيعتي مكتبها لاصق ف مكتبه .. سو سمعت وعلى طول خبرتني :14:

وآي واز لايك واااااااااااات :boxed:

يعني اتخيلوا انها يالسه تحلف بالله .. لا وعلى شي جذب يعني !!!!


صج في ناس جيه !!@

يعني ما يا فبالها انه بيسألني مثلا !!

والله حسيت اني صج بصيييييييييييح

حسيت اني مظلومه والله ..!! :biggrin:

على طول سرت له .. وقلت له بخصوص فلانه ترى جيه جيه السالفه

جان يقولي ملاك انتي حلي الموضوع وياها .. انا ما أهتم ف هالسوالف اونه

قلت له ولا أنا ما اهتم بسوالف اليهال هاي .. بس بغيت أحطك بالصوره !!

قهرني ويا راسه هالثاني .. :3:

عاد كله ولا راعي المج .. مابيه ياخذ عني فكره غلط :biggrin: !

أحس كان لازم يسمعني ويصدقني :h_daleel:

أني ويي ..

حسيته عقب حس بالذنب .. ياي يبا يسولف ..

اونه ملاكوه انتي عيناويه ؟

استغربت منه !! جان أقوله هيه ..

اونه هاهاهاها ها فريق تسمينه .. بيعوه أحسن لكم وبيعوا لعيبتكم !

قلت له بس أشجع الشباب حالياً :biggrin: .. اونه مستانسه يعني صاكينكم بالـ 4

:fa46:

وتم يسولف ويسولف وانا مب متفيجه له عندي شغل ..

بس لازم أجامله يعني .. ما يستوي نائب المدير :biggrin: مانقدر نقوله شي ..


:

اليوم أحس كنت سامته في الدوام .. شكلي كان عايبني :biggrin:

حتى كلهم علقوا .. اونه ملاكوه كاشخه كاشخه .. شو هالنيو لوك !

وجان أصدق عمري :hysterical: ..


هالاسبوع بلبس لهم كل يوم عباه .. :hysterical:

بعيش حياتي ياخي خلاص ..!

:

شكلي منحوسه ..

البرومشن بالغلط من فلاحتي مطرشتنه حق حد ثاني :k_puppyeyes:

الحين لازم يسوونه مره ثانيه ويردون يطرشونه ! :fa46:

اقولهم بسرعه خلصوا شغلكم قبل لا ايي المدير :biggrin:

عادي يستلعن ومايطرشه !

:d014:

::

شريت ورد حق السكرتيره .. لأنها راده من العمره

وربيعتي قالت لي عقب انا ابي اشتري لها بعد

سو قلت لها مب مشكله بكتب في الكارد اسمي واسمج

ومنو يقوووووووووووول عاد

البنات ذلونا .. زعلانييييييين اونه ليش ماخبرتونا !! :boxed:

وليش مسوين احزاب .. وليش هالتفرقه .. وشو هالحركات !!

خيبه مايسوى علينا !!

قلت لهم والله محد ميودنكم .. اتصلوا واطلبوا لها ورد !

عنبوه هالبنات كيف كريهات !! :d014:

والله أحسن لكم ما تشتغلون ف بيئه فيها حريم :3:

عنبوه كله مشاكل وحسد .. أحس استغفر الله مادري كيف

ساااااااااااااااايكوووووو ووووووووووووو آند فرييييييييييييييييييييكس !!

الله يعيني ..!
ملاك الروووح
10-03-08 ||, 04:38 PM
اليوم الاثنين ..

المود : مستانسه ..

:fa56:

::

أحلى رقااااااااااااااااااااااا ااااااااااااااااااااااااا ااااااااااااااااااااااااد

ماخذه اف اليوم .. وحاطه تيلفوني ع السايلنت

أدري بهم بيحرقون التيلفون من الدوام ! :a058:

نشيت ع الساعه 12 وشي .. صليت ..

اتصلت ف ربيعتي وكزنتي .. سوالف وضحك

وحاسديني طبعاً على هالأفات :h_daleel:


كشخه والله جيه ف نص الاسبوع .. يوم نبا نريح ..

ناخذ أف !!


عندي أفين بعد .. أفكر آخذهم عقب اجازة المولد النبوي ..

عشان انسافر ونروح العمره :inlove: !

خاااااااااااااطري أروح صج !

محتاجه أروح ! :11:

::

فديت نصووووووووووووووووووووووو وري

مريض من البارحه قاعد يكح ويرجع :k_no:

مادري شو فيه !!

وجيه فجأه يصيح .. وشفايفه تزرق .. يخوفني !!!!!

ما أتحمل اشوفه جيه !

