الله يبعدنا من شر الحوادث

[ولد الشحوح]

السلام عليكم ورحمة الله وبركااااااااااااته
وشحال الجميع
من فترة دعم هندي ما ادري باكستاني غبي يسوق تاكسي إسمحولي أقول عنه غبي لأنه لو كانت فيه ذرة ذكاء مب ذكاء بعد بس استيعاب إن السيارة اللي دعمتها مب فسيدك ما دعم الوالدة ... المهم سيارة الوالدة شبه اتكنسلت وصلحناها بس بعدني حاس إن الموتر خلاص ما يصلح حق الوالدة عسب جي انا عطيتها الأكورد توروبو هخهخه مالي وباخذ لي سيارة مستعملة
طبعا انا بداوم عقب رمضان وانا ادرس بعد عسب جي السلفية اللي بقدر آخذها كحد أعلى 70 ألف بس
حطيت فبالي لكزس Ls400 موديل 98 بس القلب يحن للحب الأمريكي وخاطري فكابريس ولا لومينا كوبي .... وما ابا هالمواتر الصغيرة اللي ما فيها حيل ابا شي فيه عزم

أبااااااااااااااااااااااا شوووووووووووركم:6:

[مايهزك ريح]

تستاهل سلامة الوالده .. والله ما اعرف بشو اشور عليك .. ما ودي تاخذ موتر مستعمل .. لأنه معظمهن ملعون خيرهن .. :k_icon9:

[شرجاوي]

والله لو اتدور بتحصل لومينات نظاف .. موديل 2006 بتحصلهن ف حدود ال60

[ولد الشحوح]

ما يهزك ريح تسلم الغالي
شرجاوي ردك حمسني
وين الربع محد شار عليه غير اثنين
انا ربعي شارو علي باللكزس عسب إنه ياباني ويكرف
انا ابا موتر يكمل وياي أربع سنوات لين أتخرج إن شاء الله

[شرجاوي]

الغالي .. اذا انت تهتم بالموتر بيتم عندك و ما بيقولك لا .. اللومينا مشكلتها سعرها .. وايد بتخسر منها ف 4 سنوات ..

اللومينا شوية تضبيط فالمكينه ... و بتصلخ الــ m5 صلاخ

[مايهزك ريح]

شرجاوي البارحه اخويه صالخ اللومينا اليديده بالدينالي اللي عنده ويايني يضحك .. يقولي قبل كنت خايف من اللومينات وما اقرب عدالهن .. اليوم صلخت اليديده .. طبعا انته اكيد اتخيلت ويهي شجايل استوى .. ( انا عندي الجديمه ) شو بيسوي بي .. والبارحة كان يبا ايرب ويايه عشان يقطعني ..

[ذنـيـنـي]

عندنا وحد للبيع جان تباها
موديل98
وارد المانيا

لونها كحلي و من داخل اسود و فيها شاشة
مطلوب فيها 50

السيارة نظييييييييييييفة وتلق "ما شاء الله"
و تقدر تفحصها عسب تظمن

[شرجاوي]

اخوك يمكن جرب ويالـــ S ... مستحيل و مليون مستحيل يطوف الاس اس .. الا اذا موتره كان مزود ..

تبا شوري .. خذلك لومينا 2002 او 2003 .. قد ما بتم عندك ما بتخسر شي منها .. و تزويدها وايد رخيص

[ولد الشحوح]

أشكر تفاعلكم الصراحة ذنيني وشرجاوي دوم ما شاء الله عليكم راعيين فزعة
وما يهزك ريح تسلم الغالي عالتفاعل
ذنيني انا ما اقدر الحين لاني ما داومت بعدني بداوم بعد رمضان إن شاء الله بس الحين أبا احط فبالي شو باخذ عسب ارتب أموري أول بأول
وانا اذا خذيت لومينا باخذ الكوبي صراحة ما عليه كلام ...
إن شاء الله من أداوم عقب رمضان بوافيكم بكل شي وارد اكرر شكري

[مايهزك ريح]

شرجاوي .. اخويه متأكد انها اس اس .. عشان جيه ياني يضحك .. بس تعال .. الدينالي .. 6 سرعات ..و اللومينا 4 سرعات اذا جير توماتيك .. تتوقع هالسبب اللي خلى اللومينا تتأخر عنه .. !!!!
انا على طول يا في بالي هالشي ..

ولد الشحوح .. انا ويا شرجاوي .. لأنها اللومينا اذا خذتها يديده اتكون غاليه ... بس اذا مستعمله يكون طايح سعرها .. يعني تشتريها .. وتستعملها وانته مرتاح .. ما تحاتي ..
انا كنت بايع العام موتري أس أس .. موديل 2000 بـ 24 ألف .. مع انه موتري نظييييييييف وتشييكاته كلها في الوكاله وماشي 170 ألف كيلو .. فإذا بتدور موديل 2002 أو 2003 ما بيكون غالي لأنه الموديل اليديد تغير شكله .. و نزل سعر الجديم ..

واذا انا حصلت لك موتر عند حد بقولك .. والله يوفقك ..

[شرجاوي]

حتى لو 16 سرعه .. اللومينا يمكن جيرها كان تعبان .. او فيها وزن زياده عن اللزوم او او او

اللكزس 460 جيرها 8 غيارات و اللومينا 4 .. شو رايك ان اخوي يتجدمها لين 245 .. بعد ما اتبند تتجدم اللكزس .. موتري اخوي وكاله .. تاخذ قياس ؟؟

[مايهزك ريح]

اها يعني ما ايخصه الجير .. زين يوم قلتلي ..
ثانكس شرجاوي ..

[ولد الشحوح]

ها الشي الحلو في واحات بن دبي انك تتعلم مش مجرد صور سيارات وخلاص
ما يهزك ريح إن شاء الله عقب الدوام بدور لي لومينا كوبي