*_* لـــو ميـــنــــ CR8 ــــــــــــــــا *_*

[مايهزك ريح]

:6:

انا بتخبل .. اباها ما يخصني .. خلاص ببدل الموتر .. >> بيذبحوني اللي في البيت خخخخ :whistling:


CSV من CR8
أكثر من مجرّد رمز.
السيارات الخاصة من شڤروليه CSV هي سيارات الأداء المتقن الناتج عن الهندسة المتقنة. صممها أشخاص شغوفون بالسيارات الرياضية لأشخاص تنبض قلوبهم بعشق القيادة. وهي تستلهم إنجازات شڤروليه العالمية في عالم السيارات الرياضية، من كأس NASCAR NEXTEL إلى بطولة FIA العالمية للسيارات، ومن سباق لو مان Series GT1 إلى سباقات V8 Supercar Series الأسترالية. هذه الخبرة المصقولة في ميادين السباق تتجلى في مجموعة من سيارات شڤروليه الخاصة CSV بدءاً من CR8، أداة التشويق لكل متحيز للأداء المتفوق. محركها LS2 V8 6.0 ليتر 400 حصان ينطلق من صفر إلى 100 كلم/س في 4.9 ثوان، وينتقل من سرعة 100 كلم/س إلى التوقف على مدى 36 متر، فيمنح السائق المتحمس مستويات لا سابق لها من الأداء والتحكم والفرملة. أي وباختصار، تجربة قيادة هي غاية في الراحة والاستمتاع.



http://a248.g.akamai.net/f/248/325/2h/www.chevroletarabia.com/content_data/LAAM/ME/en/GBPME/001/images/1G_800x600_1.jpg

http://a248.g.akamai.net/f/248/325/2h/www.chevroletarabia.com/content_data/LAAM/ME/en/GBPME/001/images/1G_800x600_2.jpg

http://www.chevroletarabia.com/content_data/LAAM/ME/en/GBPME/001/images/1G_gallery_big5.jpg

http://www.chevroletarabia.com/content_data/LAAM/ME/en/GBPME/001/images/1G_features4_big.jpg

http://www.chevroletarabia.com/content_data/LAAM/ME/en/GBPME/001/images/1G_features3_big.jpg



والسموحة منكم .. :k_blush-anim-cl:

[عيماني وكلي فخر]

أووووووب
والله أنهــاا طــرر
أمسات شفت إعلان عنها في الجريدة


محركها LS2 V8 6.0 ليتر 400 حصان ينطلق من صفر إلى 100 كلم/س في 4.9 ثوان،


:14:

[مايهزك ريح]

مشكور عيماني على الرد ..
انا بعد اول ما شفت الإعلان ..قلت خلني ادور معلومات عنها..

[شرجاوي]

فالوكاله يقولون 411 حصان .. و شفت مشيها ( جير عادي ) .. ماشاءالله فيها هبه

بيع الكوبيه و خذلك هاي

[مايهزك ريح]

شرجاوي ..
يوم بييب موتري من الوكاله بسير اسأل عنها .. لأنه ما فيه ادق الوكاله مرتين ..
توني يالس اقول حق اخويه عنها ..
قالي شو مقصوص سرك على اللومينا كل ما تنزل وحده قلت ببيع اللي عندي وباخذ غيرها خخخخخخخ



بس فيه شي مب عايبني الألوان .. ما شي لون عدل غير الأسود >> ما احب الأحمر والبرتغالي

[راعي الزعـامه]

هاللومينا شفتها في الوكاله قبل شهر تقريبا ،،

مواصفاتها من داخل مافي فرق عن اللومينا العادي ،، اما بس من الخارج الشبك والكت الامامي والخلفي والاصطاب اللي ورا غير بالكامل وبعد الفتحات اللي على ينب والرنجات ،،

المكينه 6.0 و 411 حصان مثل ماقالت الوكاله ،، ومتوفر بس جير عادي

[مايهزك ريح]

بس على السايت الأسترالي شي جير عادي واتوماتيك 6 جير .. اعتقد اذا تبا اتوماتيك تطلب !!!
بسألهم يوم بسير لأنه انا بعد ما ابغي موتر جير عادي محد ايسوقه غيري في البيت ..
ساعات الأهل يستخدمون موتري >> عاد الرضيعه تشقق يوم تاخذه خخخخخ

[راعي الزعـامه]

