2008 [الأرشيف] - -:: واحات بن دبي ::-

مشاهدة النسخة كاملة : 2008

الخنساء

31-12-07 ||, 01:17 PM

ها قد إنقضى عام .. من عمرنا ..من أيامنا .. بحلوها ومرها ...

لنسطر هنا أجمل لحظات هذة السنة على الصعيد الشخصي .. أوالعام ... لتظل هذه السطور ذكرى ..جميلة أو مؤلمة ... :a116:

أجمل لحظات هذا العام ... اسوأ اللحظات

أجمل الذكريات .. وأشدها ألماً ..

لن أقيدكم بأسأله ..معينة ... فالمجال مفتوح :inlove:

وكل عام والجميع بألف خير

الهيثــم

31-12-07 ||, 01:36 PM

مرحبــا بج اختــي الخنــساء

وتشكرييــن على هالموضوع الطيب
وان شاء الله اتكون سنة 2008 سنة خير عليـنا

بصـراحـة عن نفسي
أعتــبر هالسنـة سنــة خيــر وبالأخــص في أواااخرهـا
لأني اتــعرفت على نـاس طيبيــن وما اعرف كيف اوصفهم

واعتــبرها سنـة خــير أيضـا ً لأني عرفت قدري عند نااس الله يهدييهــم

وفـ نفس الوقت اعتبرهـا سنـة خير لأني عرفت إلي يحبني ويبا مصلحتـي ويخاف علي من إلي هممممه مصلحتــه وما يفكر إلا ف نفسـه ...

واسأل الله أن تكـــون أيااامنا كلها سعــادة وطاعــة

الجنيه

31-12-07 ||, 02:10 PM

الخنساء

كل عام وانتي بخير وان شاء الله 2008 اتكون سنه خير وسعاده عليج وعلى كل من يحبج *_*

2007 مشاعري مختلطه في هاللحظه بين حزن على هالسنه وبين سعاده وامل باستقبال السنه اليديده

2007 اتخذت خطوات جريئة وتحديت نفسي والحمدلله راضيه عن حالي الحين
2007 فقدت عزيز ع قلبي لكنه موجود بـ داخلي ,, بـ كل مكان يذكرني فيه ،، بـ كل حلوه ومره زينه وشينه *_*

2007 غيرت مسار حياتي وتفرعنت على ناس فديتهم والله

2007 حسيت بغلاتي واهميتي في هالوجود *_^

2007 ندمت على غلطة ارتكبتها بس الحمدلله تراجعت في الوقت المناسب ( عن اللقافه لا تسالون شو)

2007 بتظل ذكراها في القلب *_*

2008 WELCOME BAYBE *_* ان شاء الله اتكون سنه خير وسعاده ويتحقق الي في بالي فيها قولو آمين

الخنساء

31-12-07 ||, 02:21 PM

اخويه خطاب ..

الله يسمع منك إن شاء الله وتكون سنة خير .. :8:

(وفـ نفس الوقت اعتبرهـا سنـة خير لأني عرفت إلي يحبني ويبا مصلحتـي ويخاف علي من إلي هممممه مصلحتــه وما يفكر إلا ف نفسـه ...) :a049:

أنا اتفق وياك في هالنقطه ومريت في نفس الموقف .. وإن شاء الله في المستقبل نكون أكثر حذر في تعاملاتنا ويا الناس ... شاكره لك وجودك وتفاعلك ..

