المساعد الشخصي الرقمي

مشاهدة النسخة كاملة : [ صيف اليـاه - فرنسا 2007 ]



الـيـاه
17-08-07 ||, 06:33 AM
سلاام !

كيفكون يا عسل :inlove: .. ان شاء الله مسيطرين على الوضع تمام ؟
احم
الحمدالله نورت لبلاد بوجودي من عقب سفره جميله .. وبنزل صـور كل بلد في موضوع خاص
عسب مايفتر راسكم :doh: لول

[ صيف الـيـــاه 2007 ]

فرنسـا - باريس
بريطانيا - لندن
سويسرا - جنيف
ايطاليا - ميلانو

نبدا بـ فرنسا - باريس وان شاء الله تسانسون وأسفركم بالصـور !

.
.

هني أول يوم في فرنسا كان يطيح مطرررر والجو وايد حلو وبارد - وها حمود يستهبل مب طايع يخوز من تحت
المطر وعقبها مرض :fa52:

http://oasis.bindubai.com/bin/uploaded/220_01187313023.jpg

دخيلكم جوفو هالبنايـه .. البنايه اللي تشلق العيون :a116:
ترا هاي روحها جي .. انا يلست 5 دقايق أحاول أعدل عيوني هههه عسب اجوفها عدل وراسي عورني
بس عجيبه صح !

http://oasis.bindubai.com/bin/uploaded/220_11187313023.jpg

وهاي البنايه صدق روعه ..
كلها بهالالوان وماشي فيها درايش .. بس بيبان ومن فوق كله جي ملون - شكلها Funky -

http://oasis.bindubai.com/bin/uploaded/220_01187313924.jpg

جوفو كيف شكلها روعه لول .. ها يدارها من قريب
يلسو يتصورون اونه باك جرواند :birgits_giggle: لوووول

http://oasis.bindubai.com/bin/uploaded/220_11187313924.jpg

وهاي البنايه عدالها بس بالازرق - لول اونه مطقمين وياها

http://oasis.bindubai.com/bin/uploaded/220_21187313924.jpg

وهني يوم كنا سايرين كروز .. جوفو الجو كيف امبين انه روعه فالصـور

http://oasis.bindubai.com/bin/uploaded/220_21187313023.jpg

اكيد كلكم تعرفونه برج ايفل
ليش كل العالم يجوفونه عود :icecream: .. بس لحد يغتر مب وااايد واايد عودههههه

http://oasis.bindubai.com/bin/uploaded/220_01187314340.jpg

لووووول هالصوره إهداء حق ( بنت الهوامير ) هي بتذكر هني شو ستوا فيها هي واخوها هههه
يالله مب مشكله تكبرين وتنسين ديروتي :fa56:

http://oasis.bindubai.com/bin/uploaded/220_21187314340.jpg

أخس مكان تغديت فيه تدرون ليـش ؟
لاني اتخرطفت واتفشلت بس الحمدالله محد جاف .. لكن اللي ويايه ألعن ( قطعوووني :a046: لين ما قالو بس )

http://oasis.bindubai.com/bin/uploaded/220_01187315363.jpg

هااااااااااااااك الصرصور اللي يركض بعـيييييييد تبعنا لول

http://oasis.bindubai.com/bin/uploaded/220_11187315363.jpg

اتقول عيال شوارع

http://oasis.bindubai.com/bin/uploaded/220_21187317091.jpg

- برج ايفل فليل - يستوي وايد احلى شكله

http://oasis.bindubai.com/bin/uploaded/220_11187314340.jpg

يااااع هني كانو وصخيييين :fa44: ولوعة جبد
رادين من الحديقه لااعبين كورة وشكلهم أرففففف - عيال شوارع -
حمود ع اليمين :alien: + المرّ ع اليسار :alien:

http://oasis.bindubai.com/bin/uploaded/220_21187315363.jpg


يتبـع
دقيقه ما خلصت

.
.
.

