المساعد الشخصي الرقمي

مشاهدة النسخة كاملة : الي يبا يضعــف يدخل هنــــي الحيين



الصفحات : [1] 2 3 4 5

ذنـيـنـي
29-07-07 ||, 03:19 AM
السلام عليكم

اليوم يتني فكره هالموضوع و هو عبارة عن برنامج للأعضاء الي يبغون يخففون وزنهم و في هالبرنامج كل واحد يقول كم وزنه الحالي و كم وزنه المستهدف.
فكرة الموضوع هي انه نشجع بعض على الوصول للوزن المستهدف لأنه اغلب الي يفشلون في الرجيم يعانون من عدم التشجيع و يشعرون بأنه محد يساعدهم و انه محد قادر يفهمهم.

شروط المشاركة في البرنامج:

1- الجدية التامة
2- الصراحة
3- الاعتراف بالاخطاء الي حصلت على البرنامج خلال اليوم و عدم تكرارها
4- الألتزام


ابغي 4 اعضاء على الاقل لنجاح الموضوع


اول شي ابغي اعرف كم شخص بيشارك و عقب ان شاء الله بشرح طريقة التنفيذ بشكل موسع
تحياتي لكم يا دباديب يا حلوين :a070:

قرموشة
29-07-07 ||, 03:22 AM
انا من دباديب الواحـات لول
سجـل اسمـي .. مستعـده أشــارك ويــاكم =)

ذنـيـنـي
29-07-07 ||, 03:27 AM
المشاركه نمبر ون قرموووووووووشة
نشكرج على التفاعل السريع


في انتظار الباقين

ا ل غ ل ا
29-07-07 ||, 03:30 AM
ذنيني

أنا أنا أنا بعد أبا أشارك

سجلني

ذنـيـنـي
29-07-07 ||, 03:33 AM
المشاركة الثانيه

ا ل غ ل ا
نشكرج على المشاركة

و في انتظار البقية

صريح
29-07-07 ||, 03:49 AM
نصـوور

فكره حلوه و الله يوفقكم


بس عن نفسي عمري ما عترفت اب شي اسمه رجيم و هالسوالف
اخر شهرين فالكليه كنا نشتغل ع روجكت التخرج و مول ماشي مجال
الواحد يطلع و يسيير و ايرد ... كله يلسه فالكليه و شغل يعني ماشي حركه مول
وزني وصل 77 و صدق اتسويت مغزز خخخ ... بس عقب ما خلصنا كليه
رجعة اسوي رياضه "جري" في 8 ايام بالضبط وزني استوى 61

3 ساعات جري كل يوم فليل ع الممزر .. تقريبا مال 10 كيلو

تبغي صدق تضعف اكرف عمرك بالرياضه
و شوف كيف جسمك بيكون

الجري - عسب تنقص وزنك + لياقه
السباحه - عسب جسمك يتقسم عدل

سو الاثنين كل يوم و شوف النتيجه
6 شهور و عندك six-pack مثلي لول

ذنـيـنـي
29-07-07 ||, 03:52 AM
صريح انا وياك
بس بعد الاكل تراه يلعب دور

و من الشروط الي بحطها عقب ممارسة الرياضة بانتظام و يوميا
ما عليك تراني مخلي في بالي هالشي

صريح
29-07-07 ||, 04:04 AM
زين انك بتحط الرياضه بشكل يومي فالجدول


تعرف انا من النوع اللي اكل وااايد واايد
يعني بشكل بتنصدم منه والله .. بس الحمد لله ما يطلع فين مول

و انا كنت ابا اخف من الاكل شويه
و هذا الشي كان التحدي الصدق بنسبه لي

غصبت عمري فتره اني اقلل من الاكل
و بس تميت اكل الغدا و العشا
و ودرت الاكل اللي بين هالفتره"يعني العصر و المغرب اذا حسيت بيوع"
و ودرت اكل اخر الليل يعني ما اكل شي عقب الساعه 10 و اذا كنت سهران و يعت اكل كيك ولا شي خفيف

و الحين خلاص جسمي تعود على هالنظام و ماشي عليه طبيعي

قرموشة
29-07-07 ||, 04:38 AM
صـح كـلام صريـح ..
الركـض صدق يسوي في الجسم فعايـل ..
ولد خــالـي كـان مربرب صدق ماشا ءالله .. وكـان يركض يومـيا حول الـ 5 كيلـو جدا حديقـه المطـار
والحين مستوي أضعف عني XD
بس نحن بنـات صعب نحـصل مكـان نركض فيـه .. لا تقولون الآلات .. تراهـا تملل وايـد ومب مـثل الركـض بحريـه وطلاقه

جواهر
29-07-07 ||, 08:55 AM
انا انا


انـــــــــــا بشـــارك


:thumbup1:


فكرة جداً جميلة



يسلم راعيها
:fa47:

ايه احبك
29-07-07 ||, 11:01 AM
انا معاكم ورايه عرس ومجله الخلق
انا جسمي بس يباله تعديل يعني رياضو بس ابي اخف من 2 لين 5 XD
الرياضة الي كل يوم لازم امارسها هي المشي خلاص صارت في عروقي
شي ثاني اليوم عن حساب بديت اسوي الرجيم عاد ما يندرى بكمله ولا XP
قلت بيما انه دومي 9 بشرب قرين تي الصبح
وطول اليوم ماي
ولي الساعة 1 باكل سلطه وبعدين الدوام بيخلص الساعه 6 فبشرب شوربه انشالله
وبعدين على الساعة 10 انشالله بمشي

طير الحب
29-07-07 ||, 12:39 PM
اذا السالفه فيها رجيم او حبوب صعبه

ذنـيـنـي
29-07-07 ||, 01:30 PM
قرموشة

البروقرام بيكون فيه مشي لمدة ساعه يوميا،،
ممكن انج تمشين في الحوي،، ولا شوفيلج وحده من الكبار و امشي وياها في الاماكن المخصصه للمشي

حاولي تبتعدين عن مكينه المشي لأنها مملة
او ممكن انج تستخدمينها بس بشرط انه حد يكون عندج عسب تسولفين وياه و ما تملين

=================

جواهر

حياج الله من بينا اختيه،،
سجلت اسمج ويانا و ان شاء الله نوصل لنتيجة طيبه

============

ايه احبك

شدي حيلج اختيه و ان شاء الله توصلين للي تبغينه
سجلتج ويانا

=============

ام عبادي

هالموضوع عبارة عن تشجيع فقط و ما بلزمهم بجدول معين للأكل ولا بنصح بتناول الحبوب
القصد من الموضوع هو انه نرفع من معنويات بعض و كل واحد يحسس الثاني بأنه عمل انجاز من خلال تخفيفه لوزنه،، لأنه الي يصير في عالمنا انه الواحد مهما شد حيله من حد يشوف يقوله انته متى ناوي تضعف !! و هالشي وايد يخرب على الشخص من الناحية النفسية فـ كل القصد من الموضوع هو رفع المعنويات و محاولة عدم الوقوع في الاخطاء الي تخرب البرنامج الغذائي و تخريبه مثل حبة كاكاو عابرة- علبة بيبسي على الطاير- حبتين بطاط مقلي عن خاطرهم في هالموضوع بيكون جزء منه الاعتراف بالذنب و عدم تكرار الخطأ مرة اخرى

اتمنى انه تكون الفكره وصلت

الي يبغي الرجيم و الحبوب يسير عند الدكتور،، و الي يبغي تشجيع و مسانده معنوية يشارك ويانا

شوق القلوب
29-07-07 ||, 02:10 PM
الســـلام عليــــكم...


والله انك يا نــاصر انسان عجيـــــب... يييييييييييت في وقتك..

:fa34:

و الحمد الله انه النفسيه منسده عن الاكل.. يعني بيكون التجاوب تمــــام :fa51:

فــ.. بعد اذنك طبعاً... سجلني وياكم :4:


..

مجموعة إنسان
29-07-07 ||, 02:14 PM
ما شاء الله
الواحات كلها اوزان ثقيلة خخخ ..

ودي اكون معاكم .. بس هالأيام ما اقدر لان وراي سفر وطبعا الأكل بيخترب
بس ماعليكم
بعد ما برجع بطبق اللي تسوونه


تشكرات دكتور نصورترشن

شوق القلوب
29-07-07 ||, 02:20 PM
هواااااااااااااااجيــــــ ـــــــــس :bash:


لا اتقولن اوزانا ثجيــــله... الحمد الله .. احنا مب جي..:3:

بس في شي يسموووونه الحفاظ على اللياقه.. :k_harhar1: و ترا يلسه البيت البطاليه
( كحالتي طبعا ) اتييب خمووول ما بعده خموووول... فمحتاجين شويه همه عشان نتحرك.. :fa51:

مجموعة إنسان
29-07-07 ||, 02:23 PM
اسولف !!
ترا انا بعد ما شاء الله علي من القعده
من 75 وصلت 84
والحين 80

شوق القلوب
29-07-07 ||, 03:01 PM
لالا ماعليـــك... ادريـــبك اتســولف ^_^


بس عاااد شد الهمه ويا هالـ10 كيلووو... يبالهم شغل عدل.. :14:

ذنـيـنـي
29-07-07 ||, 03:24 PM
انا يبالي شغل مركز لوول
بين 18-20 كيلو

ابغي اوصل الى 75 و وزني حاليا :fa46: 94

ذنـيـنـي
29-07-07 ||, 03:28 PM
شوق القلوب
شدي حيلج ويانا
نبغي معنويات مرتفعه و ما نبغي حد منكم يتهايز

ذنـيـنـي
29-07-07 ||, 03:45 PM
بما انه العدد كافي
ان شاء الله بنبدأ من باجر >> انا من امس بديت :14:

=========

الي بيصير في هالموضوع هو كالاتي:


اولا نحدد الهدف الي نبغي نوصله, على سبيل المثال انا هدفي اني انقص وزني الى 75
و اذا ما تبغون تقولون وزنكم الحقيقي ممكن انكم تقولون الوزن الي تبغون تخسرونه يعني مثلا انا ابغي اخسر بين 18-20 كيلو

ثانيا نعترف بأخطاءنا امام الاعضاء المشاركين،، مثلا اذا خربت رجيمي اليوم اعترف امامكم و اقول اني انا اليوم كلت حبة جوكلت،، او اني سرت لمطعم و كلت اكل دسم،،، او اني اليوم ما مارست الرياضة

ثالثا الي عنده اكله خفيفة و لذيذه و مناسبة للرجيم ممكن انه يعرضها لنا عسب كلنا نستفيد :h_6abakhah:


=================

وين الشباب،، ما اشوف حد منهم شارك ويانا
شكلي بكون الـ lucky man :tounge:

شوق القلوب
29-07-07 ||, 03:45 PM
لا ماعليــك الهمه بتكون عاليه.. بس يمكن اغيب عنكم كمن يوم.. بس ان شاء الله راااده و بقوه ان شاء الله .. و ان شاء الله خلال هالكمن يوم ما بخربط بالاكل و ان شاء الله اكتفي بالسلطات و بس.. و المشي لا اتوصي علييييييه :fa51:

..

و نــاصــر نبا منك معلومات كيف انحافظ على وزنا بعدين.. لانه مستحيل نستمر على نفس رتم الرجيــم.. بس في نفس الوقت ما نبا انزيد و انرد مثل قبل.. في ناس ماشاءالله ايودون عمارهم كمن يوم عن الاكل وينزل كمن كيلو و عقب يرد ياكل عادي و يتم مثل ما هو..

مجموعة إنسان
29-07-07 ||, 03:51 PM
ذنيني سجل اسمي معاااااك !!

ياخي ما حبييييت اخليك برووحك
بفزعك خخخخ

..

اوكي
انا وزني 80
ابي اوصل ال 70

ايه احبك
29-07-07 ||, 04:08 PM
وجان اخرب رجيمي الي بديته اليوم XP
شو بتحطون لنا وجبات تضعفنا XDولا وصفات او شي جي

أمطار
29-07-07 ||, 04:22 PM
عادي نشارك بالنيابة عن شخص ^.^"
انا الحمدلله راضيه عن وزني ..

فـ بشوف إذا عادي مثلا ً أخ أخت صديقة ..إلخ يشارك
بشارك وياكم ....!

بنت الدلع
29-07-07 ||, 04:59 PM
مافيه برنامج يمتن لول

الي شدني في موضوعك هو اتباع جدول معين
يعني الابتعاد عن الدهون + ممارسة الرياضيه يوميا وهالشي الي اباه
بكون متابعه لكم ان شاء الله

هدفي ازيد 5 ~ 7 كيلوات >> يعني اطلع من البرنامج بكرامتي ^^

الدلووووعة
29-07-07 ||, 05:10 PM
انا اناانا بشارك وياكم ^_^

بس عسب بنت عمي تبا تسوي رجيم انا بأزرهاخخخخ

وابا انزل 4 بس ^_^

مــهــابه
29-07-07 ||, 09:01 PM
أنـا بـعد بشـارك

بس !

أخافـكم تـعرفـون وزني وتطـردوني


سجلـوا أسمي ويـاكم

مزن هتان
29-07-07 ||, 10:08 PM
ناصر

أنا بعد وياكم :3:
خايفه
كل ما اقول بسوي نظام يصير العكس :Oo:
بس هالمره ان شاء الله اضعف

ابوي يقولي ما تقدرين :glare: يحبطني هالريال

:a070:

ذنـيـنـي
30-07-07 ||, 01:51 AM
سجلت اساميكم

مهابة
الدلوووعه
مزن هتان


=================

ياللا كل واحد فيكم يقول شو هدفه،، كم تبغون تنقصون

مــهــابه
30-07-07 ||, 02:11 AM
ببـدأ أنـا بس لاتـهزبوني

طـولي : 155
وزني : 49
دمي: 10
نسبـة الدهـون : 29 أو 30 مـا أذكر بـالظبط

هذا حـسب آخـر فحص ، قبل أقل من أسبـوعـين


أمم أبـا وزني يــوصل 44 أو 45 ، يـعني أنقص 4 أو 5 كيـلو فـقط ، اللي كسبـتهم فـ سنة تـقريباً ، خلاص مـابـاهم

قرموشة
30-07-07 ||, 02:21 AM
أنـا اليـوم غشيييت XD كـلـه مـن أبويـه الا يأكـلني شـوارمــا >.<

المهــم ما بستحـي وبحـط وزنـي لول
وزنـي حـاليــا 62 وطــولـي 168 وأبــا أوصـل 57 يعنـي أنقـص حـول الـ 6 الــى 7 كيـلو + أرتـب جسمـي وتكـون عندي ليــاقـه :fa51:

بديــت رجـيـم مـن اسبوع ونص تقريبــا * اتبـع جدول مسوين لي اياه .. وصرت أمـشي مـشـي سريع حـول الـ 40 دقيقـــة كـل يوم مـصحـوب بالركـض ( يعني أمشي وشوي أركض وأرد أمشي )
بالاضــافـه الى تماريـن بطـن حـول الـ 150 مـره في اليـوم ..

