~ فترة الملجة ~

[المزوحي]

بـــسم الله الرحمن الرحيم

خطبة



ملجـــة


زواج



حياة ممله


روتين


تغيير


خيانة والعياذ بالله


وكل عايله ممكن تختلف عن غيرها في طريقة الخطبة او الملجة والزواج، بغض النظر عن كيفية تم

الخطبة، هل عن طريج الأهل، صدفة، في العمل .. الخ






حد يحب يسوي فترة خطوبة، وبعدين ملجه وعقبها بيومين حفلة العرس ...

حد يملج ويخلي فترة 6 شهور وبعدين العرس

ومن هذا الكلام ...ممكن الاهل يسمحون لزوج بنتهم إنه يزورها، بحيث ماتطلع وياه ... :vampire:

وممكن تطلع وياه لكن يحددون المكان، او تاخذ حد وياها ولو صغير السن .. :3:

وممكن يخلونها تسير بحيث تختار على سبيل المثال أثاث ... :fa56:

شو الحدود في نظركم في فترة الملجة ؟؟ :k_shock_1:

عني أنا أشوف كل شي له حد ... ونلاحظ إنه هالفترة إنه الأثنين يكونون مشتاقين يطلعون

أو إنه هو يزورها بكثرة ... :m_mar7ba:

هل هالشي عادي وإلا الأفضل يكون حد، بحيث ماتطلع وياه أي مكان ولو هو حلالها ...

يعني خلاص محد يقدر يتكلم ... :k_icon9:

وبعض الأهل يرفضون البنت تطلع وياه، ولو إنه مالجين .. وتلقى البنت في حالة زعل وليش

يرفضون هلي دام إنه ملج عليّه .. :fa43:

هل فكرتي ليش سبب رفضهم ؟!!! :look:


نبغي نقاش في الموضوع ... :b050:


لأنه الموضوع مايتكلم عن الحياة الزوجية بحد ذاتها ولكن فترة الملجة ... :k_blush-anim-cl:

[شهوووودة الأمورة]

حلو الموضوع .. لي عوده إن شاء الله ..

[بنوتة جميرا]

اول شي شكرا ياخوي على الموضوع وصدق موضوع مهم
ثاني شي بتكلم عن نفسي
انا الحين في فتره ملجه
وصارلنا تقريبا سنه ونحن مالجين والسالفه بطول بعد لين العرس
وعادي ريلي يزورني بالبيت او اني اطلع معاه لانه خلاص ريلي مالج عليه
بس اللي يقهرني سؤال الناس
صرت اكره اقول لحد اني مالجه لان اول سؤال يسألوني اياه متى العرس
اقول بخاطري انتو شو يخصكم؟؟!!
دام اني انا راضيه وريلي راضي بالوضع اني اكمل دراستي قبل
كلام الناس ما يهمني لو بعرس بعد 4 سنين من الملجه
احس ان هالشي راجع لي انا ولريلي

السبب اللي خلانا نتخذ هالراي..نملج يعني..
اول شي لانه لو تم خاطبني مب حلوة كل يوم طالع داش البيت عندنا ومافي صله تربطه فيني يعني بس خطبه
والشي الثاني إنا نتقرب لبعض اكثر افهمه ويفهمني ويكون من حقي هالشي ومن حقه بعد
احسن من اني اكون على علاقه معاه من ورا هلي
جي علاقتنا في النور وهلنا يدرون

فتره الملجه انها اتكون فتره طويله لها سلبيات ايضا
مثال
صارت بينا مشاكل لاسباب كثيره وكنا نختلف بس نرجع ونتصالح
ويمكن بعد من المشاكل
اني في مرحله جامعيه وكثير من الاوقات اكون مشغوله بدراستي او اقضي وقتي مع صديقاتي
وكنت احس ان هالشي يضايقه
وبالتالي احاول اني ارضيه وبنفس الوقت احافظ على مستوايه في الدراسه وعلاقتي مع صديقاتي

سوري على الاطاله
بس موضوعك حلو وحبيت اخذ راحتي فيه
واذا عندي شي برجع وبكتبه

شكرا مره ثانيه

[ملاك الروووح]

::

هلا المزوحـــــي ..

أول شي موضوعك وايد حلو :m_9afgah:

ثاني شي .. ألف مبروك حبيبتي بنوتة جميرا عالملجه .. :9: ولو انها متأخره !


عؤبال عنــــا :biggrin:

:

بالنسبه لنا .. في البيت يعني ..

الوالد والوالده كانوا قبل رافضين فكرة انه خواتي يطلعون مع رياييلهم في فترة الملجه

لأنهم كانوا خايفين من كلام الناس ..!!

مع انه حلاله يعني عادي ..

حرمته على سنة الله ورسوله ..

بس تعرف العقليات كيف ! :a058:

لكن الحين الأوضاع اتغيرت .. وتعرف بسبة العولمه :biggrin: العقليات تغيرت شوي ..

ف اختي اللي ملجت في الالفيه اليديده :biggrin: عطوها حريتها .. بس بحدود أكيد ..

يعني كانت تطلع وياه وجيه .. بس بشرط انها ما تتأخر وايد برع البيت ..

وترد قبل الساعه 10 ونص بالليل ..

وفي الاسبوع مره ولا مرتين بالكثير ..

وهم روحهم كانوا يبون يشتاقون حق بعض أونه :biggrin: ف ما كانوا يبون يشوفون بعض وايد ..

بس بعد يعتمد عالريال ..

يعني ريل اختي هذا مثلاً عاقل .. ورزين .. وشخصيه ..

ف أهلي مأمنين عليه وجيه ..

لكن لو نحن باجر يا واحد خرشه ومصرقع ما أعتقد انهم بيخلونا ناخذ راحتنا وياه :biggrin:

ف هو يعتمد بعد عالريال شوي أحس .. :m_afaker:

:

وأحس انه يكونون مضطرين يطلعون مع بعض أصلاً

مثلا بيختارون الاثاث .. بيختارون الكوشه والدي جيه والبطاقات حق العرس ..

ف أحس حلو جيه انه يروحون مع بعض :9:

::

الله يرزقنا بولد الحلال بس .. :k_harhar1: وبنشوف شو بيكون الوضع في فترة الملجه

[المزوحي]

شهوووودة الأمورة حياج الله، وتفضلي في أي وقت ... وخذي راحتج

[المزوحي]

بــنوتة جميرا .. شكرا لج على رايج في الموضوع ... وثاني شي حبيت أقولج عيبتني صراحتج، حتى لو أنا أو غيري

عند وجهة نظر ثانيه .. حتى لو فترة الملجة طويلة، المشاكل بتكون بها وإلا بعد العرس .... وصح إنه وايدين ماتبين مشاكلهم إلا عقب،

لأنه كل الطرفين يحبون يبينون الجوانب الحلوة فيهم أكثر، وبما إنه فترة الملجة طولت عندكم، فكأنه استوى إنكم

خلاص سويتوا العرس وخذتوا على بعض ..

وإذا تحسين إنه يتضايج من هالشي، لج طريقتج الخاصة كيف تفهمينه ... لكن الحلو فيج إنج موازنه كل شي ..

يعني ما أهملت الكل، عسب دخلتي حياة يديده .. يعني مانسيتي ربعج ولا قلتي بترك الدراسة عسبه ...


وإذا عندج شي ارجعي كتبي .. ^_^

[ملاك الروووح]

هيه صح أنا اتذكرت نقطه بعد ..

:biggrin:

أحس المفروض يكون في فترة ملجه ..

يعني شي ناس .. على طول يملجون وعقب يومين يسوون العرس ..

يعني ف هالفتره .. المعاريس بياخذون على بعض ..

وبيعرفون بعض .. وبيفهمون بعض أكثر ..

وبالتالي بيتجنبون أي سوء تفاهم .. أو مشكله ممكن تصير لهم في بداية حياتهم الزوجيه

خاصه اذا المعرس ما كان من أهلها .. يعني ما تعرفه عدل ..

بس مدحوه حقها ( يوم خطبها ) .. وعيبها ( يوم شافته ) .. وصار نصيب بينهم ( عقب ما استخارت ) ..

ف أنا أفضل .. انه يكون شي فترة ملجه .. حتى لو ما يطلعون مع بعض ..

عالأقل .. يرمسون بعض بالتيلفون .. ويطرشون مسجات << اهم شي عاد :biggrin:

على أساس ياخذون على بعض ..

<< كم مره كتبت بعض ف هالرد بس :k_harhar1:

:

وبس هاي هي النقطه اللي نسيتها في ردي السابق :biggrin:

[المزوحي]

مرحبا ملاك الروووح ...

نحن عندنا في عايلتنا نفس هلج ... يعني بإمكانه يزورنا، لكن ماشي طلعه، ومع هذا ما صادف يظهرون حق أثاث

أو حتى يظهرون حق عشيات برع البيت ... لكن إذا على الباجيات بيستوي مثل ما ا استوى مع اختج الاخيره ..

مايندرى !

بس ريلها عطا هلج الثقة الزايدة وشي جميل الصراحة ..

[ملاك الروووح]

::

ان شاءالله يطبقون معانا النظام اللي طبقوه مع اختي :biggrin:


ما يخصني أبي أعيش حياتي أنا ..

يقولون انه أحلى الأيام هي أيام الملجه ..

:biggrin:

مايندرى عاد ..


الزواج نصيب .. والواحد ما يدري وين نصيبه .. ولا متى بييه !!


الله يرزقنا الزوج الصالح .. ويرزقكم بنت الحلال :fa56:

[تحفه]

انته اشبلاك شكلك متعقد من الخيانه!

ترا هالشي نادرا ما يصير واذا انت عاقل وفاهم وعرفت تتفاهم وي حرمتك لا تخاف

[جنون امرأة]

انا من وجهة نظري الشخصيه [ أكبر غلط ان فترة الملجه تكون طويله] ..

ممممم ما ينفع !!


اوكي تكون فتره بسيطه .. بالكثير يعني شهرين او ثلاث شهور مب اكثر من جي !!


و طبعا هالفتره لازم يكون فيها حدود .. و هالشي لصالحهم ..

و هاا كله يعتمد ع الريال ..

يعني لو كان واحد رزين و عاقل ما بيتم عند البنت في بيت ابوها لين عقب الساعه 10

و في بعض من الناس يقول لو كان الريال ثقه عادي خ يطلعون بعض ..

انا شخصيا اشوف ان اصلا الاب ما بيقبل في واحد اصلا هو ماا يثق فيه ..

ف جذي و لا جذي ماشي طلعه الا بوجود حد معاهم ..

و شكرا يا مزوحي :)

[بنوتة جميرا]

المزوحي
اصلا ماقدر اودر دراستي لانه هو حاب اني اكملها
ويوم اقوله بس مليت بوقف يعصب عليه..خخخ
ومثل ماقلت فيه سلبيات كثيره
بس احاول قد ما اقدر اتحاشاها
والحمدلله حياتي مستقره وان شاء الله دوم

ملاك الروح
الله يبارك فيج حبيبتي
وعقبالج ان شاء الله

[مــهــابه]

مرحبــا الســـاااع

مــن وجهـة نــظري الشخصيـة أن الفـتره بيـن الملجـة والعـرس لازم تـكون فـ حدود 6 أشــهر بـحيث أنـها لاتـكون أكثر أو حتـى أقـل

لأن ا لملجـة تـطول سنه وسنتين و3 أحسـها مب حلوه ( بتلوع جبدي منه لين حزة العرس


الحــدود من وجهـة نـظري الشخصيـه بـغض النـظر عن الأهـل فـ فـترة الملجـة ، تـكون زيـارة فقـط لا غـير ، وإذا بـتكون طلـعه أو شي للـضرورة القــصوى

لأنـه لـو طلعـنا ورحنـا ويينا فـ فـترة الملجة ، ماراح نحـس بـتغييير كبييير عـقب العــرس

فـ زيـارة كـل أسبوع أو أسبوعين مره ، أعـتقد بأنـهـا كـافيـه ، عـسب لا أمل منه :P


وبس

[المزوحي]

الله يرزقج بالزوج الصالح وعضوات الواحات يارب ...

[المزوحي]

جنون امرأة فهمت كلامج، تدرين ؟؟ مرات الوحده تقول مابسوي يوم الملجة جيه، لكن ممكن يختلف هالشي بعد

الملجه، وأتمنى الواحد يقدر الشي ... يعني لو هلج عطوج حريه، لكن تكونين قد الشي ولو هو ريلج ...

[المزوحي]

مهابه ... مب شرط عسب فترة الملجة احلى فترة، فالواحد منهم يسمح لعمره بأشياء، كون هالشغلات بتنمحي

بعد الزواج .. راي من رايج

[المزوحي]

في هالأيام يمكن تعرفون بعض، وحد يرفض الطرف الثاني ويتم الطلاق ..

يعني وحده من الأهل كان بتتزوج، واتطلقت كون الريال سمعته سيئة ....

لكن اتزوجت والله رزقها بأطفال، لكن الملجة غير عن الخطوبة ...

يعني بعد بتكون مطلقه في نظر البعض، لكن الخطوبة يوم تنفصخ ... مالها أثر مثل الطلاق ..

بس في نفس الوقت الواحد ما ياخذ راحته كونها خطوبة

[الهيثــم]

دام انه الريـال ملج عـ الحرمـة أشوف إنه ما في مشكلة إذا طلعوا مع بعض وساروا وردوا بما إنها صارت حرمته شرعـــا ...

[مــهــابه]

^
خـطاب :

أنـظر لـلموضوع بـ شموليـه أكثـر ، حرمـته ع العـين والرأس

بـس أنـت تـعرف شـو يصير خلال هـالفـتره ؟

أنـا مابـكون سلبية فـ التفكير ، أو انظر بسوداويه ، بـس بـعد الواحد يـنظر للـموضوع من جميع نـواحيه

انا أعـرف وايـد ناس كـانوا مالـجين وراحوا وطلعـوا وردوا ، وفـ الأخيـر ماكتمل العـرس ولسبب أو لآخر ماتم الزواج من أسـاسه وكان الطلاق بـغض الطرف عـن الأسبـاب , ,


المـزوحي :

الـبعض يـقول فـتره الملجـة هي أحـلى فـترات الزواج
ومن وجهة نـظري مـافـي شي يـقدر يـسويه فـ فـتره الملجة وماراح يقـدر يسويه بـعد الزواج , , ,

[المزوحي]

خطّاب وياك أنا إنه حرمته شرعا .. وأنا كلامي مع مهابه ..

ليش انا ما اسمح لأختي بهذا الشي واسمح لنفسي وآخذ حريتي يوم املج .. من الأساس لازم اكون واعي ..

ولا أقولها دام إنج حرمتي فلي الحرية بكل شي .. حتى لو الواحد في خاطره يباتون في مكان غير البيت ..

والمشكلة إنه متى يندم الريال أو الحرمه، إنه عقب مايصير شي مب حابينه .. يقولون الشيطان شاطر ..

فمن البداية ... كل شي له حد

[جنون امرأة]

جنون امرأة فهمت كلامج، تدرين ؟؟ مرات الوحده تقول مابسوي يوم الملجة جيه، لكن ممكن يختلف هالشي بعد

الملجه، وأتمنى الواحد يقدر الشي ... يعني لو هلج عطوج حريه، لكن تكونين قد الشي ولو هو ريلج ...


صح .. لكن يتعمد ع الريال ..

:
:

بس انا اشوف ان الاهل يحطون الحدود و يتعاملون مع الريال بطريقة لبقة و ذوق ..

و اصلا هالشي لصالحهم .. ((لان كل شي ف وقته حلو))

و بعدين معروف ان اي اثنين مالجلين تحصلهم 24 ساعه مشتاقين لبعض ف لو كانوا 24 ساعه يشوفون بعض اهم بيملون و ما بيتم شي للعرس ..




:wink:

[شمعة أمل]

عندنا نحن البنت ماتشوف ريلها لين ما تملج عليه ويوم تملج عليه ممنوع تطلع وياه:mf_leia: وفترة الملجه من شهر لـ أربع شهور بالكثير..

بس انا بغيّر هالشي:mf_leia:

ابا اجوف ريل المستقبل وارمسه على قل كم مره قبل الملجه.. ماتخيل عمري أملج على واحد ولا مره شفته ولامره رمسته:ghostface:

[مــهــابه]

شمـعه :

بنـودكم شرات بنودنـا بس نحن اللي زايد عليه ، انه الوحده ماتيلس مع ريلها الروحهم ، منقوود ، لازم حد ييلس سـواء كان صغيير ولا كبييير وهالشي من أيام اختيه العوده بس مادري بيتغير علي انا وتيمون وبومبا ولا

[الهيثــم]

المزوحي & مـهـابة

ويــاكم فـ النقاط إلي ذكرتوها ، لكن في نفس الوقت ما نقدر نمنعهم إنهم ما يطلعون مع بعض بحجة هالنقااط
لأنه لو صار شي ، بيكـون عاادي وحلال لأنها حرمته على سنة الله ورسوله

ومن المواقف إلي مريت بها وشفتها سواء من شبابنا أو بناتنا في العائلـة
وقـت الملجـة خلاص تكون حرمته وهو يكون ريلها ...
يعني يطلعـون مع بعض ويتعشون مع بعض ويسيرون السينما ،، اعتقد إن ما فيها شي أبد

وبخصوص كلامك يالمزوحي

ليش ما برضى على إختـي !! تراها ما سوت جريمــة
ولا انا سويت جريمة بحق بنت الناس يوم طلعتها لأنها حرمتي

بينهم عقد قران مع شهود وقت الملجة وغير ما شاء الله هالأيام وقت الملجة جنه عررس .. كل الأهل يلتموون

لا تحــرموا ما أحل الله لكم

[المزوحي]

شمعة أمل .. حلو الواحد يعرف الطرف الثاني ويتعرف عليه، لكن بما إنه مب مسموح .. يعني إذا ماشي خطوبة

وشي ملجة كيف بتقدرين ؟؟؟

إلا إذا واحد يدرس وياكم على سبيل المثال تعرفين كيف يتكلم وغيره ..

ويمكن الجيل الحينه تغير تفكيره .. اقصد إنه يبون يكونون غير عن اللي يفرضونه الأهل عليهم ..

مب شرط انتوا غلط ... لا ..

ولكن وجهة نظر مختلفه ...

يمكن يكون الكلام في حدود معينة، عسب تاخذين فكرة عامه عنه، لصالحج، كونج تعرفين شو تبين ..

[شمعة أمل]

مهابه
حتى نحن p= يفروون اليهال وياهم

قهر ماشي خصوصيه p=
بس تعرفين شو الكشخه .. ماشي يهال في بيتنا xD

[المزوحي]

خطّاب .. حلال والله حلال وأعرف صدقني ... وخلهم يظهرون ...

لكن انا عرفت شي ماحبيته ( من وجهة نظري ) ويمكن بتحسون إني أبالغ ! مادري !

حلو إنه أيام الملجة الحرمه تتعدل كونه يزورها، بغض النظر عن عقب الزواج وحفلة العرس ..

بس شو تلبس ؟؟؟ هنيه العوق ...

هل الوحده تلبس قصير ... فوق الركب وتقول حلالي .. صح حلالها ..

لكن لا تخلينه يتحرقص ...

وانتوا ادرى مابغي اتعمق ..

[شمعة أمل]

المزوحي
حتى لو يدرس ويايه .. اذا انا برمس واحد في الجامعه بيكون بخصوص الدراسه ف انا اصلن ماعرف شي عن شخصيته ..واذا لا سمح الله حد مثلا خطبني من الجامعه .. بعد احتاج ارمسه على قل كم مره بشي يخصه هوو .. لاني انا ماعرفه من الاساس >.<
اذا في يوم من الايام انخطب .. بحتشر لين مايخلوني ارمس خطيبي p=
مستحيللللللللللل اخذ حد ماعرفه .. ماتخيل عمري مالجه على حد ولا مره رمسته .. تخيل لو اخر شي يكون بااارد ولا بخييل O_o
انا مابا أطلق .. ف عشان جي ابا ارمس الريال في فترة الخطوبه .. بس مابمصخها اني اعطيه رقمي او شي

لو مايخلوني ارمس الريال ماتوقع بعرس .. لاني افضل اكون عانس ولا اني مطلقه >_<

[مــهــابه]

خـطاب :

شـو تـم للعـرس عـيل ؟
تـراها إلا فـتره بسيطه ولاحقين ع هالـشي بـعد الزواج

وبـعدين نحـن ماقلـنا حراااام ، ولـكن نـرمس من بـاب العادات والتقاليد عندنا نحـن ومن وجهة نظر شخصيـة


شمعه أمل :

يـعني انـتوا مب أحسن عـنَا
بس لازم حد ييلس ، سـواء فيه يهال ولا مافي
وانا أشوف هالشي مب حلـو ، صـدق مانحس بأي خصوصيه ، بس لاحول ولاقوة

[المزوحي]

شمعة أمل ... تدرين احترم وجهة نظرج ....

ممكن كلامج يكون صح، تبين تعرفين شخصيته قبل الملجة، ويمكن هالشي مايبين أصلا .. حتى لو بخيل ..

وفي البداية ممكن يبين لج إنه كريم .. بس بعد العرس يمكن وااايد أشياء يحذفها من القايمه ويقولج مب لازم ومب

ضروري وهذا ما تحتاجينه ... يخليج تكرهين حياتج، ومع هذا يمكن يكون شخص مقتدر، لكن بخيل ..

