أبغي كمبيوتر منزلي - ساعدوني -

[ذنـيـنـي]

السلام عليكم

يا جماعة الخير اخوكم ناوي على كمبيوتر دسكتوب و استعمالي الاساسي بيكون لتعديل و معالجة الصور من خلال الفوتوشوب و و الـ light room و ايضا بستعمله للألعاب و مشاهدة الافلام

يعني شي مهم عندي انه يكون الجرافيك كارد ممتاز و قوي

الميزانية المتوفره عندي هي 4000 درهم بدون الشاشة

[صريح]

نصوور انصحك تأخذ كمبيوتر تجميع ..
انته تختار اللي تبغيه و ع مزاجك


سعر الكمبيوتر بالمواصفات الـ standard اللي تكون مثل هالموصفات:

المذر بوورد Intel Core 2 Duo
السرعه 3.2 Ghz
الرام 2 GB
Hard disk 140 GB
Graphic card اي نوع بسيط "مال مش حالك"

بيطلع بحدود الـ 2000 - 2500 بالكثير

خذ مثل هالكمبيوتر و زييد هالـ Graphic card

GeForce 8800 Ultra

تقريبا احسن graphic card لين الحين
السعر 2000 - 3000 لانه في نوعين الاول بدون الـ HDTV و الثاني ويا الـ HDTV


الـ GeForce 8800 Ultra حق الالعاب و الصور و كل شي


اهم شي تركز على الـ RAM و ال graphic card
لانه هم اللي يأثرون على اداء الكمبيوتر



ادخل هالموقع و شوف المواصفات http://www.nvidia.com/page/geforce8.html

[ذنـيـنـي]

حموووووود

ويييييييين انته يا ريال
كل شوي اسوي ريفريش عسب اشوف جان حد سوالي سالفه خخخخخ

انزين انا ماااااااااا احب شي اسمه intel
ابا شي بمعالج Amd :a018:

[ذنـيـنـي]

قبل شوي حصلت موقع اسمه عرب هاردويير
ما شاء الله وااااايد استفدت منه

شكلي بعسكر هناك الين ما اعرف شو الي اباه بالضبط
ما احب اشتري شي و اندم عليه لول

[صريح]

احس الـ Amd حق شركات الاعلانات و هالسوالف
مب الاستخدام الشخصي مع انه وااايد زين


اذا انته تبغي شي جاامد حق الصور و digital media بشكل عام
ليش ما تاخذ ماكنتوش و تريح عمرك ؟

[حصان طروادة]

أظن صريح كفى ووفى

ذنيني

كم مرة في اليوم بتلعب وبتشوف أفلام على الكمبيوتر ؟

[خيال الحب]

السلام عليكم

هاي بعض المواصفات

المعالج CPU
Intel Pentium D Processor (2.80GHz, 800MHz FSB, 2x2MB cache)

الذاكرة RAM
1024MB PC5300 Dual-Channel DDR2 667MHz SDRAM (2-512MB modules)

القرص الصلب HARD DISK
250GB Serial ATA II/300 7200rpm hard drive w/ 8MB cache

DVD
48x/32x/48x CD-RW/DVD combo drive

مخارج الجهاز
(6) USB 2.0 (2 in front and 4 in back), (3) IEEE 1394 Firewire (2 in front and 1 in back), (1) Serial, (1) Parallel, (2) PS/2, (1) RJ-45 Integrated LAN

كرت الشاشة
NVIDIA GeForce 6600G with 128MB, DVI, VGA & TV-Out

كرت الصوت
Integrated Intel 7.1 High Definition audio

كرت الشبكة
Integrated Intel 10/100/1000 (Gigabit) Ethernet

[ذنـيـنـي]

حمودي والله فكرت اني اخذ اي ماك
بس عقب غيرت رايي لعدة اسباب

اهم سبب هو انه شرات اللابتوب
يعني ما افصله على كيفي،، و ما اقدر اسوي اب غريد لوايد اشياء،، اللهم الرام و الهارد ديسك
ثانيا انا ناوي على لابتوب ماكبووك الاسود جان تعرفه بو 13 انش

و ثالثا تعرف انه،، حق القيمز الـ PC فليكسيبال اكثر،،

من جي شليت فكره الماك من بالي،،
============

حصان طرواده

انا اغلب وقتي اقضيه جدام الكمبيوتر
سواء اني اشوف مسلسلات ولا العب بليارد

يعني 4 ساعات في اليوم كـ حد ادنى
بس كـ متوسط استعمله 6 ساعات يوميا

[ذنـيـنـي]

خيال الحب

تسلم عزيزي على التجميعه الي حطيتها
بس ما قلتلي كم التكلفة النهائية

يعني اغلى من البدجت مالي ولا اقل !

بسوي سيرج عن القطع الي حطيتها و ان شاء الله خير

[عذبة الروح]

متأكدين يا اللي هني ترمسون عربي & انجليزي !!

اسميني طلعت ميييييح بالـ .comp

ولا اعرف شي !! :3:


:fa52:

[ذنـيـنـي]

عذبة الروح
ما عليج مني، تراني يالله يالله قادر اقبضلي كمن كلمه

اسوي كوبي لأسم القطعه و على طوول بيست و سيرج في القوقل خخخخخ
يعني الحال من بعضه،، بس الواحد يتعلم

[خيال الحب]

السلام عليكم


اوكيك
مخارج الجهاز
(6) USB 2.0 (2 in front and 4 in back), (3) IEEE 1394 Firewire (2 in front and 1 in back), (1) Serial, (1) Parallel, (2) PS/2, (1) RJ-45 Integrated LAN
هذا ممكن تخليه 2 او 3 بس

ممم ماعتقد يطلع اكثر من 2500 ..

[حصان طروادة]

ما شاء الله سبقوني الأخوان ، ما خليتوا لي شي أقوله

ذنيني مر مركز العين للكمبيوتر في دبي بتحصل عندهم كل اللي تباه واللي تكلموا عنه الأخوان

[ذنـيـنـي]

خيال الحب
وردة روز

تسلمون اخواني و ما قصرتوا

[حصان طروادة]

ذنيني

وين وردة روز :a058:

[ذنـيـنـي]

اسمحلي يا خوويه والله مخي مفتتر علي من كمن يوم لوول :pullhair:

دام انه خيال الروح و عذبة الروح سويتهم شخص واحد :fa36:
اسمحلي والله كنت اقرى موضوع لاخونا ورده روز و بالغلط حطيت اسمه
:birgits_giggle:

[حصان طروادة]

مسموح يا أخوي

وتستاهل السلامة على مرضك