ماهي واجباتك داخل محيطك الاسري ؟؟؟

[السحابه البيضاء]

بسم الله الرحمن الرحيم
كما نعرف ان الرجل هو الاخ و الاب والجد والعم والخال .... الخ
وكذا المرأه هي الاخت و الام والجده والعمه والخاله
ولكل من هذه الشخصيات ادوار يجب ان يعملوا بها داخل محيطهم الاسري الذي يعيشون فيه
اذا كنت اخ \اخت:
ماهو دورك الرئيسي الذي تقوم به ؟؟
اذا كنت اب \ام :
كيف تعاملك مع الابناء والزوجه او الزوج
اذا كنت جدا \ جده:
هل قل دورك داخل محيطك الاسري ؟؟ ولماذا ؟
اذا كيف يجب ان تكون شخصيتك داخل البيت
او بطريقة اخرى ماهي الواجبات التي تقوم بها حتى ترسم شخصيتك مع منهم يحيطون بك ؟؟
وفي الاخير اتمنى ان تجاوبوا وبكل صراحه
نصيحه تقدمها لاخوانك \ لاخواتك ؟؟
لكم مني اجمل تحيه

بقلمي \ اختكم السحابه البيضاء

[الشوق]

اختي السحابه الصغيره
كوني اخر العنقود ما اتوقع ان فكرة اخر العنقود يكون دلوع امه وابوه( اتكون مركزه عليه بشكل كبير ) لان ههالشي مااشوفوووه في حياتي الواقعيه

لكن بالنسبه لدوري في محيط الاسرة .
احاول اني ارضي امي وابوي لان انا الوحيده اللي عايشه وياهم من بين اخواني واخواتي فكلهم استقل بذاته كونه له عائله خاصه فيه ... واحاول ارضيهم بشتى الطرق
.
.
العايله الممتده بحد ذاتها جدا جميله ... والاحساس بالمسؤووليه تجاه عايلتج رائع ..
كوني اخت فاهتمامي الاولى بابوي وامي ... فقط لانهم انحصروا الان ضمن اولوياتي ..
اما بقية افراد العائله فانا بالنسبة لهم ما زلت اخر العنقود في العائله ..
.
.
والسموحه ع التأخير

[تحفه]

اذا كنت اخ \اخت:
ماهو دورك الرئيسي الذي تقوم به ؟؟

انا اجرب لخواني من اختي ,, وبصراحه ومن هالموضوع اكتشفت ان مالي دور معين يعني :k_puppyeyes: !
لانهم مايحبون يظهرون وياي الا في ماندر! كل طلعاتهم خاصه بعد ما كبرو وي بابا او وي ربعهم ولا وي عيال خوالي

احس اني وياهم كلهم نفس الشي .. اعبرهم في عيدميلاداتهم واتصل لهم اسال عليهم يوم مايكونون في دبي

واحس اني ماقدر اتفاهم وياهم وايد لان الانترست مالي وايد تغير عن قبل
قبلسنه مثلا كنت احححححححححببببببببببببببب ب العب بلاي ستيشن - ويي -قيم بوي وقيم غيرل وهالسوالف بس الحين مالعب ابدن هالالعاب احس قمت احب اطلع واصور والجامعه واطالع تلفزيون وبس!
حتى البرامج الي اتابعها وايد غير عن الي هم يتابعونها فما يصيرلي اني ايلس وياهم يوم اطالع تلفزيون

وحمدلله انا صرت اسمع كلام ماما وبابا وااايد :fa35: وصرت اتفهم نظرتهم اكثر عن قبل و الحين انا اجرب لهم عن قبل وقمت ادرك ان هم يرضون علي مرات علشان مصلحتي في الاول و في النهايه .. ومحد بيحبني مثل ماهم يحبوني :heart: واذا هم over protecting me فهو علشاني ولازم ماتضايج من هالشي


الله يحفظلنا اهالينا و ابهاتنا وامهاتنا كلنا ياربببببببب


وهيك يعني

[مــهــابه]