ذنـيـنـي
30-07-07 ||, 02:41 AM
زيين

مهابة
4-5 كيلو بسيطات و ان شاء الله بتخسرينهن بسرعة


قرموشة
كيف نوعية تمارين البطن الي تسوينها؟

لأنه في نوعين

الأول يتم بالاستلقاء على الظهر و رفع الركبه و تثبيت الرجل
و عقب ترفعين الجذع باتجاه الركبه

الي هو تمرين البطن الشهير


و في تمرين ثاني و طريقته كالآتي:

الاستلقاء على الظهر و وضع اليد تحت الجسم للموازنه
و بعد ذلك يتم تحريك الرجلين بنفس حركه المقص و رفع الساق عاليا لتشكيل زاوية قائمة
ملاحظة : لأحتساب التكرارات في هذا التمرين لازم ترفعين الرجلين
يعني ترفعين الريل الاولى و تنزلينها و في نفس الوقت الي تنزل فيها هذه الريل تكونين رفعتي الريل الثانيه و بهذا بتكونين خلتي تكرار واحد

التمرين الاول يقوي عضلات المعده العليا
و التمرين الثاني يقوي عضلات المعده السفلى

سوي التمرين الاول في اليوم الاول
و في اليوم الثاني سوي التمرين الثاني
و في اليوم الثالث استراحه

لا تسوين التمارين كلللل يوم
لازم تعطين نفسج استراحة لأنه مفعول التمارين يأتي في اوقات الاستراحه

و لا تكثرين وايد

عليج بـ 4 جلسات في كل جلسة كرري التمرين 25 مرة

الدلووووعة
30-07-07 ||, 02:41 AM
انا ابا انقص 4 او 5 بس

قرموشة
30-07-07 ||, 03:00 AM
هـذا

الأول يتم بالاستلقاء على الظهر و رفع الركبه و تثبيت الرجل
و عقب ترفعين الجذع باتجاه الركبه
الي هو تمرين البطن الشهير

هذا .. أسميه يذبح لول .. أحـاول اني أزيد كل يوم 10 بس اتهايز .. !

ذنـيـنـي
30-07-07 ||, 03:05 AM
لا تزيدين واايد
مب زين
ترا يقولج كل شي يزيد عن حده ينجلب ضده
تمرني بعقل عسب ما تعافين التمارين عقب

مزن هتان
30-07-07 ||, 03:07 AM
هدفي 60 يعني 15 لااااازم اخسرهن :vampire:

قرموشة
30-07-07 ||, 03:09 AM
^
بس صدق يسوي مـفعـول .. !
هممم شي كريم منزلينه من شركـه نيفيا .. يقولون انه طبيعي .. ما جربته ولكن سمعت عنه ..
وايد يساعد ع الضعف والشد .. شرايك ناصر ؟ ينفع ويا الرجيم والرياضه ..

ذنـيـنـي
30-07-07 ||, 03:11 AM
هيه صح انا نسيت احط اهدافي لوول

طولي: 174
وزني حاليا 94
الوزن المستهدف هو 74

يعني 20 كيلو

الهدف هو ترتيب الجسم و تخفيف الوزن لأنه مضار السمنه وايده
و بعد عسب يسوولنا سالفة في السناتر :tounge: لول اسولف وياكم :3:

ذنـيـنـي
30-07-07 ||, 03:14 AM
ما اعرف

في الادوية و المستحضرات خذوا براي الاطباء و المختصين

قرموشة
30-07-07 ||, 03:23 AM
^ لول أوكـي .. انا عن نفسي ما أثق بهـ الاشيــاء لانه أثرها ما يظهر الا بعدين !!


حبيت أشــارك بهـذا الجدول اللي مـسونه لي حد مـن أهـلي ..
كان دب صدق والحين استوى أضعف عني !! يعني خسر حول الـ 25 كيلو خلال فتره قصيره :boxed:


طبعـا الجدول لازم تصاحبه تماريـن رياضيـه ( اهمهــا الركــض + تمـاريـن البطن والارداف والزنود )



الإفطار:


بيضة مسلوقة+ توست او ربع خبز أسمر مع جبن أبيض قليل الدسم
+ أناناس أو تفاح أخضر



بين الإفطار والغداء:
الفاكهه
( موزة أو تفاح أو برتقال أو أناناس أو جريب فروت)



الغداء:
شوربة خضار بدون سمن أو زيت
(شوربة الخضرة إذا تقدرين تحطين قطع ستيك لحم أحمر خالي الدسم يبيعونه فالجمعية) +
معكرونه أو سمكة مشوية أو صدر دجاجه + عيش أبيض + سلطة



بين الغداء والعشاء:
حبه واحده من الفاكهه ( موزة او تفاح او برتقال )
+ قبل التمرين (كوفي)


العشاء:
تونا + خبز أسمر
+ سلطة أو شريحة توست صدر مسلوق مع خضار.



بتحـسـون انـه وايــد وانكم عايشين في نعـيـم مب رجـيم لول :icecream:
بس صدقوني مـع الايــام بتحـسون انه أبدا ما يكـفي !! :bye2:

الشيـــن
30-07-07 ||, 04:54 AM
http://2askt11.france.net.in/all/index.php .

هممم انا مابى أضعـف لان كل حد يجوفني يقول لي جي زين بس يبالج شوي زياده !
هممممم .. أبى أثبت وزني .. يستوي أشترك وياكم ؟
والمعلومااات باجـر بحطها لاني مش متأكده منهـا بسير أفحص باجر P=

مــهــابه
30-07-07 ||, 05:43 AM
أنـا بخبـركم عـن جـدولي ، عـسب تـقولون شو أسوي

لأني ماجد سويـت رجيم

طبـعـا مـا أتـريق ، لأني أكـون راقـده

ولا أتـغدى لأني أكون راقدة ، أو أنش متأخرة فـ مـا أكل . . .

أول ما أنش من الرقاد ، أكل لي فـروت ، وأشرب مــاااي

ومـا أكل شي للعـشــا ، فـ العشـا ، أكل أي شي لأني طوول اليوم ما أكل ، وانا مش من النوع اللي يضرب بالخمس :4:

انـزين

بعد العـشا يـعني ع الســاعه 11 ، اشرب بيبسي ، وأكل جبس ، ككاو ، أي شي

كنت أشرب قوطين بيبسي ، والحين بس نص وااحـد أو واحد


وبـ ليل لو يعت اسوي لي سندويجة جبن

وبس!

هـذا أكلــي ، بش كل يومي . . .

ايه احبك
30-07-07 ||, 10:19 AM
انا هدفي شرات قرموشه
مره نفس الجسم نفس الطول اخاف اتكونين يا قرميش انتي انا وانا انتي XP
انزين ها برقروم يوم واحد باقي الأيام شو اكل لنه انا مشكلتي في التغذية مب الرياضة

مجموعة إنسان
30-07-07 ||, 12:36 PM
انا طولي 175
وزني 80

ابي اوصل 70 ..

الدلووووعة
30-07-07 ||, 01:30 PM
انا بعد بقولكم شو اكل فاليوم كامل

طبعا انا ماعندي شي معين كل يوم شي ^_^


طبعا الريوق ماتريق ابد ماحب اتريق

الغدا مرات اتغدى ومرات لا ( واغلب الاوقات لا )

بس اكل جبسات او حلاوه وشي من هيل

عالعشى بعد مرات اتعشى ومرات لا

بس يعني اغلب اكلي جبسات وحلاوه

طبعا قبل كنت وايد اشرب ماي بس الحينه لا

بالكثر قلاص واحد فاليوم ^^ وما اشرب وايد سوائل شؤات قبل ^^


وبس ها جدول اكلي ^_^ ( الله والجدول خخخخخ)

دمعة شوق
30-07-07 ||, 07:13 PM
أنـا بـشـارك ويـاكم

:fa34:
؛

وبـدخـل بالمـره ؛
:k_harhar1:
الطـول : 166
الوزن : 76
الهـدف : الوزن المثالي اللي هو 66 او 65
؛

أنـا من شهـر تقريبـا ً نزلت 6 كيـلو كنت اسوي رياضه ورجيـم
بس الله لا يرويكم ذاك الريجيـم ؛ يعني عادي في اليوم وجبه وحـده
طبـعـا ً ما أكـل عيـش اللهم عن خاطريه بس لقمه لقمتين بسسس
واحاول اخفف الخبز مااكل وايد أو اني اكل خبز اسمـر
؛

وخففت من الحلويات واكـل الدكـان والدهـون وجي بس مره في الأسـبوع اكـل وجبه سريعه عن خاطـريـه
:image005:
؛

وبيـكم عقـب وبكتـبـلكم كلاام واايد واايد لول
؛

نـاصر
اشكرك على هالموضوع الترتوبي اللي يشجع
صدق الواحد اللي مايلقى التشجيع يتعااااااااايز
:fa46:

أكسجين
31-07-07 ||, 12:02 AM
انا ابى اطول ما يستوي اشارك وياكم لول ~ اسولف ~ :3:
الحمد لله ما احتاج انقص شي من وزني
وزني اقل عن الوزن المثالي ب 8 كيلو يمكن !
.
.
كل اللي اباه خدود مثل العرب والناس !
ما اخلي شي ما ابلعه اكل واايد بس عافان الله ربي كما خلقتني ~ اللهم لا اعتراض بس
يالله ان شاء الله كلكم توصلون للوزن اللي تطمحون له
وتصير اجسامكم حلوه
:fa51:

ا ل غ ل ا
31-07-07 ||, 12:17 AM
همممممممممممممممم ،،

أنا هدفي أنزل 15 كيلو ..

ومن يومين بادية نظام مشي سريع ،، وبما أنا فالسفر وبراد ،، أمشي أنا وأخوي حول ال3 إلى 3ساعات ونص.

نرد البيت ناكل خفيف ،، أو نمر السوبرماركت وناخذ بسكوت وعصير ..

هدف ثاني :-

أنا ما أشرب وايد ماي يعني لتر-لتر ونص يوميا

وهالشي مب صحي ،،

هدفي أني أشرب 3 لتر ماي كل يوم ..

ا ل غ ل ا
31-07-07 ||, 12:18 AM
لحظة ماشالله العدد كبير ..

أخوي ذنيني ،، ماعليك أمر ،، حط لستة بالأسماء ،، عسب نعرف منوه اللي ويانا فالقروب =)

قرموشة
31-07-07 ||, 12:47 AM
ايـه أحـــبـــك


لول يمكــن كـل شي جــايز ياختـيه XD
انزيــن فديتــح بخـصوص البرووقراام .. سلـمـج الله أنــا حـاطـه كـلمـه ( أو ) بين الوجــبــات
يعنـي خـذي مــثـال


العشاء:
تونا + خبز أسمر+ سلطة
أو شريحة توست صدر مسلوق مع خضار.



يعنـي ممكـن تاكـلين في اليـوم الاول ( تونـا + خبز + سلطـه ) واليـوم الثانـي ( صدر ديااي + خـضار مـسلوقـه )
وهنـه عليـج انتـي الشغـل .. يعنـي مـره تسـوون بطاط مفور أو ملفوف مـفور .. أوأكثر شي ينصحون بـه هو البروكلي .. !
يعني نوعي في الخضار من عشا لـ عــشاا .. !


والريـوق نفس الشي والفواكـه بعد هم نوعي فيهــن .. اذا كلتي اليوم مـووز باجـر كـلي تفاح وهـكــذا


والغـدا بعـد


شوربة خضار بدون سمن أو زيت
(شوربة الخضرة إذا تقدرين تحطين قطع ستيك لحم أحمر خالي الدسم يبيعونه فالجمعية) +
معكرونه أو سمكة مشوية أو صدر دجاجه + عيش أبيض + سلطة


يعنـي في المره الاولى حطي معكرونـه والثانيه سمجه مشوايـه والثالثه حطي صدر ديايـه
على هواج يعنـي .. !
البروقرام هـذا منوووع وايـد وفيه من يميع الاشياا .. ومـثـل ما قلت بتحسين انـه وايد بالنسبه للرجـيم
لكـن صدقيني اذا اتبعتيـه وما غشيتي لول بتحسين انـه الاكـل مول ما يسدج XD
واذا حسيتي باليوع بالليل عليــج بالعصاايـر ( وينـصح بعصير الاننااس أو الجريب فروت )



شي ثااانـي
الجـاي الاخـضر وايـد مـفيــــــــــــد وايـد واااايـد
على الاقـل مـره في اليــوم ! .. ويفضـل انـه يكون بدون شكـر ..
بس طعمـه مر طشونه فيعني لاباس تحطون ملعقه صغيره من الشكر فيه لول

قرموشة
31-07-07 ||, 12:53 AM
وبحط لـج الجدول اليديد بعدين .. لانه مـن فتره لفتـره هـذا الجدول يتغير =)
عشاااان جسمـج ما يتعود على نوعيه معينـه مـن الاكـل ..
امشي ويااايــه انا البــارحـه بديت فيـــه لول .. وان شاء الله بيوصلني الجدول اليديد بعد فتره .. ومن يوصلني بنزله هنه

ا ل غ ل ا
31-07-07 ||, 02:33 AM
تعقيب على كلام قرموشة ،،

الجاي الأخضر مفيد من ناحية ثانية بعد ,,

ساعات الرجيم يكون الأكل فيه يعتمد على الألياف وجيه

الجاي الأخضر ،، ومن تجربة خاصة ،، واااااااااااايد يريح المعدة ،، ويخلي الواحد فرش ههههه ..

أنا أشربه الضحى وقراب المغرب كل يوم ..

واللي ما يدانيه

جربوا لبتون الجاي الأخضر بالنعناع ،، لذييييييييذ

ذنـيـنـي
31-07-07 ||, 02:38 PM
انا اليوم ببدأ باليوم الرابع

و الحمدلله نقصت كيلوين استوى وزني 92
باقي 18 كيلو و بوصل لهدفي D=

كل يوم امشي لمدة ساعة الى ساعة و نص
و الحين ادور مكان زين للسباحة و ما اعرف وين اسير
الفنادق غالية،، اظني كل مره بـ 75 درهم

يعني اذا بسير 10 مرات هذه 750 لول
يخسون والله ما دفعتلهم خخخخخخ

قرموشة
31-07-07 ||, 02:44 PM
^ نــاصر .. جـرب النـوادي الرياضيــه ( نادي الــشارجـه ) مثلا عندهـم أمـاكـن للسبــاحـه
وعندك التقنـيه بعـد لو النادي الريـاضـي مالكـم مفتوح .. !

