نبغي اقتراحكم حق شهر العسل

[المزوحي]

السلام عليكم

عندنا بلدان على خارطة العالم :fa56: لكن في بلاد تسافرها في وقت وانا اسافر لها في وقت غير

السالفة ومافيها إنه ربيعي يبغي يسافر شهر العسل :k_blush-anim-cl: في شهر فبراير/مارس

وهو مب عارف وين يسير ... اقترح استراليا .. مرات يقول احتمال اسافر بلاد وحده ومرات يقول يمكن

مكانين ...

شو رايكم ؟؟؟

ماليزيا ... وإلا في مكان بحيث الواحد مايضيع الايام في التنقل بس .. :4:

[ملاك الروووح]

وعليكم السلام والرحمه

ويا ويهك المزوحي .. استااااااااااانست والله تحريتك انته اللي بتعرس :bash:

<< انزين ليش معصبه :biggrin:



أول شي قوله ألف ألف مبروك ..

منه المال ومنها العيال ..

:fa56:

وعقبال ما نفرح فيك ان شاء الله

ونقترح لك انته مكان حق شهر عسلك .. :biggrin:

:

امممم

شوف أنا قبل مول ما كانت تعيبني ماليزيا ..

لأنه المعاريس كله يروحون هناك .. وكله عرب وجيه ..

بس قالوا لي انه شي جزيره ف لنكاوي .. تروحها مثلا انت وحرمتك ..

من الصبح ليييييييين المغرب .. الجزيره تكون حقكم انتوا روحكم :biggrin:

وما يكون وياكم أي مخلوق ثاني :fa56: .. الا الشييييف :biggrin:

اللي اييبونه أول شي ويطبخ لكم من كل أصناف المأكولات .. ما لذ وطاااااااب ..

وعقب يروح عنكم ..

ويخلونكم روحكم عالجزيره .. تسوون اللي تبونه ..

ف أحس نااااااااااايس اكسبيرينس .. والواحد ما بيسافر كم مره ..

ف أحس حلو انك تروح هالجزيره ف شهر العسل ..

ف عقب ما شطبت ماليزيا من اللسته .. رديتها الحين على راس القايمه :biggrin:

وصارت أول خياراتي حق شهر العسل ..! لوووووول



استراليا بعد يقولون انها تجنننننن

فيها طبيعه وجيه .. و أماكن هاديه .. الريف عندهم يعني نايس وكوااااايت ..


بس مادري ..

أنا اخواني وخواتي معظمهم ساروا ماليزيا واستانسوا وايد

مع انهم ما ساروا هالجزيره هاه :biggrin: لووووول


ف اتريه وشوف راي باجي الاعضاء ..

هذا رايي أنا .. :m_9afgah:

[دمعة شوق]

المـزوووحــي
:woot:
تحسـبتـك بتعرس لوول
عقبال ما تعـرس وتعزمنـا ع عرسـك
:k_devil2:
××

انزييين شـوف ماليـزيـا حلـووووه
والجزيـرة اللي قالتها ملاكوووه حلوه بعد
خاصة ان الجزيرة بتكون ألهم،
/

وعقـبال العزاب
:cool:

[محد يستاهل]

أنــا مع راي اختي دمعــة شووق

[تحفه]

انا ماعرف ليش معارييسس هالزمن طايحين في بلاد شرق اسيا

عن نفسي اقترح هاواي و المالديف XD

[صريح]

المالديف و بس .

اسأل المجرب ولا تسأل الطبيب
:fa46:

[تحفه]

9a7 cuz they will spend the rest of their lives with people XD

[المزوحي]

ملاااك الروح مادري ليش في حد يقول إنه الجزيرة ملل .. لكن مثلا كم تقترحين الواحد يتم فيها ؟؟

مباكثر عن 3 ايام ؟

حمم عقبالي صح :fa56:

[المزوحي]

دمعة شوق حم .. يبالي اسير لها .. يمدحونها ماليزيا

مع إنه وايدين يسيرون تايلند بعد

[المزوحي]

تحفه المالديف اظن يوم الريال يبغي يبتعد عن حرمته وحشرتها سوااااااااااالف

لكن بغض النظرعن التكلفه .. فالبعض مايحبها كونها ممله

في خاطري اسير لها

بقوله حق ربيعي ماليزيا

[ملاك الروووح]

هلا المزوووووحي

لالا شوووف

هالجزيره حق يوم واحد بس ..! :biggrin:

يعني جيه بيتمون من الصبح لين المغرب ..

