.:. وينك يا وزير التربية عن هذا المتوحش.:. [الأرشيف]

مشاهدة النسخة كاملة : .:. وينك يا وزير التربية عن هذا المتوحش.:.

خطايــا

10-12-07 ||, 09:52 AM

السلام عليكم ورحمة الله وبركاته

خلوني اراويكم هــ الفيديو يعكس الواقع اللي احنا فيه ..

شوفوووه وردوووو كملي قراية الموضووع

..

بنقل لكم الموضوع بكامله من المصدر ماله ..

[ منتدى الامارات للاوراق المالية ]

الموضوع بعنوان [ مكــــافأة الزيـــــــادة ]

بسم الله الرحمن الرحيم

شاهـــــد هذا المــــقطع من الفيديو الذي تم تـــــصويره في إحدى مدارس رأس الخيمة التعليمية بعــد الزيــــــادة وعلــــق!!

رابـــــــط تحمــيل الفيديــو ..

http://uaesm.maktoob.com/up/uploads/40073942ac.3gp (http://uaesm.maktoob.com/up/uploads/40073942ac.3gp)

بعد ما شفتو الفيديووو

ممكن حد يقووول ليش هالشي يالس يصييير؟؟؟

ويخبرني اذا الوزارة تدري باللي يصير ولا ؟؟

حد فيكم يتخيل عمره مكان هــ الاستاذ [ معلم كان ولا معلمة ] ؟؟

وطلب أخير من الكل ..

أتـــمنى ..

أنه ما نكون مثل هــ الأستاذ مهما دارت بنا الدنيا و عذبتنا وشفنا منها الوييل..

ما نصييير مثل هــ الريال اللي شفتوه بالفيديو ..

و أخيراً ..

فــ بالي انوصل هالفيديو للوزارة عن طريق موقعهم الخاص ..

شو الراي ؟؟

مايهزك ريح

10-12-07 ||, 10:59 AM

لا حول ولا قوة إلا بالله .. كسره من الضرب .. ما يسوى عليه الفقير ..
توني يالس اقرا عن هالسالفه في الجريده ..

الا انا

10-12-07 ||, 11:29 AM

والله اني قلبي دق دق ...

شوها
..

حرااام ....

اقشعر جسمي والله ,,,,

.......،...

شو هذه ... "
افف ... سالفه تضيق الخلق والله ..

ذنـيـنـي

10-12-07 ||, 12:38 PM

عنبووووووووه من مدرس
ادري انه عيالنا شياطين و شوي الي ياهم منه

بس بعد ماله حق يضرب الولد بهذه الطريقة،، في شي اسمه ادارة ممكن انها تعاقب الطالب بطرق اخرى او تعطيه تنبيه خطي يوقع عليه بأنه ما يكرر الخطأ مره ثانية

ولا التصرف بهذه الطريقة الهمجية غير مقبول ابدا و اتمنى ان تتخذ الوزاره اش العقوبات في حق المدرس و الطالب "لو كان غلط غلطة كبيرة" لأنه طلابنا وصلت فيهم قلة الادب في المدارس لمواصيل خطيرة جدا

خطايــا

10-12-07 ||, 02:11 PM

نقلا من جريدة البيان :

كشفت كاميرا الهاتف المتحرك واقعة مستفزة لضرب تلميذ في إحدى مدارس رأس الخيمة للبنين، حاولت إدارة المدرسة التستر عليها وعدم محاسبة المعلم صاحب الفعل الخاطئ ، إلا أن قيام الطلبة المتواجدين في الفصل بتصوير المعلم أثناء انهماكه في ضرب التلميذ حال دون ملاحظته لعملية التصوير وكشف أمره.

وفي متابعة لصحيفة (البيان) لرسالة البلوتوث التي وصلت إليها بعد أن تناقلها طلبة المدرسة بين بعضهم وتسربت إلى خارج أسوارها، تبين أن الحادثة وقعت لطالبين في الصف الثامن بإحدى مدارس الحلقة الثانية منذ شهر ونصف تقريباً، وتم الكشف عن المعتدي وهو أحد معلمي الرياضيات في المدرسة.

