فريج وماادراك مافرررررريج؟؟؟؟

[لبن مثلج]

السلام عليكم

مبروك عليكم الشهر ولوانها متاخرة :5:



من المؤسف والمحزن والمبكي جدا ان عيال البلاد ينتجون برنامج يهين الدين الاسلامي ..

الكل شاف البرنامج اليوم ومااعتقد حد راضي عن اللي انعرض ...

هل هكذا يكون احترام الدين يامحمد؟؟؟؟

عمر الدين ماكان محل استهزاء وسخريه وفي برنامج كرتوني مثل اللي يشاهدونه فئة الاطفال اللي يتاثرون بمضمون البرنامج بحذافيره ...

ودي افهم شو مضمون الحلقة الاستهزاء بالتدين والمتدينين ،، والا الاستهزاء بالفتاوى الشرعية ؟؟؟

لو كان الكرتون مستورد كلنا بنقول الغرب يبون يخربون عقول اليهال .. لكنه محلي ومن انتاج شباب مسلمين ؟؟؟؟

شو تم بعد هالاستهزاء // وليش تزعلون يوم الغرب يهينون الرسول عليه الصلاة والسلام ؟؟؟ انتوا حابين هالشي وبكل ثقة تعرضونه على التلفزيون وفي هالشهر؟؟؟

هل المشاهدين ناقصين ضحك ووناسه ،، عشان انضحكهم على امور تغضب رب العالمين وتهين العقيدة ..

عيل كلام حريه ينقال ... والعياذ بالله من كلامه اللي ماينطرى وكله جراة على رب العالمبن ( ولارب يحفظك) استغفر الله العظيم من هالجهل ... وين عيل اسماء الله الحسنى وصفاته ،، وين التوحيد ووين العقيدة الصحيحة وحب رب العالمين اللي خلقه واللي بايده يخليه عدم... هذا هو الدين ؟؟

يانس الواحد يحافظ على الفاظه الان الالفاظ هاي تخلي الواحد يشرك والعياذ بالله...

الدين مب مصخره ولا قدره انه يكون في مسلسل كرتوني تافه ماله هدف الا الشهرة على حساب الاستهزاء بالشريعة الاسلامية...

حسبي الله ونعم الوكيل ،، مادري كيف عرضوا هالبرنامج وكيف سمحتلهم نفوسهم بانهم يتفوهون يهالكلام ...

ولا عمر الافتاء كان في ثياب بوتيله ... هل الدين تافه لهدرجة ؟؟؟؟؟؟؟؟؟
سبحان الله العظيم ،، في حديث عن الرسول عليه الصلاة والسلام وبما معناه ،، يقول اجراكم على الافتاء ، اجراكم على النار ... ومنوا يكونون هذيل عشان يغيريون حكم رب العالمين في الحج والافتاء ..

لا حول ولاقوة الا بالله العظيم ،، ضاربين القران والسنه بعرض الحائط عشان يضحكون الناس وعشان الشهرة اللي على حساب دينهم ..

والله الواحد وده يصيح على الحاله اللي وصلنالها من الجهل ...

[المقاتل]

وايد انقهرت من حلقة اليوم .. وعقبها كرهت الفريج .. !!

[العجيبة]

شو صار ؟ أنا ما شفت الحلقة ...


بس أصلا فريج هالسنة مب مثل السنة اللي طافت .. شفت منه كمن حلقة .. ما عيبتني بعض الحلقات .. مملة وما فيها شي حلو ..

[لبن مثلج]

للاسف يالمقاتل ناس تحمل شهادات من امريكا

وهم قمة في الجهل بامور الدين ،، شو فايدة الشهادة ،،

ولا هذا شكر للنعمة!!!!

[لبن مثلج]

احسلج يالعجيبة يوم ماشفتي لان اللي يشارك في الاستهزاء بالدين يكون مشارك في الاثم .. مصخوها والمفروض البرنامج هذا ماينسكت عنه..

