.. يبالهم عصــى ..

[المقاتل]

http://est7.jeeran.com/%5B44%5D.jpg


هيه .. عيل كيف جذه ، وين الاحترام ، وين الأدب .. ما يصير يا ناس .. قبــل يوم الشوّاب جان شافوا شي ما عيبهم بغموا عليهم ولا ضربوهم بالعصى ومن جذه غدوا رياييــل .. وأحينه كل واحد يمشي همّه نفسه .. وقت الصلاه يالسين إلا يلعبون .. ويالله يا ماما ويالله يا ماما .. أشهــد .. إني يوم اسمع حس أبويه عوقت الأذان أنتفض وأسير أتلبس عشان أسير المسيد .. وأعوذ بالله من كلمــة أنا .. بس :d014: العصى هالأيام طايح سوقه .. وماسكين لنا اليهال .. بس حبيبي . بس عمري .. وهذاك من زود لصياح والنواح يلس على الأرض والأم مفتشله منه ولا عارفه شو اسوي .. :d014: هيييه وين أيام قبل .. جان صحنا قلنا واء بس .. اتطالعونا فنظره بس .. صخينا وبلعنا الريق .

:fa32: اليهال هالزمان غادين عفاريت ومتجبرتين :d014: يبالهم عصى .. في سطر حبيت أقتبسه من موقع " منتديات فرح " وحبيت أنقله لكــم :

" نجد أن النبي صلى الله عليه وسلم لم يأمر بضرب الولد الذي يأبى الصلاة إلا في سن العاشرة، مع أنه قبل ذلك أمره بتوجيه أولاده للصلاة وهم في سن السابعة، ومعنى ذلك أن الفارق بين التوجيه بالكلمة والتوجيه بالضرب ثلاث سنوات، فانظر كيف أخر النبي صلى الله عليه وسلم التأديب بالضرب طيلة ثلاث سنوات ولم يشرع للوالد إلا التأديب والتوجيه بالكلمة، ذلك لما ذكرناه من أن للضرب أثارا سيئة، ينبغي للمربي أن لا يغفل عنها، وإذا ظل الوالد يأمر ولده بالصلاة لمدة ثلاث سنوات ثم بعد ذلك يأبى الولد أن يصلي فمعنى ذلك أن هذا الولد عنده من العناد والإصرار على الخطأ ما يستحق معه الضرب، وبالتالي يكون له تلك النتائج الطيبة. "

وأحينه الأم تعيز وهيه تقول لولدها .. قوم يا ولد صل .. قوم يا حبيبي صل .. قوم يا حياتي صل .. لما تتعب ويطلع عنطورها وهيه تقوله قم صل .. وآخر شي يصلي بعد معركه حاميه تدوم بالساعات .

http://darmaoy.jeeran.com/hggdsd.gif

طبعا نحن ما نقول بس الضرب .. طبعا قبل هذا يكون الضرب بالحدود المعقوله وإلي تعاقب الولد بالوجه المطلوب .

:yes: .. نتمنــى من كل قارئ يتكلم لنا عن قصته مع الخيزرانه في الصغر وكيف إن الضرب أثّــر عليه ؟ لأن بالفعل أحيانا الناس ما تتعلم إلا لما تعرف عن تجارب غيرها !!

ملخص عن الموضوع : قد إتكون الفكره مش واضحه تماما ، لكـن فكرتي هنا هي التحدث عن قضية ضرب الأولاد منذ سن العاشره .. وكيــف إن الضرب قد يربي الأولاد .. !! فهل هذا صحيح ؟ أم من معارض ؟ طبعا لا ننسى فعل الرسول صلى الله عليه وسلم وهذا يكفي وحده أن الإنسان ان ينهج هذا النهــج الشريف .

لا أقول أتمنــى الموضوع يعجبكم .. ولكن أرجوا أن تعجبوني بردودكم :fa56: ( قوي صح ؟ هههه ) .

