قسم الحوادث .. لين متى !

[عفاريتووو]

السلام عليكم



من بين ساعات اللعب و المرح
قد تأتي فجأة تلك الثانية التي تعكر صفو جونا
حاملة بين طياتها
سقوط احدهم
:fa39:



كثيرا ما تتكرر علينا هذي المشاهد
فإنها ليست غريبة
قدر و نصيب


الغريب ما يحدث في قسم الحوادث
:surrender:



انزين سمعوا السالفة


بالغلط صكر الباب ع ايده
و انكسر صبعه
جبسوله ياه

ويوم فتحوا الجبس
صبعه عوي !!

جبسووه غلط !!

حظه جي :sad:
...
عقب جم شهر

الحارس يا بيصد الكره
كانت قوية و كسرت صبعه
جبسووله

و عقب جم يوم سافر

استغرب الدكتور اللي هناك جتى قاله
منو اللي مجبسلك جي !!!

و صبعه الحين عوي

حظه جي :sad:

....

و عقب كم من شهر

كانوا يلعبون كره و واحد طاح و انكست ايده
و طبعا جبسووله ياه

و الحين اييده ما يقدر يحركها عدل
يقول الدكتور الثاني
ما كان المفروض يجبسوونها عشان جي !

حظه :sad:

و بعدين يعني


سؤال
جم حالة كسر تمر عليهم .. ؟
معقولة لين الحين يجبسون غلط !!


هي مب حاله وحدة عشان اقول حظه
هي مسالة اهماال !!

لكن لين متى !!

وغيرها وغيرها اشياء ثانية


و اليوم
حالة ثانية
:k_no:
خلتني اتذكر السالفة هاي

بس ان شالله ع حظها يكون الدكتور فاهم و عنده ضمير
ان شالله خير


همسة
اتمنى ان الامارات تنافس دول العالم في مجال الطب
لانه مافي اغلى عن صحة الانسان



صدقهم يوم قالوا الله يستر من برج الحوت يوم يفضفض لول
بس صدق قاهريني

:fa52:

[ولد الشحوح]

هيه والله أخطاء الدكاترة وايد ظلمت ناس انا اعرف واحد مسوين له عملية في ذراعه والحين ذراعه عوي ما يقدر يحركه وايد وحظه انه مب متفوق دراسيا عسب جي كل ما يسجل فالشرطة والجيش يردونه ولين الحين يالس بلا شغل ولا مشغلة

[المنصوري]

امممم تجربة خاصة برد احكيها لكم ,,

عفاريتووو الحوووت .. شكراً

[عافك الخاطر]

فضفضه تخوف يا عفاريتو :ohboy:
.
.
امم ..



يوم تدرسين ..يعطونج كل الخطوات اللي لازم تسوينها قبل لا تعطين المريض الدوا او تبدين اتعالجينه بالجبس او باي شي ثاني .. يعني لازم تسالينه بالتفصيل الممل كيف استوى الحادث و غير ها لازم اتسوينله فحص كامل من راسه لين ريله و تراجعين ملفه الصحي اذا كان يعاني من شي او عنده حساسيه لـ شي ..لان هاي الاشيا وايد اتأثر ع الطريقة اللي بيتبعها الدكتور عقب في علاج المريض مثل ما تعرفين ...


المهم ..


الحاصل هو ان الدكتور بعد ما يتخرج .. ينسى كل شي:doh: - الا من رحم ربي طبعاً - .. او حتى ممكن يدخل في شي يسمونه bias ..يعني يتحرى ها المريض حالته شرات الحاله اللي يته قبل..بس بمجر النظر ..فـ يعتقد انه صارت عنده خبره كافيه .. فـ يعالجه بنفس الطريقه ...حتى من دون ما يسأله او يشوف ملفه الصحي مثلاً ..


.
.
يا الله ان شاء الله ما اجتل حد في المستقبل:doh: ..لانه صدق شي يخوف ..


.

[عفاريتووو]

ولد الشحوح

يالله !
الله يكون في عونه
انزين ليش ما يسير بره و لا يرسل تقاريره لحد من الدكاترة اللي بره
يمكن يكون في حل يعالجون فيه هالغلط
و ان شالله يكون فيه

الله كريم

..

المنصوري

نتريا نسمع التجربة
ان شالله خير

..

عافك الخاطر

تخوف و للاسف ها الواقع :k_no:

صدق احسهم ينسون كل اللي درسوه
و يعتبرون مهنتهم مجرد مهنة مب مسؤولية كبيرة

لوول لا ان شالله بتكونون قد هـ المسؤولية
و بتردون ثقتنا في الدكاترة
أملنا فيكم ترى ^_^

[خنفروش]

أنا ابا ارمس بس اخاف الاعضاء يضحكون علي \\ على كل ٍ كلامج يا عفاااارييييتوووو ماعليه غباااار و حتى أنا اتساءل لي متى ؟؟