ذنـيـنـي
31-07-07 ||, 02:52 PM
في التقنية عندنا مسبح اولومبي شرات الي في جامعتكم
اصلا المجمع الرياضي مالنا شرات مال جامعتكم

بس اعتقد انه مبند لأنه الستاف كله في اجازة،، محد مداوم غير السكيوريتي

نادي الشارررررررججججة

تعرفين شو المشكلة،،
انا ادور مكان مافيه زحمه، في نادي الشارجه لو عفدت في الحوض بكفخلي 10 يهال في هالنقزه لول

بشوف مارينا عيمان،، احيد على ايام المدرسة كان مدرس الرياضة يودينا هناك عسب نسبح
والله ايام D=

قرموشة
31-07-07 ||, 03:20 PM
^ ههههههه عـشره مـره وحده :fa46:
صح كلامـك هو زحمـه .. حتـى وقت البنـات بعـد زححمـه :surrender:

لو منـك بتأكـد مـن مسبح التقنـيه اذا كـان مسكـر فعلا .. يمكـن مـسويين فعاليـات عـشان الصيف ..
واذا يستـوي ممكن تسير نادي جامعه الشارجـه ! أتوقـع انـه مفتـوح لان عـيال الدكاتـره اللي يسكنـون في السكـن يسيرون المـسبـح .. هـذا والله أعـلم ..
أهـم شي مكـان قريب منـك وتاخـذ راحتك فيـه :thumbup1:

انزين مـارينـا عيمـان شي حـق البنـات!؟:icecream: وين مكـانه أصلا لول ؟!

ذنـيـنـي
31-07-07 ||, 03:43 PM
مارينا عيمان هو المكان "المشهور" الي ورا المحكمة
اعتقد انكم سمعتوا عنه P=

طبعا ما في يوم للبنات كل الايام مكس لول
==========

جامعة الشاااااااارجه
همممممممم فكره ،،
يبالنا نجيك على السبورت كومبليكس مالهم

العجيبة
31-07-07 ||, 04:55 PM
هدفي أزيد 20 كيلوووو

والظاهــر هذا هو اللي يطلقون عليه مسمى المستحيل !!

ا ل غ ل ا
31-07-07 ||, 08:28 PM
ماشالله عليك ياناصر ،، بالبركة
عاد حافظ على اللي نزلته =) ..

أنا هني ماعرف إذا نقصت وإلا لا ههههههه
بس أحس أني ما نزلت ،، والله الواحد إيووع وايد فالسفر ههههه ..

بعترف بشي ،، اليوم ما سرت أمشي ،، وألحين كل شي سكر ،، وبتبدى البارات فالشغل هههه أزيغ أظهر ..

همممممممممممممم ،، يالله انشالله أكون نزلت لو كيلوين في فترة السفر ،، باجي 15 يوم وبرد البلاد .. وببدى النطام الصدقي بأذن الله ..

ا ل غ ل ا
31-07-07 ||, 08:29 PM
لأني ما مشيت ،، ما بتعشى ،، أحس أنها موازنه أوكي ..

بس بشرب كوب شاي أخضر ..

مب فكرة زينه ؟!

مجموعة إنسان
31-07-07 ||, 09:04 PM
نزلت واحد كيلو من وزني

ا ل غ ل ا
31-07-07 ||, 09:28 PM
مبروك مجموعة أنسان

Keep it up bro

قصايد غلا
01-08-07 ||, 12:24 AM
قرموشه اتحملي يقص عليج و يغويج الشيطان ويخلّيج تسيرين المارينا :hysterical: لأنه بتشوفين وايد أوادم قابضين قواطي 7 أب بس من شركة ثانية :k_harhar1: ===> هذا :k_harhar1: والله أعلم
كنّــا نزيغ منهم يوم نسير حق اليخت مال قوم عموه :3:...

ذنـيـنـي
01-08-07 ||, 01:38 AM
أعترف بأني اليوم ما سويت رياضة :fa46:
و الشيطان "الله يلعن الشيطان" قص علي و خلاني آكل فرّاخ في السينما :fa46:
بس عقب تذكرت اني مسوي رجيم و "عقيت الي بقى منه P= " :fa46:

مــهــابه
01-08-07 ||, 02:13 AM
يـقول لـكم أنـا شـاده حيلـي

أول ماقـمت من الرقــاد ، كلـت بـرتـقالـه وبـطيخ

عـقب ماكلـت شي مـوليـه للعـشـا

العشـا كلـت أندومي ، شوي مب واايـد ، ونص خبزة بـراتا عن خاطريه :4:

أنـزين

وجـان أجري حول البيـت دورتـين وعقب عيزت الجو حـار ، وقبضتني دوخة

وجان أكمل الجري فـالغـرفة تـقريباً ربـع ســاعه

وسويت تمـاارين البطن 20 مــره

وبـس !

هيـه صح كنـت أشرب قوطين بيبسي فـ اليوم ، الحين ودرت ، قمت أشرب واحد ولا نص واحد



وبسـتمر !

بس الجـري تـعب واللـه ، ماعـندي طـاقـة مولـييه

الدلووووعة
01-08-07 ||, 02:17 AM
اعترف اليوم انا ماقصرت خخخخ

كلت برياني من قصر الهند عاد بريانيهم يامكثر الدهن اللي فيه خخخخخخخ( ووخبرهم العجيب ^_^)

والعشا شربت ايس موكا وبيتزا دياي بس قطعتين خخخ

يعني صدق اليوم دحيت من خاطريه خخخخخخخ


وطبعا من دون رياضه خخخخخخخ

مستانسه بعد خخخخخ

ايه احبك
01-08-07 ||, 09:35 AM
اعترف انه رجيمي اخترب ولعن ابو الأختراب وياه
البارحه ماكله ماك والي قبله معكرونه دسمه وكل يوم اقول ببدا بس حلجي ما يتسكر الله يلعنك يا ابليس الف لعنه
اففف والله حاله
اني وي قرمش مشكوره حبيبتي على البروقرام وبحااول اتبعه
انا بقولكم شي سمعت انه في رجيم ينزل 10 كليو في الأسبوع تنصحوني امشي عليه ولا بيعفسني بعدين ؟

ذنـيـنـي
01-08-07 ||, 03:01 PM
لااااااااااا تفكرين بالنزول السريع

تراه يهلك
ولد عمي سواه و من آثاره انه نظره ضعف!!

ذنـيـنـي
01-08-07 ||, 03:03 PM
مهابه

لا تركظين
امشي مشي سريع

خلي كل شي يكون بالتدريج عسب ما تكرهين الرجيم و التمارين
و بمجرد انج تحسين بدوخه و تعب اشربي عصير ليمون او برتقال

مجموعة إنسان
01-08-07 ||, 03:08 PM
بعد الركض او اذا عرقتوا وايد اشربوا لبن آب( يعوض الأملاح) او كلوا اسكريم سنيكرز

ايه احبك
01-08-07 ||, 03:23 PM
لااا الأيس كريم وايد فيه سعرات حراريه
حد يعرف سعرات الحرارية مال كل فاكهة وخضرا او اي وجبه ؟

مزايا
01-08-07 ||, 04:54 PM
انا مابغي اضعــف
بس ابغي اشد جسمي شوي
بس لاتقولون لي بالمشــي !!
في طريقه ثانيه ؟!

قرموشة
01-08-07 ||, 06:08 PM
ويـه كـل حـد مخـرب رجـيمـه مـب بس أنـاا XD
الله يلعـن شيطـاني الدب اللي خلانـي أشـرب سفـن أب وآكـل جيتوس XD
^
هـذا كـان البارحـه لول


أمـا اليـوم .. نشيـت وتغديــت سلطــه + صدر ديـايـه مـشوايـه
وتونـي قبل شـوي شـربت لي كـاس لـبن أب
والحـين بسير أمـشي مـشي سريع وبسـوي تمـاريــن




للي يتعـبون بسرررعـه حـزة الريـــااااضــه :thumbup1:
ينـصـح بـ ( نصف كـوب مـن القهـوه السـودااا ( الامـريكـيه ) يعني بس ماي ووو قهـوه )
أو بـ ( فنـيــــــــــااااااااااا ن من البطـاطـس المهروسـه )
هذا كله طبعا قبــل ما تبدون اللعــب والرياضـه عشان تعطيكم الطاااقـة



ايييه أحـبـك اذا ما عليـج امـر ترومـين تحطـين الرجـيم اللي ينزل 10 كيلوو بسررعه !
بس بشـوف اذا كنت أقدر عليه أو أعدل فيه شوي بحيث انه يناسبني

ذنـيـنـي
01-08-07 ||, 06:41 PM
لو سمحتوا

ما نبغي سوالف التخسيس السريع و الادوية و هالخرابيط
لأنها تضر بالصحة و سلبياتها اكثر من ايجابياتها

الي يبغي يسوي اي شي من هالسوالف يتحمل مسؤولية الي سواه

و رجاء هالسوالف تكون عالخاص عسب ما يطلع الموضوع عن هدفه
و الي هو انه الواحد يفقد وزنه الزايد بطرق سليمه و بعيده عن الادوية و عن الحميات الغذائية "القاتلة"

مــهــابه
02-08-07 ||, 12:23 AM
مهابه

لا تركظين
امشي مشي سريع

خلي كل شي يكون بالتدريج عسب ما تكرهين الرجيم و التمارين
و بمجرد انج تحسين بدوخه و تعب اشربي عصير ليمون او برتقال


واليـوم جيـه ســويت ، تـقريبـاً مشيــت مشي ســريــع لـمده أكثر من ســاعه

والمره اليـايه من أحس بـدوخه بشرب اورنج جوس




عـاد الحيـن بـخبركم اني شوي خربـت رجيمي . .

مـاتـريقــت كـ الـعاده
مـاتغـديت كـ الــعادة
امم كلـت حبـة بــاكورة عن خاطريــه
والعشـا كنــت فـ صــحارى فـ خطفـت عند ماكدونالز وقلـت إلا أخذ ، وجـان أكل
بس بـدون الجبس !

وطبـعـاً مشيــت من الخـــاااااطر

صح اني ماسويـت تماريــن ، بـس بــاجر بسوي عن يومين

الدلووووعة
02-08-07 ||, 12:51 AM
احم احم ^_^

انا اليوم بس كلت سلطه عالغدا

يمكن بس 5 لقمات بس ^_^

وكلت جبس ^_^ وقلاص كابتجينو ( غصبن عني ^^)
ومشيت بس ربع ساعة تقريبا عاأله

وكنت بكمل بس اخويه خرب عليه خخ زاد سرعتها مارمت عليه جان انقز منها وطبيتها ^_^

وتعشيت بعد كم لقمة عيش وبس ^_^

انزين اخويه ذنيني بسألك

انت تقول نقصت 2 كيلو في 4 ايام تقريبا

انزين شو تتغدى وشو تتعشى ؟؟

قرموشة
02-08-07 ||, 01:17 AM
نزلــت كيلو واحـد بس >.<

ايه احبك
02-08-07 ||, 01:36 AM
هيه يا قرمش الدكتور ذنيني قال لاذ يعني لاء ما يخصني XP

ذنـيـنـي
02-08-07 ||, 01:45 AM
انزين اخويه ذنيني بسألك

انت تقول نقصت 2 كيلو في 4 ايام تقريبا

انزين شو تتغدى وشو تتعشى ؟؟


عالغداء سلطة
و فليل أكل سندويج "على الساعه 9-10
و على آخر الليل اكلي تفاحة ولا حبة خوخ،، على حسب المتوفر في الثلاجة

و امشي لمده ساعه او ساعه و نص

تحفه
02-08-07 ||, 01:50 AM
انا بقولكم قبل فتره كنت اسوي رجيم ومنتظمه
رجيمي كان

ريوق : ماي قبل الريوق ب15 دقيقه
- توسته + شريحة حبن + جاي حليب بس مب ريمبو ( فرش ملك ) / بس انا ما كان يعيبني الفرش ملك وي الجاي فكنت حاذفتنه

بعد ساعتين : فواكه 6 مشاميش او سنطرتين او برتقاله ( بس انا كنت احس اني فل فكنت احذفه )

قبل الغدا بساعه : ماي + تفاحه ( لازم لازم لازم ما تسون سكب حق هالشي لانه هالشي ايشبعكم عالغدا فيوم اتيون تتغدون اتحسون انكم ما تبون اتكثرون )

الغدا : كباب ايراني :tounge: لا اقص عليكم .. تقدرون تاكلون سلطه على الكيف + جناح ديايه او ست حبات دياي شيش تاوو"ء" او صيخ كباب تكه ( مادري شو يسمونه بس هذا المفروم )

العصر : سلطه فواكه !

الفليل قبل الساعه ثمان : المفروض تاكلون شوربة خضار اواي نوع من السلطه او لبنه و شريحه وحده من الخبز
بس انا يوم كنت احذفها كنت انزل اسررررررررررع

يعني بدال 5 كيلو في الاسبوعين تنزلون ثمانيه !


بس على فكره انا من النوع الي ينزل بسسسسسسسسسسسسسسسسسرعه و يزيد وزنه اسسسسسسسسسسسسسسسسسسسسسسسس سسسسسسسسرع

وسلامتكم


هيه صح .. الي كان يشوف لستة اكلي يقول شويه . .بس والله ونتو اتطبقونه اتحسون بطنكم بينفجر ومابتحسون باليوع !

تحفه
02-08-07 ||, 01:54 AM
على فكره لا تقصون على عماركم المشي مب رياضه المشي بس حرق سعرات !

الايربكس هي الرياضه الي لازم تسوونها ( ومب من اول يوم ! .. . لازم تبتدونها رابع اسبوع! )

وهي الي تسويلكم شيب للجسم وهي الي تحميكم من الترهلات

الدلووووعة
02-08-07 ||, 04:33 AM
ذنيني بس ها اللي تاكله ؟؟

والله يبالي اجرب ( بس مشكلتيه مع المشي ^^)

الأله ماحب امشي فيها وايد ممله

ومحد متفيج يمشي ويايه هاي الايام

بس بجرب فالاكل ^^ ( الله يعيني كيف بودر الجالكسي خخخخخ)

الدلووووعة
02-08-07 ||, 04:34 AM
تحفه ( ها جدولج ) واااااايد اكل فيه ؟؟

احس هب مال رجيم ها خخخخ

مال ناس ماتسوي رجيم يعني تاكل عادي ^^

ايه احبك
02-08-07 ||, 11:15 AM
انا عندي خاربه
هي خاربة هي خاربه خلينا نعميها

مــهــابه
02-08-07 ||, 03:48 PM
أنـا نزلـت كيلـو ونص

وللـه الحـمد صرت ، 47 ونص ، يـعني بس بـاجي لـي كيلو نص كيـلوو وبفـتك من الـرجيم هذا لـووول

الحين عـرفـت أنه الريـاضه هي لـها دور أســاسي . . .