بس شمعة أمل أكيد ما بعيبج ردي، كوني أتكلم عن الجانب السلبي ... لا ..

ولكن انا اتكلم عن احتمالات في نظري ..

يعني لو عندج كره وكل ويلسنا 10 اشخاص حوالينها .. كل واحد بيشوف جانب الثاني مايشوفه ...

وإذا عندج أي رد، خذي راحتج في الموضوع ...

[شمعة أمل]

مهابه
مول مب حلو >_<
ماعليه ماعليه يوم بنخطب بكون على قل في 2010 .. بيطّورون p: شي أمل!

[شمعة أمل]

المزوحي
مب بس انه بخيل
شي وايد اشياء انا شخصيا ماقدر اتحملها في الشخص
يعني كـ بدايه ... مستحيل آخذ واحد ماله شخصيه .. واحد واايد ييلس في البيت .. واحد بخيـل .. واحد مايسافر .. واحد مافيه ولا طشة رومانسيه .. واحد متعقد ومايطلعني:alien:

بقدر اعرف هالشي لو أرمسه حتى لو لمـره .. لانه كل شي بيبيّن من اسلوبه.. البنت الذكيه تعرف كيف تشوف شخصية ريلها الحقيقيه :)

[المزوحي]

شمعة أمل بديت اقتنع برمستج

[شمعة أمل]

بديت تقتنع لاني انا مقتنعه بهالطريقه:tounge: لاني هالطريقه تنفعلي انا.. شي ناس عادي ينسابهم ويكفيهم انه يشوفون ريلهم في الملجه .. بس انا لا:mf_leia:

كل شخص غير:heart:


بسير أصلي:osama:

[المزوحي]

بــس، مــب كل شي تبينه بتحصلينه، حطي هالشغله في بالج .. ومب شرط الحياة اللي يعيشونها أمج وأبوج

شرط بيكون ريلج جيه ... الله يوفقج ويرزقج الزوج الصالح ..

[قصايد غلا]

السلام عليــــ:11:ــــكم


المزوحي : شو هالمواضيييييييع :14: ==> ماشا الله عليك =)
===========================



امممممم أنا بالنسبة لي أحس إن فترة الملجة المفروض ما تزيد عن سنة ==> لكن مرات عادي تطوّل "على حسب الظروف"


بالنسبة لي إن شا الله في المستقبل في خاطري فترة الملجة تكون مدتها سنة :fa35:


و ما أحس إن الطلعات ويا الريال في هالفترة مهمة واااااايد ، إذا بيي بيتنا حيّــــااااااااااااه الله :m_mar7ba:


يعني سالفة الطلعات شالتنها من بااالي ==> لاحقييييييييين على هالسوالف عقب العرس :love2:


و في عايلتنا "من صوب أبويه" أكثرهم جذه يسوّون ، كل البنات أشوف رياييلهم اييّونهم في آخر الأسبوع وما يظهرون رباعه إلاّ لشي يخص العرس ==> و بوجووووووود حشد من الأهل لوووول:fa46:


أحيد يوم بنت عمّوه انخطبت ما جد ظهرت ويا ريلها ، اللهم إنه كان اييها البيت و يكون حد يالس وياهم



و في نظري

ييّته بيتنا أحس إنها مهمة لأنها تخلّيني أعرف شخصيته ، لأنه مثل ما قال المزوحي ==> مب شرط الريال اللي بياخذني يكون طبعه شرات أطباعنا :mf_leia: فــ لااااااازم أشوفه و أعرف شخصيته و أعرف أطبااااعه


و في الختـــاااااااام


ياااااااااارب يكون زوج المستقبل هادي و رومانسي و ذوّيق و خلووووووووق و أهم شي يقدّر المرأة لوووول و يارب مب عصبي و لا عنييييييييييييد ولا بخيل و لا ممل
و يعاملني مثل ما يعاملني أبويه

لأنه أكثـــر شي أعاني منه هو إنه صعب الواحد يفهمني و أحب إن اللي أباه يستوي==> على قولة أميه : اتدّلعي الحييييينه لأنه محد يسوّي لج سالفة شراتنا ،هالدّلع كله بتنسينه ، إلاّ إذا الله عطاج واحد يعطيج ويه شراتنا:tounge:
و الأهم من هذا كلّه إنه محافظ على صلاته و خايف ربّــه:a070:

[المزوحي]

قصايد غلا كل مواصفات في زوج المستقبل موجوده فيّه :fa56: لووووووووووول

نحن في عايلتنا نفس الشي .. نسايبي إييون مره ومرات مرتين في السبوع .. ماشي سوالف

طلعه :a046: لكن الملجة تكون سنة فترة طويلة .. يعني مب أكثر عن 6 شهور :3:

[قصايد غلا]

^ ههههههههههههه حسّستني إني خطّابه :hysterical:


أحس إن السنة مب واااااايد لوووول يمكن لأني حاطة في بالي إنه الــ 5 أو 6 شهور مب كفاية للبنت تتزهّب فيهم أو تتعوّد على الريال ==> أخاف اييني واحد يبا يعرس عقب شهر :fa46: ...

[عافك الخاطر]

انا رايي من راي خطاب ؛ لأن نحن تقريباً جي عدنا ( اقصد عايلتنا) ..و الاسباب اللي ذكرها تكفي .. يعني نحن ماخذينها من مبدأ انه خلاص هو حلالها..
و حفلةالزواج الغرض منها إشهار وبس ..
.

حتى اعرف ناس بس ملجوا بدون عرس .. عشان ما يزيدون التكاليف على اعمارهم ..
.
.

[قرموشة]

ومن المواقف إلي مريت بها وشفتها سواء من شبابنا أو بناتنا في العائلـة
وقـت الملجـة خلاص تكون حرمته وهو يكون ريلها ...
يعني يطلعـون مع بعض ويتعشون مع بعض ويسيرون السينما ،، اعتقد إن ما فيها شي أبد




سيم سيم ..
كل اللي عندنا جـذه .. يطـلعون ويا بعـض .. عشاا وسينمــا
ويسيروون يتشروون أغرااض حق بيتهـم .. أو حتى حـق بعـض xD وايـد كوول أحـس .. بس أكثر شي يستوي جذه يوم يكون االريل من الاهـل أو واايد واايد كلووز
يوم سألت امي .. جان تقول .. انا وأبووج كنا نطلع بروحنا ومحد كان متفيج يي وياانـا مع انه أبوي ماكان يعرف امي ولا شي .. غريب عن العايله هيهيي
ومن اسبوع بنت خالتي معرسه .. وقبلها كانت تظهر ويا ريلها عشاا وهيك ..


.
.


بس مـب حـلوو التكثير من الطلعاات .. يعني كل اسبوعين مره ! ومب كل مره بررع البيت
:vampire:


نقاش مشيق .. استمرووا :fa51:

[دمعة شوق]

المزوحــي
:a070:

نـحـن في عايـلـتـنــا ماتـظـهـر الـبنـت عنـد ريـالـهـا حتـى ولو كـانوا مالجـين ،،
وإذا بيــي حيـاه الله وبيــقعــد حـد عنـدهـم مب رواحـهــم ،،

وعـلى سالفـة الطلـعــات اوكـي هو صح نفس مانعرف كلنـا إن الحرمه تكون حلاله
وعادي تظهـر عنـده ونفس ماقالوا خوانيه فوق إن العرس قصدي الحفلـه فقـط لتشهـيـر
يعني يشل الحرمه من بيت هـلهــا .

بــس اوكـي نفـرض إن مااستـوا نصـيب من بينهـم وكــانت البنـت تظهــر عنده وتروح واتـي ،
الـريـل اللي بيـتـقـدمـلهــا عقـب مابيعيـبـه بيـقول لاااااا ماابا،

أو بنقول ان كثـرة الطلـعـات بعـد مش حـلوة يامـا استـوا إن الحرمه كانت تظهر عند ريلهـا وعقب كنسلوا العـرس ،خلاص ماابغاها شبع منها دوم مجابلتنـه ومجابلنها
:ghostface:

وعـن رمستـك يالمزوحـي إن في فتـرة الملجـة الحرمـه تتلبـس قصيـر وكـت وجـي
امممم مااظنــي حلوة في حقها ولا بحق ريلها صصصصح انها حلاله ، بس مش حلوه جدام هلها جي تتلبـس وهي بعدها بفترة الملجـة
:fa46:
وماظنـيه اهلها بعد بيسمحولها جي تتلبـس<< البعــض مش الكـل

،،

تفاعلت وايد
لي عودة ,,,

[دمعة شوق]

شـو هــي فـتـرة المـلـجـة؟

فتـرة الملجـة هـي أن يتعرفوا المعاريـس على بعــض ويتفقون على الخطط والحياة المستقبلية
ويمـكـن اطـول ويمكن تكون في ليلة العــرس أو قـبل العرس بيوم يعني على حسب العايله وتقاليدها
،

أعــرف بنــات في فتـرة الملجــة
إنهـن يالله يالله يشوفن ريالهــن ، طبـعـا ً ماشـي تلفـونات من بينهـم ولا طلعات ولا يلسات
اللهم ألا يسلمون على بعـض كل أسـبـوع وجـدام العايله كلهــا طبعا ً
،
يعـنـي يختـلف من عايله لثانيـه
:redface:

[الا انا]

انصدمت يوم قريت فـ بعض الردود انه البنت ماترمس خطيبها الا بعد الملجه او العرس ..!!


نحنا فــ بيتنا عادي .

يعني خواتي الحين جمن وحده مخطوبه .. وعادي يرمسون خطاطيبهم .. بس مايظهرون وياهم اكيد "
وعن الملجه والطلعه .. عادي يطلعون بس معاهم حد ..." وبعد مب دوووم .. يعني شي اوقات عادي يظهرون بروحهم ..."

انا حاطه فبالي انه الكل يرمسون خطاطيبهم ...
طلع العكس ...!! في هيه وفي لا ...

موضوع كشخه الصراحه ...
اكتشفت وايد شغلات وفهمت وايد وايد اشياء ..

استمروووووووووووووووووووو وووووووووووووو
وناسه ..

[الجنيه]

مم المزوحي مشاكل *_*

مم انا برايي هالشي يعتمد ع البنت بنسبه 80% يعني مش غلط انها تطلع ويا ريلها عقب الملجه او اتشوفه سواء طالت فترة الملجه او قصرت بس الاهم انها تحافظ ع الحدود الي المفروض تكون بينهم وطبعا الريال بعد له دور كبير *_*

نحن ف بيتنا تطورو شوي يعني اختي الي ملجت في اول التسعينات صكو عليها صكه والي في الالفيه ع قولتك يعني مش بهالك الزود يدوب لا تتاخرون وماشي طلعه اكثر من مره في الاسبوع واصلا ما طولت بالملجه *_*

بس انا غير سبشل اذا الله راد ويا ولد الحلال احم بسوي قانون خاص فيني *_*

[الخنساء]

من زمان ما شفنا هالحماس في المواضيع ... :a070: يعطيكم الف عافيه ...



شخصياً وبيعيد عن الحلال والحرام .... وبعيد عن التقاليد .. والعادات ...


احس الأفضل (لي شخصياً) إن الفتره ما تطول اكثر عن 3 شهور ... :mf_leia: وبدون طلعات والزيارات تكون محدوده ... :icecream: حتى احس انا وزوج المستقبل بالتغيير بعد العرس وإنه سوينا شيء يديد ... ممكن نطلع نختار اثاث .. بس انا بسير في سيارتي وماله داعلي يمر عليه ... اونه نوفر وقت ... بس احس جد ماله داعلي للطلعات والسينما .... ابا احس بعد العرس سوينا اشياء وايد ما كنا نسويها قبل ...


يمكن البعض يقول 3 شهور ما تكفي ... إني اعرف الريال ... ولا بعرفه اصلاً إلا بعد العشره ... بيني وبينه ... وهالشيء يباله سنين مب يوم ويومين ..أو شهر .. اهم شيء اعرف إنه فيه الأشياء الأساسية ... مثل الصلاة ,,, والأكيد البخل ... هالشيء اللي مستحيل اتقبله .... وصدقني إذا الأهل سألوا عن الريال زين قبل الملجه ... وسألوا عن اهله والبيئة اللي عايش فيها ... ترى هالشي مهم جداً..:mf_leia:

مجرد رأي

[المزوحي]

عافك الخاطر إذا بيسون ملجة من دون حفلة العرس مب مشكلة، لكن إذا في حفلة عرس، فمب كل شي يتسوى !

[المزوحي]

قرموشة ... نحن عندنا مبدأ بما إنه ماتطلع وياه وهو يزورها، فإذا من الأهل ماخذنها ماتسير عندهم في حالة وجوده

في البيت .. مادري الناس عقليات .. بس الأهل جيه ..

[المزوحي]

دمعة شوق مثل ماقلتي، إنه يمكن يظهر وياها وعقب فترة يشبع منها، نفس المنطق اللي في بيتنا ..

[المزوحي]

الا انا .. أكيد الموضوع الواحد بيستفيد منه، لأنه تلقين ردود مختلفه وتتعلمين شي يديد ..

[بلوشية]

(^__^)

[المزوحي]

الجنيه لو التفكير تغير في بيتكم، عيل جيل بنات الثمانينات غير بيكون .. يعني معظمهم نفس التفكير

إنها تتعرف عليه أكثر، ما تبغي تتبع شور الأهل، ولها الحريه في هالشي ^_^

[المزوحي]

نحترم رايج الاخت خنساء ...

[شهوووودة الأمورة]

انا اشوف ع الاقل ما تكون فترة الملجه طوييله وااااااااايد .. تقريبا 6 او 7 شهوور بالكثيير ..
من رايي لاازم تكوون فترة الملجه موجوده .. عسب كل الطرفين يفهم الثاني ..

نحن عايلتنا ما تمنع ان الريل يزور حرمته في البيت وحتى لو كانوا بروحهم .. او ان يظهر معاها بس بحدوود ووقت الضروره .. كأن يختارون أثاث.. او يشوفون القاعه أو يختارون البطايق ..

وحتى لو ظهروا لشي بسيط كأن نزهه بس يكون معاهم أحد ..

عني انا والله اهلي ما كانوا ضاغطين علينا .. بالعكس امخلينا ع راحتنا .. وماي هزبند ما كان يزورني في البيت إلا في الويك آند .. واذا بنظهر ويانا اختي الصغيره ..

بس مره ظهرت معاه ورحنا الشارجه بس معانا اخته المعرسه .. ومره بعد كان معاي اخوي .. فما كنا نحس بضيج او انه نطفر بالعكس عادي ..

بس اذا يزورني البيت نكون ارواحنا بس بحدود انه ما يطول ..

وانا ما افضل تطوول فترة الخطوبه واااااااايد تقريبا لمدة سنه أو أكثر .. لأنه عادي الريال يغير رايه بعد ما خذوا موافقه من البنت واهلها .. لأنه البعض ما يصبر ..

[المزوحي]

شهووودة الأمورة ... في الحدود مب مشكلة، ولو إنه بعض العايلات بس تسمح إنه يزورها في البيت، حتى لو

تموا روحهم، محد وياهم ..

لكن في ناس على سبيل المثال، ولأنهم اهلية ووايد مع بعض، يملج عليها وعادي يرقد عندهم .. كون إنه أهليه

[بنوتة جميرا]

استمتعت بقرايه الردود
بس بعد مقتنعه برايي
والحمدلله هلي ما عندهم مشكله ولا ريلي
وماظن انه مل او بيمل مني<< واثقه من عمري خخخ
الله يوفق الجميع ان شاء الله

[جنة عدن]

والله الموضوع كتير حلو
يعني شيء جميل لما الواحد يناقش هيك شيء
:heart:

[طير الحب]

السلام عليكم ورحمه الله وبركاته...

موضوعك وايد حلو...وبالبداية بعيدا عن الصورة المرسومة في ذهنك للحياه الزوجية انا عندي قناعه خاصه انه لكل مرحلة جمالها وحلوها...يعني فترة الملجه لها اعتبرها فترة الاكتشافات وفي جمله قلتها لعزيزة على قلبي من فترة بمناسبة عقد قرانها قلت لها انه مهما مرت السنوات على الزواج لازم يكون متجدد وانها كل يوم بتكتشف شيء في زوجها وبيدهم هم الاثنين يبعدون الروتين عن حياتهم ويكون فيه وقت للعايله ووقت للأطفال ووقت لهم هم الاثنين يدلعون انفسهم.


واعتقد انه المسؤولية الاكبر على الزوجة في خلق جو معين في حياة زوجها واطفالها.


وبلنسبة للفترة الملجه انا اقول كل واحد وقناعاته واسلوبه ورومانسيته...

[عمة العيم]

البنيه تكون توها اول مره تعرف ريال و في حياتها تحصلها مارمست ريال ولا يلست ويا ريال

فــ انا اشوف البنيه يكون صعب عليها الزواج على طول من غير ما تيلس ويا ريلها قبل الزواج او تظهر وياه ...طبعاً من غير ما يدزون اخوها وياها رواحهم يكونون

عسب البنيه شوي شوي تبدا تتعود نفسياً تطمئن و ترتاح....ماتخاف من الزواج و تعيش في حالة رعب!!!

طبعاً كل هذا في حدود يعني صح انها حرمته و حلاله لكن يكون في حدود !!

انا هذا رايي و اشوفه انه شي ايجابي انهم يلسون ويا بعض او يظهرون ويا بعض.....

سبحان الله في بنيه ماشافت ريلها ولا يلست وياه ولا شي الا يوم الزواج....تقول لي كرهته...لييش؟ لان شي يديد عليها انها تجابل ريال و هي في حياتها حتى مايلست ويا ريال !!!!

يعني احس حق نفسيتها احسن و بعد جذا قبل العرس يتفاهمون على اشيا....البنيه تعرف شو النقاط اللي يحبها الريال و الريال يعرف شو النقاط اللي تحبها البنيه....

و هالشي يكون في شهور يعني مايزيد عن 5 شهور اقصد فترة الملجه

هذا كل ما في جعبتي

تحياتي لك المزوحي
ان شاء الله اشوفك معرس
و ايبب لك لولوللش

(^_^)
...

[الـيـاه]

Ciao

.
.

موضـوع حلـو وتسلم يالمزوحـي

عني أنـا طال عمـري لول
ما اعتقد إني يوم بعرس باخذ واحد مول ما اعرفه .. أقصد إني 100% باخذ واحد من الـ second cuzin والا واحد نعرف اهله عدل .. لاني أنا اصلن مابا واحد غريب ابتلش فيه وفي اهله :fa44: ..

ع الاقل أنا أعرف كيف طريقة تفكير الشباب اللي نعرفهم واعرف انه حياتهم نفس حياتي
ما بيلس أهيىء عمري لقوانين يديده >.>

بشوفه قبل الملجه وكل شي :fa51:
لكن خلال الملجه مابا أطلع وياه .. ممكن يزورنا فالبيت مال مره فالاسبوع
لكن اطلع وياه *ماااااابا* ما ابا أمل منه قبل ما اعيش وياه لول ادري مايخصه
بس أنا أحب جي :inlove: *خل يتوله عليـّه لين العرس وجي يكون صدق يتريا هاليوم*


.
.
.

[المزوحي]

طير الحب كل واحد له قناعه، وكل عايله تختلف عن الثانيه، مب مشكلة الواحد يتعرف ويعيش الرومانسية ..

ممكن تكون رومانسية في كلامها ونظرتها يوم يزورها عندهم البيت، وممكن يطلعون في حدود المطعم، أو بيشترون

مثلا أثاث، ومايتعدون حدود المبيت أو الرحلات الطويلة ...

ممكن تكلمه وتطول بتعرف طاعه ( تقريبا ) شو جدوله وين ساير وين راد ...

[المزوحي]

اهليييين عموه ... همم احترمج رايج ... إنه التعود أهم شي ... وصح يكون في حدود الواحد مايقول كم مره بعرس

خلوني اسوي اللي اباه !! أو لأنه مثل ماسمعت إنه فترة الملجة أحلى فتره، فخلاص تسمح لنفسها تسوي

االلي تباه ..

[المزوحي]

مرحبا الياه ... هممم هذا اللي اقصده‘ إنه الوحده يوم تكون مثل ماتقولين تكبر في عين زوجها ..

يمكن حد بيقول زين هو ريلها وليش بتطيح من عينه وشو هالتفكير المزوحي ..

لكن نحن تاركين لكم حرية النقاش في الموضوع أولا .. وثانيا ... معظم الرياييل تعيبهم الحرمه الرزينه مهما

حاوت الحرمه تتدلع له خلال فترة الملجة ... لو تلاحظون احيانا تستوي خلافات بسبب إنه تسأله وااايد

عن طلعاته، فتلقينه يبغي يستقوى على الحرمه ويخلي عمره مهم ..... ويتم يقول كنت مشغول

ومن هالخرابيط ...

