مـطـعــم الاحــلام

[ذنـيـنـي]

السلام عليكم و رحمة الله و بركاته


موضوعي هذا عبارة عن دراسه مبدئية لمشروع "مطعم" :woot:

طبعا مش انا صاحب الفكره لكن صاحب الفكرة وكلني اني ادرس له المشروع " من ناحيه الديكورات و الاكل و نوع الخدمه، و الامور المالية و القانونية هو بيدرسها"

سؤالي كالتالي

شو هو مطعمك المفضل و ليش تحبه ؟
ما هو أكثر مطعم ارتحت فيه "من ناحيه الجلسة و الاجواء" و ليش ؟


اذا قالولكم عن مطعم الاحلام،
شو بتكون مواصفاته، و شو افضل شي من كل مطعم تتمنون انه يكون في المطعم هذا من ناحيه الاكل او من ناحيه الاجواء و الجلسة و الطاولات

على سبيل المثال "ديكور جيليز و خدمة فرايديز و حلويات جابينغو و عصاير كفتيريا عنتر :birgits_giggle:

المهم قولولي كل الي تحبونه و كل الي تكرهونه في كل المطاعم الي تعرفونها

مب لازم تجاوبون على كل الاسئلة، اتمنى انه يكون الموضوع مستمر و من تتذكرون شي حطولي اياه


طبعا الموضوع عبارة عن brain storming عسب نطلع بافضل الافكار

:fa39:

[المزوحي]

قبل ما أجاواب، انا عندي سؤال ؟؟

هل هو حاط في باله موضوع الشيشه ؟

[شمعة أمل]

^
مب جنه منعو الشيشه الحينه؟؟



ذنيني بفكر وبرد عليك

[وحي القلم]

بييلا اللى في الامارات مول وايد حلو

يعيبني لانه مساحة الزجاج فيه كبيره و ايطل على البحيره و الزرع :fa41:

و أكلهم حلو :fa37:

من غير انه اللى يشتغلون فيه مأدبين :tounge:

بس جان زين لو شي مطعم شراته و فيه مكان مسكر للعايلات و الحريم :mf_leia:

.
.

و إذا تبى جيه :tongue:


على سبيل المثال "ديكور جيليز و خدمة فرايديز و حلويات جابينغو و عصاير كفتيريا عنتر

كيك لينوتر و سلطات جابينغو و خدمة بييلا :tounge:

.
.

لا تحطون شيشه ريحتها بتروغ زباينكم :fa52:

[شمعة أمل]

ماعندي مطعم مفضل لكن عندي مطاعم مفضله .. بختار المطاعم ك مطعم شكليا والاحساس يوم اكون في المطعم مب الأكل p= مع انه الأكل اهم شي

mOre
الموظفين من جنسيات مختلفه مب كله مصاروه ولا فلبينيين
الاكل حلو
الجو حلو
الاسعار اوكيه


Olives
الخصوصيه
حتى يوم هم زحمه ماتحسون انه زحمه
أكل نظيف
تقدرون تشوفونهم يوم يطبخون البيتزا


زياره
وااااااااايد بيتوووتيييييييي
السعر اوكيه
الاكل لذيييذ

royal orchid
المطعم شكليا وايد حلو
السرفس وايد اوكيه
الاكل نظيف وحلو

ومطاعم بن هندي in general ..
مع انه اكلهم تقريبا نفس الشي في كل المطاعم لكن الحلو انه مثلا جابينغو انترناشنللل ف تقدرون تطلبون اي شييي

the Dome
صح هذا كافيه لكن وايد يعيبني
كيكاتهم لذيذه + الكوفي لذيذ
لكن الى مايعيبني انه بس يوظفون هنود ولا فلبينيين





المطاعم الى ارتاحلهاا هم المطاعم الى شويه informal واسعارها اوكيه ويكون انترناشنل من ناحية الكستمرزز & الموظفيين
ماحب اسير مطعم وين كله هنوود ولا كله عرب >_<
أحب المطاعم الى يعوطنا شوية خصووصيييييه ومايبهدلوناا .. عشان جي عادة اذا نطلع ك عايله بس نسير فنادق
أحب المطاعم الى المدير بنفسه ايي ويسلم على كلحد ويسأل عن وجبتنا
أحب المطاعم الى فيها صور ولا خرابيط على اليدار


لو قالولي مطعم الأحلام شو بسويييييي
ببدى بمطعم بسيط واسعار رخيصه.. بخلي الاكل انترناشنل *يعني لازم يكون شي سلطه وبرقرر وباستا وكلب ساندويتش وفرايز وكيك على المنيوو*
بوظف ناس من جنسيات مختلفه
بخلي الديكور بيتوتي .. والوان مختلفه بس مب عنقاش.. مابا المطعم يكون شكله فوورمال ..
لازم المطعم يكون شوي سريع .. الناس بس عندهم ساعه للغدا
بسوي dish of the day كل يوم طبق يديد
واللوكييشن أهم شييييييي! يفضل لو في جميرا ولا شارع الشيخ زايد & باركيينغغغغغغغغ مهم

[طير الحب]

تخصصي مطاعم على قوله بوعبادي ....احب الكوفي شوبس اكثر واحب الاجواء الحميمة في المطاعم ما احب مطاعم الفاست فود ....احب المطاعم الايطاليه ومع احفظ الاسامي اخر مرة الاسبوع الي طاف تعشينا في كوفي شوب بفندق قصر الخليج هادي وحبينا هدوئه واحب stuff يكونون فريندلي...اكثر المطاعم الامريكية الي كنت احبه تشليز...احب اشرب العصاير من عند تايلوس الي على بحر الشارجه والحين حابه عصير الشمام بوعبادي علمني عليه...وفي خورفكان احلى فطاير عند فطاير رهيب جربوها...ساعات يكون خاطري في ناشف عمر الخيام واحلى سندويج حمص باللحمة كلته في بوظبي زهرة لبنان...جربوا شوربة البروكلي مال جليز وشوربة السبانج مال البر والبحر...واحلى فلافل بالخير في الشارجه...


شمعه امل...وين مكانOlives

[طير الحب]

شمعه...انتي شراتي انا وريلي نحب ترتيب وتنظيم الاجانب نحب مراكز فيهم اجانب ومطاهم روادهم من الاجانب النظاف الفريندلي

[ذنـيـنـي]

المزوحي

طبعا بدون شيشة،، الرزق الحلال اهم شي

[المزوحي]

زين عيل ... خله يسوي مكان حق العايلات، او مكان كابينات، في ناس تحب جيه ومكان مفتوح في نفس الوقت

حق اللي يحب هالاجواء ..

[العجيبة]

اذا بتسوون كابينات أهم شي تحطون فيها جرس > إختي تحب تدق على هالجرس لول


موفقين ان شاء الله

[شمعة أمل]

طير الحب
أولفزز في فندق رويال ميراج
مطعم ايطالي يسوون بوفيه & مينيوو
بوفيهم وايد نظيف .. هالبوفيه الوحيد الى امي تطيع تاكل منه

[ايه احبك]

اول نصيحه
الأفضل انه ما يكون الأكل في محدد
يعني انترناشنل فوود من كل بستان زهره او طباخ XP
ممم
ان بقولك شي افضل لوانكم ما تفتحونه في دبي لنه دبي فيها وايد كمباتترز >_<
يعني افتحوه في مكان استارتيجي في الشارجة او عيمان او راس الخيمة
انا بقولك ليش لنه الناس عشان تونس عمرها تضرب درب من كل الأمارات عشان اتي دبي
بس دبي زحمة فا لو فتحتوا في هالمناطق الناس بترتاح لنه هدوء وما فيه مشواير
والأكسلنت ماركتنغ هو الي بيرفع من مستوى المطعم
---
عندي وايد افكار لكن ايدي تعورني
سو بكتبتهم على دفعات ^^;

[تحفه]

^لالا ماعليك من كزنتي لول

انا البارحه شفت برنامج في ام بي سيه

يقولون اسوء وافشل المطاعم هي تقدم كل انواع الطعام لول !