شكرا

[مــهــابه]

اخويه المقاتل :

اتـطرقـت لـ موضوع جـداً مهم وحسـاس

أولا ً ومن وجهة نظري الشخصيه :
[ الـتعليم فـ الصِغـر كـ النقش على الحجر ]

بغض النـظر عن الطريقـة والأسـلوب ، ولـو نلاحظ الأشيا اللي تـعلمناها والمبادئ اللي تربينا معاهم ، كبرنا عليها وصـارت مثل الدرب اللي نسلكه وصعـب جـداً نغـيره

بعـكس لـو تـعلم هالأشيـا ع كـبر

شـي ثـاني

[ الضـرب ]

يمـكن تـكون وسيلـة جـداً مفيده لـلتعـليم ولـ [ التأديب ] ( البـعض أكيد يخالف هـالشي )

ولكـن

مـتى نضرب ؟
وليش نضـرب ؟!

طبـعـاً قـبل ، كـانوا أهـلنا مايقصرون فـينا بالضرب ( أحيدني أنضربت مره وحده فـ حياتي عسبت جدول الضرب ) :)

بعـض الأحيـان ، وانا احس انه الأولاد أكثر شي ينضربون يوم صغـار عسب يغدون ريايل

فـي أغـلب الأوقات ومن اللي كنـت أشوفه :

ان الأولاد ينضربون لـو تأخـروا برع البيت وايد ، أو صادجوا شله هب زينه

على الصـلاه وخاصه صلاه الفـير [ ولازم تـكون فالمسيد ]

عـلى الدراسه [ وجدول الضرب اللي اظن الكل انضرب بسبته ]


مـن واقـع الحياه !

انـا أشوف انه الـضرب جـداً فـادنا ،

صح يـوم كنا صغار ، كنا نقول ليش؟ وماكنـا نعـرف شو اللي يدور فـ رأس اهالينا ، وتفكيرنا كان جداً محدود ومش مقـنع

لكـن الحين يوم كبرنا

عـرفنا شي واحد

أنـه اهلنا يبون مصلحتنا لا اكثر ولا أقل

ودايماً ابويه يتـطرق لهالموضوع معـانا ، يقول صح يوم كنتوا اصغـار انضربتوا واايد ( طبعا الكلام موجه لأخواني الأولاد )

لـكن الحين عـرفـتوا ليش

يـوم طلعـت فيكم المهندس ، والمحامي وغـيره ،
ويوم سيرتكم ع لسان العـرب وماجد انطريـتوا إلا بالخيـر



هذا اللي اهلنا يفكرون فـيه

بس الحين تـعالوا شوفوا يهالنا

قوم بليستيشن ، وقوم مول وسناتر ، وموبايل من صف 3 ابتدائي ، وسينما ودلع

ما أحس انه الجيل الياي يقدر يعتمد على عمره

جـداً اتكاليين ، مايتحملـون المسؤوليه ! . . .



بإخـتصـار :

أقـول انه الـضرب مفيـد إذا كان له حايه ، مب ع اي شي ، ولاتنسون ان الرسول ذكر هالشي




والسموحه منك ياخويه

[الزرعوني]

العقال ما قصر :D و طبعا حرمان المصروف و روحة بيت العم اذا كنا مقصرين

لو مب هاي التربية جان ما طلعنا رياييل نعتمد على انفسنا

[الجنيه]

صباح الخيـــــــر ،،،،


المقاتل الله يرحم ذاك الزمان ,, انا ما بجمع الكل بس حاليا نسبه كبيره من الآباء للأسف ما يساون نص أب من ذاك الزمان الحين الاب في سابع نومه والام اتباغم ع الولد قم صل انزين هال----( مب سبه والله بس لازم طيط عشان القهر ) الي راقد شو يسوي ؟؟؟ مب هو القدوه ؟؟؟ الولد يوم بيشوف الابو مستهين بالصلاه تعتقد هو بينضبط ؟؟؟؟ والا النوع الثاني الاب يفاتن قم صل يا فلان يلا انزين وانت ؟؟؟؟ مش المفروض الاب هو الي يتيدد ويزقر ولده عسب يروح يصلي وياه في المسيد !! هذا اذا راح طبعا ...

نحن على ايامنا نظره اتزلزل كيانا ولليوم هالطبع ما راح عنا غدينا هالكبر ونظره من الوالده الله يحفظها والا اخوي اتخلينا نرتعش مش خوفا من الضرب مثل يوم صغار بس الحين خوفا من الاحراج لو بكلمه ...

الحمدلله صغارية بيتنا ضارين ع الصلاه في المسيد الله يثبتهم ان شاء الله
الله المستعان ..

[بنوتة جميرا]

من وجهه نظري
انا ضد ضرب الصغاريه لو شو ما سووا
يعني حرام اني اضرب ولدي واخليه يتعقد وهو بعده صغير
اخليه يخاف مني
الكلمه الطيبه والتربيه من البدايه انه يسمع الرمسه وما يغلط
حتى لو غلط في شي ايي ويخبرني احسن من انه يدس عليه لانه يخاف اني اضربه

انا الحمدلله من صغري للحين عمري ما انضربت
لا ابويه ولا امي مدوا اديهم علينا كيف انا بضرب عيالي في المستقبل؟!!


جيل امي وخالاتي حليلهم انضربوا
بس احس انها طريقه مب صحيحه
لان الخوف من الابو مزروع داخلهم
صح يحبونه بس بنفس الوقت يخافون منه
وما اشوف ان هالشي صح

الابو والام لازم يربون عيالهم وكيف يحبونهم مب كيف يخافون منهم

مشكور اخوي المقاتل ع الموضوع
والسموحه ع الاطاله

[عمة العيم]

ماااا انسى يوم ابويه يرني من شعري من الحوي لي الحجره

و هو يكفخني

و يمط اذني

و يمط شعري و يقول لي......لو شفتج مره ثانيه طالعه برع البيت (يعني باب الصاله) و مب مغطيه شعرج ولو مطلعه خصله

شعرج هذا بمطه لين ما تقرعين

ويقولك عمة العيم كانت تصيح هاك اليوم لين رقدت لليوم الثاني

و و مانست هذا الدرس خخخخخخ

اظني كان عمري 12 سنه (حليلي نونو)


و هالشي مهم بعد بالنسبه للبنات يوصلون لي 20 سنه و امهاتهم يقولون لا حليلها بعدها صغيره مابغيها تتعقد (مالت)


و شكراً

(^_^)
...

[الثعلب الرمادي]

الضرب ما يربي و لا يعلم ...

اغلب اللي يضربون عيالهم هم نوعين من البشر، النوع الاول ما انضرب ابدا طوال حياته عايش مدلل و معزز و يضرب عياله حتى تكون له سيطرة عليهم يلعب و يتسلى فيهم على كيف كيفه و اذا ما مات بحادث او غيره فبسيطر عليهم للابد.

و النوع الثاني يكون انضرب و شبع ضرب و ظل مثل الحيوان الذليل و المطيع طول حياته و يطبق الضرب على اولاده حتى يشوفهم مثله و يطيعونه مثل الحيوانات و طبعا هالشي للابد.

و طبعا للنوعين رؤية محددة من خلال الضرب و هي (كسر ولدك في الصغر يصير لك حيوان ذليل في الكبر).

الحيوانات في السرك على الرغم من قوتها و شراستها مثل النمر و الأسد لكنها ما تقدر تهاحم مدربها و تظل مطيعة ... شو السبب؟؟؟

انضربت و شبعت ضرب في عمر صغير و انكسرت ارادنها ... لكن هذي تبفى حيوانات!

طبعا الاب او الام يحتاجون سبب حتى يقنعون فيه الابن او البنت ليش انضربت او انضرب و يكون الاب او الام عند مشاكل في الشغل او الام انضربت من قبل الاب او الاب للحين حيوان و الناس تتسلى عليه هنيه الام او الاب يدورون سبب مثل الصلاة او غيره المهم يلاقون سبب و العصاة او الواير العقال القب او غيره جاهزه عندهم بشكل غريب و الولد الغبي ما سال نفسه من وين امه او ابوه يابو هالاشيا المهم يدخلون الولد مكان ما يقدر يشرد مثل حالة العروس ليلة الدخلة بس حالة الولد او البنت اصعب لان في ناس تريد تضربه و تشبع ضرب فيه.

و طبعا مع الأيام يكون الضرب بدون سبب و في هذي الحالة يكون الاب او الام مصابين بمرض السادية و يصير الضرب عندهم هواية و يمكن الأمور تتطور في بعض الحالات و توصل للاستغلال الجنسي.

الاب او الام يفكرون في متعة اللحظة متعتهم في ضرب عيالهم لكن ما يفكرون في المستفيل و بعض الحالات اللي نسمع عنها مثلا ابن يفر امه او ابوه في مأوى العجزة او في البر لين يموتون و يشبعون موت و او يذبحهم و نحس بالام يوم نسمع مثل هالاشيا لكن ما نفكر شو سوى الاب او الام حتى يستحقون هذي النهاية و السبب بسيط (الضرب).

الطفل مب حيوان من حيوانات السرك للتربية أصول و الضرب اكيد مب واحد منها!

[عمة العيم]

الثعلب الرمادي المقاتل ما يقصد الضرب المبرح

ضرب عن ضرب يفرق في ضرب تعذيبي في ضرب تأديبي!!!

(^_^)
...

[الثعلب الرمادي]

عمه العيم اعرف ان المقاتل ما يقصد الضرب المبرح لكن بداية الضرب ما تكون مبرحة و مع الايام تتطور المسالة و الاب او الام ما يحس بهذا التطور و صدقيني لولا وجود الشرطة و السجون و المحاكم كنا بنشوف ولد ميت او بنت ميتة من الضرب! فاللي يصير هو ان الولد او البنت يشردون!

نهاية القصة بعض الآباء و الأمهات في مجتمعاتنا يستحقون الموت و خوفهم من المؤسسات العقابية يمسك ايدهم عن افعال و تصرفات كبيرة بحق ابناءهم و بناتهم و في هذي الحالة تكون سياستهم هي الضرب المبرح بدون ترك اي علامات او الاستغلال الجنسي مع تحطيم ارادة الضحية قبل كل شي.

الضرب هو دلالة واضحة على فشل الاب او الام في التربية و سياسة الضرب و الترهيب تظهر آثارها المدمرة بعد فترة طويلة و اذا ماكان اي اب او ام استخدم سياسات قذرة في التربية ماكان بيكون في داعي لدور رعاية المسنين او حتى دور رعاية الاحداث!

[قصايد غلا]

موضوعك جداً مهم يالمقاتل




الضرب بــ حدود يربّي و يخلّي الولد والبنت يهابون أبوهم ويحترمونه


بس أنا ما أحب الضرب


أنا الحمدلله ما جد انضربت :) ===>الله راضي عليّه يوم صغيرة :a032: ، دوووومي لاصقة في أميه و أخاف من كل شي :fa43:



بس يوم أغلط يفتنون عليّه و أموت من الزيغة



لكن أخويــه وايد ضربته أميه من زود شطانته لووووووول===> بس أحس هالضرب ياب نتيجة ، لأنه ما يخصه في شي أحينه
على قد ما كان شيطان ، أحينه هو أهدا عنّي :tounge:



أبويه فديته ما يقول لنا شي =)



بس عافانا الله شي أهالي ما عندهم أسلوب في التعامل إلا الضرب ، وهالشي يخلّي الولد أو البنت يضيعون و يتمنّون الفكّة من أهلهم اليوم قبل باجر



حـــلـــو يوم الولد ايّي بيسوي الشي ، يفكّر فيه
هل بينضرب عليه لأن هالشي غلط ولاّ لا ؟


هذا هو الهدف من الضرب ===> إن نخلّي الولد يعرف الصح من الغلط:yes:


مب نخلّيه امعقّد و يكرهناااااا من زود الضرب :d014: ، أو يشوف الأهالي اللي مدلعين عيالهم و يتحسّر على حاله :k_no:



و الضرب مب حــــــل لكل شي ، أحيانًا تكفي النظرة للولد ، تخلّيه يصــخ و يعرف إنه سوّا شي غلط:3:، حتى يوم الياهل ايْتم يباغم يبا الشي الفَتنه تسدّه :k_icon28:




لكن في هالزّماااااااااااااان ماشوف شي من هذا كلّه
:fa44:



الحينه الأم يوم ولدها يبا الشي ما تروم تقول له لا ،


أخس شي يوم الياهل ينشع عباة أمّه و يتم يصيييييح و لاّ يعاااااااند ولا ما يسوّي سالفة لأمه و أبوه ==> وما يقولون له شي





أنقهر يوم أشوف اليهال:pullhair: ===> طفوووووووووس ولا يرومون أهاليهم عليهم


يوم أشوف الياهل شرّي أقول في خاطري : أعوذ بالله هذا ياهل ولا أرضــــــــــي "شاق الأرض و ظاهر":k_devil2:




كل شي بتحمّله من الياهل ، إلاّ قلة الأدب ، حتى لو مب من أهلي عادي أفتن عليييييييييه:a046:



مثلاً اليوم : كنت في ميقا مول


و أسمع ياهل يباغم وشال السوبرماركت على راسه من زود ما هو مُزعج "عاد أنا ماداااااااني هالشّي"


جفته يالس في القاري ، و هو مب صغير وايد


يعني يفتهم مب إنه من قوم بو سنه ولاّ 3


قلت له : ليش تصارخ ؟


قال : أبا أنزل


قلت له : لأنك مزعج و مب شاطر أمك ما نزّلتك


جان يسوّي لي حركات و يظهّر لي لسانه
:a0360:
فتنت عليه و قلت له لا تسوّي جذه لأن الكل بيتحرّونك خبله و بيضحكون عليك ، عقب صخ و افتكّيت من صدعته


و أمّه واقفه ما قالت لي شي ، عادي عندها "لأني خليته يصك ثمه و فكّيتها من حشرته:4:"



=============================


الصلاة



كيف نبا الأولاد يصلّون كل فروضهم في المسيد و الأم تقول : لاااااااااااااااااااااااا اء أخاف عليه من السيايير



ولاّ تقول : لا فديته هو يصلي كل يوم في البيت "و للأسف عمره فوق الــ12 سنة" ===> شو بيستوي به لو سار المسيد ، بيضيييييييييييييع في الفريج يعني ؟! ===> جنها تشجعه إنه يصلي في البيت وما يسير المسيد





و شي أهالي عادي عندهم لو الولد ما صلّى ، على أسااااااااس إنه صغيييييييييير و لكنهبعيييييييييير


يروم


يلعب الكرة و يتعلّم السباحة و فااااااالح يجابل التلفزيون لكن يوم نطري الصلاة قالوا : حرااااااااام بعده ما يعرف ، هذا جيل يديد ما نروم عليهم
ما ايّيون بالضرب و المفاتن


ما عليه يوم بيكبر بنعلمه ===> تطوف السنين و هو ما كبر في نظرهم



الله يعيييييييييييينّا على هالتربية



كل شي في صوب ، و يوم نشوف الولد ما يصبر عن بشكارته "مربّيته" في صوب ثااااااااني




أموت من القهر يوم أشوف الياهل متعلّق في البشكارة أكثر من أمه ===> في هالحالة كيف بيكون الجيل الياي امربّاااااا:mf_leia:اااااي ؟!



من وين بيعرف الصلاة ، من وين بياخذ الأخلاق و الأدب ، من البشكارة يعني !!!



إذا الأم هبابها تجابل عمرها و الأبو يااااااااالله ياااااالله يرد البيت في آخر الليل و العيال حد في الشرق و حد في الغرب

ودّي أقول لهالنوعية من الأهالي :
يوم انتوا مب قد تربية العيال ليش تيبونهم ، حق البشاكير هم ميّوبين ؟

إذا كل أم عندها فوق الــ5 وما تدري بهم شو يسوّون
عز الله استوينا أخس عن الحيوانات
كيـــــف نبا الجيل يكون زين



الله المستعان
كيـــــــــف بتكون الأجيال الياية ؟!




أصلا يوم أشوف البنات في الجامعة "من صباح الله جنهن سايرات عررررس" أقول في خاطري : هاييلا وين الواحد يأمّن على العيال عندهن "عيالهن" ؟



خلهن يربّن عمارهن أوّل


كيــــــــف بيكونن أمّهات في يوم من الأيّااااااام ؟




عافانا الله :10: