حشيمه = وغده

[الجنيه]

مقهوره ومن الغيض الي فيني ممكن ارتكب جريمه قتل الحين الحشيم صارت وغده وشايفه عمرها ومتكبره ؟؟؟ شو مستوي في هالدنيا شو فيهم الناس وبالاخص الشباب يعني مب كفايه نشتغل في مكان مختلط بعد يبونا انصير مثل فلانه وعلانه الي عاقات براقع الحيا وحالهن من حال واحد من الشباب ؟؟؟!!!!!!! الحين ابي افهم يوم اني حاشمه عمري والي حولي صرت وغده وشايفه عمري ؟؟؟!@!!!!! بس لاني ما ضحكت مثل فلانه ع نكته بنضري ما تستاهل غير ابتسامه ؟؟؟؟!!!!! بس استويت انا المعقده والي ما ادري شو ؟؟؟ شو مستوي في الدنيا بالذمه حد يخبرني انا غلط ؟؟؟ لاني اصون عمري واحاول قدر الامكان ما اصير مثل غيري اللي يستر عليهن ؟؟!!!!


انزين ادري اني صدعتكم بس بتيكم السالفه الحين
هذاالله يسلمكم واحد من الشباب المصون في الشغل ويايه يقع مكتبه في الغرفه الي مجابله مكتبي بشكل عام يمر يوميا ويسلم وارد عليه السلام والسؤال عن الاحوال لا غير يقولكم من يومين حدر المكتب عندي عشان معامله وتم يسولف مع فلانه الي مودره مكتبها ويايه اتسولف في مكتبنا المهم وهم مندمجين قال لها نكته وتصوقعت ( يعني نقعت من الضحك بصوت عالي ) الاخت ع النكته بينما انا اكتفيت بالابتسامه ع ضحكتها ( لاحظوا مب ع النكته ع طريقة ضحك فلانه ) المهم مرالموقف وانا مب في بالي واذا بي افاجا اليوم وحده من البنات ترمس تقول فلان قايل هاي وغده ومتكبره وشايفه عمرها ما ادري ع الشو .....@@@ شو السالفه ؟؟ اكتشفت انه هالفلانه الي يطريها انا :wacko: ليش يا فلان كان رده : والله يوم البارحه قلت لهم نكته ابتسمت بالغصب اونه وتمت تتطالعنا باستحقار !!!!!!!

أنـــــــــــــــــــــــ ـــــــــــــــــــــــــ ــــــــــــــــــــــــا ؟؟؟؟!!!!! حشا علي حتى عيني ما رفعتها صوبه كيف يرمس جذه ؟؟ اونه دومها ماده البوز وشايفه عمرها ؟؟؟!!!!!!!!!!! بصييييييييييييييييييييييي يييييييييح مقهوره ليش جي يقول عني صح انه ما يهمني بس مب من حقه يرمس عني جدام اي حد أكررررررررررررررررررررررر رررهه


السموحه ادري طولت عليكم بس مقهوره مب طايقه عمري والمصيبه مكتبه مجابل مكتبي يعني ان رفعت راسي جابلت شيفته السخيف ... كلمت المدير عشان يغيرون موقع مكتبي ما ابي اجابل طيفته

[عفاريتووو]

دامج واثقة من نفسج
و تسوين الصح
ما عليج من كلااام الناس
الناس مافي شي يرضيهم

اهم شي ترضين ربج و ضميرج
و لا تتضايقين :image005:

[الجنيه]

الحمدلله اتنا واثقه من عمري وراضيه ضميري وربي بس ما ادري ليش جي يحسسونج باحساس خايس انج ما ادري كيف اعوذ بالله

[مزايا]

يالجنيه هالفئه من الشباب فيهم مرض عفان الله
كل شي يستوي جدامهم يشوفونه بنظره سلبيه
يعني بس عشانج ماضحكتي مثل هذيج الفلانه سمى حركتج احتقـار ومادري إيش ؟!
لاتنقهرين ولا شي ، ابسط شي ممكن تسوينه إنج تطنشين هالانســان ، حسسيه إنه ولا شي
، حتى سلامج مايستاهله

وخلج كووول
وواثق الخطا يمشي ملكا =)

[الجنيه]

مزايا
فديتج والله بردتي فادي *_*

المشكله الغيض يزيد كل شوي ,,, تخيلي توني رحت اتيدد عسب استعد للصلاه ويا كستمر يسال عني عنده لان محد في مكتبنا يوم رديت متصل يقولي مره ثانيه يوم تطلعين مشاوير عطينا خبر عشان انعرف انرد ع الناس ...

هههه من الغيض قلت له اذا انت ما اتصلي ما يعني غيرك ما يصلي وانا ما سرت مشوار وحتى لو سرت مب انت الي تأمرني بالي اسويه :laugh: جان يبرد فادي

[مزايا]

^
^
لو مكــانج بقوله : ماحيدك سكرتيري عشان اعطيك خبر بكل شي اسويه !!
مرّه لاتسكتين عنه ، هالاشكــال لو تسكتين عنها بتستقوي

[خطايــا]

والله لا تفتكرين فييح وطنشيه هوه روحه بيعرف غلطه صح ما يهمج بس بعد خليه يتأدب عشان ما يرمس عن بنات الناس مره ثانيه ...

ههههههه ضحكني ردج عليه .. يقولج الحقران يقطع المصران ... ~

[عذبة الروح]

السلام عليكم والرحمه

جذبني العنوان (وتناقضه)

الله يهون عليج & ينسيج
واللي قالوا عليج هـ الرمسه ( ذمتهم واسعه ) على قولة بعض الناس :)


وانت فـ مجال عمل مختلط .. ما اقدر اقول هدي شغلج
لكن الله كتب لنا هـ الشي نشوف الزين & الشين
ونحن علينا نميز


لكن الناس الحينه تشوف هـ الشي من منظورها الشخصي ولـ صالحها
يعني الريال اللي عندج ( إن صح اقول عنه ريال )
رمس عنج وقال انج شايفه عمرج & طالعتيه بـ نظره استحقار
عسب ما يقول ما ضحكتي على نكتته (السخيفه):fa36:


وان يوم وقدرت تردين عليه أو على غيره من هـ الأشكال
وتوقفينهم عند حدهم .. تذكري الحدود
حاولي تردين عليهم لكن بـ دون لا تنزلين لـ مستواهم الـ ........ :fa55:
ردي عليهم بـ شي ما يقلل من قيمتج كـ بنت محترمه
لكن بـ نفس الوقت .. يوقفهم عند حدهم .. لو بـ تلميح أو نغزه :fa46:


الله يقويج على هـ الاشكال .. ويبعدنا ويبعدهم عنج الغلا
وعساه يبرد على فوادج دايم الدوم // قولي آمين :yes:

[مــهــابه]

وايـد منه اختيه . .
بـعض النـاس يـوم ماتـعطيـنهم ويـه

يـقولون هالرمسه

خليج واثقـة من عمرج وطنشي ، خل يرمس من اليوم لـ باجر

عـــادي

[حلم الطفوله]

السلام عليكم

الجنيه ... ولا يهمج !

خلي عنج هاي إلي ( تتصقع ) وياه .... ترى يبالها خيزرانه امحنايه :a058:

وخلج وغده ... عادي تكونين بمسمى الوغده والحشيمه دام هالشيء يرفع من مستوى تعاملج مع هالناس :fa32:

حتى الابتسامه ما يستاهلونها ! الوغاده يمدحونها :tounge:

[وحي القلم]

صدقها حلم يالجنيه

الوغاده يمدحونها هالايام :4:

ما عليج منه و تمي مثل ما انتي

و لا حتى تغيرين مكان مكتبج :alien:

لانه دام انه مب عايبنه أسلوبج خله هو اللى يغير مكانه مب انتي

.
.

[ايه احبك]

وليش قهرتي روحج خله يرمس من اليوم لا باجر شرات ما انتي عارفه معدنه اكيد الي حوالينه بعد عارفين
انغزيه اذا اتحرش فيج او طاف هذا الي ينفع ويا هالأشكال والناس عرفتنج انتي كيف لا تشغلين بالج واثق الخطى يمشي ملك ^^; عسى بس المثل صح

[الجنيه]

مزايا

افا عليج اعجبج انا صح ساكته بس نغزاتي اتهد جبال *_*
خطايــا
اقولج ولا يا ع بالي اصلا بس الي غصص بي انه يرمس عني وهو من الاساس ماله علاقه فيني يعني حتى من ناحيه الشغل ترا مول شغلي ما له خص بشغله يعني هو قسم وانا ف قسم بس شو بتقولين رزة الفيس من طبايع ..... احم احم عزكم الله ما بكمل روحكم اتعرفون

عذبة الروح
شو اسوي ترا هالزمن جذي صاير الي حاشمه عمرها سموها وغده فديت الوغاده الي فيني ..
بالنسبه للرد تراني ارد بردود تحرق ومستحيل انزل مستواي لهاي الاشكال *_*

تدرين هالاشكال يبون الي تتكعكع وتسولف وياهم وشاله الميانه هذي بالنسبه لهم الاوكي بس الي ترمس بادب واحترام وبحدود الشغل استوت وغده فديتها والله الوغده

[خطايــا]

فديتج تعجبيني

[الجنيه]

مــهــابه
ترا هاي هي ليش وليش ما اعطيه ويه عاد بيموت ع سوالف البنات والشغمره وياهن ...


حلم الطفوله
وان اقول هالنور من وين ثرج انتي منوره اديتج انا ... هي والله صدقتي يعلني وغده طول العمر ولا آخذ ذنوب وآثام أكثر من جذه *_*

وحي القلم
لا سالفة المكتب من زمان مرمستنهم فيها لان مكتبي مجابل الباب وكل من هب ودب يوايج عليه ع الساير والراد لو مال كان له لزمه عندي *_* بيني وبينج ابي برايفسي ههه

[سفير الخيال]

السلام عليكم

إنتي ليش حارقه أعصابج، خلييه يرمس الين ما ينقع راسه

شي في باله وبغى يسويه بس ما قــدر عليه فقال اللي قاله

الإحترام هذي الأيام ما ينشكر كثر ما ينذم

ومثل ما قالت حلم الطفوله,, اللي تصقعت يبالها خيزانه امحنايه ولا ملاس امحناي :glare:

السموحة

[الجنيه]

سفير الخيال

هههههه ملاس محناي يبالنا انجربه الصراحه ...

انا مب شايله هم هذا الانسان او كلامه بس استغربت كيف بعض الناس يفكرون .. الحين الي حاشمه عمرها استوت بنظرهم شايفه عمرها و خايسه ؟؟؟!!! يعني هذا يرضى ع خواته ان حد يقول عنهن هالشي ؟؟؟؟

المصيبه انه وايدين اعطوا لنفسهم الحق في انهم يحكمون ع البنات الي يشتغلن وبالاخص في امكان مختلطه انهم عادي يعني فري لانهن يشتغلن ويا الرياييل بس هذا ما يعني انه الواحد يتمادى نعم نشتغل ويا الرياييل بس الحمدلله حاشمات عمرنا ومحترمات ما ادري ليش هالنضره الخايسه