المساعد الشخصي الرقمي

مشاهدة النسخة كاملة : كشتة في ماليزيا



بن دبي الدولي
18-08-07 ||, 02:01 PM
بسم الله الرحمن الرحيم

قبل كل شي ... راح أكتب لكم عن الرحلة وتفاصيلها بالضبط

اولا تكاليف الرحلة .... طبعا نحن ثلاث أشخاص كلفتنا الرحلة على الخطوط الماليزية مع السكن في ثلاث مناطق في ماليزيا ورحلة إلى مدينة جنتج مع طيران داخلي من مطار كولالمبور إلى جزيرة لنكاوي وطبعا مع الردة والفنادق كانت 4نجوم +4نجوم+5نجوم كلفتنا يا جماعة الخير 12940 درهم بدون مواصلات في ماليزيا ( اللي هي من المطار ات إلى الفنادق) وكانت الرحلة ل 10 ليالي 11 يوم.

ثانيا الرحلة طبعا مثل ما خبرتكم إلى دولة ماليزيا ...... بصراحة ماليزيا ما عليها اي كلام
وتعتبر من الدول الأسلامية ... واللي مخرب فيها طبعا الهنود والصينين ... لانهم شارين
تقريبا نص البلاد ... وفوق كل هذا مدخلينهم في البرلمان مالهم ... يعني متشاركين
في كل شي.
عملتهم هي رنجت ... وعملتهم أغلى عن الدرهم الأماراتي (500درهم = 450 رنجت)
ومن ناحية المعيشة تقريبا ما في فرق بينا وبينهم يعني نفس الأسعار اللي عندنا
موجودة .... موجودة هناك لا وساعات اغلى عنا. يعني مش حق مشترا يعني اللي يبا
يتكشت بصراحة انصحة يسير ماليزيا.

ثالثا الرحلة كانت كالتالي :

من مطار دبي إلى مطار كوالالمبور .

منطقة ( SUNWAY LAGOON) ليلتين ثلاث ايام

في البداية وصلنا مطار كوالالمبور إلى أول منطقة هي ( SUNWAY LAGOON )
سن وي لجون. تبعد منطقة سن واي لجون من العاصمة الماليزية تقريبا 45 دقيقة.
وهي عبارة عن منطقة صغيرونه فيها مجموعة فنادق وسنتر واحد وحديقة ألعاب مائية
وعدة مطاعم ومقاهي . وبصراحة المنطقة هذي هادية نوعا ما ولكن حلوة حق اللي
يحبون يلعبون في الماي.. وماتصلح حق أكثر من ليلتين

وهذي هي صور الفندق وأسمه ( SUNWAY LAGOON RESORTS OR HOTEL) أربع نجوم

http://www.moq3.com/img/uploads/bzp31980.jpg

http://www.moq3.com/img/uploads/Pp332255.jpg

وطبعا هذا الفندق في شي عجيب ... الطوابق من 12 إلى واحد تحت الأرض ومن 13
إلى 21 أو 24 فوق ... والحلو فيه يطل على الحديقة المائية وشابك في السنتر... وعليه
سكيورتي بصراحة توب ... طبعا أول ما دخلنا حطوا شنطنا في مكينة نفس المكينة
اللي في المطار.

وهذي صور الحديقة مع السنتر من برع لاني نسيت أصور داخل

http://www.moq3.com/img/uploads/kvH32507.jpg

http://www.moq3.com/img/uploads/rM232577.jpg

http://www.moq3.com/img/uploads/KSs32672.jpg

http://www.moq3.com/img/uploads/sS832722.jpg
وهذا الفندق من ورا موضح فيه وين مكان الجروند فلور

http://www.moq3.com/img/uploads/Gzy32812.jpg

طبعا عندي صور زيادة لحديقة الفندق والحوض وغيره.

المنطقة الثانية هي جزيرة لنكاوي:

طبعا هذي الرحلة من مطار كوالالمبور إلى الجزيرة بطياران داخلي طبعا. والرحلة
تستغرق ساعة بالطيارة.

أجواء العاصمة

http://www.moq3.com/img/uploads/xfr33009.jpg


http://www.moq3.com/img/uploads/PMn33092.jpg (http://s2.supload.com/thumbs/default/PICT0056-20070818033124.jpg)

وهذي هي الجزيرة ( صور مش واضحة.. لانه نزلنا في يوم كان في أمطار )

http://www.moq3.com/img/uploads/MAy33267.jpg

http://www.moq3.com/img/uploads/GTO33274.jpg

وصلنا مطار لنكاوي وطبعا من المطار إلى الشاليه

جزيرة لنكاوي حلوة وهدوء فيها بشكل فضيع يعني الناس اللي فيها شوي ... والجزيرة
فيها وايد أشياء تزورها .. فيها التل فريك ( على قولتهم كيبل كار) يوديك التل فريك
إلى قمة جبل على مستواين (المستوى الأول على أرتفاع 652.5 فوق سطح البحر)
( المستوى الثاني على أرتفاع 710 فوق سطح البحر) وفيها سوق صغيرون حليو
وفيها حديقة ما ئية وحديقة الثعابين وفيها شلالات وطبعا في مكان يودونك رحلة بحرية
( تتكون الرحلة البحرية تمشية إلى جزيرة فيها سبلان ومكان يربون فيه الأسماك
وماكن يربون فية النسور والبحر المفتوح) وهذي الجزيرة مش بعيدة عن تايلند
تبعد حولي 45 دقيقة عن جزيرة بوكت أو فوكت التايلندية بالطراد.. وفيها معالم حلوة.
وهذي الجزيرة فيها شاليهات وايد وكم فندق .. ونحنا سكنا في شالية أسمة
( BRJAYA RESORTS ) وهذا عبارة عن شالية اربع نجوم ... وهذا الفندق يتميز
بالشاليهات اللي على البحر وفي في الغابة... وبصراحة هو حليو... وقضينا في هذا
المكان 3 ليالي 4 ايام .. بس ما نصحكم أطولون فيها لانها شوي مملة ... وكل شي يبند
الساعة عشر مساء ... تقريبا في ماليزيا كلها بشكل عام.

هذا الفندق من عند الحوض ومن برع

http://www.moq3.com/img/uploads/tkG33580.jpg

http://s2.supload.com/free/PICT0094-20070818055931.jpg/view/

الشاليهات اللي على البحر والغابة


http://www.moq3.com/img/uploads/qaJ33716.jpg

http://www.moq3.com/img/uploads/Lnd33944.jpg
وهذا الشاليه اللي سكنا فيه



http://s2.supload.com/thumbs/default/PICT0103-20070818040947.jpg[/url][/img]

http://s2.supload.com/thumbs/default/PICT0102-20070818040934.jpg[/url][/img]

وان شاء الله بكمل الباجي مرة ثانية
والسموحة
:a033:

خطايــا
18-08-07 ||, 02:28 PM
نايس :D متابعه وياك =)

بن دبي الدولي
18-08-07 ||, 03:02 PM
شكرا على المرور

قرموشة
18-08-07 ||, 03:36 PM
حلوين الصور أخويــه

مــهــابه
18-08-07 ||, 06:09 PM
عزيت وانـا افتح الروابط لووول

حلويــن :)

بن دبي الدولي
18-08-07 ||, 10:30 PM
شكرا على المرور يا قرموشة ويا مهابة

الله يعيني كيف اكمل الباجي

جنون امرأة
18-08-07 ||, 11:42 PM
خاطري اشوف الصور ..

بس كل صورة يبالها وقت لين تفتح ..

!!


شكرا بن دبي الدولي

مايهزك ريح
19-08-07 ||, 09:20 AM
وااااااااايد حلو المكان !!!!!!!!!

ايه احبك
20-08-07 ||, 12:21 AM
حمدلله على السلامه
والمناطق حلوه والأحلى هو شرحك للسفره ^_^ لوول تنفع اتكون مرشد سياحيXD

محد يستاهل
20-08-07 ||, 03:20 AM
حلوووين وايــد
الحمـد لله ع ســلاامــتــك !!!

حبوبه دبي
20-08-07 ||, 03:32 AM
فـخاطري اسيــر مـاليزيـا !

حلــوه الصـور اخــويه ^_^

نتـرقب البــاجي مع الشـرح ..

بن دبي الدولي
21-08-07 ||, 09:29 PM
شكرا على المرور يا .....
جنون أمرأة ( هذا اللي أقدر عليه لو في طريقة أسهل جان سويتها) , ما يهزك ريح , أيه احبك ( ياريت ودي لكن يالله) , محد يستاهل , حبوبة دبي ( ان شاء الله الباجي جريب)