[ايه احبك]

المزوحي شو سالفتك ويا توبكت العرس XP
-
-

ماعرف عن تقاليدكم XP
لكن تقاليدينا وعادتنا ابون مينديد هيهيهيهيهي XD
لنه وجهة نظرهم اتقول انه ربوا بناتهم و اولادهم دنين عدل واخلاقيا يا وثقيين XP
--
بنسبة لنه عدنا عدت استبات لين العرس بس انا بطري الي لين المجله خصوصا انه الموضوع عن الملجه
اول شي
الشوفه الشرعيه وهاي اتكون بعد ما يتكلمون الحريم وقبل لا يتكلمون الرياييل واعلان الخطوبة بعدها
الشي الثاني هيه فترت الخطبه وعادي يرمسها لنه اعلن جدم الله وخلقه انه خطبها وعسب يتعرف عليها عن بعد الملجه يكتشف انها ما تناسبه ويصير طلاق بعدين بعد الملجه او بعد العرس

بعدين الملجه
عادي يطلعون خلاص هيه حلاله جدام الله وخلقه وبما انا ناخذ اهل سو ما في شي اسمه لعبه لنه المطلقه بعد الملجه او العرس وايد بق ديل عندنا فاذا اطلقت لازم يكون ريزن قوي يعني ما يقول والله ما تفهمنا ولا شي ولا شياته لنه فترت الخطوبة كفت وفت للتفاهم

سالفة الملل ابد ما اقنعتوني بيأراكم هاي ناتج من الطرفين يعني حسب البرسنلتي
اذا هي حاطه في بالها انها ما تبي اتجوفه ولا تطلع وياه في فترت الملجه عشان والله بيمل منها ومن شكلها XD
فهي تسعين الفين بالميه غلطانه XP
لانه اول فتره زواج بتكون عسل والي بعدها عسل خله انقول 5 سنوات عسل بس بعدين بتصير عاديه اذا الطرفين ما بذلوا جهد في تجديد حياتهم مثل تفظلت ماما طير الحب وقالت
--
يعني مب ريزين انه والله ما بطلع وياه عسب ما يمل ترى العرس بيتم لج طول العمر مب فستان اتفصلينه وتلبسينه وقت الي تبينه
بالعكس الفترات هاي الريال ما يطلع بشينه وقت الملجه فستغلي هالفتره لصالحج XP
وسلملم

[المزوحي]

ايه أحبك ... أحس أكثر العضوات اللي من مواليد الثمانينات تفكيرهم نفس المستوى ...

هذا اللي استنتجته ... يمكن لكم تفكير معين وعلى حسب البيئة طبعا

بس الشباب ليش ماتشاركون في الموضوع ... تراهم غطوا علينا

[طير الحب]

ما ادري هالزمن صار غير وصار في اعتقادي اي رجل يبا يشوف زوجته طفله هادئة مجنونة امراة ....يعني مهما كان الزوج يقول لزوجته احبج بهالاستايل بس لو فاجأته بتغير معين في الاستايل او النفسية بيحب هالتغير...يعني في ظل هالفضائيات والي يحطونه نشوف الزوجه طالعه من المطبخ وريحه الاكل ولا هامنه الزوج ال بيي من الدوام هاذاك اول الرجل همه بطنه....اهم شيء راحه البال...يعني انا مع انه الزوج يشوف زوجته في فترة الملجه على طبيعتها وهو باسلوبه بيخبرها الاشياء الي تناسب شخصيته...واصلا كل امراة عندها اسلوب انها تحبب الزوج في الاشياء الي تحبها...واتقد اي رجل واثق بنفسه ما بيفرض قيود على المراة باسلوب بس يبا يفرض رجلوته لانه عقب سنوات من الزواج بتراجع ومب حلوة بحقه جدام مرته يغير موقفه

[المزوحي]

طير الحب الواحد يكون على طبيعته ... غير عن الواحده تتصرف بتصرف أكثر من اللازم ولو حلالها ..

عقب تقول طبيعتي .. free

حتى هو ممكن يطلب من حرمته أيام الملجة أشياء او مرات يكون متعمد يقولها شي .. يشوف ردت فعلها

يعني الوحده وهي شخصيتها وتربيتها .. وكيف تكون ثجيله ...

وممكن يعتمد على حسب بيئة الحرمة والريال ..

[المزيوونه]

السلام عليكم..

يسلمو ع الموضوع حلوو..
مم عنا نحن يعني أعراسنا تقريبا كلها عائليه ما جد جربنا حد غريب..فأحس اوريدي نحن متعودين عليهم ونعرف طبايعهم ..
اختي ملجت فالصيف الي طاف .. ولأنه مب مخلصين بنيان البيت..العرس خلوه عقب سنه ..

أنا من معارضين ها الفتره .. أحس الماكسيمام 6 شهور .. واذ فخاطره عرس يخلص كل اموره وترتيباته وعقب يملج .. يعني أتجنب ها الظروف الاعتياديه الا اذ حصل شي قوي خلال الملجه لاسمح الله وأجل العرس..

اختي ويا ريلها مجرد تيلفونات وزيارات بيين فتره وفتره يعني مب دوم .. ولما ايي تكون اليلسه عائليه
يعنا كلنا يالسين .. خخ احس لأنه ولد خالي ف عادي ماخذين وايد عليه ... ساعات يخطف اييبلها شي وتقعد وياه فالسياره بس يسولفون ..
ماجربت انه تظهر وياه .. أحس اميه ما ترضى يظهرون روحهم ..

أما عن الخطبه .. أحس مستحيل أكلمه .. بعده ماصار ريلي عسب اني اكلمه
لأنه بعده بيتم محرم عليه فما يصير أكلمه .. فالدين النظره الشرعيه حلال ..مب المكالمات الصوتيه هي الحلال!

اذكر وحده من ربعي وقت ما انخطبت تكلمه وااايد فكنت اقولها ها الشي حرام .. تقول ادري انه حرام بس شسوي نحن عندنا عادي نكلمهم قبل الملجه بفتره.. قتلها اوكي المسجات فها الوقت تفي بالغرض.. شخصيته ما بتعرفينها الا بالعشره ..

عموما..
كل شخص تفكيره غير عن الثاني ويعتمد أكثر شي ع البيئه الي عايشينها والقرارات الي تصدر من الجهات العليا !

[المزوحي]

سالفة إنه مستعيل والحينه يبغي يعرس تقهرني نوعا ما ..... صدق !!

لا تقولون لي لأنه بعدني مامريت بنفس الموقف !!

لكن هو يوم يدورون له على عروس أو سواء هو ملج على وحده .. ليش عقب يقولون مثلا خلوا العرس

مثلا في شهر 2 وهو مايقدر يصبر لين شهر 4 على سبيل المثال ...

وفي منهم اللي يخلي العرس لين سنه مثل ماتقولين ...

[تحفه]

انا بطول الخطوبه .. جي سنتين اوكي .. والملجه قبل العرس بسبوعين وايد زين D;

[المزوحي]

تحفه يمكن انت تملين خلاف !

[ماوحشتك]

انا اشوف مب حلوه انه يطولون فالملجه اكثـرمن ستة شهور يعني او سنه

[المزوحي]

ماوحشتك ... لأنها السالفة تطول !!

[تحفه]

تحفه يمكن انت تملين خلاف !

امل ليش؟

[وحي القلم]

وايد سنه :fa46:

أحسن أنهم ما يملجون إلا قبل العرس بشهر ولا شهرين

لانه وايدين.. خصوصا الكبار ما يعيبهم أنه فترة الملجة اتطول وايد

و الحريم عاده مول ما يبن سبب حق الخراريف :tounge:

..

[المزوحي]

تحفه إذا بتكون فترة الخطوبة طويلة

[تحفه]

بس مب كل الناس تفكر مثلك .. يمكن بالنسبالك انته ملل p; ماتروم اتعمم هالنظره

[المزوحي]

صح انا بعد اقول جيه

[المزوحي]

هل لديك الجرأة بان تفتح موضوع زواجك للوالدين .. او تخلي أحد أخوانك / اخواتك يتكلم بالنيابه عنك ؟

وإذا كنت الوحيد او كنت اكبر افراد العايله، كيف تتصرف ؟؟

لانه البعض يترك الأمر لحد ما الاهل يتدخلون ويذكرونه بمشروع الزواج ..

أو يكون جوابه ابحثوا لي عن زوجه من اختياركم ...


هل تحس الوحده بشعور غريب، يوم يتقدم شخص لخطبتها ... يعني شعور الرفض ( من غير سبب ) ؟

حتى لو كان المتقدم شخص خيّر .. وبعده ماصار شي ... وتحس تبغي ترفض ..

[ميامي 44]

موضوع حلو ومشوق في نفس الوقت أخوي المزوحي :thumbup1: ،،


بالنسبة لرأيي في هذا الموضوع ،،


الصراحة في عائلات وايد في مجتمعاتنا ترفض هذا الشي ،،


ولا المشكلة الأكبر أن بعض العائلات ترفض حتى خلال فترة الملجة
أن يكون في زيارات بين البنت والولد :a052: !!



ومن وجهة نظري هذا شي غلط ،،



معنى كلمة ملجة >> أن الاثنين يتعرفون على بعض :a074: ،،

وتصير بينهم حوارات وسوالف ،،


ومرة أخرى من وجهة نظري أن التلفون بروحه ما يكفي ،،


لازم الاثنين يتعرفون على عادات بعض وتصرفاتهم في الأكل مثلا ،،
أو فتح الحوارات أو حتى النقاشات اللي تكون في غير التلفون ،،



:b015:



من جهة ثانية ،،


حتى الطلعات أعتقد أنها مفيدة للطرفين في هذي الفترة ،،

أوكي ممكن بعض العائلات ما تحب أن بناتهم يتأخرون أو شي من هالقبيل ،،
أو مثلا يكونون في مكان مفتوح وعام وأي أحد يشوفهم ،،



<< مع أنهم مو مسوين شي غلط:k_puppyeyes: !!

يحليلهم مالجين على سنة الله ورسوووله :birgits_giggle: !!


يعني إذا العائلة من النوع المتحفظ شوي ،،

ممكن تكون في طلعات مع بعض ،،
بس على شروط العائلة مثلا أنها ما تتأخر ،،




ونقطة ثانية وأنا ما أحبها كلش ،، نشوفها عند بعض العوائل :fa55: !!



أن مصلا إذا الاثنين طلعوا مع بعض يخلون أحد معاهم ،،

مثلا الاخت أو الاخو ،، أو أحد ياهل ،،



لييييييييييييييييييييييش :bash: ؟؟


جي البنت طالعة مع أحد غريب !!

ترى هذا ريلها ،، وأكيد يخاف عليها ،،



وخلوا البنت والولد يآخذون راحتهم شو بالكلام :fa35: ،،

مو ملزقين فيهم طرف ثالث :a0360: !!


حتى البعض في الزيارات بعض يخلون طرف ثالث ،،

ما أدري شو الحكمة :a036: ؟؟


أعتقد أن لازم بعض العائلات تعيد النظر في هذي النقاط ،،


بالعكس لو شوي يخلون البنت الولد يتكلمون على راحتهم ،،
ممكن يكون هذا الشي في مصلحتهم :thumbup1: ،،

ويخططون لحياتهم ومستقبلهم ،،





<<< SOORY أندمجت في الموضوع :a033: ،،


أسمح لي أخوي ،،

بس جد هذي مسألة يجب إعادة النظر فيها من قبل البعض ،،

( وتظل وجهة نظر شخصية ،، وأتمنى محد يزعل )


وعساااااااااااااااك ع القوة :thumbup1: ،،

[ميامي 44]

ونقطة حبيت أوضحها ،،


بالنسبة للفترة بيت العرس والملجة أعتقد

أنها مو ألزامية بفترة معينة ،،

على حسب ظروف المعرس والعروس ،،

الدراسية أو الوظيفية :thumbup1: ،،



وإذا الاهل عندهم أي شروط المفروض تكون قبل الملجة ،،

يعن يمثلا أن الملجة ما تطول وايد أو أي شي من هالقبيل ،،


:fa38:


مو بعد ما الريال يملج يحليله يلزمون عليه لازم العرس يكون
في الموعد الفلاني عشان ما تطول الملجة !!


يحليله يمكن الرايل عنده ظروف في الشغل أو شي من هالنوع :fa45: !!


وشكراً :thumbup1: ،،

[المزوحي]

ميامي هالشغلات تتكرر بشكل دايم ...

ويمكن البعض تغير تفكيره،

[طير الحب]

شمعة أمل...حبيت الوعي الي تتكلمين به...ذكرتيني بطير ...كنت اقول انا يوم بتزوج ان شاء الله ما ابا يمؤ يوم واقول ليتني ما تزوجت وربي لا يغير علينا تعرفون المرأة باسلوبها وطيبتها تقدر تخلي الزوج يحب هوايتها وهي لازم تبادله هالشيء امي قالت لي بيوم الياهل على ما تربينه والريل على ما تعلمينه بما معناه وخذيتها قاعده وفعلا انا اعشق السفر وصرنا نحب السفر وايد حتى عيالنا شراتنا يحبون التغيير ودوم السفر يكون مفاجأ يعني ما نقعد نخطط حلاة الشيء عفوي...ومثلا فينا طبع نحب اكل المطاعم عيالنا شراتنا تعلموا منا ياكلون في البيت بس ساعات عبادي يقولي ماما نسير مطعم...


المزوحي...انا افضل انه الواحد لو خاطره يتزوج يسير يرمس امه او ابوه بدون حاجز وصدقني بيفرحون وايد

[المزوحي]

وايدين يشهدون بإنه فترة الملجة أحلى بوايد من الحياة بعد الزواج .. أكيد لانها تجربه حلوه وشي يديد ...

وكل واحد يحاول يظهر أحسن ماعنده ...

[شتشووته]

يسلموو اخوويه عالموضووع الحلوو

اخوويه انا بقولك ليش العرووس لازم ماتطلع ويا ريلها في فترة الملجه .. ولو انه حلال.

سبحان الله انته ماتدري شو ممكن يصير من بينهم في ذاك الوقت. اوكي حلال وهو ريلها لكن اذا لا سمح الله الريال اتوفى ؟!!!

وبعدين شو بيصير ؟ واصلا اصلا هم لااحقين عالطلعات ويا بعض ..

حلووو انه يزوورهاا واييها كل اسبوع بس انه يطلع وياها هاي مستحييل في عيلتناا

[المزوحي]

وجهات نظر مختلفه، والموضوع حامي .. واللي يحب يشارك مره ثانيه يتفضل

[فرح ناز]

:icon_rr:السلام عليكم ورحمه الله وبركاته

طبعا يمكن في ناس تزعل من كلامي :fa46: بس بس بسسس انا ابا اقول الي يالسه افكر فيه

يمكن يكون غلط ويمكن اغير رايي بعدين :tounge: كيفي انا بنت اغير رايي متى ما ابا :whistling:

فترة الملجة تعتمد على الظروف والعايله والاستعدادات والي يناسبك يمكن ما يناسب غيرك اهم شي انه الاهل متفقين و العروسه والعريس مالها بعد متفقين :11::11::11:

اذا كل هشروط توافرت بيكون زواج ناجح ان شاء الله

ففترة الملجة تعتمد مثل ما قلت على الشخص نفسه :ohboy: واهله
بس احنا هني فالامارات احس انه متخلفين وخاصة فئة عادي يملج عليها وكل شي وبعد ما تشوفه بس يوم العرس لول تنصدم :k_nono: .. خسف .. شعره :icon_rr: هي وحظها :birgits_giggle: او هو الي ينصدم يشوف ام الدويس :a068:

الواحد يشوف الله شو قال في كتابه الكريم وشو قال رسووله بعدين يطبق ما يتشدد ومايخلي الحبل على الغارب (مادري شلون تنكتب لول)

[شواخي98]

مرحبا ................احالكم ...اعلومكم ...أخباركم.....يااااااااااااا اا حيكم
عاد أنا شدني الموضوووووووووووووووع وقلت ألا أشاركم الراي
بالنسبة الي أرفض وبشدة موضوع رمسة البنت لريلها وقت الملجة وحتى الطلعو وياااااااه
ويوم طلب ريلي مني هالشي رفضته وخليته يتحرقص ست شهووووووووووورررررر........بس كانت بينا مسجات!!!
تعرفون ليش لأنه فترة الملجة هاي خراب دار والله صدقوني .........ما تسمع الا خيرة الكلام والخريط الزايد اللي تبنون من وراااااااه قصور تنهار عقب العرس , لأنه في فترة الملجة كل واحد ايطلع الجوانب الايجابية له وعقب تبدى الصدعه والتناقضات والصدمات ووييييييييييييييين هذيج الأيام الوردية الي كنتو عايشين فيها ذهبت من دون رجعة............أنا مب ضد الزواج والله انه العرس حلو واستقرار واتحصل الحرمة عالشخص اللي يبادلها المشاعر والعون بس أفضل انه أول احتكاك يكون بينهم يكون بعد العري عشان كل واحد يبدأيعدل في عمرة عشان يسير المركب لكن اذا صار شي في فترة الملجة اتعرفون شو بيصير بيقول الريال عنبوه بعدنا ما عرسنا وبدت المشاكل اللي سواها سوى غيرها وما اسهل الفراق لكن يوم يدفع دم قلبه وتكون حلاله لاااااااا بيتأنون وبيفكرون عدل قبل ما يتخذون أي قرار

هذا رايي وبالنسبه لطلعت البنت ويا خطيبها مستحيلة عندي ما تنفع موووووووووووولية .......ريال طلع ويا حرمته وبعدهم ما عرسو شو خانتهم بعد خلاص ......كم بيزخون عمارهم واللي تقولي لا لازم تكون في البيت قبل عشر ونص فليل ههههههههههههههه فليل ولا الصبح الفكرة مستحيله صدقني يا بنات...الريال من يستفرد بالبنت وخاصه لو كانت حرمته شو يسوابه
طولت عليكم بس هذي وجهت نظري وأنا ضد مب مع

[المزوحي]

فرح ناز مافهمنا شو اللي تقصدينه،،

[المزوحي]

شواخي انت ترفضين الرمسه والطلعة ...

وفي عوايل للحين مايشوفون بعض إلا وقت العرس،،،،

بس احس الدنيا تغيرت، والواحد سواء الريال او الحرمه في خاطره يشوف الطرف الثاني عسب يقدر يتقبل

الطرف الثاني،

مب شرط الجمال ،بس يوم يتكلمون عارفين شكل بعض ... على الأقل

[وعد]

مرحبا
بالنسبة لي كانت فترة ملجتي 6 اشهر واختي كانت ملجتها سنة
هالشئ يعتمد علي الطرفين وعلي ظروفهم في حالتي انا موظفه عشان جذي ما طولت في فترة الملجه بس اختي كانت طالبة بالجامعه فكانت تبي تخلص سنتها الاخيرة وبعدين تعرس لان الزواج مسؤلية
انا احس البنت لازم تطلع مع ريلها في الملجه عشان تعرفه اكثر وهو يعرفها اكثر ويدرسون بعض اكثر يمكن الشخصيات ما تتوافق صح والا لا؟ واحسن الانفصال يصير في الملجه ولا يصير بعدين يوم يصير عندهم درزن عيال :k_no:
و دام هالشئ مو حرام بالعكس حلال ليش ما نسوية
اصلا الواحد لو ملج علي زوجته راح ينطرها بمكان عملها وممكن تتفق معاه تشوفه في اي مكان بدون علم اهلها صح والا لا؟ فليش كل هالسوالف من الاساس اسمح لبنتك تطلع مع زوجها وعطها الثقه وبتشوف انها ماراح تخيب املك وبعدين الاهل الحين يسمحون لبناتهم يدرسون بالجامعات المختلطه ويروحون المجمعات وبدون الاهل ويوم ملجو عليها بيقولون لها لا تطلعين مع ريلج!!! وايد تناقض صراحه
اصلا احلي شئ فترة الملجه يوم تروح الوحده مع ريلها السينما وتتعشي معه بالمطاعم :g_aloof:

الملجه فترة اختبار للطرفين مو فترة تحضير للزواج فقط

[الاسطوري]

بالنسبة الي أرفض وبشدة موضوع رمسة البنت لريلها وقت الملجة وحتى الطلعو وياااااااه
ويوم طلب ريلي مني هالشي رفضته وخليته يتحرقص ست شهووووووووووورررررر........بس كانت بينا مسجات!!!



انزين شو فايدة فترة الملجه إذا مايروم يشوفها ولا يرمسها؟! يعني على ذمته
بس مايدري عنها، عيل أبرك انه يخطب ويملج
ويعرس في نفس اليوم
:a052:

[المزوحي]

وعد،،

الملجة خلاص حلالها، مع ضوابط، ويعتمد طبعا على الاهل وعلى الطرفين ووجهات النظر تختلف ...

حد يحب يتكلم ويظهر عسب يعرفون بعض أكثر، ويمكن كل واحد يكتشف شي في الثاني،

الخطوبة ممكن الواحد يفصخ الخطوبة، لكن الملجة يعني طلاااق .. بس مب على الشغلات البسيطة وطبايع

ممكن تتغير ...

مثلا في وحده من الاهل ... طلقت منه فترة الملجة لأنه ظهر ( .... يشرب وغيره ) والحمدلله الله رزقها

بزوج صالح ...

[المزوحي]

الاسطوري

صدقك، مايظهر وياها قلنا لكن لايشوفها ولايرمسها ... لايتزوجون أحسن !

[ملاك الروووح]

استمتعت وأنا اقرا الردود ..

اللي معارضين واللي مأيدين هالشــــي ..

وجهات نظر أحترمها جداً .. :fa42:

:

<< الاخت تتحراه موضوعها ولا شو :h_daleel:


اختلاف الآراء لا يفسد للود قضيه ..

ويمكن الواحد يقتنع براي الشخص الثاني بعد ما يناقشه

او انه يقتنع بانه رايه بعده صح ..


