لا للرادارات بعد اليوم ، كاشف الرادارات passport 9500i

[حصان طروادة]

وبعد طول انتظار ، سأقوم بافتتاح واحة التكنولوجيا والإنترنت بهذا الموضوع الجديد ، فأقدم لكم اليوم الجهاز الأكثر من الرائع (كاشف الرادار) passport 9500i والذي يتميز بالعديد العديد من الميزات التي قد تنعدم في الكاشفات الأخرى .



http://oasis.bindubai.com/bin/uploaded/8003_01191678996.jpg




المميزات :


1- True Lock Signal Rejection : جميع الكاشفات القديمة تقوم بإعطاء إشارات تنبيهية خاطئة في حال إلتقاطها موجات قريبة من موجات الرادار . ومع هذا الجهاز الجديد وعند إلتقاطك لأي موجة غير صحيحة تقوم بضغط الزر المتوفر في الجهاز فيقوم بدوره بتخزين نوع الموجة المُلتقطة مع المكان في شريحة الذاكرة . وعند مرورك بنفس المكان ومع الGPS المتوفر لديك في جهازك سيقوم برفض الموجات نفسها التي تم التقاطها من قبل في هذا المكان . ومع هذا فإن هذا الجهاز الذكي وفي حالة أنه التقط موجات أخرى كموجات الرادار في المكان نفسه على سبيل المثال فإنه سيقوم بتنبيهك فورا . أي أن هذا الجهاز الذكي جدا يستطيع التمييز بين الموجات الموجودة في المكان الواحد .


2- موصل مع نظام الGPS .


3- ٍVariable Speed Sensitivity : جميع الكاشفات القديمة تقوم باستخدام حساساتها اللاقطة لموجات الرادار لأعلى درجة . مع هذا الجهاز الجديد فإن درجة الحساسية فيه تتغير بتغير سرعة السيارة ، فلكما ازدادت سرعة السيارة كلما زادت درجة الحساسية ، وكلما قلت السرعة كلما قلت الحساسية .


4- Speed Alert : تستطيع مع هذا الجهاز قراءة سرعة السيارة من خلال شاشة العرض ، وبالتالي تستطيع تحديد سرعتك المطلوبة لتجنب الرادار . وللعلم فإن السرعة تقاس باستخدام نظام الGPS .


5- Mark Location : الردارات كثيرة جدا ، ومن الصعب على الشخص أن يحفظ جميع الأماكن . مع هذا الجهاز الرائع ما عليك سوى الضغط على الزر المتوفر لك لتقوم بحفظ مكان الرادار عند وصولك إليه . وفي المرات القادمة التي ستمر فيها سيقوم الجهاز بتنبيهك قبل وصولك إلى النقطة التي تم تخزينها من مسافة كافية لتأخذ الحيطة والحذر .
6- Auto Volume : كلما ازداد الضجيج في سيارتك كلما ارتفع صوت المنبه في جهازك ، وكلما انخفض الضجيج كلما انخفض صوت المنبه عندك . إذا تستطيع أن تسمع ما تشاء وبأي حدة صوت ، وتستطيع أن ترفع صوتك وأنت تتكلم لأعلى درجة ممكنة دون أن يؤثر على صوت التنبيه لدى جهازك .


هناك الكثير من المواصفات في هذا الجهاز ، وما عليك إلا زيارة هذا الموقع لتطلع عليها :


http://www.escortradar.com/9500i.htm (http://www.escortradar.com/9500i.htm)



السعر مع الشحن من أمريكا تقريبا : 1800 درهم .

[عيماني وكلي فخر]

ماشاء الله يبالنـا واحد منـه ؛؛
سلمت يمنـااك ع الطــررح أخوي حصان طرواده

ولاهنت :)

[قرموشة]

زقـرت والله !..

[المزوحي]

كلام كبير الجهاز ...

[مزن هتان]

مش ممنوع ؟!!

[حصان طروادة]

عيماني

الله يسلمك يا أخوي ،

[حصان طروادة]

قرموشه

شو مب زقرت ،

استخدمت اللي أقدم عنه وكان روعه .

[حصان طروادة]

المزوحي

شكلك بتبلغ علينا !!!

[حصان طروادة]

مزن هتان

والله يا أخوي ما أدري إن كان ممنوع أو لا ، وفي النهاية هي تكنولوجيا متوفرة وعلينا تبيينها لكم .