وبسؤال مدير المدرسة المعنية عن سبب عدم تصعيد المسألة، بين أن المدرسة لم تصلها أي شكوى من قبل الطلبة أو أولياء أمورهم، إلا أن انتشار الحادثة عبر البلوتوث ما بين الطلبة والمعلمين دفع الإدارة إلى التحقيق في الواقعة، وجلب الطلبة والمعلم وسؤالهم عن الأمر بهدف معرفة الحقيقة والتصرف على أساس من اللائحة السلوكية في المدرسة، ومن ثم تصعيد الأمر في حالة ثبوته إلى المنطقة التعليمية.

وقال أحد الطلبة الذين تم الاعتداء عليهم بالضرب من قبل المعلم، إن المعلم قام أكثر من مرة بالتعرض لهم بالضرب لأكثر من سبب وموقف، ولكن كرامته وخجله حالا دون التصريح بهذه الأفعال لإدارة المدرسة وعائلته، خاصة وأنه جرب الشكوى أكثر من مرة ولم يغير المعلم تصرفه.

وأضاف أن سبب الحادثة يعود إلى أن المعلم سمع مجموعة من الأصوات داخل الفصل، ما دفعه إلى التقاط أحد الطلبة وضربه دونما حتى سؤاله إن كان هو مصدر الصوت، ولم يكتف بذلك بل باشر ثورة غضبه بسبب استمرار إصدار الصوت وقام بضربي بقوة وفي أكثر من مكان في جسمي وأخرجني خارج الفصل واستمر بشتمي حتى بعد خروجي من الفصل.

وقال عبد الله حماد الشحي مدير منطقة رأس الخيمة التعليمية بالتكليف، إنه ذهل عند مشاهدته الحادثة المؤلمة خاصة وأن هذا الفعل الخاطئ قد حصل لأكثر من طالب، لذلك سارعت المنطقة التعليمية برأس الخيمة إلى فتح تحقيق عاجل في الأمر بالمدرسة المعنية، للتأكد من الواقعة والتعامل بحسم كامل معها للحيلولة دون تكرار هذا الفعل الخارج عن إطار مرجعية معلمي ومعلمات إمارة رأس الخيمة،

ولكي يكون هذا المعلم عبرة لغيره من المعلمين الذين يسمحون لانفعالاتهم أن تغطي على كل إنجازاتهم في المدارس. وأكد مدير منطقة رأس الخيمة أنه لا مبرر للمعلم مطلقا للتصرف على هذا الأساس الوحشي، مهما كان الفعل أو الموقف الذي تعرض أو شاهده من التلميذين في الفصل، فيبقى المعلم هو المعلم الذي يجب أن يتسع صدره للتلاميذ مهما كانت تصرفاتهم،

وعند الخطأ هناك العديد من اللوائح والتصرفات المنطقية والمدروسة التي طرحتها الوزارة للمدارس والمعلمين لاتباعها بدل الضرب في التعامل مع التلاميذ . ويشير طيب محمد الصياح موجه الخدمة الاجتماعية في منطقة رأس الخيمة التعليمية، إلى التداعيات السلبية لهذا الموقف على الطلبة من الناحية الدراسية والنفسية

سواءً الذين تعرضوا للضرب أو شاهدوا الواقعة، فستتأثر علاقتهم بالمعلم والمادة بطريقة لا تؤدي لأي نوع من الفائدة للتلميذ والعملية التعليمية ككل، لذلك على المعلمين أن يدركوا أنهم تربويون في المقام الأول، قبل التصرف بأي طريقة سلبية ستنعكس نتائجها على كل من الطالب والمعلم والعملية التعليمية ككل في المستقبل.

رأس الخيمة ـ رباب جبارة

مزايا

10-12-07 ||, 02:21 PM

سيـاسه التعليم ووزاره التربيه والتعليم وصلت لـ أسفل الحضيـض
والقــادم أشد ..

محد يستاهل

10-12-07 ||, 03:50 PM

حسبي الله عليهم من مدرسين للأسف الوزارة غافــلة عن الشي والدليل انهم كاتبين فالجريدة عن هالواقع
بأن البلوتوث يكشف هالشي
وللأسف وايد اشياء اتصير ومحد يدري عنها وخاصــة في إمارة رأس الخيمــة

الله المستعان !!

بحر الموده

10-12-07 ||, 03:51 PM

وعليكم السلام ورحمة الله وبركاته

الله يرحم ايام يوم كنا ندرس كان المدرس اذا يمد ايده على واحد يروح فيها

احين اشوف بالعكس اذا الطالب انضرب او ضرب المدرس يردون اللوم عليه اكبر مصخره والله هالمدرس دواه خيزرانه محنايه على ظهره بيعرف كيف عقب ...وان شاء الله الوزاره تشوف الفيديو والسموحه

الزرعوني

10-12-07 ||, 04:08 PM

اتصلوا فيه البث المباشر من اذاعة الشارقة و طاح فيه المذيع

الاستاذ كان يتحجج بان الطالب وايد مشاغب و يطلع اصوات و ينرفز .. و ان ابو الطالب ما يسال عن ولده ..

انزين افضل حل .. اطردوه فتره و خلاص !!! مب ضرب عاد

وحي القلم

10-12-07 ||, 06:19 PM

سيـاسه التعليم ووزاره التربيه والتعليم وصلت لـ أسفل الحضيـض
والقــادم أشد ..

هذا هو حال وزارة التربية اللى كل ما ياها تختس زياده :3:

حلم الطفوله

10-12-07 ||, 06:24 PM

لا حول ولا قوة إلا بالله !

حزن ! كسر ضلوعه وما خلا فيه عرج صاحي ...

بس ما حيدهم الأولاد يسكتون ! شكلهم امسوين فيه برنامج ( حيلهم بينهم )

خطايــا

10-12-07 ||, 08:09 PM

الولد يقوول مب اول مره يسوي فيهم جي !_! حسبي الله عليه هذا مستحيل يكوون مسلم !!! هذا ضرب واحد يهودي .. احيد اليهوود بس جي :@

يعل اييده الشلل ..

وحده كتبت رساله طويله عريضه وطرشتها عبر موقع الوزاره وطبعا حطت موقع الفيديو في الرساله !! وتقول انهم ردوا عليها يسالوون هذي اي مدرسه !

شاكره لتواجدكم اخواني وخواتي ..

ألم ترى

10-12-07 ||, 08:20 PM

بسم الله الرحمن الرحيم ..

شيء طبيعي وكان هالشيء حاصل لنا ف ايامنا ! ..

احيد مدرس ضربني ضرب وخلاني اصيح ..

كل المدرسه مستغربه كيف معاذ صيحوه ؟ ..

واحيد مدرس العربي واللي كنت احترمه كان يقولي دامك تصيح ف اكيد انت صادق لئنك مستحيل تصيح ! ..

والبلاوي اللي تحصل اللحين اشد وامر من الضرب ..

يا جماعه ترى الاداره صايره مجاعه ! ..

وربي انها مجاعه ويصير تلاعب من تحت لـ تحت ..

اقولها يعني ومن الأخير .. في من المدرسين ومن الاداره يلاحقون هالشباب المتزينين داخل وخارج المدرسه ..

كلامي مش تأليف هالكلام واصل لي من كذا طالب وهم من نفس منطقتنا ! ..

الله المستعان ..

أنامل قلب

10-12-07 ||, 08:32 PM

انزين لحظة خلوني أستوعب ..
الحين هالفيديو صدق صدق استوا عدنا بالواقع .. !

نو واي أحس مادري مب مستوعبه والله ..
أصلا ماقدرت اشوف المقطع عدل احس جي انا اللي قاعده انطق وتجيسني قشعريرة ..
كيف يطلقون على إنسان بهذي الصورة لقب المعلم .. !

التعليم مهنة ما يوصلها أيا كان ..
ومش كلمن نادوه بالمعلم يكون قد المكان ..

اهني ..
ماشفت غير همجية تهز القلب ..
ومادري والله شو أقول غير الله يستر ويعينا بفضله ..
بعدني احاول القط افكاري من اللي شفته .. ؟!؟!؟!

.... !

جسمي عورني .. .

..