ع العموم ..

كل واحد وقناعاته .. وتفكيره ..


والله يرقزنا الزوج الصالج ..

ويرزقكم الزوجات الصالحات ..

قولوا آميـــــــــــــــــــن !!

[المزوحي]

شكرا ملاك ويسعدنا مرورج، والله يوفقج ^_^

[مزن هتان]

احوليت و أنا أقرا الردود

فترة الملجه !!
ما عرف موقف هلي اذا عادي عدهم البنت تطلع مع ريلها
بـ هاي الفتره !! بس أظن أبوي ما يحبذ الفكره
أحيد ختيه كانت فترة ملجتها 3 شهور ريلها كلش ما جا عشان يشوفها
اهو ولد خالتي، بس قبل العرس ابـ 4 ايام ياها عشانها ازعلت منه.
كانت تحاجيه بالتفلون عادي، وماكو تجارب زواج ثانية ابـ بيتنا

من يوم جيت عـ الدنيا و أنا اسمع من اهل امي
اون بناتنا ما يظهرن مع رياييلهن بفترة الملجه
و من هناك العكس تماما، يوميا برع !!
استغفر الله
عني انا اذا لا قدر الله و مريت بـ هاي الفتره
يجي يشوفني بالشهر مره، و مابي اظهر وياه
ماحب، هذا حجي الحين يمكن يتغير لين حزتها XP

قعدت ادور الموضوع بالواحات، فيّه غييييض + مصدوووومه
جذي الملجه تغير، الله يعين لين صار زواج !!!
مشكور المزوحي

[المزوحي]

هلا مزن .. بعض الأهل لهم فكرو معينة ( ألا وهي، البنت ماتظهر مع زوجها ) وفي منهم تتغير فكرتهم مع البنت الثانيه

أو الثالثه، بعد على حسب ... وأحيانا تلقين أهل ماعندهم مانع لو تظهر وياه وبحدود، لكن البنت هي من نفسها

ماتحب تطلع، يعني ثجيله، وتبغي تخلي كل شي عقب العرس ...

[نور الإيمان]

اهني فرضيات .. و اعتقد الأقلية من جرب فترة الملجة او الخطوبة ...

تجربتي الشخصية ان كنا نبا مصداقية في الكلام المطروح ..

فترة ملجتي استمرت ستة أشهر ! بعدها حصل الإنفصال و كان خيرا لي!

من عاداتنا نحن انه عادي يقعد الريال مع حرمته في الميلس اما طلعات لا! و ان طلعت معاه فأمي بتكون وياي ..

لكني استفدت وايد .. هاي التجربة و ان كانت مريرة و رغم هذا كله ما اقنعت نفسي اني مطلقة كون انه ما دخل علي .. و ما عندي ابناء و بعدني عذراء .. و اشوف انها استوت موضة عند شباب الإمارات يملجون و يطلقون بليا سبب!!

المهم .. من خلال هالتجربة ابوي اقتنع تماما .. ان صياغة الزيارة بتتغير تماما و مدة الملجة ما تزيد عن اربعة اشهر ..

العادات تختلف من مكان لمكان و من اسرة لأسرة .. بس نظرة الأهل دومها ثاقبة و صحيحة .. في فترة الملجة و ان كانت حلاله .. تخيلوا لا سمح الله دخل عليها و احملت و ما استوى العرس!!! الزفاف شو خانته؟! الزفاف اعلان للملأ انه له الأحقية ان يدخل عليها .. و هالسؤال طرحه احد البشر على رجل دين .. فصرح انه جايز ان يدخل عليها بعد عقد القران و لكن مع احترام اعراف البيئة المحيطة بهم .. يعني بيئتنا تمنع هالشي فلازم نمتنع عنه ..

المهم .. ان احملت الحرمة قبل الزفاف عقبها يمكن يتخلى عنها و يستوي سوء تفاهم! الإنسان نيته ممكن تكون مب واضحة و بالأخير الأحتمال الوارد انه يطعنها ف شرفها!! و هي اسرت له و امنت لكن سبحان الله!!

بتقولون هذا مب واقعي ولا يمكن يصير .. اقول يمكن انتوا مب عايشين على ارض الواقع!! حتى ايام الملجة البنت لازم تحافظ على نفسها و لا تقول هذا زوجي و بعطيه اللي يبيه!!

الدنيا تغيرت و النفوس تغيرت وايد .. ان اقر بالزفاف ذيك المرة انتي حلاله .. اما ايام الملجة ف من بينكم حدود ...

[أنامل قلب]

هل تحس الوحده بشعور غريب، يوم يتقدم شخص لخطبتها ... يعني شعور الرفض ( من غير سبب ) ؟

حتى لو كان المتقدم شخص خيّر .. وبعده ماصار شي ... وتحس تبغي ترفض ..

نعم ، وفوق ما تتخيلون .. . !

:

مجرد تسجيل اعجاب بغاية الطرح وتفاعل الغير ..

+ أظن اللي قبلي كفوو ووفو ،، بس في نقطه استغربت منها جدا ..
هممم ،، ليش هالقاعده الغريبه بإني لازم أستغل فترة الملجه ،
لأن عقب العرس الحيــاة بتبدأ بالتراجع والتخاذل .. . !

منطق غريب جدا ،
كيف يطمح المرء تالي لـ حياة طيبه وهو هذي فكرته من البدايه .. . !

:

مب حابه أضيف أكثر ..
وأكرر شكري لكل من تواصل هنا :smile: ..

احترامي ..

.. .

[المزوحي]

نور الايمان ... عسب جيه يوم الاهل يتدخلون من هالناحيه،، تشوف البنت إنه اهلها متخلفين وإنه راصين عليها

وهي من حقها تسوي اللي تباه كونه ملج عليها .. لكن مثل ماوضحتي في ردج .... يمكن يعافها عقب مايدخل عليها

فترة الملجة ...

[المزوحي]

أهلا سكون

لأنه البنات حاطين فكره في بالهم، إنه الريال فترة الملجة بيكون ملاك، وممكن يلبي لهم ، اي شي يبونه، وهي

طبيعي تبغي تستغل هالشي، لأنه ممكن عقب الزفاف يتغير كل شي، وإنه الحياة بتبتدي عادية وروتين وملل ..

مادري إنه كان تحليلي صح وإلا لا !!

[أنامل قلب]

لكني اهني ماكنت أطري البنات ،،
كنت أطري الشباب .. . !

فعلا وايد قمت ألاقي هالملاحظه من قبل الشباب خاصه "الرجال" ..
عندهم اعتقاد بإن الملجه هي الفتره الحلوه + اول سنه او سنيتن من الزواج ..
وعقب هم المسؤولية والروتين والملل !

ليش الشكوى تالي إذا ،،
إن كانت هذي اعتقادات الأغلب من البدايه كـ قناعه .. . ؟!

وليش هالتشاؤم كله ،، أكان من مفهوم الزواج أم من الفتيات ككل .. . !؟

:

ولو على ظن كل طرف بملائكية الطرف الآخر ،،
فهي غفله قد يقع بها كلا الجنسين ،، لا أحدهم .. . !

اممم ،، اعذرني عالمداخله المتكرره أخوي ..
مع إني قلت ما بضيف بالكلام بس ماقدرت =)

.. .

[المزوحي]

هلا بج مره ثانيه، خذي راحتج سواء بالرد على البنات او الشباب

وبما إنج تقصدين الشباب، يمكن البعض يقول إنه الحرمه ممكن تتغير وتبتدي تهمل الريال، وحاط هالشي في باله

او إنه يحب التجديد، حتى لو بعده ماصدر شي منها ..

[أنامل قلب]

^^ شفت كيف أخوي ،، دوم بالنهايه نرجع نقول يمكن أهو ويمكن إهي .. !

يعني بالنهايه دوم المسألة ترجع للأطراف "الريال وحرمته" ..
ومثل ما إن لكل ريال شخصه ،، فلكل فتاه شخصيتها ..

وكل هالمسائل حلها يكون بالمصارحه الخفيفه ،،
+ مش بالضروره كل طرف ينتظر المبادره من الطرف الثاني .. . !

بـ ود أحد الأطراف أمر معين خل يبادر به بالطيب ،،
دون لوم الطرف الثاني على شي ما يدركه ..

معقوله يعني الحرمه بتدري إن ريلها حاب شي معين وإهي بتقول "لا" !

وبعدين بيني وبينكم ،، ليش من الأساس نقول يمكن ويمكن لول ..
المفروض الواحد من يرتاح من البدايه وتوكل عـ ربه ،، خلاص ..
يدرك بإن أي قصور وسلبية بيلقاها تالي بيكون أحد الأطراف المسببه لها ..
بما إنه خلاص ارتبط ابـ شخص آخر قلبا وروحا تعد أخطاؤهم ومحاسنهن بالنهايه واحـــده !

فأي نجـــاح يكون سببهم الاثنين ..
وأي تراجع يكون السبب كذلك الاثنين .. . !

:
.

انزين خلاص بسكت ،، لا تفروني ابـ شي ^^"

.. .

[أنامل قلب]

وبعدين حلاتها الموجه بصعداتها ونزلاتها ..

انزين خلاص :shutup: !

.. .

[المزوحي]

افا عليج اختي محد بيفرج وخذي راحتج ولج الحرية في النقاش ^_^

الحينه مانقدر نخصص واحد منهم بشي ...

وبعدين لو في تنازلات افضل والمصارحة حلوة ايام الملجة، بس مثل ماتعرفين إنه كل واحد يحب يظهر بصورة افضل

سواء الحرمة أو الريال ... مافيها شي لو كل واحد يقول شو اللي يحبه ومايحبه في هالمرحلة ، يعني من البدايه

عسب مايبين لها كل شي عادي، وعقب خلاااااااص يحرمها من كل شي كونه ريال .. ( الناس عقليات )

والحرمه كذلك إذا مب عايبنها شي تناقش، والاحسن إنها تعرف السبب، احسن من إنه تقول نعم مجرد إنها

تقول نعم وهي مش مقتنعه، على اساس ماتخسره ريلها فترة الملجة وأونها تكون مطيعه وعقب الزفاف ترفض كل

شي وتكسر الدنيا خخخخخخخ

[نور الإيمان]

يوم يجد الجد راح يكون لكل حادث حديث ..


الفرضيات شي و الواقع شي مغاير تماما ..


الله يعوض اللي فيه الخير يا رب

[أنامل قلب]

أخوي المزوحي ،، لا تفاول عـ روحك ^^"

اختي نور الإيمان ،،
جعل ربي أعمالنا كاسمك ،، بما نملك من إيمان ~

سواء كان البعض يسري بالواقع ،، ليسرح غيره بالخيال ،،
يكفي ان ذلك يمنحنا نوع من التفاؤل والاحساس الطيب ،،
بإن نحن نملك إبداء ما نحسبنا نملكه ،، ومنه يستلهم المجهول .. . !

عالأقل إبصارنا للباب مفتوح من بعيد ،، يطمنا .. . !

وللعلم ،، تجربتج كانت لـ سبب ،، كوني على ثقة ..
وربنا باذنه ما يقدم إلا خير الأسباب لـ خير المنــال ..

:

حفظج ربي بالدارين ^_^ ..

.. .

[المزوحي]

طرى شي على بالي، وهو فترة الملجة وكيف الواحد يتصرف !!

بس أكيد لو المالجه تسمع من فلانه كذا وكذا أكيد هي تحب تعيش هاللحظات مع زوجها..

خاصة إنه هالشي يديد في حياتها، وتتوقع إنه أي شي بتطلبه بيتنفذ لها في الحال، حتى لو الزوج اعتذر لها

عن عدم التنفيذ لفترة، ممكن تزعل، على اساس إنه ماتنفذ اللي تباه، وكانت تفتكر بما إنها عروس

اللي تباه بيمشي .. هذا وهو زوج طيب وبيلبي رغباتها ( بس إنه كان مشغول وقتها او له عذر معين )

من جانب ثاني ... أحس إنه خلاص الطرفين مش محتاجين يعيشون هالفترة ...

لا تفهموني غلط الله يهداكم ..

ويمكن كلامي هذا مايكون مقنع أصلا .. مون إنه كل واحد منكم ساوء الحرمه او الريال يبغي يعيش فترة الملجة

بالطلعات والكلام الحلو ... الخ

بس من وجهة نظري إنه الدنيا تغيرت، يعني قبل تلقى الريال يكون حريص على إنه ياخذ حرمته وياخذون حد من

الصغاريه وياهم ( يمكن يكون رادع لهم عن الغلط ) على اساس يزهبون حق حفلة الزواج ...

يعني من كوشه إلى الفستان إلى القاعه وغيره .......................

وبما إنه استوى إنه البنات 95% يشتغلون وشايفين كل شي ويظهرون ويسيرون ويردون ...

فما في داعي إنها تكون متلهفه على ظهرة مطعم او تكون سعيده بإنها تسير تتزهب مع الزوج ..

وأكيد هي وجهة نظر غلط * غلط

يعني مهما سارت ودارت وردت وحطت وشلت، بس بعد تبغي تعيش هالاشياء مع الزوج ..

انا اقول الواحد يخلي هذا الشي عقب الزواج بعيد عن إنه نفهم بعضنا لأنه ماهما كان مابتفهمون بعض إلا من خلال

الحياة عقب ..

[عمة العيم]

انا اقول الواحد يخلي هذا الشي عقب الزواج بعيد عن إنه نفهم بعضنا لأنه ماهما كان مابتفهمون بعض إلا من خلال

الحياة عقب ..

المـــزوحي... انا وياك 100% صح كلامك

(^_^)
...

[أنامل قلب]

بخصوص اللي بالأسود // فمن قال ان هذا توقع البنت :k_special2: // معقوله :fa55: ..
انزين ليش ما يكون العكس // يمكن الريال متوقع نفسه قادر يلبي كل توقعات ست الحسن :tongue: ..

:

همم بخصوص فترة الملجه ،، فأنا ضد هالفكره // أظن يعني :nerd: !

مادري لكن مهمن كانت البنت عادي عندها تظهر وتيي // تداوم كل يوم وتشوف الناس :fa38: ،،
بتم محتاجه لـ فتره ،، تتهيأ نفسيا عالأقل !!!!!!

ولا شو رايكم ^^"

,

[المزوحي]

هلا عمة العيم .. صدق ما ابالغ، لأنه الواحد يكتشف الطرف الثاني عقب، ومب قضية اكتشاف كثر مايكون كل شي على

طبيعته ... عسب جيه الحرمه تعصب وتقول بلاك تغيرت، هو ماتغير، لكن بان كل شي عقب ..

[المزوحي]

سكون ... احس فترة الملجة اللي يعيشها هالأيام، كأنها تمثيليه .... تدرين كأنه تتريا بس تملج عسب تهدي زوجها

وتنتظر هو منه الهدايا والدلع والكلام الحلو ... مش معقد انا بس وجهة نظر ... ويمكن هذا يختلف على حسب عمر الانسان

يعني لو الوحده تزوجت وهي 20 غير عن 25 غير عن 30

[تحفه]

^اعتقد انك غلطان! لو الريال يعامل البنت عدل وكلشي يمشّيه بسلاسه وبساطه و من دون تعقيد مابيكون في تمثيل ;) .. التمثيل يدل ان في سوالف خاشينها وتصرف الخش والدس والجذب يكون نتيجه للشعور اما بالخوف او بعدم الثقه والاطمئنان .... او يمكن اثنينتهم مع بعض!

العلاقه السليمه مايبيلها ذكاء! يبيلها اشخاص سليمين ومب معقدين p; ........ سؤال مب لازم ترد عليه .. على اي اساس بنيت نظريتك عن الجذب لازم يكون موجود في بدايه الزواج؟

والعمر ابدا مش مقياس لطريقه التفكير.. الواحد ياخذ عضات من التجارب والعلوم ......

مجرد راي!

[أنامل قلب]

البعض يشوف فترة الملجه تحوي العديد من المساويء ،، لكون كلا الطرفين بطبيعة الحال ما بيلحقون يكشفون جوانب عديدة من شخصيتهم بشكل واضح ..
يعني مثلا ،، عادة يظهرون المحاسن أكثر عن المساويء (( مش قصدا )) لكن لأنهم من الأساس قليل ما يحتكون ابـ بعض ..
وبالتالي قليل ما نلاقي فترة الملجة تفي غرض (( التعريف )) كل طرف بشريكه !

يعني مثلا ،، ممكن يكون فيه قعدات ونقاشات وحوارات خفيف بيناتهم // من خلالها يبوح كل طرف بعيوبه اللي يحسبها به ..
لكن هل يعني هذا إني خلاص فهمت الطرف ! // بنظري أكيد لا ،، لأن مهمن كان ومهمن كشفو عن طبيعتهم بيتم الوضع مختلف لمن يبدون يعيشون مع بعض بعد الزواج ..

ملاحظه : أنا مو قاعده اقول إني ما أيد فترة الملجه ،، بالعكس مثل ما قلت بردي السابق ما أأيد وجهة نظر أخوي المزوحي بإن هالفتره مالها أهميه ..
مثل ما قلت يكفي إن البنت تقدر تتهيأ نفسيا ولو بشكل خفيف // بس أظن أخوي المزوحي حب يوصل شغله حاولت بدوري أشرحها من وجهة نظري ،، والله أعلم بالصواب ..

+ بخصوص كلام اختي تحفه ،، فمثل ما قالت السالفه ما يبيلها ذكاء ،، يبيلها صدق واطمئنان ..

بس وايد صعبه عالبنت إنها ترتبط من غير فترة الملجه ،، حتى لو ما كانت بتحتك بالطرف الآخر بذاك الشكل الكبير ،،
يعني مجرد مكالمات ،، مسجات ،، وممكن طلعات أحيانا // لكنها تأثر بالإيجاب بنظري بشكل أكبر ..

:

اسمحولي ،، فكري مشتت مو قادره أرمس عدل ^^"
وربي يحفظكم جميعا ..

,

[أنامل قلب]

نسيت أقول شغله مهمه ،،
إن لازم كل طرف يراعي شريكه ،، وما يتوقع منه إن يكون مثالي ..

بالعكس يتقبله بعيوبه قبل محاسنه //
ومثل ما يحب منه العون ما يبخل عليه بالمثل ..

يعني الموضوع بالأول والأخير يرجع للطرفين //
لا أحد الأطراف أبدا ..

,

[المزوحي]

هلا تحفه انا ماطريت الجذب في الرد واحترم رايج

[المزوحي]

اختي سكون صح كل طرف يراعي شريكه ... وانا مااقول الواحد مايعيش فترة الملجة ..

بس اللي اقصده ،،،إنه الوحده تبغي الحريه خلال هالفترة، حتى لو بعض اهالي الحرمه يرفضون طلعتها وياه ويسمحون

إنه يزورها البيت، تلاقها تطلع من الدوام عسب تشوفه، وعلى رايها هي ماتسوي شي غلط دام إنه هو حلالها ..

والدليل عقد الزواج ... ومن راي حتى لو هو قالها خلنا نطلع، العاجل اللي ترفض، لأنها لاحقه على الطلعه وياه ..

وماتقول : لا مافيها شي ... وخلني اعيش هالفترة الحلوة ..

وهو من ناحيته، نلقى الكثير منهم مستعد يلبي لها كل شي، سواء عز الظهر او نص الليل، المهم يشوفها او يسمع

صوتها، لكن خلها تمر هالفتره، حتى لو بيشوفها بتموت مابيوديها المستشفى ...

وفي الاخير هذا الكلام ما اطبقه على كل الحريم او الرياييل ... لا

بس اقصد البعض اللي اتكلم عنهم ...

[أنامل قلب]

^ امبيه اتخيل ،، الاهل مب طايعين وإهي تظهر من وراهم ،، قويه هذي ^^"

وووبخصوص اللي ذكرتهم :yes: ،،
فـ هذول فئه ما ظنهم مقدرن وفاهمين معنى الارتباط والزواج ،،
وما ينفع لهم لا فترة ملجه ولا خطبه ولا زواج من أساسه ...!

+ اسمحلي إن فهمت كلامك بشكل غير صحيح ،،
ويزاك الله خير عـ حرصك أخوي ..

,

[المزوحي]

مرحبا اختي سكون، ليش تفهميني بشكل غير صحيح ؟ بالعكس انا اتقبل ارائكم ، ووجهة نظر اي شخص فيكم

كل واحد يبدي اللي عنده مافيها شي، طبعا من دون زعل ولاضرابه ...

[شتشووته]

وها الموضوع حلوو بعد .. الحين وبعد ماجربت بقولكم وجهة نظري الحلوه لووول

بس خلوني اصلي واوعي ريلي وعقب مايسير الدوام برجع لكم ... ^_^

[شتشووته]

..

رجعتلكم مره ثانيه ..

انا راده ع هالموضوع قبل ما املج .. وكاتبه انه مستحيل نطلع مع بعض بانسبه لعيلتنا ..

however احم احم .. طلعنا مررررررررره وحده بس .. سرنا العياده ورجعنا وحليلنا وويانا (اختي الصغيره)

والحين برد عليك يالمزوحي ..