[ايه احبك]

لووول كل افاه الله يسلط عليها افاه هيهيهي
يعني الي اخترعه ظن انه بينفع المجتمع بختراعه لووول

بي ذا وي اربيعتي حصلته 1200
ويا حيهم الشباب
شكرا حصان XD

[حصان طروادة]

ايه أحبك

ربيعتج حصلت نفس هذا ؟ ولا واحد ثاني ؟ لأنه في وايد أنواع .

وإذا نفسه ، مستعمل ولا يديد ؟

أنا خذته من موقع الأمازون بالسعر اللي ذكرته وجميع الشركات اللي مريت عليهن يبيعونه بنفس السعر المذكور .

تأكدي من المعلومات وخصوصا الشركة المنتجة ونوع الكاشف (الموديل) وخبريني ، لأني ناوي آخذ 3 غيره .

وحبذا لو تخبرج من وين شرته .

[بنت الدلع]

شي عجيب الصراحه

تسلم

[حصان طروادة]

الله يسلمج يا بنت الدلع

[ايه احبك]

اتقول نفسه في موقع الأماراتي الأقتصادي شي جيه
ويديد ومب مستعمل
لووول انزين ليش 3 XP ليكون بتاجر XP

[حصان طروادة]

أنا متأكد مب نفسه ، لأنه في وايد أنواع ، ووايد شركات تصنعه ، ومريت على أغلب الموزعين وكان سعرهم تقريبا واحد .

حاولي على الأقل تاخذين عنها اسم الشركة والموديل .

وإذا ممكن تاخذين عنها وصلة الموقع ؟

وأنا ناوي آخذ 3 للشباب عندنا في الدوام .

صدق إني مسوي دعاية للشركة .

[ايه احبك]

مادري انا رويتها الصوره قالت هذا هوه
وعن اللنك هي اختفت حاليا اتروم ادور عنه في القوقل وان شالله بتحصله

[حصان طروادة]

ايه أحبك

إذا حصلتي ربيعتج خذي عنها اسم الشركة المصنعة والموديل .

وحاليا تقدرين تشوفين هذي الصفحة :

http://www.amazon.com/s/ref=sr_pg_1/002-5730907-8037668?ie=UTF8&rs=&keywords=radar%20detector&rh=i%3Aaps%2Ck%3Aradar%20detector&page=1

فيها أنواع كثيرة من الكاشفات وبأسعار مختلفة .

وعلى فكرة ، صارلي 4 شهور وأنا أتابع أخبار ها الكاشف لين شرته ، وما خليت شركة إلا ودخلت عليها .

حتى إن شركة الأمازون كانت مسوية عرض عليه بسعر 412 دولار وكان أقل سعر في السوق الأمريكية ، لكن للأسف ما لحقت عليه .

اتمنى منج تتواصلين مع ربيعتج وتاخذين عنها اسم الشركة والموديل واتيبين لي الموقع اللي شرته منهم .

فإذا كان فعلا 1200 درهم والموقع مرخص له بالبيع راح أخاطب شركة الأمازون واتحقق معاهم من الأمر .

أشكر تواصلج

[الاسطوري]

السلام عليكم ..


"حصان طروادة"


أخوي أنا قبل سمعت عن هالأجهزة بس كنت ماخذ فكرة إنه ماينفع يعني أحس إنه مابيعطيك
مسافة كافيه يمكن لأني مب مجرد أو ماشفت بعيني بس يعني
لو كنت ماشي فوق 200 والرادار
متحرك يزخ
140 أو 120 مخشوش ورا حاجز ولا شيرة هل بيلقط الموجات قبل مسافة كافية ولا بيعطيك
إنذار يوم بتوصل وانت وشطارتك كل تخف؟ شي ثاني وين تحطه
يعني أقصد تثبته على الطبلون عشان
يلقط الموجات ولا
تحطه في مكان ثاني وكيف يتم توصيله بنفقيشن الوكالة؟ لو بغيته لازم أطلبه من النت
ولا ينباع برع وهل عليه ضمان؟ أعرف وايد أسأل بس هذا
لأني متحمس مع اني ماسرع
وايد هالفترة
:k_special2:


الاســـطـــوري
أخوكم

[مزايا]

شو الفايده المرجُـوّه من هالجهــاز ؟!
بالمختصر يعني =)

[حصان طروادة]

أخوي الأسطوري

وعليكم السلام ورحمة الله

الأمر كله مرتبط بالpower transmission الصادر من الرادار ، فعلى سبيل المثال :

في دبي تكون الموجات الصادرة من الرادار محطوطة على أقل حد ، فلو تلاحظ أول ما توصل قريب الرادار وبسرعة فوق المسموح يصورك وأنت قريب جدا .

أما أبوظبي وغيرها من المناطق تكون الموجات الصادرة محطوطة على حد الوسط أو العالية نوعا ما فلذلك الرادار بيصورك من مسافة بعيدة اشوي .

لكن حقيقة أنا جربت الموديل الأقدم من هذا ، وفي دبي كان يلتقط الموجات من مسافة كافية ، ولو إن الموجات اللي كان يلتقطها ضعيفة نوعا ما . لكن كانت كافية للتنبيه .

وأنا بدوري طرشت رسالة للشركة المصنعة بنفس السؤال هذا ، لكني ما حصلت رد منهم ، فلذلك قررت إني أشتريه وأجربه بنفسي مع تأكدي إنه بيلقط لتجربتي السابقة .

ولو دخلت الوصلة اللي حطيتها ورحت على المواصفات التفصيلية راح تحصل الترددات اللي يمسكها الجهاز .

ـــــــــــــــــــــــــ ــــ

أما سالفة إن الرادار يكون مخشوش ، الفكرة من وراء هذا الجهاز هو التقاط الموجات للرادارات المخشوشة أصلا .

ففي أمريكا تحصل الشرطي منخش وماسك رادار على شكل (مسدس) .

لأن في غالب الأحيان الرادارات المعروضة في الشارع الواحد يقدر يحترز منها .

فالفكرة أصلا للرادارات المخشوشة .

ـــــــــــــــــــــــــ ــــــــ

أما وين تحطه ،

فعلى الزجاج الأمامي للسيارة ، والمثبتات اللاصقة كذلك متوفرة مع الجهاز .

ـــــــــــــــــــــــــ ــ

أما عن الGPS ، فهم موفرين لك في الجهاز شريحة موصلة مع نظام الأقمار الصناعية مباشرة .

شوف الوصلة هذي واتعرف على الشريحة بشكل أوضح :

http://www.escortradar.com/9500i-inside-look.htm

ـــــــــــــــــــــــــ ــ

أما من وين تشتريه ،

أولا لازم تعرف إن هناك قوانين أمريكية تحرم خروج أجهزة وأمور كثيرة خارج الولايات .

لذلك أبسط عملية شرائية هي كالتالي :

1- الاشتراك مع خدمة الشحن (أرامكس) في برنامج يسمونه shop and ship .

2- هم بدورهم بيفتحون لك بريد خاص في أمريكا وبريطانيا والرسوم على ما أذكر 135 درهم ولمرة واحدة في العمر .

3- بعد ما تحصل على بريدك ، تشتريه من موقع الأمازون كونه آمن ، وهذا اللي أنا سويته .

ـــــــــــــــــــــــــ ـــــــ

وأنا أقولك اتريا ، لا تشتريه لين أجربه ، وبخبركم بالنتايج .

بكون أول الضحايا :fa46:

لكني متأكد من فعاليته ، ولو ما كنت متأكد ما خذته .

ـــــــــــــــــــــــــ ـــــــ

وخذ راحتك بالأسئلة أخوي .

[حصان طروادة]

مزايا

بالمختصر ،

الفايدة المرجوة من الجهاز تنبيهك لوجود رادار على الشارع .

فبالتالي تخففين من سرعتك وما يزخج الرادار .

أعتقد هذا ينفع للأشخاص اللي يسرعون (اشوي) مثلي :whistling:

يعني الشهر اللي طاف دفعت 2800 درهم رادارات على الفاضي :10:

[مزايا]

يالله السالفه كلها بس عشان مايزخنا الرادار
خلو الناس اللي قايمين على الرادار تسترزق من وراكم P=
لأاتقطعون رزق غيركم

[الاسطوري]

مشكور أخوي ماتقصر على هالشرح الوافي ،، بس الخوف من الموجات القصيرة اللي ما
بتعطيك مسافة كافية وعن التثبيت مافينا نحطه على الجامه وفي أول تفتيش
ناكلها حجز ولا يسوونها قضية هذا إذا عرفوه وعلى العموم
بعدما تجربه عطنا رايك فيه بالتفصيل عشان
نحدد موقفنا منه بالضبط
والسموحه

[حصان طروادة]

مزايا

خليهم يتأدبون وما يخشون الرادار

[حصان طروادة]

الأسطوري

ما عليه صدق بصير فار تجارب

ـــــــــــــ

ولا يهمك أخوي ، بجربه وبعطيك خبر في أقرب وقت إن شاء الله

[مزايا]

مزايا

خليهم يتأدبون وما يخشون الرادار
:m_9admah:

[حصان طروادة]

شكلي بنضرب :7:

[ايه احبك]

ايه أحبك

إذا حصلتي ربيعتج خذي عنها اسم الشركة المصنعة والموديل .

وحاليا تقدرين تشوفين هذي الصفحة :

http://www.amazon.com/s/ref=sr_pg_1/002-5730907-8037668?ie=UTF8&rs=&keywords=radar%20detector&rh=i%3Aaps%2Ck%3Aradar%20detector&page=1

فيها أنواع كثيرة من الكاشفات وبأسعار مختلفة .

وعلى فكرة ، صارلي 4 شهور وأنا أتابع أخبار ها الكاشف لين شرته ، وما خليت شركة إلا ودخلت عليها .

حتى إن شركة الأمازون كانت مسوية عرض عليه بسعر 412 دولار وكان أقل سعر في السوق الأمريكية ، لكن للأسف ما لحقت عليه .

اتمنى منج تتواصلين مع ربيعتج وتاخذين عنها اسم الشركة والموديل واتيبين لي الموقع اللي شرته منهم .

فإذا كان فعلا 1200 درهم والموقع مرخص له بالبيع راح أخاطب شركة الأمازون واتحقق معاهم من الأمر .

أشكر تواصلج

ما شالله :k_puppyeyes: من 3 اشهر وانته تراقبه
طلعت روحك ردار لووول :k_harhar1:

هيه وبعدين عن سالفة الشركه نفس البراند ونفس الموديل بس الفرق هني
انك انته تبي تشتريه من الأمازون
هو معروض من قبل حد مواطن على ما اعتقد
يعني الموقع حق البيع والشره
كنسيمور تو كنسيمر
مب موقع راسمي شرات الأمازون فمالله داعي تتعمق في الموضوع :fa46:

[تنينه]

السلام عليكم والرحمه ؛؛

والله شي جمييييل أول مره أعرف وأسمع عن هالاختراع :woot:؛

ماشاء الله عليك أخوي طروواده شرح كافي ووافي ما قصرت :thumbup1:؛

افتتاحيـه جميله ومفيده متميزه :fa41:


بالتوفييج :h_qor9anah:

[حصان طروادة]

ايه أحبك

إلا قولي أنا طلعت روح الكاشف المسكين هذا ، لا خليت موقع ولا review ولا شركة إلا وبهدلتهم .

كل ها عشان أتخذ قرار ، أشتري ولا لأ . آخرتها شرته وألحين انتظر قدومه .

حشا تقولين اتريا مولود مب كاشف رادار .

ــــــــــــــــــــ

بخصوص ربيعتج ، بصراحة سعره بعده مب داش راسي إلا إنه قاعد يبيعه بسعر الجملة فحزتها ممكن .

وبعدين الفرق وايد كبير ، 600 درهم !!!

على فكرة أي شخص يشتري الجهاز من محل غير مرخص له طوالي الضمان بيروح عليه .

يعني لو شراه برخص وطلع خربان راحت عليه ال1200 ، خخخخخخخ

[ايه احبك]

لوووول
---
عسب جيه انا ما عطيتك وايد ديتيلز عن الموضوع

[حصان طروادة]

تنينه

وعليكم السلام والرحمة

أقول : الشمس من وين طالعة !!! :m_afaker:

شو هاي الطلة الحلوة علينا :k_busted_cop:

عيل لو أتكلم عن الجهاز الثاني شو بيصير ؟؟؟

والله يا خوفي بعدها بيوم ما تسمعون بحصان طروادة إلا وهو مسجون :fa36:

أشكر مرورج الكريم ، بس ها لا تنسين تشترين منه الدعاية مب بلاش :m_9afgah:

[حصان طروادة]

ايه أحبك

أشوف جذه ،

بصراحة قمت أحج راسي ، ومن العصر وأنا يالس أجلب في المواقع أشوف وين بحصله ب1200 ، وكل المواقع اللي دخلتها عطتني نفس السعر اللي ذكرته أو اشوي أقل .

[مزايا]

أنا عندي لكم حل حتى 100 درهم مايكلف يعني ببلاش
والطريقه هي إنك تحفظ أماكن الرادارات شراتي وقبل ماتوصل للرادار تخفف السرعه
وبجيه بيزاتك بيتمن ف جيبك

[مجموعة إنسان]

لا تبوووق لا تخااف ...


انا وحليلي اسرع بعد ارادااار بس يعني بشوي
وعقب اخف
لان دوريااات بوظبي كلها عندها رادار متحرك في السيارة .. ويكونون على يمين الشارع ..

..

الحييين من سنه بس مخالفة وحده علي في دبي .. لان كنت مستعيل


...



انا النحاااسه ضاااربتني هاليوميييين
اليوم واحد يمشي جدامي في الجامعه .. وقف ورجع ريوس علي وكسر سيارتي !!
شوو هاااا قبل العيييد يدعمني ..

[حصان طروادة]

مزايا

تعبت وأنا أحفظ أماكن الرادارات ،

يمكن أقول مب مشكلة الرادار الثابت بنحفظ مكانه ، أو يبين من مسافة .

لكن الرادار المتحرك ؟ واللي يخشونه ورا كل شي ؟

ذاك اليوم وأنا راد من العين ، أول ما شفت الرادار الثابت خفيت سرعتي ، من طفته زدت السرعة ولا حاطين رادار متحرك وصورني :bash:

ومرة كنت رايح عمان ، أنا مولع بالحلوى العمانية ، فقلت بمر مصنع البركة للحلوى .

المهم الجماعة حاطين رادارات ثابتة على طول الخط ، لا حاطين علامات تنبيهية للسرعة ولا تعرفين إذا الرادادر شغال لأنه ما يطلع منه فلاش .

وأخوج عاد خطف على الرادارت رايح وراد .

الشهر اللي طاف وصلتني لستة المخالفات من عمان ، 8 مخالفات . :pullhair:غير مخالفات دبي .

عاد المولود اليديد اليوم بيوصل إن شاء الله وبجربه

[حصان طروادة]

مجموعة إنسان ،

عيل صدق يبالك تاخذ من ها الجهاز (طبعا ما يجربه فار التجارب حصان طروادة) .

صدق صدق بالجهاز القديم كنت موفر على نفسي دفع قيمة الرادارات ، لكن من سنة ما استخدمته وصكوني بمخالفات 2800 درهم .

ـــــــــــــــــــــــــ

تدري ، شكلنا كلنا في الهوا سوا

وديت سيارتي الوكالة للتجييك (20000 ) ، ييت بستلمها ولا مسوين فيها حادث .

البمبر والبونيت والشبك والليت ، كله هذا يباله تغيير .

وهذي ثاني مرة على التوالي يسوون حادث بموتري .

وعاد أخوك معاند ، إلا تغيرون السيارة . :d014:

[مزايا]

أموت واعرف ليش تسرعون !!
بصراحه انا اخاف شي اسمه سرعه لانه احس نهايتي بتكون ف حادث سير
فأحاسب على عمري مب عشان الرادارات P=

[حصان طروادة]

السرعة حلوة ، لكن في حدود وعقل

في ناس يسوقون ومول ما عندهم ذوق ، يعني لو زحمه أو لا لازم يسرعون ويأذون خلق الله

[مزن هتان]

انا وايد انسى نفسي يوم احط ريلي عـ الريس
قبل يومين قبضني رادار و اليوم الصبح بعد نفس المكان

خبرنه عنه اخوي حصان يوم تستخدمه

ريل ختيه عنده بس الجديم

[حصان طروادة]

مزن

أمس وصل ، وعلى طول استخدمته .

جربته على أربع رادارات ثابته ، ورادار واحد متحرك .

مخطط باجر أخطف على بوظبي ، أريد أجربه على 20 رادار ثابت على الأقل ، و10 رادرات متحركه ، عشان أقدر أطلع بنتيجة .

المشكلة من أمس وأنا أدور في دبي ومب محصل رادارت متحركة .

إن شاء الله بكتب النتيجة بعد ما أخلص التجربة العملية .

[الاسطوري]

هــــــــــلا ..

"حصان طروادة"

نحن مازلنا في إنتظار نتايج تجربتك خاصة بعد تطبيق نظام النقاط السوده شبه التعجيزي وأتمنى
تعطينا تفاصيل شامله وملمه بالجوانب كلها عشان ناخذ الحيطه
والحذر في حال إستعملناه ووصلناه
بالنفقيشن

الاســـطـــوري
أخوكم

[حصان طروادة]

مرحبا الأسطوري ،

أقدر أقسم الرادارت إلى أربعة أقسام :

القسم الأول : وهي الرادارات الثابته والتي ترسل موجات K ، المسافة اللي يقدر كاشف الرادار يمسك فيه حوالي نصف كيلو ، 500 متر وأحيانا 600 متر .

القسم الثاني : الرادارات الثابته والتي ترسل موجات Ka ، المسافة : يعتمد على تضبيط الرادار ، أقلهم 250 متر وأكثرهم 350 متر .

القسم الثالث : الرادارات المتحركة ، المسافة : يعتمد كذلك على تضبيط الموجة ، أحيانا يمسك من على بعد 300 متر ، وأحيانا 500 متر ، وأحيانا 200 متر ، وأحيانا 100 متر .

القسم الرابع : الرادارات الخلفية ، ما يمسكها .

في أنواع أخرى من كاشفات الرادارات طلعتها نفس الشركة ، يقدر الكاشف أنه يمسك الرادار الخلفي ، ومب بس جذه ، بل عنده إمكانية حرف موجات الرادار بحيث لو كنت تمشي فوق السرعة القانونية وغفلت عن الرادار فماراح يمسكك ، لأن الكاشف عنده خاصية لحرف موجات الرادار عن مسارها ، فبالتالي الموجة ماراح تعود للرادار ، وماراح تنزخ .

إذا حاب أقدر أعطيك ملخص عن هذا الأخير في وقت لاحق . لكن سعره يفوق ال5000 درهم .

[الشيـــن]

gd لول !

انزين ع طاري الرادارات .. هالرادارات الي صوب شارع شاطي الراحه تزخ 160 صح ؟؟
لان سمعت وايد رمسه انهم غيروا اللمت !!

[حصان طروادة]

أحيد كان 160 إلا إذا تغيرت السرعة ألحين

لكن واللي أعرفه لو صار أي تعديل على معدلات السرعة يتم الإعلان عنه

[العجيبة]

انزين في برامج تنحط في التلفون ، وشغلها ممتاز بعد

اخوي استخدم هالبرنامج cellpos1.31 ويقول انه اوكي ، لكن أتوقع انتهت مدته وبغا له الكراك وما لقاه ...

وبخبره عن هالجهاز ...

شكرا اخوي حصان طروادة

[حصان طروادة]

البرامج هذي تشتغل عن طريق البلوتوث ، والكل يعرف إن البلوتوث حده أمتار ، فبالتالي بيمسك عن بعد أمتار بسيطه جدا ، وهذا ما يكفي أبدا .

[الشيـــن]

حصان .. ترى انا بعد احيدها 160 بس سمعت كذا رمسة من ربيعاتي .. لان في تحويلتين اونه !
عاد مادري بهم .. !

[مجموعة إنسان]

السرعه في شاطئ الراحه 120

يعني من الشهامه تبدا السرعه 120 ( وانتي رايحه بوظبي)
بس العكس وانتي سايره دبي 160


واتحملوا من التحويله اللي بعد شاطئ الراحه وانتوا رايحين دبي
لان بداية التحويله في نزله قوية
ولو اني ما جربت النزلة واللي صار بعدها ما بقولكم
بس ترا الله ستر علي وكانت الساعه 3 الفجر ومافي حد

[الشيـــن]

^
لااااااااااااااااااااااا انا كل يوووم اطوووفها فووق الـ140 =\ لا تقوووووووووووووووووول !!
عز الله تم لي ليسني )'=

وعن التحويله هيهيهي لا تتخبر $=

[الاسطوري]

مرحبا الأسطوري ،

أقدر أقسم الرادارت إلى أربعة أقسام :

القسم الأول : وهي الرادارات الثابته والتي ترسل موجات K ، المسافة اللي يقدر كاشف الرادار يمسك فيه حوالي نصف كيلو ، 500 متر وأحيانا 600 متر .

القسم الثاني : الرادارات الثابته والتي ترسل موجات Ka ، المسافة : يعتمد على تضبيط الرادار ، أقلهم 250 متر وأكثرهم 350 متر .

القسم الثالث : الرادارات المتحركة ، المسافة : يعتمد كذلك على تضبيط الموجة ، أحيانا يمسك من على بعد 300 متر ، وأحيانا 500 متر ، وأحيانا 200 متر ، وأحيانا 100 متر .

القسم الرابع : الرادارات الخلفية ، ما يمسكها .

في أنواع أخرى من كاشفات الرادارات طلعتها نفس الشركة ، يقدر الكاشف أنه يمسك الرادار الخلفي ، ومب بس جذه ، بل عنده إمكانية حرف موجات الرادار بحيث لو كنت تمشي فوق السرعة القانونية وغفلت عن الرادار فماراح يمسكك ، لأن الكاشف عنده خاصية لحرف موجات الرادار عن مسارها ، فبالتالي الموجة ماراح تعود للرادار ، وماراح تنزخ .

إذا حاب أقدر أعطيك ملخص عن هذا الأخير في وقت لاحق . لكن سعره يفوق ال5000 درهم .


يمكن الجهاز مقبول نوعا ما كونه ينبه الشخص قبل بمسافه بس بعد احس انه مب
عملي وايد بالنسبه لي اولا لأنه ماينفع لرادارات بوظبي
والشي الثاني لأن سعره غالي
مقارنة بعدد مخالفاتي من خذت الليسن من سنين لليوم يعني مايوفر علي لأن
الحمدلله كل مخالفاتي ماوصلت 5000 ومشكور على
هالمعلومات الثمينه ياخوي
:yes:

[الشيـــن]

يعني بعدين انا بخم الشواارع مادري المدراس ؟ =\

[خيال الحب]

مجموعة انسان انته متاكد@__@

انا سالت واحد يداوم هناك بالمرور قالي وانته رايح بوظبي 160 ومن جسر المقطع للشهامه خلوه 100 لانهم بيسوون جسوور


عز الله خميناا الشارع ويا الشين لووووووول

[الشيـــن]

مجموعة انسان انته متاكد@__@

انا سالت واحد يداوم هناك بالمرور قالي وانته رايح بوظبي 160 ومن جسر المقطع للشهامه خلوه 100 لانهم بيسوون جسوور


عز الله خميناا الشارع ويا الشين لووووووول


خيـااالوه هاي مال قوم بو ميه يصور .. اشاعااات
لان اول ماقالوا هالرمسه انا عـاادي كنت أطـوووفها مسرعه بس مايصور !
بس متشككه فـ سالفة الـ 160 ! ماعرف لييش !!
كل يوم أسمع رمسة عسب جي شكيت فـ السالفة
افتكيينا من هالراداارات طلعولك سيايير الشرطه الي عندهم الجهاز داخل !!
خااامييين خامييين شكلنــا

.
.
ومب جيي السالفة ، يوم اكون متأخره الصبح أسررررع وايد
فـ يوم اجوف الرادار اخف بـ حيث انه ايي اميه وشوي وخمسين !
يعني ان صورني .. يمكن اسلم من خم الشااارع بس ما بسلم من الي عندي فـ البيت !!

[خيال الحب]

لا عيــل من باجر روحــي الدكان وخذيلج مخـمه وحطيها بالدبه لوووووووول


اصلا لازم كل شباب الامارات الحين يحطون مخمه بالدبه لووووووول


على طول من يخالف ينزل يخم ويروح بيتهم لوول

[الشيـــن]

^
ههه صدقك والله .. انا باخذ مخمتين .. وحده حق خم الشااارع ووحده حق امي عسب تكسرها عـ ظهري خخخ

[الاسطوري]

^
المخمه هذه في حالتنا أما اعيال الكباريه بيخلونهم يستخدمون
المكنسه الكهربائيه عشان البرستيج
:h_daleel:

[خيال الحب]

^ ههههههههههههههااااااااااا اااي حلوه منك يالاسطوري لوووووووول


اقصها ايدي انااا لو مشى هالقانون عليهم