عندي مشكله ما اعرف شو اسوي :(

[خطايــا]

السلام عليكمــ ..


عندي مشكله ويا الانتي فايرس ابغي مساعده بلييز ...
من البارحه يطلع لي ها البكس كل ما اسوي شي


http://oasis.bindubai.com/bin/uploaded/8715_01190752528.jpg (http://oasis.bindubai.com/bin)


سوري الصوره ادري وايد عووده :(

[الاسطوري]

أنا يظهر لي نفس الشي بس ماعرف إذا من الواحات ولا
من البرنامج نفسه ،، على العموم ننتظر
الإجابة إن وجدت !
:smile2:

[خطايــا]

والحل يعني صدق صدق غصصبي كل شوي يطلع لي هالبوكس :fa39:

[حصان طروادة]

الصورة مب واضحة

لو توضحينها عشان نشوف المشكلة

[خطايــا]

كيف اوضحها ؟

يوم تضغط على الصوره اللي انا محطتنها تقدر توضحها بتلقى اشاره مثل ال + كبيره على الطرف اليسار تحت اضغط عليها وبتتكبر :(

[حصان طروادة]

سؤال :

متى نزلتي برنامج (الكاسبرسكاي) ومن وين ؟

سؤال :

وهل الإصدار اللي عندج قانوني أو غير قانوني ؟ يعني مستخدمه فيه كراكر ؟

[خطايــا]

امممممممممم انا وديت الابتوب المحل عشان يسويله فورمات ... من عقب ما رديت جي كان يطلع لي !! بس ما ادري جان هوه قانوني والا ...

شو الحل الحين .؟

[حصان طروادة]

الأخ منزل البرنامج مع كراكر ، والKEY المستخدم غير قانوني .

عندج حلين :

1- تشترين الKEY من الموقع ، أو تشترين البرنامج بشكل قانوني .

2- تزيلين البرنامج ، وتحطين برنامج آخر (قانوني) .

أنصحج تستخدمين NOD32 خفيف وجيد جدا واحتل المرتبة الرابعة عالميا ، لأن الكاسبرسكاي ثقيل على الكمبيوتر مع إنه احتل المرتبة الأولى هذا العام .

[خطايــا]

أول شي مشكور اخوي ما قصرت ..

بس كيف اسوي هذا كله اممم ما اعرف شي في هالسوالف ... للأسف :(

[حصان طروادة]

لإزالة البرنامج :

1- control panel
2- add / remove programms
3- دوري على برنامج الكاسبرسكاي
4- ضغطي عليه one click
5- ضغطي remove

أما إذا تبين تشترين البرنامج ، أول شي حددي نوع البرنامج اللي بتاخذينه عقب بنقولج من وين تقدرين تاخذينه .

بصراحة ما أقدر أعطيج أي كراك لبرامج الحماية لأني موقع على تعهد و اتفاقية لاستخدام برامج الحماية بشكل قانوني لذلك بساعدج فقط للحصول على أي برنامج وبشكل قانوني .

[خطايــا]

مشكووور اخوي ويزاك الله خير ..

انزين سوال ثاني لو سويت له remove ما بيأثر يعني ؟ ولازم يكوون عندي برنامج غيره.

[خطايــا]

Done !! سويت له remove !

[حصان طروادة]

اختفت الرسالة ؟

وشي ثاني :

كمبيوترك بيكون معرض للإصابة بفيروسات في أي لحظة ، فحاولي تشترين برنامج الآنتي فايروس في أقرب وقت ممكن .

مثل ما قلت لج ، أنصحج تاخذين NOD32 ، مري على محل Plug Ins أو sharaf DG .

لا تروحين صوب المكافي أو النورتن ، لأنهم وايد ثقال على الكمبيوتر .

[خطايــا]

هيه اختفت الرساله ... والله انا قلت بحط النورتن بس بما انك ما تمدحه باخذ NOD32 رغم اني اول مره اسمع عنه سمعت عن النورتن والمكافي بس هذا لا ...

[خطايــا]

وحده قالتلي اني اروم احصل هالبرامج في النت .... صدق والا ؟!

[حصان طروادة]

كل شي متوفر على النت ، ومثل ما قلت من قبل بالنسبة لي ما أقدر أعطيك أي برنامج بشكل غير قانوني .

فلذلك ما أقدر أساعدك إلا ببرنامج قانوني ، وإذا تبين تشترينه من خلال الموقع الرسمي فتفضلي الوصلة :

https://secure.shareit.com/shareit/checkout.html?sessionid=729186230&random=5c5ab5a6173e0aee25493740ba38f4b6&productid=300061247&quickbuy=1

شوفي الخانات اللي عليهن هذي العلامة ( * ) هذي لازم تعبينهن .