شو الحدود في نظركم في فترة الملجة ؟؟

قبل كل شي نحن ماعندنا انه يرمسها او يكون بينهم اي شي بفترة الخطوبه .. ليين الملجه

والحين برد ع سؤالك يالمزوحي ~~~~

همممممم ماعرف احس انه هالشي يرجع للطرفين نفسهم .. لو هم عاقلين وعارفين كل شي .. ماعتقد انه بتكون في اي مشاكل .. عقب الملجه شي طبيعي يرمسها ويزورها وممكن اتطول الزيارات لين عقب 12 بس مب واايد .. انه يطلع وياها .. اوكي للضرووره بس ووياهم حد .. مب للقشتات ( احس ماله داعي )

بس حبيت انوه عن نقطه .. حسيت بأغلب ردودكم اتقولون انه الريال يكون بهالفتره مثل الملاك وعقب العرس يتغير!هممم بالنسبه لي ماعرف ماحسيت بهالشي .. احس ريلي مثل ما هو ماتغير فديته

انا فترة ملجتي كانت تقريبا بحدود الاربع شهوور ^_^

عني أنا أشوف كل شي له حد ... ونلاحظ إنه هالفترة إنه الأثنين يكونون مشتاقين يطلعون

أو إنه هو يزورها بكثرة ...

هل هالشي عادي وإلا الأفضل يكون حد، بحيث ماتطلع وياه أي مكان ولو هو حلالها ...

يعني خلاص محد يقدر يتكلم ...

وبعض الأهل يرفضون البنت تطلع وياه، ولو إنه مالجين .. وتلقى البنت في حالة زعل وليش

يرفضون هلي دام إنه ملج عليّه ..

هل فكرتي ليش سبب رفضهم ؟!!!

ههههههههه انا الكل قالي غير عن الناااااس .. لاني اساسا ماكنت اتعب عمري واقول لأهلي اني ابا اطلع وياه

انا روحي روحي ماكنت ابا وماكنت مقتنعه بهالشي .. اللهم يوم سرت العياده وكنت مضطره ^^


والسمووووووحه منكم:a070: .. ظهري انكسر اخ

.

[المزوحي]

مرحبا اختي شتشووته، أولا أبارك لج ، ولو إنها متأخره

ثانيا شي احترم وجهة نظرج وكلامج مقنع !

شكرا على الرد ^_^

[شتشووته]

الله يبارك فيك اخووويه ^_^

[بنت الدلع]

السلام عليكم

حلو موضوعكم .. ولو انه ردي متأخر

اكتشفت اشيا ماكنت ادري بها

نحن في عيلتنا .. ممكن انهم يتكلمون في فترة الخطبه .. بس بشرط ما يمصخونها
يعني يتعرفون على بعض وعلى طريقة تفكيرهم
بس اختي ماكلمت ريلها لين ما ملج عليها

بعد الملجه ..

ممكن يزورنا البيت .. واذا يبون يطلعون بحدود
يعني عادي يسيرون يتعشون ويسيرون السينما
بس ما يتأخرون .. واهم شي انهم مأمنين بالريال
ويعرفون انه مابيسوي شي غلط
ويعرفون تربية بنتهم .. ويعرفون انها مابتغلط وياه

انا احس هالشي عادي
بالعكس حلو اذا البنت تطلع ويا ريلها فترة الملجه
يعني مره في الاسبوع .. او مره في الاسبوعين

انا بالنسبه لي ما اقدر اتزوج شخص ماعرف عنه شي ولا جد مكلمتنه
احس وايد صعبه .. لازم اعرف طريقة تفكيره .. تصرفاته
شو جنسه وكيف اسلوب حياته
لانه باجر بيكون ريلي ولازم اعرف هالاشياء من الحينه

خطاب .. اوافقك الراي

[قصايد غلا]

يوم بملج إن شاااء الله برد على الموضوع :tounge: لأنه كل يوم لي راي لوووول

[مــهــابه]

عـن تـّجربه مب كـلآم ع الفـآضي

مافي شي مضمون 100 % قبل يوم العـرس أو ليله العـرس

كل شي ممكن يـتغير في يوم وليله ، يعـني مابننظر للموضوع بشكل سلبي لكن سبحان الله ،ماتدرين الايام شو تخبي لج

صـّحيح احنـا قبل لا نرضـى نستخير ، ونشـاور ونفكر ، ولكن بـعد ، مب كل شي يطلع قـبل الموافقه ، في آشيـا ماتبين الا عقب


انـا ما انصح لا خطبـه تـطول ولا ملجـه ، أحيد ختيه وافقـنا ع الجمـاعه بالخميس ، الخميس لي عقبه ملجـت

يعـني ماله داعي الخطبه اتطول اكثر من سنه أو سنتين ، يعني قـبل خـواتي ، بعد الثـانويه انخطبـن وماعرسن يلين خلصـن الجامعه

امـا انـا مارضيـت ، قلـت ماريد حد يربطـني بحد وانا تـوني مكمله 18 سنه ، وحطيـت آهليه بالصـوره وفعـلاً احتـرموا رغبتي وأي حـد كان يـبغي يقـولوله البنت بـعدهـا تبغي تكمـل يلين 3 سنه لي ف الجامعه


مممم من وجهة نـظري فتره الخطبه لو احنـا نقول انه منقود تكلمه ، وبعده مب محلل عليهــا ، وووو
صـدقـووني احيـان تكون فيهــا فــايده ، الريـال يـتعرف ع حرمته ، وهي تتعـرف عليه ماتتفأجئ به وهي ع ذمته خلاص لآمفـر لهــا لازم ترضى به ولا بتكون " مطلقه " وهالكلمه مش سهله ع بنت عمرها 21 او 22 أو حتى وحده كبيره

وتـبطل عنه وهي مخطــوبه ولا يخليهــا وهي مالجه

يعني تتعـرف عليه بأي طريقه كانت شي مهم بالنسبه لي ، مستحيل اتقبل اي انسـان ، وخصـوصـاً شبـاب الحين ، يعني الجيل مب شرات قبل

ونـظرتي ف الملجه كانت ولازالـت نفسهــا ، ايي البيـت مره فـ الآسبوع ويكون حـد ويانا ، ماشي طلعــااات وهالسـوااالف



وبس

بس ف الاخير كلمه زاوج يعني مسؤوليه ، والله مش تعـال وعـرس ، او بطلع ، وبتمشى ، وبحوط وسينما وبس ، لااا

يمكن تـفكرون قبل الزواج جيه لـكن الواقـع " يصدم " شوي

[المزوحي]

بنت الدلع، وجهة نظره حلوه، بس مرات انتي تبين شي وفي الواقع يكون شي ثاني !

وغير إنه وايد من العايلات يستعيلون في زواج بنتهم، علشان ريلها مايسير ويرد عليهم كل يوم والثاني، أو يتحجج بالظهرات

بالرغم إنه قبل الملجه مايشرطون شي على الريال ..

وحل بعد لو حابه تتعرفين عليه كونه بيكون شريك حياتج وهو بعد ...

[المزوحي]

قصايد غلا، عادي قولي احساسج الحين او رايج، وعقب الملجه بإذن الله خبرينا لو في تغيير ^_^

[المزوحي]

مــهــابه

بعد بقولج مب شرط الوحده تعرف كل شي عن خطيبها، حتى لو حبن اتطول المده من بينهم، خاصه إنه الطرفين يحاولون

يظهرون احسن الاشياء من صوبهم ! ( مب الكل على حسب )

فممكن فترة الخطوبة تصرفاته متصنعه، ويوم ترتاحين له وتوافقين على أساس الملجه، ممكن تنصدمين فترة الملجة

أو حتى عقب الزواج ...

وانا مابقول إنه الواحد يكون كامل 100% سواء الزوج أو الزوجة ..

لكن بما إنه نتكلم عن فترة الملجة فهذا ردي على الكلام ..

والله يوفقج إن شاء الله

[بنت الدلع]

المزوحي ..
ردك الاخير وااايد عيبني

لانه وااااايد صح الكلام الي قلته
فتره الخطوبه عاااادي البنت تشوف الريل ملاااااااااك
وما تشووف به عيووب
ولكن بعد الملجه والله انها تنصدم
اشياء ماكانت تتوقعها

وبعد في شي ثاني
لازم تكون في فترة ملجه
يعني لو فترة الخطوبه ماطولت والبنت ماعرفت الريال
بعد الملجه بتعرفه اكثر
ويمكن بعدين تكتشف انه مايناسبها
ينفصلون في الملجه ولا انها تطلق بعد العرس
يعني جيه ما من بينهم عيال
والريال مب داخل عليها
صح انها صعبه تنفصل في الملجه
بس ولا انها تتوهق وياه بعد العرس

[المزوحي]

بنت الدلع،، وحده من معارفنا، ملجت، ومثل ماقلتي صعب إنها تتطلق، بس اهلها اكتشفوا إنه ريال، عفانا الله

يشرب، واخلاقه مب زينه، مع إنه سألوا عنه قبل، ومابيّن هالشي ... وهي كان عادي عندها تكون مطلقه، بس ماتعيش

وياه وهي عرفت عنه وخاصه ما بينهم عيال ...

عقبها بفتره خطبها واحد غيره وتزوجت الحمدلله ..

[مزن هتان]

والله الريال ما يطلع على حقيقته لا فالخطوبه و لا في فتره الملجه
كله يطلع بعد العرس

انا ما بقول شباب عايلتنا ملاك، صح انه اقارب بس بعد
يعني يتغيرون شوي و يناحسون شرات أخوي

بنت خالتي امبين خطبتها لين الملجه اسبوعين و من الملجه لين العرس 8 شهور
اول ملجه اطول عدنا لأنه ريلها كان يدرس برع و اصلا مش من اهلنا المهم بعد 6 شهور زواج تطلقت
طلع المستخبي كللللله

الحمدلله الحمدلله انتهت الامور قبل لا يكون امبينهم عيال
و قريب ان شاء الله بتتزوج ربي يعوضها خير و ان شاء الله يقدرها ريلها
و لو انه شكله ما يساعد يعني لوووول أخوي العود خطبها =)

أنا مقتنعه انه عايلتنا ما ينفع لها تاخذ من برع

[صريح]

1 - قبل كل شي "حـــلات الثـــــوب ،،رقعته منه وفيه"
البدوي للبدويه ، الحضري للحضريه ، العيمي للعيمه الخ..
كل واحد يأخذ من نفس اصله و "اغلب" المشاكل ما بتكون موجوده

يعني اللي بيأخذ من غير اصله اكيد العادات و التقاليد من الطرفيين بتكون مختلفه
و هالشي ممكن يسبب مشاكل و حساسيات سوى بين الزوجين انفسهم او حتى اهاليهم.
و نسبه نجاح هالزيجات قليله بشكل عام.

مثال لشرحه موقف وليس التعميم " بدوي متشدد و محافط و و البدو معروفين انهم ما يبوحون بمشاعروه
و لا عنهم سوالف الرومنسية الظاهره للعيان "بحكم البيئة اللي عايش فيها و العادات و التقاليد" ياخذ عيمية " اللي اكثر انفتاحا و رجالهم يظهرون الرمنسية اكثر و فيه نسبه حريه اكبر فالطلعات و من الامور.. " ...
الحرب بينهم بتشتعل و الحلقه بتنصك ع الابطان مثل ما يقولون و الاسطوانه بتكون " ما يحبني و ما يطلعني و حابسني فالبيت و ما يخليني اطلع ويا ربيعاتي و ما خليني اكشخ و البس و احط ميك اب و دكتاتوري و القائمة ما تخلص"
و لو ماخذ ابدوية ما تكون هالامور موجوده لانه هيه و اهلها و اخوانها رابيين على هالمور.


و انا لا انتقص من اي اصل شي ... بالعكس الكل ع العين و الراس و عندي من الربع العيمي
و البلوشي و البدوي و كلهم هب ريح و ما ينقصهم شي الحمد لله < ---- حتى لا يعتبرني البعض " عنصري ".


2 - لازم شي توافق فكري و اجتماعي و مادي من الطرفيين ...
اذا اختل شي من هالاشيا احتماليت المشاكل تزيد بشكل كبير.
و هذا الجانب وايد ناس تهمله و ما تعطيه حق بشكل كامل

3 - الحب و الرومنسيه و سوالف سعاد حسني و فريد الاطرش تيي بعد الزواج مب قبله،
قبل العرس ما فيه شي اسمه حب اللي يكون قبل العرس يسمونه ارتياح نفسي ما يوصل لمرحلة الهيام و الحب
يعني مب يملج اليوم و باجر يزقرها حبييبي و حياتي و عمري <--- مسرع ما عرفها و حبها


4 - الخطبة هيه مرحلة يوم الريال يعزم و يخطب بنت الناس و يكون جاد في هالشي،
بمعنى ثاني مثابه اعلان انه يبا يخبط بنت الناس، استغرب من الناس اللي يخلون بناتهم يرمسون
اللي خطبوهم بحجه التعارف و كل واحد يعرف تفكير الثاني " يمكن كلامي يبان انه موجه لبنت الدلع بس ما اقصدها، اقصد بوجه عام كل العايلات اللي يسمحون بهالشي"

شو الفرق بين ريال و حرمه يكلمون بعض فتره الخطبه و ريال و حرمه يكلمون بعد بدون شي "تعارف"؟
شي منقود عن العرب و منقود في عرفنا و عاداتننا و تقاليدنا و حتى لو ما كانو عرب .. الدين يرفض هالشي


5 - الملجة - صحييح انه الحرمه و الريال يكونون رسميا معرسين بس بعد
هالشي ما يخليهم ياخذون راحتهم بالطلعات و السيرات و الحواطه

الريال لو يبا يشوف حرمته يشوفها في بيت اهلها و ويا اهلها
يطلع وياها بوجود حد وياهم للاشيا الضروريه بس " تجهيزات العرس الخ .. من هالامور الضرورية"
بس سيرات مطاعم و سينمات و مولات و حواطه و عازمنج و عازمتنك يخلونها حق عقب العرس احسن


عربنا و شوابنا و عياييزنا عرسو بهالطريقه لا طلعات ولا كلام قبل الملجه و عايشين و لا عليهم قاصر ..
ما بني احنا اليوم نغير هالعادات و السلوم اللي ربينا عليها بحجت " التطور و الانفتاح "


يمكن البعض بيقول تفكير صريح " مال اول" و "رجعي" و الدنيا الحين مطوره و تغيرت عن اول
بس بعد بتم "مال اول" و افتخر بهالشي


و السموحه من صاحب الموضع يمكن تطلعت برع الموضوع شوي
:smile:

[المزوحي]

مزن هتان ... بعض الناس تقدرين تكشفين طبايعهم بسهوله والبعض لا ...

الحمدلله على كل حال . والله يوفق بنت خالتج

...

صريح كلامك فنان وصدق إنك صريح ...

لأنه مب من أسس الملجة تبادل الهدايا، او الطلعات، هذا مب مهم هاك الزود، ولو إنه المجامله مطلوبه أحيانا

لأنه هو بيعيشون مع بعض ...

[بنت الدلع]

صريح ..

حلو الكلام اللي قلته
بس خله نقول .. انهم ماكلموا بعض فترة الخطوبه
والبنت ماتعرف الريال عدل
بعد ما ملجت او عرست اكتشفت اشياء سيئه موجوده فيه
واكتشفت انه هو اصلا ما يناسبنها
شو تتوقع الحل في هالموضوع ؟
هل الطلاق هو انسب ؟ او كان بامكانها تتفادى هالشي في فترة الخطوبه وقبل لا يطيح الفاس بالراس

صح انها ما بتعرف كل شي عنه فترة الخطوبه او الملجه .. بس بعد هالشي يعطيها فكره عن هالزوج الي متقدم لها
ويوم يكلمون بعض فترة الخطبه .. ما يمصخونها او يتمون يسولفون ليين اخر الليل
في شي اسمه حدود و خطوط حمرا

[مــهــابه]

صـريح :


آنـآ مـب وياك بالنسبه للنقطه الاولى ، آنه البدوي يـآخذ آبدويه ، والحضري يـآخذ آحضريه ، و ....

وماتقدر تقول انه كلامك ينطبق ع الكل 100 %

لان يعـتمد ع اشيـا وايد ، وآهمهــا الشخص ذاته وطبــاعه بغض النظر عن البيئه

ما اقـول انه البيئه مالها دوره بالعكس ، بس بعد ماتقدر تقول انه البدويه مايناسبها احضري والحضريه ماينـاسبها بدوي

مـابـرووح بـعيد ، عندنـااا ف البيـت هالشي ، من خواتي واخواني وبالعكس ، منسجمين ومرتاحين ومكيفين " ولله الحمد " اكثر عن اي حد ثـاني ، بغض الطرف عن اخـتلاف " البقعه لي عايشين فيها " أولاً ، والعادات والتقـاليد ثـانياً


والامثله اللي ذكرتهـا تعتمد ع تفكير الشخصين مش الظروف الخارجيه ، يمكن هم يغـيرون الظروف ويخلونها لصالحهم ويتكيفون عليهـا
ف الاخير احنـا عـرب ولو اختـلفنا الاختلاف مش هااك الزوود امبينـااا



.


النقطه 2 وال 3 أنـا ويـاك 100%


بالنسبه للخطبـه انـا ابد أبـد ماتخيل اكون ع ذمه ريــال ماعـرف عنه شي ، شخصيته ، طباعه ، تفكيره ، نمط حياته
يعـني ف نفس اليـوم يقولون لي هذا ريلج وارضي فيه

أحنـا عندنـا ف البيـت وخواتي قبلي مارمسن ريـايلهن ولاشـافوهم الا حزه الملجه ، وحتى النظره الشرعيه كانت عندنــا " ممنوعه "


لكن شخصيـاً قلـت لهم مستحيل مستحيل ، اخذ واحد انا ماعرف شي عنه ، اعـرف عمري عدل ، والخطبه مش اني اعرفه وبس لا

قبل كل شي اسـتخاره ، واشاور هلي ، ورضـاهم ، ووو

لكن بعد ، يمكن هالانسان اكتشف انه في عيوب ؟ يمكن تفكيره مايناسبني ؟ يمكن في اشيــا مب اوكي " محد كامل "

بس في اشيـا يمكن الانسان يبلعها ويستوعبها ويغيرها ف شريكه بعد العرس وفي اشيـا " اسحتااااله " انك تتقبلهـــااا

وافصخ الخطبه ولا اني اكون " مطلقه "

يعني هالشي وايد اهون ع البنت اكثر من الريـال ، ماحب اكون جدام الامر الواقع وبين خيـارين وكل واحد اصعب من الثاني

انا عندي " فتره خطبه " لازم امنح نفسي فرصه اعـرفه ويعـرفني بحدوووووووود ولاتقولون انه الريـال يكون ملاك ومدري كيف

لـو بيـن انه " ملاك " منزل ع الارض لو فيه عيب بيـبين وبينعرف " وطبعـاً ما ارمس عن اي عيب ، يعني مب هالاشيـا البسيطه لي تقدر تغيرها فيه "



وف الآخير ، لكل زمان تـفكير وظـروف وتغيرات ، ماتقدر تطبق اللي سووه اهلنـا 100 % عـلى هالجيل ، لان في اشيـا خارجيه تجربنا وتحكمنا انتغير


ولـو انـا أقـول وانـته تـقول ، لكن لاتنسى انها الزواج بين " شخصين " وف هالزمن صعب جداً او نـادراً ماتحصل لي يفكر شرات تفكيرك

كل شي حـولنا تغير ! ومب كل شي تقدر تخليه [ ثابت ]



والسموحه ع المداخله


تبقى " وجهة نظر " !

[شتشووته]

.

جني رفعت الموضوع وسويت بلبله :D

صريح :: الصراحه انا اشوف انه كلامك فيه نوع من الصحه بس هالشي ماينطبق ع الكل 100% ابدا !!!!!

بالعكس اعرف وايد بدوو خذو حضر وعيم خذو بدو والحين عايشين احلى عيشه ..

والعكس في بدو خذو بدو .. وما كملو الا كم شهر واتطلقو ..يعني احس ابدا مايخصه الا في حالات نادره :S

لانه هالشي بالنهايه يعتمد عالطرفين وطريقة تفكيرهم ما يعتمد ع اصلهم @@

والسموووحه منك اخويه ^_^

.

[المزوحي]

بنت الدلع .. مب شرط تتكلم وياه نص الليل عسب تتعرف عليه أكثر، ممكن تتعرف عليه من خلال زيارته البيت، أو المكالمات

الخفيفه، والمواضيع اللي يتكلم بها ..



مهابه، أكيد ما بتكونين متعوده عليه، لكن متى بتتعرفين، من عقب ما يقولون خلاص هذا بيكون ريلج ..

وإلا كيف بتعرفين عنه كل شي، وخاصه إنه أكثر العايلات مايحبذون فكرة الخطبة، ويتمون مخطوبين ..

[بنت الدلع]

^ بالضبط يالمزوحي
نحن ماقلنا كلام لين نص الليل

قياس الا بس تعرف شو طينته

انا بالنسبه لي اهم شي ان البنت تشوفه وقت الخطبه يعني ويا الاهل طبعا، حتى لو من بعيد على الاقل تعرف شكله
الرسول صلى الله عليه وآله وسلم قال : فانه احرى ان يؤدم بينهما
ما يستوي بعد البنت تتزوج واحد ماجد شافته

[المزوحي]

لا .. بنت الدلع، على طاري الشوف، مافي مشكلة لو كل واحد يشوف الثاني ..

والاستخاره مهمه لكل الطرفين

[المزوحي]

في ناس يوم تسير تخطب، مثلا الريال يسير مع هله يشوف البنت كأول مره ( نظره شرعيه ) لازم إيدهم ماتكون خاليه يعني يودون شي وياهم

مثلا صينية حلاوه ( كاكاو باتشي :laugh: )

شو بعد يودون الناس ؟؟؟ والشي الثاني فترة الملجه ، يوم يزور حرمته

شو الهدايا اللي ياخذها لها ؟

[طفلة من هذا الزمان]

المزوحــــــــــي //

أول زيــارة لها ألف مغزى وتفسيراتها ممكن بسهولــة تؤدي إلى سووء فهـم إذا الطرفين ماكانوا حذرين في التعــامل // أنصحكـ تعرف عوايد و طبايع هالناس و شو الداارج عندهم ،، وعمومــا أكيد محد يزور حد خالي .. والأهم تحطي في بالكـ ان كرمك من بخلك بيبين في هالزيــارة و بينقاس بالهدايا الي بتيبهــا ..

الفلسفجية اللي بيقولولي شكليــــــات .. ترى ملاس حلووم جاااهز ،، :h_qor9anah:

الهدايـا لها تأثير سحري على العروس هالفترة ،، أغلب البنات تعتبرهـا اعتبـار و قدر .. يعني بغض النظر عن حجمها و ثمنها .. أكبر أهمية انها تعطي المخطوبة إحساس بغلاهـا و قدرهـا .. و تبين معدن الريال .. الا البخيل ،، عشرته ما تنطاااق :glare:
.
.

عشان جي نصيحتي للخاطب مول لا تسير و ايدك فااضية حتى لو كانت الزيارة الألف .. مرة عطر مرة ساعه و مرة لوو باقة ورد و كاكاو .. وسوالف البناات مكثرهااا .. و لا تنسى أهلهــا و عمتكـ خصوصــا .. "اكسبهــــــا عشان مستقبلا تكوون دوم في صفكـ يوم بتزعل بنتهـــا :birgits_giggle: " ....

[طفلة من هذا الزمان]

1 - قبل كل شي "حـــلات الثـــــوب ،،رقعته منه وفيه"
البدوي للبدويه ، الحضري للحضريه ، العيمي للعيمه الخ..
كل واحد يأخذ من نفس اصله و "اغلب" المشاكل ما بتكون موجوده

يعني اللي بيأخذ من غير اصله اكيد العادات و التقاليد من الطرفيين بتكون مختلفه
و هالشي ممكن يسبب مشاكل و حساسيات سوى بين الزوجين انفسهم او حتى اهاليهم.
و نسبه نجاح هالزيجات قليله بشكل عام.

مثال لشرحه موقف وليس التعميم " بدوي متشدد و محافط و و البدو معروفين انهم ما يبوحون بمشاعروه
و لا عنهم سوالف الرومنسية الظاهره للعيان "بحكم البيئة اللي عايش فيها و العادات و التقاليد" ياخذ عيمية " اللي اكثر انفتاحا و رجالهم يظهرون الرمنسية اكثر و فيه نسبه حريه اكبر فالطلعات و من الامور.. " ...
الحرب بينهم بتشتعل و الحلقه بتنصك ع الابطان مثل ما يقولون و الاسطوانه بتكون " ما يحبني و ما يطلعني و حابسني فالبيت و ما يخليني اطلع ويا ربيعاتي و ما خليني اكشخ و البس و احط ميك اب و دكتاتوري و القائمة ما تخلص"
و لو ماخذ ابدوية ما تكون هالامور موجوده لانه هيه و اهلها و اخوانها رابيين على هالمور.


و انا لا انتقص من اي اصل شي ... بالعكس الكل ع العين و الراس و عندي من الربع العيمي
و البلوشي و البدوي و كلهم هب ريح و ما ينقصهم شي الحمد لله < ---- حتى لا يعتبرني البعض " عنصري ".


2 - لازم شي توافق فكري و اجتماعي و مادي من الطرفيين ...
اذا اختل شي من هالاشيا احتماليت المشاكل تزيد بشكل كبير.
و هذا الجانب وايد ناس تهمله و ما تعطيه حق بشكل كامل

3 - الحب و الرومنسيه و سوالف سعاد حسني و فريد الاطرش تيي بعد الزواج مب قبله،
قبل العرس ما فيه شي اسمه حب اللي يكون قبل العرس يسمونه ارتياح نفسي ما يوصل لمرحلة الهيام و الحب
يعني مب يملج اليوم و باجر يزقرها حبييبي و حياتي و عمري <--- مسرع ما عرفها و حبها


4 - الخطبة هيه مرحلة يوم الريال يعزم و يخطب بنت الناس و يكون جاد في هالشي،
بمعنى ثاني مثابه اعلان انه يبا يخبط بنت الناس، استغرب من الناس اللي يخلون بناتهم يرمسون
اللي خطبوهم بحجه التعارف و كل واحد يعرف تفكير الثاني " يمكن كلامي يبان انه موجه لبنت الدلع بس ما اقصدها، اقصد بوجه عام كل العايلات اللي يسمحون بهالشي"

شو الفرق بين ريال و حرمه يكلمون بعض فتره الخطبه و ريال و حرمه يكلمون بعد بدون شي "تعارف"؟
شي منقود عن العرب و منقود في عرفنا و عاداتننا و تقاليدنا و حتى لو ما كانو عرب .. الدين يرفض هالشي


5 - الملجة - صحييح انه الحرمه و الريال يكونون رسميا معرسين بس بعد
هالشي ما يخليهم ياخذون راحتهم بالطلعات و السيرات و الحواطه

الريال لو يبا يشوف حرمته يشوفها في بيت اهلها و ويا اهلها
يطلع وياها بوجود حد وياهم للاشيا الضروريه بس " تجهيزات العرس الخ .. من هالامور الضرورية"
بس سيرات مطاعم و سينمات و مولات و حواطه و عازمنج و عازمتنك يخلونها حق عقب العرس احسن


عربنا و شوابنا و عياييزنا عرسو بهالطريقه لا طلعات ولا كلام قبل الملجه و عايشين و لا عليهم قاصر ..
ما بني احنا اليوم نغير هالعادات و السلوم اللي ربينا عليها بحجت " التطور و الانفتاح "


يمكن البعض بيقول تفكير صريح " مال اول" و "رجعي" و الدنيا الحين مطوره و تغيرت عن اول
بس بعد بتم "مال اول" و افتخر بهالشي


و السموحه من صاحب الموضع يمكن تطلعت برع الموضوع شوي
:smile:

أتـــفق مع صريح جـــدا .. :fa42:

[شوق القلوب]

السلام عليكم..

احلى كلام.. كلام صريح.. و انا وياك في كل اللي قلته.. :)

[المزوحي]

طفلة من هذا الزمان أكيد الواحد مايسير إيده خاليه، لكن كل شخص يحب يهدي بذوقه وفي اللي يمكن يهدي أول زياره وبس ويخلي هالأمور لين عقب العرس

شوق القلوب وعليكم السلام نحترم راي صريح -


مثل ما قال :


- الخطبة هيه مرحلة يوم الريال يعزم و يخطب بنت الناس و يكون جاد في هالشي،
بمعنى ثاني مثابه اعلان انه يبا يخبط بنت الناس، استغرب من الناس اللي يخلون بناتهم يرمسون
اللي خطبوهم بحجه التعارف و كل واحد يعرف تفكير الثاني " يمكن كلامي يبان انه موجه لبنت الدلع بس ما اقصدها، اقصد بوجه عام كل العايلات اللي يسمحون بهالشي"

شو الفرق بين ريال و حرمه يكلمون بعض فتره الخطبه و ريال و حرمه يكلمون بعد بدون شي "تعارف"؟
شي منقود عن العرب و منقود في عرفنا و عاداتننا و تقاليدنا و حتى لو ما كانو عرب .. الدين يرفض هالشي



واحد من الربع خطب بالخميس، على ذوق هله ، يعني مب شافها وشافته ، عطى هله الليت الخضر يتنقون ومن بين 6 بنات هاي الاخيره

وخبروه بإنه ممكن تصلح لك واستعد عسب تشوفها ، لانه هو رافض فكرة إنه كل يوم يدخل بيت وحده ويشوفها ولو إنه هو حاب يشوف اللي يباها

بس قالهم تأكدوا وعقب أنا بسير وياكم ، وبما إنه ساروا طبعا مافي شي تم من بينهم من كلام غير جدام الاهل، ومن بعدها تامين غرب

والترتيبات حاليا بين الامهات ( لين فترة الملجه )

[مــهــابه]

طفلـه :

آنـآ آتفق معـآج ف نقطه انه لآزم مايروح وإيده خليّـه ، لآن قبل فـتره كـآنت عندنـآ خطبه ف العـآيله والمعرس مـآ كـآن يـآيب ويـآه شي لـ عروسته ، ومـآ تم حد مـآقرضه ههه طبعـاً مب جدآم الآوادم ، لكن آحس انه من الذوق انه الواحد اييب ولو شي بسيط

مثـل مـآقلتي له آثر ع العـروس


المزوحي :

بالنسبه للهـدآيـا ترآه يقدر اييب كل شي ، عطور + سوع ، نظــارات + شنطه + ذهب+ تـلفوون .... الـخ



والهدآيـآ بفتره الملجه ترآهـآ نفسهـآ بفتره الخطبه


بس لآتدلعهــا وايد عن تبطر =P

[مزن هتان]

^^ من أولها خسر كل ما يروح هديه، الحمدلله اللي عدنا مريّحين و مرتاحين
ما تشوفها، ما تطلع معاها، لين العرس =)

[طفلة من هذا الزمان]

طفلـه :

آنـآ آتفق معـآج ف نقطه انه لآزم مايروح وإيده خليّـه ، لآن قبل فـتره كـآنت عندنـآ خطبه ف العـآيله والمعرس مـآ كـآن يـآيب ويـآه شي لـ عروسته ، ومـآ تم حد مـآقرضه ههه طبعـاً مب جدآم الآوادم ، لكن آحس انه من الذوق انه الواحد اييب ولو شي بسيط

مثـل مـآقلتي له آثر ع العـروس




عيــل بخبرج قصة صارت عندنــا ..
خطب عندنا واحد الكل مدحوه و أهله .. المهم لاحظنـا من أول زياارة انهم يايين و ايدهم خالية .. يعني قلنا من الذووق الا صينية كاكاو كم بتكلفكم يعني !!

المهم قووولي طنشناااا (وهاي غلطة ارتكبناهاا // بس جدمنا حسن النية) وما دققنا في الموضوع .. يكفي ان العايلة مشهوود لها بالأخلاق و الولد كذلكـ .. لما صارت الموافقة و الملجة .. حتى الولد في اول زياارة نفس الكلاااام .. العرووس كانت متعشمه و باانية آمال .. كانت تبا تحس بالدلع وحليلها بس الله ما كتبلهاا ..

المهم الخلاصة .. طلعت السالفة ساالفة بخل عفانا الله .. و اللي طلع واااضح في الأموور الثانية المتعلقة بالعرس و مصاريفه و مصروفها و من هالأشيـا .. ماقدرت تتعايش مع بخله و فضلت انها تلبسه الباااب من الحين قبل لا تختنق زياااادة منه .......
.
.

يعني انا اقوول هالأموور جدااا مهمة و لها دلالات .. من جذه يوم أخويه خطب أول وصاياي له قلت له موول لا تسير بيت حرمتك و ايدك فااضية و لا تنسى مصروفها و حتى لو هي اداااوم .. مسأله القوامــة ترى وايدين من شبابنا مب فاهمينهــا .. و يتحروون بالأمر و النهي اثبتـوا رجولتهم ....


المـزوحي .. بخبرك عن وااحد من أهلنـا ..
أول هديـــة لحرمته .. كانت سيـــارة .. :laugh:
الله يباركلهم و يحفظهم .. بليز قولو ماشالله ...

[مجموعة إنسان]

المزوحــــــــــي //

.. و لا تنسى أهلهــا و عمتكـ خصوصــا .. "اكسبهــــــا عشان مستقبلا تكوون دوم في صفكـ يوم بتزعل بنتهـــا :birgits_giggle: " ....


مليووووون بالمية معاااااج ههههههه
اللي جرب يعرف بعد ههههههههه

[طفلة من هذا الزمان]

مجموعـــة // الأمهــات حركاااااااات

أميه تنسى هداياانا كلنااااااااا و ما تمدح الا هدايا مرت اخويه + و اخوويه ماكلنهااا + اميه دوووم ويا مرته ظالمة أو مظلوومة :4:

الله لا يغيــر عليهم ،،

[طفلة من هذا الزمان]

تاام في خااطري تعليق // لحبيباتي اللي قــالن عن أهميـة فترة التعـــارف قبل الملجــة //

عندنا بعـد هالشي من ساابع المستحيلات .. حتى النظرة الشرعيـة تصير بعد تدخلات من كباار العاايلة عشان ابويــه "يحلل" موضوع اووردي حـلال .. والأغلب ان النظرة تصير للي أكيد موافقين عليه .. مب لكل من هب و دب و دق البااب .. لهالدرجــة ~!! :fa55:


حبيبااتي .. القسمـة و النصيب هي كـــــل كل كـــــــــــــل شي في موضوع الزوااج بالذااات .. حتى لو صار تعاارف ... حتى لو كاانت امبينهم علاااقة او معرفـة قبل ..حتى لو كانوا أهـــل .. حتى لو كــانوا ييراان .. حتى لو كااان واحد غريب تماااااااااامااااا ....
.
.
هي القسمــة و النصيب .. و كل ما آآمنا بالموضووع من هالنااحية أكثر .. و آمنا بالقــدر و انه ما يمنعه شي (إلا الدعــــــاء ) .. كل ما وصلنا لراحـة البال و الرضـا ...
كل ما وثقنــا في رب العالمين و انه ما بيستوي الا اللي كاتبنه .. و حتى لو انتهى الموضوع بالفشــل أو تكــلل بالنجــاح .. في الحالتين هذا نصيب البني آدم من الدنيــا .. و حتى في حـال الفشل .. هذا اختبار من رب العالمين لقوة إيمان الشخص و صبره ..

يعني مااافي شي فهالدنيــا .. إلا مكتوب لسبب .. و صاار لسبب .. و تيسر لسبب .. و تعسر الأمر لـسبب .. وهالسبب الله بس يعلمـه .. و يمكن البني آدم بعد يعرفه بس في وقت معين و مكتـوب و لسبب معين و مكتـوب .......
.
.
كل ما آمنا بهالشي بسرعــة .. حسينا بالرضــا أكثـر .. تعرفون شو يعني يوصل الانسان لمرحلـة الرضــا !! .. الرضا مب كلمـة .. الرضـا احساس عمـــــــــيق ،، سعادة داخليـة ماعرف اوصفهــا ..
.
.

أتمنالكم الرضــا الأبدي ،،

[مــهــابه]

^
آحنـآ النظره الشرعيه عندنا ممـنوعه منعـاً بــاتـاً حتى بعد الموافقه ومحد يقدر يتدخل ويغـير رآيي ابـويه
بالنسبه ل خواتي ال 3 الكبـآر

لكن الحين بدأ يتغير وتفتح اكثر =p ، وصـار عنده عـآدي هالشي


رغم اني احس انه مالهـا داعي لآن الطرفين يكونـون مستحين وخايفين ووو ، يشوف الصوره اخير له اذا ماقد شافهـا قبل او يعرفهـا
واذا هم يعرفون بعض فـ مالهـا داعي من الآسـاس =p


ومثـل مـآ قـلتي ، " قسمه ونصيب " ، آحيـان تصير خطبـه ، وملـجه ، .... الـخ ويوم مايصير نصيب سبحان الله كل شي يتكنسل وفي كل شي حكمه ..


آنـآ ختيه انفصلت قبل العـرس بآسبـوع رغـم ان طليقـهـا كـانت متمسك فـيهـا لآخر درجة ومـحد آتوقع انه هالآثنين بالذات ينفصلـون،رغـم انه مر ع خطوبـتهـا جريب ال 5 سنين وع ملجتهـا جريب السنه لكن ، سبحـان الله مـآلهم نصيب فـ بعض

نصيبهــا لـ واحد ثـاني بعد شـهر من انفصـالها عن الأول والحمدلله ، وهـو كذلـك


أنـا آشوف ف الاسـتخاره تطمن الواحد وتخليه يرتـاح ف حال صـار نصيب أو مـاصـار ، لأن الشخص يكون قنوع بأن اللي كاتبنه له ربه هو خير له ، ولـو انه يكتشف هالشي عقب مش حزتهــا

والآستـخاره مش قبل الخطبه وبس ، حتى بعد الخطبه ، وقبل الملجه وبعد الملجه " شرآت ماكانت تسوي ختيه " وآنـآ آمشي ع خـطآهـآ

وفـوق هذآ لآزم آبويه يستخير اذا هالشي بـعد " للتطمين لآ آكثر "

[مجموعة إنسان]

نحن في النظره الشرعية لازم 2 من الرياييل المحارم يدخلون معاه
وعااد ما يدخلون اللا 2 ما يسولفون وما يضحكوون هههههه
عسب يغلسون عليه
5 دقايق ويقولوله يلله نطلع هههه


عااد انا اللي بستانس !! اموري طيييبه

[طفلة من هذا الزمان]

تعــرفين مهــابة // النظرة الشرعية ضرورتهــا في الإحسـاس والشعــور اللي رب العالمين يحطيه في خاطر الاثنينــه ..

يعني رسولنا - عليه الصلاة والسلام - قال :: " وعسى أن يؤدم بينهمــا"

النظرة مب عشــان نشوف اشكال بعض - مثل ما قلتي الصور كفيلة ف الموضوع - .. عشاان نختبر مشااعرنا // يااا ترتاحين و توافقين و انتي مغمضه و لا سبحان الله ينقبض قلبج و تعرفين ان هالشخص مب نصيبج لسبب ما - بتعرفينه في يومه او يووم ثااني
.
.
والاستخارة غنـاتي أغلب الأوقات مب عشان تختبرين احساسج و اذا ارتحتي واافقتي!! - الاستخــارة القصد منها انج فوضتي أمرج لله - و اللي رب العالمين بيكتبه لج عقب انتي بتكونين راااضية فيه ، وأغلب الأوقات ترتااحين من عقب الصلااة - منوو يكوون بين ايدين الله و ما يرتااح!! - بس الأهم تشوفين الأموور تتيسر او تتعسر عقب .. و كله نصيب .. و كله مكتوب ..

ربيعتي استوالها هالموقف / خطبها واحد الكل مدحه و صلت استخارة و ارتااحت رااحة مب طبيعية لدرجة انها عاااشت شعور انه هذا هو نصيبها و كانت سعيدة جـدا .. فجأة و من عقب الاستخارة .. أبوووها - رغم انه انسان رااقي و ديمقراطي و ينااقشها غالبا - رفض رفض قااااااطع بدوون نقاااش .. انصدمت ربيعتي و احتاارت في الاستخارة و شو الراحة عيل اللي حست فيها !! في المقااابل ،، ارتاااحت للرفض و اقتنعت فجأة انه ما كان نصيبها ...

من هالموضوع فهمنا ان الراحة معناها مب بالضرورة موافقة // معناها ان ربج بيكتب لج الأحسن .. و اوووثقي بهالشي .....انج تستاهلين الأحسن ........


مجموعـــــــة // زين يوم انتو 2 // نحنا 6 - 7 الاخوان الاعمام كلللهم يكونون ماشالله موجوودين يعني تحلللللللم ادقق في شي لأن هاييل كلللهم يسولفوون و يشغلووون الريال عن هدفه والبنية قصووورها بعد تكون عندها الجرأة تررفع عينها بس :a068: ماادري شو الفايدة تصدق!! :fa52:

و بعدييين هاا شو السااالفة / ريحة خطبة / نقووول مبرووووك:fa34:
.
.

(اسميني اتكلم) :k_icon9:

[فرفوش]

بتلوع جبدي منه لين حزة العرس

:4:
:laugh:

[المزوحي]

مهابه + طفلة من هذ الزمان

مب شرط الواحد يودي شي عسب الناس تقول عنه مب بخيل ، او يهتم من رمستهم، بس على الأقل أول زياره يودي شي ، ومثل ما قلتوا صينية كاكاو

مب شرط شي مخصوص حق الحرمه بس ... وبعدين وعقب الملجه ، لنفرض هو يزورها في السبوع مره ، من غير سالفة الطلعه وياها

مب شرط كل اسبوع ياخذ لها شي، ممكن زارها خذ لها مجموعة عطور نازله، المره الثانيه ماخذلها شي ، يعني على حسب

بس مب من ياخذها يسير يتعشى ويظهر هههه حتى لو مايصرف عليها وهي تشتغل كفايه الكلمه الطيبه ويهتم منها ويودي شي بين فتره والثانيه ..

في شي ثاني إنه أحيانا وبعض البنات يمكن فيهم جرأه، وتطلب منه موبايل مثلا ، تبغي تحس إنها متزوجه ، فهو يرفض مايبغي يخسر ، ويقول في باله

هاي من أولها جيه !!!!!

[المزوحي]

تاام في خااطري تعليق // لحبيباتي اللي قــالن عن أهميـة فترة التعـــارف قبل الملجــة //

عندنا بعـد هالشي من ساابع المستحيلات .. حتى النظرة الشرعيـة تصير بعد تدخلات من كباار العاايلة عشان ابويــه "يحلل" موضوع اووردي حـلال .. والأغلب ان النظرة تصير للي أكيد موافقين عليه .. مب لكل من هب و دب و دق البااب .. لهالدرجــة ~!! :fa55:

من جيه ربيعي اللي خطب، قال حق هله اول شي تختارون البنت وإن عيبتكم، وطبعا مثل ماوصيتكم على شرزطي كيف تكون، باي اشوفها

وخطبوا له كذا وحده وماكان يسير، إلا الاخيره، قالوا عيبتنا، قال خلاص بشوفها وسبحان الله من سار يشوفها ارتاح وقال خلاص ، وابوها كان وياهم

[فرفوش]

اليوم سمعت بن مسفر يقول أن حال البنات والشباب من ناحية شرطهم الاساسي هو الجمال ومب مهتمين بالدين وما الى ذلك - يأ موضوعك في بالي يوم أسمعه في الرادو بالصدفه^_^

[طفلة من هذا الزمان]

اليوم سمعت بن مسفر يقول أن حال البنات والشباب من ناحية شرطهم الاساسي هو الجمال ومب مهتمين بالدين وما الى ذلك - يأ موضوعك في بالي يوم أسمعه في الرادو بالصدفه^_^

ويــه بتصبح عليه كـــــــل يووم مدى الحيـــاة .. أشوف الجمال مطلب طبيعي يعني :4:

[أمطار]

فرفوش وطفله..

صحيح الجمال مطلب طبيعي .. لكن بصراحــه فيه حد من الشباب لو ما كان فيهم ذاك الزود من الجمال لكن رتابتهم ونظافتهم تبين وهالشي وايد مهم..
يعني مب شرط يكون ملك جمال "أكيد بيطلع خقاق وماخذ في عمره مقلب" بس يكون على قدر من الجمال ويكون مرتب ملابسه، لحيته، شعره، صحته "يبين في هيئته" ..

ونفس الشي بالنسبة للبنت ..
يعني تخيلي يحدر الولد للشوفه ويشوف البنت لا محطيه جحال ولا ميك آب خفيف ولا شي ولابستله جلابيــه ! حتى لو كانت ملامحها جمييييله!
بس أكيد بينفر منها .. لأنه بيلاحظ عدم أهتمامها بنفسها وخاصة في هاليوم .. فـ كيف بتكون وياااه بعد الزواج؟!

فرفوش..
ياما نــاس وافقـوا على خطاطيب عشان "دينهم وأخلاقهم" لكن للأسف طلعوا عكس المتوقع وأفكارهم رجعيـّــة ولا قد يقدّرون زوجاتهم ولا يحترمونهم !
فـ ع الأقل البنت تطلع لها بواحد ويهه مليح لو أخلاقه ميح ههههههههه

[فرفوش]

ويــه بتصبح عليه كـــــــل يووم مدى الحيـــاة .. أشوف الجمال مطلب طبيعي يعني :4:
صح - الجمال مطلب طبيعي لنتصبح عليهم كل يوم :4: بس بن مسفر يقصد ان صرنا بس نهتم بالجمال ومتناسين دينه واخلاقه يعني فيه ناس شغلهم الشاغل الزوج او الزوجه جميله او مهتمين بماذا في جيبه او جيبها او هو ولد او بنت من بس لو طلع يشرب او يغازل او عصبي او مب بار والديه او ما يصلي فما مشكله دام انه غني او جميل او معروف

عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) . رواه البخاري (4802) ومسلم (1466)

فشو بنختار من الاربع لو خيرونا نختار شيء واحد بس؟

كم من فئة من اناس اعرفهم واناس هم معروفين في المجتمع واغنياء والجمال والوسامه الحمد لله بس زوجاتهم في جحيم معهم والسب طولة السهر خارج البيت وعدم تلبية طلبات واحتياجات الزوجه من ناحية العواطف والاحترام والتقدير فقط زوجه للفراش ومكينة اعيال


عني لو اخترت بختار أثنين :9:جمال النفس والدين

شكلي خرجت عن الموضوع - am sorry

[مــهــابه]

^
مطـلب ولـكن مب " شرط اسـاسي " فـ حـآل وجد كـآن بهـآ وف حـآل ماتوافر في آشيـآ غيرها لـأن رسول الله قـآل :

تنكح المرأة لميسمها ( لجمالها ) ولمالها ولحسبها ولدينها فاظفر بذات الدين تربت يداك ) ...

يـعني هالآشيـا مطلـوبه لكن ( الديـن ) والآخلآق أهم من كل شي

هالشي بالنسبه للريـآل





آمـآ بالنسبه لـي شخصيـاً مايهمنـي شكله ، بالعكس مـابـآ واحد آحلى عّني، حـلآته يوم آكون آحلى عّنه =p

، وفعـلاً ابد مايهمني شكله حتى لو كنت بجـابله 24 وسـآعه ، آخر شي فكـرت فيه شـكله

آهم شي آخلاقه واحتـرامه لـي

[مــهــابه]

فـرفوش :

لآيكـون تـقرأ أفكـاري لوول

[فرفوش]

ونفس الشي بالنسبة للبنت ..
يعني تخيلي يحدر الولد للشوفه ويشوف البنت لا محطيه جحال ولا ميك آب خفيف ولا شي ولابستله جلابيــه ! حتى لو كانت ملامحها جمييييله!
بس أكيد بينفر منها .. لأنه بيلاحظ عدم أهتمامها بنفسها وخاصة في هاليوم .. فـ كيف بتكون وياااه بعد الزواج؟!




صارت ويمكن مع كثير من الازواج والنتيجه كما عرفتها في شخص - انه تزوج عليها مغربيه ويوم يسألونه السبب قال - الأولى المواطنه ما كانت تتعدلي وما تدلعلي - حتى هو ينصحني اني يوم بتزوج ما اخذ مواطنه - حشا كرهني فيهن - مع اني اقول هب كلهن نفس الشيء ^_^ والله يخلي بنات ابلادي ^_^

[فرفوش]

فرفوش..
ياما نــاس وافقـوا على خطاطيب عشان "دينهم وأخلاقهم" لكن للأسف طلعوا عكس المتوقع وأفكارهم رجعيـّــة ولا قد يقدّرون زوجاتهم ولا يحترمونهم !
فـ ع الأقل البنت تطلع لها بواحد ويهه مليح لو أخلاقه ميح ههههههههه


دام ما يحترم زوجته وما يقدر وافكاره رجعيه فهذا ما يعرف شيء عن الدين ^_^ لان ديننا ما يحثنا على هذا السلوك

[فرفوش]

وبعد أعرف شخص صغير السن في مرحلة الدراسه في الجامعه وقال له ابوه ان تزوجت بنت عمك بهديك سياره وبيت ومليون درهم - والحبيب على طول ما صدق اتزوجها ويوم خذأ ألي أراده صار يسهر برع البيت وكل يوم مع وحده في الشوارع والاسواق - والمسكينه عايشه في جحيم معاه لا هو معبرنها ولا هو مسولها سالفه ومعتبرنها كمربية اعياله (ام العيال) - ظلم نفسه وظلمها والسبب أبوه ^_^

[مــهــابه]

^
مـآبني على بـآطل فـ هو بـآطل ، ومـآبني على حق ف هو حّق

.


.

[أمطار]

لا حول ولا قوة إلا بالله!

مثل ما قلت أخوي!
المشكله في أنه الواحد ما ياخذ على اختياره..
أنه بيظلم بنت الناس وياه وبيظلم نفسه!

[طفلة من هذا الزمان]

انا أواافق أمطــــار // جمال الذكر و الأنثـى مسألة ذوق و ترتيب .. وفي ناس يجذبك الهم شي ماتعرفه .. مب بالضرورة ملامـح ..!!
وبالنهايـة الجمــال مسألة نسبيــة // تختلف من شخص للثــاني ..
.
.
ومثل ما قالت مهابـــة // الجمال مب مسألة مصيرية - عـامل نفسي و لتحسين النسل لا أكثر :4: - وأهم شي الأخـلاق و السمعة الطيبة ..

فرفووش // يسلم مخكـ .. بس خل عنك :tongue: .. عااد مااا مر عليه وااحد ما يهمه الجمــــال // أولهم إخــواني :whistling:

[أمطار]

عـامل نفسي و لتحسين النسل لا أكثر :4: -

ههههههههه نقطــه وايد مهمــه بصراحــه !

[طفلة من هذا الزمان]

فرفووووش// في جعبتي الكثير من القصص خلني اشااركـ في سالفة خبروني عنهااا //

تخيــل // واحد اختااروله أهلـه العروس ووافق و المصيبة شااافها و ملج عليها و كان يزوورهـا // يعني شايفنها بما فيه الكفااية بنقوول ..
تخيل ليلة العرس و عقب الحفلــة .. قالها نسيت اييب فرشــاة و طلــــــع و ما رد إلا الساعة 6 الصبح .. و هي مااا عرفت شو السالفة او شو تسوي !!!!
و ثاني يوم ردها بيت أهلهــا .. أوونه ما عيبته !!!! كييييف // الله وحده أعلـــم ..
مع إن البنت ما بلاها شي / بس نصيبهـا وحليلهـــا .......
ومن جريب أسمع عررررس // ويقولوون خذا وحده جمالها أقل عن الأولــــى // ربي دااواااااه :3:
.
.
الشباب تخبلوااا الظااهر / يتحرون الموضوع لعبـة أو مغامرة و ممكن ينهونها بأي وقت يبوونه ...
الله المستعــــــان //

[طفلة من هذا الزمان]

حتى لو مايصرف عليها وهي تشتغل كفايه الكلمه الطيبه

عفـــــــــــــــوا !!!! :k_nono:

يوم بتعيش الوضع ياخـوي .. بتفهمني صدقنــي ..

[أمطار]

ذكرتيني بسالفة وحده يحليلها ..
البنت أعرفها وأعرف أخلاقهاا ..

صح أنه مب جميـــله!! بس يوم تتعدل وتتكشخ تطلع حلووه ..
وخذها ولد عمتها .. صح أنه مش هو اللي اختارها .. لكنه كان موافق ويعرف البنت ويعرف أخلاقها ويعرف شكلها..

بعد الزواج بشهرين ردها بيت أهلها بورقة الطلاق ..
بحجــة أنه البنت مش حلوه ومب أنا اللي كنت مختارنها!!

شو أستواا بنفسيــة البنت!!!؟؟!!
قسم بالله أشوفها وكل ما أشوفها قلبي يعورني عليهاا
استوت ما تهتم بشكلها شرات قبل وأنطوت على عمرها مع أنها قبل كانت تسولف وتضحك. . .~

شو ذنبها !
ولو البنت ما تهتم في عمرها بنقول.. لكنها تهتم وتترتب!

الله المستعان =(

[طفلة من هذا الزمان]

غبـــــــــــــــــي :fa44:

[المزوحي]

وبعد أعرف شخص صغير السن في مرحلة الدراسه في الجامعه وقال له ابوه ان تزوجت بنت عمك بهديك سياره وبيت ومليون درهم - والحبيب على طول ما صدق اتزوجها ويوم خذأ ألي أراده صار يسهر برع البيت وكل يوم مع وحده في الشوارع والاسواق - والمسكينه عايشه في جحيم معاه لا هو معبرنها ولا هو مسولها سالفه ومعتبرنها كمربية اعياله (ام العيال) - ظلم نفسه وظلمها والسبب أبوه ^_^




للأسف صادفت من هالنوعيه، بس مب إنه الاب عرض عليه الزواج والكماليات

لكن يوم يتزوج من اول يوم زواج يطنش الحرمه، ويتجاهلها ! :fa52:

[مجموعة إنسان]

سووري
بس اللي يطلق بنت عسب انها مب حلوة

سوري يعني
بس مش رجل !!!! هذا عقله عقل طفل اذا يفكر جذي


اللي يبي يتزوج مب بيوم وليله يقول بتزوج
لما يحس انه يقدر يتحمل مسؤولية نفسه عقب خل يتزوج
ترا محد يبيع بنته عشان سواد عيونك يا رووح امك

قال شو قال البنت مب حلوة ,,
انت اللي يسمونك جتال البنات وانا مادري !!
مقطع عمرك بالجمال تراا !!

تستوي مشاكل ويستوي طلاق من اول يوم ولا ثاني يوم
بس مب لهذا السبب ,, البنت مب حلوة !!

ترا اذا الواحد متعود كل يوم متعرف على وحده وعقب فتره يهدها وتعرف على الثانية
هذا حتى يوم يتزوج يفكر حرمته وحده من ربيعاته !!


مشكله لما الواحد ما يعرف يفرق بين الزوجة وصديقته !!
هذا اذا ما فرق بين الأثنين ليش تزوج ,,

[طفلة من هذا الزمان]

أحلـــــــــــى صفقـــة لمجموعــة إنســـــان :fa34: // بردت خــاطري :fa46:

[بنت الدلع]

المزوحي !!
كيف بعد كفايه الكلمه الطيبه الله يهديك
لازم اصلا يصرف عليها
عيل بس الا فالح يتأمر عليها ويقولها انتي حرمتي ومن حقي اعرف وين تسيرين و وين اتين
واخر شي ينسى الشي الاهم اللي هو الصرف !!

من يملج عليها .. خلاص لازم يكون قد هالمسؤوليه ويصرف عليها كل شهر

[مزن هتان]

وايد حابه تعقيباتكم عـ الموضوع خاصة "طفلة"

"معظم عيال هـ اليومين -شباب و بنات- مش كفو زواج"
قله جدا اللي تلاقيهم موازنين أمورهم

[مــهــابه]

م . ج :

مشكله لما الواحد ما يعرف يفرق بين الزوجة وصديقته !!
هذا اذا ما فرق بين الأثنين ليش تزوج ,,


^
هذي مشـكله ، معــانــاه ، مـاحس بـهـا إلا اللـي جّـرب ، يـوم تحسب البنت انهــا كـأنهـا ربيعته مش حرمته ، واللـه أول ماتفكر فيه انهــا تنفصـل >< ، يـكون غير فـ كـلماته ، تـصرفـاته ، طلـــبــــااااااااااااته



الله لآيبـلي بنت بواحد شرآت هذآ ، ورغم انه جدام الخـلق محد آحسن منه ، قمه ف الاخلاق والادب ، والاحترام ، ومحد يكتشف هالشي غير البنت ><

[طفلة من هذا الزمان]

المزوحي !!
كيف بعد كفايه الكلمه الطيبه الله يهديك
لازم اصلا يصرف عليها
عيل بس الا فالح يتأمر عليها ويقولها انتي حرمتي ومن حقي اعرف وين تسيرين و وين اتين
واخر شي ينسى الشي الاهم اللي هو الصرف !!

من يملج عليها .. خلاص لازم يكون قد هالمسؤوليه ويصرف عليها كل شهر

مسألة المصروف مسألة جـدا حساسة .. خصه انها بتحكم سير الأمور المالية من بينهم عقب .. ليش انا مصرة على سالفة المصروف - حتى لو الحرمة اداااوم - لااازم يوصلها مصروفها من ريلهـا ..

السبب الأول// الموضوع موضوع حسن نيـة .. يعني في بداية الزواج البنت تتريا تشوف هالشي كيف يتصرف فيه الريال ؟ ماا يستوي من مزااجه يطنش و ما يعطيها شي و الله حط في باله ادااوم .!! ..
هالمسألة ممكن يتوصلون لاتفاق فيها عقب .. بس يجدددم حسن النية و يبدا يعطيها لين ما الحرمة تختااااااار و تتفق وياه انه ماله داااعي .. ممكن هالمصروف يسير لأغراض البيت أو احتياجات عيالهم عقب .. أولى ......

المسألة ممكن الاتفاق عليها .. بس بالحــوار .. لا تتريون تكبر المسائل في خاطر الحرمة لين ما // ياا تنفجر ياا تظلم أخلاقك لو بينها و بين نفسهاا ..

ثااانيا .. مهمااااااا الحرمة وصلت من استقلالية .. شعوور ان في ريال بحياتها مسؤوول عنها و سند و عوون الهــا و حاااضر لطلباتها واحتياجااتها .. مطلب نفسي جدااااا مهم .. هو مجرد شعور تبا تعيشه الحرمة .. عطها هالفرصة لو في بداية الزواااج .. لين ما تختاار الحرمة انه مااا يحتاي و عققققب الكلمة الطيبة تكون ضرورية ....

اما بداااية الزوااج .. >.. Actions Speak louder than words .. الأفعــال ضرورية جدااا ..

وبس :fa54:

[فرفوش]

بخصوص النفقه أو المصروف سواء الزوجه تعمل ام لا او انها بحاجه لمصروف ام لا فبرأيي ملزوم على الزوج بالنفقه على زوجته واعياله وبيته وهذا من حقوقها حتى لو تطلقت منه وسواء طلبت منه ام لا فيجب على الزوج أن يصرف على بيته واهله ^_^

وقال الشيخ محمد بن صالح العثيمين – رحمه الله - :
" يجب على الإنسان أن ينفق على أهله ، على زوجته وولده بالمعروف ، حتى لو كانت الزوجة غنية ، فإنه يجب على الزوج أن ينفق ، ومن ذلك ما إذا كانت الزوجة تدرِّس ، وقد شُرط على الزوج تمكينُها من تدريسها ، فإنه لا حقَّ له فيما تأخذه من راتب ، لا نصف ، ولا أكثر ، ولا أقل ، الراتب لها ، مادام قد شُرط عليه عند العقد أنه لا يمنعها من التدريس فرضي بذلك ، فليس له الحق أن يمنعها من التدريس ، وليس له الحق أن يأخذ من مكافأتها ، أي : من راتبها شيئاً ، هو لها.


ومن حديث جابر بن عبد الله رضي الله عنهما أن النبي صلى الله عليه وسلم قال في خطبة حجة الوداع : " اتقوا الله في النساء فإنهن عوان عندكم ، أخذتموهن بأمانة الله ، واستحللتم فروجهن بكلمة الله ، ولهن عليكم رزقهن ، وكسوتهن بالمعروف " رواه مسلم 8/183

[قصايد غلا]

^ شكراً على الرد الوافي فرفوش :thumbup1:

فعلاً مسألة المصروف وااايد مهمة ، لو كل ريال قال حرمتي تشتغل ومب لازم أصرف عليها و بكتفي بالكلمة الطيبة ، أقول أحسن كل واحد من الطرفين ييلس في بيت أهله لأنه بهالطريقة بيصرف على نفسه و بيحصل الكلمة الطيبة من اللي حوله :biggrin:



المصروف حق من حقوق الزوجة الله عطاها إياها :smile:

[المزوحي]

المزوحي !!
كيف بعد كفايه الكلمه الطيبه الله يهديك
لازم اصلا يصرف عليها
عيل بس الا فالح يتأمر عليها ويقولها انتي حرمتي ومن حقي اعرف وين تسيرين و وين اتين
واخر شي ينسى الشي الاهم اللي هو الصرف !!

من يملج عليها .. خلاص لازم يكون قد هالمسؤوليه ويصرف عليها كل شهر



اختي بنت الدلع ، مب قضية كفايه عليها الكلمه الطيبه من زوجها ويهملها في امور ثانيه او يتفرعن عليها ومايصرف !

المقصود شي طيب إنه تطلع منه كلمه طيبه، ومايهينها سواء فترة الملجة او خلال حياتهم الزوجيه عقب ..

أما إنه ملزوم يعطيها مصروف من يملجون ماعندي فكره ، بس انتبهت الحين من كلامكم إنه يحتاي يصرف عليها من يملج عليها

[المزوحي]

م . ج :

مشكله لما الواحد ما يعرف يفرق بين الزوجة وصديقته !!
هذا اذا ما فرق بين الأثنين ليش تزوج ,,


^
هذي مشـكله ، معــانــاه ، مـاحس بـهـا إلا اللـي جّـرب ، يـوم تحسب البنت انهــا كـأنهـا ربيعته مش حرمته ، واللـه أول ماتفكر فيه انهــا تنفصـل >< ، يـكون غير فـ كـلماته ، تـصرفـاته ، طلـــبــــااااااااااااته



الله لآيبـلي بنت بواحد شرآت هذآ ، ورغم انه جدام الخـلق محد آحسن منه ، قمه ف الاخلاق والادب ، والاحترام ، ومحد يكتشف هالشي غير البنت ><



لو وحده من بنات الواحات ( بسم الله عليكم ) لقت واحد مثل اللي تطرينه، شو ردت فعلها ؟؟؟ بس جدام الناس الادب وهي مايحترمها لأي سبب كان

يفر عليها رمسه ويتعمد دايما يحرجها ، كيف تغيره ؟

[مــهــابه]

^
معـقول ماكنـت تعـّرف ؟

خـلآص من يملج عليهـا هو مسؤول عـنهـا ف كل شي ، مصـروفـهــا " كل شهر " ، يعرف ويـن تـروح ؟ ويـن آتيي ولآزم تستاذن منه قبل تطلع " وفي بنات وايد ماينتبهون لهالنقطه " ... الـخ

[المزوحي]

مسألة المصروف مسألة جـدا حساسة .. خصه انها بتحكم سير الأمور المالية من بينهم عقب .. ليش انا مصرة على سالفة المصروف - حتى لو الحرمة اداااوم - لااازم يوصلها مصروفها من ريلهـا ..

السبب الأول// الموضوع موضوع حسن نيـة .. يعني في بداية الزواج البنت تتريا تشوف هالشي كيف يتصرف فيه الريال ؟ ماا يستوي من مزااجه يطنش و ما يعطيها شي و الله حط في باله ادااوم .!! ..
هالمسألة ممكن يتوصلون لاتفاق فيها عقب .. بس يجدددم حسن النية و يبدا يعطيها لين ما الحرمة تختااااااار و تتفق وياه انه ماله داااعي .. ممكن هالمصروف يسير لأغراض البيت أو احتياجات عيالهم عقب .. أولى ......

المسألة ممكن الاتفاق عليها .. بس بالحــوار .. لا تتريون تكبر المسائل في خاطر الحرمة لين ما // ياا تنفجر ياا تظلم أخلاقك لو بينها و بين نفسهاا ..

ثااانيا .. مهمااااااا الحرمة وصلت من استقلالية .. شعوور ان في ريال بحياتها مسؤوول عنها و سند و عوون الهــا و حاااضر لطلباتها واحتياجااتها .. مطلب نفسي جدااااا مهم .. هو مجرد شعور تبا تعيشه الحرمة .. عطها هالفرصة لو في بداية الزواااج .. لين ما تختاار الحرمة انه مااا يحتاي و عققققب الكلمة الطيبة تكون ضرورية ....

اما بداااية الزوااج .. >.. Actions Speak louder than words .. الأفعــال ضرورية جدااا ..

وبس :fa54:

طيب بعض الرياييل يدور على وحده تشتغل عشان تفكه من سالفة المصروف ، فكيف تقولون إنه هو لازم يصرف عليها ؟؟

ولو هو المفروض يصرف ! وبعض منهم يبين للحرمه إنه مب محتاج شي منها ( من راتبها ) بس مع الايام يبتدي يطلب منها ، مب بحجة فعلا كان في ضيق

وتساعده ، بس هو ينتظر المصروف منها

[المزوحي]

^ شكراً على الرد الوافي فرفوش :thumbup1:

فعلاً مسألة المصروف وااايد مهمة ، لو كل ريال قال حرمتي تشتغل ومب لازم أصرف عليها و بكتفي بالكلمة الطيبة ، أقول أحسن كل واحد من الطرفين ييلس في بيت أهله لأنه بهالطريقة بيصرف على نفسه و بيحصل الكلمة الطيبة من اللي حوله :biggrin:



المصروف حق من حقوق الزوجة الله عطاها إياها :smile:

مافهمتوا قصدي من الكلمه الطيبه ، مب إنه يقول كلام طيب ويحرمها من المصروف ، لا

أقول الكلمه الطيبه إنه يعاملها بطيبه وخلق، حتى لو في يوم ماقدر يعطيها لسبب ، معاملته الطيبه بتغنيها عن هذا الشي

أما تلقى واحد يهنيها ويكفخها ويسبها ويسب هلها وعقب يراضيها بالفلوس، عاد شو خانتهن الفلوس !!!

أتمنى اتضح القصد ^_^

[مــهــابه]

المـزوحي :

بـتنفصل آكيييد ، لآن مستحيييييل تـتحمل، لـو حـآولت اتعدل فيه وشـآفت مـآشي فـآيده ، آنـآ مايخصني بيـنه وبين النـآس هو كيـف ، آهم شي ويـآيه آنـا ، لـي مايحتـرمني ويقدرني مـآله دآعي من الآسـآس آعيش معـآه ، هذي مب عـلآقه يوم أو شهر أو سنه ، هذي عـلآقه طول العـمر ،وبـتنبي عـليهـا آسره ، جـآن ماحتـرمها بينه وبين نفسه مـآبيحترمهـا بين النـآس


لـو نقـول انه مـآفي آنسـآن مـآقد مّر بـ عـلآقه قبـل الزوآج ، ومن مـنطلـق آن الآنسـآن مـآيحـآسب شخص ع المـآضي
المفـروض من يفـكر يـرتبط يـوّدر هالآشيـا ، لآيتحرا عـمره آنه مابينكشف >< لآن حبل الجذب قصيـر وخصـوصـاً لـو طـآح ع حـرمه ذكّيه

آمـآ لي يفّكر آنـآ بـخّطب ومـآبودر حركـآتي هذي تـرآه مـآبيتوفج " صـآحب البـآلين جذآآآآآب "


الـريـآل :

الجذآب
الخـوآن
البـخيل


مـستحيل حّد يتحمل عشرتهـم

[طفلة من هذا الزمان]

المزووحـــــي //

لو وحده من بنات الواحات ( بسم الله عليكم ) لقت واحد مثل اللي تطرينه، شو ردت فعلها ؟؟؟ بس جدام الناس الادب وهي مايحترمها لأي سبب كان

يفر عليها رمسه ويتعمد دايما يحرجها ، كيف تغيره ؟

أكبر غلـط .. تحط البنت في بالهـا انها بتغير بني آآدم .. التغيير ما يصير الا اذا كان هالبني آدم مقتنع بضرووة هالتغيير ..

يعني اذا أخلاقه اوردي داون و مافيه احترام و لا عنده تقدير لحـد .. لاااا و بعد بويهين (يعني عنده مشكلة نفسية ) .. يعني جدام النااس العاقل المحترم و ويايه وحش كااسر ...

فبكل بسااطة .. ما يلزمنيييش :3:

[المزوحي]

^
معـقول ماكنـت تعـّرف ؟

خـلآص من يملج عليهـا هو مسؤول عـنهـا ف كل شي ، مصـروفـهــا " كل شهر " ، يعرف ويـن تـروح ؟ ويـن آتيي ولآزم تستاذن منه قبل تطلع " وفي بنات وايد ماينتبهون لهالنقطه " ... الـخ



هذا الكلام صحيح، بس للأسف بعض الشباب ، تلقاه من ملج على بنت الناس، نهار ثاني قالها ماتطلعين مع اهلج حتى لو الجمعيه

ماباج تسوين كذا وماتمرين هالمكان ... الــخ

زين مايخالف مبروك عليك الملجه ، بس مب جيه ^_^

من حقك تمنعها ، بس مب من اول يوم اتغصص عليها، كل شي بالتفاهم ، وهي بتمشي في شورك

أما هي تستأذن منه إنه بتظهر مع اهلها بتتعشى وخبرته إنها بتتعشى ووافق الحبيب إنها تسير، بالصدفه مروا ياخذون غرض معين وهي ماقالت له

وجلب الدنيا إنها ماتصارحه وماخبرته وكانت اتدس عنه، وو ووو وو زين عطها فرصه يمكن كانت بتخبرك عقب ، وإلا هي تحس في نظرها مب مهم او ما كانت

تبغي تغــثك ...

لا - شوقصدهم اهلج يعني انا خذتج وانتي في شوري ومن هالكلام عاااد

[طفلة من هذا الزمان]

طيب بعض الرياييل يدور على وحده تشتغل عشان تفكه من سالفة المصروف ، فكيف تقولون إنه هو لازم يصرف عليها ؟؟

ولو هو المفروض يصرف ! وبعض منهم يبين للحرمه إنه مب محتاج شي منها ( من راتبها ) بس مع الايام يبتدي يطلب منها ، مب بحجة فعلا كان في ضيق

وتساعده ، بس هو ينتظر المصروف منها

في الحالة لااازم أعرف .. منو منهم الرياال !!

هالذكر .. مـادي وقـح .. وفعلا تصير يسير يخطب بنت الناس و أول كلمة يقولها انا اباها اداااوم - اذا ما كانت اداوم - او يقولهم ترى انا رااتبي ضعيف - يعني افهمواا خل تصرف على عمرهـــا !!

ماقوول غير .. عــــــــــــــــــــــــ ــــيب و الله !!
ويا حيف عليج ياالرجولــة ..

[مــهــابه]

آنـآ لي آعـرفه العـكس يعـني يقول لـهـا مابـآج تشتغلين ، وآنـآ لي بصرف عليج ، لكن وآحد يقول لي آشتغلي لآن رآتبي ضعيف ><

مـآ آتخيل


الحمدلله الذي عـفـانا

[شوق القلوب]

السلام عليكم...


نقاشكم جدا جميل... و احب اتابعه اول ما ادخل...

..

بالنسبه للرياييل... هي وايدين يقولون لحريمهم اشتغلوا... عشان اتفكيني من مصاريفج و طلباتج .. يعني اونه وراه بنا بيت و مصاريف العيال من غير سلفياته قبل العرس و عقب العرس... يعني ديون ما اتخلص ..!! ويمكن الحرمه اتفكر انها تشتغل خصه لو حست انها مب قادره تصرف على عمرها عدل من الفلوس اللي يعطيها اياه...

و في منهم ياخذ حتى بطاقتها مال السحب يعني من منطلق انه فلوسي و فلوسج واحد .. حد منهم يسوويها بنيه زينه،، و حد بنيه شينه !!

[أمطار]

متابعة للنقاش ^^~

[طفلة من هذا الزمان]

السلام عليكم...


نقاشكم جدا جميل... و احب اتابعه اول ما ادخل...

..

بالنسبه للرياييل... هي وايدين يقولون لحريمهم اشتغلوا... عشان اتفكيني من مصاريفج و طلباتج .. يعني اونه وراه بنا بيت و مصاريف العيال من غير سلفياته قبل العرس و عقب العرس... يعني ديون ما اتخلص ..!! ويمكن الحرمه اتفكر انها تشتغل خصه لو حست انها مب قادره تصرف على عمرها عدل من الفلوس اللي يعطيها اياه...

و في منهم ياخذ حتى بطاقتها مال السحب يعني من منطلق انه فلوسي و فلوسج واحد .. حد منهم يسوويها بنيه زينه،، و حد بنيه شينه !! ..

كل شي في الحياة الزوجية ممكن التفاهم و الاتفاق عليه .. بس اذا كانوا الطرفين متفهمين وعقلانيين .. ويعتمد جداا على أسلوب و أخلاق الذكـر ..

في الناحية المالية // أؤمن جدا ان في شي اسمه فلوسي و فلوسك و فلوسنا ..

يعني حسابي خاص فيني و حسابه خاص فيه و عندنا حسـاب مشتركـ .. و ممكن تخصيص هالحساب المشترك للبنـا أو اي مشاريع استثمارية او يكون حق لعيال مستقبلا .. و مافي مانع الريال يتصرف فيه بشي يخدم حياتنا الزوجيـة ...
.
.
اما ياخذ بطاقتي // باباتي فديته و لا خطر في باله يسويها ،، و هوو الأولى في بيزاتي - أنت و مالك لأبيك - مثل ما قال رسولنا .. ما قااال لزوجكـ :fa55:
.
.

عفانـــــــا الله من كثيـر مما ابتلى به خلقـه :3:

[الموز]

سمعت مؤخرا عن خطابه، يوم تخطب الوحده منهم، تقولها عن شرط اللي بيخطب ، زين شو شرطه ، إنها تشتغل
صح إنه الحياه اصبحت غاليه ، لكن الريال وإلا بيرفض رفض تام وإلا بيشترط قبل مايملج عليها إنها تشتغل
يعني حتى لو قلنا عشان تسد عمرها ، احس في هالزمن الوحده مهما اشتغلت وربلها بعد عطاها، ماتكتفي بالفلوس

نسيت جانب فترة الملجة ، اللي احس بعمري إني بكون في كل شي وسط ، تخبرني وحده إنه بنات مب مصدقات إنهن يملجن وكل وحده تحط صورة ريلها في البلاك بيري، مثلا عينه وإلا خشمه أو حتى طربوشة كندورته ، او نعاله
فترة الملجة كل واحد يحب يبين للطرف الثاني إنه هو كامل والكمال لله، او دايما يكونون متولهين يتمون مع بعض فتره طويلة سواء يلتقون مع بعض او عن طريق التليفون

[قصايد غلا]

مابا أرمس في هالموضوع مع إني رمست فيه قبل
أحس مهما رمسنا بيكون الواقع غير
لأنه يمكن تكون نظرتي سلبية لشي معين أو متمسكة بشي بس عقب أتقبل اللي كنت رافضتنه لأنه يمكن تتضح لي الصورة عدل بعديـــن "في وقت الجد"

مواضيع الزواج و الملجة تعوّر لي راسي من البلاوي اللي أسمعها "عافانا الله"


كله في صوب و سالفة شرط الريال اللي يبا الحرمة تشتغل هاي روحها بلوة من بلاوي الزمان و من عجايب الدنيا بالنسبة لي >.< و القهر لو الريال مستــَـد

[الموز]

قصايد غلا كلامج حسسني إنه انا اللي تتكلم

بس أحيانا يعتمد على الريال

يعني على قولتج مهما الواحد تكلم، الواقع أكيد بيكون غير

وانا أقول مهما حطيت في بالي فكره معينه أو حتى بسوي كذا وكذا، يمكن كل شي يكون غير لأنه يعتمد على الريال بعد وطبيعته

الله المستعان وإن شاء الله يرزقنا بزوج صالح

[قصايد غلا]

الموز : هيه صدق لو تميت أخطط و أفكر بقتنع باللي أنا أباه و عقب بنصدم بالواقع لو طلع الريال غير عن ما توقعته
يمكن يكون زين بس فيه شي غير عن اللي أنا حاطتنه في بالي

الله يكبّر عقولنا لين هاك اليوم و يرزقنا بالريال العاقل اللي يعرف ربه و يخاف ربه ==> لو يخاف ربّه أكيد بيخافه فيني بعد =)

آآآآآآآآآآميــــــــــن .. لأنه بدون زوج صالح يعني باجي عمرج يا بنت راح في التعاسة =p

[المزوحي]

مهما الزوجه تحط شغلات في بالها وتباه في الزوج، كذلك الزوج يحط في باله شغلات يباها في الزوجه ..

على فكره واحد من الربع ملج من اسبوع، بس ابو حرمته رفض إنه يظهرون مع بعض ، أو حتى يزورها البيت !

الناس أجناس، يعني نحن عندنا المتعارف عليه الريال يزور حرمته مره في السبوع من غير طلعه طبعا ..

[شوق القلوب]

السلام عليكم،،،

هالموضوع جدا جميل،،، قريته من اول و يديد،،،
لازلت عند قناعاتي بكل ما قاله صريح و نقاش طفله،،،

اتوقع الاغلب خاض هالتجربه حاليا،،، وجرب في الواقع كيف كان الوضع و كيف لازم اتكون الحدود و الشروط ،،،

،،

اسمحلي يا المزوحي اني رفعت الموضوع من يديد :)

[لمّــاح]

السلام عليكم،،،

هالموضوع جدا جميل،،، قريته من اول و يديد،،،
لازلت عند قناعاتي بكل ما قاله صريح و نقاش طفله،،،

اتوقع الاغلب خاض هالتجربه حاليا،،، وجرب في الواقع كيف كان الوضع و كيف لازم اتكون الحدود و الشروط ،،،

،،

اسمحلي يا المزوحي اني رفعت الموضوع من يديد :)

انا بعد رديت اقرأ الردود و اتوقع معظم الي عرسوا في هالفترة تغيرت ارائهم او عندهم وجهات نظر يديده...

[صريح]

1 - قبل كل شي "حـــلات الثـــــوب ،،رقعته منه وفيه"
البدوي للبدويه ، الحضري للحضريه ، العيمي للعيمه الخ..
كل واحد يأخذ من نفس اصله و "اغلب" المشاكل ما بتكون موجوده

يعني اللي بيأخذ من غير اصله اكيد العادات و التقاليد من الطرفيين بتكون مختلفه
و هالشي ممكن يسبب مشاكل و حساسيات سوى بين الزوجين انفسهم او حتى اهاليهم.
و نسبه نجاح هالزيجات قليله بشكل عام.

مثال لشرحه موقف وليس التعميم " بدوي متشدد و محافط و و البدو معروفين انهم ما يبوحون بمشاعروه
و لا عنهم سوالف الرومنسية الظاهره للعيان "بحكم البيئة اللي عايش فيها و العادات و التقاليد" ياخذ عيمية " اللي اكثر انفتاحا و رجالهم يظهرون الرمنسية اكثر و فيه نسبه حريه اكبر فالطلعات و من الامور.. " ...
الحرب بينهم بتشتعل و الحلقه بتنصك ع الابطان مثل ما يقولون و الاسطوانه بتكون " ما يحبني و ما يطلعني و حابسني فالبيت و ما يخليني اطلع ويا ربيعاتي و ما خليني اكشخ و البس و احط ميك اب و دكتاتوري و القائمة ما تخلص"
و لو ماخذ ابدوية ما تكون هالامور موجوده لانه هيه و اهلها و اخوانها رابيين على هالمور.


و انا لا انتقص من اي اصل شي ... بالعكس الكل ع العين و الراس و عندي من الربع العيمي
و البلوشي و البدوي و كلهم هب ريح و ما ينقصهم شي الحمد لله < ---- حتى لا يعتبرني البعض " عنصري ".


2 - لازم شي توافق فكري و اجتماعي و مادي من الطرفيين ...
اذا اختل شي من هالاشيا احتماليت المشاكل تزيد بشكل كبير.
و هذا الجانب وايد ناس تهمله و ما تعطيه حق بشكل كامل

3 - الحب و الرومنسيه و سوالف سعاد حسني و فريد الاطرش تيي بعد الزواج مب قبله،
قبل العرس ما فيه شي اسمه حب اللي يكون قبل العرس يسمونه ارتياح نفسي ما يوصل لمرحلة الهيام و الحب
يعني مب يملج اليوم و باجر يزقرها حبييبي و حياتي و عمري <--- مسرع ما عرفها و حبها


4 - الخطبة هيه مرحلة يوم الريال يعزم و يخطب بنت الناس و يكون جاد في هالشي،
بمعنى ثاني مثابه اعلان انه يبا يخبط بنت الناس، استغرب من الناس اللي يخلون بناتهم يرمسون
اللي خطبوهم بحجه التعارف و كل واحد يعرف تفكير الثاني " يمكن كلامي يبان انه موجه لبنت الدلع بس ما اقصدها، اقصد بوجه عام كل العايلات اللي يسمحون بهالشي"

شو الفرق بين ريال و حرمه يكلمون بعض فتره الخطبه و ريال و حرمه يكلمون بعد بدون شي "تعارف"؟
شي منقود عن العرب و منقود في عرفنا و عاداتننا و تقاليدنا و حتى لو ما كانو عرب .. الدين يرفض هالشي


5 - الملجة - صحييح انه الحرمه و الريال يكونون رسميا معرسين بس بعد
هالشي ما يخليهم ياخذون راحتهم بالطلعات و السيرات و الحواطه

الريال لو يبا يشوف حرمته يشوفها في بيت اهلها و ويا اهلها
يطلع وياها بوجود حد وياهم للاشيا الضروريه بس " تجهيزات العرس الخ .. من هالامور الضرورية"
بس سيرات مطاعم و سينمات و مولات و حواطه و عازمنج و عازمتنك يخلونها حق عقب العرس احسن


عربنا و شوابنا و عياييزنا عرسو بهالطريقه لا طلعات ولا كلام قبل الملجه و عايشين و لا عليهم قاصر ..
ما بني احنا اليوم نغير هالعادات و السلوم اللي ربينا عليها بحجت " التطور و الانفتاح "


يمكن البعض بيقول تفكير صريح " مال اول" و "رجعي" و الدنيا الحين مطوره و تغيرت عن اول
بس بعد بتم "مال اول" و افتخر بهالشي


و السموحه من صاحب الموضوع يمكن طلعت برع الموضوع شوي
:smile:




اكثر من خمس سنيين ع كتابتي للرد المقتبس فوق و لين اليوم موقفي ثابت ما تغيّر،

في ثوابت في حياتنا ما يغيرها وقت او زواج او عيال.

[قرموشة]

سيم سيم ..
كل اللي عندنا جـذه .. يطـلعون ويا بعـض .. عشاا وسينمــا
ويسيروون يتشروون أغرااض حق بيتهـم .. أو حتى حـق بعـض xD وايـد كوول أحـس .. بس أكثر شي يستوي جذه يوم يكون االريل من الاهـل أو واايد واايد كلووز
يوم سألت امي .. جان تقول .. انا وأبووج كنا نطلع بروحنا ومحد كان متفيج يي وياانـا مع انه أبوي ماكان يعرف امي ولا شي .. غريب عن العايله هيهيي
ومن اسبوع بنت خالتي معرسه .. وقبلها كانت تظهر ويا ريلها عشاا وهيك ..


.
.


بس مـب حـلوو التكثير من الطلعاات .. يعني كل اسبوعين مره ! ومب كل مره بررع البيت
:vampire:


نقاش مشيق .. استمرووا :fa51:


انا رايي مثل ماهو بالضبط :h_ttmasha: من 2010 معرسة والحال نفسه مع اختي اللي توها معرسة .. انه أمور بيتنا تمشي بنفس الطريقة ..
على قولت صريييح .. الراي نفس ماهو من 8 سنين لول

[خيال الحب]

بعدنا عزابيه������������

[الا انا]

رايحه وراده ع هالموضوع...! في تناقض غريب ..:shutup::3: مزن هتان قالتلي اسكتي وانا اسمع الكلام وبسكت ..:h_negab:

[مزن هتان]

عاد كلش تسمعين كلامي ! قايلتلج لا تحطين رد خير شر يا بنيه هههههه
انزين مافيها شي لمن نتكلم بمثاليه، كل حد فينا وده يكون كامل


رايحه وراده ع هالموضوع...! في تناقض غريب ..:shutup::3: مزن هتان قالتلي اسكتي وانا اسمع الكلام وبسكت ..:h_negab: