كل عام و انتم بخير [الأرشيف] - -:: واحات بن دبي ::-

مشاهدة النسخة كاملة : كل عام و انتم بخير

ذنـيـنـي

13-09-07 ||, 06:30 PM

السلام عليكم

كل عام و انتوا بخير اخواني و اخواتي
كيف كان اول يوم وياكم،،
ان شاء الله كل الامور طيبه

هاا بتصومون السنة ولا بتسوولنا شرات كل سنه،، عادي ما بخبر حد :tounge:

تحياتوو
^
سارقنها من شرجاوي
:hysterical:

ألم ترى

13-09-07 ||, 07:16 PM

بسم الله الرحمن الرحيم ..

هلا بوذنذن ..

هاي سارقنها من الاسطوري :birgits_giggle: ! ..

وانت بخير يا بونصره ..

عاد انت ياحبك حق الفضايح :fa46: ..

يلا خلنا نشوف باجي الاعضاء ..

مجموعة إنسان

13-09-07 ||, 08:24 PM

بخبركم بعد الصلاة !!

مــهــابه

13-09-07 ||, 08:33 PM

عـليكم السـلام والرحمة أخويه نـاصـر ! . .

ومبـارك عـليكم الشـهـر ، وكـل عـام وانـتوا بخير يــارب

وينعـاد علينا ان شـاء الله كل سنه وكل حـول

امم اليوم أشكالـنا كانـت تحف ، :4: صح مافـيه يـوع الحمدلله ، بس عـطش شويه

واليوم انا صايمة كل شي طرا على بـالي ، كان فـ خاطريه بأكل وايد ، بس من فـطرت

أحس انه مالي نفس أكل شي:fa46:

بحر الموده

13-09-07 ||, 11:19 PM

وعليكم السلام ورحمة الله وبركاته

وانته بخير وصحه وسلامه اخوى ذنينى

والله يعوده علينا وعليكم كل سنه وكل حوول يارب وربى يتقبل صيامكم

والحمدلله اليوم بداية خير وصوم طيب ...

شوق القلوب

14-09-07 ||, 12:40 AM

الســلام عليكم..

و انت بخيـــــــــــر.. و صحه و عافيه..

و ربي يتقبل منكم الصيام و القيام..

و لا تنســـون.. الدعاء بالغيـــب.. فـ هالله هالله فينا .. :k_smartass:

..

اليــــــــوووم.. كنت يوعـــانه رقااااااااااد.. :doh:

بس الحمد الله .. بصفه عامه ماشي يوع.. بس الجو يعطش..!

..

خيال الحب

14-09-07 ||, 01:18 AM

وانته بخير وصحه وسلامه ^__^

طول الخط وانا راجع من العين اتـحلم بفيمتو باارد.. وصلت البيت رقدت نشيت صليت قعدت اقرا قران .. عقب رحت افطـر.. كلت شوي هريس وشوي فريد.. وعالفيمتو

والي فطرته كله رجعته توه:(.. وشربت ماي عسب ماعطش باجر وبرقد :(

العجيبة

14-09-07 ||, 02:45 AM

سلامات خيال الحب .. ما تشوف شر ...

أنا ما حسيت اني صمت !
تسحرت بحبـة فيتامين ، وطوول اليوم عادي مــر مثل كل يوم .. يمكن لاني طول السنة صايمة خخخ
المشكلة يوم يا الفطـــور .. شميته وشبعت .. ما قدرت آكل وايد مع انه فـ خاطري ..!

وأحلى شي يوم صلينـا المغرب
صليناها جماعة ، أنا واخواني اثنينه واختي ..
صافين طابــــــور في الصلاة ..
أخوي اللي أكبر مني الامام
اخوي الثاني وراه
أنا واختي حذال بعض وراهم

مب اهني الفلم ..،

الفلم انه اختي صغيرة وشكلها اول مرة تصلي جماعة
اخوي ( الامام ) يالس يسلم وهي من الصوب الثاني تفصخ الشيلة مخلصة لووول

واكتشـفـت انه صوت أخوي فظيييييييييييييع في قراءة القرآن .. ما شاء الله عليه !

والله يتقبـــــل صيامكم يارب ..،

دموع قلم

14-09-07 ||, 02:57 PM

وعليـكم السـلام ورحمـة الله وبركـاته

وأنـت بخيـر وبعـافيـة ..
أخـوي ذنـينــي ..

اممممم أول يـوم عادي .. والحمـدلله ما حسيـت بأي تعـب ..
وأحس أن جـو الجامعـة يسـاعـد .. ومايحسسنـي بالمـلل ..

اللهـم اجعلنـا من صـوامـه وقـوامـه وعتقــائه .. يـااارب ..

^_^

بنوتة وردية

14-09-07 ||, 05:22 PM

وانته بخير وصحة وسلامه ..

وإن شاء الله نستغل هالشهر بالطاعات

الحمدلله اول يوم صيام كان اوكي ما حسيت باليوع موول

لاني كنت ظاهرة واول ما رديت البيت اذن ..

بس اليوم انا يوعانه واتريا الاذان:fa43::fa43:

نور الإيمان

14-09-07 ||, 08:41 PM

كل سنة و انتوا طيبين ..

و مبروك اللوك الرمضاني الرائع للمنتدى

و السموحة

حبوبه دبي

15-09-07 ||, 02:40 AM

ســلام !!

وانتــه ابخير وصحه وسلامه

:fa35:

والله الصــراحه اول يووم كـان حلـو ^_^

والحمدلله مـا حسينا بـشي ..

الله يعـوده علينا كل سنه ان شالله وياكم

:12:

.
.

وانتــه شو مسـوي ؟!

:vertag:

.
.

أنامل قلب

15-09-07 ||, 03:37 AM

لا مب صايمه ..
ناطره الاذن من سيادتكم .. :glare:

:

الحمدلله ما حسينا بتعب لا بأول يوم ولا بثاني يوم ..
وكاني بتسحر الحين لليوم الثالث .. :fa46:

والله ان الايام تمر بسرعه .. !!

:ohboy:

:

عساه ينعاد علينا وعليكم بالخير والطيبه ..
وتقبل الله منا ومنكم صالح الأعمال ..

احترامي ..
إختكم أنامل قلب ..

ولا تنسونا من صالح دعائكم .. !!

ايه احبك

15-09-07 ||, 04:20 AM

لووول وعليكم السلام ذنيننينيننيني
وانته بخير وصحه وعافيه وعسنا بالعوده ان شالله

والله اول يوم كنت حاسه بجسمي متكسر بسبت الشمس رمضان وحر الواحد ما يقدر
بس يالله الله يسهل ان شالله

البارت الي يضحك في رمضان
طبعا اختكم متعوده تسمع اغاني
وعشان ما اسمع اغاني في رمضان لوول
قررت اسمع انا شيد
ولازم بسبيكرات تفجر البيت
ابوي سمع
جان يفتح الباب وما اسمع غير تفـــــــــــــوااا عليج هههههههههههههه
اونه ما تستحين تسمعين اغاني في رمضان
جان اقوله باباتي اسمع فديتك ويوم سمعته النشيد ما صدق هههههههههههه
اصلا ما ظنتي ميز عسب جي طلع من حجرتي وهو مفول ههههههههههههههه

مجموعة إنسان

15-09-07 ||, 02:32 PM

انا بقووووولكم شو صااار فينا انا وأخواني !

اول يوم قمت الساعه 11 اكثر بساعه اقل بساعه ماذكر ..
دخلت الميلس واشوووف عدة يوسف رضى
المهم نا ماسك عمري ... شوي يدخل اخوي العود
اشوفه قعد وشل المدواخ يبي يدوخ
قلتله اييييه
اتريياا بفطر معاااك لاتفطر برووحك جااااان يفر المدوااااخ خخخخخخخخ

وثاني يوم ابوي سوالنا فلم حط حذالي جيك ماااي
يعرفني ما احس يوم انش عطشااااان خخخخخخخ

عهد الوداع

15-09-07 ||, 03:11 PM

وانت بخير وصحه وسلالالالامه ,,

وان شاء الله ينعاد علينا بالخير والبركه ,,

هواجيس حلوه منك لووووووووووووول

الجماعه ناسين رمضان هههههه...