المساعد الشخصي الرقمي

مشاهدة النسخة كاملة : { ~~ الـقـريـة الـتـراثـيـة ~~أم الــقــيــويــن ~~}


مايهزك ريح
15-01-08 ||, 04:23 PM
اكتشفوا الربع مكان حلو .. ويديد .. حبيت اقولكم عنه .. :a049:
انا ما سرت بس امخطط اني اسير على الويكند .. :k_harhar1:
القرية التراثيه .. شارع الإمارات ..مخرج 113 .. للي ساير من دبي بتكون القريه على يساره .. اللي ياي من راس الخيمه على يمينه .. هذا اللي فهمته .. من دبي تاخذ تقريبا 45 دقيقه لين توصل المكان !
ويقولون المكان حلو .. والبروشور بحطه في اللنك للي حاب يحجز خيمه ..
وبعد يقولون المكان حلو للتصوير .. لا تنسون كيمراتكم .. :whistling:


وفيه دراجات .. وخيام للي يحب البر .. :biggrin:

وهذا البروشور !

http://oasis.bindubai.com/bin/uploaded/558_01200399483.jpg

ملاحظه للمراقبين .. ما عرفت وين احط الموضوع ..
feel free to move this subject any where :4:
المنصوري
15-01-08 ||, 04:34 PM
استــانــس يوم اشوف اسمــك في ربووع الواحـــااات

شكراً اخويه ولا تنسى تاخذني معاك يوم بتروح :a033:

..
مايهزك ريح
15-01-08 ||, 04:40 PM
حيالله المنصوري .. وينك من زمان .. عاش من شافك .. ياخي ..:biggrin:
افا عليك بس انته ما طلبت اذا ما شلتك اللومينا بحطك على القبه :10:
المزوحي
15-01-08 ||, 04:42 PM
أول مره أسمع بالمكان هذا ..

يعني نقدر نحجزهم حق الدوام، مثل ماسوينا السنة بمناسبة اليوم الوطني، لكن كان على السريع ..

يابوا الحرمات اللي يخدمن الخبز واللقيمات والدلال ملقمه ..

مشكور مايهزك ريح ... :woot:
مايهزك ريح
15-01-08 ||, 04:59 PM
مرحبا المزوحي .. :2:
اللي فهمته انه هالمكان من سنتين مفتوح .. والربع توهم مكتشفينه .. :10:

واااايد متحمس للسيره .. وشكلي بشحت موتر اخويه .. ما ينفع اسير بموتري .. :biggrin:

اذا سرت قبلكم بسويلكم تقرير عن المكان :14:
المزوحي
15-01-08 ||, 05:10 PM
ماشاء الله عليك ... سير ولاتخلي بخاطرك مكان ...

بس هو تقريبا مثل مخيم بالرميثه ...
بنوتة جميرا
15-01-08 ||, 05:18 PM
المكان وايد حلو
نحن سايرينه كذا مره السنه اللي طافت
وهالسنه ابويه وده يوديني
ان شاء الله يوم بيتعافى كليا بيودينا هناك

المكان نايس ووايد استانسنا فيه
مايهزك ريح
15-01-08 ||, 05:27 PM
شو اسوي يالمزوحي .. ملينا من الدوام نبا انغير جو اشويه ..

نادي بالرميثه .. دراجات وخيام ..
بس اللي فهمته انه هذا المكان عباره عن قرية تراثيه فيها كل شي مال اول ..
طبعا من الصور .. اللي في البروشور ..


بنوتة جميرا .. يعني انتوا جد سايرين لها المكان من قبل ..
شو رايج فيه
خطايــا
15-01-08 ||, 05:39 PM
مكان وايد حلوو ومتعووب عليه اعرف صاحب المكان شخصيا .. سالم الركاض مب مقصر ..

كل شي موجوود هناكـ .. خيم ودراجات وبووش .. واذا بغيت تاجر خيمه بعد ترا ممكن ... الحريم اللي يطبخن موجوودات بعد وكل انواع الاكل موجوود .. دكان اول بعد ... اممم شو بعد اممممم طبعا ادخل سيارتك داخل جان تبا لوول السياره بي 15 درهم .! طبعا نحن اندش ببلاش لوول بينا عشرت عمر لول .. امم شو بعد خلوني اتذكر واسوي دعايا حق المكان أكثر ..!! هي صح اليوييله موجوودين اقصد جان تبا تشوفوون الشباب ايولوون كل شي متوفر .. المكان حلو حق العايلات والا جان بتسير برووحك ..

قريه الوادي التراثيه .. نصيحه منى لا تفوتكم ..

كان عندي وايد صوور بس مادري وين سارن .. حتى مصوره سالم شخصيا راعي القريه .
مايهزك ريح
15-01-08 ||, 05:44 PM
ما شاء الله عليج يا خطايا كفيتي ووفيتي .. مشكوره على المعلومات ^_^
خطايــا
15-01-08 ||, 05:47 PM
^

اي سوال عن القريه حاضره =) ..
ايه احبك
15-01-08 ||, 05:53 PM
احسه نفس السفاري ونفس الأشياء الي فيه في بعد في السفاري
thx 4 sharing boss XD
المزوحي
15-01-08 ||, 06:01 PM
يعني مثل مخيم بالرميثة + قرية التراث اللي في دبي ..

بس على اكبر وأحلى .. يبالنا نسير http://www.uae4ever.com/uae/data/media/8/2_10.jpg
خطايــا
15-01-08 ||, 06:05 PM
هي اكبر . والسنه كبر فييه بعد زياده ...!!

ناويين نودي اليهال هناك ف الويد أند ..!!
بنوتة جميرا
15-01-08 ||, 07:18 PM
ما يهزك ريح
اي جد سايره هالمكان
والصراحه وايد حلو واستانسنا فيه

فكر اتروحله هالويكند وان شاء الله تستانس
مزايا
15-01-08 ||, 07:51 PM
أول مره اسمع عن هالقريه التراثيــه
شوقتوني لها والله .. بس للأسف الاهل مش مال بر :X
مايهزك ريــح لاتنسى تصور لنا ، نبغيك تعيشــنا ف جو القريه ...
مايهزك ريح
15-01-08 ||, 08:04 PM
ايه احبك .. المزوحي..خطايــا..بنوتة جميرا.. مزايا

اشكركم على الرد ..


خلاص ان شاء الله اقدر اسير واسوي لكم تقرير شامل عن المكان :biggrin:
ألم ترى
15-01-08 ||, 08:09 PM
بسم الله الرحمن الرحيم ..

هلا اخوي ..

تصدق عاد انا كل مره امر هاك الصوب واقول ف بالي صدق صدق متفيج راعي هالمشروع :fa46: ! ..

ما ادري بأن كل هالأشياء موجوده ماشاء الله ..

يبالنا نروح مع الربع :14: ! ..

ع العموم شيخي انا بخلي الموضوع ف هالواحة 3 ايام ومن بعدها بنقله لـ واحة التراث ..

ربي يعطيك العافيه :smile: ..
خطايــا
15-01-08 ||, 08:13 PM
^


لا مب متفييج تصدق معاذ يقوولنا انه حتى السيااح ايوونه هناك ..
مايهزك ريح
15-01-08 ||, 08:31 PM
ألم ترى .. وعليكم السلام والرحمه ..
انا كاتب .. للمراقبين انه يتصرفون فيه مثل ما يبون لأني مب عارف وين احط الموضوع .. ^_^

تعال ليش تمرون هناك وما اتقولون لنا انه البقعه غاويه يبالكم ظرب
بحر الموده
15-01-08 ||, 09:56 PM
السلام عليكم ورحمة الله وبركاته

يامحلا وجودكم فى الواحات ويا محلا مواضيعكم صراحه لوووول

تسلم والدوم اخوى على الموضوع والصراحه هالقريه صاحبها واخوه مب مقصرين

الكل لى يروح يقول عنها فنانه وانا واحد منهم ساير امسات وعيبتنى واييييييد... انا كان خاطرى ايلس فى العريش بس كان المكان كله فل عائلات ماشاء الله من كل مكان حتى من دول مجلس التعاون

واالسموووحه
مايهزك ريح
15-01-08 ||, 10:10 PM
وعليكم السلام والرحمة .. حيالله بحر الموده
انزين ليش ما قلتوا لنا عن هالمكان ..
انا بس البارحه الجماعه ايخبروني عنه .. ويابولي البروشور ..
وحطيتلكم اياه ..


اعتقد انه تقدر تحجز خيمه او عريش اتصل على الرقم اللي في البروشور ..

عندي احساس انه باجر .. الخلق بيسيرون دام انه عندهم اجازه ^_^
العجيبة
15-01-08 ||, 10:12 PM
حلوووو

بس الظاااهـر وايد رمــل ... ههه فـ حياتي ما رحـت بررر وخيمـت ! أحس بنتلعوز !!!

شكرااا ما يهزك ريح ... مكان أول مرة أسمع به !!
مايهزك ريح
15-01-08 ||, 10:15 PM
اشكرك على الرد اختي العجيبه ان شاء الله انسير واصورلكم كل شي .. عشان اتشوفون المكان
ألم ترى
18-01-08 ||, 08:11 PM
بعد أذن الطارح !
ينقل لـ واحة التراث
خطايــا
18-01-08 ||, 08:24 PM
توني يايه من قريه التراث . ماشاء الله زحمه مب طبيعيه =)
مايهزك ريح
20-01-08 ||, 05:02 PM
ليش ما صورتيلنا .. كمن صوره .. يا خطايا
خطايــا
21-01-08 ||, 10:55 AM
^

انا ما صورت واختيه بس صورت يوله الشباب =( ..