بشو تنصحون ؟؟ ..

[ايه احبك]

السلام عليكم
وصباح الخير
:14:


شحالكم شخباركم انشالله ابخير
أمسات أقصد الأسبوع الي طاف لاب توبي عطاكم عمره من بعد 3 سنوات كراف
ايقولون انه المذر بورد اتعطلت ما عرف ليش
معني شغلته عادي وبعدين مره وحده سكر عليه
في استفسار اذا المذر بورد اختربت الهارد دسك والمعلومات بعد اضيع وتخترب ؟


المهم


بغيت مساعدتكم في النصح والأرشاد
عن أفضل لاب توب
ممكن اني اكرفه ويتحمل مب مال قوم بدلع
-
-
طبعا
الشكل مطلوب و يفضل اذا فيه لون بنكي ولا شكل بناتي


السرعه مطلوبه وبشدة لني ما بتحمل شي بطيء


ما عندي أشكال اذا كان ويندوز فيزتا ولا اكس بي المهم نطلع منه بشي


و من أهم الأشياء الي أطالعها في اي لاب توب هو الحجم مابيه دب بالمره
ابيه صغير وايد وايد تايني وبتيت ابي ما احس فيه انه لاب توب مول ينحط حتى في شنطة المكياج


ويا حبذا الماموري عوود ووسيع ويستحمل الحياه الصعبه من برامج ومسلسلات و صور وأغاني


مع العلم انه المهر اقصد البدجت مفتوح بس شي معقول واذا كان شي رخيص كان أفضل لنه بكرفه حق الكليه لمدة سنة وبعدين بغيره


ترى هذي اللحظات من أهمها في حياتي عسب جي استشيركم في تحديد زميل الدراسة


للجادين فقط الرد في هالموضوع :k_harhar1:


ايه أحبك
:11:

[حصان طروادة]

ايه أحبك

بخصوص الهارد درايف ، يعتمد على نوع الضرر اللي لحق بالمذر بورد ، وهل المتسبب فايروس أو لا ، لكن في غالب الأحوال الهارد درايف بيكون شغال لكن في حالات معينة .

أما بخصوص اللاب توب ، الأنواع كثيرة ويعتمد على المبلغ المدفوع ،

كم المبلغ اللي تقدرين عليه .؟؟؟؟ وبدون مستحا ، أما إن البجدت مفتوح تراني أقدر أقولك في لاب توب ب20000 وطالع .

حطي أقصى مبلغ ممكن تحطينه في لاب توب وبخبرك شو أفضل الأنواع الموجودة في السوق حاليا .

ولا تنسين إنج قلتي تبين تستعملينه لفترة محدودة ، يعني ما يستاهل تدفعين فيه مبلغ كبير.

[الهيثــم]

ومعرض جيتكس بيفتح شهر سبتمبر .. غيروا الموعد من أكتوبر لـ سبتمبر

..

[ألم ترى]

بسم الله الرحمن الرحيم ..

هلا اختي ..

انا مالي ف سوالف اللابتوبات وعوار الراس وانما بتكلم عن المعلومات !َ ..

يمكن 3 مرات الجهاز عندي يضرب واكثر المحلات اللي اسيرلهم يقولون كل المعلومات انمسحت ..

ولكن واحد نعتني ع محل الصراحه ردلي كل المعلومات اللي ف الجهاز ! ..

والمعذره ..

[ذنـيـنـي]

همممممممممم
سيري و شوفي المواصفات مقابل السعر
انصحج بـ HP او ASUS او toshiba او Sony
انا عن نفسي افضل اول نوعين

الـ HP بتحصلين فيه مواصفات حلوة مقابل السعر
best bang for the bucks على قولة العنقليزين

و اذا تبغين اتجربين شي يديد ممكن تاخذين لج mac !!
الـ macbook سعره بين الـ 5000 الى 6000
و مواصفاته قوية و تقدرين تحطين عليه فيستا اذا تبغين بدون اي مشاكل
و شكله وااااااااااايد حلووووووو
:love:

اذا تبغين نصيحتي خذي الماك الابيض بو 2.16
البروسسر ماله افضل من اغلب المنافسين


2.16GHz Intel Core 2 Duo
1GB memory
120GB hard drive1
Double-layer SuperDrive

http://store.apple.com/1-800-MY-APPLE/WebObjects/AppleStore.woa/wa/RSLID?nnmm=browse&mco=2F15A1DE&node=home/macbook/macbook

[خيال الحب]

لاتشترين من جايتكس نصيحه @___@.. احس نص البضاعه مضرووبه


وزين انه الاخوان فادوج

في بعد لاب توب توشيبا يديد .. جيمته ب5000 وشوي ..
مواصفاته وايد عيبتنيييي

[حصان طروادة]

مازلت انتظر رد الأخت والميزانية اللي بتحطها ،

[ايه احبك]

ايه أحبك

بخصوص الهارد درايف ، يعتمد على نوع الضرر اللي لحق بالمذر بورد ، وهل المتسبب فايروس أو لا ، لكن في غالب الأحوال الهارد درايف بيكون شغال لكن في حالات معينة .

أما بخصوص اللاب توب ، الأنواع كثيرة ويعتمد على المبلغ المدفوع ،

كم المبلغ اللي تقدرين عليه .؟؟؟؟ وبدون مستحا ، أما إن البجدت مفتوح تراني أقدر أقولك في لاب توب ب20000 وطالع .

حطي أقصى مبلغ ممكن تحطينه في لاب توب وبخبرك شو أفضل الأنواع الموجودة في السوق حاليا .

ولا تنسين إنج قلتي تبين تستعملينه لفترة محدودة ، يعني ما يستاهل تدفعين فيه مبلغ كبير.