الغاليه .. الجنية ... تسلمين على كلامج الطيب .. :fa41:

(2007 ندمت على غلطة ارتكبتها بس الحمدلله تراجعت في الوقت المناسب ( عن اللقافه لا تسالون شو))) ما راح نسأل ... وإن شاء الله هالغلطه ما تتكرر ... والدنيا تجارب نتعلم منها ..والأهم ما نكرر نفس الأخطاء ... :thumbup1:

شكراً لتواجدج الرائع

بنتظار البقية :a046:

مايهزك ريح

31-12-07 ||, 02:56 PM

وااااايد احداث كانت في هالسنه وانطوت وكأن شيئا لم يكن .. :bash:
بس اللي ما حبيته في هالسنه انه تباعدنا عن ناس وايدين كانوا قراب منا .. :smile2:
حتى العيد ما كان له طعم .. وكان ممل .. :k_special2:
بس يالله اتمنى انه الحال يتغير في السنه اليديده للأحسن .. :inlove:
ومشكورة على الموضوع اللي يخلي الواحد يطلع اللي في خاطره .. :8:

الخنساء

31-12-07 ||, 03:23 PM

اخويه المتألق دايماً... ما يهزك ريح ..

أهم شيء إنك تظهر اللي في خاطرك ...

أهم شيء كنت اترياه في حياتي العملية وكنت اتوقعه في هالسنه 2007 .. ما استوى :blush: وهالشيء صابني بإحباط كبير ... بس يمكن في هالتأخير يكون خير ... وخصوصاً إني إنوعدت في على أول سنة 2008 وإذا صار .. بتفائل في هالسنه وايد ..

تفائل أخويه وخلك ما يهزك ريح .. :5:

ملاك الروووح

31-12-07 ||, 07:38 PM

::

2007

دخلت مجال العمل .. وقدرت أثبت نفسي الحمدلله في فتره بسيطه ..

وحسيت بجيمتي .. :fa56:

:

2007

فارقت ناس .. عزيزين وايد على قلبي !

:fa41:

:

2007

اخواني فديتهم عرسوا ف هالسنه ..

الله يوفقهم ويسعدهم يارب .!

:inlove:

:

2007

خذت لي كانون ..! :biggrin:

:

2007

فرحنا ب قدوم مولودين في العايله .. والاثنين الباجين في الطريج ان شاء الله !

:fa34:

:

ولي عوده ..

:

شكراً على هذه المساحه عزيزتي :inlove:

مزايا

31-12-07 ||, 07:47 PM

شهور عدة من عام 2007 ، (18-3 ......14-6 )
إختلطت فيها الاحداث ، بدأت بالاحداث المفرحه وإنتهت بالمحزنه ، لتترك في نفسي أبلغ الاثر
ومع مرور الوقت ، إستطعت التغلب عليها ، وتعلمت بأنه نوعية علاقتنا تحدد مدى النجاح والفشل فالحيـاة
وأن مبدأ الثقه والنيه الحسنه ليسـا مطلوبين في هذا الزمــن و أن أتوقع الشـر قبل الخير حتى لا اصطدم بواقع مرير
سبحان الله رُبَ ضارة نافعـه :) وماهي إلا (كبوة جواد)
(July >>>>November)
ختمت هذي السنه بمعرفتي لقـلب نادر

عمة العيم

31-12-07 ||, 09:04 PM

^_^
اللي فات مات

الله يسعدنا و يحقق امانينا في السنه اليديده

...

بنت الدلع

31-12-07 ||, 10:17 PM

يالله نعبر لول

السلام عليكم والرحمه

سنة 2007 وايد احداث صارت فيها

خذت ليسن و عندي سيارتي الخاصه

---

جاسني احباط واتوقعت اني بدرس هندسه على بداية هالسمستر بس الله مب كاتب

---

مرت علي لحظاات حزينة جدا بس في النهايه اكتشفت اني دلوعه وحساسه زياده عن اللزوم والي صار لازم ما يأثر فيني وتعلمت اني يوم ابا احكم عالشي لازم اشوفه من زاويتين مختلفتين :thumbup1: كلام جميل

---

لحظه مستحيل انساها ..
يوم شفت واحد من نسايبنا على سرير المستشفى حاظن بابا والدموع تنهل من عيونه
شي واايد مؤلم ويعور القلب وحالتي في ذيج اللحظه ماكانت تنوصف

---

عرفت قدري عند ناس وايد اعزهم :fa35:

---

اتزاعلت ويا حده وااااااايد اعزها
بس في النهايه عرفت غلطتها واعتذرت
الله يكتب لها الخير وين ماتكون :12:

---

اذا في شي زياده يمكن تكون لي اضافه بعدين
تسلمين على هذي المساحه

خطايــا

01-01-08 ||, 12:23 AM

2007 بشكل عام كانت سنه خليط من الافراح والاحزان .

في 2007 بهذي السنه .. فقدت ناس هم مازالوا على قيد الحياه .. بس بالنسبالي انا هم *ميتين* بعد ما تفارقنا ..

في 2007 توفى ريل ربيعتي الكلووز .. ولين احين مازل ماثر ها الشي علي لانه نفسيتها تعبانه وربيعتي مب هي ربيعتي الاوليه :frown: وها الشي مضايجني وايد ..

في 4/أكتوبر/2007 خسرت الكثير الكثييير من عواطفي ..!!

هاي الاحداث اللي قدرت اتذكرهم بس ... لي عوده مره ثانيه اذا كان في شي اقدر اضيفه ..

شكراً على هالموضوع ..

العجيبة

01-01-08 ||, 01:28 AM

2007
افتكيــت من وزارة التربية والتعليــم ، وسحبـت ملفي منها للأبـد المؤبد ...
/
\
/
2007
انضمـيـت لجـامعــة السلطــان قابـوس في سلطنــة عمــان ، الدفعة 22
وأفتخـــر جداً لإنتسـابي لهالجامعة .. الحمدلله
/
\
/
2007
عشـت مواقـف جميلة جداً ... ما توقعـتهـا أبــد
وللأســف الضريبة كـانـت مواقـف عصيبة جداً .. ما حسـبـت حسابهـا أبـد !
/
\
/

نكـتة العام الجديد تقول :
أعلنت سلطنة عمان إنه لم يتبين رؤية هلال شهر يناير
وعليه فإن غدا الثلاثاء هو المتمم لشهر ديسمبر ، على أن يكون الاربعاء غرة يناير
وكل عام وانتم بخير

لوول

ملانـة

01-01-08 ||, 09:57 PM

السلام عليكم و رحمة الله و بركاته :)

أحلى شي مر علي في 2007 ولادتي لبنتي الحلوة "مريم" فديتها .. عسى الله يخليها لنا و تكون ذرية صالحة يا رب...

و أصعب شي وفاة يدتي أم ابوي الله يرحمها قبل لا تشوفها :( عسى الله يرحمها و يغمد روحها الجنة... آمين

مزن هتان

01-01-08 ||, 10:24 PM

2007
من بداية شهر 5 الين نهاية 7 كانت فتره
ثجيله

تعرفت على صحبه و ربي يديم المحبه
امبينا

أحلى لحظه
كانت 29/12/07 يوم عرس ولد خالي و أخوي
و صديقي ربي يوفقه بحياته

تحفه

02-01-08 ||, 05:19 AM

تحفه

02-01-08 ||, 05:34 AM

1 - ودعت ناس و متنت من التاثير >.<
2- صرت اشوف الدنيا بوضوح اكبر
3- ودرت سوالف الحماس والينون
4- ادمنت محمد عبدو
5- قررت اتغير بعد مامريت بمواقف فضيعه.. وبديت بداية هاديه اتمنى انه يكون تغيير زين 3>
6- قمت اقدر ماما اكثر ويوم عن يوم اكتشف ان كلللللل كلامها صح واني كنت دلوعة وياهل 3>
7- قمت افكر اني اعالج سالفة اني (مودي) which is something VERY GOOD!
8- قمت اشوف الناس على معادنهم الاصليه واميز بين الصالح والـ ..
9- قويت علاقتي وي ألله 3> حمدلله ...
10- بعد عشرين سنه في هالسنه قلت بسوي تعديل وترميم وميك اوفر .. بس الله يكملي على خير XD لاني دوم افرقش
11- اتمنى ان خطتي تنجح بنهاية السنه اليايه !

