فلكر .. من الفاير فكس

[إسهر معي ليله]

السلام عليكم

عقب ما لاحظت انه وايدين يدورون الطريقه في موضوع بروكسي فلكر
قلت خلني احط الطريقه هني واريّحكم:yes:

:
:

طبعاً الفاير فكس برنامج شرات الإنترنت اكسبلورر.. ويمكن لو تعودتوا
عليه بتشوفونه وااايد احلى.. واحسن

الله يسلمكم الفاير فكس فيه ميّزة الـ Add - ons .. .. ناس عاديين يسوونهم
يزيدون اوبشن وفنكشن عالفير فكس.. ومن ظمنهم ميزّة فتح المواقع

نزلوا الفاير فكس من هني

http://www.mozilla.com/en-US/firefox/

:
:

وعقب ما يخلص التنزيل فتحوا الفاير فكس وادخلوا هاللنك منه

https://addons.mozilla.org/en-US/firefox/addons/policy/0/4286/16199

وسووا Install .. وتوته توته خلصت الحتوته

:
:

طبعاً هالآد اونز مسوينه حق فلكر بس :fa42:

ولا تنسوون الـ Update اذا طلبه منكم أو اذا ما طلعت الصور سووا هالخطوه


-tools
-add - ons
- find updates

بتحصلون الأبديت Access Flickr 1.7 .. ونزلووه

وان شالله اكون فدتكم فيما يرضي الله :whistling:

[دمعة عين]

.
.

السلام عليكم

أخوي اتبعت التعليمات بس طلعت لي هالصفحه ..!!

http://oasis.bindubai.com/bin/uploaded/6283_01196508952.jpg

.
.

شو أسوي .!!

[إسهر معي ليله]

دمعة عين

انتي سويتي كوبي حق اللنك من الواحات
وهني اللنك نصّه مأكول.. شوفي النقاط في النص
دقي عليه ويوم يفتح في البراوزر سويله كوبي

[دمعة عين]

.
.

ثبته وكل شي .. بس بعده يطلع لي محضور .!!

>> أدري أزعجتك .. بس استعابي بطئ شوي >_<

[إسهر معي ليله]

شوفي هاي هيه الخطوات وقوليلي سويتي كل شي ولا لاء

1- نزلي الفير فكس
2- دخلي عاللنك من الفير فكس
3- بتطلع لج صفحه فيها تحت Install ودقي عليه

[دمعة عين]

دقيت عليه .. وثبت وكل شي .. بس عقب يرد لي ع صفحه
لإلي فيها بوكس الانستل .!!

.
.

عقبها .!!

[إسهر معي ليله]

الصفحه اللي فيها بكس انستل.. تدقين عالإنستل وينزل الـ add - ons

ومن ينزل خلااااص دخلي فلكر

[دمعة شوق]

فـ البـدايـة شـكـرا ً ياخويه
بـس نزلـت وكـل شـي اللي قـلتـه
بس بعـده الموقع محـظـور .؟!

[إسهر معي ليله]

عندي انا شغّال 100% !

يمكن انتوا تدخلون من الإكسبلورر؟.. دخلوا من الفير فكس

:
:

ويا ريت تقولولي خطوه خطوه من اللي سويتوه
عشان اقولكم اذا فيه اي غلطه

[قرموشة]

شغال عندي ..

[دمعة عين]

أنا أدخل من الفير فكس ..

يطلع محظور .. !!

.
.
يمكن لأنه يعتمد ع الوندوز .!! لأني أشتغل عالفيزتا مب الإكس بي .!!

[إسهر معي ليله]

دمعة عين

يمكن عيل جيه السالفه ^_^

[أمطار]

اسهر معي ليله..
مشكـــــوور ع الطريقة. . .!

أنا فتح وياي بس المشكله في الصور .. ما تطلع !!!
تقدر تساعدني؟!

[إسهر معي ليله]

أمطار

بالنسبة للصور.. لأنه هاللنك مال الـ add - ons الجديم

فـ يباله Update احين

روحي
-tools
-add - ons
- find updates

بتحصلين الأبديت Access Flickr 1.7 .. ونزليه

سوري المفروض احط هالخطوه في الموضوع

[أمطار]

ثـــانــ ×
^.^

[مزايا]

وان شالله اكون فدتكم فيما يرضي الله :whistling:

نعم نعم =)

[إسهر معي ليله]

أمطار

حاظرين

:
:

مزايا

ههه،، فاهمنج

[دمعة شوق]

EML

يـاخـويه سويت كل شي بس يوم حركة الـ الأدوات واضيف شي مااستوا شوف
http://www3.0zz0.com/2007/12/23/13/66301227.jpg

[إسهر معي ليله]

ها معناه انه كل شي عندج اوكيه.. يعني اللي عندج اولردي ابديت

او انج ما سويتي Install حق الـ add-ons من البدايه واللي في هاللنك

https://addons.mozilla.org/en-US/firefox/addons/policy/0/4286/16199

لا تنسين.. ادخلي عاللنك من الفاير فكس.. لا تسويله كوبي بيست من هني لأنه
ما يطلع كامل.. دقي عليه وعقب سويله كوبي.. وادخلي عليه من هناك

فهمتي عليّه؟

[دمعة شوق]

آهــا فهمـت عليـك ياخويـه
شـكــرا ً
بـطــبـق من أوصـل البـــت
؛

[دمعة شوق]

شـكــرا ً ياخويه
فتـح عنديـه
:)

[إسهر معي ليله]

كلولولولووووش.. هالله هالله فيني.. لاتنسيني في الكومنت لول

[دمعة شوق]

خخخخخ ماعليـه لاتوصــي ياخويه
؛
بـس عنديه مشكـله صغنونه الصـور مايـظهــرن يعنــي كـذي شوف



http://www6.0zz0.com/2008/01/05/13/13300257.jpg
،


مـادري هل المشـكلـه من عنـديـه ولا كيـف؟
؛


سمحـيله ياخويه ع المغثـه
^^

[إسهر معي ليله]

هذا مثل ما قلت لج.. تسويله ابديت

لأنه اللي نزلتيه مال قبل واللي هوه 1.5.. احين فيه 1.7

سوي هالخطوات..


-tools
-add - ons
- find updates

وان شالله بيطلعن الصور

وسمحييلج.. على قولتج.. يعني سامحتج خخخ

[دمعة شوق]

ههههههه ياخي انتـه مانتبهـت ألا ع هـذا لوول اناقصدي
سمحــليــه مب سمحيـله خخخ
؛
انـزيـن بتعــبـل فيه هـذا ليـن ماايسـتـوي

[دمعة شوق]

مـرحــبـا خـويـه
يوم دورت على 8.1
ماقدرت انـزلـه لأن يقوليه لازم اسوي ريستارت للفير فوكــس وماعرفتـله

http://www4.0zz0.com/2008/01/11/11/322588297.jpg

:alien:
أدري تقول في خاطرك ياليتني ماحطيته
بس يالله اكسب اجر من ورايـه
:a033:

[ايه احبك]

:alien:
أدري تقول في خاطرك ياليتني ماحطيته
بس يالله اكسب اجر من ورايـه
:a033:

لااااحظووو من شوه بيكسب اجر اسهر معي ليله لووول :fa56:
يا حظه والله :hysterical:

[دمعة شوق]

شـو قـصدج يالدببببه؟
هيه هيه بيكسب أجــر من ورايـه
:)

إنـمــا الأعــمـــال بـالـنــيــات
:a058:

[ايه احبك]

قصدييي شريف والله قصدي شريف ^^;
انا اقصد ما شالله وصلتووا تو بيجز وما نحلت يور بروبلم الله يعيينح ويعينه XD

[إسهر معي ليله]

دمعة شوق

Restarted يعني تسكرينه وتردين تفتحينه .. بس
:
:

ايه أحبك

ههههه بسوي عمري ما شفت

[همس الوجود]

مرحباا


سويت كل الخطوات .. ولا اشتغل بعده محظور ... اناا عندي ويندورز مب فيستا ...!!

[خيال الحب]

انا يفج عندي فلكر عادي بس الصور ما يظهرن

[إسهر معي ليله]

همس الوجود

تأكدي من الأبديت.. راجعي الخطوات بعد مره.. التكرار يعلم الشطار :k_harhar1:

يمن نسيتي شي :a116:
:
:


خيال الحب

سو الأبديت وان شالله بيظهرن :fa42:

[خيال الحب]

جان يستوي^__^

ثانكيووو

[همس الوجود]

اسهر معي الليل




تأكدي من الأبديت.. راجعي الخطوات بعد مره.. التكرار يعلم الشطار :k_harhar1:

يمن نسيتي شي :a116:



خخخخ .. اوني ماشفت الغلطه لول .. << و الي بالأحمر شو ..!!

لا مانسيت شي .. و سويت الأبديت بعده محظور شوف..!!

يمكن لأنه عندي الفير فوكس من قبل ..!! هممم بس اناا نزلته مره ثانيه من اهنه ..

http://img186.imageshack.us/img186/7789/65hg754zj9.png

[إسهر معي ليله]

خيال الحب

حاااااظرين
:
:

همس الوجوود

باين من الصوره انه عندج آخر ابديت

عيل شو المشكله !!.. تأكدي انه www.flickr.com

مب اي لنك ثاني.. شرات www.us.flickr.com

شوفي وخبريني.. ولا تدرين؟؟.. عيديلي خطوة خطوة سويتيها

وبالتفصيل !

[همس الوجود]

نفس المشكله ..!!

اول شي دخلت الموقع الي انته حطيته من الفير فوكس ونزلت البرنامج مادري الملف المهم الي قلت حملوه ..

وجربت اشغل فلكر مااشتغل وعقب سويت الأبديت .. ومثل ماتشوف ..!!

حتى اني نزلت الفيرفوكس مره ثانيه قلت يمكن فيه شي فالأعدادات ..!!


والسموحه ..

[إسهر معي ليله]

انزين دخلي الموقع هذاك مره ثانيه.. وسوي Install بعد مره


شوفي وخبريني

[همس الوجود]

سويت وحتى حذفته ونزلته مره ثانيه .. ماشتغل ..

خلاص مب لازم احس تعبتك وياي .. والسموحه .. ^^

[إسهر معي ليله]

افا عليج.. تعبكم راحه

طرشي كمبيوترج عندي وانا بسويلج اياه