كثرة الجرائم في دبي !

[دلوعة دبي]

السلام عليكم ورحمة الله وبركاته ...

كيف الحال ان شاء الله بخير؟

اليوم عندي لكم موضوع مهم عن ظاهرة منتشرة عندنا في دبي وهي كثرة الجرايم والله واستوينا شرات الدول الاوروبية !

تصدقون ان شي جرايم استوت في اوقات ما تتوقعونها !

وبقولكم اول قصة ..

شي بنت مواطنة وموظفة في احدى الشركات تعرضت لجريمة سرقة من قبل الوافدين والعمال وتعرفون وين عند بيتهم وكان الظهر !!

هذي البنت كانت راجعة من الدوام ورايحة بيتهم وعند باب بيتهم شي عمال يشتغلون فما تقدر توقف
السيارة جريب الباب يعني شوي بعيد اتخيلوا اول ما بطلت الباب وحطت ريلها عالارض تبا تنزل يو عصابة وحطوا ايديهم على فمها عشان ما تصارخ وغطوا عيونها وسرقوا كل شي في السيارة والشنطة وحتى مجوهراتها اللي كانت لابستنهم يروا السلسلة اللي ع رقبتها وانجرحت يحليلها وتخيلوا تواا كانوا منزلين المعاشات وطبعا عقب ما خلصوا شغلهم شردوا وقالت انهم كانوا هنود مع صينيين يعني مسويلهم عصابة بس الحمدلله ان ما سووا فيها شي .. لهدرجة يعني الجرايم تستوي عند البيت وفي النهار يعني شي لا يصدق! الجرايم قامت تنتشر في كل فريج يعني في المناطق السكنية !!

فانتبهوا واايد وانتو في السيارة خاصة البنات يعني كل ما تركبون السيارة على طول اقفلوا البيبان ويوم توصلون البيت وقفوا السيارة داخل لا توقفونها برع البيت ..

اوكي هذي اول جريمة ..

ننتقل للثانية..

تعرفون حتى شي سرقات تستوي في الجمعية .. مرة كنا سايرين الجمعية جان نشوف الشرطة عند الجمعية وقلنا شو السالفة ؟... المهم واحنا يالسين في السيارة ندور عموقف سيارات شفنا الشرطة زاخين حرامي ويدخلونه في السيارة اول مرة اشوف موقف جي جدامي وانصدمنا يعني الساعة 9 وشي باليل وعقب يوم دخلنا الجمعية عرفنا انه كان ياي يسرق الكترونيات بس الحمدلله قدروا يزخونه ..شوفوا كيف الجرايم قامت تنتشر في اي وقت قبل احيد كانوا يسرقون في منتصف الليل الحين لا اي وقت ! وعاد الجمعية كل الناس فيها يعني بالعقل هذا الحرامي شو يايبنه والله حالة لول

والحادثة الثالثة استوت صوب سبينس عند جهاز السحب اظن اللي في جميرا ..
ودوم يتعرضون للحريم لانهم يعرفون انهم ما بيقدرون عالرياييل .. يعني اول ما الحرمة تسحب البيزات من البطاقة وتركب السيارة وطبعا الحرامي يكون مراقبنها فعلى طول يطلع السجين ويهددها عشان تعطيه البيزات !

وهذا اللي اعرفه وطبعا شي بعد واايد

والكل سمع عن السرقة اللي استوت في وافي وقالوا انهم زخوهم.. بس ما اظن انهم قبضوا عليهم مع احترامي لشرطتنا يمكن يسوون جي عشان الكل يطمن وما يخاف...

وبعد ما قريتوا الموضوع شو تعتقدون الاسباب اللي ادت الى هالظاهرة ؟

اولا زيادة الاسعار ..
لاني اشوف ان اول ما زادوا الاسعار الجرايم قامت تزيد ..

وثانيا كثرة العمال اللي ييبونهم من الدول الاسيوية واغلبيتهم من الهند والصين ...

الصراحة يعني واايد شي اجانب في الدولة وتصدقون ان دبي فيها اكثر من 400 جنسية !!

اكيد هاييل العمال كل واحد فيهم بيسويله عصابة ..

ما اقول غير الله يستر من اللي ياي

وانتبهوا وااايد والله يحفظكم من كل شر


والسمووحة ع الاطالة

اختكم : دلوعة دبي

[عمة العيم]

شي طبيعي

لان المدينه تتطور بسرعه

و تحتاي لهالعمال

لو لا هالعمال جان مابنوا شي بالأساس

فـ هذه هي النتايج السلبيه اللي اتي من ورا هالتطور

والله ان هالتطور بدا يتحول لرعب و خوف و (تـ ــخــ ــلــ.....)!!!!

الله يحفظ بلادنا

(^_^)
...

[الملهم]

صدق الله يحفظ بلادنا ..

[بن دبي الدولي]

شكرا على الموضوع

شكلي بحط سكروب في جيبي على طول

[ألم ترى]

بسم الله الرحمن الرحيم
هلا اختي
هالأشياء تصير ف أأمن مكان ف العالم وهي مكة المكرمة !
اهم شيء إن الواحد يتوكل ع الله ف كل الأمور
:smile:
يقول الله تعالى :
الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً
وَقَالُواْ حَسْبُنَا اللّهُ وَنِعْمَ الْوَكِيلُ
فَانقَلَبُواْ بِنِعْمَةٍ مِّنَ اللّهِ وَفَضْلٍ
لَّمْ يَمْسَسْهُمْ سُوءٌ وَاتَّبَعُواْ رِضْوَانَ اللّهِ
سورة أل عمران

يقول ابن القيم
التوكل نصف الدين و النصف الثانى الإنابة
فإن الدين استعانة و عبادة والتوكل هي الاستعانة و الإنابة هي العبادة
و قال أيضاً : التوكل من أقوى الأسباب التي يدفع بها العبد ما لا يطيق
من أذى الخلق و ظلمهم و عدوانهم

يحكى أن رجلاً دخل مسجد النبي صلى الله عليه و سلم بالمدينة فرأى غلاماً يطيل الصلاة
فلما فرغ قال له : ابن من أنت ؟
فقال الغلام : أنا يتيم الأبوين
قال له الرجل : أما تتخذني أباً لك
قال الغلام : و هل إن جعت تطعمني ؟
قال له : نعم
قال : و هل إن عريت تكسوني ؟
قال له : نعم
قال : و هل إن مرضت تشفيني ؟
قال: هذا ليس إلي
قال : و هل إن مت تحييني ؟
قال : هذا ليس إلى أحد من الخلق
قال : فخلني للذي خلقني فهو يهدين
والذي هو يطعمني و يسقين
و إذا مرضت فهو يشفين
والذي أطمع أن يغفر لي خطيئتي يوم الدين
قال الرجل : آمنت بالله ومن توكل على الله كفاه
:smile:
المعذره ع الاطاله