تصبحون على خير

دمعة عين

02-01-08 ||, 01:10 PM

2007

،
،

أهــم مرحــله في حياتي كانت في هالسنه
=]

في 2007 //
تخرجــت من الثنوي هالعااامه الحمدلله
وخلصت المدرسه ،، بنسبه ولله الحمد راضيه فيها
:glare: ] !

في 2007 //
اتغيرت طريقه حيااتي كلهاا .. وأهمهــا إني صرت
طالبه في كليه التقنيه .. وغيرت مكان سكني
وابتعدت عن أهلي وناسي عشان هالشي
وكل شي في سبيل العلم يهوون
:unclesam:] !

في 2007 //
اتحققت أحلى أحلاامي .. وهييه إني آخذ لي
كيمرا بروفشنال ولابتوب .. والحمدلله
صار عندي ولديين وبنت لوول
[ الكام واللاب والفون ]
:fa35:] !

في 2007 //
فارقت أعز ربعي ونااسي .. إلي هم بنات كلاسي
إلي كانوا وياي في المدرسه .. بس الحمدلله
بينا اتصالات ومسجات ،، الله يخلينا لبعض يارب .!
:a070:] .!

في 2007 //
اكتشفت إني كنت منخدعه بناس كنت
أتحسب إني أحبهم ..
بس الحمدلله الله كشفهم لي وبعدني عنهم ..
ومابذكرهم إلا بالخيير ..
=]

في 2007 //
الله عوضني بنااس صرت أحبهم من كل قلبي
:fa35: ] .!

.
.

وها أهــم شي صار في حياتي في هالسنه
وانشالله سنه 2008 تكون بعد سنه خير علينا
وع الجمييع

لج الشكر أختي الغاليه
والسموحه

مــهــابه

02-01-08 ||, 06:14 PM

،
،
فـ 2007 عـرفـت نـاس قـلوبهم أنقــى من الــنقـاء نفسه

فـ 2007 فقـدت 2 من أقـربـائي ، وكـان رحيلـهم بـ مثـابة الصدمه

( الحمدلله ع كل حـال )

- 2007
تخــليـت عن بـعض من الذيـن لايسـتحقون ان يكونون فـ سجـلات حيـاتي

2007
كـانت ممزوجه بـأفـراح وأتــراح

أحـلى مافـ 2007 زواج أخـواني

وأصعـب مافـ 2007 وفـاة أبــويه الـعود

2007 كـان سـنة تـجربه فـ فـكل يوم كنـت أتـعلم شي

2007 كـانـت نـقطة تـحول فـ شخصيـتي ، وتـغيرت عـدة أمـور فـ حيـاتي

شكـراً الخنسـاء ، واتمـنى انها تكون هالسنة ســنة خير عـلينا

الشيـــن

03-01-08 ||, 12:40 AM

أهم 3 أشيـاء تذكرتهــم بالنسبـه لـ 2007

1- صـارت لي مواقف فظيعه ورا بعـض خلال أسبوع بس غيرت حيـاتي للأحسن والحمدلله
2- فقـدت أبويه الله يرحمـه [ الحمدلله ع كـل حـال } ---
3- كـانت نهايـة علاقتـي بـوحده وايد غاليه علي .. بس مرات الشي الغالي عليك لو يكون بعيد عنك أحسن ! (;

بنوتة جميرا

04-01-08 ||, 12:22 AM

اممم
سنه 2007 كانت حلوة وحزينه شوي بالنسبه لي
اول شي استانست وايد لما نجحت في الايلس
ويبت باند 6 وبديت الجنرال الحمدلله
هذا من ناحيه دراستي وان شاء الله دوم اتفوق

والشي المحزن اني كنت اعز ناس واغليهم بس للأسف عرفتهم على حقيقتهم
الحمدلله اني تعلمت وايد من التجربه والحين عايشه حياتي احسن من قبل بعد
في البدايه حسيت بها صدمه وماقدر استوعبها بس الحمدلله عدت على خير

ان شاء الله اتكون سنه 2008 سنه خير وفرح وسعاده وتتحقق كل امالنا واحلامنا يارب

ثانكس على الموضوع

الشوق

04-01-08 ||, 02:14 PM

2007 هالسنه امتزجت بالنسبه لي الاشياء الحلوه والاشياء الشينه ..
.
.
اصعب شي بالنسبه لي في هالسنه اني ابتعدت عن ربي في الفترات الاخيره .. واتداركت هالشي ولله الحمد ..
وابتعدت ايضا عن واحاتي وهالشي واضح للجميع .. ان الشوق صارت مختفيه واااايد
.
.
المشاكل العائلية زادت في لحظه لكنها انجلت ولله الحمد ... لكن تظل نتائجه موجود في قلوب البعض منهم .. للاسف

ادماني للشغل اللي انا فيه بشكل غير معقول ... لدرجة ان شغلي ألهاني عن اهلي واربيعاتي وحتى عن واحاتي ..
.
.
.
لكن ما انسى ان من بعد هذه الذكريات القاسيه كانت هناك لحظات جميله في 2007

-- سفرنا العائـــلي الى دولـــة قطــــــر .. مع الشله الحلوه وذكريات برغم من انها كانت مضحكه الا انها كانت جميله راح ارفق بعض الصور ان شا ءالله في الواحه قريبا ..

- زواج توأم روحي واختي في الرضاعه وبنت اختي في نفس الوقت .... في هالعام وخبرها الميمون بانتظار طفل قريب ان شاء الله ...

- تعرفت على انسانه في دوامي افتخر بوجودها في حياتي ( علايه ) ... واتمنى ان صداقتنا تستمر ان شاء الله لانها حتى يومنا هذا اشعر انها مميزه واتمنى لها كل الخير ..

- اتعلمت من تجاربي ان الانسان لازم يكون صامد - وان ممكن يواجه التحديات اللي اتصير فيه بعزيمه وبكل ثقه علشان يتغلب على المشاكل .. وان مهما صار للانسان من ازمات فلازم يعرف ان كل شي مكتوب ومقدر ..
والصبر هو مفتاح الفرج . وان محد يناله شي الا ما هو مقدر ومكتوب ..

.
.
شوفـــــتي ل طــــير الحب من بعد فترة دامت تقريبا 5 سنـــــــوات ما اتشاوفنا فيها
.. وقضائي وياها ايام حلوه ومسليه هي وبنوتتها الحور وولدها عبادي .. وذكريات الين الحينه ما تزال في الذاكره ( ام عبادي عسى الله ما يحرمني من هالصداقه ان شاء الله )

وعسى سنـــــــــة 2008 اتكون سنه حلوه للجميــــــــع ان شاء الله :)

أنامل قلب

04-01-08 ||, 10:27 PM

... ... ...

السلام عليكم والرحمه ..

فـ 2007 :
من أقصر وأطول السنوات اللي مريت ابها بشغلات منها الطيب ومنها النقيض ..
قربتني من ناس وبعدتني من ناس ..
وبكلا الحالتين ماكان منهم إلا كل الخير لكن أحيانا يبدي أحدهم فعل يصعب عليك الكثييــــر من الشغلات ..
أحمد ربي وأشكره انهم بالنهاية ما يعنون الا الخير ..
واعتبر نفسي بفضل ربي من اللي يملكون صحبة طيبة مستحيل أقدر أوفيهم أقل القليل من جميلهم علي ..
أحبهم والرب شاهد ..
فيه وله .. باذنه ..