يمكن يستوي تطلب
ونسبت اقول ان السيتات من داخل تختلف ،، و بعد سعرها 160 الف هذا رقم واحد
رقم اثنين رنجاته تختلف هاللي احيده ،، رنجاته 18 بينما رقم 1 رنجاته 19

ونحن الدولة الخليجية الوحيده اللي نزل عندها الموتر ،،،

[شرجاوي]

ف بريطانيا تنزل ب اسم فوكسهول !! سعرها بالنسبه لقوتها و شكلها زين

[عيماني وكلي فخر]

ممكــن حد يراوينا فيديـوو لمشيتـه (جير عادي)

؟

[خيال الحب]

هاي اللومينا الي عليها مكينة كورفت؟

لاني سمعت انهم نزلو لومينا يديده عليها مكينة كورفت نفس شكل اللومينا بس المكينه غير..

يمكن تكون هذي؟

[شرجاوي]

خيال الحب .. كل اللومينات اس اس عليهن مكاين كورفت ( ls2 )

[شرجاوي]

و ها مقطع تجربة السياره فالبرنامج الشهير top gear

http://www.youtube.com/watch?v=4_3rbeW4IMY

[مزن هتان]

خـ ـبـ ـالـ
راسي عورني من الفيديو !!


داشه عرض

[مايهزك ريح]

لا عادي اختي مزن خذي راحتج ..

تعرفون انها نازله في استراليا من زماااااااااااان من سنة 2006 .. وتوه يابوها عندنا !!!!!

[عيماني وكلي فخر]

شرجاوي

الفيديـوو مايشتغل مادري ليش ..؟

مايهزك ريح

شي طبيعي لانه النسخة الاصلية تكون هناك
ويالله عقب ينزلونها عندنــا !

[إسهر معي ليله]

هاي اللي عليها مكينة الكورفت

روووعه.. بس مره شفت وحده بيضه.. روعه كانت

[ولد الشحوح]

اذا قلت وحش قليل بحق الموتر
بمعرض دبي الدولي الناس تتطالع وتمدح الرنجات والألمانيات وربعهن إلا أنا مصمم ع الأمريكي و8 سلندر
واكثر موترين عيبوني هاللومينا والموستنج شلبي بعد 6 غيار

[مايهزك ريح]

على فكره في معرض .. مجابل لامسي عند الباركات .. اييب هالمواتر .. HSV
اتذكر مره كنت مار هناك وشفت هالمواتر .. بس ما نزلت اسأل بكم اييبهن !!!!!

[شرجاوي]

هاي اللي عليها مكينة الكورفت

روووعه.. بس مره شفت وحده بيضه.. روعه كانت

الاس اس العاديه عليها مكينة كورفت بعد

[إسهر معي ليله]

الاس اس العاديه عليها مكينة كورفت بعد

ادري ياخوي.. بس اللي اقصده:

انه اللومينا العاديه قوت مكينتها مب شرات قوة مكينة الكورفت حتى لو اثنينتهم 6.0
اما هاي عليها 6.0 بس مالت الكورفت.. يعني الأقوى
وطبعاً الكورفت 2008 استوت 6.2 :fa42:

هذا حسب معلوماتي

[مايهزك ريح]

EML الكورفيت اليديده
تطري اللي عليها مكينة LS3 وتيك
430 hp ..
6.2L V-8 ..

[مايهزك ريح]

شرجاوي...
اللومينا ال اس اس 2007 .. مكينتها صح 6.0 بس القوه 360 hp في حين انه الكورفيت 6.0 والقوه 400 hp..
اكيد في فرق .. !!!

اللومينا 2006 الي عندي الكجره 350 hp

5.7L
:fa55:

[شرجاوي]

امممممممممم .. شو الفرق بين مكينة الكورفيت و اللومينا الاس اس العاديه .. من الناحيه الميكانيكيه

.. مكينة الكورفت 2007 و نازل ls2 و المكينه نفسسسسها بالضبط على اللومينا .. اللهم الفرق فالاكزوست و البرمجه

ما يهزك ريح .. لا تستهين باللي عندك

[إسهر معي ليله]

ما يهزك ريح

انا لو اسوق التيما 6 سلندر اتخبل. وانته مب عايبتنك خخخ

عيل الله يعينك لو سقت دهاتسو 3 سلندر

[مايهزك ريح]

هههه 3 سلندر .. يبالك اتحط سوبر جارج عليها خخخخخخ :fa46:


رفعت معنوياتي شرجاوي :8:

[راعي الزعـامه]

عندك اس اس ومتخبل
انا عيل اللي عندي اس شو المفروض اسوي ؟؟ اصيح ؟؟ p:

[مايهزك ريح]

راعي الزعامه .. الله يعينك .. مول ما اقهر السته سلندر ..
عندي موتر الأجار لومينا LS - 2007 من يومين .. وطفران اتريا موتري ايخلص ..

[راعي الزعـامه]

هيه والله صدقك
انا عندي 2007 وبرتغالي بعد ،، يعني اللي يشوفه يقول هذا هو ،،
بس للاسف شكل عالفاضي

[مايهزك ريح]

واحد من ربعنا ..
كان يبا ياخذ الـ اس بس يوم شاف انه ما فيه مواصفات وسعره عالي عشان الشكل اشترى الـ LTZ
قال دام انه كلهن 6 سلندر اخذ الفول احسن لي

مشكله يوم تبا تاخذ موتر لازم اتفكر في وايد اشياء .. لازم اتوازن بين السعر والموصفات ..

[راعي الزعـامه]

صح كلامك ،، الاس اس هالمره سعره ارتفع وايد ،،
يمكن الكابريس يستاهل لان الاوبشن اللي فيه اوكي ،، اما اللومينا مافيه شي ،، اللهم الشاشه اللي في السقف ،،

بس مكينته كم تسوى ،،
وانا خذت الاس لانه سعره كان نازل وايد لان عالوقت اللي خذته كانت موديلات 2008 بتنزل و هالاستوك اللي عندهم ويبون يبيعونه ،،

[مايهزك ريح]

ذكرتني بخويه ..يقولي سعر موترك كله ساير للجير والمكينه بس خخخخخخخ
ما شي مواصفات الموتر سلق من داخل ..

هيه صح .. مبروك عليك اللومينا ..welcome to the club

[راعي الزعـامه]

الله يبارك فيك ،،
;)

[شرجاوي]

:a046: كلكم مواتر امريكيه الا انا عندي سيكل ياباني .. تعرفون حد يبا يبيع كابرس اس اس 2002 او 2003 ؟؟

[مزن هتان]

:a046: كلكم مواتر امريكيه الا انا عندي سيكل ياباني ..


:birgits_giggle:

[مايهزك ريح]

للأسف .. ما اعرف حد يبا يبيع موتره ..
بس اذا انا ببيع موتري بقولك .. شو رايك انته

[شرجاوي]

جير عادي ؟؟

[مايهزك ريح]

للأسف تومااااااااتيك .. ينفع .. !!!!

[مجموعة إنسان]

ضيعتوني بسوالف المواتر والله


ما يخصني بالمكاين وهالسوالف ,,
قولولي سوووق واسرع بس
لا تقولون شو مركب عليه

[شرجاوي]

وين يا ريال فرق وااااااااااااااايد .. جربت ويالجير عادي ؟؟ شفت مشيها كيف ؟؟ ياخوي مشيها ما تقول لومينا والله

[مايهزك ريح]

لا اتعور قلبي .. ادري الفرق واااااااااضح حتى من قريب ( دعايا تايد ) .. بس شو اسوي !!!!
1- .. ساعات الأهل يحتاجون موتر فياخذونه ..
2- .. واصلا يوم سرت اشتري موتر ما كان ياي في الشحنه اول السنه غير هذا >_<
والباقي .. الوانهن اتلوع الجبد .. وانا اصلا احب الأبيض وطبعا هالموتر ما ينزل ابيض فخذت الفضي !!!!
3- انا هيز .. ما احب وايد اسوق موتر جير عادي ( وااااااااال .. مب هيازه عليك ) وايد عليه النيسان موتر اخويه يوم انسير البر كل اسبوع .. عجيب موتره موديل 93 بس يمشي خخخخخ

[شرجاوي]

ما اتفكر اتزودها او اتعدلها ؟

[مايهزك ريح]

ابــــاااااا وما ابـــا .. كيف اشرحها مادري !! :k_special2:
احس انه قوتها اوكيه .. مع انه اخويه وده ازودها .. :fa46:
سألته مره عن الهدرز قالي يقدرون يركبون لي اياه ليبرتي .. :icon_rr:
متردد اركب هدرز لأني ما احب اخرب المكينه ... :10:
تعيبني المكينه اللي تييك من المصنع قويه بدون تأليف مني ..>> احمم شاعر الأخ
عشان جيه كنت امفكر اذلفها وآخذ اليديده .. لأنها اقوى .. :k_icon9:
وفي نفس الوقت ما بقى شي على 60 ألف ..وبيخلص الضمان ..
الـ Maintenance عقب الضمان يقصب .. مجرب السالفه على ايام البيضاء القبليه اللي كانت عندي .. :3:


احس اني وايد اهذرب .. سورى لوعت جبدك :doh:


انزين ..شرجاوي انته شو رايك .. :whistling:

[شرجاوي]

اللومينا ما يبالها وايد .. ركب فلتر .. و ثروتل ... و هدرز و كات باك بورلا ... بعد ما تركب كل هالقطع .. سر كراج سب زيرو و خله يبرمج موترك ... ب 3000 و اضمنلك 50 - 70 حصان زياده .. و شوف المشي بعدين

و اذا ما تبا اتزود .. برمج موترك بس

[مايهزك ريح]

فلتر الريس K & N مشكله مره ركبته على الموتر القبلي غصب ..
ويوم وديته الوكاله حق التشييك الأغبياء عقوه لأنه ما عرفوا ايركبونه .. ضربتني غصه .. مع اني حاط لهم الأستكر على الفلتر كاب .. يقولهم لا تبطلونه !!!!
ومن هذاك اليوم ما رديت اشتري ..
اخويه عكسي اول ما ياخذ الموتر على طول بدل الفلتر ..


على طاري البرمجه ..
اخويه عنده الجهاز اللي يبرمج الموتر .. شارنه من امريكا .. برمج الدينالي .. واسميه سم .. زين ذكرتني به ..
جان ما اطيح في جبده هالأسبوع .. خله ايضبط لي الموتر ..

في خاطري الموتر يكون 400 HP بدال 350 بس ...
يحليلي ما اطمع في شي اكثر عن جيه .. >> اكسر الخاطر

:8: شرجاوي ..

[شرجاوي]

منو قال موترك 350 حصان ؟؟؟ اذا ياب 290 انجاز للومينا الوكاله ههههههههههههه

الجهاز اللي عند اخوك اسمه ديابلو ؟؟

برمج عند سب زيرو احسنلك .. بيبرمج موترك على الداينو .. ركب القطع اللي خبرتك عنها و عقبها البرمجه .. و ان شاء الله 370 - 400 حصان .. و موترك بيستوي طياااااااااااااااااااااره

[مايهزك ريح]

كسرت مياديفي .. يعني ما توصل ..وهم قاصين علينا .. حسبي الله على الوكاله ..
الموتر القبلي كان استرالي .. فكان 325 .. بس قوته كانت اقل عن هذا .. عشان جيه كنت متأكد انها 350 ..



اسم الجهاز ديابلو .. صح

[شرجاوي]

اقوى لومينا استراليه شفتها .. قوتها 281 حصان ... تروح عن الكوبي نفس اللي عندك .. و تتجدم عن الـــ c5 العاديه لين سرعه معينه ... صدق صدق مشايه ماشاءالله عليها

انت سو اللي قلتلك عنه .. و شوف مشي موترك كيف بيتغير .. و الديابلو زين .. بس مب نفس برمجة كراج سب زيرو

[مايهزك ريح]

الديابلو يزيد 35 حصان اعتقد مب اكثر ..عشان جيه مب وايد اوكيه .. >_<

بس اخويه فتح الدينالي .. والحين يمشي 250 .. وقبل كان 185 ..بها الجهاز .. !!!
موتري يبند على الـ 245 .. اذا فتحته وين بيوصل .. !!!!

احس اني بتخبل خخخخ

[شرجاوي]

اللومينا تفتح كتمتها .. اتييب اكثر من 270 ..

[شرجاوي]

الغالي .. تبا اتجرب ويا لومينا اس اس 2002 قوتها 350 حصان ؟؟

[مايهزك ريح]

موتر مزود ولا استاندرد هذا الكابريس !!!

[شرجاوي]

اي كابرس ؟؟

[مايهزك ريح]

ثرك كاتب لومينا وانا الأشلق قريتها كابريس ولا انته عدلت الرد

[شرجاوي]

ما عدلت شي .. لا اللومينا مزوده .. هدرز .. و فلتر و برمجه

[مايهزك ريح]

وموتري بعده ستاندرد لين الحين .. شو تباه يشخطني :whistling: