المساعد الشخصي الرقمي

مشاهدة النسخة كاملة : دبــل × دبــل !


ألم ترى
23-09-07 ||, 09:05 PM
سلام عليكم

http://oasis.bindubai.com/bin/uploaded/3361_11190567295.jpg (http://oasis.bindubai.com/bin)

http://oasis.bindubai.com/bin/uploaded/3361_11190567339.jpg (http://oasis.bindubai.com/bin)

http://oasis.bindubai.com/bin/uploaded/3361_11190567379.jpg (http://oasis.bindubai.com/bin)


ابي اي معلومات عن هالموتر
يعني شو اخر موديل نازل ف السوق
افلام و صور ومعلومات عنه
لئن اللي عندي موديل 2005 ودبل تاير وكابينه
وشكلي ناوي ع شر وناوي اني اعدل فيه !
:fa46:
ف انتظاركم إن شاء الله
شرجاوي
23-09-07 ||, 09:15 PM
آخر موديل سلفرادو الشكل اليديد .. والله شكله وحش و فيه هبه

موترك ما يباله وايد .. سوبر جارج فورتك على بوست 7 psi و هدرز .. و برمجه حلوه عند سب زيرو .. و انت و الخير رباعه
ألم ترى
23-09-07 ||, 09:24 PM
بسم الله الرحمن الرحيم ..

هلا شرجاوي ..

تدري وانا يالس احطي الموضوع صورتك ف بالي لووول ..

ماشاء الله عليك دومك تساعد الاعضاء ..

المهم شيخي ..

انا محطي هدرز عند فوكس ولكن ابي اعدل الشكل من جدام فشو تنصحني ؟ ..

اما بخصوص السوبر و البوست فهمني اكثر لئن معلوماتي بسيطه ! ..

وبخصوص الشكل اليديد تقدر تزودني بأي صوره له والمواصفات ؟ ..

شكرآ لك ياخوي ..
شرجاوي
23-09-07 ||, 10:28 PM
فوكس خربوط ما يودي .. غالي عالفاضي .. لو تاخذ هدرز و كات باك بورلا وايد اوكي ..

السوبر جارج و البوست اللي خبرتك عنه ها سيفتي بوست للمكاين الاستوك .. البوست بيعطيك قومه حلوه و تركيبه مب معقد شرا التوربو .. بسألك .. سامع ونة السوبر ؟؟؟

شوف العنف ياخي ..

http://www.chevrolet.com/i/pic/silverado/2007/photogallery/ext_gallery30.jpg

http://www.chevrolet.com/i/pic/silverado/2007/photogallery/ext_gallery31.jpg

من الداخل

http://www.chevrolet.com/i/pic/silverado/2007/photogallery/int_gallery02.jpg

http://www.chevrolet.com/i/pic/silverado/2007/photogallery/int_gallery01.jpg


لها مكينتين .. 6.0 312 حصان .. و 353 حصان
ألم ترى
24-09-07 ||, 12:41 AM
بسم الله الرحمن الرحيم ..

هلا خوي ..

عن فوكس تراني مستعيل الله يغربل الابليس ! ..

المهم هذا السوبر مايصرف بترول ؟ ..

كم سعره وتركيبه ؟ ..

شو تنصحني احطي غير عن اللي قلت لي اياه ..

يعني انا ف خاطري انفخ الموتر من جدام شرات التنفيخه اللي ورى ..

اما عن السلفرادوا اليديد تراه تعب وشكله صح من داخل واخير عن اللي عندي ..

ام ونة السوبر ماقد سمعتها او اني مافهمت عليك :k_special2: ..

شكرآ لك ع المساعده ..
شرجاوي
24-09-07 ||, 11:43 AM
نصيييييحه .. لا تنفخ موترك من جدام .. بتدمر شكل الموتر

السوبر شي طبيعي بيخلي موترك بيصرف بترول زياده لانه بيعطيك باور زياده

سعره مستعمل ف حدود الـــ7000 .. و يديد 18 الف تقريبا .. و التركيب احسن مكان ليبرتي موتور سبورتس

اسمع ونة السوبر جارج على هالكورفت .. http://www.youtube.com/watch?v=c9ANC2eWT9g ... ويييييييييييييييييييييييي ييييييييييي
المزوحي
24-09-07 ||, 05:42 PM
ألم ترى

لقيت موضوع يخص موضوعك وقلت بنقله لك




--------------------------------------------------------------------------------

شفروليه سلفرادو



تأتي "سيلفرادو" بطراز هيكل شاحنة كبيرة تتسع لما بين 4إلى6أشخاص، منها موديل ببابين وآخر بأربعة أبواب. منحت "شيفروليه" شاحنتها "سيلفرادو" محركاً أمامياً يعمل بالدفع الرباعي أو الدفع الخلفي فقط .. أما قائمة المحركات فتشمل عدة خيارات الأول سعة 4.3ليتر 6أسطوانات على شكل(V) بقوة 200حصان عند 4600د/د وعزم 260رطلاً/قدم عند 2800د/د ، والثاني سعة 4.8ليتر 8أسطوانات على شكل (V) بقوة 270حصاناً عند 5200د/د وبعزم 325رطلاً/قدم عند 4000د/د ، والرابع سعة 6ليترات 8أسطوانات على شكل (V) بقوة 355حصاناً عند 4800د/د ، والخامس سعة 6.6ليتر 8أسطوانات على شكل (V) توربو ديزل بقوة 300حصان وبعزم 520رطلاً/قدم ، وهو يتوفر للعام2001 مع الطراز الجديد HD كما توفر لها هذا العام أيضاً محرك جديد وكبير سعة 8.1ليتر بنزين بثماني أسطوانات وبقوة 340حصاناً وبعزم 455رطلاً/قدم.. أما عن ناقل الحركة فهناك خيارات الأول يدوي بخمس سرعات أو ست ، والثاني آلي بأربع أو خمس سرعات ، وحصيلة هذه الشاحنة أنها واحدة من أقوى الشاحنات التي تتوفر لها قائمة محركات مثالية.



شيفروليه سيلفرادو
المواصفات الفنية

2-4 أبواب ، 4-6 ركاب
الطراز

4.3 ليتر، 6 أسطوانات ، 200 حصان
المحرك الأساسي

6 ليترات ، 8 أسطوانات ، 355حصاناً
المحرك الاختياري

خلفي – رباعي
منظومة الدفع

5-6 سرعات يدوية – 4-5سرعات آلية
ناقل الحركة

203.3-246.7بوصة
الطول

78.5-96.1 بوصة
العرض

71.2-76.5 بوصة
الارتفاع

119-157.5بوصة
قاعدة العجلات

أمام: ديسكات مهواة ، خلف: ديسكات
المكابح

ABS أساسي
نظام منع الانغلاق

3956-5375رطلاً
وزن السيارة

26-34 جالوناً
سعة خزان الوقود

15900-35400 دولار أمريكي (بالأسواق الأمريكية)
السعر


شوف يمكن يفيدك

http://www.assayyarat.com/forums/showthread.php?t=96876
مجموعة إنسان
25-09-07 ||, 12:22 PM
لاااااا
الريااال ناوي على الشعب !!

انت جذي (((وماجابته اممممه))) اللي بيلف عليك
وبعد بتضبط ,,
الله يعيييييينه اللي بيسولف معاااك ..
ذنـيـنـي
26-09-07 ||, 02:02 AM
معاذ متى ركبت الهيدرز؟
احيد هاك اليوم قلتلي انك بس ركبت الدبات الي ورا !

انته مشكلتك انك وايد تستعيل و تبغي الشي "الحين" لول
انته هاك اليوم لو عطيتني فرصة جان رتبتلك شي مضبووط