قرموشة
02-08-07 ||, 04:18 PM
ما تــريقـــت ..
بس تغــديت سلطــه .. والحـين أشـرب سفـن أب داايـت ..
ع فكـره يــوم الجمـعــه يكون فـري .. ! يعنـي آكـل اللي أبــااه .. عـشان ما أحـس بالنـقص يوم اتبـع جدولي لول

ذنـيـنـي
03-08-07 ||, 02:28 AM
قرموووشة

كلي الي تبغينه
بس بعقل D=

يعني لااااا تبالغين وايد و تاكلين اشياء فيها كريما و دهووون و ما ادري شو
اوكي كلي بس لا تكثرين من الاشياء الي مب زينه

ذنـيـنـي
03-08-07 ||, 02:46 AM
مهابه

اوكي انتي (Y)
اشطر وحده بصراحه

ايه احبك
انتي مب شاطره

ايه احبك
03-08-07 ||, 04:23 PM
بل مره بعد

الدلووووعة
03-08-07 ||, 04:27 PM
انا امس ماتغديت بس تعشيت نص سندويجة

وكلت شوي جيتوز وبسسسس


واليوم من نشيت من الرقاد لين الحينه ماكلت شي ^_^

ايه احبك
03-08-07 ||, 05:17 PM
صح عصير الأناناس والكيوي واكل الليمون بعد الغدا او العشا اينزل من الوزن

قرموشة
03-08-07 ||, 06:44 PM
استاذ ذنـيني أفـا عليـك انته بس D= نــاكل بعقلانيه لول

اليـوم يـوم الجمـعــه
ما تريقت ..
وع الغدا
كــلت سمـج مـشواي ( كانو مسوين قباب وشعري ) فـ كـلت لي شعري + ملاس من العيش وسمن ذوابه XD لووول
وتونـي شـربت عـصـير أننــاس والحـين بسير أسوي ريــاضــه

ذنـيـنـي
03-08-07 ||, 06:55 PM
ايه احبك
هيه مب شاطره مره و مرتين و ثلاث مرات لول

اوكي خربي الرجيم شوي لكن مب تعمينها
قلنا لازم تكونين جديه و تسيطرين على عمرج

شدي حيلج عسب تخفين P=
========
لو تاكلين اناناس بيكون احسن بدال ما تشربين عصيره
عسب تستفيدين من الالياف الي فيه
الكيوي و الليمون ما عندي فكره عنهم
بس الي اعرفه انه الجريب فروت و الاناناس يساعدون على حرق الدهون

ا ل غ ل ا
03-08-07 ||, 07:08 PM
أبا أرد البلااااااااااااااااااااا ااد

والله هني الواحد يعمي عمره بالأكل ..

بدون ما نحس كله ناكل خخخخ ...

رغم أني من يومين ما أتعشى ،، بس أشرب جاي أخضر ،، لكن بعد ،، العمى عمى طول اليوم !!!

متنرفزة من عمري ،، واليوم الجو الخايس ما يساعد على الرياضة ههههههههه

عاد خايس ،، أقصد مطر صبيييييييييييب وساعات نتفلع بالبرد ،، يعني مال يلسه في كوفي ،، مب مشي ،، خاصة نحن العرب ،، لأنه لبسنا مب لبس رياضة ،، خاصة أني ما تنازلت عن لبسي ،، أقصد الشيلة والعباة فالسفر ..

فقلت لازم أتحرك وإلا بزيد ما بنقص ،،ف قررت وطبقت

شقتنا طابقين

فأصعد الدري وأنزل ،، هاي مرة ،،

ألحين ركبت ونزلت 11 مرة

باجلي 14 ههههه ،، ماروم زود خخخ بتتكسر ركبي
==============

=(
شكلي أبطء وحدة بينكم بنزل

مــهــابه
03-08-07 ||, 09:56 PM
يـاسـلام ، قـالـوا عـني شــاطرة :a049:


الـيوم جـدولي كـان كـ الـتالي:

قـمت من الرقـاد ، كلـت حبة بـطيخة صغـنونـه
امممم شربـت شويه بيبسي ، أقـل من الربـع بـعد !
ع العـشـا ، كلـت قفشـتين من معـكرونه بالبـاشميل + سـلطـه

بس!

والـريـاضـه كـ الـتالي:

جريـت لـمدة 10 دقـايق

سـويـت تمـرين الضـغط امم 20 مــره

الدلووووعة
03-08-07 ||, 10:23 PM
انا اليوم

بس كلت كيكه( قطعة صغيره)

وسندوجة وبس ^_^

طبعا لا ماي ( ادري انه لازم اقل شي لتر واحد بس ^_^ ماقدر خخخخخخ )

وبس

قرموشة
03-08-07 ||, 10:37 PM
تعـشــيت خـضره مـفورره ( بروكـلي + يزر + زهـره ) .. بس كـلت قبلـهـا سلطــة (مله صغيرونه )

الوالده تقولي ويهـج ضعـف .. ! ~* أخـس شي يوم أسوي رجـيم ويهـي أول شي يضعـف فينـي
مـع انـي مااأبــا =( ,, أبا ويهـي يتـم على حـالـه بس أبــا جسمي شوي يعتدل

تحفه
03-08-07 ||, 11:23 PM
تحفه ( ها جدولج ) واااااايد اكل فيه ؟؟

احس هب مال رجيم ها خخخخ

مال ناس ماتسوي رجيم يعني تاكل عادي ^^

هيه فيه اكل وايد .. يعتمد ست - خمس وجبات يوميا

وها احسن من الثلاث وجبات مركزه .. لأن يوم تاكلين اي شي جسمج يحرق سعرات في عملية الهظم .. اعتقد 30 سعره .. (عشان جي ينصحون بالتفاح دايما .. لان مافيه سعرات + يعطي انرجي) فيعني احسن تاكلين اكثر من ثلاث وجبات يوميا

وعلى فكره الدكتور الي مسويه عنده هالنظام دكتور تغذيه وفنفس الوقت نفساني

حتى يوم كنت اسيرله ما اطلع بسرعه .. انتم ساعه الا ربع يقعد يكلمنا علشان يغسل مخنا عشان استوي صحيه لول

مجموعة إنسان
04-08-07 ||, 12:18 AM
ولله الحمد اليوم وصلت ال76 ..

بس بعد لازم اشيل الكرشة

الهيثــم
04-08-07 ||, 12:59 AM
اناا حاط ف بالي اني ما اوزن إلا عقب شهر من الريااضة عسب ما اتحطم ...

وانا بديت في الرياضة من أربعة أياام ... ورياضة قاسية بكل ما في الكلمة من معنى ...

واشووفكم عقب شهر ان شاء الله .. وببشركم بالفرق ان شاء الله .. بس ما نبا حد فيكم يتحطم وعقب تردون علي

ذنـيـنـي
04-08-07 ||, 01:44 AM
اليوم تريقت weetabix ويا حليب قليل الدسم
http://www.transmeri.fi/content_images/Weetabix.jpg

و على الساعة 8 كلت سلطة يونانية greak salad

و قبل شوي و انا راد كلت سندويج شيش طاووق

==========

مشيت ساعه اليوم
و باجر ان شاء لله بسير اسبح ويا ربيعي

ايه احبك
04-08-07 ||, 02:12 AM
يومي مكان خربان وايد شرات باقي اليام
ابتعدت عن الحلويات قد الي اقدر
نشيت الساعه 1 ونص واكلت سندويج وجبن عادي ويا حليب جي مع رشة شكر --- ها كله وما خربته XD
وبعدين ما كلت شي لين الساعه 5 اكلت شبوره مع لبنه قليلة الدسم
وبين الفترات كنت احس بالجوع فكنت اكل سليسه وحده سمره XP
واكلت كيوية وحده مع خوخ و موز
وشربت شوربة خظرا طشونه
وغصبن عني تعشيت في سبوي بس كل الي حطيته مال الرجيم والحين يالسه امشي

مــهــابه
04-08-07 ||, 05:22 PM
أنـا للحيـن ماكلـت غـير بـرتقــالتـين . . .
وتـعلمـت تـمرين يــديد ، أول مره أسويه اليـوم
وتـمرين الضـغط 10 مــرات
وجـري لـمدة 10 دقــايـق


مـعـلومه:

يقـولكم كثرة الـرقاد ، تســاعد فـي تخفيف الوزن ، قريـته فـ مجلة الصحة والطب . .

ذنـيـنـي
04-08-07 ||, 08:05 PM
مهابة لا تصدقين كل شي تقرينه P=

لأنه اذا على جي
جان حصلتيني اضعف واحد في الواحات لول
===========

انا توني راد من البحر
سرت بحر ام القيوين عند ربعي القيوانيه

ما شاء الله الشاطئ الي عندهم من احلى الشواطئ للسباحة
البحر نظيف و مافيه حصى

مــهــابه
04-08-07 ||, 10:30 PM
^
لـوول ، يمكـن ، كـل شي جـايز !
بس أنا فـهالإجازه هب مقصـره ، محطمه الرقم القيـاسي فـ الـرقـــاد

<<<<<<<<<<<<<<<<<<<<<<<<<<<

الـيوم بـعد الـتمارين اللي سـويتها
تعشيـت كـ الـعاده
العـشــا عــندي فري ، بـموت لو ماكـلت
وطبعـاً كلـت محشي ورق عنـب + اورنج جـوس

ألم ترى
04-08-07 ||, 11:27 PM
بسم الله الرحمن الرحيم ..

هلا اخواني ..

يعيبني فيكم روح الأخوه و الحماس :thumbup1: ! ..

ماشاء الله عليكم وربي يرزقكم مناكم ..

انا وزني 89 اعكسوها عاد لووول :vampire: ..

عن جد وزني 98 وفخاطر انزل لـ 80 ــ 75 ! ..

المصيبه اللي كنت فيها اني اتمرن حديد وكل شهر يمر عليه ازيد من 7 كليلو لـ 5 ..

اللحين تركت الحديد وامارس الركض ولعب الكوره ومرات اسبح ع البحر ..

من بعد هالجدول نزلت لـ 93 ومستمر إن شاء الله ..

عا انا لما اكل شيء يقولي لا توقــــــــف :fa46: ! ..

انا ما بسجل حضوري كوني مزاجي ولكن لما بينزل وزني بحطيه لكم هنه ..

ع فكره نصوركا اتشوف الصوره اللي ف توقيعي ؟ ..

كل ما اشوفها وربي اني اذكرك وخاصه يوم اشوف الاعصامه ..

شكرآ دكتور رجيم :fa35: ..

ذنـيـنـي
05-08-07 ||, 12:38 AM
ألم ترى لا تخليني أتهور و احط صورتي لول
أخاف يغمى عليهم من الزيغه خخخخ
هو تقريبا نفس الوقفة و نفس العصامه و نفس الصبغه

بس مب انا P=

ألم ترى
05-08-07 ||, 12:50 AM
لا تتهور ولا شيء
انا اللي بحط صورتك !
:glare:

الدلووووعة
05-08-07 ||, 06:02 PM
انا هاي الفتره لازم اتغدى واتريق واتعشى ( عسب الدوا ) يعني بودر فتره الرجيم حاليا ^^

مــهــابه
06-08-07 ||, 02:20 AM
^
ماتـشوفـين شــر دلــوعتنا . .

أنـا اليوم من قـمت من الرقــاد وخاطري بسويـت ، وجان أكل كيـك

وشربـت بيبسي كــامل

تعـشيت فخض ديايه ، بس مب كامل طبعـاً ، يعـني هبشـت شويه

وكلت ككاو كيت كات

وبس !

اليوم من ناحية الأكل احس اني ماقصرت ،كلت من الخاطر

اما الـريـاضه فـ جريـت لـمده 10 دقايق + التمارين الإعتياديــه

ذنـيـنـي
06-08-07 ||, 02:37 AM
انا اليوم صدق عميييييييتها

سرت مول الامارات و تغديت همبرغر في فرايديز
و متعشي بيتزا في جيلاتو

و طبعا ماشي رياضة لأني واصل البيت الساعة 11 و شي

قرموشة
06-08-07 ||, 03:36 AM
^
نسور بن عمـي .. وياك نحن نآآزرك حتى في هـ السوالف .. عمينــااها قبل فتره قصيره في جيليز وكلنا جكن مونتراي XD

اليــوم كنت صـــايمــه وباجر بصوم بعـد ان شا ءالله ..
ع الفطـور .. كلت حبه سـح + وشربت نص قلاص لبن وملـه من شورربـه + عن خاطري حبـه سمبوســه
وتونــي تسحرت سلطـه فواكــه .. وشربت green tea

الريــاضــه همممم ما رمت البــارحـه أمــشي مشي سريــع لان المزارع كان يسـقي الزررع
بس سويت تمارين معده خفيفــه ..
ما أبــا أقيس وزنـي حـااليــا عـشان ما أتحطم لول .. ناويـه أقيسـه ان شا ءالله قبل ما أبداا الدوام بيوم واحـد D=

طير الحب
06-08-07 ||, 12:01 PM
حلو التشجيع وايد تحمست أنا أبا وزني يرد 50...مثل ما كنت قبل لا احمل...يعني ان شاء الله عقب ما اولد بشارك معاكم...وعموما اشرب قرين تي وفي هالحمل ما زاد وزني وايد يمكن بسبب القرين تي ...يالله ادعولي الله ايسر علي خلال هاليومين.

مــهــابه
06-08-07 ||, 04:09 PM
^
اللـه ايـسر عــليج أم عــبداللــه

قرموشة
06-08-07 ||, 04:15 PM
الله يسهـل عليـج وييسر أمورج يا رب

ذنـيـنـي
06-08-07 ||, 04:25 PM
الله ايسر امورج ام عبادي

==========


اليوم ان شاء الله ناوي اصلح الاغلاط الي سويتها البارحة

غداء كان عبارة عن لوزه و الحين بسير اصلي و عقب الصلاة بسير اركظ

مــهــابه
06-08-07 ||, 07:24 PM
اليـوم أنـا جـدولي كـ الـتالي :

قـمت من الرقــاد و، مـاكلـت غير صبع كيت كات بس! وشربـت مــااي

واليوم ماطلعت أجري فالحوش، لاني من قمت من الرقاد وانا مصدعه ، قمت أركب وانزل من الدري تـقريباً 30 مـره ، ليما هزبتني امـايه:fa39:

والتمارين الاعـتياديه اللي أسويها دووم

حسيت بالدوخه وجان أشرب عصير برتقااال

والحين أتـريا العشـا ، وكـ الـعادة العشـا عنــدي فـــررري

ايه احبك
06-08-07 ||, 09:04 PM
الله يقومج بسلامه طير الحب ترى وصية جان طلعت بنت سميها ايه احبك XD غصب لوول
---
الله يسلمكم اليوم اكلت سليس اسمر ويا جبن و خيار وخس مع جاي اخضر ها الصبح
وبعدين الساعه 1 اكلت نفس الوجبه بدون قرين تي
وبعدين اكلت رطب وشربت نسكافي مع حليب
وبعدين رديت البيت الساعه 8 ونص اكلت لي ديايه مشويه ويا برقره مشويه
وسلامت راسكم
انزين الرطب يمتن ؟

ذنـيـنـي
06-08-07 ||, 09:09 PM
ايه احبك

الرطب زين بس طبعا مب زين تكثرين منه
احسن من الجوكليت

ذنـيـنـي
06-08-07 ||, 09:22 PM
توه تعشيت سلطه مكونه من خس و خيار و طماط و جبن مالح قليل الدسم
و الصبح مثل ما قلت فوق كلت لوزه

و الحمدلله عضلات ريلي تأقلمت على المشي
قبل كان يجيسني شد في ريلي يوم وايد امشي بس اليوم مشيت ساعتين بدون مشاكل D=

شمعة أمل
07-08-07 ||, 02:24 AM
ماشاءالله keep it up:fa35:

بس بغيت أقولكم كمـن شي..
لمدمنين الكوفي .. او بالاحرى الاااتييه .. ترا هاه فيه اميه مادري ميتين كالوري .. لكن الاسبرسسو والغرين تي بس 5 .. ف اذا انتو تسون رجيم وتشربون كوفي ويا حليب ..وقفوو وعودو عماركم تشربون اسبرسوو ولا غريين تيي:thumbup1:

ثاني شي..
في شي اسمه hypoxi ولا vacunaut .. انا جربته .. هو عباره عن رياضه .. الهايبوكسي عباره عن سيكل والفاكونت هو مكينة مشي او كروسترينر بس لازم تلبسون سووت جنه مال غواصه:fa46: .. لكن ينفع .. تخسرون من 3-6 كيلو في الشهر بس عقب هالشهر او شهرين خلاص الوزن مايتحرك ويتم نازل والحمدالله وزني ثابت من ثلاث اشهر الحينه:thumbup1: بس بعد لازم تسون رياضه على قل 3 مرات في الاسبوع..

شمعة أمل
07-08-07 ||, 02:27 AM
وشي ابويه علمني اياه ..
اذا عندكم مكينة مشي في البيت .. امشو مشي سريع .. على incline على قـل 3 .. ويوّدوو أثقال في ايدكم على قل 5 كيلو في كل أيد ..
امشو وياهم وحركو ايدكم .. يعني ارفعو ايد على فوق والثانيه تحت والعكس .. ولا ايد على ورا وايد جدام .. الخ .. سوو هالشي على قل لـ عشـر دقايق .. ومع الايام الدقايق تزييد..

طير الحب
07-08-07 ||, 12:46 PM
أنا تريقت كرواسون + عصير برتقال غير محلي

ومشيت على جهاز المشي 10 دقايق طبعا مشي متوسط عشان يسرع الولادة

والحين بشرب بابونج قريت بموضوع انه كوب بابونج باليوم يساعد على تخفيف الوزن وطبعا بعد يسرع الولادة.

ايه احبك
07-08-07 ||, 12:50 PM
وين احصل يا شمعه هالمكينه
وطير انا اول مره اعرف عن البابونج O__o

قــبقــوبـه
07-08-07 ||, 01:59 PM
:6:
أنـــااااا أبـــااا أشـــاااااارك
موضــوع حلــوو ومشــجع خصــه للـي إرادتهــم ضعيفــه نوعـاً مـا مثــلي !!
وزنــي 65 وطــولي 164 أبـا أنــزل مـن ثــلاث إلى خمــس كيـلوو قــبل الـدوام يعنــي خـلال إسبـوعين
خـلال الفتـره الي كنـت مسـافره فيـها نزلت 3 كيــلو بـس كـنت صــدق ميـوده عمـرييه عن الآكـل لانـي كل ما آســافر أزيـد من 5 كيــلوو وفــووق عسـب جـذه هالسـفره كنـت مقــاطعه الآكـل الي متـروس سعـرات حراريــه ..


بس بغيت أقولكم كمـن شي..
لمدمنين الكوفي .. او بالاحرى الاااتييه .. ترا هاه فيه اميه مادري ميتين كالوري .. لكن الاسبرسسو والغرين تي بس 5 .. ف اذا انتو تسون رجيم وتشربون كوفي ويا حليب ..وقفوو وعودو عماركم تشربون اسبرسوو ولا غريين تيي:thumbup1:

صــدقج شمعـة أمــل الاكســبرسو مول مافيـه كلـوريز بس بعـد له مضــار صحيـه واايــد خصـه اذا زدنــا منــه ..
:icecream:

ايه احبك
07-08-07 ||, 02:34 PM
يقولكم الي اردته ضعيفه في الأكل يسير يطالع عمره في المنظره XP
تعرفين قب قب انا ادمنت على الأسبريسوا وقت الي كنت في الكلية او اسوي رجيم
بس في الصيف وايد تلعوزت حتى دخت لني وقفت عنه

قــبقــوبـه
07-08-07 ||, 05:24 PM
تـرا هنــه المـشكــله نفتكــر فالكـلورييـز وما نفتكــر فعمــارنا والقهــوه كلهــا كافييــن وبــلاووي ســوداا
زيــن انـج وقفتــي عنهــا ..

ايه احبك
07-08-07 ||, 05:50 PM
هيه والله
صدقني خاطري فيها الحين

شمعة أمل
07-08-07 ||, 11:34 PM
الهايبوكسي موجود في الجمززز في دبي .. شي في نادي السيدات .. الاييفييشن .. قرية المعرفه .. وايد اماكن .. انتي سيري للنادي الى اقربلج

وعن الكوفي ترا كلهم فيهم كافيين .. حتى الجاهي فيه كافيين..

ايه احبك
08-08-07 ||, 12:26 AM
لا انا ابي اشتري ولا ما ينباع الا بس حق النوادي

شمعة أمل
08-08-07 ||, 12:38 AM
لاا مايبيعونه .. مايستوي يبيعونه لازم تسيرين عندهم

مــهــابه
08-08-07 ||, 02:21 AM
اليــوم أنـا كنـت صـايمه ومافـطرت غـير سح ولـبن ! ..

وكلـت كيكات وايـسكريم بالتوت

التمارين ماسويت وايد بس جريت 10 دقـايق

ومن الحين أقـول لكم الرجيم باجر خربان، لا رياضه ولاشيـاته ، بــروح الحين ، واعـتقد
المشي فـ العين مول والجيمي تـغني عن الريــاضه:k_harhar1:

تحفه
08-08-07 ||, 02:49 AM
وزنــي 65 وطــولي 164 أبـا أنــزل مـن ثــلاث إلى خمــس كيـلوو قــبل الـدوام يعنــي خـلال إسبـوعين



شوووووووووووووووو !!

الجامعه بعد اسبوعين :k_shock_1:

ايه احبك
08-08-07 ||, 09:50 AM
همممم ما قدر الحين اشترك في نادي السيدات لنه خلاص الدومات بتبتدي ويومي كله بيكون في الكليه بدوره في جمنا اكيد فيه ما تقصر كليتنا ...
تحفووه شفتي الأيام شقايل تركض

قــبقــوبـه
08-08-07 ||, 01:22 PM
ههههههههههههههههههههه هيييـه عقــب اسبــوعين ما بقــى شي نــحن بنـبدا 26

قرموشة
08-08-07 ||, 04:39 PM
^
هيه والله .. بعدني مب متهيئه نفسيا للدوام لول


المهم .. أنـا صايمـــه ..
فــ مممم فطـوري بيكـون ( سـح ولــبــن + شـوربـه فطــر وقطعتيـن توســت ) وبس


البــارحـه كنت صايمـه وماكلت شي ع الفطور غير سلطــه وشوربـه .. بس اففف في السينمــا ما خـليت
شي في خـااطـريييييييييييه .. ناجــووز ع ببســي وفرااخ وذررره ..
حـسيت انـي خربت رجيــمــي بكـــبررره ='(

ايه احبك
08-08-07 ||, 05:17 PM
عين ما صلت على النبي يا قرمش XP

ا ل غ ل ا
09-08-07 ||, 12:00 AM
أنا من يومين منسدة نفسي عن الأكل ،، يعني عادي يطوف اليوم وأنا شاربة بس كوفي وشاربة ماي , مادري شو السبب !!

ذنـيـنـي
09-08-07 ||, 01:00 AM
الحمدلله وصلت الى 91.4 اليوم

اتوقع على الاسبوع الياي بكسر حاجز الـ 90 >> ان شاء الله

قرموشة
09-08-07 ||, 01:13 AM
^

ياحـيك نـاصـر ! keep it up

أتــوقـع في الجـامـعه بنـزل أسـرع ~ لاني كـله أمـشي وكل كلاس في مبنــى .. وصـدق ما أحـصـل وقـــت مـوول وما أتفيـج آكل الا ويا ربعـي اللي نــادرآ ما أشووفهم والسبه كلا ساتي

هممممم .. ما قست وزنـي لين الحـين .. ولا أعرف كـم نزلـت بس اللي أحـسـه انـي نازل قريب الـ 2 كيـلو

ان شا ءالله خيـر

مجموعة إنسان
09-08-07 ||, 01:21 AM
73 الحمدلله

الله يخلي الجري في الفريج
صدق صدق صدق اخسر سواااايل من الحر

بس خوفووني قوالوا لا تشرب ماي وايد بعد الجري
بيصيبك تسمم الماي ..!!!!!!!!!!!!!!!!!!!!!!!!!!

المهم
بعد الجري اشرب لبن آب

والأكل مخفف لنص صحن ..
من اسبوع مو ماكل كافي
بس اشرب سفن دايت

مــهــابه
09-08-07 ||, 01:30 AM
اليــوم مشيــت لـيما قــلت بس
من الســاعه 1 الـظهر لـ 8 العشــا مايلـست إلا وقــت الغــدا . .
طبـعت لأني كنـت فـ العين مول وجيه ، ومن محل لمحل ، فـ يومي كان كله مشي

الغدا ، كلت شويه جاينيز رايس
والعـشــا ماكدونالــز وبس

افـكر ألـغي فـكره الرجيم ، ويهي مصفــر وايد ، والكل يقول اني الضعف وايد مب حلـو عـلي


47 وايــد حلــو

ولا شورايكم؟

ايه احبك
09-08-07 ||, 09:42 AM
خلا مهابه ثبتيه لا تنقصين وايد ترى مب زين اكثر عن جيه
والله الكل ينزل الا انا مادري وين ما نزلت البارحه ما مشيت موول وايد تعبت
وغير عن جيه اكلي تلخبط حتى في الويك اند بيتلخبط
ما في حبوب اتنزل بسرعه ^^.

قــبقــوبـه
09-08-07 ||, 10:20 AM
^ حبـووكــاا الله يهــداج شو تبينــهن الحبــوب .. ماايي وراهـن غير الامــراض !!
انا جــربت مره آخــذ حبــوب نـزلت وزنــي بـس تعبتنـي طــول الوقت راســي يعـورني و ويهـي مصفــر ..

شوق القلوب
09-08-07 ||, 05:54 PM
الســـلام عليـــكم..


مــاشـــاء الله .. الاجواااء حمــاسيه... :fa34:

..




مهــابه.. 47 وااااااااااااايد زيــــن... بسج لا تضعفين زياده.. بس حاولي انج اتحافظين عليـــه.. و اذا اترومين ركزي على لياقه جسمج الحين.. مب تخفيف الوزن... و طبعاً مافي احسن من الايروبكس.. حق هالشي..


..

من نــزل هالمــوضوع.. والحمد الله نزلت يمكن كيلوين.. و السبه المرض !! :a049: صدق من قال : رب ضاره نافعه.. و ان شاء الله احاول اخفف الاكل.. وناويه عقب اسبوع او اكثر لرجع للايروبكس.. بس عاد انا مشكلتي ما اتنازل عن الغدا :glare: والله يعين..

..

مــهــابه
09-08-07 ||, 07:30 PM
أيـه أحبـك ، شــوق القــلوب . . .
هــذا اللي أفــكر فـيه الحين ، اني أثـبت ع هالـوزن ، وبـعدين الحين الجـامعه قــربـت ، يعني بنمشي ومن الخاااطر بـعد ! وأفــكر أسجـل فـ النادي عــندهم لـوكان جدولي للسـمسـتر الياي يـســاعد . .

مــوفقيــن جميـعــاً

واســتمرواا

الوحيدة
09-08-07 ||, 08:21 PM
.

شجعتوني الصراحة ..

عيل أنا بعد بحاول أخف أكلي وأتحرك زيادة ..

أنا وزني 62 وطولي 165 ..

هو أوكيه يعني في الطبيعي بس أبا أشد جسمي أخليه متناسق عرفتوا كيف ؟

يعني يوم آخذ بنطلون بالعادة آخذ 40 والتنورة 36 أو 38 !

أبا أقلل من القياس أبا أول 38 أو 36 بالبنطلون والتنورة 34 !

الله يوفقنا يا رب ..

متابعة لكم ..


اليوم كنت صايمة وفطرت إندومي وفريد وجبس وشاني وحلاوة طبعاً ما يحتاي آكل شي بس أنا أرقد الساعة 7 الصبح يعني أكيد بيوع فإذا يعت بآكل خضروات أو شي خيف !

شوق القلوب
09-08-07 ||, 09:04 PM
شو تمارين المعده اللي اتســوونها... يعني اشرحولي الطريقه .. ^_^

شوق القلوب
09-08-07 ||, 09:59 PM
مقاله اتناسب الاجواء الحمــاسيـــه .. :fa51:


http://health.yahoo.com/experts/rockertraining/5130/stay-off-the-scale

الـيـاه
10-08-07 ||, 12:49 AM
الله كيف تمتنون لول ! اتسيخف ..

قبل ما اسافر كنت نازله كيلوين بسبة الصيفي .. وماكنت ابا ها الشي .. احين يوم سافرت رديت امتن 3 كيلوات لول
مع اني نادر ما امتن في هالفتره القصيره ثلاث كيلوات مره وحده ! بس السفر عجيب ...

خلاص احين بثبت وزني لاا امتن ولا اضعف .. استويت 46

الحمدالله ..

ذنـيـنـي
10-08-07 ||, 03:28 AM
يبتلكم تمارين زينه للإحماء

لازم تسوونها قبل ما تمشون او تركظون عسب ما تكون عضلاتكم مشدودة

اتمنى انكم تستفيدون منها


http://www.youtube.com/watch?v=0is9WnvK9rQ

شوق القلوب
10-08-07 ||, 04:27 PM
الســـلام عليكم...


..


فنــــــــاااان الفيديو يا نــاصر... صدق يحرك العضلات... :fa51:

وشي بعد واااايد مهم .. الـ stretching .. خاااصه عقب ما اتخلص من الرياضه..

ذنـيـنـي
11-08-07 ||, 12:12 AM
انا اعترف جدام كل الدباديب اني اليوم دمرت الدنيا و تعشيت في مطعم يمني "غصبا عني"
و كلت "مظبي" و شربت بيبسي و بعد شربت ريد بل

قــبقــوبـه
11-08-07 ||, 12:34 AM
انا كــلت فـ جيــليـز اليــووم :( بــديت بالفـرنش فرايز والفاهيـتا وانهيــت بالمــونتل كيـك ..!!!