الـيـاه
17-08-07 ||, 06:34 AM
هنـي في ديزنـي :11: .. كان وايد زحمه لازم اوقف في طابور حق اللعبة
ناخذ لفة ونرجع وبعده الطابور نفسه حشى !
فـ قررنا نكمل لفتنا عليها في الايام اليايـه :pullhair: ..

http://oasis.bindubai.com/bin/uploaded/220_01187316190.jpg

وبعــد :a018:

http://oasis.bindubai.com/bin/uploaded/220_11187316190.jpg

http://oasis.bindubai.com/bin/uploaded/220_21187316190.jpg

هههه هني قوم بنت الهوامـير واخوها شادين حيلهم يلعبون هاللعبة السخيفه ..
اترشكم مااااااي .. اتسبحو وكل ساعه يردون يلعبون :a049:

http://oasis.bindubai.com/bin/uploaded/220_01187316434.jpg

http://oasis.bindubai.com/bin/uploaded/220_01187316742.jpg

جوفو حمود شو يسويبه :a033: .. هاك مشغول في موبايله
وحمود يضربه وهو يمشي ..

http://oasis.bindubai.com/bin/uploaded/220_11187316434.jpg

احلى آيس كريم كلته .. صدق يييييييمييييييي :icecream: وايد وايد لذيـذ وكل حد قام يعزم عمره

http://oasis.bindubai.com/bin/uploaded/220_11187316742.jpg

http://oasis.bindubai.com/bin/uploaded/220_21187316742.jpg

لول هاي البيزا سالفتها سالفه :whistling: .. طلبها هذا الاخ الثاني وقالنا انها بيزا فيها جرجير ودوم يطلبها
لكنا تمينا نجوفه بنص عين انه مايركب بيزا بالجرجير :3: .. بس طلعت احلى بيزا موجوده

http://oasis.bindubai.com/bin/uploaded/220_01187317091.jpg

هههه هني فالقطار كان وايد - ملللل - وانا متفيجه

http://oasis.bindubai.com/bin/uploaded/220_11187317091.jpg

http://oasis.bindubai.com/bin/uploaded/220_11187317546.jpg

حمـود طفران شراتـي :fa51:

http://oasis.bindubai.com/bin/uploaded/220_01187317546.jpg

رفلكشن

http://oasis.bindubai.com/bin/uploaded/220_21187317546.jpg

لول هالصوره غبيه .. منخش بين كرسيين

http://oasis.bindubai.com/bin/uploaded/220_01187317733.jpg

وبس خلاص
ها اللي اخترته لكم من صـور فرنسـا
ان شاء الله يعيبونكم .. والسموحــه

.
.
.

ذنـيـنـي
17-08-07 ||, 10:34 AM
يا سلااااااااااام على رحلتكم يا الياه
ما شاء الله الصور روعة
و ذكرتيني بأيام حلوة :fa35:


و اكثر شي عيبني في الموضوع هو الاسكريم :icecream:
و بيتزا الجرجيير :tounge:

سانكّ يو Yahoo على الموضوع الظريف و الحلو :icon_rr:

الدلووووعة
17-08-07 ||, 01:32 PM
كشخه رحلتكم يالياه ^_^

وحليلهم الصغاريه اسميج ماتصورينهم إلا يوم يكونون مسوين شي خخخخخخخ

عاد احلى صوره مال البنايه والله عيبتني ^_^ وايد

والثانيه اللي تعور العين ^_^

واخر صوره طر خخخخخخ
حليله الياهل ^_^

تسلمين عالموضوع ^_^

ونرقب الاماكن الثانيه ^_^

قصايد غلا
17-08-07 ||, 02:10 PM
الحمدلله على السلالالالامـــــــة اليــ:inlove: ـاهـ

أهم شي إنج استانستي :a074:

الصور واااااااااااايد روعة ، و أحلى شي الآيس كريـــم :biggrin:

لوووول هالبناية الملونة عجيييييبه ، صارقين فكرتي اللي استوحيتها من نعالي "عزكم الله " والله كنت ناويه أصبغ يدار واحد في حجرتي جذه :4:

خيال الحب
17-08-07 ||, 03:30 PM
ياسلاااااااااااااااام على هالصووور الغاويه
عيبتني صورة البناية .. صدق وااااااااو

والحمدلله ع السلامه

ونحن بانتظــار الصووور الباقيـــه ^__^

ا ل غ ل ا
17-08-07 ||, 04:02 PM
كشخة ،، أنا ما صورت وايد السنة ..

