كي كده !

[ألم ترى]

بسم الله الرحمن الرحيم

،

شحي و حبسي وهاك الصوب خنبولي
قيشي و سلحدي وحذاله رحبي
كلهم بنهاية حرف الياء يدلوني !
:fa46:

من هالموضوع ابي اضيف لكم مصطلحات الشحوح و الحبوس
كلمات غريبه وابصم بالعشره إني واحد مني ما افهم عليهم !
بحطي لكم بعض الكلمات مع ترجمتها إن شاء الله
:k_special2:

ع فكره ترى عنوان الموضوع يقول ليش جذه !
لي عوده إن شاء الرحمن

،

اخاف عدنا شحوح و حبوس مش ديمقراطيين
:biggrin:

[بنوتة جميرا]

ما ارضى على الشحوح نسايبنا
خخخخخ
اسولف عادي
كثير من المصطلحات الغريبه اللي الحضر ما يعرفونها

بانتظارك وبانتظار المصطلحات اللي بتحطها

[ريم العين]

اترجم لك العنوان

كي بالشحي يعني ليش


من احين اقولكم محد يغلط هاه ^_^
ا

الم ترى
شكرا عالموضوع الأمَر

وجان تبا مساعده انا موجوده ^_-

[صدى جوفي]

شفروا الجماعــة..

كي>>> أشوفها كيف (أكثر)

نتريـــا موضوعكـ .. محب الشيخين

[حلم الطفوله]

السلام عليكم

أنا حافظه كمن كلمه ....

الياريه .... البنت

البن ... الولد

البيب ...الباب

حبوه .... يعني يدووووه :)

وجان غلطت اسمحولي وصححولي

[مخاوية الامل]

احم :fa32:

[عافك الخاطر]

يبالنا نتثقف..
وياريت لو تحطيهم مع التشكيل عشان نضبطها صح :14:
.
.

[خيال الحب]

لو تبغي مساعده حاضرين لوووول

انته بس اختار المعجم الشحي ولا الحبسي >>على كل الموجات

السنوره: قطوه >>كل حد يعرفها

انهي: يعني روح

بانتظارك الم بن ترى^__^

وبنعطيك هالشلة اهداء

لاقفنا غزيّـل بالوادي .. حتـى من الخشـم ينقاد
والهدب ريش النعايم.. والعين تكسيه السواد

[مزايا]

اتفقوا الشحوح على ان لايتفقوا
الحين كي شو معناتها بالضبط ؟!
ألم ترى شكلك بتوهق عمرك ويا الشحوحP=

[بنت الدلع]

شحولكووم انتو
مهووم سويتو اليوم
من زموون اخي ماتقوون إنّا

:icecream:

[ايه احبك]

لووول
اتضحك رمستهم مب لاشي لانهم يرمسون بسرعه دودودودودددXD
ان شالله ما يزعلون ربعنا XP
اذكر مره كنت اتصل في اولياء الأمور ورد عليه ابو طالب لكن وحياتكم ما فهمت شي غير ان شالله ^^;
وعشان ما ابين اني ما فهمت عليه رديت وعدت موعد امتحان الطالب عشان ما اتقفط XP
بس حلو انه نتعلم عليهم خاصه انهم كثار في راس الخيمة يالله ومنكم نستفيد XD

[ألم ترى]

بسم الله الرحمن الرحيم ..

اخواني المشاركين ..

شكرآ لـ تواصلكم و مروركم اللامحدود :..

اللي يحب يضيف شيء انا ممنون له ..

لي عوده مع المصطلحات الشيحية إن شاء الرحمن :14: ..

[مــهــابه]

حـلو الموضوع

في كلـمات وايد تعلمتها من بنات راك منها :


أزحـق = [ أخــاف ]

مرتقـده = [ شـايفـه عـمرها ] == > جان ماخانتني الذاكرة

بنآس = [ بــرقد ]

شي لا = [ مـاشي ]

أبـغي لا = [ مـابـا ]

أدان = [ أذان ]

عـليش = [ لـيش ؟ ]

كدا = [ جـذه ]


والله اني هب شحية ، والسموحة جان خرفـت

[خيال الحب]

دويني=اذن >>مب ذنيني هيهيهي

احص: اغار>> يوم تقرقط الواحد يقولك احص الصاد عليها سكون والحاء تحتها كسره

[ريم العين]

حلم الطفولة ..الييرية مب اليارية

في وايد الكلمات مايكتبونها صح مثل النطق!!!!