أنامل قلب

10-12-07 ||, 08:37 PM

انا مصدومه من اللي اقراه بالردود .. !!

.... !!

عهد الوداع

10-12-07 ||, 09:06 PM

وين عايشين نحن ؟؟!!

راعي الزعـامه

10-12-07 ||, 09:18 PM

ياما انضربنا ضرب في المدارس وعلى يد مدرسين مواطنين بعد واستوت جدامنا احداث اشد عن جيه ،،

احيانا بسبب الطلاب وقلة ادبهم الزايده عن حدها ،، واحيانا المدرس يبالغ ،،

أنامل قلب

10-12-07 ||, 09:55 PM

^^

شكلكم انتو الجنس الذكري شايفين من الويل ليمن شبعتوا ..
بس نحن البنات ماكد لقينا شي مثل هذا .. >_<
ماعرف كيف أوصف .. بس هذي وحشية .. !

وبعدين قلة الأدب زايدة ولا ناقصة ماهو بعذر ولا بسبب إن يتخذ أحد مستعرين لفظ الـ ( معلم ) رد فعل بهذا الشكل ..
هؤلاء محاسبين على كل كلمة تنقال منهم .. خاصة المعلمين ..
فمابالكم لما يبدر من أحدهم تمادي بالفعل مثل اللي شفناه اهني ..

عيل مانلوم الطلبة اذا تهجمو على واحد من هالاساتذة .. ولو حتى بالكلام ..
يعني اذا قدوتهم ومرشدهم يتبع هالسياسة وهالاسلوب المبتذل .. أكيد ابناءه الطلبة ما بيقصرون فيه .. !

كما ان النفسية تتأثر .. أصلا فشلة .. :mad:

...

راسي عورني : ( ..

راعي الزعـامه

10-12-07 ||, 10:15 PM

انا وياج ،، بعض المدرسين اللي عاصرناهم من يفتح الباب ،، لاسلام و لاكلام ومعروف بعصاته الطويله يدخل الصف فيها ويجلد اي واحد يشوفه جدامه بس جيه بدون سبب ،،
ولهذا السبب بعض الطلبه قاموا يقلون ادبهم عليه ،، ويسوون اشياء استغفر الله ماتنذكر ،،

واذكر يوم نتأخر عن المدرسه ايينا وكيل المدرسه نفسه بعصاته ،، ويضربنا كل واحد 5 ضربات فعز البرد وايدينا متجمده من البرد ،، وفوق هذا نركض حول المدرسه ونحن شالين كتبنا على ظهورنا ،،،
يعني تقدرين اتقولين ان نحن عشنا حياة العسكرية تقريبا P: ،،

واظن عقبها اصدروا قانون بمنع الضرب ،،لانه في السابق كان عادي ،،

مزايا

10-12-07 ||, 10:30 PM

اتوقع هالمدرس صار الحين ف عداد الاموات دام اللي ضاربنه من راس الخيمه
الخيماوين شياطين وأهل الطالب ماظن يسكتون عن المهزله اللي صارت

أنامل قلب

10-12-07 ||, 10:36 PM

^^

أخوي راعي الزعامه ..

:boxed: .. !

:

الحمدلله ثم الحمدلله فالحمدلله إن ربي خلقني أنثى :rock: .. !!

...

عيماني وكلي فخر

11-12-07 ||, 05:33 PM

نحن يوم كنا في المدرسة ياما أنضربنا جي وأكثر عن جي
ومثل ماقال أخوي راعي الزعامة السبب يكون فيه
الطــلاب .. وأحياناً المدرس يبالـغ

لكن أحينه مسوينها سالفة من هالفيديـوو
ولا وايد سوالف استوت قبل وأخس عن جي

وماخفيـة أعظــم !

طير الحب

11-12-07 ||, 09:23 PM

وايد تضايقت...مقهورة...خاطري ازقده...حد يسوي بعيالي جي واسكت

تحفه

11-12-07 ||, 11:14 PM

انا الي اعرفه ان مدارس الامارات الشماليه اقوى بوايد من مدارسنا بس انصدمت من الاستاذ هذا
يمكن الاولاد مطفرينه! بس طبعا ماتوصل لهالدرجه
هالاستاذ مب صاحي

واكبر دليل النسب الي اييبونها في الثانويه والانجازات الي يسوونها ( طبعا اتكلم عن الي ينتقلون دبي وبوظبي)
لان كلنا نعرف ان اهل الامارات الشماليه هم الي كانو مثقفين ومعظم اهل الامارات الاولين المثقفين منهم ^,^

صدق صدق صدق

عمري ماشفت ناس بطيبتهم وبذكائهم !

وتواضعهم وايد يعيبني.

اتكلم عن المتحضرين طبعا مب الغجر.

والغجر في كل مكان

تحفه

11-12-07 ||, 11:17 PM

لابعد حاطين اغنيه تكسر القلب .. راويت اختي بغت تصيح لول

تحفه

11-12-07 ||, 11:20 PM

تحفه

11-12-07 ||, 11:35 PM

تدرون احس المسؤوليه اكبر من مجرد لقب

انا ماتكلم عن الموضوع مادري كيف انتخبو د. حنيف

يوم كان رئيس جامعتنا ماكنا نشوفه! ويوم نشوفه يكون زاير كبير معاه تلفزيون وحشره.

احس لو سليمان الجاسم سووه مدير وزارة التربيه ابرك ابوايد

وايد طيب دايما فالجامعه يسال البنات ويتكلم وياهم

ومتواضع يعني عمري ماشفت مدير ياكل فالكفتريا

ايام حنيف كان الاكل يطرش له!
وعلشان تشوفونه تحددون قبل بشهر! جيه شوه؟ حتى الشيخ محمد الي غير دبي ويتابع كلشي بنفسه مب جيه!

خطايــا

11-12-07 ||, 11:52 PM

^
صح والله احيد يوم كان ايي زحمه وناس وعالم وتصوير !! مب جنه مدير الجامعه -_-

بس الكل يمدح سليمان الجاسم !

راعي الزعـامه

12-12-07 ||, 12:46 AM

انته كم عمرك؟ خمسين ؟

احس هالسوالف الحين ماتصير.

بس يوم نسمع سوالف قوم بابا فالمدرسه يقولنا كان زمن اول عادي المدرس يكسر الدرج على ظهر الاولاد

انتي اتحسين بس الواقع شي ثاني :shutup:

وحي القلم

12-12-07 ||, 01:20 AM

أحس السالفه فيها إن :a116:

اللعبه اللى مستويه في الوزاره و سالفة المدرسين اللى امزورين الشهادات

و الحينه هالفيديو عن الاستاذ العربي اللى يضرب الولد ...!!

هذا من غير الاجانب اللى يستوردونهم بشكل مب طبيعي فوزارة التربيه :m_afaker:

شقايل هذا كله يستوي في نفس الوقت :pullhair:

ملاك الروووح

12-12-07 ||, 08:59 AM

::

ياااااااااااااااااااااااا ااااااااااااااااربييييييي ييييييييييييييييييييييييي

والله ما أقدرررررررررررررررر

غمضني الولللللللللللللد وايد !!

والله قاعده أصيح ..

من القهر اللي فيني ..

للحال اللي وصلنا له !!

مهما يكوون .. ومهما قال وسوا الولد .. ما يحق له يمد ايده عليه أصلاَ!

حتى لو تمادى ..

يقدر يتفاهم وياه .. ويكلمه بالعقل والمنطق .. وبأسلوب ..

نحن ف مؤسسه تعليميه .. تربويه .. مش ف حديقة حيوانات !

عشان هالحقير ( واسمحوا لي على هالكلمه واللي أحسها شوي عليه ) يسوي اللي يسويه !!

نحن وين عايشين !!

عيالنا مودرينهم ف ايد هالأشكال ..!

اللي ما عندهم ضمير ..!

هذا يسمونه مدرس ..! مربي أجيال ..!

والله انا للحين مصدومه من اللي شفته

ومادري شو يالسه أقول .. وبشو أعلق عالموضوع !!

أنا شكلي ما بودي عيالي المدرسه أصلا ..وبيلس في البيت أعلمهم وأدرسهم أحسن لي ..!

