من ذكرياتي..........1

[دلـوع و كـاشخ]

السلام عليكم

قررت اليوم اكتب لكم قصص من ذكرياتيhttp://roayatae.com/vb/images/smilies/smoke1.gif

بس ما بقلكم اذا هي صدقيه والا لا http://roayatae.com/vb/images/smilies/191.gif

وهاذي اول قصه

هالقصه استوت اول ما دشيت الجامعه يعني جذا من خمس سنين

استأجرت انا ومجموعة من ربعي شقة في عماره بعيده نوعا ما عن الجامعه

وكل يوم انش الصبح نغير ثيابنا , ننزل الكافيه اللي في الطابق الارضي نتريق

ونوقف برع نتريا واحد من الشباب عسب نسير بسيارته

نسير الجامعه لين الساعه 8 المسا

نوصل البيت ونجعد ندرس لين الساعه 10 ونص

نتعدل ونطلع لين الساعه 1 نص الليل

هذا كان الروتين اليومي

طبعا كان مستحيل تلقانا في الويك اند في الشقه

المهم يوم من الايام طبعا كان ويك اند

وثنين من ربعنا مرضى

جعدنا في البيت نسليهم (( نتطنز عليهم ))

بس ملينا

فطلعنا على البلكونه (( الشرفه))

ومن الله طلعلنا ( ناش) بلعبه جديده

طلع راسه من البلكونه وتفل

وقام يتطالع تفالته اذا وصلت الارض

المهم نحن الشباب تونسنا

وقمنا نتطالع وياه

وفجاه قمنا نقلده (( من الله ))

وبدون ما نحس تحولت لمسابقه (( منو تفالته بتوصل اول الارض))

ونحن نتسابق نسمع صرخة ريال

الا نشوف واحد (( تفالة واحد من الشباب طاحت على راسه ))

ركضنا داخل قبل لا يشوفنا http://roayatae.com/vb/images/smilies/043.gif

وفطسنا من الضحك

المهم اليوم الثاني عزمنا جارنا على العشا

فسرنا (( ما نصدق على الله حد يغذينا ))

المهم خبرناه السالفه وقام يضحك

واتطنزنا على المسكين لين ما شبعنا

وهو يتطنز معانا

مرت الايام وزادت علاقتنا مع جارنا اللي بنسميه (( شنغل))

وصرنا كل ما نسوي شي هو اول واحد عارف بالسالفه

خلص الفصل وبدا الفصل اللي عقبه

ومن اول يوم ردينا على الروتين القديم

ونحن واقفين تحت نتريا ربيعنا يمر بسيارته

ما نتفاجأ الا ببالونات ماي اتطيح على رؤوسنا http://roayatae.com/vb/images/smilies/054.gif

قمنا اندور منو اللي عقها بس ما لقينا حد

وتكرر الموقف عدة مرات بس ماشي فايده

كل صبح ننعق ببلونات ماي

سرنا عند جارنا وقلناله السالفه

ضحك جارنا لين ما باقي شوي ينبط

واقترح علينا ان نغير المكان اللي نوقف فيه

غيرنا المكان وافتكرنا ان البالونات خلاص وقفتhttp://roayatae.com/vb/images/smilies/clap2.gif

بس لا ونحن داشين المسا البيت

طاحت علينا بالونات ثانيه

وصل حدنا من السالفه

وقلنا " يا قاتل يا مقتول"

غيرنا الروتين بكبره

وكل يوم نغير الروتين

عسب ما يروم يزخنا في وقت محدد

مع هذا كنا كل يوم نرد البيت مبللين

فاقترح علينا جارنا ان نشتري كل البالونات اللي في الدكان (( ترا الاخ مب خسران شي.... هو راعي الدكان))

اشترينا كل البلونات ونحن متونسين

الحمار الحين من وين بيلقى بالونات يعقها علينا (( نحن بنراويه))

بس من وصلنا عند باب العماره....... هيه مثل ما تتوقعون انفلعا ببلونات

الله يغربل ابليسه نذل ولد اللذين

قررنا نطلعه من تحت الارض

وما خلينا ولد من عيال العماره الا اكله كف على قفاه

وبعد ماشي فايده

يوم من الايام نزلنا من صباح الله خير انا وثنين من ربعي وزميل (شنغل) في السكن

ومقررين اول ما يبطل الدكان بابه نشتري كل البالونات

المهم تبطل الدكان ودشينا ركض

"" ايه هات كل البالونات اللي عندك ""

يرد علينا "" خلصن البالونات ""

"" كيف خلصن؟؟؟ توك فاتح ""

"" لاه شنغل خذ كل البالونات من البارحه وحاجز البالونات اللي بتوصل اليوم ""

ارتحنا نفسيا.... بصراحه الاخ قام يوفر علينا الفلوس والجهد

وحاس بمعاناتنا

المهم قررنا نشكر الريال

وطبعا ربيعه ويانا فدشينا الشقه عنده

وما نتفاجأفيه الا وهو جاعد في هالصاله

يترس البالونات ماي

من شافنا عق البالونه وطاح على الارض وهو فاطس ضحك http://roayatae.com/vb/images/smilies/088.gif

وقاللنا "" ها مصير كل واحد يتفل على راسي""

المهم اخذنا منه وعد انه ما يعقنا ببالونات مره ثانيه

وقالنا "" لا تحاتون مستحيل تنعقون ببالونات ماي مره ثانيه""

تفتكرون القصه خلصت ؟؟؟؟؟؟؟

لااااااااااااااااااااااا

بدينا السنه الجديده

ومثل ما هو روتينا

ما غيرناه مووووول

وقفنا برع نتريا ربيعنا

الا ننعق ببالونات ونسمع ضحكة (( شنغل )) من بعييييييييييييييييد..... بس الريال كان عند كلمته....... ما عقنا ببالونات ماي.... عقنا.............
.......
ببالونات فيمتو

طبعا ذاك اليوم كانوا الشباب رايقين ولابسين احسن ثيابهم (( ارماني)) (( جوتشي )) (( برادا))

يعني تخيلوا ردة فعلهم

http://roayatae.com/vb/images/smilies/069.gif


هاذي قصة هالاسبوع

تريوا الاسبوع الجاي

اخوكم

دلـوع و كـاشخ :thumbup1:

[العجيبة]

خخخ دواكم

عيل طلاب جامعيين يتفلون من ما ادري اي دووور ويشوفون اذا التفال بيوصل ولا لأ !

إذا ياهـل يسوي جي يبـاله ضرب .. عاد كيف انتوو

[دلـوع و كـاشخ]

خخخخخخخخخخخ

هاي لعبه حلوه

صدقيني لو جربتيها جان ما قلتي هالرمسه

اقول شو رايج تيين بعلمج هع هع هع

:a049:

[دمعة شوق]

هيهيههي دوااكم ماقصر شنغل وياكم عطاكم دواكـم
بس حلوه كل يوم تتسبحون فـ الشقه وقـبل لاتركبون السيارة
خخخخ
؛

نرقب القصص اليايه
:)

[تنينه]

هالــجــعــده في الشقه وما اتسوي :crazy:

[الا انا]

هههههههههه..


كشخه يالكاشخ ."""

حركات والله ..
يالوصوخ .. تفال عاد مره وحده ..""

( ذكرتني بأيام الطفوله ) هههههههههههههههههههههه""
صج ذكريات حلوه ..::
""
بس مب صجيه صح ؟؟...

"
نترقب يديدك ."

[دمعة شوق]

هههههههه سويدوووووووه الله ياخذ عدوج

[دلـوع و كـاشخ]

ههههههههههههههه

بصراحه ونستوني بمروركم في الموضوع

وهو شرف لي ان عجبتكم القصه

ودافيه

سوري بس ما اقدر اقلج :a108: اذا القصه صدقيه والا لا

والا بضطر اني ............... :k_devil2:

وبعدين على قولة تنينه

ها كله مب منا ها من الجعده في البيت

ككككككككككككككككككككككككك ك

ثانكس على مروركم

[ألم ترى]

بسم الله الرحمن الرحيم ..

الصراحه طحت من عيني :k_special2: ! ..

تفال مره وحده ؟ ..

صدق راعي الماي و الفيمتو يعرف الرياييل ههههه ..

الله يقطع ابليسكم :birgits_giggle: ..

صح اخوي ليش ما تحطي مواضيعك اللي تتكلم ف القصص ف قسم القصص هنا (http://oasis.bindubai.com/bin/forumdisplay.php?f=74) ؟ ..

والمعذره ..