ف أحس حلو بيستانسون .. وما بيملووووون

بيقضون وقت حلو .. وبيردون عقب ..

:fa56:

:

لااااااااااازم يسيرون هاه

مايخصني ..

<< متحمسه وايد حق سالفة الجزيره يالسه تسوق لها :biggrin:

حتى بنت عمي مالجه هي وريلها ..

كانوا بيسيرون شهر العسل دول أوروبا وأنا يلست أخرشها

وخليتها تغير وتروح ماليزيا .. بسبة هالجزيره :biggrin:

وهو حليله متحمس وايد أكثر عنها :hysterical:

:

الله يوفقهم ويهنيهم ويسعدهم يارب ..

وعؤبال عنداااااااااااااااااااك :m_9afgah:

[بحر الموده]

وعليكم السلام ورحمة الله وبركاته

ماشاء الله المزوحى بيعرس لووووول تحريتك انت يستاهل الصديق وبارك له وعقبال الجميع ان شاء الله

صراحه اشوف ماليزيا الخيار الاول حق شهر العسل لانه بلاد نظيفه وجوها ترتووووب وخاصه منطقة جنتنغ لى فيها القمم العاليه فوق سبره برد والرذاذ يطيح عليك ياسلالالام ..فى آخر زيارتى الى مملكة تايلند حصلت واحد مايندل وين مكان الترانزيت لانه بيغير الطياره وبيكمل ماليزيا وسألته ليش تروح ماليزيا مدحها البلاد وايد عشان فيها طبيعه طر قلت له زين وتعال ورايه بدليك البوابه ودليته وتوكل مسكين ...فا انا اشوف ماليزيا زينه ^_^

[المزوحي]

ملاك زين ياملاك خخخخخ بخبره عن هالجزيرة ...

[المزوحي]

بحر الموده يعني انته عندك فكره عن ماليزيا وتايلند ( شرق اسيا ) وشو عن استراليا ؟؟


إذا حاره في شهر فبراير بقوله مايحتاي تسير .. خلك على ماليزيا وجزيرة " ملاااااك "

[تحفه]

كونها ممله! :shocked:

جي ليكون بيسافر وي يدته المالديف ان شاء الله!!

بالعكس السوق والملاهي لاحقين عليها خاصه في ماليزيا!

مادري يمكن اقتراحي مب في محله ويمكن صدق المواطنين مب مال هسوالف :k_harhar1:

[المزوحي]

تحفه انا عن نفسي في خاطري، بس في الموضوع الياي يوم بيكون عني ! هههه

حتى لو مثلا سافر مب اكثر عن اسبوع ...

شوفي في حد يوم يحس إنه توه يديد وتوهم متزوجين حلو يسافرون مكان مثل المالديف عسب يكونون مع بعض

اكثر، أو ياخذون على بعض بسرعة، وحد يشوف مكان كله اسواق ومطاعم احسن، لأنهم مب ماخذين على بعض

فيبون يضيعون نص الوقت في المشي بين المراكز والملاهي

[بحر الموده]

انا من تايلند وساير صوب الفلبين واندنوسيا اما استراليا مارحت لها

طبعاً فى مناطق فى استراليا حر عندهم سهام ريج لوووول

[تحفه]

^انته من تايلند!!!!!!!!!!!!!!!!!!!!!!!!!!!!!!!


المزوحي صح كلامك نسيت هالبوينت لول

[ملاك الروووح]

::

عيبتني هاي جزيرة ملاك :biggrin:

حلللللللللللوه منك المزوحي ..

خلاص بنسميها جزيرة ملاك أوفيشلي يعني :fa56: !