حمدلله على السلامة حبوبه

ايه احبك
17-08-07 ||, 04:03 PM
وااااايد حلوه الصور الياه والحمدلله استانستواا في الرحله
عيبتني البنايه الملونه والثانيه اتحريتج لعبه في الصوره لوول
بس بصراحه حبيته بيبي حمودي ييبه صوب قوم ميرا خله يلعوزها شرات ما تلعوزنه النوتيه
سي ياه

مزايا
17-08-07 ||, 04:10 PM
أنورت البلاد بوجودج
وأظلمت لي عدتي مب فيها
:5:
ترحيب حــار


أوووه والله اياام فرنســا
http://oasis.bindubai.com/bin/uploaded/220_11187313023.jpg

هالمبنى واااااااااايد عيبني
صدق الاجــانب عليهم مخ ، ويقدرون يبدعون حتى في مجــال العمــاره
والعرب طل يسون جي :a100:


http://oasis.bindubai.com/bin/uploaded/220_11187313924.jpg

amazin walla

http://oasis.bindubai.com/bin/uploaded/220_21187317091.jpg

ههههه والله اليلسه على الكراسي
اهون بوايد من اليلسه على الرصيف (كأنه طلاليب خخخ)


http://oasis.bindubai.com/bin/uploaded/220_01187317733.jpg

ياحليله :birgits_giggle:

خطايــا
17-08-07 ||, 04:28 PM
:a070:7emdallah 3al el Salamah sis

wOw niCe pic's maShallah kel el 9war 7elwa :inlove:

عذبة الروح
17-08-07 ||, 04:55 PM
وعليكم السلام والرحمه

حمد الله على سلامتكم اختي

صور فنانه .. عيشتينا بـ الجو
عيبتني وايد صور بناية الألوان ( أحسها الوان خشبيه موقفه)

حتى الصورة الثانيه من ديزني
شكلها شرى بيت باربي <---- كيوت
وانا سمعت انه حق اللعبه يتريون وايد لين ايي الدور
الله يعينكم :)

مشكوره عـ الصور الغلا
وتسلم يمناج ..
نتريا البقيه اللي في الـ Memory :)
ويا حييج
يسلمووونيشن ياهتنا

مــهــابه
17-08-07 ||, 06:33 PM
يـاســلام . .
شكـلهـا الرحلـه وايد حلـوه ، وحلاتـها الرحلات الجماعيه لـها طعـم ثـــاني . .

اهـم شي أسـتانسـتي يـ اليــاه ، وغيرتي جــو !. . .

وفي أنـتظار بـاجي الصور

دخل خاطريه الأيس كريم:P

دمعة عين
17-08-07 ||, 07:55 PM
الله حيهــــــــم ^.^

باين من الصــور أنه رحلتكم كانت حلوه ..
وأهم شي أنج استانستي فيها ^^

الـيـاه
17-08-07 ||, 10:03 PM
سلاام !

[ ذنـيـنـي ]

:a018: هيـه والله وايـد روعه هالسفره وصدق استانسـنـا
لـول والله انـا كنت منصدمـه يوم سمعت انـها بالجرجـير بس كانت حلواه
ووايد رفيعه لذيـذه .. والايس كريـم يمممييييي :icecream: من الخاطـــر

ويلكم نسسسووور
وثانكس ع الـــــرد


[ الدلوووعــه ]

وايــد كان كاشخااااه - سوينا اللي مايستوي :birgits_giggle: - هههه اتمصخر بس وايـد ضحكـنا
واليهـال دوم مصايـب هنـاك
هيه وايـد فنكيه هالبنايــه .. والا هاي المعـوقه اللي تعـور الـراس لول
الله يسلمج حياتـي ومشكووووره ع الـرد الحلوو :inlove:


.
.
.

المزوحي
17-08-07 ||, 11:30 PM
الياه .. شكرا لج على نقل الاحداث .. خخخ

أقول لو مابغيتي توقفين في الطابور صوب الالعاب .. جان خذتي تذاكر VIP يخلونج قبل الناس

بس هاااا سعر التذكرة 3 أضعاااف ... وزحمة لأنه عندهم احتفالات ...

بس تم في خاطري الآيس كريم ..