[الزرعوني]

والله اني اتوقعت ان الناس بتفهمها غلط

يا جماعه تراهم يتطنزون على بعض الناس اللي يفتون على كيفهم و اللي يعيبهم ( و انتوا فاهمين قصدي )
على سبيل المثال .. الهندي اللي ياخذ قياس او ان الحجاب
للأسف عندنا في البلاد .. يوم يدشون محلات عاااااادي و لا جنه الهندي اللي واقف ريال .. لكن إن دش مواطن عدلوا الحجاب و اتغشوا !!!! بصراحه شي يقهر والله ..
على الاقل ولد البلاد ما بيسوا شي .. والهندي تراه الله يعلم شو يطالع ..


عيل فتره اجازوا الارضاع !! شو انقول عيل ؟!؟!

الحين كل من هب و دب قام يفتي للأسف .. و انا اعتقد اللي من هالنوع بيشوف هاي الحلقة بيستح ع ويهه شوي

[وحي القلم]

لبن مثلج أول شي أشكرج على غيرتج

بس مادري.. أنا اللى فهمته من الحلقه أنهم ينتقدون الناس اللى يفتون و هم ما يعرفون شي فالدين

و بينوا نتيجة هالتصرف باللى سوته أم خماس أنها جلبت الحلال حرام و الحرام حلال

و هالشي موجود في مجتمعنا

.
.

سامحيني يا لبن مثلج

أنا ماأدافع عن حد.. بس كتبت اللى فهمته

[تحفه]

حتى انا قلت الناس بتفهمها غلط ..

بالعكس الحلقه كانت اتفطس من الضحك ... خاصه يوم يقولون تكبير كيكيكي

[ولد الشحوح]

يا جماعة خلوا نظرتكم لبعيد حلقة فريج اليوم أفضل حلقة لأن لها هدف ومغزى يبون يوصلونه لنا
مب كل من طول اللحية وقصر ثوبه صار يقدر يفتي وتكلموا عن سالفة السحر والشعوذة والإستغلال عن طريق القنوات وكثير كثير من الأفكار إللي هالحلقة رمز لها
لا تحكمون ع الظاهر خلوا نظرتكم لبعيد

مجرد رأي

[ايه احبك]

ما شفت الحلقة جيه شو صار ؟؟!! O_O

[تحفه]

^يابو طاري الي *يدعون الدينّ* لولز

[ولد الشحوح]

في قلوبهم مرض

[خنفروش]

:a046:


عـنــد الـعـيـايـز كـل شـي يـايـز


:a046:

:fa56:

[وردة روز]

وجهات النظر تكون مختلفة ومتباينة في كثير من الأحيان ،،، فكل له نظرة وحدود تفكير تختلف عن الآخر ،،، لكن اتمنى أن لا يفسد ذلك للود قضية ،،،

في نظري كمشاهد (ولو ما عيبني الفريج هذي السنة) أرى أنهم قد أوصلوا رسالة جدا مهمة للمشاهدين بغض النظر عن كونهم (عياييز) ،،،

هذه الرسالة تتلخص في فئة معينة وشريحة من المجتمع ممن تأخذهم حماسة الإلتزام فيتصدرون بذلك مجالس الفتوى ،،، فيلحون ما حرم الله ويحرمون ما أحل الله ،،، فضلا عن سوء طريقة الدعوة التي ينتهجونها والطريقة البشعة التي يعاملونها الناس بها ،،، (يا تلتزم يا تكون من المغضوب عليهم) ،،، وكل ذلك لأنهم لم يكلفوا أنفسهم عناء تعلم أحكام الشريعة السامية ،،،

أعتقد في نظري أنهم أوصلوا هذه الفكرة للمشاهدين ،،، واستخدامهم للأفلام (الكرتونية) كان أيضا جيدا لما فيه من وقع أكبر على نفوس الناس وخروجهم عن المألوف ،،، فانظري كم من الناس الآن عرفوا خطأ هذا السلوك والمنهج ،،،

مجرد وجهة نظر ،،،



وردة روز ،،،

[دمعة شوق]

نفس ماقالوا اللي فـوق يعني كان هدف الحلقة في رأيي إنهم ينتقدون اللي يفتون على كيفهم ، هذا اللي فهمته من الحلقة ،
كل واحـد ونيـتـه :)

[مجموعة إنسان]

نحن في بيتنا اللي يبي يشوفه يروح الميلس ,,
لان في الصالة محد يشوفه ,,
عسب جذي بعد الفطور الكل يتعايز يتحرك ويودر الجاي القهوة بعد الفطور
وعسب جذي محد يشوفه اللا 5 سنين وتحت ..
من الآخر نحن ما نشوفه في البيت ..
..

اصلا من السنه اللي طافت ما مشى معانا فريج حسينا مادري كييف
يعني واحد ابو عياال يشوف رسوم ومادري كيف
!!!

احلى شي وصل مسج لابوي قبل ام خماس تطبخ جدرها ومادري تعدل شيلتها ومادري شوو بهنيك بقدوم رمضان ,
ابوي قال: والله عيب واحد بيدخل ال40 يشوف برنامج ويطرش مسجات مثل هذي !!

هذي وجهة نظري ,,

[مــهــابه]

حراااام:k_no:

هو البرنامج الوحيد من زحمة هالمسلسلات والـخرابيط أطالعه


راح أعلق

من بعد ما اتابع الحلقـة بعد شوي!:fa46:

[أنامل قلب]

اممم ..
أحييج عغيرتج بالبداية .. ما شاء الله عليج ..

اممم .. عني آنا فاللي قبلي كفو ووفو بتوضيح الصورة ..
ورايي من رايهم .. (( بمعنى إن اللي وصلني من الحلقه أهو نفسه اللي وصل لأغلب الأعضاء )) ..
غرضهم كان توضيح قضية جدا مهمه والابتسامات اللي نتجت عن الحلقه كانت سخرية عليها وعلى من شابهها ..
بالاضاافه إلى تحسرنا على من اتبعهم القول فالفعل .. !!
ولا بد أن يكون من بين من تابع من حس بوخزة تأنيب بنفسه .. والاحراج كذلك .. !!

ما لم أحبذه هو وجود بعض الألفاظ اللي تكرار سماعها سبب نوع من الاستهانه بها ..
وإن كانت بالواقع كبيره .. جدا كبيره .. !!

:

ولسبب ما الفريج اليوم ليس كما كان بالأمس جاذبا بحلقاته .. !!

ربي يديم عليج طيب النية وحسن الغيره عزيزتي ..
والسموحه جان طولنا عليج ..

ودي واحترامي ..
إختج أنامل قلب .. ^_^ ..

[عيون الليل]

أختيه لبن مثلـج . .

مثل ما قالوا الي قبـلي ماشالله عليـهم ما خلوا شي . .
كل شخص بيفهم الحلقه ع طريقته . . فأنا الي فهمته أنه الواحد يوم يمرض وبيودع قام واتطوع وسوى الخيـر وهو من سنين وينه ! عايش حياته وما يخصه ف الدين

فأنا من وجهة نظري أنه الحلقه ما كان فيها استهزاء مثل ما انتي فهمتي عزيزتي. . وطبعاً كل شخص له الحريه ف الفهم . . لكن الحق يقال . . وأنا هذا الي فهمته من الحلقه . . وأنه الكل يفتي والكل يدخل نفسه ف شي ماله علم فيه وبالذات ف الديـن الحيـن الكل يقول قوله ويحرم ويحلل . . مثل ما سوت الشيخه أم خماس لـوول

ع العموم عزيزتي . . لا هو دفاع عن محمد حارب . . لكن الحق ينقال

وتسلميـــن على الموضوع

ولا اتكدرين بخاطرج

[طير الحب]

السلام عليكم...\



أنا نظرتي للحلقة انها واقعية جدا ...وهم من خلالها حبوا يبينون سلبيات الفضائيات الدحيله علينا هاليومين...وناس وايد ما يعرفون ربهم الا في الضراء الله يرحمنا برحمته..

بس عموما حسيت حلقات فريج تعليمية اكثر من انها ترفيهيه

[وحي القلم]

لاحظت أنه شي تطور في الفريج هالسنه

من ناحية المضمون و السيناريو.. شي تنوع كبير في الحلقات

أتصور اللى ما شافه كله ما يقدر يحكم على مستواه من حلقه ولا حلقتين

.
.

[مــهــابه]

رجعـنا

- بـعد متابـعتي للـحلقـة ! . .

ولـو رجعـنا لـ حلقـات الفريج هالسـنة من بـدايـتهـا ولـحد اليـوم أحس فـ مضمونهـا رسـالـه يوجهـونهـا للـناس ، بطريقـة مباشـرة أو غـير مبـاشـرة ! . . .

وهذا اللي لـمسـته فـ الحلقـة اللي أنـتوا تتــكلمون عـنها ، ومثل ماقـالـوا اللي قـبلي :

مـضمونهـا جداً واقـعي ويـرمس عن شي يصـير فـ حيـاتنـا

والحلقـة بمثـابـة ~ الـنغـزة ~ لـهم ! . .


يمكن أنـتوا تـسرعـتوا فـ الحكم



وبس

[الهيثــم]

يوصلــون فكـرة لا أكثر ولا أقــل .. !

[المزوحي]

أصلا ماقمت اتابعه شرات العام، لأنه بشكل عام مستوي ممل ..

انا تابعت نص الحلقة ونهار ثاني الصبح سمعت الانتقادات في الإذاعة .. وايدين اتصلوا مب عايبنهم

اللي انعرض ..

البعض يقول هم مب قصدهم ( مجرد رسوم ) والبعض يقول تطالوا ووين الرقابة ..

في حد عطاهم العذر إنهم يبون يضحكون المشاهدين لكن ماعرفوا كيف يوصلون هالشي !

[المقاتل]

يا جمــاعة الخير .. !!

النقاط المطروحه في هاي الحلقه تلامس واقعنا المرير ، " كل من هب ودب أفتى " القصد إن السيناريو كان خاطئ .. وهذا مش كلامي أنا فقط .. عشان أكون أكثر وضوحا اليوم في الراديو أعترضوا على الحلقه و محمد سعيد حارب بنفسه تكلم وقال النقاط وبالعكس أنا أشجعه على هالشي .. بس رد عليه الشيخ بأنه هاي النقطه حساسه والمفروض إنهم يسألون أهل العلم قبل طرح حلقه تتحدث في مثل هاي المواضيع ، ولا تنسون ترا إذا نحن نفهم فهالطريقه ونحن كبار .. طيب .. اليهال كيف بيفهمونها ؟؟

رسوم موفق إن شاء الله وسلمتم على الطرح .

إعذروني إن أثقلت عليكم ^-^ .

.. المقاتل ..

[كـلـكـلـووش]

انا اللي اشوفه ان الحلقه كانت وااايد هادفه و كانت تنغز الناس اللي يقومون و يفتون و هم ما يعرفون من الدين شي ..

و سعيد حارب يابوه على نور دبي و رمس عن الموضوع .. و قال ان الهدف كان شي و الناس فهمت الموضوع شي ثاني .. لإنهم ما تابعو الحلقه بشكل واضح .. بس سمعو الاسلام قالو هذيل يستهزأون .. !

ما اعتقد ان هذا كان استهزاء بالاسلام .. هذا كان استهزاء بأم خماس ( اللي هي مثال على الناس اللي يطوعون و يفتون و ما يعرفون شي ) .. و اعتقد انها لما كانت اونها تفتي بشي كان ايي رد من ام سعيد ( الشخصيه الثانيه في الرسوم ) على الكلام اللي تقوله .. يعني ما كانت تفتي و محد يرد عليها و ينكر الكلام اللي تقوله !

و الحلقه كانت تلامس واقعنا و واقع بعض الناس اللي يستوون مفتين و هم ما يعرفون شي بالإفتاء !

بالعكس .. الحلقه كانت واايد حلوه من وجهة نظري .. و كانت وااايد هادفه .. و الحلو فيها انهم يابو اسم قناة كنوز مالت السحر .. و تمصخرو عليهم ..

فـ أعتقد ان الحلقه كانت جيده .. مع ان في ناس تحسسو منها ..

لكنهم ما غلطو على الرسول او تمصخرو على الاسلاام .. هم تمصخرو على الناس اللي ما يعرفون شي بالاسلام و و يدعون انهم علماء ..

و تبقى وجهات النظر مختلفه ..

ســـلام

[الاسطوري]

السلام عليكم ..

كل شي عبارة عن سلاح ذو حدين والواحد بيده يختار الوجه اللي
يناسبه وشي طبيعي ان إرضاء الناس
غاية لاتدرك

الاســـطـــوري
أخوكم

[الجنيه]

السلام عليكم ورحمة الله وبركاته ...

انا رايي من راي الاغلبيه الحلقه كانت تمس واقعنا بالفعل والقصد من الحلقه نغزه للي يدعون الالتزام وما يعرفون الااساسيات فيحرمون ويحللون ع كيفهم ...

بالاخير المشاهد واعي ويدرك الصح من الخطا حتى لو الكرتون له نسبه كبيره من المشاهدين الاطفال ... عيال اختي كانوا يتابعون الحلقه ويانا جان يقول ولد اختي الي عمره 5 سنين استغفر الله هاي ليش جي اتسوي وهني بدى دور الاهل الي هو توضيح الصح من الخطأ ...

[ظبية]

بالعكس كانت الحلقه جداً رائعه لان لها معنى واضح وهي تتكلم عن شريحه من الناس ..

مثال على اللي سوته أم خماس .. في فئه من الناس إذا مرضت ذكرت ربها طيب وينك قبل وانته صاحي ومعافاه ما تذكر ربك إلاا فالمصايب ..

ثاني شي بخصوص البحبحاني أنا فتحت النت بس عسب اتأكد من صحة وجود هالاسم ودورت عليه ولقيت أنه هالانسان يحلل أشياء المعروف عنها حرام ..

يعني الحلقه كانت واضحه بمضمونها ..

بس يمكن المغزى ما وصل للبعض. .

[حلم الطفوله]

السلام عليكم

كل انسان له راي ووجهة نظر بهالموضوع وبحلقات الفريج لهالسنه تحديدا

واعتقد إنه الحلقات ناقشت الواقع بكل حذافيره باعتبارنا عايشين بمجتمع مفتوح ونشوف هالشيء منتشر:fa55:

يعني الحين محد ينكر إنه الأغلبيه صارت تحلل وتحرم على كيفها ! المهم إنها تقنع نفسها بإنها صح

مع إنه الغلط راكبنها من ساسها لراسها ! :shutup:

كواقع نعيشه أقولكم إنه محمد حارب ونجلاء الشحي وآمنه المنصوري كتبوا شيء واقعي 100%

الانسان صار يتذكر ربه يوم يمرض ...

الانسان يتذكر ربه برمضان فيصلي ويصوم ويقرأ قرآن ( جان زين بعد يتذكر)

أشكال البنات تتغير برمضان والسبب لصيام ! مع إنه الحلال بين والحرام بين بهالمسائل الدينيه

يمكن مسلسل الفريج عرض هالمواقف بأسلوب فكاهي ، لكن محد ينكر إنه مستوي عدنا

كلنا لنا عيون ونشوف وعدنا آذان ونسمع ..... وهالمسلسل فتح عيون الأهالي على واقع يمكن ما لاحظوه على عيالهم قبل ( فنسأل الله الهدايه لنا ولهم )

ودايما أقول ... اختلاف الرأي لا يفسد للود قضيه

وهاي وجهة نظر لا أكثر ....:8:

[الـيـاه]

فريـج مـن ( انجح ) البرامج الاماراتيـه ..

وانا اشوف ان الحلقه موووول مافيها شي من السلبيات اللي انقالت .. بالعكس هي فكره موجوده فـ
مجتمعنا ويبون يوصلونها بشكل فكاهي ( لان صدق الناس اللي جي وايد يضحكوني ) ..

ودايما ً ارد واقول
الناس مايدرون الا السلبيات مع اني ماشوف اي سلبيه فالموضوع =)

وبارك الله فيهم ..

[لبن مثلج]

السلام عليكم

اشكر لكم تفاعلكم وردودكم ووجهات نظركم ..

لكن من بعد اللي سمعته من الشيخ احمد عبدالعزيز الحداد يزاه الله خير .. اثلج صدري لانه ساله:: خذت راي اهل الدين قبل ماتعرض الفكره؟؟؟ وهذا هو المفروض...

كان بالامكان ياخذ رايهم ومن عقبها يعرض الموضوع بطريقه اكثر لباقه ....

المهم رب ضارة نافعة لان صار نقاش بين المخرج ورجل دين ... فاتوقع في المرات اليايه انهم بيستشيرون اصحاب العلم قبل مايعرضون اشيا تمس الدين..

مشكورين مره ثانيه والله يهدي الجميع قولوا امين...

وكل عام وانتوا بخير مقدما ...لاني سايره العمره ان شاء الله وبردلكم عقب العيد .. واذا فخاطركم دعوه معينه تراني حاضره ....

والسموحة منكم :a050:

[حلم الطفوله]

تروحين وتردين بالسلامه

وكثري من الدعوات على قد ما تقدرين .....

عمره مقبوله مقدما لبوووون :)

[أنامل قلب]

ما شاء الله ..
تروحين وترجعين بالسلامه اختي ..

ومثل ماقالت حلم الواحات .. كثري دعا كثر ماتقدرين ..
ولا تنسينا بعد .. ^_^ ..

:

وعمره مقبولة باذن الرحمن .. (( مقدما ))

ودي ..

[خنفروش]

اتروحين و اتردين بالسلامه



لا تنسينا من صالح الدعاء

[خطايــا]

تسيرين وتردين بالسلامه ..

لا تنسيدنا من الدعاء ...

[عمة العيم]

صح انزين

ترا في حريم من يتغشون خلاص اونهن مطوعات

و يفتون على كيفهن

زين سووا فيهم في هالحلقه

و بعدين كانوا يطنزون على قناة الدجل و الخربطان (كنوز)

المهم

السلااااامو عالايكوم

(^_^)
...

[بنت بو عوف]

و عليكم السلام ..
أنا عن نفسي ما أتابع فريج ولا أدانيه
بس بغيت أقول إنكم مكبرين السالفه وبعد فاهمينها غلط
واللي بعده مصّر على انه اللي سووه في البرنامج غلط أنصحه يسير يشتكي ويشكي عند راعي البرنامج نفسه, فهو اللي بيقدر يسوي تغييرات و هو اللي بيشرح لكم هدفه من هاذيج الحلقه
و مب يشكي لناس مابيدهم حيله و ما يرومون يسوون شي ..
و مثل ما قال غيري انه مجرد ما بينوا لنا الحقيقه مب معناته تطنزوا و أهانوا ديننا

لا تسارعون في الحكم

[جنون امرأة]

نفس ماقالوا يعني كان هدف الحلقة إنهم ينتقدون اللي يفتون على كيفهم ، هذا اللي فهمته من الحلقة

[ا ل غ ل ا]

أنا من شفت الحلقة اتصلت في بنت عموتي وقلتلها أسمعي باجر على البث المباشر

أنا متأكدة الحلقة بتسوي شوشرة ..

بس بصراحة مغزاها كان صح ،، فيه ناس جيه ،، بوم يمرضون أو يوم يستويبهم شي ساروا وألتزموا وسووا كل شي ،، مب المفروض الواحد من أول يكون يخاف ربه !!

للأسف وايد ناس جيه ..

المهم نقاش حلو ــ استمتعت بكل رد من الردود ،، وسلمتي أختي على الطرح =)
وتسيرين وتردين بالسلامة ..

[تحفه]

الي مب عايبنه فريج ........... اقول : خل ينفعكم مياو :fa56:

[قصايد غلا]

السلام عليــــكم

حبّيت أعرض وجهة نظري ===> مع إن الوقت متأخّر :vampire:

لكن بصراحة فريــج بالنسبة لي برنامج ناجح:a034:

وهالحلقة تبيّن لنا إنه عندنا واااااااااايد ناس يتكلّمون بــ اسم الإسلام ويخالفونه بأفعالهم ===> وهذا الشي من الواقع ، ما نقدر ننكره :smile2:

الناس قامت تفتي من عندها :k_sadwalk:

ترى مب كل من قصّر كندروته و طوّل لحيته هو الصح :3:===> فيه منهم يسوون الصح وفيه الغلط


مثاااااااااال على الناس اللي قاموا يألفون :
المطــ:osama:ــوّع في مسيد فريجنا ===> مرات يدعي دعاء القنوت قبل الركوع ، و يوم بعد الركوع ومرّات يقول مب لازم ندعـــي (و لو كانت ساعة إستجابة ، المصلّين ما يدعون عشان سواد عيونه ؟؟؟):k_puppyeyes: ==>هالشي ما يقهر ؟!

[فنجان قهوة]

الصراحه انا ما شفتها بس يوم سمعت اتغصصت

بس يمكن كان يقصد الناس الي يتفلسفون

و للعلم ان الفريج للكبار هب حق اليهال