:

وحد يشوف مكان كله اسواق ومطاعم احسن، لأنهم مب ماخذين على بعض

فيبون يضيعون نص الوقت في المشي بين المراكز والملاهي


كلااااااااااام سليم .. :fa42:


أنا معظم اللي أعرفهم ..

صاحوا ف شهر العسل واستوحشوا :k_harhar1: وخربوا شهر عسلهم ..

وردوا حق البلاد ..

لأنه يمكن في الفتره الأولى أوردي ما يكونون ماخذين على بعض ومش متعودين على بعض ..

فما بالك انك تكون بعد في بلاد الغربه !! صعبه وايد ..!


بس عن نفسي أقولهم .. متفيجه أنا أيلس أصيح ..

أصلا ما بصدق اني أفتك من شيفكم .. مستحيل أخرب شهر عسلي وأرد البلاد

بخيس وبندفن ف جزيرتي وايد أبرك لي :k_harhar1:

[مايهزك ريح]

في منطقه في ماليزيا .. بعيده عن كوالالمبور ..عباره عن منتجع حلو حق شهر العسل .. اسمها افاموسى..
يقدر ييلس في هالمنتجع .. ويسير جزيره لنجاوي .. وبعدين ايسير جنتنغ هايلاند ( منطقه بارده )
في كذا مكان في ماليزيا .. وعلى الأقل بلاد فيها مسلمين ..


http://www.afamosa.com/main.php
واذا يبا اشيا يديده يمر الإمارات للعطلات عندهم مجله خاصه لكل region في آخر كل مجله بيلقى اقتراحات لشهر العسل وكم سعر الباكج !!!

[المزوحي]

ملاك ... أول بادي تصيح .. وعقب العرس تصيح تبغي تسافر خخخخخ ... وهو يقول ماعندي إجازة

بس عنده إجازة حق ربعه لوووووووول ..

[المزوحي]

مايهزك ريح بالنسبة لـــ جنتنغ واحد من ربعي سار لها في شهر العسل ويقول حلوة ...

بخبره عن الجزيرة اللي تطريها

[شمعة أمل]

لو انا كنت بعرسسسس p=
أفضل بداية شهر عسلي يكون في مدينه ونهايته في جزيره


لييييش؟

لانه بكون عايشه ويا واحد ولا مره عشت وياه .. يعني تخيلو انتو بس فجأه بس جي ويا ريال .. تنشين من الرقاد ويطلع في ويههج:shocked: لازم تتريقين وتتغدين وتتعشين وياه ولا بعد في دوله غريبه:shocked: .. الصراحه زياغ!

في نظري

بداية شهر العسل لازم تكون في مدينه زحممه فيها أوادم .. وبداية شهر العسل عباره عن تعارف ولعب وشوبينغ.. يعني اي شي عشان يتعرفون على بعض
مثلا
اذا يبون امريكا .. يسيرون نيوو يوورك.. دزني في امريكا!
اذا أوربا .. لندن ولا فيينا.. دزنيي في باريس!.. روما ولا فلورنس
اذا آسيا ..عاصمة ماليزيا فنانه
اذا افريقيا .. المغرب


عقب ب 3 ايام ولا اسبوع .. على حسب
بعدين بنسير مكان حلو ورومنسيي وهادييي وراحه .. الخ
في نظري
يا يسيرون جزر .. عندكم جزر في ماليزيا .. ولا المالدييف .. ولا السيشلزز .. ولا موريتشسس
بس طبعا لازم تحطون في بالكم انه لازم تعرفون تسبحون في البحر + حوض .. ولازم تكونوون مال قم سباااز .. كله مساج وفيشلززز .. الخ

ولا
تأجرون يخت وتحوطون في جزر ايطاليا نفس ساردنياااااااا 3> < هالفكره وايد حلوه لكن وايد غاليه


وبعد
تقدرون تسيرون سويسرا:cool: لوزاان ولا اماكن في الجبال .. اسألو مايهزك ريح ولا الياه عن سويسرا لاني ماعرفها عدللل