لوول أستحيت من ردك.. لا مستحيه احط البدجت ولاهم يحزنون ..انا كتبت فوف اني ما بي السعر غالي لني بستخدمه حق كراف الكليه وانا هاي اخر سنه في الي حطيته في بالي 1000 اذا في :k_harhar1: لوول
لا 5000 درهم لووول ماله داعي قوم بوعشرين الف بتصبيني جلطة لو اخترب او حد مسكه لوول
و الضرر الي صاب المذر البورد مب فايرس ات اول بس اظني شوط او شي من هالكلام
هو لاب توبي كان اي بي ام الي صار اني فتحته عادي واشتغل عادي وكل شي تمام يوم كنت اسوي كنكشن لنت سكر جنه بيستوي رستارت وبعدين مول ما قام يتبطل حولت احط الجارجه واغير فيها بس الليت مال الجارج الي في الاب ما يشتغل .. التكنكل قال هو ما في فايرس وهو يصلح بس بيكلفني كونه ما في قطع غيار مادري شو وقالي افضل لو اني اشتري واحد يديد

[ايه احبك]

ومعرض جيتكس بيفتح شهر سبتمبر .. غيروا الموعد من أكتوبر لـ سبتمبر

..
المشكله الكليه بتبدى في ستمبر لو اعتمدت على جيتكس ما يكون عندي لاب توب اول فترة دراسه واغراضي ببتبهدل :k_no:سو اي كانت ويت
مشكور على كل حال

[ايه احبك]

بسم الله الرحمن الرحيم ..

هلا اختي ..

انا مالي ف سوالف اللابتوبات وعوار الراس وانما بتكلم عن المعلومات !َ ..

يمكن 3 مرات الجهاز عندي يضرب واكثر المحلات اللي اسيرلهم يقولون كل المعلومات انمسحت ..

ولكن واحد نعتني ع محل الصراحه ردلي كل المعلومات اللي ف الجهاز ! ..

والمعذره ..
عيل اذا في امل انه يعدل لاب توبي
قولي اسمه ورقمه اذا ما عليك اماره

[ايه احبك]

همممممممممم

سيري و شوفي المواصفات مقابل السعر
انصحج بـ HP او ASUS او toshiba او Sony
انا عن نفسي افضل اول نوعين


الـ HP بتحصلين فيه مواصفات حلوة مقابل السعر
best bang for the bucks على قولة العنقليزين


و اذا تبغين اتجربين شي يديد ممكن تاخذين لج mac !!
الـ macbook سعره بين الـ 5000 الى 6000
و مواصفاته قوية و تقدرين تحطين عليه فيستا اذا تبغين بدون اي مشاكل
و شكله وااااااااااايد حلووووووو
:love:


اذا تبغين نصيحتي خذي الماك الابيض بو 2.16
البروسسر ماله افضل من اغلب المنافسين


2.16GHz Intel Core 2 Duo
1GB memory
120GB hard drive1
Double-layer SuperDrive

http://store.apple.com/1-800-MY-APPLE/WebObjects/AppleStore.woa/wa/RSLID?nnmm=browse&mco=2F15A1DE&node=home/macbook/macbook


best bang for the bucks على قولة العنقليزين:hysterical: فنانه هالجمله باي ذا وي
زين انك مدحت لي الأسيوس لني شفت لاب توب بنكي قطع عقلي تقطيع... تعرف حد مجربنه ؟
لني ادو حد مجربنه عسب ايقولي رايه فيه ..

بنسبة للماك كنت اكلم تحفه عنه هذاك اليوم ما كنت مقتنعه انه بيفدني انا بنت بزنس
لنه اعمالنا تتطلب رسيرجات وهالسوالف بيكون علي صعب ادش بعض المواقع
لنه ماك مب كل ويب سايت ادشه ولا كل برنامج اروم احمله
والله ما دري افكر فيه الحين بشوف وبسأل عنه
انا المهم عندي انه يفيديني في الكليه
اكثر من انه يفيديني شخصيا
شكرا اني وي

[ايه احبك]

لاتشترين من جايتكس نصيحه @___@.. احس نص البضاعه مضرووبه


وزين انه الاخوان فادوج

في بعد لاب توب توشيبا يديد .. جيمته ب5000 وشوي ..
مواصفاته وايد عيبتنيييي

جان عندك السايت مال لاب التوب بكون شاكره لك يدييي

[ايه احبك]

انا حاطه في بالي هذا
http://www.sonystyle.com/webapp/wcs/stores/servlet/ContentDisplayView?cmsId=VAIO_CTO&hideHeaderFooter=false&storeId=10151&catalogId=10551
وطلبت البنك لاب من عند جمبو كونه خلص... فا شو رايكم؟ الأشكال الي ما حبيته انه ما في عربي =(

وفكرت بعد في ل جي هذا http://ae.lge.com/products/model/detail/txseries.jhtml
مديري عنده اياه وانا وايد حبيته لصغر حجمه بس مشكلته انه ما فيه كيميرا =( وهو وايد جديم

[عيماني وكلي فخر]

السلام عليكم
هههههههههههه
مادام أنج بتستعملينه حق الكلية والكراف
حق شو كله هذي المواصفات الي فووق :birgits_giggle:
يالله بالتوفيييج
:laugh:

[ايه احبك]

عيماني قلت لك هذا بيكون شريك حياتي لوول لازم هالمواصفات XD

[حصان طروادة]

ايه أحبك

حاليا أنا في الدوام وبعده بروح الدورة ، ومواصفات الكمبيوتر في البيت ، بنزلها لج بعد الساعة 8 بالليل إن شاء الله .

كنصيحة ، ودام اللاب توب للكلية وبعدها بتغيرينه لابد تاخذين شي قيمته مب عالية يعني ما يتعدى ال5000 كحد أقصى وكل ما كان السعر أقل كل ما كان أفضل لك .