[ألم ترى]

بسم الله الرحمن الرحيم

,

سرير .. كرفيية
رأس .. روص
ستارة .. بردوت

فتاة .. ييرية
ولد .. بن
ماء .. موء

عصير .. آصير
سماعة .. سموئة
ماعز .. اشي

نظارة .. نضورة
قطة .. قاطوة
قلم .. قلام

نعال .. أنئول
حمام .. حموم
اظافر .. أشئوف

عقال .. أأقول
كوب .. أقلوص
فرحان .. فرحون

شو اسمك .. هو ما اسمك
هذا .. هوده
رجل .. رييل

،

لي عوده أخرى
إن شاء الرحمن
:fa48:

[الإبداع]

رمستهم موووووول غير عنا !!
حسبالي من العنوان شي يخص اهل عمان !
آخر مشاركه حق ألم ترى (تحفه )
وان شا الله لي مرور ثاني
يعطيكم العافيه

[بنت الدلع]

يا حييييهم والله

كمل يا الم ترى

[ألم ترى]

حاضر حاضر
شغايل هم مستعيليين !
:a046:

سروال .. سرويل
مرضعة .. مربوئة
محايه .. ممسيحة

قوم .. اسطاء
استقال .. فناش
ادم .. إيدم

باب .. بيب
البارحة .. البورحة
جهاز .. يهاز

أحمد .. حماد
محمد .. حماء
ثلاجة .. تلاية

لحاف .. ألحيف
طيارة .. طيورة
سافر .. سوفر

يربط .. يحبل
مدفع .. مدفاء
تعال .. تائه


لي عوده أخرى إن شاء الله
:k_devil2:

[الشيـــن]

تعقيب بسيـط .. مش كل الشـحوح لهم نفس الرمسه !!
شي شحوح رمستهم موووليه ماتنفهم ..
وشي شحوح شوي أهون ..

[ألم ترى]

اطاع العيوز موجوده !
انتي وين منخشه من زماااااااااااااان ؟
:a046:
المهم اختي الشحوح رسمتهم اهون بوااااااااايد عن الحبوس
وانتي ادرى فيهم وانا مجرد طارح لـ اللي اعرفه !
:smile:

[ايه احبك]

مب قصدي شي غير الأستفسار
بس لغتهم فظيعه لا هي بعربيه ولا هي بغير عربيه ليش هم جي يرمسون وين بدايتهم
عذرا من كل شحي/ه بس انا ما احتكيت بشحوح في حياتي موول

[ألم ترى]

بسم الله الرحمن الرحيم ..

ايه احبك ..

اسكتي اسكتي عن حد يسمعج :mf_leia: ! ..

شوفي اختي ف كل مكان عندهم لهجه بروحهم ..

يعني في الشارجه شيء منطقه اسمها الخان عندهم رمسه غريبه ! ..

مش كل المنطقه ولكن شباب مسويين لهم رمسه بروحه ..

انتي اتعرفيني شو يعني الكيت نبت ؟ او القيط نطو ؟ ..

الكيت نبت يعني كبت و القيط نطو يعني قطو :biggrin: ! ..

ونحن عدنا مناطق ولكل منطقه رمسه غير عن الثانيه ..

والشحوح والحبوس يوم يتكلمون ويا الحضر تكون رمستهم عادي ..

والرمسه اللي فوق اكثرها تكون مع بعضهم ! ..

انا ما قلت شيء :fa48: ..

[ايه احبك]

يعني هي لهجه تشفيريه ؟؟

[الشيـــن]

ألم تـرى ..

اطاع العيوز موجوده !
انتي وين منخشه من زماااااااااااااان ؟
:a046:
المهم اختي الشحوح رسمتهم اهون بوااااااااايد عن الحبوس
وانتي ادرى فيهم وانا مجرد طارح لـ اللي اعرفه !

لول .. انا هنـي من زماااان ..
أتـاابع دوم بس مب دوم أشـارك لول ^^
وصح كلامك .. الحبوس هاذيل موضوع ثاااااااااااني !!
وانا ماقلت الي تعرفه غلط بس أقصد ان في ناس صح يرمسون جي وفي ناس شوي تختلف رمستهم ^^
وبعدين ايييييه مب عيووووز انا =@

\
/
ايه احبـك ..
صدقيني عربيه ههه بس ماتنفهم لانهم وايد يحيسون الرمسه يعني
يغيرون المـد والحركات ^^

[خيال الحب]

ايه احبك

هاللغه مخلينها احتياط سبحان الله تستوي حرب ولا شي نستخدم لغتهم بالشفره عسب محد يفهم =P

بس احس عادي تنفهم>>يمكن لاني عايش وياهم

كمل اخوي معاذ متابعين :)

[الشيـــن]

^
ههههههه قول احلف !

[ايه احبك]

الشيم طاعي طاعي
مرضعة .. مربوئة
الحين هذا التغير الي صار في الكلمه كله عباره عن مد وحركات O_O
ياااي اتغيرت الكلمه بسبع وعشرين درجة
بس انا سألت وقالوا لي اصولهم برتغاليه صح ؟؟
--
لوول يا خيال صدق خيالك واسع لوول XP
بسم الله علينا من الحروب الله يحفظنا في بلادنا سالمين غنامين ان شالله ^_^

[عهد الوداع]

كوب .. أقلوص :fa46:

انا ربيعتي وايد تخبل فيني ما افهم حقها شي بس احلى شي ايام الكليه في الاكلاس الاستاذ بيموت منها هههههههههههههه :a068:


تسلم الم ترى / بن :icecream:

[الشيـــن]

ايه احبكـ . . !

الشيم طاعي طاعي
مرضعة .. مربوئة
الحين هذا التغير الي صار في الكلمه كله عباره عن مد وحركات O_O
ياااي اتغيرت الكلمه بسبع وعشرين درجة
بس انا سألت وقالوا لي اصولهم برتغاليه صح ؟؟
--

لول .. عسب جي قتلج ان الرمسه تختلف امبينهم بعد ..
الله يسلمج في منهم يقولون [ مرضأة ] بدال [ مرضعة ] يعني العين سووها ألف ..
وهاييل اللي يقولون [ مربوئة ] حسب علمي يكونون لاصقين باليبل لول ..
وعن الاصول لا تسأليني .. كل حد يقول شي .. ! لوول

[ألم ترى]

بسم الله الرحمن الرحيم ..

اوب اوب لحد يغلط ع الشحوح ولا تراني بسكر الموضوع ! ..

هي تهديد هههه :biggrin: ..

شكرآ ع تواصلكم ولي عوده إن شاء الله ..

[ايه احبك]

لوووول لا خلاص بحضر وبسكت لكن لا تسكر الموضوع XP

[ألم ترى]

:thumbup1:
عيل فليل بحطي الاضافه اليايه
إن شاء الله اكيد !

[حلم الطفوله]

وحي القلم !!!

كي كده ادشين وما تشاركين ؟


ألم ترى .... بانتظار الإضافات أخوي

[وحي القلم]

لاني أقرا الكلمه و أنساها :hysterical:

ما جد تعاملت ويا الشحوح عشان جيه ما يخصني فالسالفه

لا تقوليلي ليش ما تشاركين :tounge:

[ألم ترى]

حيلو عني انا تئبان
:biggrin:

شاطر .. شوطر
جواز .. يواز
مطر .. مطار

حجاب .. اوقوية
امرآة .. يومة
طفل .. ييهل

ابرة .. ابري
شو تقول .. هو ماتقول
روح عني .. حيل اني

منشار .. منشور
رحت الجبل .. نهايت اليبال
ارجع لـ البيت .. ارياء البيت

نمت شوي .. نئاست شواي
شربت شاي .. شرابت كيهي
دكتور .. دختور

يتبع إن شاء الله
:boxed:

[عهد الوداع]

شربت شاي .. شرابت كيهي

شي عجيـب لووووول

[الجنيه]

ههههههههههههههههههه تسلم الم ترى ع الترجمه الصراحه لغتهم احسبها صعبه بس بنفس الوقت تنفهم بس اذا رمسو بهدوء اما اذا بسرعه مالقط شي الصراحه

وبهالمناسبه بحط لكم كلمه ما ادري شو اصلها بس عبادي ولد اختي دوم يقولها
سندويكه = سندويجه

ههه *_*

[ايه احبك]

وين التكملة يا استاذنا XS

الشحيه والله لهجتهم اتشككج انج من نفس البلاد لوول ْXD

[شتشووته]

فديييييييييت الشحوح انا .. محد يسواهم والله

احيدني كنت حاطه الموضوع من زمااااان اهنا بالواحات ..

يسلموو عالموضووع اخوويه ..

[شوق البدو]

ههههههه يااااقلبي عالشحووح بما اني فراااك لازم نحتك فيهم

,وفالسكن ربعي بعد شحيات وحبسيات

مرااات يقهرني عشان ما افهملهن يرمسن بلهجتهم دوروني انا مبققه عنوني وياسه اسمع على وعسى افهم

مراات القط هههههه


اهههههه بنهي انؤاااس هههههه بسير ارقد

[ألم ترى]

بسم الله الرحمن الرحيم ..

هب هب ومن وين مطلعين هالموضوع ههه ! ..

اشوفني مابكمل لئن دخلاتي متقطعه ..

[ايه احبك]

لا تكمله يعني تكمله =@ لوول اجباري ان شالله تحصل وقت وتكمل ^-^

[ولد الشحوح]

السلام عليكم ورحمة الله وبركاته
الناس شاده حيلها هني
انزين خبروني وانا بترجم
بس بغيت اعلق على كذا شغلة
اول شي الشحوح تختلف لهجتهم حالها من حال اللهجة الاماراتية يعني مال بوظبي ينعرفون ومال دبي ينعرفون وجي مثلا انا من منطقة وتفصلنا عن منطقة ثانية شارعين هم عندهم مصطلحات غير عنا نحن بس لهجتي اسهل لهجة باعتقادي لاني حضري
ثاني شي الشحوح مب بدو الشحوح قسمين فيه مال اليبل ولغتهم صعبة احيانا انا الشحي ما افهم لرمستهم ونسميهم بديه وفي الحضر اللي هم سكان الساحل واللي انا منهم وشغلنا فالبحر
واخيرا الشحوح عرب أقحاح وبحط لكم تاريخ الشحوح بس عطوني فرصة لانه مب تاريخ هين أبداً يمكن انتو ما سمعتوا بس الحمدلله انا اعرف تاريخ قبيلتي وافتخر اني شحي ولنا اعلام في التاريخ منهم المهلب بن أبي صفرة

بقتبس لكم من كتاب عن تاريخ الشحوح " وبكل الأحوال فإننا نخلص إلى القول إن نسب الشحوح الأصيل يرقى إلى الحارث بن مالك بن فهم بن غنم بن دوس الأزدي، فهم عرب أقحاح من الأزد " اسم الكتاب الشحوح وتاريخ منطقة رؤوس الجبال في الخليج العربي وأعتقد ها رد كافي للي يقول انا برتغاليين ولا ينسى فضل الشحوح في طرد البرتغال والتاريخ يشهد

كلمة مرضعة نحن نقول عنها مرضعة بس باختلاف التشكيل مَرضَعَة
عالعموم رمست وايد هخهخه وانا الحين مسطل وبرقد
واللي عنده اي كلمة يباني اترجمها انا حاضر

[ولد الشحوح]

حـلو الموضوع


والله اني هب شحية ، والسموحة جان خرفـت




اختي مب عيب لو كنتي شحية ، فما له داعي الحلف
وشكرا على الكلمات المترجمة :fa42: ومثل ما قلت تفرق من منطقة لمنطقة

وانتظروا تاريخ الشحوح بحطه لكم ... اخ بتعبوني يالله الله كريم
عشان الغوالي كل شي يهون...

اخوكم ولد الشحوح

[ولد الشحوح]

شربت شاي .. شرابت كيهي

شي عجيـب لووووول

مثل ما قلت بعد مال اليبل يقول عنه كيهي
اما نحن فنقول شاي عادي

ثانكس ع الترجمة
اشوفني بسرق الموضوع عنك معاذ هخهخه :fa56:

[فركوشه]

كي كدا... رمسة شحوح دبا

احنا فبيتنا نقول ليهوما هوده

.

في كلمات غريبه علي
ماعرفها

لو تحبون نضيفلكم كلمات

:)