تعالوو .. الهند بعد حلوه!:cool: بس ماعرف شو فيها

[الزرعوني]

انا عندي مكانين لك يا المزوحي .. و عن تجربة ( بس مو فشهر العسل طبعآ XD )



Phuket - Thailand

Merlin beach Hotel

ما يحتاي يطلعون من من الفندق من كثر ما هو روعه

و هاي صورة من تصويري


http://oasis.bindubai.com/bin/uploaded/8514_11196935133.jpg





و الحلو اللي فيه ما فيه عرب موووول

و الفندق فوق اليبل .. و المسافة بينه و بين Batong beach خمس دقايق بس ( بسيارة ولا تك تك ) وين مكان الحشره و السوق و كل شي .. وايد حلووو


و المكان الثاني هو ..

Canarian

جزر الكناري ..

و هاي جزيرة Tanieref .. وحده من جزر الكناري الاربع

http://www.gulf4cars.com/vb/attachment.php?attachmentid=7783&d=1170596401





ع العموم .. اذا بغيت صور زياده بتحصل في تقريري ( بمنتدى ثاني .. بعد اذن الادارة )

http://www.gulf4cars.com/vb/t7161.html


و طبعآ الرحلة تستغرق ثمان ساعات


دبي الى لندن 6 ساعات
لندن الى لاس بالماس ساعتين


بس يستحقون كل ساعه طيران :)


و انا ان شاء الله لا نويت اخطب .. بسير هالمكان ^_^

[ملاك الروووح]

::

الزرعوني

الحييييييين عرفت انا وين شايفه هالفيووووو ..

أخوي ساير نفس الفندق مع ربعه ..

أشكالهم كانوا تحف .. بس نشغل الفيديو ونضحك :hysterical:

بس عيبني المكان وايد ..

أحلى شي التك تك .. سو كيووووووووووت

خاطري أركبه :biggrin:

[ملاك الروووح]

عيبتني الصور اللي حاطنها هناااااااااااااااك

خاصه الأولى .. وصورة الييدار ..


ناااااااااااايس

:fa56:

[المزوحي]

شمعة أمل على طاري أوربا هو يفكر بإيطاليا، بعد ، بس احس ماتنفع لشهر العسل، شو رايج ؟؟

و

[المزوحي]

الزرعوني بوكيت اعرفها وسرت لها مره وتعرفها منطقة بحرية بتكون ...

الاماكن الثانية حلوة ومشكور

[الـيـاه]

سلاام !

عني أنا مول ما اقترح شرق آسيا .. مع اني ماعرف كيف هي بس بما انه شهر عسل خل يوديها مكان صدق حلو وراقي
يعني صح في شرق آسيا ممكن يحصلون اماكن طبيعه وجي حلوه بس كواليتي الشوبينج عندهم كجره ما عدا اليابان ..

واللي يسيرون شهر عسل وايد يتشرون ..

وبعد ما اقترح هالجزر قوم سيشل ومالديف وماعرف وين ..
صح روعه بس لوعة جبد .. بما انه نحن عرب فـ مايستوي نستانس بالبحر والتانينج ونلبس ع كيفنا لول

خل يوديها ( إيطاليا ) اشوفها احسن واحلى وارقى مكان حق هني مون
- مناظر حلوه وأجواء رومانسيه
- شوبينج ولا اروع
- ماشي عرب
- وبشكل عام إيطاليا حلوه حق كبلز


وبس

[المزوحي]

هو غير رايه عن استراليا ويقول ايطاليا وانا اقوله ايطاليا مب شي حق شهر العسل

همم شكلي بقوله الياه تقووول ايطاليا حلوه ..

بس حق 20 يوم مثلا وين الواحد يسير بعد ... بلاد ثانيه ..

[شمعة أمل]

شمعة أمل على طاري أوربا هو يفكر بإيطاليا، بعد ، بس احس ماتنفع لشهر العسل، شو رايج ؟؟

و

منو قاال ايطاليا ماتنفع
بالعكسسسسسسسسسسسس .. ماتعرف انه الايطاليان اكثر ناس رومانسيييين:inlove:

[المزوحي]

هالصورة من منتدى المسافرون العرب

واحد مسافر لجزر المالديف

http://www.bagthatpic.com/images/0034/0Gi63974.jpg

[المزوحي]

نحن ماعلينا من رومانسيتهم .. نحن نقول هل اللي يسيرون لها شهر العسل ينبسطون .. :woot:

السكن
الأكل

وأي مناطق أحسن، وكم يوم يكفي الواحد يتم فيها ؟؟

[الـيـاه]

جوف هو لو يسير milan روحها يبالها وقت تلفها مال اسبوع .. الصيف اللي طاف سرتلها اسبوع وفي مليون مكان
ماسرناه يعني صدق يبالها وقت وكل محل مثلا ً كل ماركه عندها خمسين فرع وكل واحد مال 4 والا 3 طوابق >.<

المهم عقب milan
يسير Venice حق جي أجواء هني مون
مال ثلاث ايام عقب يسير Bologna والا Florence وهالمناطق كلللها عدال بعض .. صدق روعه

واذا كفا عنده وقت يقدر يسير سويسرا عداله ..

[المزوحي]

milan
Venice
Florence

خله يشوف لو يسون له ترتيب من هنيه

[ملاك الروووح]

::

اااااااااخ ايطاليا ..

كانت هي الأوبشن الأول حقي حق شهر العسل

الياه أغرتني .. شكلي برد أفكر فيها سيريسلي :biggrin:

:

المزوحي

واحد من اللي ويانا في الدوام بيعرس عقب كمن يوم ..

وبيروح ماليزيا .. كنت أبي أقوله عن الجزيره وجيه

بس استحيت ما عرفت كيف أفتح وياه السالفه !:biggrin:

جان أسير وأكتب ايميل .. اونه جنه معلومات عن الجزيره وجيه ..

وعقب طرشتها حق الستف كلهم وطرشت له هو أول شي بعد :hysterical:

شوي وأشوفه ياي عندي اونه ملاكوه شو سالفة هالجزيره خبريني عنها ..

قلت له جيه جيه السالفه .. :biggrin: واتحمس الحبيب

يقول انه لازم يسيرها ..

هع هع

عقبال ما نحن نسير شهر العسل بعد صبايا :inlove:

[وحي القلم]

المزوحي

قول له يسأل عن banyan tree في شرق آسيا

http://www.banyantree.com/en/bintan/gallery.html

سامعه ناس يمدحونه :laugh:

[المزوحي]

ملاااك بخليج تسوين لي ترتيب عيل

وحي القلم شو هاالمنتجع، يبالي انا اسير

[وحي القلم]

المزوحي

سامعتنهم يقولون أنه هالمنتجع وايد حلو

شي في كمن مكان (سيشيل - تايلند - المالديف - و البحرين بعد !! -...)

بس أنا مادحيلي اللى في جزيرة بنتان "تابعه لاندونيسيا"

..

[المزوحي]

يعني اللي يسافر ماليزيا، يقدر يسير اندونيسيا للمنتجع هذا

[وحي القلم]

مادري و الله :fa46:

أظني الشركه السياحيه ترتب لك كل شي

.
.

قول له يسأل عن رحلات الكروز بعد

هاك اليوم شفت صورهن في كتيب رحلات الامارات

أحس بيكون حلو لانهم يمرون كمن بلاد

[وحي القلم]

انته اختار البلاد اللى تباها من تحت و بيظهرن لك صور المنتجع اللى فيها

لاني الصراحه أشوف كل الصور حلوات =)

[جنون امرأة]

انا بعد ابى استفيد كنت بنزل موضوع بسسسس استحيت :k_blush-anim-cl:

المهم بقولكم

انا فالبدايه كنت مصررررررره ع ايطاليا :fa41: بس اشوف الكل يمدح ف ماليزيا


عادة نحن عنا المعاريس يروحون سويسرا ف انا قلت بغير و بروح ماليزيا و بشوف شو فيها هالكثر يمدحونهاااااا

[شمعة أمل]

انا عكس الياه=s
مانصح يسيرون ميلان .. واذا سارو مانصح يطولون فيها
لانه ميلان غاليه.. فنادق غاليه .. اكل غالي.. شوبينغ غالي
غير انه ماترومون تسون شي في ميلان غير تتسوقون.. و99% ماركات عالميه.. ف ماحس انه ينفع لـشهر العسل..
اذا صدق يبون يسيرون .. يومين كفايه..لانه يكلففف..

انا اقول
يسير روما وفلورنس .. وعلى حسب الجو يسيرون كومو ولا جنوا
في نظري
روما وفلونس كفايه.. خمس ايام في روما وخمس ايام في فلورنس.. غير انه بيستانسون وايد هناك لانه وايد اشياء يقدرون يسوونها .. واذا مايعرفون انجليزي عدل روما بتكون سهله لانه وايدين هناك يرمسون عربي

[شمعة أمل]

btw
ايطاليا بكبرها رومنسييه
شعبها رومانسي
رمستهم رومنسييه
اكلهم رومانسي

ايطاليا وايد غير عن اي دوله سرتلها .. مادري كيف >_< جي غييييييرررررر .. في البرد وفي الحر حلوه .. جوهم رومانسيي p= دوم مودكم يكون حلووو هناك xD

[المزوحي]

شمعة أمل، هو بمجرد ماقال ايطاليا قلت له غاليه، بغض النظر عن المناطق ...

بس في ناس يحبوون بلدة معينة لو كل سنة يسيرون لها ...

[المزوحي]

على فكرة هو سافر ماليزيا والسبوع الياي بيرجع من هناك، ونشوف الأماكن اللي زارها ..

على العموم، خذنا فكرة عن الاقتراحات لشهر العسل ...

[المزوحي]

سافر ماليزيا منطقة Penang وسكن في فندق Parkroyal Penang Hotel

http://www.penang-hotels.com/parkroyal

وسار العاصمة Kuala lumpur سزكن في فندق Prince Hotel

http://www.kl-hotels.com/princehotelkl

وإذا في إضافي بخبركم

[مايهزك ريح]

المزوحي هالفندق Prince Hotel موقعه استراتيجي .. في كوالالمبور .. كل شي عدالك .. بس ما اعرف كيف من داخل .. ^_^

[المزوحي]

هو نفسه يعني شارع العرب ؟

[مايهزك ريح]

مادري اذا هو ولا لأ .. لأني ما سرت هذاك الصوب .. بس شفت الفندق من برع وانا ساير الأبراج ..
كان جريب وفي النص بين برجايا ولأبراج والبافيليون .. !

[المزوحي]

مرحبا مره ثانيه

سؤال !

أي دولة تصلح لشهر العسل في شهر 12 سواء أوربا أو شرق آسيا ؟؟

[المزوحي]

هلا

في جماعه بيقضون شهر العسل في شهر واحد شو رايكم بإيطاليا واقتراحكم لدولة ثانيه بعد

دولة أوربيه بليز

[مايهزك ريح]

ايطاليا اعتقد بيكون جوها معتدل في الشتاء .. ^_^

خلهم يشوفون اسبانيا !

ونشوف رد الخبراء

[المزوحي]

مايهزك ريح زين لنفرض اسبانيا وشو من الدول بعد ؟

ونتريا رد الخبراء مثل ما قال !

[عفاريتووو]

فرنسا حلوة
سويسرا حلوة
النمسا حلوة
المانيا حلوة

بس في شهر واحد اغلب دول اوروبا بتكون مثلجة
يمكن ايطاليا يكون الجو فيها احسن و جنوب فرنسا ..

