معلوماتكم عن المالديف

[طير الحب]

السلام عليكم...


طبعا كل ما قلت بروح المالديف قالوا ما تنفع ومملة بس انا ابا اسيرها لاستجمام بعيدا عن اجواء المدينه والصخب...ابا ايلس في كوخ وبحر وطبيعه ما ابا اسواق ولا زحمه يعني جو المالديف يناسبني ...بس عندي كذا سؤال


جوها على ما اعتقد استوائي ف شو نوع الملابس المناسبة للكبار والاطفال اعتقد ملابس البحر يعني الجينزات ما تنفع...

النسبة للأكل عسب اذا خذت عبادي وحور الافضل اخذ لهم اكل ولا في سوبرماركت ممكن القي فيه كورن فليكس وكورسون وهالسوالف.

وثانيا ماشيء طيران غير الامارات....كنت ابا الاتحاد بس ما توصل المالديف وهيك عطونا اقتراحاتكم...

[ايه احبك]

والله ما عندي فكره عن الجزيره لكن الي اعرفه انها وايد حلوه حق استجمام بسألج اختي
بس هي اختيار موفق ^_^ حق راحة البال

[المزوحي]

دخلي هالموقع وخذي فكره، لين مايردون عليج الاعضاء..

http://travel.maktoob.com/vb/travelarab93/

[شمعة أمل]

انا اهلي ودوني المالديف لـ عيدميلادي ال13 D: وايد وايد استانست
سرنا sun island .. اول شي لازم تسيرين لـ مطار سرلانكا مادري الهند عقب تاخذين يا قارب ولا طياره بحريه .. نحن خذنا الطياره
بالنسبه للمالدييف
مب لازم تحاتين الأكل لانه كلهم مسلمين .. واكلهم كله حلال وماشي لحم خنزير =) < مادري عاد لو بعده نفس الشي لانه هذا قبل خمس سنوات

ثاني شي
لو سرتي هناك بس تقدرين تسوين تان ولا تسبحين في الحوض او البحر او تسيرون تغوصون.. يعني كله اشياء بحريه ف تحتاجين لبس بحري.. مابتحصلين حد لابس ثياب ثياب كلهم هناك لابسين بكينييي ولا شورتات

نحن خذنا نفس فلا على الشاطى .. بس شي فلل على (فوق) البحر .. كزن ابويه كان هناك ويا مرته في نفس الوقت وقدرت اشوف هالفلل كيف من داخل .. لو تاخذين فله فوق البحر جي عندج دري خاص ينزل للبحررر ف تقدرين تسبحين عند فلتكم (بس كان شي قرش صغير يحوط هناك >.<).. لو تاخذون فله على الشاطي ترا اي حد يمشي جدامكم والمناظر بصراحه فضيعه p: احيد كل شوي كنا نغمض عيونا xD

بس من ناحية البحر وجي وناااااسه شفت قررش وحنيش بحري O_o ومايهم نظييف وشفاف

بس ترى وايد بتسمريين


او صح
عن الاكل ترا يوم تسيرين تاكلين عندج وييتر خاص فيج .. كل يوم يستقبلج وهو الوحيد الى ياخذ طلبياتكم & عندكم طاوله خاصه بس حقكم يعني دووم تيلسون على نفس الطاوله

[طير الحب]

هههههههههههههههههه ابوي يقولي شو تبون بالمالديف شيء نفس الفكرة منتجعات....قرش وحنيش لا والله يا شمعه خليتيني اتحمس...بنشوف اذا الله يسر بنسير...يبالي يعني سن بلوك ...بس خبريني شو اسم الفندق الي يلستوا فيه...مكتب السفريات عطاني كذا مكان وكلهم روعه وممكن نسكن في مكانين لزوم التغير عبود بيتخبل...دوومه يهاذي بالبحر...

[شمعة أمل]

بس شي فندق واحد في كل جزيره حسب علمي .. ف اختارو الجزيره الى تبونها وبتحصلون فندق فيه

[طير الحب]

انا ناسيه سالفه انها جزر كله اتحراها جزيرة....انزين شمعه في اختيار ثاني قولي من وجهه نظرج شو الاحس انا ما احب اني ازور دول عربية بس قالي منطقه سوسه في تونس ووممكن نظهر منها نروح ايطاليا ونرد وانا خاطري اسير ايطاليا بس يا ترى ممكن نظهر من سوسه وندخل ايطاليا لانه نحن في اوربا عادي بس هذا بيكون بين دولة عربية واجنبية

[شمعة أمل]

تونس ماعرف شي عنها لاني ولا مره سرتلها
بس يستوي تسيرين من تونس لين ايطاليا لاني احيد ابويه كان عنده بزنسس وكان يسير من تونس لين ايطاليا .. بعدين انا ماحس انه تونس دوله عربيه < كيفي لول p: .. لا صدق يعني رمستهم غير كل شي غير ف انتي مابتحسين انها دوله عربيه
وايطاليا وايد وايد بتستانسوون فيهاا .. مافي حد يوم سار ايطاليا ماستانس .. والجو الحين باااارد هناك ^_^


لو انا في مكانج
بسير تونس وايطاليا لانه انتي عندج صغاريه وبعدهم بيبيزز .. ف ماينفع تودينهم الماليديف .. غير انه انتي الى بتملين لو سرتي ا لمالديف .. لانه الخصوصيه لمتد ف مابتقدرين تسوين شي

[طير الحب]

المزوحي...وايد حبيت الموقع الي طرشته ثانكس

[المزوحي]

حاضرين

وهاي صورة من زيلامسي ...

http://www.uaeec.com/vb/imgcache/14440.imgcache

[طير الحب]

يا سلام شهرعسلنا سرنا زيلامسي وايد روعه هالمكان

[شتشووته]

ياربي اتخبل عالمالديف انا ..

وااايد حلوه .. يسلموو عالمعلوماات ؛)