اذا كنت اخ \اخت:
ماهو دورك الرئيسي الذي تقوم به ؟؟

طبـعـا كل أنـسـان وحسب البيـئة اللـي عـاش وأتـربى فـيها ، وحسب معـاملـة أهـله لـه . .
أنـا مع كـل فـرد من أفـراد أسـرتي طريقـة تعـاملي تـختلف مثـلاً :

اخويه البجر ، واللي فـارق السن بينا تقريبا10 سنيـن ، من أرمسه ، ويهي يصير أخضر واحمر واصفـر ، لأني مب وايد وياه ، بحكم انه درس بـرع ، وطبيعة شغله اللي تحكم عليه يكون شـهر كامل فـ الدوام

بعكس بـاجي اخواني ، ويـاهم وااايد ، وخاصه آخر واحد فـيهم ، لانه من سني ، احسه جنه ربيـعتي مب اخويه ، أخبره كل صغيره وكبيره ، . .
وصريحـه معـاه لـ درجة

خـواتي :

مـب جنهم خواتي . .
الصغـار ، جني الـ ماما ، دوم اروح السوق لهن واتشرالهن ، :4: يوم امايه ولا ابويه مب موجودين انا المسؤله عنهن ، أدرسهن ، ايام المدارس ، انش الصبح وياهن ألبسهن ، واعدلهن ، وفـ الأعـياد نفس الشي . . .

اما الكبـار :

احس اني انا بنتهم ، دايم اللي أسوي لخواتي الصغـار ، هم يسونه حقي وزود ، صح انهن معـرسـات ، لكن بـعدهن يـهتمن ، وكأنهن عايشات ويايه بنفس البيت ، نشتري مع بعض ، أغلب اوقاتنا مع بعض ، وصرت أربي عـيالهم الحين:k_harhar1:


هـذا عن تـعاملي . .

اما كـ شخصيـة ، يمكن تـختلف شـوي ، خواتي الصغار يخافن مني وايد :4: دوم احاسبهم ع الصغيره والكبيره ، يقولون عني حشره:fa56:

امم اتعامل وياهم بحساسيه ، يعني اي كلمه بسيطة منهم تصيحني . .

الحمدلله أعـيش فـ أسره يسودها الحب والتفاهم ، والخوف على بعض ، وكل شخص منـا يفكر بـ غيره قبل لايفكر بنفسـه

[مجموعة إنسان]

اذا كنت اخ \اخت:
ماهو دورك الرئيسي الذي تقوم به ؟؟

بالنسبه لي أنا ,, انا 4 واحد من 7
وانا اصغر ولد .. انا مع الكل اوكي ,, يعني مع اختي الصغيره اكون صغير مع الكبار اكون كبير
اللي محبوب البيت ( يمكن العايله كلها يعني عمامي وخوالي وعماتي الخ الخ الخ )
لان انا من النوع اللي ما اطلع وايد عسب جذي ان كلهم يشوفوني عكس اخواني اللي ما ينشافوون
وو انا الوحيد اللي ماعرف شو يصير في البيت ( :ghostface:) !! تخيلوا ان يوم ملجة اخوي انا ما كنت اعرف ان ملجة لين ما وصلت البيت لان على بالي خطوبه ..

انا فيني عبط مب طبيعي وكله اضحك .. وما ازعل ..
بس شو المشكله اللي عندي
ان 2 ما يقدرون يحطون علي عسب جذي يجتمعون اخواني وعمي وخالي وابوي علي يحطون علي .. والمشكله الثانية ان مرات عصبي ويضرب الفيوز عندي

زييين
بالنسبه لتعاملي مع ابوي وامي
مستحيل لو انا موجود في البيت اخلي ابوي يضرب خط بروحه ( لان شو عنده الام في الركبه من الرياضة") ومع الوالده محد مخبلها غيري بس كل سبت تصيح يوم اسير العين ولين ما اوصل لازم تتصلبي 3 مرات
(تعرف ولدهااا خرييييييييييش شوي ويسرع واايد )



نصيحة ..
مب كل شي بالعصبية ينحل !! لان هذا اللي متعودين عليه بالبيت
وو
احلى شي في بيتنا ان ابوي يوم يقعد معانا تقولون واحد من الربع .. واي مشكله تصير لاي واحد من اخواني ما يدخل فيها لييين ما خلاااص تتأزم الأمور ويعرف ان مانقدر نسوي شي
وو بعد ابوي صعب الواحد يجذب عليييه !!

[شمعة أمل]

اذا كنت اخ \اخت:
ماهو دورك الرئيسي الذي تقوم به ؟؟
انا غير عن كلحد:fa46:
كلحد يقووول انه البنت الى في النص محد يسولها سالفه .. ونحن بيتنا العكس *الحمدالله*
انا أكثر وحده يدلعوني في بيتنا .. ومايقولولي لاء الا نادرااا *لاني أصلن ماتخطى حدودي* .. وكلحد يعاملني معامله سبشل لاني عـ الدقه أصيح:icecream: *الصراحه انا أصيح نيابة عني وعن خواتي لانه خواتي يمكن يصيحون مره في السنه اذا مب أقل ف انا اوني عاد اصيح نيابة عن 3 اشخاص p=*
انا سبيييشل وكلحد في بيتنا وفي عايلتنا وربع امي وابويه يعرفووون انييي انااااا سبششششششششششل

انا شو دوري في البيت
أول وأهم شي .. ألعوز كلحد بـ سؤالي اليومي: تحبينييي؟؟ او لا ابويه "انته تحبني وايد صح؟" *ترا حتى أسأل البشاكير مب بس أهلي*

ثاني شي ..
أدفع اي فواتيـر وأطلب اي شي يبونه >_< .. مثلا .. يطلبون اكل من برع .. انا الى لازم اطلبه حقهم وادفع .. واذا مثلا كهربجي يا البيت .. ادفعله .. واذا البشاكير يبون يسيرون الجمعيه .. اعطيهم بيزات .. لانه امي وابويه مب في البيت وايد .. ف انا اتحمل هالمسؤوليه بس الحمدالله يردولي بيزاتي

ثالث شي *قهر*..
لازم اجواب على سؤال البشكاره اليومي لـ مرتين:a058:
شو يبغي طبخ حق غدا؟ شو يبغي طبخ حق عشا؟:a058: قسم بالله ساعات تحسسني اني فيله:glare:


يعني دوووريي مب شييي .. بس يعني اسوي شوية مانجمنت في البيت .. ويوم امي تسافر دايما تخلي فلوس البيت عندي لاني بخيله :fa46:


هممم خواتي
هم صديقاتي .. دوووووم نطلع مع بعض:fa35: صح انا وايد اتضارب وياهم .. بس والله أحبهم وأمووت فيهم:fa35: يرفعون ضغطي يوم يعلقون عليا لاني ماعرف ارمس عدل بس بعد ماتخيل حياتي بدون تعليقاتهم

ابويه وامي
ربعيييي والله احبهم وايد مثل ربعي اسولف وياهم عن اي شي:fa35: احب ابويه وايد ماروم اتخيل حياتي بدون هالانسان الله يحفظه .. والله جيي لو ماعطي ابويه على قل 5 hugs في اليوم احس بنقص لول .. عقب اسير ألعوز خواتي والحق وراهم واقولهم i neeeed aaa huuuuug:hysterical: im hug depriiveddddd LOL .. والله أبويه صديقي أحبه واحترمه واحمد ربي يوميا انه ابويه هو أبويه لانه انسان يجننننننننننن غير انه وايد يحترم المرأه و ولا مره حسسنا انه اووه ابا ولد .. بالعكس يفتخر فيناا:fa35: أبويه انسان واايد كيوت والله :heart:
وامي .. من زمان مول ماكنت وايد وياها .. لكن من سنتين تغيرت والحيين صدق وااايد ويا امي واتوقع انا اكثر وحده من خواتي الى دوم وياها لول .. صدق امي وايد كووول وعجييبه .. احبها واايد.. ماتخيل حياتي بدونها بعد .. حليلها وايد ألعوزها .. بس والله احبها .. حتى ساعات بس جي بدون مناسبه تيبلي ورد وتحطه في حجرتي ولا اطرشلي مسج انها تحبني:fa41:


انا انسانه وايد محظوظه انه اهلي هم اهلي .. صدق ابويه وامي وخواتي وحتى بشاكيرنا ماتخيل حياتي بدونهم:fa41: احبهم:fa41:


ماظن انه دوري كبير في بيتنا .. بس الى أعرفه انه البيت بيكون وايد هاااادي لو انا مب فيه:hysterical: لاني وايد حشره:mf_leia: *اصلن بيتنا وااايد هاادي بس لو بدوني بيكون هدوء قاتل:fa46:*



ونصيحه : شي ابويه قالي قبل سنتين وانا الغبيه ماسمعت كلامه الا عقب سنه بس الحمدالله
ِALWAYS PUT YOUR FAMILY FIRST

[قصايد غلا]

اذا كنت اخ \اخت:
ماهو دورك الرئيسي الذي تقوم به ؟؟



بــمـــا إني أخت لأخ وااااااحد فقط لا غيــر و أنـــا أصغر وحدة :woot: أحس إنه هذا أحلى شـــــــ:k_devil2:ـــــي


أحس ما لي دووور:11:


الحمدلله أنـــا واااااااااااااااااااااااي ــــــــــــد وايد وايد وايد قريبة من أميه وأبويه:fa41:


و 24 ساااااااااااااعة ويــــــااااهم وما أفارجهم إلا في وقت الرقـــاد والجامعة:a054:


أحمد ربّـــي و أشكره على هذي النعمة "إن الله عطاني هالعايلة"


فديــــــــــــــــــ:fa41::f a41::fa41::fa41:ــــــــــــــــت أميه و أبويه و أخويه يا ربي أحببببببببببببببببببببببب بببببهم الله يحفظهم من كل شر ياااااااااااااااااااا رب




أبويـــه ===> أحب هدووووووءه وطييييييييييييييييييبة قـــــلــ:fa41:ــبــــه على شان جذه التعامل وياه يكون بهدوء ولازم ما أتنرفز حتى لو قال شي وما عيبني أو ماباه


لأنه ما يحب العناد ، يحب اللي يقول إن شا الله وعقب يسوي لنا كل اللي في خاطرنا :D


و على كل إمتحان لازم أحصل مكافأة من عنده :vertag:
و لو نسى أذكره :k_harhar1:


أحب بين فترة و فترة أشتري له شي يحبّه :love2:



============



أميــــه : كل شي في خاطري أقوله لها ، و وااااااااااايد أتشرّط عليها و أحب أتدلّع عليها وايد وايد وايد:k_blush-anim-cl:


فديتها وايد ألعوزها:a010:





وكل شي تخبّرني عنه حتى لو هالشي ما يعنيني و يعني حد كبيـــر مثل خالاتي أو عمّوه أو أخويه ......إلخ:fa35:


اللي أحبه هو إنه أميه تعاملني على أساس اننا ربع و مرات نلبس نفس العبي أو المخاوير :12:


وفي كل شي بسويه أستشيرها ، و أسألها مليوووووووووووون مررررررررة :fa52:




============




أخويــه : أحب أغصص عليه ، أغااااااااااااااااايضه ، أحب أشتكي عليه عند أبويه إذا سوا بي شي :a108:
بس أحــــــــــبــــــــــه والله :heart:


لكن يقهرني يوم يعلّق عليّـه "بس يضحكني في نفس الوقت" :birgits_giggle:

أحب أتطمّن عليه كل شويه يوم يكون برّع البيت

أحب أيلس أسولف وياه يوم ما يكون عنده دوام لأنه يضحكني وايد

بس ما أحب طبعه يوم ما له مزاج لأنه يكون وغـــــد


أحب إني إذا شفت شي يخص الشباب على طوووووووول آخذه له و هو يستااااااانس على هالشي وايد:thumbup1:

[طير الحب]

السلام عليكم ورحمه الله وبركاته...

أسئلة جميلة تجبر المرء على تقييم دوره الأسري...وأحسه مهم لأني كنت في نقاش مع أختي عن اهمية التواجد الأسري مهما كانت مشاغلنا.

سيتم تثبيته...ولي عودة لأطرح من خلاله عدة نقاط للنقاش.