[المزوحي]

thank you عفاريتووو

[بنت الدلع]

برتغااااااال 3> & اسبانيا

[المزوحي]

اهلين بنت الدلع، البارحه رمسوا عن الموضوع، وضمن الاقتراح أسبانيا ! Nice

[بنت الدلع]

هولندا ~ بلجيكا
الحين واايد وااااايد بااااارده

[المزوحي]

اذكر مره اخويه قال هولندا مافيها شي الواحد يزورها

[ماوحشتك]

نصيحه دوم اقراها عن الجزر ..........
من خلال تصفحي الدائم في الفتره الاخيره المواقع المختصه للسفر والسياحه ومن خلال طرح الاعضاء المواضيع مفصله لرحلاتهم ..... الى الجزر و الدول الاخرى

انه لا يكثرون فيها اكثر عن 3 او 4 ايام
اذا كانوا ليسو من محبي السباحه و النشاطات البحريه
لانه اغلب النشاطات تكون نشاطات بحريه .. وبيملون فيها خاصه بعد ماتغيب الشمس ؟؟
ما تكون شي فعاليات وبيحسون انه الليل طويل

وانا راي من راي شمعة امل انه اول ايروحون مدينه ( يرتبشون ويطلعون يستانسون يتعودون على بعض اكثر) و من بعدها
ايروحون الجزيره ..... ياخذون فتره راحه .....

والسموحه ......

[تـ ق ــهـويــ ت ـك ولـهـ~]

احم احم

المزوحي قوول لربيعك يرووح ايطالياا وتم هناك شهرين وبعدين يرجع ..خخخخ

اول شي يروح فنيسياا لأنها مدينة الرمنسيه والعشاق

ويتم هناك ثلاث اسابيع..وكل يوم يروح مكان معين ..


بعدين يرووح روماا ويحوطوون فيهاا ..واايد حلووه...
ويتمون هنااك كم يبون وبعدين يردون فينيساا

وبعدين يردوون لبلاد .. ونهايه سعيدة

وألف مبروووك له .. وعقباال العزاابيه .. ..^^

تقبلوو مروري ..

أختكم ..ﺧﻟﮱ معي (http://oasis.bindubai.com/bin/member.php?u=9546)

[المزوحي]

ما وحشتك ،، يعني مب شرط الجزر تنفع لأي حد ..

ﺧﻟﮱ معي فعلا ايطاليا حلوه

[شمعة أمل]

^
Venice has problems, its sinking

[شمعة أمل]

اذكر مره اخويه قال هولندا مافيها شي الواحد يزورها


الواحد لازم يتحمـل يوم يسيـر هولاندا ويختار الاماكن الـ *صح*
لانه هولاندا فيها مكان اسمه red light district .. كل ممنوع مب ممنوع في هالمنطقه.. من مخدرات كحول.. الخ
ولازم تتحمل لانه كلمة كاوفي شوب هناك، مب نفس مفهوم الكوفي شوب عندنا!!!

بس في نفس المكان، اذا الأشخاص رياضيـن، أحسن شي ممكن تسونه في هولندا هو انه تستأجرون سياكل وتلفون على المناطق.


^
كنت مسويه بروجكت على آمستردام، ف عشان جي اعرف كل هذا
فـ in other words هولندا عليها X عوده:tongue:

[المزوحي]

ماليزيا وايدين يسيرون لها شهر العسل، ولو أقولكم إنه وايدين مايحبون شرق آسيا ويفضلون أوربا، حتى لو مسافرين

شهر العسل ... طيب ماليزيا في شهر مــارس كيف جوها ... وبغيت اعرف سنغافوره حدها 5 ايام وإلا يبالها أكثر ؟؟

[عفاريتووو]

ماليزيا طوول السنة جوها نفس الشي .. جوها مب بارد بس مطر
امم سنغافورة مب واييد فيها اشياء 5 ايام تكفيها .. ماليزيا احلى ..