عــاد انا ماروم ارد العــزايم ماا اييــووز !
:a068:

ا ل غ ل ا
11-08-07 ||, 09:19 PM
شكله الكل مخرب ،،

بس أنا نظامي تمام =)
مب وايد تمااااام ،، بس إذا خربت شوي ،، أعدل عقب أو أسير أمشي ..

أنا مقهوووووووورة أن ماشي ميزان ،، بس من اللبس أحس أنه البناطلين وسعت شوي..
يعني شكله فيه تقدم =)

سفير الخيال
12-08-07 ||, 01:20 AM
أنا نزلت من 82 لين وصلت 72 كيلو وتم فتره وما طاع ينزل وعقب ما مليت جان أرد عقب 75، وهدفي أوصل 70 ومب قاااااادر :a046:
مع إني ألعب كرة قدم ثلاث مرات بالإسبوع تقريبا بس المشكله هذي الأيام قمت آكل واايد توجي :bash:


ذنيني,, ليش وقف وزني عند 72 وما طاع ينزل لفتره؟ :glare:

حبوبه دبي
12-08-07 ||, 03:37 AM
سلااام !!

مـاشالله عليــكم :fa51:

انا متــابعة بصمــت
:fa35:

فـخاطري انـــزل من 3 الى 4 كيلــو واسوي رياضة وأمشي :smile2:

بس هيااازة الدنيــا فيني !

.
.

:: ذنيــني ::

يالله شـد حيــلك وخلك متحمـــس
:fa51:

وانــا ع فتــرات برز ويهـــي وبشجعكــم :12:

واذا نــاوي اتخـف عشــان يسوولك ســالفة فـ السنــاتر .. تم دب ابرك :k_harhar1:

.
.

مــهــابه
13-08-07 ||, 12:20 AM
ويـن رجيمكم ؟!

لايـكون تـعايـزتوا ؟ :P


يـاللـه ، نبـا نشوف الحمـ ـــاس

الدلووووعة
13-08-07 ||, 12:28 AM
عاد انا قلتلكم وقفت الرجيم ^_^

عسب الدوا مادري عنكم

ذنـيـنـي
13-08-07 ||, 12:29 AM
انا خربت الرجيم يومين و ما سويت رياضة
اول امس و الي قبله

و رد وزني كيلو،،
بس انا صدق خيستها و كلت عييييييش

الحين ان شاء الله بمشي على جدول معين و احتمال اني اشترك في الجيم

عيون الليل
13-08-07 ||, 12:45 AM
الـلــــه امسـويـــن رجيـــم :woot:
ويـني عنكم كـل هالفتـــره :pullhair:

انزيـــن انا بشتــرك ويــاكم . .
وبديــت اخفف من أكلــي . .من شهر تقريباً بس آكــل وجبتيـن ف اليــوم
الصبــح اتريـق . . كورن فلكس + توست اسمر+جبـن+روب+ جريب فروت

والوجبـه الثانيـة . . ستيك و أشيــاء مشـوايـه وساعات اخورهـا وآكـل عيـــش :crazy:

طبــعاً كــنت اسيـر الصبح الساعه 7:00 اركض وامشـي لكـن عقب اتكاسـلت وقمت اسكـــر الـ Alarm. . وبمـــا انه فيـــه تشجيــع فأنا من باجـر إن شالله بنزل اركض وأمشي :fa38:

طبعاً الجريــن تـي عنصـــر مهم . .

وكل هذا ونزلت 2 كيلو بس :a116:

هـيه نسيـت أقولكم . . وزنـي 59 وأبا ارد شرات قبـل 53 . . .

شجعونــــــــــــي بليــــــــــزززز :fa39:

هيه صح. . قد ما تقدرون حاولوا تبتعدون عن الخبـز والعيـش . . وعليـكم بالجريب فروت والجرين تــي

بالتوفيــــج إن شالله لـي ولكم ^_^

شكراً اخونـــا ذنيني ع الموضــوع والبروجرام الجميــــــــــــل :love: وإن شالله نستفيد جميعاً منه

مــهــابه
13-08-07 ||, 12:46 AM
^
ذنيني :
أنـت لازم حـد يجابـلك فـ البيـت
اهنيه فالواحات مايـسد

لاتـخبرها ، خل عندك اصــرااار

شمعة أمل
13-08-07 ||, 01:02 AM
البارحه الفليل كنت يالسه افكر
اني بنظم وياكم
بسوي رجيم لين ما ابدا جامعه يعني لين اخر 9
بس صدق كنت قاصه على عمري
كلت كيك اليوم وشربت لاتيه وعشايه باستا بعدين كلت جبس ويا غرين تي والحين اكل حلاوه p=

ذنـيـنـي
13-08-07 ||, 01:09 AM
عيون الليل ولكم اختيه

و شدي حيلج
=======

مهابة

تصدقين كنت مرتاح يوم الوالده كانت مسافرة
محد يجبرني اكل شي

بس الحين من ردت الوالده تحلف علي ستين مره اني اكل وياهم
بس انا احلف قبلها اني ما بجيس العيش لول

الله المستعان

تحفه
13-08-07 ||, 02:11 AM
أنا نزلت من 82 لين وصلت 72 كيلو وتم فتره وما طاع ينزل وعقب ما مليت جان أرد عقب 75، وهدفي أوصل 70 ومب قاااااادر :a046:
مع إني ألعب كرة قدم ثلاث مرات بالإسبوع تقريبا بس المشكله هذي الأيام قمت آكل واايد توجي :bash:


ذنيني,, ليش وقف وزني عند 72 وما طاع ينزل لفتره؟ :glare:

سفير مرات يوم الوزن مايتغير قياسات الجسم تتغير .. . فلاتزعل يوم تشوف انك علقت .. اكسر رجيمك يوم وكمل طبيعي وكلشي بيكون تمام ان شاء الله :h_qor9anah:

حبوبه دبي
13-08-07 ||, 02:54 AM
احــم احــم

:14:

طــول اليــوم : عصيــر منجـا + توست جبـن + كـاكاو + جبـس

ومشيــت اشــويه ،،

:icecream:

هـالريجيم ولا بلاااش لـول !

.
.

طير الحب
13-08-07 ||, 10:59 AM
ايه أحبك...

جهاز المشيء امسات ماخذين واحد من انصار مول وايد حلو وعملي تقدرين تسوين عليه تقريبا خمس تمارين منها المشي لانه بالأساس جهاز مشيء وبعد ضغط البطن...وتمارين الخصر وفيه اثقال معاه بس ما اعرف كم وزنها وفيه هذا حزام التدليك بس ابا أسال الي اعرف هذا حزام المساج ما يسبب ترهلات في الجسم ولا صدق يحرك الدورة الدموية


حاولوا تقرون عن البابونج وبذور الكتان...انا كملت الحين اكثر منه سنه اشرب قرين تي وفعلا ضعفت وايد قبل لا احمل ما اني آكل كل الي بخاطري ويمكن عشان وايد اتحرك وما اعتمد على الخدوم يعني ما ايلس...ترى الحركة بركة

على فكرة عمري ما سويت رجيم وضد فكرة الريجيم بس ما فكرة اني اكل كل الي بخاطري بس بكميات وعموما كل ما خففتوا الاكل يصغر حجم المعدة وهذا المطلوب

مــهــابه
13-08-07 ||, 05:52 PM
صح كلامج أم عـبادي . . .
كـل ماقـللـتوا الأكـل ، خلاص معـدتكم تـتعود ع هالشي ، ومابتحسون انكم تيوعون وايد او انكم تاكلون ب كميات كبيره

انا تقريباً فـ أكثر من أسبوعين تميـت وياكم ليما وصلت 47 لكن مب قادر أكل وايد ، اكلي مثل ماهو ، قبل وبعد الرجيم ، لاني خلاص تـعودت ، ولو بغيت أتغدا أو شي ، احس اني برجع الأكل ، لأن المعده تـعودت خلااااص


نـاصـر:
حـاول ..
مـنيه منـاك ، ولـو ان الواحد مايقدر يرد الوالده
بس بـعد . .
خلـها تـساعدك :P

دمعة شوق
14-08-07 ||, 03:48 AM
الـيـوم بـديـت ويـاكـم :

أول مانشـيت كلت أليه فواكـه وطبعا ً رطب وقهوة بسيطـة
وعقـب السـاعـة ثمان وشي كلت ليه براتتين وعدس وشكشوكـه
؛
وعميتهــا بـ ببـاسـكن
:fa54:
؛

بس عـوضت في الرياضه اللي سويتها
سويت ايروبك تقريبا ً ساعه والسباحه نص ساعـة
؛

الحمدالله في تطـور
:a049:

مزن هتان
14-08-07 ||, 06:42 PM
مسا الخير

ناصر أناااا خربتها من يومين

دمي نزل شوي -عندي انيميا-
من باجر برد عـ الجدول

اي صح ترى الوالد مو مخليني بحالي
كم من مره خلاني اشرب سفن اب :fa52:

ذنـيـنـي
14-08-07 ||, 07:22 PM
مزن هتان

الواحد ما يجتل عمره من اليوم و يحرم عمره من كل شي
و في نفس الوقت ما ياكل اشياء مب زينه

يعني عادي انا اشرب سفن اب بين فتره و فتره
و مرات اخرب الرجيم

هالاشياء لازم تسوينها عسب ما تملين و تحسين بالحرمان
و عليج بالمشي السريع كل يوم،،
على الاقل نص ساعه يوميا و عقب زيدي المسافة مع الايام

مزن هتان
14-08-07 ||, 09:54 PM
الوالد ما يبيني اسوي رجيم ما عرف ليش :m_afaker:

اي صح تراي امشي لـ 40 دقيقه
و تمارين لـ عشرين دقيقه
ناصر بغيت اسألك عادي آكل بطاط مسلوق؟
اخلي عمري ما شفت اللي كاتبه
الحين بخاطري سفن اب بااااااارد :fa41:

بس مثل ما قلت وقفت من يومين
راح ابدى من باجر ان شاء الله
وبالمره بشوف جم نزلت :crazy:

أخوي العود وزنه 60 :pullhair:<<< حسد ربي يبعدكم عنه

خطايــا
14-08-07 ||, 10:37 PM
واللي يبا يمتن وين يدش ؟ :m_afaker:

خطايــا
14-08-07 ||, 10:40 PM
خاطري اسوي رجيم في يوم من الايام :birgits_giggle:

عيون الليل
16-08-07 ||, 01:51 AM
جني نزلت . .
بااااجر بخبركم ^_^

دمعة شوق
16-08-07 ||, 02:14 PM
الـبارحـه كنـت صايمـه
على الفـطـور كـلت أليه رطـب وشربت أليه شوربه ولبن آب
؛
وعقـب على العشا كلت شوية هـريس
وكـوب جاهـي
؛

بس واخترب جدول الريـاضـية أمس لأنيه رحت السوق
بس إن شاءالله بعوض اليوم
:14:
؛

الحمدالله انيه صـايـمـه صددددق تحس عمرك خفييييييييف من الخاطر
:smile2:

دمعة شوق
16-08-07 ||, 02:15 PM
امممم يخترب الريجيـم إذا شربنـا بيبيسي ولا سفن آب دايـت ؟

جنة عدن
16-08-07 ||, 02:42 PM
:k_blush-anim-cl: :k_blush-anim-cl: :k_blush-anim-cl:
والله الاكل شيءصعب كتير لانو مثل ما عندو فوائد عندوسلبيات على الجسم
والرسول عليه الصلات والسلام قال"ما في شيء الا واذا نصحنا فيه
"نحن قوم لا ناكل حتى نجوع,وذا اكلنا لا نشبع"
يعني شوفوا الدين هذا مافي شيء الا واذا نصحنا فيه
وصحيح الاكل ما يكون الافي في الوقت كمان الاكل بين الفترة والفترة هو الي يسبب السمنة المفرطة وان شوف هذا كلو من قلة النشاطات اليومية
ولكم البقية
:k_blush-anim-cl: :k_blush-anim-cl: :k_blush-anim-cl:

مــهــابه
16-08-07 ||, 06:44 PM
واللي يبا يمتن وين يدش ؟ :m_afaker:


جـان تـبين تمـتنين صـدق ، :4: سـوي شرات ماكنت أسوي الصيف الماضي
عـليج بـ الغدا والعشـا ، فـاسـت فـود ، حتى لو مالج نفس ، اغصبي عمرج وعقب بتاكلين عـادي ، شهرين بالكثير وبتمتنين ، ولازم ويـاه بيبسي:fa42: ، ولاتتحركين وايد امم ، بيزيد وزنج ع الأقل 5 كيلو

شكلي بخربج:k_harhar1:

أسألي المجرب . .


دمعة شوق:

البيبسي لا ، يقولون ينفخ ، بس انـا ما احس
يـعني مب زين :4:

اما السفن آب ، ماحصل لي الشرف وعرفت

ا ل غ ل ا
17-08-07 ||, 04:08 PM
اعترف :blush:

كلت مكدونالد البارحة :bash:

ايه احبك
17-08-07 ||, 04:10 PM
الغلا هذا مب موضوع الأعترافات لووول
اعترف اني ولييييييييت

خطايــا
17-08-07 ||, 04:32 PM
جـان تـبين تمـتنين صـدق ، :4: سـوي شرات ماكنت أسوي الصيف الماضي

عـليج بـ الغدا والعشـا ، فـاسـت فـود ، حتى لو مالج نفس ، اغصبي عمرج وعقب بتاكلين عـادي ، شهرين بالكثير وبتمتنين ، ولازم ويـاه بيبسي:fa42: ، ولاتتحركين وايد امم ، بيزيد وزنج ع الأقل 5 كيلو


شكلي بخربج:k_harhar1:


أسألي المجرب . .



مهووب انا اباج تخربيني :inlove: عادي والله المهم امتن وزني 43 احين اووف ابا اوصل لين ال 50 ما اقدر للاسف الشديد .. وايد اكل فاست فود وما اسوي اي شي يعني ما اتحرك وايد لوول ودووم اشرب بيبسي وطبعا هذا من زمان وللاسف نفس الشي !! شو الحل :fa36:

الدلووووعة
17-08-07 ||, 06:04 PM
خطايا عفكره حركة مهابه

ماتمتن الكل ^_^

احيد اخويه جي كان يسوي ^^

اصلا ماياكل اكل بيت ابد ااااا

اول ماينش من الرقاد على طول بيبسي

وبعدين يسير يطلب له بدال السندويجة 2 و3

وبعد غير العصر والليل والظهره ويا ربعه


بس مايبين فيه خخخخخخخ


ترا في ناس البيبسي يظعفهم مايمتنهم والله

مــهــابه
17-08-07 ||, 06:14 PM
مهووب انا اباج تخربيني :inlove: عادي والله المهم امتن وزني 43 احين اووف ابا اوصل لين ال 50 ما اقدر للاسف الشديد .. وايد اكل فاست فود وما اسوي اي شي يعني ما اتحرك وايد لوول ودووم اشرب بيبسي وطبعا هذا من زمان وللاسف نفس الشي !! شو الحل :fa36:

اممم عـيل عــليج بـالجــبس ، انـا كلت أكل جبس يوميـاً وبكميات كبيييييره ، كلي دهون ، نشويـات ، هالسـوالف ، انـا من 42وصلني 49 يـعني شـوفي الفــرق؟!


نـفعني واللـه
حـاولي انج تـحافظين ع كل الوجبات غدا + عشـا + ريوق وكلي أكثر من صنف فالوجبــات ، وكلي بين الوجبات ، :4: صارعي مثل ماكنت أنـا أصــارع:image005:

وان شـــاء اللـه بتمتين ، و بعدين بتين بتقولين أبـا اضعف شرات ماسويـت أنــا :k_harhar1:
نحـن البنات لايعيبنا العجب ولا الصيام رجب

ا ل غ ل ا
17-08-07 ||, 08:51 PM
إيه أحبك أدري أنه مب موضوع اعترافات ...

لكن من النقاط اللي فالموضوع ،، انه الواحد يوم يخرب يعترف هههههههه

وبعد ماسويت رياضة اليوم ....

خطايــا
17-08-07 ||, 09:23 PM
صح انا بعد قالولي البيبسي والفاست فوود ما يمتن اي وحد وبعد اونه يقولوون انتي جسمج جي ارضي فيه مب قابل للمتن بتات البتنه =) قمت اقول كلام خطير لوول

مهووب : ثانكس حبيبتي تعبتج وياي بحاول وبسوي اللي تقولين عليه بس اذا ما متنت ياويلج لوول

سفير الخيال
17-08-07 ||, 11:22 PM
سفير مرات يوم الوزن مايتغير قياسات الجسم تتغير .. . فلاتزعل يوم تشوف انك علقت .. اكسر رجيمك يوم وكمل طبيعي وكلشي بيكون تمام ان شاء الله :h_qor9anah:

مب على كيفه :a058:

بس معلومه حلوه,, مشكوره :8:

صار لي من شهر كاسر الرجيم في فترة الإجازه,,, يا دحق يا محق :glare:

بس الحمدلله وزني ما يزيد بسرعه لأني أمارس رياضة التفكير :m_afaker:

تحفه
18-08-07 ||, 05:00 AM
^يو ولجم

قرموشة
21-08-07 ||, 04:06 AM
شو كلكم ضعفتوااا لول
ولا بس هونتوا وما تبون تضعفون XD

المهــم ..
كـالعاده ما تريـــقت .. ووتغدييت سلطـه بس ..
ورحت أتحوط ويا بنات خااالي و شربت اورنامين سي وسررت عند خـالي الثاني في المستشفــى ..
وهنااك عطووني ( حلوى ) وو رنجيينه هههه
المهم رديت البيــت وتعشيت فطــاير لبنــه وزعتــر .. كلت 3 بس

ايه احبك
21-08-07 ||, 10:28 AM
كله من تحفوه خربتني تخريب يوم بت بيتهم علمونا طريقة نودلز بالجبن وحلاتها يوم تا كلينها السااعه 3 فليل فمن طلعت من بيتهم وانا ما اسوي الا هالوجبة لين ما حلفت اني اليوم اوقف هالمهزله =(

تحفه
22-08-07 ||, 06:43 AM
كله من تحفوه خربتني تخريب يوم بت بيتهم علمونا طريقة نودلز بالجبن وحلاتها يوم تا كلينها السااعه 3 فليل فمن طلعت من بيتهم وانا ما اسوي الا هالوجبة لين ما حلفت اني اليوم اوقف هالمهزله =(

ماعليه هالويكند بسير بوظبي وبقولها تسويلي ويا :h_mar7aba: جان بتين

ايه احبك
22-08-07 ||, 11:26 AM
هيه هيه ما قر انا في البيت لوول
امي بتجتلني اتقولي انتي بسألج ما عندج بيت ترقدين فيه ههههههه XP
الله يستر عليه والله
اقول تحفه خلوو روحت أبوظبي بي 3 ايام وانرد عن يرتكبون فيني جريمة جتل لوول ترى راس مالي عمر واحد XD

تحفه
22-08-07 ||, 07:35 PM
اخاف اخر شي انابعد انذبح XD

شمعة أمل
12-09-07 ||, 11:29 PM
أشـوفكم وقفتوو الرجيــم؟:icecream:

رمضان باجر .. كلكم بتمتووون:ohboy:

ذنـيـنـي
13-10-07 ||, 02:33 AM
أشـوفكم وقفتوو الرجيــم؟:icecream:

رمضان باجر .. كلكم بتمتووون:ohboy:


هيييه والله وقفنا الرجيم
و خربنا كل الي سويناااه :3:

انا زاد وزني كيلو في رمضان

و ان شاء الله من ورا باجر برجع للرياضة و بعدل اكلي :4:

ذنـيـنـي
13-10-07 ||, 02:37 AM
هيه صح

باجر بشتري سيكل بالعيديه لول >> عادي تراني بعدني ما داومت يعني العيديه من حقوقي الشرعيه و القانونية

ذنـيـنـي
14-10-07 ||, 05:32 AM
سؤال للشباب "و لمن يرغب من القبائل" :4:

حد منكم جرب الجيم مال نادي الرماية في الشارجة
أو يعرف حد سارله انا سرت النادي مره و كان صدق وايد راقي

احسن من صالات الجيم العاديه الي فيها زحمه و هاييل الي يضربون ابر لول >> على فكره ريحتهم صدق خايسه من السم الي ياخذونه لول أحيد على ايام الصاله الاولية كنت صدق اتهاوع يوم ايين صوبي،، خاصة لو وايدين ريحتهم شرات :
"اليقط" :fa52:

و غير جي عندهم ملعب تنس و حوض سباحة و ملعب سلة للأعضاء

و خصم 25% على الرمايه :k_devil2:

انا فكرت فيه لأنه جريب من كليتي
يعني برجع من الدوام و بريح شوي و عقب بسير النادي و من اخلص باخذ شاوار هناك و بسير الكلية

الي عنده فكره عن النادي اتمنى انه يفيدني
:look:

قصايد غلا
14-10-07 ||, 12:21 PM
أول شي امبااااااااااارك"ن" عيــــدك أخويه ذنيني:k_smile2:

بالنسبة للجم مال نادي الرماية ===> أحيد أخويه في الصيف قال بيسيره ، لأنه ربعه وااااااااايد مدحوه له
خاصه و إن المكان يعني مب حي الله مكان ،فـــ ما بتشوف فيه لوث وايد :fa42:ولا بتشوف من اللي تلوع جبدك منهم وريحتهم خايسة لووول

و فوق هذا كله إن المكان جريــــــب = )

فــ أنصحك به ذنيني ===> اللي بيجوف ردّي بيقول جنها سايره ومجربه :k_harhar1:

شمعة أمل
14-10-07 ||, 03:02 PM
لأول مره في حياتي ما أمتن في رمضان! معجزه p=

مايهزك ريح
15-10-07 ||, 09:31 AM
انا نازل كيلو وشي في رمضان .. حد يتحداني .. كنت ما اقر في البيت .. كله حواطه

قرموشة
15-10-07 ||, 11:25 AM
هيه صح





باجر بشتري سيكل بالعيديه لول >> عادي تراني بعدني ما داومت يعني العيديه من حقوقي الشرعيه و القانونية




هههههههههه مت من الضحـك لوول !

أنـا بعـد قلت بشتري سكيت ببيزات العيديه xD مع انه كان في خـاطري سيكـل !
على قولـت أبويه .. ما يحتاي كل يوم أشوفج ماخـذه سيكل البيدار وتحوطين به في الحوش ! xD
ادمـان سياكـل أنـااا لووول


.
.

وعلى طـاري الرجـيم !
احمـ كلهم قالوا اني ضعععفت !! مع انـي زايـده كيلويييين ونصصص !!!
رمـضان والسفره العامـره ووو وما تفـعل ~

شمعة أمل
15-10-07 ||, 01:52 PM
على قل عندكم عيدييييه!!!
انا عيديتي 100 درهم من يدوه p= كل عيد عيديتي تنقص بشكل فضيع .. اشك انه العيد الياي بيكون عشر دراهم >_<

بس صدق لازم أرد اسير الجم .. من أربع شهور ماسرت =s وايد صح

تحفه
16-10-07 ||, 02:50 PM
ذكرتيني انا من بداية الصيف ماسرت الجم =X

بنت الدلع
16-10-07 ||, 10:34 PM
الناس في رمضان تمتن وبنت الدلع تضعف >.<

ابا وصفه تمتن
لاتقولون عيش، بطاط، اندومي ولا فاست فود
لاني جربت مايفيد وياي >.<

تحفه
17-10-07 ||, 12:56 AM
بنت الدلع كلي مكسرات قبل لاترقدين
والعبي رياضه واكلي على طوووووووووول ( واكلي وايد)
واكلي خاشوقتين عسل طبيعي كليوم

مــهــابه
17-10-07 ||, 03:51 PM
^
المكسرات مافـادتني أبـد

بس احيدني كنت آكل فاست فود وأرقد تـقريبا 3 شهور ع التوالي لوول


ع الرغم من الأكل اللي كلته فـ رمضان ، كنت أتوقع اني بزيييد ، لكـن الحمدلله مازدت ولا نص كيلو ، الوزن ثابت

لأني كنت أفطر وع طول أرقد للعشـا

بس الحمدلله

قصايد غلا
17-10-07 ||, 05:08 PM
:biggrin:حتى أنا كنت أتوقــع إني بمتن في رمضــان لأنه هذا أول رمضان آكـــل فيــه عيـــش ، لكن الحمدلله ما زاد وزني:fa34:

دمعة شوق
18-10-07 ||, 12:29 AM
أبااااا اضضضضضضضعف :(
اكيد انيه زدت كيلوين

شمعة أمل
19-10-07 ||, 12:57 AM
^
لازم تسوين ايروبكس ولا هايبوكسي وبتضعفيييييين

انا ببدى ايروبكس عقب يومين!

جواهر
08-11-07 ||, 02:45 PM
انا حبيت ابلغكم انه من يوم قلت اني بشارك وياكم

لليوم

نزلت

10

كيلو


عقبااالكم

^_^

شمعة أمل
15-11-07 ||, 09:26 PM
^
ماشاءالله keep up the good work

ملاك الروووح
16-11-07 ||, 08:15 AM
والله أنا بعد أبا أمتن !

على كثر ما آكل ما يبين فيني .. :fa43:


ربيعة اختي اخصائية اغذيه

قلت لها تحط لي بروغرام ..

قالت لي بس شربي ميلك شيك وبتشوفين الفرق ..

يبالي أيرب .. مع اني ما أحبه مول :m_afaker: ..

بس لاااااااااازم امتن .. وزني بس 44 !! :fa52:

سللللللق .. بس الحمدلله اني مب وايد طويله ..

ف عادي ما يبين علي وايد بالعباه ..

لكن الكل يعلق علي .. ! :3:


صج المكسرات تمتن ؟

شمعة أمل
16-11-07 ||, 02:49 PM
مب كلهم لكن الفستق هيه

ملاك الروووح
16-11-07 ||, 03:10 PM
::

زين أنا أحب الفستق والكاجو والجوز ..

بسير كارفور الحين عيل .. وبترس لي سللللله كامله

:fa56:

::

شمعة أمل
16-11-07 ||, 04:37 PM
لول
بس سوي رياضه بعد

مزن هتان
23-11-07 ||, 10:21 AM
أنا زدت P:

شوق القلوب
24-11-07 ||, 02:14 AM
خااااااااااااطري انزل كيلوين.. و أخاف ابدا الايروبكس.. و يزيد وزني..!!

ياااااااااااااااااااااااا ااااربي .. متى بوصل 50 ..! :fa43:

شمعة أمل
24-11-07 ||, 12:49 PM
ايروبكس مايمتن =s

دمعة شوق
24-11-07 ||, 08:57 PM
خلاص من بـاكـر ببـدى إن شاءالله وبسوي صدق ريجيم من الخاطر عقولتهم ريجيم قاااسي
:h_daleel:
وومافيه اسوي رياضه بـس بمشي في اليوم تقريبا ً نص ساعه وبسوي طشة تمارين بسسس
،،

وإن شاءالله اضعف دعواااتـكم
:a070:

وحي القلم
24-11-07 ||, 09:24 PM
عـليج بـ الغدا والعشـا ، فـاسـت فـود ، حتى لو مالج نفس ، اغصبي عمرج وعقب بتاكلين عـادي ، شهرين بالكثير وبتمتنين ، ولازم ويـاه بيبسي:fa42: ، ولاتتحركين وايد امم ، بيزيد وزنج ع الأقل 5 كيلو

يعني ماشي طريقة صحية ؟

الواحد يتم ضعيف أبرك له بمليون مره عن المشاكل اللى يستون من إدمان الفاست فود و البيبسي

صح أنهن يمكن ايمتنن .. بس في نفس الوقت ايسببن مصايب ثانيه ..! :boxed:

شوق القلوب
24-11-07 ||, 09:33 PM
شمعة أمل..

اللي اعرفه انه الايروبكس في اول فتره يزيد الوزن.. لانه العضلات تبدا تتحرك و تكبر بالتالي يزيد فتره.. لكن اذا استمريتي على الايروبكس مع الوقت بيبدا الجسم يشد و ينزل الوزن..

بصفه عامه انا احس انه الايروبكس ما زود وزني.. بس ما ادري هالفتره انا متردده اسير.. لاني من شهر 6 اموقفه..

شمعة أمل
24-11-07 ||, 10:49 PM
لا مب ايروبكس شووق الى جييي ... حمل الاثقال وبودي بمب
ايروبكس عادي مايمتن .. انا بديت من شهر ومول ما متنت .. يعني الفتره الى امتن فيها هو يوم اكل غلط او شي جي .. لكن مب من الايروبكس

المزوحي
26-11-07 ||, 11:05 PM
زين حد منكم يرب د. نيوترشن ؟؟

شمعة أمل
27-11-07 ||, 06:11 PM
^
شو ها؟ =s

طير الحب
28-11-07 ||, 10:05 AM
مسا الخير...انا ابا انزل وزني حاليا 61 وابا اوصل خلال شهرين 54 على الاقل لانه وزني قبل لا اجمل كان 50 بس ما ابا استعيل عشان ما اييني احباط مشكلتي مب مع الاكل مع الرياضة مب وايد احبها عندنا جهاز مشي بس ما استخدمه واكل كل الي بخاطري بس بكميات قليلة واشرب شاي اخضر شو ممكن اسوي بعد

ذنـيـنـي
28-11-07 ||, 04:47 PM
حيا الله ام عبادي

دام انه عندج جهاز مشي،، نصيحتي لج هي انج تمشين عليه على الاقل نص ساعه اوووول ما تنشين
و قبل ما تاكلين اي شي لأنه في هالوقت الجسم يكون هضم الاكل و ما يكون للجسم مصدر طاقة غير الدهون الموجوده فيه

واضبي على هالنظام مع محاولة الامتناع التام عن النشويات و المقالي و السكريات خلال هالفتره
بس حتى لو ما اتبعتي النظام الغذائي اتوقع انج بتوصلين للوزن الي تبغينه خلال شهرين

و مثل ما قلتلج السر في حرق الدهون عن طريق الرياضة هو بممارستها على الريج و قبل ما تاكلين اي شي
عشان تحرقين الدهون
و لو بغيتي تحرقين العضلات لازم تزيدين فتره المشي

طير الحب
28-11-07 ||, 06:36 PM
ذنيني...طيب في سؤال عقب الرياضة بكم لازم آكل اختي تقولي عقب الرياضه بساعه بجاول اتحدى نفسي وامشي مشكله المشي على الجهاز ملل عادي انا عقب اي وجبه اشرب ماي فيه ملعقه خل


عندي مشكله اني مب دوم اقدر امتنع عن النشويات والسكريات عبود وابوه يخربون علي :)

تحفه
28-11-07 ||, 07:30 PM
ام عبود : شربي عصير جريب فروت بعد الرياضه على طول 3> وايد زين يساعد الجسم يحرق بسرعه حتى بعد الشوبنغ موفيد

والاكل طبعا ممنوع .. انا ما اكل الابعد ساعتين!

انا اكتفي بالماي

ذنـيـنـي
28-11-07 ||, 07:40 PM
ممكن تحطين الجهاز جدام التلفزيون و تشوفين قناة فتافيت شرات الوالده عندنا :fa46: في حد يتمرن على برامج طبخ

المهم حطي الجهاز جدام التلفزيون و انسي انج يالسة تسوين رياضة،، طبعا التحدي الاكبر بيكون خلال اول اسبوع بس من عقب هالاسبوع الامور بتسهل عليج و بتتعودين على المشي


و بالنسبة للأكل
اتوقع عادي ترومين تاكلين بمجرد انج تخلصين من المشي و تاخذين لج شاور سريع، بس طبعا لازم تحاسبين على الاكل الي بتاكلينه

على سبيل المثال لازم تستبدلين الحليب و الاجبان الكامله الدسم باجبان و حليب قليل الدسم او بدون دسم،، في السلطات حاولي تمتنعين عن الصلصات الثجيلة الي اساسها مصنوع من المايونيز،، استبدلي الخبز الابيض بالخبز الاسمر،، في اوقات الجوع حاولي تاكلين تفاح او اي نوع من الفواكه او الخضار بدال الكاكاو و الجبس


و نصيحتي الاخيره هي انه لا تعتبرين الي تسوينه رجيم عشان ما تتعبين،، حاولي انج تخلينه اسلوب حياة يديد بالنسبة لج و صدقيني عقب فتره بتحسين بفررررق

انا جربت هالشي بس للأسف ما التزمت فيه بس على هذيج الايام كنت غييييييييير،، الحمدلله عملية الهضم عندي كانت طبيعيه 100%، كنت افقد من وزني ما يقارب كيلو في الاسبوع و مرات كيلو و نص و حتى بتحسين بعمرج خفيفة و الشعور بالخمول بيخف عندج بشكل كبيييييير :fa34:

شوق القلوب
28-11-07 ||, 07:45 PM
ام عبــادي...

اذا كان عندج برنامج اتحبين اتابعينه و تندمجين وياه... اول ما يحطونه امشي على الجهاز.. صدقيني بتنسين عمرج و انت يالسه اتشوفين التلفزيون...

دمعة شوق
30-11-07 ||, 12:53 AM
زين حد منكم يرب د. نيوترشن ؟؟



المـزوحـي

أنـا كـنت اخذ بس الحبوب ومارحت له بنفسـي
وماداومـت عليهـن
؛
والله راحوله يقولون زين ومب زين بـنـفس الوقت لأنك بتتعود على الحبـوب يعني طول فترة الريجيم كله حبوب / وجسمك بيـتـرهـل / وعقب مابيخلصن الحبوب بترد نفس قـبـل / لأن اللي ايي بسهوله ايروح بسهولـة

مــهــابه
30-11-07 ||, 01:04 AM
سـؤال بـريئ :fa46:

هـل أقـدر أنـزل كيلـو واحد فـ سـاعه تـقريبـاً من خـلال اسـتخدامي لـ جهـاز المشي ؟. .

وكـانـت سرعـته 5

لأن هـالشي صـار لـي ، ومن شفـت اني نزلت كيلو ، ما قـمت أستخدمه دام جيه طريقـته ، ولا قلـت يمكن الميزان مخـَرف

خفـت أنـقرض:fa56:

شمعة أمل
01-12-07 ||, 01:36 AM
^
ميزانكم مخرف
لانه تمتنين عقب ماتسوين رياضه لانه العضلات مادري شو يستوي فيهم.. المهم الوزن يزيد شويه
واذا انتي وايد ظعيفه مابتظعفين لكن جسمج بيتعدل او من اليوع عقب الرياضه بتبدين تاكلين اكثر وتمتنين p=

شمعة أمل
01-12-07 ||, 01:38 AM
تدرين
اذا تبين تمتنين كلي باستاااا ويا سوس ابيض
صح تعالي
شو فصيلة دمج؟ بخبرج شو الأكلات الى تمتن \ تظعف .. ترا كله على حسب فصيلة الدم
يعني اذا انتي O الدياي يمتن لكن السمج يظعف واللحم عادي

مــهــابه
01-12-07 ||, 05:10 AM
شمعه :



للـعلم قبل لا أبدا كان 47 ، وزاد كيلو بس على أساس انه المفروض يزيد وهالشي طبيعي،

بس عقب رحت 4 أو 5 مرات
ووزنت بنفس اليوم نقص لـ 47
يعني قبل لا أبدا اتدرب فـ ذاك اليوم كان 48 ويوم خلصت شفته 47

وانا ماصار لي شهر تقريباً من بديت ، كنت أبا أكتسب ليـاقـه بس . . .
ويوم شفت جيه السالفه ماقمت أروح

وعن الفصيله A
بس ع فكره أنا ما آكل سمج ولا آكل ديـاي
وطـول الأسبوع أتعشى بـس ، واحيان أتغدى ، والريووق موليه ما تريق . .

يعني مش من النوع اللي احب الأكل ، عادي يمر أسبوعين وانا مب ماكله عيش


فـ شورايج انتي ؟

شمعة أمل
01-12-07 ||, 01:48 PM
اويه انتي كيف جي ماتاكلين غير وجبه:huh: لو انا في مكانج بموت .. اكل بيتنا وايد يغريp= تعالي عيشي عندنا اسبوع بتمتنين 5 كيلو:biggrin:

انزين
انتي فصيلة دمج وايد من محبين الخضروات .. مول ما تهتمون لللحووم

اذا تبين تمتنين انتي لازم تاكلين لحم وفاصوليا وlima beans و قمح .. يعني وايد وايد لازم تاكلين خبز وباستا

لو كلتي شويه مابتتغيرين لكن لازم وايد

وعشا ماتظعفين
ابتعدي من الدهون النباتيه و الأناناس و الخضروات .. والسوالف الى فيها سويا


من ناحية السييفوود
القبقوب واللوبستر والكلاماري *نغر* والربيان والاختبوط يمتنونج


كثري من كل انوع الاجبان لانها تمتنج:4: وعقب كل وجبه كلي ايس كريم

والمكسرات الى تمتنج *ترجمته في قوقل ف شويه يضحك:4:*
البرازيل الجوز
الكاشيو
الجوز والفستق


اذا بتاكلين خضروات الخضروات الى تمتنج هم
الباذنجان
المشرووم
كل انواع الزيتون
القرنبيط
طماط
بطاط
فلفل

مــهــابه
01-12-07 ||, 03:00 PM
شـورايج نـتبادل الـتخصص ؟! ( موول مايخصني اني استوي اخصائية تغذيه )

مشكوره ع النصـايح ، بس أنا مابا أمتن ، أبا أتم جيه

وع فـكره أنا مول ما آكل السي فـود

من قريت ردج زقرت خواتي ، قوم الـ39 والـ 40 عـسب يستفيدون

عـل وعسى يمـتنن شوي


تــشكرااات

شمعة أمل
01-12-07 ||, 08:39 PM
لوول انا مب متخصصه في التغذيه
لكن ماخذتنه من كتاب وايدين اعرفهم يستخدمونه .. حتى مدربتي تمشيني على هالكتاب

أنشودة المطر
01-12-07 ||, 11:47 PM
^
شمعة أمل بغيت أعرف الكتاب إذا مافي مانع

شمعة أمل
02-12-07 ||, 12:00 PM
http://www.amazon.com/Eat-Right-Your-Type-Individualized/dp/039914255X
هذا الكتااب

هو مب عباره عن رجيم لكن يخبركم شو الاكلات الى يفضل تبتعدون منها على حسب فصيلة دمكم..
يعني ناس ويا فصيلة دمي لازم نبتعد عن الباستا والبطاط ونكثر من السمج لكن اختي الصغيره الكاربزز وهالسوالف عادي

أنشودة المطر
03-12-07 ||, 04:19 PM
شكرا جزيلا :a070:

ملاك الروووح
03-12-07 ||, 08:15 PM
::

شمعوه تصدقين .. أني ما كنت أعرف شو فصيلة دمي ..

إلا من أسبوع اكتشفته :fa52:

:

وزني يتأرجح بين 45 و 44 و 43 ..

والحين وصلت لــ 44.4 . حد يبا يشتري الرقم ؟ :14: لوووووول

:

اكتشفت انه النفسيه وايد تأثر على سوالف الأكل ..

<< صباح الليل دادا :a058:


ونفسيتي مرتاحه هالكمن يوم الحمدلله :biggrin:

بس للأسف فيني رمد الحين .. وكارهة عمري ..

ما أقدر أشوف شو قاعده آكل :biggrin: .. لوووول

:

شمعة أمل
04-12-07 ||, 05:24 PM
لاحظت انه انا بعد ااكل على حسب مودي p=
اذا اكون متضايجه اكل خرابيط
اذا اكون مضغووطه أنسى أكل
اذا اكون فرحانه .. اكل عادي
اذا اكون ملانه .. اكل بشكل مب طبيعي

ملاك الروووح
05-12-07 ||, 12:00 AM
::

هييييييييييه والله صدقج

أنا شراااااتج جيه !

المود وايد يأثر على أكلي !

بس في الفتره الاخيره صايره مادري كيف ..

ما أشتهي أي شي حلوووو ..

لا جوكلت ولا آيس كريم .. ولا أي شي ثاني !

مع انه هالسوالف هي اللي تمتن أحس !

:fa46:

:

كلت فستق .. ما ياب نتيجه ! :h_daleel:

متى تظهر النتايج يعني ؟ :biggrin:

شمعة أمل
05-12-07 ||, 12:10 AM
انتي شو فصيلة دمج؟
بكتبلج شو بيمتنج

شوق القلوب
05-12-07 ||, 12:36 AM
شمعه أمــل..

انا فصيلة دمي B+ ... شوفيلي.. شو اللي يضعفني..؟؟

..

ابا اسوي تمــارين في البيت تعطيني لياقه لكامل جسمي.. !!

ملاك الروووح
05-12-07 ||, 01:58 AM
فصيلة دمي A+

:11:

شمعة أمل
05-12-07 ||, 03:56 PM
ملاااك
انتي نفس مهابه .. كتبتلها الأكلات الى تمتنكم:k_harhar1:
وسويلج سلطه فيهم الخضروات الى تمتنج




شوووق
نفس اختي وامييي .. تقهرووون.. الاكلات الى تظعفكم وايد حلوووه >_<
انا طول حياتي أقول ليش اختي الصغيره جي ظعييفه مع انه الاكل الى تاكله غلط في غلط وعقب ماقريت هالكتاب عرفت ليش


المهم

بكتبلج اياه بالانقلششش اذا تبينه بالعربي قولي وبترجمه بعدييين

foods that encourage weight gain
sweetcorn
lentils
peanuts
sesame seeds
buckwheat
wheat


foods that encourage weight loss
greem vegetables
meat
liver
eggs


Hihghly beneficial
Lamb
Mutton
Rabbit
Venison

Neutral
Beef
Liver
Turkey
Veal

AVOID!!!!!
Bacon
Chicken
Duck
Goose
Ham
Heart
Porl
Quail


ترومين تاكلين كل السيفود وانواع السمج الااااااااا
anchovy
lobster
octopus
oysterms
prawns
seabass
crab
barracuda
clams
eals
snails
smokes salmon
^
ابتعدي منهم


الاجبان وهالسوالف
الى وايد اوكيه حقج
cottage cheese
feta cheese
goats cheese
goats milk
milk , skimmed, semi-skimmed
mozerela cheese
yogurt - frozen, with fruit

والاجبان والسوالف الثانيه كل شي عادي عندج شرات البارميزان .. الخ
لكنننننننننننننننننننن
لازم تبتعدين من شي ازمه
blue cheese & ice-cream


أحسن دهن لج هو زيت الزيتوون .. والسمن عادي حقج:fa52:.. لكن ابتعدي من sunflower oils, corn orl, sesame oil


ماشي مكسرات تظعفج كلهم عادي ولا يمتنونج ف ابتعدي منهم .. لكن اذا ماتقدرين بكتبلج اللسته الى تمتنج

ولاتاكلين حمص لانه يمتنج

ابتعدي من المفنزز والكب كييز .. لكن الrice cakes اوكيه حقج

جسمج عادي ويا الباستااااا والعييييش .. الخ .. لكن ابتعديي من النودلز!!




تقهرررون >_<
انتو النوعيه من الناس اذا تسون رجيم تمتنون واذا ماتسون رجيم تظعفون:k_harhar1:

شوق القلوب
05-12-07 ||, 05:02 PM
صدقج والله .. يوم احط في بالي اني خلاص ابا اسوي رجيم.. ايلس أكل زياده..!! اونه خلاص هذي اخر مره .. و ايلس اكل حتى اكثر من حاجتي بس عشان اونه اخر مره..!!

ويت فتره طويله كنت مداومه على الايروبكس.. بس وقفت في الصيف.. و من وقفت بديت أضعف..!! و قبل الوزن كان ثاااابت ما يتغير..

شكلي خلاص . بشكل فكره الرجيم من راسي.. :fa34:

..

يسلموووووووووووووو شمعتي الحلوه.. ^_^