فانته ركز في شي علشان تنجح

[ذنـيـنـي]

وحي القلم



بيلا الي في امرتس مول وايد حلوة يلسته
و احس انه فيه خصوصية حتى مع الاجواء المفتوحة !

اتوقع بسبب الاضائة الخافته

==========

اسعدني تواجدج و اتمنى اني اشوفلج ردود اخرى في الموضوع

[ايه احبك]

هيه عشان جيه جبنغووا فاشل XP
وعشان جيه سيززززززام فاشل XD

[ايه احبك]

خلاص لا تسمع كلامي ذنيني بتفشل انته وربيعك فشلا ذريع XP

[ذنـيـنـي]

شمعة امل

بصراحه ردج وايد فادني لأنج ذكرتي كذا مطعم و كل واحد يتميز بشي
ممكن انه ناخذ فكره معينه من كل مطعم و نطبقها عندنا

اصلا الفكره بشكل عام انه يكون المطعم شرات قوم جيليز و فرايديز و جوني كارينيوس (اقرب الى جوني كارينيوس) نبغي نعطيه الطابع المنزلي بشكل اكثر عسب يرتاحون فيه الناس

و في نفس الوقت ما ابغيه مطعم صاخب شرات جيليز،جيليز احسبه وايد حشره

المنيو بشكل عام نبغيه يكون شوي عالمي يعني مثلا تبغي نسوي برغر و سلطات و هالسوالف لكن في نفس الوقت نبغي كل شي يكون كرييتف

من خلال بحثي عن انواع البرغر اليديده اكتشفت اكثر من 50 نوع مختلف من البرغر و كل واحد منهم يختلف تماااما عن الثاني بس نحن للأسف ما نعرف غير 5 بالكثير من هالبرغرز

اذا حصلتي اي شي يديد و حلو قوليلنا عنه
و لو قدرتي تصورين بعد وايد زين

[شمعة أمل]

مابقدر أصور لانه المطاعم الناجحه ماتخلي الزباين تصور:fa46:

عندي لكم نصيحه ثانيه وايد وايد مهمه ..
يوم مثلاا بتوظفون ناس .. مب تخلونهم في شغلهم للأبد .. لازم ترقونهم .. لازم تخلون يثبتون نفسهم في شغلهم .. ولا تتزططون في المعاشات:fa46: اذا تعطونهم معاش محترم بيشتغلون عدل وبابتسامه..
وخبروو الموظفين انه الى يبت نفسه عادي يترقى ويستوي مدير حتى لو ان شاء الله واحد هندي يغسل صحون


btw
بعطيك مشروع ناجح:14: < اذا ينجح مب تنسون اطرشولي بيزات p=

ليش ماتسون سبونسرشب لمطعم اسمه outback steakhouse .. هذا موجود في امريكا بس اظني اصله استرالي
هو من نوعية المطاعم الى صدق بينجحووون في دبي
وعندهم شي مال بصل اسمه بلوومن اونيون .. انا في حياتي ماكنت احب شي اسمه بصل لين ما كلت هالشي:fa46:

هالمنيو مالهم
http://www.outback.com/foodandmenus/pdf/C8.pdf

لو تيبونهم دبي بتنجحون غير انه اولريدي سمعتهم وايد اوكيه .. ف مابيكون خساره
عكس يوم تفتح مطعم يديد .. وايد صعب .. اول سنه عباره عن خساره .. ف لازم يكون عندك البيزات انه تمشون مطعم خسران لمدة سنه على قل.. لانه يباله وقت لين سمعة المطعم تكون اوكيه ويكون عندكم كستمرزز بشكل يومي

[طير الحب]

شمعه فكرتج حلوة اذا تسمح لي ذنيني اخبر ناس بها عقب موافقتك اذا ما بدك المشروع