[المزوحي]

عفاريتووو سنغافورا غير جزيرة سنتوزا شو فيها ؟؟

وماليزيا .. شو المميز عندهم، وشو عن جزيرة لنكواي ؟

[عفاريتووو]

سنغافورة احلى شي فيها جزيرة سنتوزا
عندهم حديقة حيوانات ليلية بس ما يبين شي ظلااام و جوهم
و بس ها اللي اذكره
قهم بس ع فكرة سوقهم اغلى عن ماليزيا ..
يعني اذكر في اشياء شفتها في ستغافورة و عقب شفتها في ماليزيا ارخص

يعني سنغاافورة مال جم من يوم مب اكثر

امم ماليزيا
ما سرت جزرها بس جزيرة لنكواي واييد يمدحونها
و جزيرة بينيغبعد يمدحونها فيها حديقة الفراشات و حديقة الفواكه
الاماكن الحلوة فيها
كاميرون طبيعتها حلوة
جيتينيغ
مدينة سيلانغور فيها سن واي لاغون و شلالات تمبلر بارك
التوين تاورز
المدينة الفرنسية
و سوووقهم اهم شي لول خصوصا هالفترة احس سوقهم احسن عن الصيف

ها الاشياء اللي تذتكرتها
من زمان ما سرتلها ان شالله ما اكون خربطتلك بالأسماء

[المزوحي]

انا سرت سنغافوره لكن قبل 15 سنة فما أذكر شي عدل ... اما ماليزيا مزرتها بالمره ...

بس اسمع عن penang و genting أكثر شي يزورونها، ومحد يطري لنكواي واايد ...

[عفاريتووو]

المزوحي شوف هاللموقع
http://www.tourismmalaysia.gov.my/en/destinations

طلع فيها اشياء اكثر من ما كنت متوقعة

[المزوحي]

مشكورة على الموقع

[المزوحي]

المفروض السفر يكون في شهر واحد لكن العرس تأجل لشهر ثلاثه، والحين هم في ماليزيا، بس يقول حر ورطوبه ومنها

انتقل لنكواي، يقول حلوه ومنظر روعه ..

ايطاليا بإذن الله حقي :)

[فرح]

المزوجي..... اشحالك اخوي؟


نت بعدك ما عرست؟

على ادور لك العروس انت بس عزم


بصراحه..... الجزيره اللي تحس انها لك من تجربتي هي المالديف

شي رهيب وحلو وجريب

الجزيره كلها فندق واحد يعني تلفها في اليوم عشر مرات

بعدين الشاطئ كرستالي وشفاف ونظيييييف

والسمج يلعبون حوالينك

والاهم ان هدوووء يعني غصب عنهم ريلاكس

والاهم رحلة الصيد البحرية .... وباخر اليوم ياكلون صيدهم عيش ابيض وسمج مشواي على كيف كيفك

اللي معرسين واالي مو معرسين بعد عليكم بالمالديف

[فرفوش]

هيه المالديف حلوه - بس ما ادري اذا بتختارون ايطاليا الصراحه ندمت اسيرلها - يعني ألي يفكر يروح ايطاليا لازم يستخبر قبل ما يقرر عن ايطاليا - المزوحي لا تنسى تعزمني في عرسك ^_^

[المزوحي]

لا تحاتي بعزمك إن شاء الله

بس بغيت اتخبركم عن ماليزيا واللي يقصدونها الكثير من الخليجين كقضاء شهر العسل ( من دول شرق آسيا ) بعيدا عن اوربا

المناطق اللي فعلا تستحق الزياره عندهم ؟

كوالالمبور تعم بالضجه و لانكاوي جزيره تعم بالهدوء شو الافضل، او يستحسن زيارة المكانين !

شو عن بيننج وجينتنج

وينكم ياخبراء ماليزيا

[حلم الطفوله]

المزوحي حتى أنا اعزمني .... واحجزلنا طاولة كامله بعرس الحريم وقولهم خواتي بنات الواحات بيحضرن :) الله يتمملك على خير ونفرح فيك جريب إن شاء الله


حتى أنا أبغي أعرف أكثر عن ماليزيا ..... من عقب ضرابة تايلند وكيمرات اوروبا .... ماليزيا بالصيف بيتك :)

[المزوحي]

افا حلم الطفوله كلكم معزومين من شباب وبنات ، بس يوم الله بيريد !

نحن بننتظر تجارب الغير لسفرة ماليزيا، أو حتى لو حد عندهم زايرنها