الله يشفيه !
شمعة أمل
10-03-08 ||, 10:29 PM
اليوم: الاثنيـن
المزاج: الحمدالله
الموضوع:-

البـارحه الفليل رقدت رقده وايد حلوه.. زين مانجلطت يوم المنبه رن.. عادةً انش ربع ساعه قبل المنـبه.. شعور حلوو
سرت الجم اليوم.. رديت البيت تريقت وكملت رقادي:tounge:
عـ الساعه 7 كنت اشوف تلفزيون في حجرة التلفزيون وسمعت كعب وجان استغرب.. عبالي امي ردت:Oo: ويوم طلعت طلعتلي ربيعة اختي.. لا بعد انا لابسه بجامتي فضيحه :hysterical:
ماكنت ابا امي تسـافر .. كنت معارضه سفرها من الخاطر بس سارت >_< مول مب حلو.. مرات أحس بيتنا مطار:fa46: اخس شعور

ميته من الزياغ من اجتماعي اليـاي!! بيكون ويا الدايركتور.. :fa46: وانا لازم ابدى كل شي واعرف كلحد والخ لانه مواطن:fa46: انشاءالله اكون وايد اوكيه عقب يعطني وظيـفه في المستقبل:icon_rr:
صح اني زايغه بس بعد مستانسـه.. بيكون اول بزنس ميتنغ وانا الليدر:icon_rr:
ملاك الروووح
11-03-08 ||, 12:05 AM
الساعه .. 12 وأربع دقايق ..

يوم الثلاث ..


مادري ليش مودي انجلب مره وحده !!!!!!

:fa43:


وايد متضايجه ..

يمكن من حركة ناس !!

:k_no:

مقهوره .. ما توقعت منهم ..!

الله يسامحهم بس .. :fa43:

::

متضاااااااااااايجه وايد وايد

أبي أصيح

وما وحشتكوه بزي .. أبي حد أرمسه !!

:9:
المزوحي
11-03-08 ||, 07:09 PM
اليوم: الثلاثا

الموضوع : روتين ممل وقاتل


من فتره كنت مستانس الحمدلله ...

بس من ايام احس بشي كاتم على صدري، ورغم هذا امشي الموضوع، اقول تهيؤات .. دقايق وبيخوز الشعور

قررت ابتدي امشي، بس عاد جسمي استوى مب شي ... صدق مب حلو يوم الشي يتأجل !

أبغي اكون فرفووش مع ربعي مره ثانيه .. صح فرفووش لكن مب ذاك الزود .. صح مابقولكم اعيش حالة مهرج

اخ ..

لكن وين طبايعي السنعه .. ماعرف شو صار لي ...

ابغي اتغير ابغي اتغير ابغي اتغير

والحينه ابغي اكون طيب

يا اخي غصب

هيه تعبااان

وبرد الاولاني

لأنه ياني انتقاد من المسؤول ...

سكت باجي اليوم ...

الحينه ناش من الرقاد، منو قال لي ارقد اصلا .. يالله ما احب ارقد عقب العصر ..

هممم

تدرون احس ريحة باستا في خشمي .. صدق .. يم يمي

لو حد يعزمني على مطعم ايطالي بس .. صدق غييييييييير

يعت يا جماعه
مايهزك ريح
12-03-08 ||, 09:35 AM
المزوحي .. حالتك صعبه ياخي ..
الله يبعد عنك الملل .. ^_^
المزوحي
13-03-08 ||, 02:59 PM
تسلم مايهزك ريح

اليوم : الخميس

المود : عادي

اليوم قمت من وقت، مادري .. يمكن عسب الويك انك ، وإنه يالله سير الدوام، وباجر إجازة ..

متى بيفتتحون جسر القرهود .. أرفونا الاوادم ...

طلبيت مناقيش جبن حق الريوووق، من زمان ما كلت مناقيش جبن، كله زعتر أو شغلات ثانيه ..

اليوم الشغل خفيف الحمدلله ...

رديت البيت، لكن ما اشتهي اتغدى ...

في بالي عدة شغلات في الويك اسويها ...

همم تعالوا .. ياني عرض وظيفه في بنك ،، وايدين يقولون لا .. لا تسير .. شو رايكم ؟؟

الاستخارة أولا

لكن في أشياء الواحد يرفضها من الأساس ...
مجموعة إنسان
14-03-08 ||, 09:10 AM
انا متخبل هاليومين
ماعرف شو صابني
لا يكون أحب!!
لا وييين .. بعدي صغير على هذي السوالف

بس صدق يعني
من يوم الأربعا لين الحين انا ما رقدت غير ساعه

صدق صدق
حالتي ميؤوس منها


دعواتكم بس !!
مــهــابه
14-03-08 ||, 10:44 PM
^
الله يعينك ، مريـت بنفس اللي مريـت به ، صدق معـــاناه . .