السوني ممتاز وما عليه كلام ، كذلك الإيسوس أعتبره من أفضل اللاب توبات في العالم والكلام اللي أقوله عن خبره وتجربه .

كذلك ألحين التوشيبا جدا قوي ولو إني أحيانا ما أفضله .

على العموم أول ما أوصل البيت إن شاء الله بحط لك مواصفات الإيسوس والسوني وأجود النوعيات المتوفرة حاليا في الأسواق.

[ايه احبك]

شكرا حصان وانا اترايك بفراغ الصبر

[حصان طروادة]

بخصوص لاب توب إل جي

أسوء شي بتسوينه في حياتك لو خذتي ها اللاب توب أو أي جهاز إل جي بصفة عاما .

قد تكون القيمة معقولة للاب توب إل جي وكذلك المواصفات الفنية تكون عالية ، لكن كجودة جدا سيئة وكخدمة عملاء كذلك سيئة .

وغير عن جذه دايما إل جي عندهم مشكلة في مسألة القطع غيار ، دائما ودائما غير متوفرة .

أنصحك تبتعدين عنه وكلامي كذلك عن خبره

[ايه احبك]

همم اول مره اعرف عن ال جي زين بعد انك خبرتني
لنه موديري مستخدمنه من سنه ويتمدحه

[حصان طروادة]

مثل ما قلت لك ، كمواصفات فنية جدا عالية واستخدامه جيد

عطيه سنة زيادة وعبقها سئليه :fa42:

جان تبين عندي إل جي عمره سنتين بعطيك إياه هدية ، بس دوري له قطع غيار :whistling:

[ايه احبك]

لا مشكور يطويلي بعمرك ^^. مب ناقصه اتحمل مرضه زايده ^^;
اي بودي وتيلفوني والحين لاب توبي o_O
ربي يسللمك XD

[ألم ترى]

عيل اذا في امل انه يعدل لاب توبي
قولي اسمه ورقمه اذا ما عليك اماره



المحل ف رأس الخيمة !
إذا لج اهل ف راك طرشيه
وانا بطرش لج الرقم و اسم المحل

[ايه احبك]

يالله
منو عندي في راس الخيمة =(

[ألم ترى]

بسم الله الرحمن الرحيم ..

افا :smile2: ! ..

انتي شوفي إن تعرفين حد وانا تحت الخدمه ..

ولو حتى تدخلت الحكومة واقصد اهلي اللي ف دبي :whistling: ! ..

بحفظ الله ..

[ايه احبك]

وين ما أضربها عوية =<
ما عندي حد في راس الخيمة يا خوية =(

[حصان طروادة]

ايه أحبك

إليك التفاصيل وأبدأ بالتوشيبا :

الموديل : SA200-11C

المواصفات :

intel core 2 due processor 1.8 GHz
الرام 512+512 إم بي .
الهارد درايف 160 جي بي
دي في دي رايتر + سيدي رايتر
الشاشة 15.4 إينج .
built in camera
أما النظام فهو فيستا هوم بريميوم .

السعر تقريبا : 4400 درهم .

====================

سوني فايو

الموديل : FZ15

intel core 2 due processor 1.8GHz
الرام 1 جي بي
الهارد درايف 120 جي بي
دي في دي + سيدي رايتر
الشاشة 15.4
النظام فيستا هوم بريميوم

السعر تقريبا : 6000

========================

ASUS G1 Series

من أروع ما رأيت

intel core 2 due processor 2.16 GHz
الرام 2 جي بي
الهارد درايف 160 جي بي
دي في دي + سيدي رايتر
built in camera
الشاشة 15.4 اينج
النظام فيستا

السعر تقريبا : 6500 درهم لكني مب متأكد وما أذكر .

================

وأخيرا :

ASUS LAMBORGHINI VX2

لا مثيل له في السوق إلى الآن وبكتفي بوضع سعره :

14000 درهم .

===============================


جميع اللاب توبات المذكورة تحتوي على كيبورد عربي + بلوتوث + سيريال بورت وغيره من الأمور الفنية اللي ما ذكرتها .

بصراحة لو مكانك ما بتردد في شراء الASUS ، لكن مثل ما قلت دام اللاب توب محتاجتنه لمدة سنة فأنصح بالتوشيبا .

الاختيار راجع لج أختي ، التوشيبا ممتاز ، والسوني ممتاز ، والإيسوس ممتاز .

[طعون القلب]

وانا ويا الأخوان لا تشترين LG لانه مشاكل يمكن شكله يكون اوكيك لكن واايد حساس وبسرعه يخترب ... لاتشترينه ..

الاغلبيه يشترون Hp لانه فيه واايد مواصفات .. لكن بالنسبه لي ما احب هالماركة ..

انا استخدم acer Ferrari وبالنسبة لي ماعليه كلام( اكثر من رااائع ) أولا من حيث الشكل كشخه :) وبعدين من حيث المضمون .. وسعته طبعا مايحتاي
دخلي هالموقع وبتعرفين ليش انا اخترت هالاب توب :)

http://www.notebookreview.com/default.asp?newsID=2476&review=Ferrari+4005+WLMi+Notebook+PC (http://www.notebookreview.com/default.asp?newsID=247...)

لكن الـ acer عنده بس مشكله وحده .. الصوت مب واايد عالي ( حاشر) يعني أعلى صوت بالمستوى المعقول..

