ظل ريـــال ولا ظــــل طـــوفه

[الشوق]

...ظــــــــل راجل ولا ظـــــــــل حيطـــــه

طبعا اكيد سمعتوا هالمثل على لسان الكثرين في المسلسلات ( المصــــريه ) :fa42::fa42:يرددون هذي الجمله ..
,,,, لكنني وجدت نفسي اضع تحتها خط ، ملونة الجمله باللون الأحمر .. لكي تدركوا اهمية هذي الجمله
بالرغم من انها مهمه في معنـــــاهــا .. لكنهـــا في أوقات كثيره ( تصطحبك في ستـــــين داهيــــــه ):fa32: ...

بتــقــــولون ليــــــــش ؟؟؟
حــــــــواء في مرات كثيره ترسم في مخيـــــلتها ... صوره لعريس الغفله ( اقصد فارس أحلامها ) من وسامه وجمال ، ومال
... واتخطط لمستقبلها الميمون .. وانها راح اتسافر ,,, واتسوي وتشتري ..
وتبني آمــــــــــال انها راح تكوون مليئه بالحب والسعاده .. كلها حب xحب .. وعندهم عيال كتاكيت ... ويعيشون في سبات ونبات ..
ويخلفون صبيان وبنات ... لان البنات احلامهم دايما تكون ورديه ...

.
.
ونفس الشي آدم ... يفكر يكمل نصف دينه ... خاصة لما يشووف نفسه انه انسان حمش ... صار ريال ويرووم يفتح بيت على قولته
.. كونه اشتغل ...خاصة إذا كان متزوج في سن امممم انقول توه خلص من فترة مراهقته ... :m_ma9dom: يعني دخل في الجد ..
او انسان كبير ويبي يغيــــــر حرمته ..
.
.
وتبدا عند الريال عمـــــلية البحث عن:mf_leia: العروووووس
هالبحث يا يكون بطريقته االخاصه ( معرفه مسبقه )
او بالطريقه التقليديه اللي هم ( الاهل - الخطابه )
.
.
اذا كانت طريقته الخاصه .. هذي معناته ان البنت كانت على معرفه مسبقه بالسيرة الذاتيه لهذا الرجل ومعرفه تامه لطبايعه ..
وللاشياء اللي يحبها أو اللي يكرهها ... ( ففي النهايه الاختيار لها ).
.
.
أما اذا كانت الطريقه التقليديه .. فهني اتكون الطامه الكبرى ...
اذا وافقت البنت على الشاب الوسيم ، الجميل ، اللي مستحيل البنت ترفضه لانه انسان صاحب عز ، وعندهم فلوس .. يعني مستحيل ينرفض ..
سواء كان عمره صغير ، او انسان كبير في السن ترى في النهايه ما يعيبه شي ...
متناسيه ان هناك اشياء .. المفروض ينظر لها كـــــ( الأخلاق - الدين والسمعه الطيبه )ــــ. ،
خاصة اذا كان اول شاب يتقدملها ، او ريال اتقدملها وهي في عمر اتحس انها ما صارت صغيره ع الزواج ..
.
.

وتبــــــــدأ حياتهم الزوجيه ... بعد ما رمت نفسها على اول عريس ( لؤطـــــه ):10: او فروها اهلها على هالمعرس ...
كونه بيحل ازمتهم الماليه ,,, وهاللؤطه .. رجع لحياته العزوبيه ومثل ما يقولون ((ظل راجل ولا ظل طوووفه ))

وطلع انسان سكير ... صاحب سوابق ... ترقد اب ظرب ،، وتصحى اب ظرب ...
دام انه انسان لا دين ولا اخلاق ... فكيف بيكون هالظل اللي تبي تستظل بيه ...
تستظل مع شاب ما يعرف ربه .. ولا دينه ..
واحيانا تستظل اب ظل رجل عجوز تعتريه الغيره .. كونها صغيره في السن ... يحبسها في قصرها .. وحواليها الخدم والحشم
..لكن رقعةالشارع ما اتشوفه ...
.
.
:9::9:
وين الظل هذا اللي يتكلمون عنه .... اللي راح يحميهم من مآسي الزمن .. ومن مغادر الناس
وين الظل اللي يتكلمون عنه ... اللي راح يحقق كل آمالهم .. لكن يخسرون اشياء كثيره ..
وين الظل اللي يتكلمون عنه .. يوم البنت اللي اكتشفت ان فارس احلامها مجرد اسطوره عاشتها فقط في القصص والروايات ..
اما واقعها اصبح مرير عليها ... خاصة بعد ما عاشت المر من وراه ..
.
.
ففي هذه الحالات هل تفضلون ظل الطوف,,,, والا ظل الريال ... :10:
اتمنى انكم فهمتوا ليش قلت ان هذي الجمله ممكن انها اتوديكم لستيـــــــــن داهيــــــــــه
(( اتمنى اني يبتلكم موضوع يديد ... وعاد اسمحولي ...ع الكتابه اذا ما كانت مترتبه ,.. لاني احس من زمان ما كتبت موضوع ))

حقوق الطبع محفوظه فقط لدى الشوق وفي واحات بن دبي
تحياتي/ لكم : الشــــــــــوق :8:
31-10-2007

[ايه احبك]

تسلمين على هالموضوع يا الشوق ^_^
انا افضل الطوفة
معياري انه الريل يكون ريال بمعنى الكلمة مب بيزاته
دينه و اخلاقه هم الأساس الي يكونون مستقبل الأسرة باكملها ف اذا الوحده ما قاست فارس الأحلام من هالجهات في على حياتها السلام
اهم شين
دين و اخلاق
وتسلم الأنامل

[العجيبة]

المثل : ظل راجل ولا ظل حيطة

مثل مصري مشهور ودايما يتردد في المسلسلات المصرية ... وبالضبط في نفس الوقت اللي ايي واحد يخطب وحدة وتبدا صديقتها المقربة أو نساء العائلة يرددون عليها المثل هذا ....

المثل ما طلع من مصر إلا من كثر حــالات العنوسة اللي في مصر ... أعتقد هناك العنوسة أضعاف مضاعفة عن
العنوسة اللي في الامارات ... يمكن بعض حالات العنوسة بسبب تشدد الاهل وتمسكهم بعادات وتقاليد أكل عليها
الدهر وشرب .... إلخ إلخ ما بتكلم في العنوسة لأنها مب الموضوع

ظل راجل ولا ظل حيطه

أعتقد لو كل وحدة تفكر بهالمنطق ، كان الاختيار بيكون عشوائي ولمجرد البعد عن شبح البقاء بلا زواج فقط ..
يعني أول واحد يدق الباااب البنت وافقت بدون ما الأهل يسألون ، بدون ما تستخير ، بدون ما تشاور أو تفكر ..!
والنتيجة مثل ما قلتي تظهر بعد الزواج .... بعد ما طاح الفاس في الراس وعاد الحل إذا كان فيه حل هو الطلاق ..

انا أشووف العنوسة أحسن عن الطلاق بألف مرة ... وكلا الحالتين تقولان أنا أدهى وأمـر .. لأن كلام الناس ما يرحم والنهش في لحم المطلقة والعانس ما ينتهي !!


ظل راجـل ...

تختلف مقاييس أو معاييـر اختيار الرجل من بنت لثانية ، أو من عائلة لأخرى ..
بعضهم يشوفون راعي المـال والعز والجاه أفضل بمليون مرة عن واحد عادي يملك أشياء ثانية غير لفلوس ...
وبعضهم ما يهتمون بمنصب أو جاه ، يهمهم إنه يكون الرجل المناسب لبنتهم من ناحية دينه وأخلاقه وبس..
وأكيد فيه معاييــر ثانية تهم البنت أو أهلها في حال تقدم أي شاب للخطبة ...


بالنسبه لي أشوف إن الاختيـــار مب بهالسهولة اللي تخليني أوافق على أي واحد ممكن يتقدم لي ..
حتى وإن كان من أهلي مب معنــاته أوافق عشان ما ازعل أمه وأبوه أو يدتـي واعمـامـه !!
وأفضل أكون على ظل حيطه إليـــــن ما ايي الراجـــل اللي ممكن أثـق بـظله !!!

وإن ما يــا ... الله يخلي أخويه .. سنـد وعضيــد لي ..! والحمدلله أكيد بيكون موقفي اللهم لا اعتراض ....!
ما بتم أنوح شرا المصريات خخخ


وأشكرج اختي الشوق على الموضوع .. عيبتني طريقة طرحج ... وأسلوبج في سرد الموضوع بتسلسل ..!
موفقه دووم ..

[الجنيه]

سبحان الله هالموضوع كان في بالي من فتره وكنت افكر به بجديه وقلت بنزله في الواحات بس ما تفيجت بسبة الدارسه والشغل ,...

للأسف وايدات بدو يجارون هالمقوله هربا من شبح العنوسه وأكبر دليل ربيعتي الروح بالروح انسانه عزيزه علي لابعد الحدود قررت انها تماشي هالمقوله واتجرب بس لانها بتكمل 28 وللحين ما ياها نصيبها ,, هو صح انها صلت استخاره واتقول مرتاحه لكن من قبل الاستخاره الريال ما يناسبها ابدا مش عشان مستواه المادي او شهادته او اشياء دنيويه تافهه بس السبب الكبير انه مش بار باهله وايد مغربلنهم بسوالفه وبلاويه ما ادري الوم منو؟!؟! اهلها الي ما مانعو وع قولتهم بيصطلب عقب العرس والا الومها انها ناويه تنهي حياتها بيدها ؟.؟؟؟؟؟


اي ظل هذا الي بيظلها به وهو هله مب قادر عليهم ؟؟؟ ع الاقل اليدار عقب سنين يوم يكون آيل للسقوط ممكن اترممينه وتستظلين به لكن الريال هل ممكن انج اتغيرين فيه شي ؟؟؟؟ مستحيل ...

انا عن نفسي أفضل ظل حيط على ظل أشباه الرجال ( طبعا ما اجمع الكل )

[تنينه]

السلام عليكم والرحمـه ؛

ظـل الطوفـه أكـيد بيكون أرحـم بواايـد من ظـل رجـل فقط يظل يدام النـاس ! ؛

اختيار شريك الحياه أمـر مش بالسـهل وعلى الوالدين وكل افراد الأسره التحري والسؤال لان البنت أمـانه بتسير لأمـانه ثانيه طول عـمرها وأكـيد هالشي ما بيكون مفرح للأهـل انـها اترد لظل بيت طفولتها مره ثانيه بعد الزواج ؛
استغرب من الأهالي اللي يجبرون ولا بس يتريون هالمعرس اللؤطـه وفي النهايه النتايج اتكون مؤلمه لهم ولها المـسكينه البنت ! ؛ الله يغنينا عـن ظل هالفئه من الرجال ؛

الشوق تسلمين ع الموضوع الجميل؛ موفجـه دووم يا الغلا :a054:

[الشوق]

ايه أحبك
تسلمين يالغاليه ع التواجد الجميل منج ..
حلو من الانسان ان لما يفكر يرتبط .. يقدم الاخلاق والدين في الأولويات ..
لكن المشكله يوم ان بعض الناس يتخذون من الريال ( واجهه ) في حياتهم .. يعني والله اخذ ريال ... اي ريال ( حتى لو كان شين ) المهم انه ( رجل ) استند فيه .؟..
احسس الناس ... ان عندي انسان يوقف وياي في وقت ازماتي ..ويحل مشاكلي ..
.
.
متناسين ان هذي المشكله ممكن انها اتييب نتايج غير مرضيه في النهـــــــــايه ؟؟؟
وطبعا نحن عارفين شو هذي النتايج ..
وتسلمين يالغاليه ع هالتواجد البسيط لكن الرائع في نفس الوقت
خويتج/ الشوق

[الشوق]

العجيـــــــــبه ...
عزيزتي ... وفق ما ذكرتي في كلامج ( انا أشووف العنوسة أحسن عن الطلاق بألف مرة ... وكلا الحالتين تقولان أنا أدهى وأمـر .. لأن كلام الناس ما يرحم والنهش في لحم المطلقة والعانس ما ينتهي !!)
فهل تعتقدين ان المرأه تستطيع ان تعيش حياتها دون ان تعتمد على الرجل في حياتها
بمعنى اذا كانوا يعتبرون الرجل ظل يستظل به في حياتهم ( فهـــــل المرأه حقا لا تستطيع الاستغنــــــاء عنه )
.
.

وشاكره لج هالتواجد الجميل
واسمحيلي ع التأخيــــــــــر
.تحياتي لج ( الشــــوق )

[رؤى77]

تسلمين على الاضافه

وعسى الله يرزقنا الرجل الصالح

امين

[الشوق]

عزيزتي الجنيــــــــه ..
امممم بسألج سوؤال .. هل صديقتج هذي وافقت ع الريال ......
بس لانها تبي ريال والسلام ....

يعنـــــــي هل علاقتها وياه صارت مستحيله لدرجه ان التفاهم من بينهم صار معدوم
لان احيانا يقولج الاهل ما يرومون على عيالهم ممكن اتيله مره سنعه اتسنع الريال ...
.
.
هل صديقتج لها العقل والحكمه في تغييـــــــر طبع هذا الرجل ..
يمكن كان لها اسبابها .. انها شارفت في وجهة نظرها لمرحله العنوسه .. واصبح الطلب عليها منعدم ..
لذا انعدم التفكير فيها على القرار الصحيح .

في انتظار ردج يالغلا ..
ابي اشووف تفكير صديقتج بعد هذا الاختيار ..

اختج/ الشوق

[محد يستاهل]

الســلام عليكم ورحمــة الله وبركــاته:

من وجهــة نظــري

ظل حوطــة وايد أحسن من ريال شوره عند ماماته وخواتــه

يعني ما همــه الانسـانة اللي بياخذها وهذا للأسف انتشر الحين في واقعنا الحالي

انسان يملج وتصير ظروف للبنت ممـا يخليه أهلها يأجلون العرس
ولكــن هو لا اسف مب مستعد اجأل العرس
اللي بيموت
يموت ليش شايفتني حفار قبور
ليش البنت شو ذنبها

الريال يطرش لأهل البنت والله العرس او كل واحد يسير بدربــه

شو هالكلام
معقولــة في ناس جي

لا والقهر يسير يخطب وحدة ثانية
وهي على ذمـة ريال

شو تتوقعون تفكر به البنت

صار الدنيا ما لها أمــان للأســفـ

[الجنيه]

مم ربيعتي هاي الله يسعدها ان شاء الله وافقت ع الريال بس لانها قربت من سن العنوسه بالنسبه للمجتمع ،، الله يسر امورها وملجت من شهر ونص تقريبا واتصدقين لليوم اتقولي شكلي تسرعت بهالزواج وخايفه ننفصل قبل حفلة العرس (للعلم العرس عقب شهر بالضبط ) قلت لها انتي تهورتي واتخذتي القرار بسبة شبح العنوسه حاولي تتأقلمين معاه واشوي اشوي بيتغير هم العنوسه اهون من هم المطلقه *_*

الله يعينها ويصبرها ويسعدها

[الشوق]

محد يستاهل
صدقج يالغاليه .. يوم يكون الانسان ولد امه ..
فشو بحايتي لانسان قرارته حتى ابسطها اتكون في ايد امه
معناته ما راح اكون تحت شوره .. عيل اتزوج الام احسن
لان بيكون انسان ضيف الشخصيه ما بحتاي لظله علشان اتساند عليه .
وجهة نظر جميله ومتفرده للموضوع
تسلمين يالغاليه

[بن شداد]

السلام عليك اختي الشوق/

واشكرك على اطروحاتك الطيبة التي تصب في المصلحة العامة ، ( ظل راجل ولا ظل طوفة )

يشير المثل افضلية وجود الرجل في حياة المراة حسب ظني قد اكون صائبا او خاطئا ،

دعوة الى الزواج والارتباط مع رفع مكانة الرجل في المثل ، لكن دعونا من هذا المثل ونبتعد عنه قليلا الى مثل

اخر .

( الام مدرسة ان اعددتها اعددت شعبا طيب الاعراق ) .

المثل يرفع من مكانة بنت حواء ولكن اي بنت واي ام واي امراة .

صاحبة القيم والمبادئ التي تقدم وتضر دنياها على اخرتها ، التي تزرع في الدنيا حتى تحصد في الاخرة ،

التي باخلاقها تعلو وتحن الى باريها ، وتعيد امجاد بلادها .

( اختاه ان كان هو طوفة او جدار فانتي البيت كله وانت الاساس )

سنة الله في الارض الزواج حتى تكوني مربية اجيال واجيال .

المجد بك وام المجد انتي سماك ربي وابعد اشباه الرجال عنك

اختاه اقولها من القلب صادقة ما للهوى والشهوه خلقتي والسموحة