بنت الدلع
17-08-07 ||, 11:48 PM
heeey sweeety " hugs"s

الحمدالله عالسلامه

عيل تقولين نورت البلاد
انا اشوفها الا ظلمت
لول just kidding
سفرتج غااويه وحلوه وخفيفه " مسويه دايت"
والصور وااايد ناايس
عيشتينا جو السفره
والبناياات رووعه
هاي الاولى احس اني اشلقيت وانا اشوفها لول
هاللي راسمنها شو استوى به
ما ياله صداع شديد وهو يصمم لوول
ماشالله عليه

نتريا الصور الياايه ^_^

أنشودة المطر
18-08-07 ||, 01:01 AM
الحمدلله على السلامة الياه

و الصور ما شا الله كلها فنانة :yes:

و خاصة صورة البناية العجيبة << صدق تعور العيون

و المطر << تولهت عليه يوم شفت الصورة

و صورج عطتني انطباع غير عن باريس

لاني كمن مرة أسمع اللي يسيرولها ما يمدحونها :fa36:

تحياتي :a070:

الـيـاه
18-08-07 ||, 01:18 AM
[ قصايد غلا ]

اللـه يسلمج يا عـسـل انتـي :inlove:
هيـه والله واااااااايـــــــد استانست والصارحـه احلى صـيف مر عليـّه
هههه :icecream: واصـل لكـن خـلاص كلنـاه .. لول البنايـه هـاي وايــــد عيبتني انا بعــد
ومشكــوره ع الـرد حبوبــــه


[ خيال الحب ]

لـول :birgits_giggle: هييييه وايـد تخبل وتجـنن
الله يسلمك بـرووو مشكـــوووور
وان شـــاء الله بنزل البلدان الثانيـه عـقــب هــا


[ ا ل غ ل ا ]

الله يسلمج من الـشـر
لول :a018: انا كامـيرتـي ويايـه في شنطتي بس طبعا ًمب الـ SLR


.
.
.

شمعة أمل
18-08-07 ||, 01:21 AM
هلا والله بال *مخ* على قولتج بس انا أقووول tonky < ترا للعلم تونكي الكلمه اليديده الى لو حد سرقها ياويييلهم لانه عندي دليل من وين يبت هالكلمه ومستحيل حد يعرف وصدق ياويله الى يستخدمها لول *قصه طويله*

المهم..

احم احم الحمدالله على السلاامه وانا اقول ليش حياتي وايد فيها أكشن هالأيام لانج اني رديتي البلاد:birgits_giggle: .. والله صدق دبي ملل بدونج:blush:

وسرتيييييي فرنساااااااااا ... ومايبتيلييي شييي:bash: لول

انزين

أقول

زيين انج اتخرطفتيي الحيين انا مب الوحيييده الى اتخرطف لول:fa46: لا والله اتمصخر:blush: وصدق شكل رحلتكم فنانه والحمدالله استانستي وايد ... لازم تخبريني كل السوالف انزيييييييين؟؟؟؟
وهالبنايه الملونه وايد كشخه .. شكلها fake =p .. اول مره اجوف بنايه جيييييي.. شو رايج نشتري شقه فيها؟:laugh: صدق تجنن:inlove:

تسلميييين عنزتييييي على هالصور الغاوييه (f)

الـيـاه
18-08-07 ||, 04:19 AM
[ ايه احبك ]

عـيونـج الحلــواه والله ..
هههه انـا روحـي كنت اتحـرا اني لاعبه في عـيوني :fa56: لوووول
لا الله يخليـج :fa52: بينتـفـلـكـم اياهـــا ماعـنده واحـد اثنـين هههه
ومشكــوره سويتي ع الــرد


[ مزايــا ]

فـديتـج والله يـا عــسـل انتـي :inlove:
ههه تسلمــين والله وهـيـه والله صـدقـج فـكـرتـه تجـنن
:icecream: وهاليلـسـه كانـت عـجـيبه لووول
ومشكووووره الغـاليــه ع الـرد الحلـــو


.
.
.

بنت الهوامـير
18-08-07 ||, 07:31 PM
هااااااياااااااااااات
اووووبس :9: امـنـو هايــلا هـا هـا هـاذي احـلا سفـرا الصراحــه كـنا وايــــــــد بنـات او كشخـه هـا هـا
الـيـــــــاه طـاحـــت عـلـى الـدري نانا نانا نا :biggrin:

ما حطـة صـور سالفـة المـطار والا هاكـي في لـندن نسـيت | كنـا راديـن كـلنـا سم ثيـنج وعشريـن شنطـا او وقفونـا
الحرمـا اتقـول ويـن باجـي النــاس :k_shock_1: او i was like مافـي نـاس :4:
بعـديـن كـانت وايـد كــيــوت او سـوت كـل شـي
وهاذا حمـود نـوتـــــي واللــــــــــــــه | كلـه يـضــرب او كلـه على كـيــفا بس صراحـه السنـه وايـد fun

وثــانــــــــكـــــــــس على المقـلـب الي سويـتـيـه :argue: حـقـي وحـق بـطـوط


بـااي

إسهر معي ليله
18-08-07 ||, 08:23 PM
http://oasis.bindubai.com/bin/uploaded/220_11187313023.jpg

هاي بناية ولا قلة ادب؟ :a116:


http://oasis.bindubai.com/bin/uploaded/220_01187317091.jpg

ذكرتيني في سلطة جرجير مالت The Butchery Shop .. مرييحه وايد
بروح عقب اتعشى هناك

::
::

حمد لله ع سلامتج الياه.. وين الصوغه؟ :icecream:

ومشكورة على مفاجأت صيف الياه..

مفاجآت دبي عندعم مدهش.. انتي شو عندج؟.. منعش؟ :birgits_giggle:

طير الغرام
18-08-07 ||, 11:38 PM
http://oasis.bindubai.com/bin/uploaded/1184_01181768909.gif

كووول ماشاءالله تصويرج
وتعليقج ع كل صوره بعد نايس

أهم شي انكم استانستوا
وبانتظار الاجزاء اليايه ^_^

http://oasis.bindubai.com/bin/uploaded/1184_11181768909.gif

الـيـاه
19-08-07 ||, 12:37 AM
[ خطايـا ]

الله يسلمـج حبـوبــه
تسلمـيلـي والله :fa35: عيـونـج النايـسـر ديتروتـي
مشكــوره ع الــــرد


[ عذبة الروح ]

الله يسلمـج مـن الـشـر الغالـيـه !
وزيـن ان الـصـور عيبـتـكم .. هيـه حتى انـا تعيبنـي هالبنايـه :birgits_giggle: لـول
هيـه تبيـن الصـدق وايـد زحـمـه :fa51: فـي ديزنـي واصلن وايـــــــد عــــــود

العـفـو حبوبــه
وتسلمـيـلي ع الــرد الحـلـو
وان شاء الله الصـور يايــه


[ مــهــابه ]

اكـــيد وايــد وايــد استانسـنا :a074: كـل عيال عمـي ويانـا وصـدق خـبال وضحـك وسـوالف
وعـن الايـس كـريـم خـلاص بح كلتـه :icecream: لوول

ومشكـوره ياحلـواه ع الـــــرد
والصـور يايــه ان شـاء الله ..

[ دمعة عين ]

كـانت روووعـــه :inlove: والحمـدالله استانـسنـا وايــد وايــد
وتسلـمـيلـي ع الــــرد


.
.
.

عهد الوداع
19-08-07 ||, 01:06 AM
الحمد الله على السلالالامه

كووووووووول الصور وامتعتينا فيها ....

والحمد الله انكم استانستوا بالسفر ...

شوقتيني حق ديزني لووول ,,,,

مايهزك ريح
19-08-07 ||, 09:21 AM
كشخخخخخخخخخه رحلتكم الياه .. يالله نتريا الباقي :inlove:

الـيـاه
19-08-07 ||, 05:51 PM
[ المزوحي ]

العـفــووو
احتفالات شـو ؟ :k_icon9: .. ما كـان شي احتفالات ولا شـي
بس كان زحـمـه و شي وايـد عــرب عـند الالعـاب .. وشـو هالتذكـره اول مـره اسمع فيـها لول
أنـا أول مـره أسـير باريـس اصلن .. بـس مب أول مـره فرنسـا ( كنا كله نسير نـيـس + كـان )

والايـس كـريـم خـلاص بـح فـي بطـنـي :icecream: لول
ومشكـووور ع الـــــرد الحـلـو


[ بنت الدلع ]

اللــه يسلـمـج مـن الشـر
هيـه اظلمت لانـه أنــا مـوجـود ومنـوره يعنـي ماتحتاجـون كهربـه :k_harhar1: لـول
ههه عـيل أنـا شـوو .. تمـيت 5 دقايــق أبا أخلي عيونـي تستوعـب هههه
:fa56: شكلـه اللـي سواهـا في مستشـفـى الامـل الحـين
ثانـكـس ع الــرد الحـلـو والصـور يايــه ان شـاء الله


[ أنشودة المطر ]

اللــه يسمـج الغالـيــه مـن ذوقـج واللـه
يـوم باريـس محـد يمدحـهـا هههه عـيل ويـن الكشخـه ؟ يمكن ألمانيا الكجره :birgits_giggle: لـوول

شكرا ً يا عـسل انتـي :inlove:
وتسلمـيـلي ع الــرد الحلـووو

.
.
.

ألم ترى
20-08-07 ||, 12:08 AM
بسم الله الرحمن الرحيم ..

هلا اختي ..

والله عيني تعوني من صور البنايه اللي شكلها متخبله ! ..

شكل الأسكريم صح والبيتزا ما عليها كلام دام فيها جرجير ..

شكرآ ع الطرح اختي ..

الـيـاه
20-08-07 ||, 01:25 AM
[ شمعة أمل ]

هـلا عـنزتـي وصـديقـتـي الحلـواه
لا تقولــين عـن تصـرقـهـا فلانـه اللـي هـنـي :fa44: لوووول

اللــه يسلـمـج سـويتـي .. عـاد الاكتشـن اللـي ستوالـج مـب طبيعـي هههه وانا ولهـت علـيج وايـد
اسكـتـي حليلـي طحت طـيحـه الله لا يتراويـج هههه وبخـبرج كـل شـي اكـيد


موافقـه :a074: نشتـري شـقـه فيـها انـا وانـي بـس ونتـخـبل هـناك لول
والحمـد الله استانـسنـا وانتـو استانـسـتو بعـد :inlove:
مشكــووووره سويتـي ع الـــرد الحـلووو


[ بنت الهوامـير ]

اللـي بيـرقـدج فـي بيـتـنا .. بتجوفــين
فضحـتـينـي الله يبحـصج :d014: لووول

وعـن الشـنط ههههه :fa56: مسكـينه الحرمـه انصـدمـت تتحـرا شـي نـاس بيــون بعـد
ماتـدري أن ماخلـيـنا شـي ما اشترينـاه والا حـد يشـل شنطـه فيهـا جواتـي ونـعـول بـس :doh: ههههه

والمقلـب تعــيـشـون وتاكـلـون غــيره انتـي وبط بط
مشكــوره حياتـــي ع الــــرد


[ إسهر معي ليله ]

هــاي الله يسـلـمك قلـة أدب هههه
صـدق والله تمـينا انطالعـه بنص عـين يـوم قـال جـرجـير :boxed:

اللـه يسلمـك مـن الـشـر ومـاشي صوغــه :k_harhar1: كـل شـي حـقـي أنـا بـس لول
لول انـا روحـي أكفـي بـدون مدهـش اصـلـن ههه
مشكـــور ع الــــرد بـرووو


.
.
.

حبوبه دبي
20-08-07 ||, 03:42 AM
سلااام !

:icecream:

مــاشالله سفرتــكم حلــووه !

كشـخه الصــور لـول !

كلــه ولا البنــاية ! :boxed: اتعــوور الراااس ..

.
.

ثــانكس يـاهووو ع المـوضــوع

ونتــرقب الصـور الثانيه عـاده ! لا تبطيييين

:14:

.

الـيـاه
20-08-07 ||, 04:15 AM
[ طير الغرام ]

عيونـج النايـسـر سـويتـي
والحمـدالله وااايــــد وااايـــــد استانــســت وضحـكـت :icecream: لول

تسلمـيـلي سويـتـي ع الــرد
وان شـاء الله الصـور يايـــه


[ عهد الوداع ]

اللـه يسلمـج مـن الـشـر حبوبــه
هيـه والله واايـــد .. وديزنـي :inlove: لا تطوفـكـم روعـــه وونااااســـه كله كـنا نلعب نلعب نلعب لوول

ومشكـوره حياتـي ع الـــرد


[ مايهزك ريح ]

لـوول ردك الكـشـخـه
والحمـدالله ان انـت استانـست بعـد :fa38: .. بس راونـا صـور زياده
وان شـاء الله الصـور للبدان الثانـيـه يايـــه


.
.
.

الـيـاه
20-08-07 ||, 06:59 PM
[ ألم ترى ]

هالبنايـه معـوقـه لوول :birgits_giggle: .. واحس اللـي رمسهـا مـب صاحـي
الايس كـريم خلاص كلـته لوول هالبيزا صـدق سالفـه

مشكـووور خويــه ع الـرد
واتريو الرحـلات اليايــه


[ حبوبة دبـي ]
هيـه والله وايـد كانـت حلواااه وكشـخـاااه
ههه روحـها هالبنايـه عـورت عيونــي و راســـي

ان شــاء الله الغاليــه
وتسلمـيلـي ع الــــــرد


.
.
.

ملاك الروووح
23-08-07 ||, 02:41 PM
::

هلا والله ياهوووووو

فديتج أنا .. الحمدلله ع سلامتج حبيبتي

لج وحشــــــــــــــه بصراحه !

:fa35:

::

يااااااااااااااي

وناسه شكلها سفرتكم !!

وايد حلوه فرنســـــا .. خاطري أروحها ..

:wow:

:

البنايه عجيـــــــــبه ..

شكلها SoO Funky !!

والله تحريتج لاعبه فيها بالفوتوشوب وقاصه علينا :k_devil2:

كيف جيه مسوينها !!


والبنايه الملونه كووووووول .. فنكيه من الخاطر ..

حلووووووووه !!

::

أبي أيسكريم ما يخصني ..ّ


شكله يممممممميييييي من الخاطر !!

:fa54:

::

شو صار انزين مع بنت الهوامير وأخوها ؟

خبرينا .. :k_harhar1:

<< بدا شغل اللقافه .. لووووول


ولا أقولج يوم بشوفج عالمسن خبريني هع هع

::

صور برج ايفل فنيه ..!

وخاصه بالليل .. مع الاضاءه هاي شي بصراحه !

تسلم لنا عدستج ..

:

يالله أرقب صور ميلانوووو وجنيف ولندن ..

متى بتنزلينهم ..

:bash:

::

ثااااااااانكس ألوت حبيبتي عالصور

وايد عيبوووووني ..

أستانس ع صورج وايد ..

:fa47:

خيال الروح
24-08-07 ||, 05:01 AM
صباح الخيــر

يااااااااي حبيت الصور ..
أحلى شي يوم السفر يكون فيها بناات .. احس ونااسه أكثر :a050:

هالبنايه بعدها مب داشه مخي .. شقى جي شكلها ..
صدق تعور الراس .. بس الى سواها مبـدع :thumbup1:

بانتظار باقي الصور ..
:fa41:

:

المزوحي
20-03-08 ||, 09:56 PM
الوقت يطوف في ديزني عسب تلعبين اللعبه، بس في تذاكر VIP تكون أغلى وتطوفين جدام الكل، يعني ماشي

تترين دورج ..

طير الحب
24-05-08 ||, 02:31 AM
خاطري اسير بس اشلق واشوف هالبنايه...............رحلتكم حلوه :)

عويد البان
26-01-09 ||, 07:13 PM
7lwaaaaaaaah r7ltkoooom wayeeeeeeed


el marah elyayaaah brooooooo7 m3aaaaaakom ok ??


la tnsoooon take ticket 4 me

بوميثه
06-03-09 ||, 05:58 AM
ياآألبـــــي ع باريس والله . .

>< وابويه كان دوم يطريلنا كروز يوم كننا في باريس

بس نحن بطرآنين من اللاديفينس للشامبز ايليزيس ههههه مانبى شي ثاني . .

اممممم ياهووو >> لقبج اليديد خلاص ياهوو دوت كوم ^_^ . . رحتو كان ؟ نيس ؟ خاطري بصور من هنآك

ابا اتذكر ايام الغووووص هنآآك وخصووصا كآآآآآآآن كآآآآآآآآن . .


يسلمووو عالصور الكووول كيشن . . وشكـــله بتيني اجازة عشر ايام بشل بقشاري وعلى باغييي ان شاء الله . .