فـ 2007 :
كملت السنة من انضميت للواحات ..
ولازالت اللحظات اللي مريت ابها بهذي الأسرة الطيبة تمر علي بشريط أفكاري وبشكل غريب ..
نفوس طيبة تعرفت عليها ولو من بعد ..
كلمن يملك فكره .. اسلوبه .. رايه .. شخصه .. واسمه الخاص .. !
جدا جدا جدا استفدت منهم كلهم بلا استثناء ..
وجدا أعتبر نفسي ممنونه لكم جميعا .. !
أحبكم في الله ..

فـ 2007 :
تخرجت من الثنوية العامه .. بمعنى إني انهيت دراستي بالمدرسه .. متخيلين .. !
سبحان الله .. كم لفظ المدرسه حبيب على القلب اليوم .. بس وانا بعيده عنه طبعا .. !
+ دخلت الجامعه اللي ليما الحين لازلت أفكر اني اكتفي بسنة وحده منها .. واظهر عنها تالي ..
واقصد بالجامعه كل مراحل الدراسه اللي تلي المدرسه .. !

فـ 2007 :
الوالد انتهى من العلاج ورد لنا سالم ولله الحمد ..
ولو إن آثار المرض الكريه لازالت باديه عليه بشكل كبير ..
ولازال لوقع المرض بنفوسنا كلنا كل الأثر الكريه ..
والحمدلله عنعمة العافية ..

فـ 2007 :
مريت بشغلات ما يتني بوقتها ..
تفاجأت جدا .. ارتبكت جدا .. توترت جدا .. ضاقت علي نفسي جدا جدا ..
أكان من الغير أو من نفسي ذاتها ..
وربي يعينا عاللي فيه الخير ..

فـ 2007 :
وايد شغلات صارتلي تزاحم فكر الخاطر ..

ممكن يكون لي عوده ..
في حال اذن لي الخاطر .. !

:

ربي يسلمكم جميعا ..
من صاحب الطرح لكل من رد .. قرأ ..

جعل ربي من 2008 وكل أيامكم عامره بالاحسان والطيبة بعظيم قربه ..

" يارب "

:

احترامي ..
اختكم أنامل قلب ..

وفائق المعذرة ..

:

... ... ...

دمعة شوق

05-01-08 ||, 02:10 AM

2007
افتـكــيت شـي اسمه مــدرسة واتخـرجـت
بس اشتـقــت ألهــا وايد
\\

2007
دخــلت الـجامـعـة وتعـرفت على ناس يـداد
وعرفـت ناس على حقيقـتـهـــم
//

2007
تــاريــخ 20\8\2007
كـــان يوم مااباه يرد وابا اسويله دليت من حياتي
هو ونــاسـه
\\
2007
اكـتـشــفت ربيعـتـيه على حقيقتهـا
وعرفت اللي امثالهـــا
//
2007
كـــان فتــرة محددة منها عشـت حياة يديده
وجربتـهـا وشفتها كـيـف ، بس مابطيـت غيرتهـا لأنهـا كانت اكس في اكس
:sad:
\\
2007
استـويــت قااااسـيـه على نــاس يستاهلون القساوة
ولانهم ماينعـطون ويـه
//
2007
انصـدمت في نـاس قريـبـيـن منيـه
//

عسى هالسنـة سنـة خيـر وسعادة للكـل
:)

عفاريتووو

05-01-08 ||, 04:38 PM

في 2007
حققت حلمين
الحلم الاول ان اجوف برج ايفل و شانسلازيه
و الثاني انه اسوق سيارة :6:

وان شالله 2008 تكون سنة خير ع الجميع

الخنساء

06-01-08 ||, 10:15 AM

صبحكم الله بالخير

ما في شيء حلو في الدنيا ...كثير شوفة ردودكم الأحلى .... الممزوجه بأحلام وتفائل ... وسنه عساها تكون خير وسعاده على الجميع يا رب ...
وتديم نعمة الآمان على بلادنا.. :inlove:

