مشاهدة النسخة كاملة : وزارة التربية و التعليم .. لين متى ؟!!!
وحي القلم
29-09-07 ||, 12:28 AM
السلام عليكم و رحمة الله و بركاته
المدارس الحكوميه .. للأسف الحال اللى وصلن له ما يسر لا عدو و لا صديــ(ج)
من بدت السنه الدراسيه و أنا أتريا حد يرمس و يغير
بس لين الحينه و أنا أتريا .. ما استوا شي و الحال مثل ما هو
.
.
ماعندهم عمال التنظيف .. لانهم يبون المدرسين ينظفون ..!!!
هذا احترام المعلم ..!!
وحده من المدارس مستويه مزبله .. محد يشل الوصخ بالايام :fa55:
هذا من غير انه الطلاب ما يقدرون يدخلون الحمامات (و انتو بكرامه) لانهم من بدا الدوام ما نظفوهن
وين التطوير اللى يتكلمون عنه ..؟؟!!
ليش اييبون خبرا أجانب و يدفعولهم بالآلاف و المدارس حالهن جذيه و محد مفتكر ؟!!
.
.
يمكن قريتوا عن الاستبيان اللى أعلنت عنه الوزاره لأولياء الأمور عن امتحان السيبا
و عقب ما انتهت مدته
اكتشفوا أنه ما شاركت فيه غير أم وحده ..!
و هي معارضه أنه يتم تحديد مستوى الطلاب على أساس درجة هالامتحان
و اللى فالوزاره مستغربين أنه محد شارك فالاستبيان "صدقهم ليش محد شارك :glare: ؟؟ "
شكلهم بعدهم ما يدرون ليش :boxed:
.
.
مــهــابه
29-09-07 ||, 12:55 AM
هـالوزارة
وعلـى الـرغم من أنـه الميزانية المخصصة لـها كبيـرة
إلا
أنـهـا أكثر وزارة تـعاني ! . .
يـحتاج لـها شـغل وايد
والله انـا مب عـارفه المشكله من وين ؟ !
يـعني لـو رمسنا عن المناهـج ، يقـولون غـيروهن
عـن اللي يدرسـون
بس فـخاطريه شي واحد
اللي يشـتغلون فـ هالقطاع ، واصحاب الكلمه فـيه
كيـف يفكرون
مع بداية الفصل ، كانوا يقولون للمدرسـات واللي اختي وحده منهم ينظفون المدارس
بـ ذمتكم
هـذي مكانـه المعـلم ؟!:k_no:
ونـتيجة لـ هذي كل يوم نقرأ بالجرايد ، ازدياد عدد الأسـتقالات
من أهـليه 2 أسـتقالـن هالسنه رغم أنـهم ماكملن غير سنتين أو ثلاث فـ الـتعليم
نحـن لـو يعتدل الـتعليم عندنا ، بيعتدل كل شي معـاه
ربج كريم
وهونيها وتهـووون
ولهت ع المدارس ، ولعوزة المدرسات:4: === > مول مايخصه ادري
خيال الحب
29-09-07 ||, 05:16 AM
اذن من طين واذن من عجين
ولا حياة لمن تنادي..
طبعا الي يشتغلون في مبنى وزارة التربية والتعليم نفسه عيالهم كلهم في مدارس خاصه.. والتعديل كله ع مدارس الحكومه..
لو تمــت بلادنــا جي.. من الحيــن انا اقول على الدنيــا الســـلام
وحي القلم
29-09-07 ||, 02:00 PM
مهابه
حال المدارس الحكوميه ماشي أتعس عنه
مادري بهم ناوين على شو بالضبط :bash:
اللى صدق يقهر يوم أنج تسمعينهم يرمسون عن التطوير
و هم مب مهتمين بالأولويات
قبل ما يبتدون يطورون المفروض يهتمون بالأساسيات .. مب جذيه :k_icon28:
.
.
و على طاري الاستقالات :k_sadwalk:
شي طبيعي أنهم بيستقيلون يوم أنه محد مقدرنهم
و لا حتى امسويلهم سالفه ولا جنه بيطبقون القرارات عليهم
كم اللى سمعنها انهم استقالوا العام .. جمال المهيري و خليفه بن فارس و غيرهم :fa36:
و على فكره أغلب اللى استقالوا مواطنين .. هذا شو معناته :glare: ..!
.
.
و عقب يردون يرمسون عن التطوير:a052: ..!!
حلم الطفوله
29-09-07 ||, 02:13 PM
لا حول ولا قوة إلا بالله
كم بنرمس وأصلا من بيسمعنا يوم بنرمس ! ( امخليا نتحرطم بروحنا )
التعليم رساله ساميه ولكنهم بقراراتهم التخبطيه ...خلوه مهنه محد امجبل عليها !
صارت الأنشطه والمشاريع المدرسية أهم من تعليم الطالب نفسه وراحة المدرس
ما أقول غير ... لا حول ولا قوة إلا بالله
وحي القلم
29-09-07 ||, 08:56 PM
خيال الحب
المشكله أنه اللى يرمس يظهرونه هو الغلطان
يعني ولا ترظى باللى نسويه غصبن عنك
ولا شوف لك مكان ثاني ..! :fa55:
و المدرسين اللى كملوا سنين فهالمجال مب امحصلين حد ايقدر تعبهم
بس يبونهم ينظفون المدارس :mad:.. و يا ليتهم زادوا معاشاتهم بعد
المعاشات العدله للأجانب بس .. ولا الباقين ما لهم أي حق
.
.
وحي القلم
01-10-07 ||, 08:47 PM
حلم الطفوله
الله يكون فالعون :fa43:
مادري وين بيوصلونا آخر شي بأسلوبهم هذا :bye2:
.
.
المنصوري
07-10-07 ||, 12:28 AM
جـــداً احتـــرم العلــــم والمعلــــم ,,
اممم انا بعيـــد عن المدارس منذ فتــرة طويلـــة ، سمعت الكثير عن الأشيــاء اللي اتطورت في المدرســـة ، وسمعت بأن حالهـــا تعدل عن الحال اللي تركنــــــااه ، ولكــن استغربت يوم قريت كلامــــج ، المشكلة الإعـــلام يبيـــن دائمــاً الصورة الراقيــة عن المدارس وعن دور القياديين ، وفيه بعض الخفايا مدسوســة بيــن السطور.
كـــــــاااان الله فـــي عـــون الطــّـــــلاب ,, وكنت اتوقع صاحــب الموضوع من سكـّـــان ( جزر القمــر ) ولكـــن ظهـــر من ( الإمــــااارات ) (( أنــا ما قلت شي ولا حدرت الموضوع :fa52: ))