لأنه سياسة الوزارة عقيمه ..! ومتخلفه ..!

مادري وين بيوصلون عقب كمن سنه !!

عيل هذه Tree وهذا Boy !!

شو هالمصخرررررررررررره !!

حتى لغتنا العربيه بدوا يتعبثون بها !!

و د.حنيف حسن مع احترامي الشديد له .. مستانس عاللي قاعد يستوي !!

ليش ما يحطون حد حق هالمهازل ..!

أنا أعرف أبلوات تربيه اسلاميه ولغه عربيه .. فنشووووووووهم !!

أو بمعنى أصح خلوهم يستقيلون ..! بما ان التفنيش ممنوع عندنا !

ومديرة مدرسه .. ( لأنه عندها واسطه ) ردوها مدرسه !!

الله يستر علينا بس .. وعلى عيالنا ..

الموضوع مستحيل ينسكت عليه .. وأنا بنفسي شخصياً بوصل الموضوع هذا للوزاره ..

ملاك الروووح

12-12-07 ||, 05:54 PM

::

نقلاً عن البيان اليوم ..

استنفرت حادثة ضرب الطلبة في إحدى مدارس رأس الخيمة آراء الميدان التربوي، الذي اختلفت ردوده التي عبر عنها لصحيفة «البيان» في متابعتها لتطورات الواقعة على الميدان التربوي في رأس الخيمة، واتفقت هذه الردود في مجملها على التنديد بالعنف، مع المطالبة بالكشف عن أسبابه عبر دراسة الظاهرة المتواجدة فعليا في الميدان.

وإدخال أساليب العلاج السليمة لها عن طريق تفعيل وزيادة أعداد الاختصاصيين النفسيين في المدارس، منح دور أكبر لمجالس الآباء، إعادة تشكيل لائحة سلوك تنظم أساليب الردع في المدارس بما يتناسب مع واقع المجتمع، وتأهيل المعلمين بدورات خاصة في التعامل مع الطلبة بالمدارس.

وقالت فاطمة الشيبة رئيسة مجلس أمهات منطقة رأس الخيمة التعليمية، إن مشكلة العنف في المدارس ليست بسبب عدم تواجد قوانين لها.

حيث تنتشر هذه القوانين في كل المدارس، لكن المشكلة في عدم تطبيق هذه القوانين، وسط حاجة ملحة لتفعيلها في ظل واقعنا العالمي الذي ينادي بنبذ العنف، فكيف يمكن أن نتبنى هذه المقولة والمدارس تتعامل على عكسها، وهذا ما أظهره الواقع الذي عرض لنا العديد من السلوكيات السلبية المستترة في معظم مدارس الدولة.

الأمر الذي يجبِر أولياء الأمور على التدخل السريع عن طريق تفعيل أدوارهم داخل المدارس، لضمان تحقيق علاقة تكاملية وعلاجية لمثل هذه الظواهر الهدامة.

دراسة الظاهرة

ويشير محمد غنيم مدير مدرسة سابق في رأس الخيمة الى أن انتشار ظاهرة عنف المعلمين في مدارس الدولة له مبرراته، التي يجب أن يتم دراستها بطريقة تفصيلية من قبل كافة أطراف الميدان التربوي والتعليمي، ومن ثم إيجاد الحلول المناسبة لها بما بتناسب مع واقع المجتمع والجيل الجديد.

وكما يرى ونادى مسبقاً يجب على المعلمين الجدد خاصة المنتقين لتدريس الطلبة المراهقين، أخذ مجموعة من الدورات الخاصة بتأهيلهم بفن التعامل مع الطلبة في المدارس بكافة حالاتهم ومستوياتهم التربوية والنفسية .

وتتفق مريم الشحي رئيسة جمعية كشافة رأس الخيمة مع غنيم في طرحه، وتؤكد أن جيل اليوم هو جيل مختلف كثيراً عن الأجيال السابقة، ما يحوجنا إلى إعادة النظر في أساليب الردع والتي يجب أن لا يتم حذف الضرب غير الموجع فيها بصورة نهائية، لأن الضرب هو أحد الأساليب التي يمكن الاستعانة فيها استثنائياً،عند ممارسة بعض السلوكيات التي وللأسف يواجهها المعلم بصورة دائمة داخل المدارس من قبل الطلبة خاصة السلوكيات التي تمس الأخلاقيات.

وهنا يأتي دور وزارة التربية والتعليم التي يجب أن تعيش الواقع الميداني بصورة أكبر، فدراسة الواقع ستكشف لها العديد من الحقائق كأن المعلمين المتواجدين في بعض المدارس، هم من كبار السن ذوي النظرة القديمة والتقليدية للتعليم والردع في المدارس ما يوجب تأهيلهم ومراقبتهم.

تبني القضية

ويذكر مهند البطران رئيس مجلس طلبة رأس الخيمة، أن واقعة ضرب التلميذين، يجب أن تنبه الميدان إلى أنها ليست القضية الاستثنائية فيه، لكنها إحدى الوقائع التي تم الكشف عنها، في صف طويل من الوقائع التي تحدث يومياً من قبل المعلمين للطلبة في المدارس، وهذا ما يعرفه بحكم كونه طالبا في مدارس الدولة.

ويستمع بل ويشاهد يوميا العديد من هذه الظواهر التي لا تجد رادعاً لها في الميدان، الأمر الذي دفعه وزملائه في مجلس طلبة رأس الخيمة لتبني قضية العنف في المدارس خاصة من ناحية المعلمين، عبر تنظيم عدد من الدورات والمحاضرات للمعلمين والطلبة وإدارات المدارس، إضافة إلى الإعلام بهذا الأمر عن طريق وسائل الإعلام المختلفة، عارضين النواحي السلبية للظاهرة على مستوى الطالب والمعلم والمجتمع ككل.

تشديد وتطوير

وأكد عبد الله علي مصبح المدير التنفيذي لوزارة التربية والتعليم، أن هناك تعليمات مشددة من معالي وزير التربية والتعليم في الدولة بمعاقبة المعلمين المخالفين للقوانين واللوائح التي تضبط عملية العنف في المدارس، وهذه العقوبات ستطال إدارات المدارس التي تسمح أو تغفل عن مثل هذه السلوكيات .

وبين المدير التنفيذي لوزارة التربية والتعليم أن الوزارة تقوم حاليا بدراسة لإعادة تفعيل وإعطاء دور أكبر لمجالس الآباء على مستوى الدولة في قرارات العملية التعليمية، لما لدورهم من كبير الأثر في تعديل مجريات العمل والوصول إلى أفضل النتائج في الميدان كونهم طرفا وشريكا في العملية التعليمية.

وعن اللائحة السلوكية وأهمية تغييرها بما يتناسب مع مقتضيات الميدان والجيل الجديد، أشار مصبح أن اللائحة قيد الدراسة والتعديل بما يتناسب حاجة الميدان، كما أن وزارة التربية والتعليم تدعم كافة توجهات وأراء الميدان بشأن قيام مؤتمرات ودراسات تظهر الواقع كدراسة العنف في المدارس.

::

شرجاوي

13-12-07 ||, 05:17 PM

هذا الضرب ولا شي بالنسبه لنا .. كنا ناكل ضرب اخس عن ها .. الحين كم ضربه و قالوا آي

الله يعين المدرس .. شكله بيقلصونه من اول راس الخيمه لين شعم ههههههههههههههههه

ملاك الروووح

13-12-07 ||, 05:46 PM

::

أنا بعد ريل اختي يوم شاف الفيديو ..

قالي ملاك هذا ولا شي بالنسبه حق الضرب اللي نحن انضربناه ..

المدرسين كل واحد منهم عنده قب .. ويكسر ظهرنا فيه ..

كنا نرد البيت .. ما نروم نمشي عدل .. من كثر الضرب اللي انضربناه ..

والوالد كان موصي المدرسين بعد وقايل لهم .. كسروه :biggrin: عادي عندي ..!

قال هذا ولا شي ..

قلت له المشكله انه على أيامكم الضرب كان عادي

بس الحين هو ممنوع ..

ويمكن لأنه الفيديو طلع .. وشافوه الناس ..

والراي العام وايد يأثر أكيد .. عشان جيه صعدوا الموضوع ..

والموضوع كبر .. وترى المدرس اتفش أصلاً ..

وهذا أقل شي يسوونه ..

::

خطايــا

13-12-07 ||, 06:59 PM

^

يستاهل الكلب :@

ولد الشحوح

13-12-07 ||, 10:33 PM

كل زمان وظروفه وكل جيل وله طريقته وهالجيل ما يصلح وياه الضرب وثاني شي صح ان هالشي برع الموضوع بس المدرسين الوافدين ما يستاهلون الزيادة معاشهم يكفيهم وزيادة ولاحظوا انه اقوى معاش بالنسبة لدول الخليج وحد منهم شاكر القليل والله على ايامنا كان النظام اليديد مال الثانوية يعني درجاتنا تحت تصرفهم سفلوا فينا تسفيل ذلونا قسم بالله قهر والله قهر في مدرسين تحطهم ع راسك بس للأسف نادرين ....
وزارة التربية من إلى الحضيض ... من فشل الى فشل

خيال الحب

15-12-07 ||, 05:16 AM

انزين هالمدرس صوروه والمدرسين الباقين!!

شكلهم بيتادبون بعد هالسالفه,,

دواه يستاهل

صح اني مانضربت بالمدرسه ..

بس كنت اشوف الاساتذه يوم يضربون الطلاب .. كرهو الناس بالدراسه بهالاسلوب الخايس

كل شي له حدود .. والضرب له حدود بس مب لهالدرجه

اهله مطرشينه يدرس وهالاستاذ كسرله ايده وحليله

حسبي الله ونعم الوكيل

ولد الشحوح

15-12-07 ||, 08:59 AM

صح اني مانضربت بالمدرسه ..

هخهخه شكلك كنتشاطر زلمة ومؤدب:k_devil2:

الثعلب الرمادي

16-12-07 ||, 03:00 AM

مشكلة الطلاب انهم كانوا يطلعون صوت في الحصة و هالشي غلط، و هذا الشي يتكرر للأسف في معظم المدارس في الدولة و للأسف ما شي آليات معينة حتى تعالج فيها الإدارة هذا التصرف بدون لجوء المدرس للضرب او الشتم و شي اكيد ان الطلاب كانوا غلطانين و لا كانوا اشتكوا من البداية لو كان الحق معاهم.

اعتقد ان الغلط هو غلط الكثير من الاهالي في انهم يزرعون صورة معينة عن الوافد مثلا المدرس مصري و ماله اعتبار و ما يقدر يسوي اي شي بس لو كان المدرس مواطن ما كانوا بيسوون هالشي و تصرف المدرس اكيد غلط و حتى لو كان تصرفه سليم لازم يتحاسب عليه و يكون عبرة لباقي المدرسين.

الضرب مثل ما نعرف خطير و ممكن جدا يسبب عاهات مستديمة او تراكمات نفسية خاصة عند الأطفال اللي في الابتدائية او الاعداية.

عمة العيم

16-12-07 ||, 12:07 PM

الفديو مب شغال

!!!!

مايهزك ريح

16-12-07 ||, 12:18 PM

كل شي الإمارات الحمدلله متوفجه فيه إلا التعليم .. احس انه اخس شي عندنا مادري ليش @_@

خطايــا

16-12-07 ||, 01:10 PM

^

صح وخصوصا من عقب قرار مدارس الغد !! التعليم محد دارى عنه !!

دمعة شوق

23-12-07 ||, 09:28 PM

الله ياخذه
يعـل ايده الكســر ياربي
؛

غلا الوالد

24-12-07 ||, 11:15 AM

لو انا من مدير المنطقة التعليمية كنت بطرد المدرس وبسويله حرمان من البلاد خله ينقطع رزقه مب يالس يضرب عيال المواطنين هذا الوافد عديم الاحساس خله يروح بلاده ويضرب عيال شعبه مب يطلع حرته في عيالنا...

طير الحب

08-01-08 ||, 10:28 AM

وزارة التربية والتعليم من سيء لأسوء

دمعة شوق

08-01-08 ||, 09:24 PM

كـان يضـربـون قـبـل أخـس عـن جـي