[حصان طروادة]

طعون قلب

acer ferrari ما عليه كلام

لاب توب ولا أروع

لكن ASUS حطم السوق باللامبورجيني

شوفي تحديثي للرد السابق :police:

بخصوص لاب توبات HP إلى الآن في نظري هي فاشلة

[الدلووووعة]

ايه احبك

انتي استوى فيج شرات اختيه خخخخخخخخخ

بس هي زين انه خلاص كان اخر كورس واخترب عليها الاب فالاجازه خخ

ويوم ودته المحل قالولها انه المذر بورد محترقه والافضل انه تشتري واحد ثاني

ثاني يوم يبناه من المحل وفجيناه قطعة قطعة ^_^

ظهرنه روحة عدل هههههههههههههه

[حصان طروادة]

الدلووووعة

شكلكم مجرمين لاب توبات

[طعون القلب]

مرحبا حصان طرواده .. انا ماسمعت عن هالكمبيوتر .. لكن لما قلت لمبرجيني ذكرت ... شفت كمبيوتر شكله وااااااااايد حلو أصفر ما كنت اعرف ماركته لكن بس كانوا يقولون مال لمبرجيني لكن مب فالبلاد ما ادري إذا اهنه ولا لا .. لكن بصراحه ASUS يبيييييله .. لكن إذا هو نفسه الأصفر اللي شفته .. فصدق بيطلع شكل ومضمون ... :)

Hp والله زين حصلت حد يشاركني الراي .. لانني كذلك مقتنعه انه مش اوكيك .. لامن ناحية الشكل ولا المضمون

[طعون القلب]

بتخبل الحين .. هيه هذا الأصفر توني يالسه ادور عنه ..
http://www.shoplaptop.co.uk/scp/Asus_Laptops/Asus_VX2_Series.html

خلاص انشالله من افكر اغير كمبيوتري .. على طول باخذ هذا ...انشالله ارووم اصبر :(

[حصان طروادة]

طعون قلب

موجود اللامبورجيني في sharaf DG اللي في الستي سنتر (دبي) ، أمس كنت عندهم

بصراحة روعة بكل ما للكلمة من معنى

وإذا اشتريتي واحد لا تنسيني الله يخليج :fa34:

[ايه احبك]

14000 لووول تميت اقرها كمن مره قلت يمكن هو قاصد 1400 لوول لني انا احيد اني قلتله ابي في حدود 5000
اني وي بشوف اللسن في سايت
سوني كم حجمة يعني صغير
ولا انته قلت احسن لاب توبات متغاظي حجمهم ؟
برب بشوفهم وبرد

[ايه احبك]

أنزين حصان شو رايك في السوني الي ذكرته هل تحس شكل اكثر من ما انه عملي

[حصان طروادة]

ايه أحبك

السوني حجمه متوسط ،

في واحد شاشته 13.3 اينج ، شكله كيييووووت وبناتي ، لكن هو لرجال الأعمال ، حتى نظام التشغيل فيستا بيزنس وسعره تقريبا 7000 درهم .

عشان جذه ما حطيته من ظمن القايمة .

[حصان طروادة]

اللي ذكرتيه رجعت له

بصراحة تقييمه كان poor

[طعون القلب]

ويالسه اسوي اتفاقيه ويا اختي عسب تاخذ كميوتري الـ Ferrari .. وانا ارووح اشتريه ..لكن ترا شوي غالي .. يعني لو 10 ولا 12 واااايد اوكيك ..

احساسي يقول اني باخذ متى ما ادري :)..

بغيت أسالك حصان فالAcer Ferrari فيه DVD writer اني دووم احاول لكن ما يستوي ...؟؟ هل هو مزود بالخاصية ولا لاء ؟؟

[حصان طروادة]

طعون قلب

هيه نعم مزود بالدي في دي رايتر

الأسعار في ارتفاع وهبوط ، انتظري معرض الجايتكس وبعدها شوفي كم بيوصل

اتوقع تنزل الأسعار

أقووووول

بسير أنام وراي دوام وأخاف أتأخر

حطوا استفساراتكم وردودكم وأشوفكم باجر إن شاء الله

[ايه احبك]

شكلي عيل بحول لتشيبا بس في منه تيني يا حصان ولا بس له حجم واحد
بنسبة لسوني شفته وصراحه سعره اكثر 7000 عسب جيه ما استسغته
وما في من الأسيس بعد تيني ؟
---
طعون أقولج زين انه كتبت الموضوع لني كنت خلاص باخذ ال جي باخذه خاصه بعد ما تمدحالي المدير
وعن الأيسر تحسينه اوكيه لنه ولد اختي عنده وما وحله كمن شهر وصكر مادري شو بلاه
---
الدلوووعه ها أزمة المجتمع المشكله جابرينه انه ناخذه هل اي بي ام في الكليه وما هو ما يسوى
وبعدين شو خذت اختج من لاب ؟

[ايه احبك]

ويه سامحنى يا حصان عطلنك
يالله مشكوره وموفق انشالله

[ذنـيـنـي]

حصان طرواده عندنا asus لمبرغيني الاسود
فعلا من اجمل ما يمكن،، الجرافيكس فيه مب طبيعي "بالنسبة للـ لابتوبات"
و اداءه رائع جدا ً

اسميني حاقد على اخويه بسبب هاللابتوب،، اخاف يستويبه شي من كثر ما هو في خاطري لوول
=======

الاهل عندي يستعملون asus بو الجلد
شكله وايد انيق و جي مال دلع،، بس عيبه الشاشة الصغيره

[طعون القلب]

شوفي LG مشكلتهم أنهم يبون يدخلون في كل شي حتى في صناعة الكمبيوتر ... وطبعا افشلوا من ناحيتي .. لان أغلب اللي عندهم كمبيوترات LG
يعاونون من نفس المشاكل .. ودوم بتحصلينهم يودونه المحل .. لانه حساس وتعبثي فيه شوي بتحصلين انج عفسي الدنيا ومب رايمه تصلحينه.. ( لاتشترينه ولاتفكرين) سوي ignooooooor عليه :)

ممم Acer انا احب هالماركه وااايد ارتاح لها ..اول كمبيوتر لاب توب شريته فحياتي كان Acer وكنت متعلقه فيه واااااااااايد .. لكن بعد ما تكسر من كثر ما كنت افتحه.. غيرته وخذت toshipa وبالنسبه لي كرهت التوشيبا مش من ناحية المواصفات لكن من ناحية الشكل .. قببيييييح .. وبعدين جربت الـ Hp وطبعا هذا من ناحية المواصفات والشكل والمضمون موووووووووول مايعيبني .. وأخيراً حنيت على الـ Acer وخذت الـ Ferrari .. وطبعا مايحتاي اقول شو شعوري لانه اولا شكله جدا رائع والمضمون ماعليه كلام .. وعلى فكره لين الحين عندي الـ Acer الجديم ويفتح وغالي وااايد عليه .. ( وهااي قصتي مه الAcer :)

فولد اختج سكر الكمبيوتر عنه اكيد في سبب وأغلب الظن فيروسات مش فيروس وااحد .. لانه الكمبيوتر مايسكر إلا إذا في خلل او فيروس قوي.

حصان ..شكرا على وقتك في الإجابه عن استفساراتنا..

[ايه احبك]

حصان يوم بترد شوف هذا وقولي شو رايك فيه
http://www.shoplaptop.co.uk/scp/Asus_Laptops/Asus_W5_Series.html

وهذا
http://www.shoplaptop.co.uk/pp/Sony_Laptops/Sony_Vaio_C_Series/Sony_VAIO_C2S/P_Pink.html

وهذا
http://www.shoplaptop.co.uk/scp/Sony_Laptops/Sony_Vaio_TX5_Series.html

[ايه احبك]

ذنينيييييي انا ابي شاشه صغير
عطني الله يخليك الموديل نمبر

[ايه احبك]

طعون يعني بينج وبين الأيسر قصة حب من ورانا هاه لوووول
بشوف شو احسن لاب نزل عندهم انا بعد افكر فيه بس ابي راي الناس عنه

[طعون القلب]

أوكيك .. يالله عودي ادراجج إلى مخبأنا دكان المسلسلات :)

[ايه احبك]

انشالله عمتي XD

[الـيـاه]

سلاام !

أحسن لاب توب جربته شخصيا ً .. هو اللي عندي حاليا ً
فـ أنا بعد انصحج بالـ sony vaio اجوفه عملي وخفيف .. ومواصفاتهم زينه بشكل عام ..

[ايه احبك]

هلا الياه
اي موديل تقصدين ؟

[الـيـاه]

ايه احبك :

بالنسبه لـ لاب توبي هو Sony vaio PCG-TR1 بصراحه اشوفه احسن لاب توب جربته للحين
مع اني قبله كنت استخدم توشيبا .. لكن هذا عيبني استخدامه اكثر ..

ووحده من بنات عمي عندها الـ Sony vaio VGN-SZ140 بعد وايد تمدحه ..

لكن ماندري
انتي ورايج =)

[ايه احبك]

شكلي انا على السوني مياله اكثر بس يوم سرت جمبو شفت انه كتبته مب عربي هذذا الي خلني اتردد

[ذنـيـنـي]

شوفي اول واحد و آخر واحد

http://www.asus.com/products.aspx?l1=5&l2=25&l3=283

[ايه احبك]

حلووووين بس متجوزين لمت البدجت
تقريبا سعرهم سبعه وشي

[حصان طروادة]

ايه أحبك

السوني اللي سألتي عنه في جامبو ، مثل ما قلت لك سابقا رجعت للتقييم العام وكان تقييمه ضعيف جدا فأنسيه .

أما بخصوص الوصلات اللي حطيتيهن ، أقدر أاكد لك إن البحث عن لاب توب في الإنترنت وشرائه من الإمارات أمر صعب للغاية ، لأن أغلبهم مب متوفر عندنا في السوق .

أول وصلة حطيتيها ، الصورة الأولى ، هذا موجود لكنه فوق 6500 درهم .

والمشكلة ألحين في السوق إنهم مركزين بشكل كبير على الشاشات الكبيرة ونادرا ما تحصلين شاشة متوسطة ، يعني 12 إنج أو 13 وفي الغالب إذا حصلتيهن بتكون المواصفات دون المستوى .

وأفضل نصيحة أقدر أقدمها لك هي كالآتي :

خذي المواصفات اللي عرضتها سابقا ، وإذا كنتي من دبي مري على محل (شرف دي جي ) في الستي سنتر ، قولي لهم أبغي هذي المواصفات وحددي نوع اللاب توب أو على الأقل شوفي المتوفر عندهم .

اللاب توبات اللي عرضتهن من أفضلهن في السوق حاليا ، ومثل ما قلت لك استعمالك له بيكون لمدة سنة فقط فعندك أمور :

يا توشيبا (وهو مناسب جدا للميزانية اللي حاطتنها وفي منه حجم متوسط) ، أو إسوس ، السوني غالي نوعا ما ، شوفي الإيسر ولو إني أحط عليه علامات استفهام أحيانا ومش كل الأنواع جيدة ، كذلك الآي بي أم ممتاز لكنه يتخطى ال6000 .

الأمر كله ألحين متعلق بج وبذوقج في الاختيار ، المواصفات عندج وما عليك إلا تمرين بنفسج وتشوفين على الواقع .

وخبرينا بالنتايج .

[حصان طروادة]

ذنيني

إلى الآن وبصراحة ما شفت شي تفوق عليه ، ومخبل فيني ها النوع لكني ما باخذه لأني مب محتاجنه .

الإيسوس عموما من أقوى اللاب توبات ، وجودة التصنيع عالية جدا جدا ، وغير عن جذه شركة الإيسوس معروفة إنها متخصصة في تصنيع المذر بورد ، وهي أقوى ما يمكن .

كانوا قبل يستخدمون المعالج نوع AMD ، لكنه فشل وما مشى في السوق الآسيوية ، وألحين حولوا على الإنتل وحققوا نجاح ماله نظير .

فعلا لاب توب إيسوس يستحق كل تقدير ، وراح آخذ واحد عما قريب إن شاء الله .

[حصان طروادة]

طعون قلب

الإيسر مش كل الأنواع عندهم جيدة ، و موديل عن موديل يختلف ، أحيانا يصعدون للمرتبة الأولى وأحيانا الأخيرة .

كذلك الديل ، وآي بي أم .

حاليا اللي ماشي في السوق العالمية بشكل كبير التوشيبا ، صحيح إني أحيانا أحط علامات استفهام على منتجاتهم ، لكن في الآونة الأخيرة تطوروا بشكل كبير .

في النهاية الأمر يرجع للمشتري ، إذا كان استخدامه للاب توب ما بيتعدى سنة أو سنتين وبعدها بيغيره فلا يروح للغالي ، أما إذا كان استخدامه لثلاث سنوات وما فوق وما راح يبدله ياخذ له شي محترم وغالي ويدوم مثل السوني وغيره .

كذلك يعتمد على نوعية الإستخدام هل هو استخدام ثقيل أو خفيف .

هناك عوامل كثيرة جدا في اختيار اللاب توب المناسب ، أغلب الناس ألحين يشوفون الشكل والحجم بغض النظر عن النوعية والجودة و المواصفات وطريقة الاستخدام .

هناك كثير من المنتجات ما تتحمل الاستخدام الثقيل كتنزيل ملفات بأحجام كبيرة جدا ، ومثال على هذا لاب توب آي بي إم T40 ، أبدا ما يتحمل التنزيل الكبير .

فالأمر كله راجع للشخص .

[ايه احبك]

مشكور أخوي صدق استفدت ^_^

[حصان طروادة]

اتمنى إنج استفدتي

لكن الأهم تخبرينا عن الاختيار

[ايه احبك]

انشالله
بس ابي اسألك الفوجي مال السمنس مب شي؟

[حصان طروادة]

السوق ألحين مليان ماركات ، كل من هب ودب فتح له شركة وصنع لاب توب

لا تقربين صوبهم :d014:

وللأمانة ، ما جربت الفوجي .

[ايه احبك]

لوووول انا الاب توب الي استخدمه الحين فوجي
بس مادري اخاف اخذ منه وما يتحمل الكراف والطيحات
حصان عادي يطيح فا شو احسن فابرك تستحمل غير الأي بي ام

[حصان طروادة]

دايما أي براند عالمي مثل الآي بي إم والسوني والإيسوس مرورا بالتوشيبا والإيسر والديل ، دايما بتحصلين فيهم نوع من السماكة اللي تقاوم الصدمات .

الصدمات تختلف ، والطيحات بعد تختلف ، يعني لو أعق أي لاب توب من الطابق العاشر مب مثل لما يطيح اللاب توب من الطاولة !!!

الأمور هذي ثانوية أكثر من كونها أساسية في الاختيار ، لأنه الواحد في الغالب لابد أنه يحافظ على اللاب توب قدر المستطاع .

كذلك لو قمنا نفصفص في قوة تحمل اللاب توب ، لابد أن جسمه يكون سميك ، فبالتالي بتحصلين وزنه ثقيل ، وهذا أمر غير مرغوب فيه أبدا .

الوزن أمر أساسي في الاختيار ، وكل ما كان الوزن أقل كل ما زادت نسبة شراء اللاب توب ، وهذا لأنه يعتبر كمبيوتر محمول ، فمب معقول بتم شال لاب توب وزنه 5 كليو على ايدي على طول مطار دبي !!!!

أقدر أقول الأمر هذا ثانوي أكثر من كونه أساسي في اختيار اللاب توب كون الإنسان يحافظ على أغراضه .

[ايه احبك]

لا شوف انا مب مهمله
لكن البيئة الي انا فيها يهال وربشه وخاصه اني اركض فيه في الكليه من بلوك لا بلوك ما استقر وركبت ونزلت دري ففي احتمال انه يولي
انا ادور هالخاصية لني ااحس السوني مال دلع اكثر شي واناقه اخاف اخذه بعدين يولي وما يستحمل
انا قصدي في جودة السماكه شرات الاب توب اأي بي ام

[حصان طروادة]

الآي بي إم معروف بصلابته ، وهذا يميزه عن بقية اللاب توبات ، وعشان جذه مب راضي اتنازل عن لاب توبي

كذلك اللاب توبات الثانية صلبة ومب سهلة التعرض للكسر ، تطمني من هذي الناحية :thumbup1:

[ايه احبك]

وايد محتاره

[حبوبه دبي]

الاي بــي ام ينفــع لــج حق الكليــة

:fa51:

.
.

[الدلووووعة]

ايه احبك

اختيه اول شي كان عدها اي بي ام بس بعدين

وخذت لها ايسر من برع الكليه طبعا


وبعد ما اخترب عنها الايسر ردت لل اي بي ام

[ايه احبك]

يعني اشوف حظي ويه الأي بي ام اخاف ابتلش فيه مثل ما بتلشت في هذا !!!

[حصان طروادة]

مريتي السوق ولا بعدج .؟؟؟

[ايه احبك]

لا بعدني في شي يديد يا حصان

[حصان طروادة]

تراج تعبانه وايد ، ربشتينا ربشه وآخرتها ما مريتي السوق !!!

ولين ألحين مافي أي شي يديد

[ايه احبك]

ههههههههههههههه
مريت السوق بس ما اشتريت ي بعدين يالسه افكر اتريا لين جيتكس لينه عندي شي يسد الحين

[حصان طروادة]

جيتكس مب مثل قبل للأسف

لكن شي أحسن من لا شي

وأنا بعد انتظره بفارغ الصبر

[ايه احبك]

ويييه شكلك مدمن كومبيترات وسالفهم
انا جيتكس ما سرته الا مره في حياتي بنشوفه هالسنه شو بيطلع لنا فيه

[حصان طروادة]

إلا مدمن كمبيوترات

عمري ما خسرت في شي كثر ما مخسر في الكمبيوترات وحاجياتها وسوالف الإلكترونيات

اللي في السوق بتحصلينه في جيتكس ، بالنسبة لي مافي شي يديد

[ايه احبك]

لووول عندي نفس الهوايه بس انا على أخف
عيل ليش ايسون لهم معرض دامه كل شي في السوق

[حصان طروادة]

المعرض كان في السابق لجلب الأسواق العالمية ، أو بمعنى أصح الشركات العالمية عشان تعرض بضاعتها وأحدث ما وصلت له التكنولوجيا لهذا الوقت ، لكن للأسف الشديد "الآسيويين" دمروا الدنيا وخذوها من باب " فرصة واربح فيها " .

لذلك أغلب الشركات العالمية اللي كانت اتيي لعرض المنتجات "الجديدة" انسحبوا فصار معرض جايتكس للشراء فقط لا غير وللعارضين المحليين .

اللهم الشي الوحيد الزين فيهم وجود معرض للshow في المركز التجاري واللي أقول أنا عنه "ما بيصير مثل قبل " .

[ايه احبك]

هيه الحين فهمت ليش اتقول قبل غير والحين --هذا الشي طبيعي عفكره مب بس في سوق الألكترونيات بس في الأسواق الثانيه بعد جي حالتهم .. الله يعين

[حصان طروادة]

هذي مشكلة كلنا نعاني منها

الله يعين

[ايه احبك]

حصان اذا بطالع اي لاب توب عامتن شو الأشياء الرئيسية الي لازم انتبه لاها

[حصان طروادة]

أهم الأشياء اللي (إنتي ) لازم تنتبهين لها هي اللي حطيتهن من قبل ، وبذكرهن مرة ثانية :

1- المعالج (processor ) وحطيت لك مواصفاته .
2- ال(RAM ) وعندك المواصفات .
3- القرص الصلب (Hard Drive ) ، وعندك المواصفات .
4- مقاس الشاشة .
5- كرت الشاشة (VGA Card ) .
6- CD ROM ، CD Writer , DVD Writer

هذا بالنسبة لج يكفي ، بعدها شوفي حجم اللاب توب والكيبورد والشكل العام ، وأهم شي في الكيبورد تكون الأزرار خفيفة ومش صلبة ، وغير عن جذه حاولي تحطين ايديك وتكتبين شي معين ، لأن بعض اللاب توبات مش مريحة نهائيا .

كذلك شوفي إذا كان فيه كاميرا ، بلوتوث ، كم سيريال بورت ، نوع ال Network Card إلخ .

هذا اللي في بالي حاليا .

[ايه احبك]

شو السيريال بورت و كرت الشاشة

[حصان طروادة]

السيريال بورت ، الفتحة اللي تحطين فيها مثلا الفلاش ميموري (بكل بساطة) .

كرت الشاشة ، أو بالأحرى VGA Adapter ، والمقصود من هذا الأمر Video Graphics Array أو عند البعض Video Graphics Adapter ، وهو يعتبر حلقة الوصل بين الكمبيوتر وتشغيل شاشته بالألوان اللي نشوفها جدامنا .

طبعا هناك عدة أنواع من كروت الشاشة وكل نوع له صفاته اللي تميزه عن غيره .

أخاف أدخل في العمق وتضيعين معاي ، شو رايك :m_m7tar:

[ايه احبك]

الله يسلمك علمني شو أفضل نوع منهم و
اكتفي بهالقدر من المعلومات ^^; مشكور أو ما قصرت يا حصان

[حصان طروادة]

أنا حاليا في الدوام ، بجهز لج أشياء معينة في كرت الشاشة وإن شاء الله بعرضه عليج .

شكلي بنزل موضوع خاص بالكمبيوتر وأساسياته ، شو رايج ؟

[أمطار]

اللــه !
من متى كان خاطــري في موضوع حلــوو جي. . .!

أنا جربت التوشيبا والآي بي أم وحالياً Acer ، بس أحس قصـّوا علي بالمواصفات ..
فـ يزاااكم الله خيـــر خصوصاً حصان طرواده ع المعلومات "القيّمــة" !
وااايد استفدت من الموضووووع . . .!

إيه أحبك ..
بالتوفيق يا قلبي ،، وان شاء الله تحصلين اللاب توب اللي يناسبج. . .!

=)

[ايه احبك]

مشكوره أمطار ^^ الحمدلله انه فادج شرات ما فادني لوول حسيت اني مفيده XP
--
حصان والله تسوي فينا خير ومنها تفتك من حشرتنا XP

[حصان طروادة]

أمطاار

ذكرتيني ، قبل كم يوم رحت محل بلج إنس اللي في الفيستيفال سيتي ، دخلت أشوف آخر تطوراتهم .

شفت وحده تدور وتطالع اللاب توبات مسكينه شكلها غشيمه مب عارفه شو السالفة . وعاد هنه يستغلون الآسيويين الفرصة ويقصون على الزباين يرفعون من منتجاتهم السما وهي ما تسوى بيزة .

[عيماني وكلي فخر]

حصان طرواده

ماشاء الله عليك كونت موسوعة كبيرة لخصائص ومواصفات الكمبيوتر
الصراحة أستفدنا من هالمعلومات القيمة الي حطيتها
يزاك الله خير بن عمي

إيه أحبــك
إن شاء الله تحصلين الاب توب الي يناسبج
:)

[حصان طروادة]

ايه أحبك

بخصوص كروت الشاشة ، بعرضهن في الموضوع الياي إن شاء الله .

وألحين قاعد أرتبه ، اشوي بيطول لين أجمع المعلومات المناسبة وأترجمها .

بصراحة دخت وأنا أقرا بالعربي مب فاهم شي ، وأساس المشكلة إن درسنا كل هذا بالإنجليزي ، والمجلات والكتب اللي أقراهن كلهن بالإنجليزي ، فبحاول أخلي الموضوع بالعربي قدر المستطاع .

.................................................. ................

منو قالج أبا الفكة ؟

تدرين إني أستفيد من أسئلتكم ؟

أحسها مراجعة لي .

[حصان طروادة]

مشكور أخوي عيماني على إطرائك

أنا موجود في خدمتكم وفي أي وقت

[ايه احبك]

الحمدلله انه الموضوع مفيد للكل مب بس لي
بشاره خير اليوم دقولي الدوام وقالو انه التكنشن قدر يصلحه ولو اني في خاطري اشتري واحد يديد بس دامه صلحوه انا افتكيت لنه الكليه ما بتسوي لي بلبله عسب اني شاريه لاب توب من برع الكليه
على العموم بشوف شو فيه جيتكس يمكن اخذ لي واحد ثاني حق بعدين
مشكور يا حصان في انتظار معلوماتك.. حلو الواحد يعرف معلومات غير عن الي متعود دوم يقرا ويعرف عنها
---
عيماني
الحمدلله انه اتصلح لاب توبي ومشكور على مرورك ودعاءك ^_^

[حصان طروادة]

ها شو صار بلاب توبج ؟

[ايه احبك]

اعتدل حاللللللله XD الحمدلله اغراضي ما ضاعو مثل ما توقعت ما في شي صار في الهارد دسك لنه ما في فيروس بس الي كان خربان هو الشت بوتون الي تشغل لاب توب وشي بعد ما فهمت له بس الحمدلله اعتدل
D=
تسلم على السؤوال ^_^

[حصان طروادة]

قلت لج من قبل إذا ما كان فايروس فالهارد درايف في أغلب الحالات بيكون شغال ،

بس سؤال

غيروا المذر بورد ولا مجرد تصليح ؟

[ايه احبك]

لا ما ظني اتصدق لنه ما كلفني وايد هي كم تقريبا تكون تكلفة المذر بورد ؟

[حصان طروادة]

هو يعتمد على النوع والبراند ، يعني لو تبين شي رخيص ومال قوم بوعبود عندك بو 20 دولار .

وإذا تبين شي زين مثل الإيسوس والإنتل يبدأ من ال130 دولار ويوصل لحد 300 دولار وأكثر .

كم دفعوج ؟

[ايه احبك]

هوو كله طلع لي 750 درهم

[حصان طروادة]

إلا أخاف ناصبين عليج ، تكون المشكلة بسيطة وضاربين عليج 750 درهم .

انزين ما عطوج فاتورة ؟

[ايه احبك]

هيه بس ما فهمت عليه وهي الحين عند الشركه الي انا كنت اشتغل فيها بس دفعت حقهم الي في الفاتوره
تتدري شوه خليتني اشك في الموضوع بخلي السكريتره اتسوي سكان حق الفاتوره وبراويك ايها

[حصان طروادة]

ممم

لو كانت عندج كنت بقولج حطيها هنه عشان نشوف شو فيها

المهم رد لاب توبج مثل قبل وإن شاء الله ما تواجهين أي مشكلة مستقبلا بسبته

[ايه احبك]

شكرا بحطها بعد ما اسويها اسكان انشالله

[حصان طروادة]

:inlove:

[ايه احبك]

هذي الأشياء الي غيرها في لاب توب
• Repair Power problem
• Troubleshoot Boot problem
• Replace Memory with 256MB (X2) because the old one was defective.

[ايه احبك]

اين انته يا حصان ؟؟؟

[حصان طروادة]

موجود ،

السعر غالي اشوي

لأنه أول اثنين اللي سواهن مجرد تصليح مش تبديل خصوصا إن power problem كلمة عامة يعني شو المشكلة بالتحديد ؟

كذلك الرامات ، ليش هو كم حسب عليج الرام الواحد ؟

------------

على فكرة تراني بعدني زعلان منج :argue:

[ايه احبك]

خير انشالله ليش زعلان ما عرف اراضي XP
---
ما عرف الصراحه لنه كاتب صوبه بس التوتل 750 وما كتب شي بشي فهمت علي
فاتوقع انه هو يتحرى الشركه هي الي بتدفع وزيد في السعر
افف اخبر عليه المدير X@

[حصان طروادة]

عيل خيرها بغيرها ، بس أهم شي المرات الياية تسئلين عن كل صغيرة وكبيرة .

.....................

ليش زعلان ؟

عقب الطرده المحترمة تبيني أضحك !!!

[ايه احبك]

لوووول صير احسن عني وسامحني XP
لووول كنت بس امزح والله
----
والله حتى لو سألت عنه ما بفهم له لني ما اعرف وما عندي اي خبره في مجال الكومبيتر فيا ليتك تسرع من وضع الموضوع الي يختص بالكومبيتر ...

[حصان طروادة]

بكل سهولة سامحني ها :a046:

..........................

الموضوع إن شاء الله بطرحه في أقرب فرصة ، اشوي انشغلت هاي الأيام ، لكن أوعدج بيكون موجود في الأيام القليلة القادمة .

[ايه احبك]

خلاص في الأنتظار
---
المسامح كريم ^_^