NOD32 :

فهو برنامج يوفر أفضل حماية نشطة ، استطاع الكشف في اختبارات مجلة PC World عن 90% من البرامج الخبيثة ، أما الكشف عن التهديدات المجهولة فقد حصل هذا البرنامج على أعلى نسبة وهي 79% فتفوق على نظرائه من البرامج من مثل الكاسبرسكاي ، والنورتن .

أما ما يتعلق بإبطاء النظام ، فإنه يؤدي إلى إبطاء النظام بنسبة 5% فقط ، أما الكاسبرسكاي والنورتن فإن نسبة إبطاء النظام تصل إلى 10% وهي نسبة كبيرة جدا .

أما التقييم العام على حسب المجلة ، فهو جيد جدا ، وقد احتل المرتبة الرابعة على التصنيف العالمي .

[خيال الحب]

السلام عليكم

البرنامج (http://www.absba.com/modules.php?name=Downloads&d_op=getit&lid=14187)


مثل ما قال اخوي حصان طرواده هذا من احسن برامج الحمايه>>>بس انا ماستخدمه:shutup: لاتسئليني ليش


تم التعديل في وصلة البرنامج

[خطايــا]

حصان طرواده : ماشاء الله علييك معلوماتك في هالمجال جدا رائعه .. مشكور اخوي وما قصرت ..

خيال الحب : اممم مضموون انزين والا ؟

[خيال الحب]

مافهمت عليـــج ..شو تقصــدين!!!!!!!

[خطايــا]

يعني اللي فهمته منك انك ما استخدمته ... فيعني اممم هوه زين والا ؟!

[خيال الحب]

ولا يهمج انا الحين انزل البرنامج :)

لاني قمت اعاني من التصفح البطيئ الي يلوع الجبد من بعد ما نزلت المسن 8 فبجرب النود32

[خطايــا]

جربته واحس كل شي أوكي ..

مشكووور أخوي ...،

[حصان طروادة]

رايج في البرنامج يهمنا

[خطايــا]

أول شي مشكوور أخوي على إهتمامك .. ما قصرت ..

البرنامج وايد أوكي واحس من نزلته لابتوبي استوى سرييع ..

[حصان طروادة]

هذا شي متوقع ، لأنه جدا خفيف وما تحسين فيه .

واسمحي لنا إذا ما حطيت لك برنامج غير قانوني .

[مزايا]

هذا شي متوقع ، لأنه جدا خفيف وما تحسين فيه .

واسمحي لنا إذا ما حطيت لك برنامج غير قانوني .
ببلغ عليك D=
أمزح
استفدنا منكم

[حصان طروادة]

مزايا

أخافج أنتي اللي تتورطين

لأني قلت في السابق ما بحط وصلة لأي برنامج حماية غير قانوني ، وأنا موقع اتفاقية على ها الشي .

فالقانون معاي :unclesam:

[مزايا]

مزايا

أخافج أنتي اللي تتورطين

لأني قلت في السابق ما بحط وصلة لأي برنامج حماية غير قانوني ، وأنا موقع اتفاقية على ها الشي .

فالقانون معاي :unclesam:
وانا ماقدر اخذ كلام النت على محمل الجد :fa42:
عن جد امزح
عن اخرب الموضووع بس

بس بغيت اسألك إنته دارس هندسة كومبيوتر ؟!
وشو دراستك ؟!

[حصان طروادة]

مزايا

أدريبج تمزحين ، وأنا بعد أمزح معاج .

أنا دارس هندسة شبكات وأمن الكمبيوتر ، وهذي السوالف كانت عبارة عن هواية من يوم كنت صغير .

نميتها بالدراسة ، وبالمطالعة .

وحاليا أخطط أكمل الماجستير في أمن الشبكات ، لكن أمور كثيرة مهمة تحول دون إتمامي لها .

[مزايا]

^
^
اسمحلي على اسئلتي الزايده
بس خريج وين ؟!

[مزايا]

على فكره
المفروض تكون واحة التكنولوجيا والانترنيت تحت اشرافك إنت بالذات

[حصان طروادة]

مزايا

مسموحة اختي وخذي راحتج بالأسئلة .

أنا خريج كلية التقنية فرع دبي

أما إن الواحة تكون تحت اشرافي ، بصراحة لي الشرف ، لكن أظن أنا بعدني يديد على الواحات والأمر كله بيد المشرف العام .

مشكورة على هذي الثقة .

فعلا اعتز بها واعتبرها وسام على صدري

[خطايــا]

على فكره
المفروض تكون واحة التكنولوجيا والانترنيت تحت اشرافك إنت بالذات

وانا بعد الصراحه اوافقج الرأي .. :yes:

[حصان طروادة]

خطايا

أشكرج على حسن ظنج