اليوم :
~ اليمـــعه

المزاج :

~ عـــادي جداً

الموضوع :

بإختصــار ، سوالفي انا وابويه اليوم فالسياره كانت بتودينا بـداهية
وعلى قولة ختيه " مجلس وطني مصغر " لوول

نسولف ومندمجين وجان تنقز السياره ع الرصيف بسبتنا


~ مم البيـت بدون امايه مب حلو ، رغم انها ماصار لها ساعتين من راحت بس ! يمكن دقيـت لها اكثر من 4 مرات



وآخيــراً :

تقسـى الليالي ولـكن ! مـاتقسينا
المزوحي
14-03-08 ||, 11:52 PM
اليوم: الجمعه

المود : cool

الموضوع: لمه حلوه - في شي بعد !

اليوم اصبحت متكسر، لأني ضاري على النشة كل يوم حق الدوام، فـ الاجازة عندي تكون متعبه، جسمي

متكسر ... وعقب السبوح والصلاة، تميت في البيت، لأنه معزومين اليوم ... وعقب المغرب بدينا نتيمع

واليلسه حلوه وخفيفه ..

بس في شي مب عايبني
رمــش الغـــلا
15-03-08 ||, 03:20 AM
اليوم

الجمعهـ


كنا حاسين بملل فظييييع:smile2:

انا وخواتي ومرت اخوي:a0360:

اختي وريلها مسافرين سويسرا وفرنسا

واخوي وحرمته مسافرين بعد شرق آسيا



........

ونحن فالبيييييتـ <<< ملللل من الخاااااطر بدونهمـ:redface:

...

وجان انقرر العصر انسير بيت قوم خالي

قلنا ببناخذ اشيا للشوي
:fa37:
وبنسير..


وسرنا

واخوي وخالي سووا لنا باربكيو عجييييييب << واتعشينا برع:fa34:

بس قبل لا نتعشى

كنا انا وبنت عمي يالسين ع طرف الحوض
:fa35:

وطبعا يلسنا نتفنتك ونتصور

صور عبط شوي..:k_sadwalk:

ويوم ييت بنش:doh:

اللهـ يرحمهـ فوني العزيز:shutup:

شتهـ يغرق جدامي وانا مب قادرة اسوي شي:k_puppyeyes:

لين شفته وصل لقاع الحوض:k_nono:

وانا خلاص بصيييييح:7:



اهئ:fa52:

خلاص رااااح فوني:confused:

مع انهـ ما تم فترة طويلة معاااي

متغصصة كيف بتم بدون فووون:fa36:

اهئ

!!!


وجان ازاعج واصارخ:fa43:

ويت امي ومرت عمي

يقولون خلى حد ينقز:boxed:

زين ان كان صوب الحوض مال اليهال مش الغزير والا جان ما رمنا انيبهـ!!

وعقب جان انيب الشبك مال الحشرات

وامي رامت اتيبه

ويلست انشفهـ

واستشورهـ

ماشي فاايدة

باااااي فوووووووني العزيز:bye2:

والله مضاااايجة اليوم

مع انهـ اليوم صدق غيرنا جو واستانسنا

بس مااااعرف فوني غيييير احس اني ناقصة شي!!
مزن هتان
15-03-08 ||, 11:40 AM
اليوم: السبت
المزاج: معصبه

الموضوع:
هـ الويكند كنت حاطه ابالي اني أشارك
بس أميه ما خلتني، زعلت منها ما سوت
لي سالفه، أونه الشارجه لأ بعيده،الا هي
فرت حصى.

نوّرت الكويت :)
أبي أنزل الكويت اشتقت لهم !!
شمعة أمل
15-03-08 ||, 07:30 PM
اليوم السبت
المود مضغوطه
الموضوع

الاسبوع الى طاف كان متعب.. كان عندي اجتماع ورا اجتمـاع .. غير هذا يالسـه اشتغل على بروجكت اختي للكرنفال مالهم:fa46: حلو كيف لازم يفتحون بوث ومادري شو.. عكس بروجكتي في الجامـعه ..

وصلتني اخبـار حلوه هالاسبوع.. الحمدالله:fa35:

الشي الى مخلني سترسسسسسسسد اني لازم اسلم اساينمنت باجر.. مب رايمه اكتبه احس مخي مايشتغل:fa46: مع اني وصلت ألف وشي بس بعدنيييي >_< والمشكلـه كل ما افكر في هالورقه احس اني ابا ارقد:ohboy:
ابا اخلصه اليوم.. اذا ماخلصه اليوم اعرف اني مابرقد عدل >_<
المزوحي
16-03-08 ||, 12:44 AM
اليوم : السبت

المود : عادي

الموضوع : مرهق

من اصبحت ما احس بنشاط، ومع هذا قلت بظهر، عن يزيد الكسل، سرت ميركاتو، واشتريت موبايل بدون تخطيط

مسبق عن موديل الجهاز ... وخلاف رديت تغديت في البيت



والعصر مريت بلج انس ...

في الليل قلت بمر على جسر القرهووود .. بما إنه افتتحوا الجسر وخلاااااص ... عبرت الجسر ومريت وافي ..

خذت كذا شغله ... رديت البيت اتسبحت وتعشيت .. وووو

تعبااااااان جسمي متكسر

بس تدرون ؟؟ صدق أرف الدوام
ملاك الروووح
16-03-08 ||, 09:56 PM
::

فديييييييييت اللي شفتها في السوق تاخذ لها موبايل يديد :k_harhar1:

شو رايج في الاهداء اللي طرشته لج ع المسن ! :h_daleel:

عجيب هاه لوووووووول :biggrin:

:


اليوم .. ضحكت ضحك على عمري في الدوام .. :hysterical:

المنجر اتصل فيني وقالي انه يبيني .. كان راد من السفر يعني

وتحمدت له بالسلامه أول شي وجيه وعقب سألته عن ألمانيا ..

جان أقوله عقب : يالله ولكم باك .. منور الواحات !!!

:hysterical::hysterical::hysterical::hysterical::h ysterical::hysterical:

لوووووووووووووووووووووووو ووووووول

وهو مشى وياي .. ماانتبه .. اونه تسلمين ملاك ..

وانا ميوده عمرررررررررررررري أبي أضحك !!

مادري كيف يودت عمري وما ضحكت ف ويهه ..

وايد ف بالي الواحات ! :h_daleel:

::

استلمت بيزاتي اليوم :biggrin:

وصرفت نصها :fa46: .. ما تم لي شي منهم !!

وباجر أبي أسير أسوي شوبنغ بعد ..

يعني عز الله بنصفى ع الحديده :fa43:

:

عايبني الاريكسون اليديد الذهبي والوردي :inlove:

والموتو الأسود والذهبي ..

محتاره بينهم !! :k_no: ما أعرف شو آخذ لي !!

::

الشغاله غسلت عباتي .. والطربوشه الصغيرونه اللي فيها اختربببببببببببت

مقهوووووووووووووره ما لبستها ولايوم !!

:fa43:

شكلي بقصها وبلبسها جيه باجر ..!

:biggrin:

::

اللي وياي في الدوام صج فنااااااااااااااااتك !!

:boxed:

والله لو أخبركم عن سوالفهم بتتخبلون !!

أحس صج عايشين ف أمريكا !!

:d014:
المزوحي
16-03-08 ||, 11:14 PM
اليوم : الاحد

حضرت المزوحي ناش متاخر، يالله عاد كل بداية سبوع، تلقوني اظهر بــ هالحركات :k_harhar1:

المهم وصلنا بالسلامه، وبدينا نتمتح في الدوام ( شكلي مب مستوعب ) :vampire:

وبعد ما لميت الاوراق وبديت في الشغل :look: ترن ترن ترن ترن هذا تيلفون المكتب يرن :fa56:

ألووو ياهلا وينك انته اليوم ، أنا ييت متأخر .. تعال تعال ... زورنا المكتب :k_blush-anim-cl: خخخ

شويه وسرت المكتب الثاني .. الواحد يبغي يتنصخ طشونه :a046:



العصر سرت برجمان، فيه حركه عجيبه، تقولون ويك اند .. ماشاء الله دبي ماعادت فيها بداية السبوع

وإلا ويك اند :3:

على فكره ملااااااااك تراني خذت سوني اريكسون W890 وسعره 1495 :a0360:

هممم ابغي آخذ لي هديه، ذكرتيني بفلوسج .. لازم آخذ لي شي .. مع إني امسات

ساير وشاري لبس :woot: بس في شي ناقصني :k_harhar1:
شمعة أمل
16-03-08 ||, 11:15 PM
اليوم الأحد
المود الحمدالله
الموضوع

اليوم يوم غرييييييييييييييييييييييي ييييب

من الساعه سبع وانا ناشه مع انه المفروض انش 8:20:glare: بس كنت أحاتي الربورت لاني ماخلصته.. بس طبعا ماقمت من شبريتي الا يوم استوت الساعه 8وربع:tounge:

مادري اذا بس انا.. لكن شارع الشيخ زايد كان فاااااااااااااااضيييييييي يييييييييييييييي بس كنا كم من سيـاره عليه.. ونـاسه
وبعدين يوم اوصل قريب للنولدج فلج ولا اكتشف انه مغيرين الشوراع ومادري هالشارع وين وداني عقب المهم وصلت لول:fa46:
عقب داومت وفي البريك سرت عند فطوم ربيعتي.. جان تقولي.. شمعوووه!! تدرين انج مسيفه صورج ويا ربيعتج وهلج على السي دي الى عطيتيني اياه... وانا هااااااااااااه:Oo:.. اونه هييه شفت صورج ويا ربيعتج وبعدين صوره ويا ابوج وصوره في البر.. وانا بعدنييي مصدومه ماعرف شو السالفه O_o
رديت للكلاس وطرشت مسج للبنتين الثانيات جان اقوللهم السي دي الى عطيتكم اياه فييه صوري ويا اهلي؟.. وكلهم قالولي هيه:Oo:
حسـيت انه بيغمى علي:fa46: لدرجه اني مارمت اتحمل وطلعت من الكلاس واتصلت في كل وحده جان وحده تقوللي اونه مايا عبالي اخبرج.. قلت كيووووت شمعوه حاطتلنا صورها لول
وانا :ghostface: بنذبح:ghostface:
سيده رديت البيت وخبرت امي جان تهديني وتقولي ماعليه .. لانه تعرف انه ربيعاتي زينات ومابيسون شي غير انه بيردولي السي دي باجر وبقصه لول:fa46:
أو صح وانا راده البيت وجان اجوف حرمه ودخان يطلع من سيارتها:hysterical: جنه فلم:hysterical: يحليلها زاغت ووقفت في نص الشارع في فريجنا:hysterical:
المهم
بعدين سرت سبينز
بعدين رديت البيت واشتغلت على الربورت
بعدين رديت الجامعه ويوم عطيت الريال شغلي جان يقولي إمتى الديدلاين؟ وعطيته نظره بايخه لول جان اقوله الحين!!!.. عقب مادري شو جيك على الكمبيوتر جان يقولي مزبوووط .. عبيط
عقب سلمت على وحده
عقب رديت البيت
عقب سرت بيتنا الجديم.. أول بيت عشت فيه.. عشت فيه يمكن لين كان عمري 8:fa35: بيهدمونه قرييب ف سرت اصوره:fa35: ذكريات!
عقب رديت الجامعه للكلاس المسائي ومادري شو سالفة الابله كله حاطه علي كل شوي تزقر اسمي.. وبنات الكلاس ماعرف شو بلاهم.. كل وحده مشتطه وحاطين على الشباب شوي وبيفلعونهم:hysterical: وانا يالسه وأضحك.. وماشي ضحكني كثثثثثثثثثثثثثر انه بنات مسويت برزنتيشن عن دياي:hysterical::hysterical::hysterical:

وايد مستانسه
اجازتي تبدى قبل كلحد:hysterical: اجازتي تبدى اليوووووووووم!!!!!!!!!:fa34: كلحد بيأجز لأسبوع وانا بأجز لأسبوعين:fa34: مع انه لازم اسير الجامعه حق اجتماعات بس يعني ماشي كلاسات:hysterical:
قصايد غلا
17-03-08 ||, 11:26 AM
اليوم : الاثنين

المود : عااااااادي + متضايجة شويه :smile2:

الموضوع :

اليوم ثاني يوم للاجااااااااااازة ، ملاااااااااااانة لأن أميه و أبويه في الذيد :glare: ==> يوم بيردون بسوي لهم حفلة لأنهم ما ودّوني:mf_leia:

و أحينه يالسه أشتغل عالبروجكت و العصر بسير أشتري شي حق حرمة ولد خالوه ==> لأنه بالخميس عيد ميلادها :happybday:

هالاسبوع وااااااااااايد دفّعت اميه بيزات لوووول

و مصّخوها الناس كل خميس يسوون حفلة وعزيمة فقروووووووووووني:tounge:

اللي ناجح واللي مكمل مادري كمن سنة و اللي و اللي ..........إلخ

بجوا عيال خالوه 2 ما اشتريت لهم شي عشان اعياد ميلادهم :Oo:
إذا تفيجت العصر بشتري لهم شي


و الحمدلله افتكيت يوم السبت سرت فصلت لي مغربيات حق العيد من احينه لأنه أصلا الخياط ياخذ له كمن شهر لين ايخلصهن "ما فيه اتغربل عقب"


بس صدق في هالاسبوع استوت مواقف هلكتني من الضحك

مرة كنت ويا خالوه وولدها "عمره 4 سنين":12:

جفنا مصرية متيــــــــــــــــنه جنها ابله عطيات

جان يقول ولد خالوه : ماما هاااااااااااي دبّــــــــــــــــــــــ ة تزيّــ:k_nono:ـغ ، لا تخلينها تركب ويانا عشان ما يطيح اللفت:k_no:

أنا فيني طبع خايس "مووووووووووول ماروم أيوّد عمري يوم أشوف او أسمع شي يضحك":a068:

وجان اضحك ، جان تصد المصرية ، قلت في خاطري : عز الله نتّفتنا اليوم:fa46:

جان تقول المصرية حق خالوه : علّمي ابنك الأدب

أنا هلللللللللللللللللللللللل كـــــــــــــــــــــــت من الضحك على خالوه و ولدها :hysterical:
رمــش الغـــلا
17-03-08 ||, 01:06 PM
هلا ملاكوووه


فديتج والله استاااااانست يوم شفتج ف اكسيوم هاك اليوم:fa34:


عاد وانا حليلي يالسة ادورلي فون << بعد فوني اللي طاح فالحوض حليلهـ لول:redface:




...


انا حتى عيبني البنك والذهبي << :fa35:


والموتو بعد اسود وذهبي


عيبوني هالفونين وايد


بس الموتو مافكرت اني آخذه لانه موتو وانا مابا الا اريكسون ^^:heart:




...


ها ماشالله ... مسرع ماصرفتي نص البيزات:fa46:



انتي يبالج ضرب:a058:


مول ما تقبضين بيزاتج :k_puppyeyes:


اهم شي هدية الوالدة عسب عيد الام


لاتنسينها :fa34:


ها اول شي تاخذينهـ فديتجـ ^^:a070:




سي يو سووووون :a033:
أنامل قلب
18-03-08 ||, 12:58 AM
ملاحظه : اختي قصايد غلا ..
ولدكم ضحكني .. شكله مهضوم ^_^ ..

:
.

السلام عليكم ..

اممم اليوم : عساس انه الاثنين ..
المود: ....
الموضوع :

اجواء الجامعه أبدا ما تساعد ان الواحد يستمر ابها ..
وايد اشوف شغلات تضايق وتضيق معاه الخاطر والفكــــــــر ..
أحس مــــــــــووول مالي محل من الاعراب ..
ولا أصلا من الأساس أبي أكون معرفه ضمن بنات الجامعه .. :ohboy: !

متى بنوصل لاجازة الصيف ونرتـــــــــــــاح وأنال فرصتي ابـ ... ....... ....... .. !!
ان شاء الله بس يصير اللي ابـ بالي و ينزاح ... .. ...... .. ,، !!!!!!

:

توهم قبل شوي شلو قشهم قوم بنت عمي وعيالها .. صدق انهم كيوت ما شاء الله عليهم ..
اونه الوالد يسأل اصغر 2 بعيالها "من وين يايين" لأن بالعاده لازم يتحوطون قبل لايونا ..
جان يرد عليه الاول اونه انا ياي من الامارات ورد عليه الثاني يصححله ..
اونه لاء نحن يايين من شيكاغو :/
احليله بعده متأثر ..,، !

بس شــــــوو أحبـــــــــهم من الخــــــــــــاااطر .. :redface:
أحسهم مادري غير ..,،!

:

تمينا نلعبهم تركيب "بمختلف انواعه" وضعنا بالبالونات .. اللي قاعد ينفخ واللي يبط
واللي يايه صوبي اونه بتبط البالونه صوبي بما انهم يعرفوني خوافه .,!

بس ما شا الله عليهم .. فكرهم من الحين طيب تبارك الرحمن ..
صح انهم يقفطون وايد خاصه لمن لعبناهم الكلمات المجهوله ولعبة الفيسس والخ ..
بس يبقــــون حبــــــــابين ^_^..

اممم ختمناها بلعبة ديل اور نو ديل اللي يابوها معاهم "دي في دي" واختي غلبتهم لول .. !!

احليلهم ما بغو يروحون وهم نحن بعد كنا مستاسين بقعدتهم ..
مع انهم اجازه اسبوع مب مثلنا نحن عيال البطه السوده .. ,، !

:

وبالأخير ..

لازلت مشتـــــــــاقه ..,، !

:
:

.

..
المزوحي
18-03-08 ||, 07:49 PM
اليوم الثلاثاء

المود : عادي

الموضوع : ملل الزحمة

أبد ماتنطاق الزحمة اللي في دبي وياها الشارجه بعد .. خلاااص ملينا من الاختناق المروري

يعني الواحد يبغي يقضي شغله، يتم في الشارع ساعتين، وهو المكان من بيتك ياخذ 10 دقايق

ربع ساعه بالكثير .. ساعتين اتم في الشارع عسب اتاطول شي، :h_negab:

الصبح،، من نظهر من البيت ونحن اتم في السيد لين نوصل راس الشارع العام، ومن عقبها

نبتدي أما ندعي او نقرأ على عمرنا من سواقة .......... اللي في الشارع ..

على كثر ماكنا نحب السواقه، كرهنا هالشي ... وكانت محاولاتي إني أدور أي مواطن في السيارة

كل ما أصد أشوف وووووووووافد ( غصب عنك ) ملل ملل ملل ملل صدقوني ملل :3:

ماشي احترام لاذوووق لا أخلاق في السواقه ..

وصلت الدوام وانا بإبتسامه عريضه :woot: وقلت بما إنه عندي موعد، خلني اطلب الريوق من وقت

اليوم .. تريقت وظهرت ... ورديت أحس كأني في شهر 8 من الحر، مادري ليش حسيت بــ هالجو

ووو

بس ما استوى شي يديد في الدوام، اكشن معين مثلا .. أبدا :doh:

العصر سرت الشارجه ياكره الدرب ... :h_negab: :h_negab: قهرررررررررررر مللللللللل وكل شي

رديت البيت 7:15 قلت ادخل الواحات ابرك لي من الظهره :vampire:
قصايد غلا
19-03-08 ||, 01:09 PM
أنامل قلب قصدج ولدنا دفش :fa46:


اليوم : للأسف الأربعا:smile2:

المود : زويييييين :mf_leia:


الموضوع : قرّبت تخلّص اجازتنا

لو قالوا لنا ان هالاجازة حق الواجبات و البحوث جان فكونا ==> ما يسوى علينا ، من اجزنا و نحن نسوي اشيا تخص الجامعة :glare:

اليوم بسير عند ربيعتي لأنها من كمن يوم تتحرطم أونها متولهه عليه وعلى الخبال اللي يظهر يوم نتلاقى:12:

ودّي أظهر في الحوي أفتن على العمّال وأصفّعهم :a058: ، يوم يكون بيتنا فيه عمال يشتغلون يتحوّل بيتنا مطعم هندي

الأغااااااني الهندية شاله البيت والقهر انهم يشتغلون ورا حجرتي ==> يلا عاد يا قصايد عيشي في الهند و اذا فيج خير ارقدي:k_no:

افففففففففف منهم




المزوحي : الله يعينك لووول

شكلي ما بسوق بسبة الزلمات و الهنود و سواقتهم اللي تشرح الخاااااااطر :tounge: ...
تحفه
19-03-08 ||, 09:38 PM
دير دياري .. اسناني العقل ميننتنييييييي :<
دمعة عين
19-03-08 ||, 10:15 PM
اليوم // الأربعــاء .. ~
المــود // طول اليوم كان ولله الحمد عال العال .. ~
الموضوع // ..

اليوم وناسه من الخاطر .. لأنه بيكون آخر يوم نداوم فيه هالأسبوع .. وباجر الخميس إجازه ..~
^^" .. لول ..
وأهم شي .. رجعت داري .. وحق أهلي .. كنت متولهه عليهم من الخاطر .. خاصه أمايه وأبويه وعيال أخوي .. ~
فديتهم يارب ..~

بس يا فرحه ماتمت .. نسيت جرج اللاب وين كنت .. يعني ما بشوف هالجرج إلا يوم السبت .. ،
أخيييييه .. بتم أشحت الجراجات طول هالويكند .. آآهـ .. ربي يعيين والله ><" .. !

ماعرف أعيش من دون لابي .. وين بدق براسي .. ><" .. !

همسه // .. لا تشتري من حاولوا يخسرونك ، ولا تخسر اللي [ فكر ] بيوم ، يشتريك ..~
،
.
.
مزن هتان
20-03-08 ||, 12:32 AM
اليوم: صرنا بالخميس
المزاج: مش تمام

الموضوع
من يومي و أنا ما عندي رفيجات، بس أكتفي بـ علاقة الزماله
خلال الدراسه و تنتهي بـ انتهاء الكورس لين 19 و انا عـ هالحال.
بس مادري شو ياني و رافجت بنات الحول الاول و طقيت صحبه
معاهم، و هـ اليومين غادين شرى اليهال غيريّه و نقل حجي.
اللهم يا كافي حتى أميه و خواتي قالن لي اتركيهن دامهن جيه

صيحوني اليوم، وخبرت أميه ما خلت فيهن شي. أجدت فيهن
و بردت فوادي

ضايجه و مالي خاطري أسوي شي
ليتها سيرت العين كانت هـ الاسبوع
المزوحي
20-03-08 ||, 12:55 AM
مزن هتان أنا مثلج ماعندي ربع، ومب شرط العيب فيّه دام ماعندي ربع، ولكن مافي حد يستحق صداقتي

مب خقاق، لكن ما اتوفق في الاختيار .. مب قضية ادور صديق perfect بس وايد انصدم، فمن جيه ما احصل

حد مثلي .. وما أمدح عمري ... ولكن ... الله يعيني .. :3:

اليوم : الاربعاء ، صح دخلنا الخميس ..

الصبح : صدق فيّه رقااد، قلت قوم احسن لك .. وراك دوام، ومب مشكلة باجر إجازة .. :look:

قمت وسرت الدوام، لكن كنت يوعان الصراحه، فقلت لهم قبل كل شي ابغي اتريق .. :fa56:

وعقب كنت مضغوط، وايد عندي شغل، بس حاولت اخلص كل شي :fa42:

ومع هذا كنت وااايد مستانس، من الخاطر ونشيط ... :a049: لكن آخر الدوام تنكدت ..

واحد عكر لي مزاجي .. :a046:

رديت البيت رقدت طشونه، وكنت معزوم عقب المغرب .. ورديت من شويه ..
مزن هتان
20-03-08 ||, 02:47 PM
مزن هتان أنا مثلج ماعندي ربع، ومب شرط العيب فيّه دام ماعندي ربع، ولكن مافي حد يستحق صداقتي
مب خقاق، لكن ما اتوفق في الاختيار .. مب قضية ادور صديق perfect بس وايد انصدم، فمن جيه ما احصل
حد مثلي .. وما أمدح عمري ... ولكن ... الله يعيني .. :3:


أنا أغبطك الصراحه مرتاح من الصدعه :smile2:
لا تدور لك رفيج، هلك:heart: يسدونك صدقني.
إلا تداري على مشاعر فلان، تحترم علان
و بالأخير يرمسوا عليك.

امحق رفجه :k_sadwalk:
المزوحي
20-03-08 ||, 03:10 PM
واحد من هلي قال لي ... لازم تتقبل الغير بطريقتهم، بأسلوبهم، بتعاملهم وتتقاضى عن بعض الأشياء اللي فيهم

يقصد إنه انا السبب في إني ماعندي صداقات ( مع إني انسان اجتماعي، حبوب، فرفوش ) ومع هذا بتستغربين

كون ماعندي صديق ... والسبب مثل ماقلت لج قبل ...

اليوم : الخميس

المود : عادي

الموضوع : أبغي اغير جو

البارحه رقدت الساعه 3

وقمت الضحى .. مب شي الصراحه ... الجو مغبر .. في خاطري اظهر .. من زمان ماسويت جوله محترمه في البلاد

ووو اليوم إجازة .. وعندنا الجمعة والسبت كذلك ..
بنت الدلع
20-03-08 ||, 09:48 PM
السلام عليييكم

ثانكس تحفه عالموضوع
لول يالسه ادوره في الفضفضه اخر شي لقيته هني

ويييه مي توووووو
من 3 اسابيع وانا اعاني من ضرس العقل >.<
خبلني

حاسه فيج =(

====

اليوم: الاربعاء (امس)
المزاج: كنت مستانسه بس في شي مب متأكده منه
الموضوع:

استوى تج بيني وبين ربيعتي على شي سخيف
وهي اصلا مادري بلاها منجلبه
so تولي و i don't care
عيل تيلس تقول الفااظ جدام النعمه واسكت عنها !!
عفان الله شي ناااس صدق ماتقدّر النعمه الي جدامها
مايخافون من الله هذيل !!

والعصر سرنا عند الـ special needs
هالمره كان غير شوي
مادري ماكنت وايد مرتاحه مع اني كنت مستانسه

ماي فرند اموووووله يت ويااااااااااااااااااااااا ي :a033:
وما سيس ان لو بعد

ومسّتنا وااايد استانست عليهم وحبتهم
في الكلاس انا واموله وايد استانسنا ويا البنات
وايد حبوبات
وحده منهم يت تبا تحضني :a050:
بس مادري وااايد خفت مع اني مابغيت ابيّن هالشي

جان تقول مدرستها: سااااره ردي مكانج

يحليلها شيز سويت بس مادري ليش خفت وابتعدت
اول مره اسلم عليهم واحتك وياهم جيه
والله هم واااايد سويييييت ويوم بغينا نسير اتعلقوا فينا:fa35:
يستانسون يوم حد يزورهم

واخر شي سوولنا حفله بمناسبة المولد النبوي

لول ونفس الي استوى ذيج المره
رقصوا
الولد يوم دش تقولون داش ملعب لول
حاط هالشال مال الوصل
ويمشي ويسلم عالكل
واحد مشهور لول

ويوم رقصوا
هههههههههه وااااايد كوووووووووووووول والله :fa56:

شي هالاولاد مال سبشل نييدز يالسين جدامنا بس بعاااد يعني
اونه واحد منهم يطالعني انا وامووله يوقف ويعق كابه وينزل راسه جيه bowing يعني
شو ماضحكنا علييه
والقروب الي كانوا ويانا كلهم تموا يضحكون على حركاتهم البريئه
اونه خلاص انعجبوا فيكم لول

حلو يوم نسير ونجتمع وياهم
لان مانحسسهم انهم اقل منا

صورت امس بس الصور عندي ربيعتي
اذا طرشتلي اياهن براويكم ^_^

==

واليوم بطوله اشوف لوست
خلاص ادمنت عليه
بعد شوي بسير اكمل

بباي :inlove: