.. شو الافــضل في رايـكم ..

[خيال الروح]

السـلام عليــكم ..

بغيت رايكـم في هالكيـمرات ..
لاني ناويه اشتري كيمره ومحتــاره بين :-

Nikon D200
Canon D400
Canon EOS 5D

شو الافضـل امبيـنهم وليش ؟؟
:fa51:

:

[ايه احبك]

أنا أعاني من نيكون أكرها وأكرها الساعة الي اخذتها فيها
أفضل لج كانون شيخة الحريم الصادره المتصدره على الكل

[خيال الروح]

ايه احبـك

شو نوعيه النيكون الى عنــدج ؟
وليش تكرهينها ؟؟

:fa46:

:

[ايه احبك]

هي كومبلكس س6 ادري مقارنتن بالبرو هي ولا شي بس انا من هاي التجربة المريره تليقت الدرس المثالي
انه غير كانون ماخذ الا سوني
واكرها لنها.. تهتز الشتر مالها ضعيف لوعت لي بجبدي المودااات على انهم اكثار لكنهم خياسين ولا صوره تطلع مضبطوه
كم مره ربيعاتي قالوا لي عقيها في زباله ها ي ما تبينها
والله
ارف
اذا كنت تبين راي كانون افضل براند ومن بعدها السوني

[تحفه]

^انجل dxb واااااااااااااايد مستانسه على السوني الي انتي طريتيلها اياها
وشكلي باخذهااااااا

[الـيـاه]

Nikon D200 كاميرا محترمـه =)

[خيال الروح]

ايه احبــك

الله يعينج عليــها ..
عقيها بحر وخذي غيرها .. :14:


تحفه
مب حاطه في بالي اخذ سوني :whistling:


اليـاه

ثاانكس سويتي
بس ما قلتلي من اي ناحيه افضــل :k_special2:

:

[الشيـــن]

ماجربت الا الكانون دي400 .. وايد فنـااانه وبسرعه تتعودين عليهـا ..

اتريي رد النـاس "الأخبر" لول يعني "الاكثر خبره" ههه

[ذنـيـنـي]

انتي هني تقارنين بين 3 كاميرات مختلفة تماااماً
وحده سعرها 14 الف و الثانيه 8 و الثالثه 3 و نص
يعني مول ما في مقارنه من بينهم

==============

كانون 5D و نيكون D200 تصنف في الفئة الاحترافية

5D تتفوق من ناحيه السنسر لأنه فل فريم يعني السنسر مالها بحجم الفلم
لكن عيبها انها قديمة و بتتغير قريبا

d200 ممتازة و حلوة بس بروفشنال طبعا
يعني موجهة للمحترفين اكثر

400D هذه للمبتدئين و ما تتقارن بالكاميرات الي فوق في اي شي
يعني فرق السماء و الارض من ناحيه السرعه و الحده و الجودة

==================

اذا تبغين نصيحتي

شوفي النيكون D80 هذه موجهة للهواة الجادين
استعمالها اسهل من النيكون d200 و حجمها اصغر بشوي
هذا اذا كنتي من محبين النيكون

اذا كنتي تفضلين الكانون

انصحج تنتظرين شوي
بتنزل كاميرا ممتاااااااااازه اسمها 40D و هي بديلة رائعه كانون 30D
اهم ما يميزها هو انها 10 ميجا بكسل و سريعه جدا بحيث انه تاخذ 6.5 صورة في الثانيه
و فيها ميزه حلوة و الي هي التنظيف الذاتي للسنسر

سعرها بيكون اقل من 6000 درهم مع العدسه الاساسية

لو انا مكاانج

باخذ 30D بس بدي مع عدسه 24-105
طبعا العدسه من اجود ما صنعته كانون من ناحيه العدسات
فيها مضاد للأهتزاز
و فيها اجود انواع الزجاج الي تنتجه كانون

=========

خياري الثاني بيكون D80 مع عدسه 18-200 الرائعه

=============

هذا اذا تبغين اتمين في فئة الي semi-pro
بس اذا تبغين شي بروفشنال و موجه للمحترفين عليج بالـ D200 او 5D
بس صدقيني الي ذكرتهم لج بيقمون بالواجب و زياده

البروفشنال موجهات للتصوير الرياضي و الصحفي و للعلانات و هالسوالف

للمستخدم العادي 40D و D80 يعتبرون اكثر من كفاية
بس عليج بالعدسات الممتازه

[صريح]

نصــور كفى و وفى
و كلامه سلييم 100%


من خلال تجربتي للـ Canon 400D و Nikon D80
اشووف الـ D80 احسن بواايد من جميع النواحي

[خيال الروح]

الشـين
عادي عزيزتي ..
خذي راحتج في الموضوع .. :a050:


ذنيني
تسلم أخوي كفيت ووفيت ..
انا حاطه في بالي Nikon D200
بس حبيت استفسر قبل ما اخذها ..
واخذ راي الى عندهم خبره في هالسوالف

صريح
يعني تفضل النيكون على الكانون ؟؟
:k_special2:

:

[ذنـيـنـي]

صرييييييح

مدمرة النيكون D80 وصلت
كانون 40D
:2:
هع هع هع

لول


خيال الروح ما عليج مني
تراهن بنفس المستوى بس انا ارمس بصيغه التحيز للكانون :4:

[ذنـيـنـي]

اووه زيين D200 وايد حلوة

بس اهم شي عدسة 18-200 VR
لا تتنازلين عنها

و مبروك مقدما

[خيال الروح]

احس الكانون لها شعبيه اكثر
وحده من الاهل ناويه تاخذ كانون ..
وحاولت وياها انه تغير رايها وتاخذ نيكون بس ماشي فايده
كانون يعني كانون

والله يبارك في حياتك
تسلم ..

:

[خيال الروح]

صريح

من خلال استعمالك لـ Canon D400
شو الى ما عيبك فيها ؟؟

:

[خيال الروح]

صريح

من خلال استعمالك لـ Canon D400
شو الى ما عيبك فيها ؟؟

:

[صريح]

[ نصووور ]


هيي عرفت انه نزلت بس ع كم ؟
ما سألت عن سعرها ؟

اليوم متعشي في بحرالامارات جان اذكرك ههه



[ خيال الروح ]

انا جربة الشركتين و عندي Canon 400D و Nikon D80
و فضلت النيكون على كانون

اللي ما عيبني فالـ Canon 400D الالوان غالبا ما ترضيني
يعني الالون فالصور يكونن dull و لا االوان تكون باهتات

بس فالـ D80 الالوان دوم تكون بيرفكت
و الـ sharpness دوم طرر فالصور

طبعا هذا رايي شخصي يمكن غيري يختلف وياي
:14:

[ذنـيـنـي]

صريح انا وياك في هالنقطة

عن سالفة الالوان

بس صدقني في هالحالة العدسه تلعب دور كبيير
لا تشوف الصور الي مأخوذه بعدسات الـفئة L من كانون بتلاحظ انها ما تحتاج تعديلات كبيره للحصول على نتايج مبهره من ناحية الالوان

لأنه في العدسات الرخيصة و الي غالبا اتي مع الكاميرا كـ عدسه ستاندارد
تكون الالوان باهته و الحده اقل من مقبوله

و هالكلام ينطبق على الكانون و النيكون و خاصة الي اتي مع عدسه 18-55 التعيسة
عسب جي شددت على سالفة العدسه و انها ما تتنازل عن العدسات الي ذكرتها

في المقابل شوف نتايج عدسه 17-85 مع الـ 30 دي الي تعتبر منافسة مباشره لعدسه 17-70 الي تجي مع النيكون دي 70
بتشوف انه نتاجيها ممتازه

[ذنـيـنـي]

على فكره حتى طريقة تنظيف العدسه تلعب دور في جوده الصورة

لأنه غالبا نحن انظفها بكلينكس او بالقماش المخصص للنظارات
و هالشي يشمخ العدسه و "يلعن خير اصل ابو امن يابتها"
الخدوش نحن ما نشوفها بالعين المجرده لكنها تأثر بشكل كبير على الألوان الي توصل للسنسر

=============

خيال الروح اول ما تاخذين الكاميرا اول شي تسوينه هو انج تاخذين فلتر حمايه للعدسه
لا تفتحين العدسه بدون ما يكون عندج الفلتر

لأنه صدق يحميها من الخدوش و اذا تخدش الفلتر ممكن انج ناخذين غيره
لكن العدسه بتكلفج وايد ;)

[صريح]

نصوور انا استخدم هالقلم حق تنظيف الـ sensor و الـ lens

http://www.lenspen.com/media/SensorKlear.jpg

الله يغربله غاالي ماخذنه اب 75 هههه بس واايد فادني



تراها هالمشكله في كانون العدسه الـ kit دومها اي شي
و لازم تاخذ عدسات الـفئة L و تعرف صعب على الكثير
انهم ياخذون هالعدسات لانه اسعارهن 4000 و فوق

الـ 70 - 200m على 9000 صدق حرام ..
زيد 400 ربيه على الـ 9000 و خذلك D200 + 18-200 VR و انته المستفيد

بختصار اقولها اللي ياخذ اي وحده من هالكيمرات ما بيندم
Nikon D80 - D200
Canon 40D - 5D

[ذنـيـنـي]

فديتك حمود يعني انته لاعن خير "ابو امن يابت السنسر"
لول

خذ البمب مال الهواء حق السنسر لأنه وايد حساس
تحممممممممل تلمسه بشي ثاني

عندي شرات هالقلم بس وياه بمب هواء

[الـيـاه]

خيال .. لو تقارنين مثلا ً بعدسة الكانون D400 والا 350 الاصليه .. وعدسة نايكون D80 مثلا ً الاصليه
بتلقين أن النايكون أحسن بمليووووووون مره .. والالوان احلى بمليوووون مره

مش تحيز ..

بس جد .. عدسة الكانون 400 و 350 الاصليه مول مول ماتعيبني مب حلوه

وشي ثاني انه ماشي مقارنه بين 5D والثانيات اللي ذكرتيهم .. لانه هايلا فئه وهاي فئه ..

الكانون D400 للهواه المبتدئين
نايكون D80 للهواه للجادين
نايكون D200 احترافيه

فـ اظني انتي مب متعوده على الـ SLR لو تاخذين للهواه اول شي وايد اسهل لج ..
ممكن تاخذين كانون D400
والا نايكون D80
الكانون عدستها الاصليه عاديه جددددا ً والوانها مغبره ( باهته )
والنايكون لو خذتيها بكيون عندج 2 في 1 كميرا محترمه ويا عدسه أصليه محترمه
وعقب انتي كيفج شو تاخذين من عدسات ....


وشكرا ً

[ذنـيـنـي]

كل كاميرا من كانون و شو يقابلها من نيكون



Canon 400D = Nikon D40x

Canon 40D = Nikon D80

Canon 5D = Nikon D200

Canon Mark III = Nikon D2H

Canon Mark III Ds = Nikon D2X

[خيال الروح]

صـريح
ذنيني
اليــاه

تسلموون على المعلومات ,, الى افادتني
وانا قررت اخذ النيـكون دي 200

ومشكورين مره ثاانيه ..

:a070:

:

[صريح]

بالبركه ان شاء الله

و في انتظار الصور بالكيمره اليديده
ان شاء الله
:fa35:

[خيال الروح]

ان شاء الله
:fa35:

:

[الـيـاه]

اختيار اكثر من موفق .. nikon D200 حلواه ( ع فكره نفس كاميرة البرقع ) ..