ملاك الروح:inlove:مزايا:inlove:عمة العيم:inlove:العجيبة:inlove:ملانه :inlove:مز ن هتان:inlove:تحفه:inlove:دمعة العين:inlove:مهابه:inlove:الشين:inl ove:بنوتة جميرا:inlove:الشوق:inlove:أنامل قلب:inlove:دمعة شوق:inlove:عفاريتوو:inlove:

شاكره هالتواجد الأنثوي الرائع:a100:

ملانـة

06-01-08 ||, 12:46 PM

كيوووت الله يحفظها يارب :inlove: ويخليلكم لها يارب

تسلمين حبوبة ^_^ و يخليج لأهلج و أحبابج سويتي :))))

شمعة أمل

08-01-08 ||, 09:10 PM

كم مره مريت على هالموضوع وكل مره اتردد اكتب رد لانه كلحد كنب اشياء مب زينه استوت في 07 وانا ما كان عندي شي .. بس عقب ما عصرت مخي خصلت كم من شي:birgits_giggle:

في 2007
- أسعد سنه مرت علي في حياتي:inlove:
- 4 من أهلي عرسو & 2 من ربيعاتي عرسوو & وحده مخطوبه 3>
- أكثر سنه سرت فيها بيت يدوتي .. لدرجه انه مره سرت بيتها 5 أيام ورا بعض:birgits_giggle: < هالشي معجزه
- كنت محظوظه لاني سافرت لندن 3 مرات وايطاليا مرتين وفيينا والتشك وسوسيرا وألمانيا مره:k_blush-anim-cl: .. والفجيره مره وبوظبي مرتين p=
- تعرفت وكونت صداقات يديده:inlove:
- صيف 07 .. صيف لاينســــــــى ... اسمينا استانسناااااااا:biggrin: أحلى شي يوم كنا نتلاقى ويا ربيعاتنا في لندن
- اكتشفت اني أتخبل يوم الايطاليان يقولون اريفيدرتشييييي ويوم السعوديين يقولون واقسم باللللله ويوم البريطان يقولون wa'eva *وات افر بطريقتهم* ويوم البحريينين مادري كويتين يقولون طرطنقي:birgits_giggle: مع اني ماعرف شو معناة الكلمه! هاها!
- اكثر سنه سرت فيه عزايم & أعراس .... & سويت عزيمه لاااا تنسى:birgits_giggle:
- في 07 عرفت كيف اسوي باستا لذيذه والوصفه سريه & نوعين من الكوفي:4:
- حصلت الليسن وكنت وايييييد محظوظه لاني في أقل من سنه عطوني سيارتيين:4: لكنهم مستعملات كل ماحد في بيتنا يشتري سياره يديده يفرون الجديمه علييه:birgits_giggle:
- وطبعا آخر يوم في 07 يوم لاينسى .. سوينا عزيمه عوده .. ومن كثر ما كانت عزيمتنا تجنن كان عندنا party crashers .. لول وسوينا fake countdown بس عشان ماننقفط يلسنا ندق هرن البووت لين ماشفنا شلق:birgits_giggle: & مستحيل انسى dancing santa :4:

الاشياء المب حلوه
- اكثر سنه سرت فيها المستشفى
- خسرت صداقتي ويا هزاايم والسويديه لسبب مجهول =(
- اول سنه ماطلعت للعشا السنوي ويا لبيبه!
- حرمتين أعرفهم ياهم السرطان:sad: الله يشفيهم ان شاء الله=( هالمرض يخرب كل شي ..
- المشكله الى استوت ويا وحده سايكووووووو:4: اول مره في حياتي اجوف وحده تكتب شي بدمهااا:k_shock_1: .. استغفرالله ناس فيهم مرض .. بس اسميني ضحكت من الخاطر في هالفتره:4:
-اكتشفت انه البنات الى برجهم برج العقرب صدق عقارب:wacko: هالناس وايد انصدم منهم وصدق ماعندي شي اوصفهم به غير انهم عقارب:confused: