المساعد الشخصي الرقمي

مشاهدة النسخة كاملة : الي يبا يضعــف يدخل هنــــي الحيين



الصفحات : 1 2 3 4 [5]

قلوب دبي
24-04-10 ||, 11:55 PM
اهم شي للرجيم

الارادة
خف من الاكل
استمر في الرياضه

بكل سهوله بتلقى وزنك نقص


بس بعدين الصعوبه انك اتخافظ عليه :)

المزوحي
25-04-10 ||, 03:17 PM
عفاريتووو شدي حيلج ماعندنا لعب

قلوب دبي انا امشي من فتره بس يوم اخربط الاكل، مره مثلا وآكل من الوجبات السريعه ، أونه هذا اللي يسوي رياضه ، اقول مايخصه على الاقل ما اقطع المشي

فرفوش
19-05-10 ||, 04:31 PM
أنا مع كلام من يشجع على الرياضه وتركها من أسباب زيادة الوزن - سمعت عن عيادة هدفها فحص جسم الأنسان من تحاليل وغيرها بحيث يبين للجسم عن الغذاء المؤدي لزيادة الوزن - لي قريب وزنه ما يقارب 80كيلو وكان مهتم كثيراً بتخفيف وزنه مما أضطر لترك كل ما يحتوي على أي أكلات مطبوخه بالزيت وكان فقط مكترث بأكل السلطه والفواكه وللأسف لم ينقص وزنه بالشكل المطلوب ألا أن نقص كيلو واحد فقط - وفي يوم ما أنصدمت بوزنه الناقص كثيراً ما يقارب 65كيلو وقلت في خاطري أكيد سمع كلامي وقام يتريض بس الغريب انه قال لي في عيادة متخصصه تموا فحصه وأخبروه أن هو حاله نادره يعني لو يأكل أي أكل وأي شيء ما بيمتن إلا أذا كل فواكه فهي ألي بتمتن
فهمت من هذا
أن الأنسان له خلايا مختلفه عن غيره يعني أنا لو أشرب حليب ما بمتن وغيري لو يشرب كاس واحد يمكن يمتن

متابع

أنامل قلب
19-05-10 ||, 04:43 PM
^ ردك يخوف !.

مع ان اظني كلنا ملاحظين نفس الشي ،
شلون إن يعني مرات نحسنا ناكل بزياده بس نلقانا نضعف ،
ولمن نحسنا المفروض نظعف ، يصير العكس !.

عموما مثل ما قلت الرياضه بالأول والأخير بتنفعنا كلنا ،
نفسيا وجسديا وصحيا وذهنيا :surrender: ..


وووو بالنسبه لأنامل قلب ،
وزني نفس ما اهو ولله الحمد ما تغير ،
مع إني أحسني متنانه كيف مادري !.

بعدني أبي أنزل بس اممم ما عندي هييج الرغبه ، يعني جان بنزل فبالرياضه ،
المفروض اكون اقل عن طولي ابـ 100 + 10 ، وقتها بصير راضيه تماما ..


اونه تماما !"

دمعة شوق
19-05-10 ||, 11:20 PM
:fa34:
آنــآ نـقـصـت كيـلويــن
~~

:mf_leia:
وآستـمروا ولا تقطعون المشي أو الرياضه بشكل عام
انا بصراحه قطعت المشي صارلي اسبوعين
:fa48:
بس امس وزنت والحمدالله تفاائلت لول
والاهم انكم ماتخربطون في الأكل

فرفوش
21-05-10 ||, 03:23 PM
الأهم الواحد يعرف شو ياكل ويعرف شو من الاكلات ألي جسمه ينتفخ منها
لازم الواحد يكون عنده ثقافة بالأكل
ينقل للواحة العلمية مع تثبيته
^_^

مزن هتان
21-05-10 ||, 06:28 PM
ممكن تجيب لنا اسم العياده اللي تطريها أخوي فرفوش

فرفوش
23-05-10 ||, 03:57 PM
ممكن تجيب لنا اسم العياده اللي تطريها أخوي فرفوش
أن شاء الله برساله خاصه^_^

المزوحي
25-05-10 ||, 03:35 PM
ويييه هجرنا الموضوع

كل ما اقول اليوم بسير امشي يردني الحر ولو بتقولون زين إنه الواحد يعرق عسب تظهر السموم من جسمه ( كل يوم افكر في العمال اللي يشتغلون )

حبيت أسأل صدق البلاك كوفي يضعف !

دمعة شوق
25-05-10 ||, 11:53 PM
^
انا سامعه جي
بس مادري من صحة المعلومة !

فرفوش
04-06-10 ||, 01:54 AM
البلاك كوفي الخالي من السكر ومشتقات الحليب أو الأبيض

مناير
05-06-10 ||, 02:30 PM
المزوحي : لا ما يضعف انا سألت

بس ما يأثر إذا ما حطيت عليه حليب او كوفي ميت يعني هالشغلات الإضافية

المزوحي
06-06-10 ||, 07:34 PM
زين اللي يبا يضعف يدخل هني الحين

والموضوع بمثابة تحدي أو يخليكم تلتزمون بانقاص الكيلوات اللي تبونها !

سمعت معلومه إنه انقاص الوزن مايرتبط بالنادي بالدرجه الاولى ونقلت هالكلام حق واحد ، وقال كلامك صحيح ، وانا مستمتع بالمشي حول الحديقة ،، وقدر ينزل من وزنه

مناير
07-06-10 ||, 05:04 PM
المزوحي:
تدري عندنا في المدرسة المعلمة عندنا كان وزنها 79 والحين 67
اشترت الة المشي وخفت من الاكل اللي يزيد الوزن بالاخص السويت والجبس
وطبعا كل يوم تمشي على الة المشي ساعه او ساعه الا ربع
بدت فيه من شهرين والله لو تشوفها الحين فررررررررررررق ما شالله عليها

المزوحي
07-06-10 ||, 10:52 PM
مناير الاراده مهمه، ولو نخلي المشي عاده، مب موضه ، زين ماشاء الله عليها

ذنـيـنـي
08-06-10 ||, 01:34 AM
انا و اخويه دباديب شوي
الوالده قالتلنا لو خفيتوا ١٠ كيلو قبل السفر كل واحد له ٥٠٠٠ درهم من عندي
و لو ما ضعفتوا ١٠ كيلو انتوا تعطوني ٥٠٠٠ درهم خخخخخ

والله حركات هالام

مجموعة إنسان
08-06-10 ||, 12:57 PM
ههههههه

تبيني اسلفك هههه

دمعة شوق
08-06-10 ||, 04:36 PM
انا و اخويه دباديب شوي
الوالده قالتلنا لو خفيتوا ١٠ كيلو قبل السفر كل واحد له ٥٠٠٠ درهم من عندي
و لو ما ضعفتوا ١٠ كيلو انتوا تعطوني ٥٠٠٠ درهم خخخخخ

والله حركات هالام

:birgits_giggle:
عيــل شـدوا حيـلكم

مزن هتان
13-06-10 ||, 10:29 AM
:a116:

:fa39:

وزني مو طايع يتحرك ثاااابت، مفكره أبتدي رجيم
أون شو مزن انتِ ضعفانه وايد، تحمست و صعدت الميزان
و زعلت من اسبوعين و الوزن مثل ما هو، حتى المرض ما أثر
على وزني كفو عليّه الصراحه =)



بنتحر ان زاد وزني بالفتره اليايه
:fa43:

فرفوش
20-06-10 ||, 10:12 PM
لكل انسان عنده خليه تحرق الاكل
خليه تحرق الدهون
وخليه تحرق السكريات وخليه تحرق الدهون والسكريات
يعني مرات انحصل شخص ضعيف جدا مع انه ياكل وايد ماشاء الله عليه وياكل كل شيء وما يمتن - هذا لان لديه خليهة حرق الدهون والسكريات
اما المتين فعليه ان يعرف شو من الحرق الي يحرقه عشان يعرف شو الاكل الي يمتنه
والي يتمرن وايد - فالتمرين يحرق كل شيء في الجسم

فرفوش
24-07-10 ||, 04:12 PM
فيه أحصائية أتقول أن نسبة زيادة الوزن لشعب الإمارات سببها الرئيسي السكريات
أي أن الفواكه والتمور والحلويات والعصائر الطازجه أم الصناعية والحليب والأرز والمعكرونه والخبز والعدس وغيرها من النشويات والبقوليات تؤدي لزيادة الوزن
ورمضان أن شاء الله أتي فنغتنم الفرصة في تحسين الوزن
والبعد عن القيمات ^_* والحلويات

دمعة شوق
24-07-10 ||, 04:26 PM
^
صـح كلآمــك

ورمـضـآن احس آلواحد صعبه ينزل وزن ،
كـله معجنـآآت وووخرآبـيط :s

بس الواحد لازم يحآسب على أكله
ويخصص على الاقل نص ساعه للمشى في رمضآن
^^

قصايد غلا
25-07-10 ||, 03:10 AM
ليش تمتنون في رمضان :ohboy:؟

أنا ما أحس إنه رمضان يمتن لووول

مع إنه في رمضان يكون لنا بارض نتفنّن بالأكل و نسوي سويتات ما نفكر فيها في الفطر


يعني نحن فطورنا كل يوم لازم فيه هالسوالف
سمبوسة "جبن و لحم و بطاطا و خضرة" + كبة + باكورة + و بف باستري أو فطاير أو سبرينغ رول

مزن هتان
25-07-10 ||, 10:58 AM
يقولك فرفوش أكو ناس فطورهم عادي يقتصر عـ اللقيمات و التانج :a116:
شلون نبتعد عنه ؟!! ما يصير

تصور انه مزن ما تتفطر عند اهل امها لأنهم ما يسون لقيمات
شكلي بسوي لقيمات باجر :blush:

نازله كم كيلو :mf_leia: في شهر و شوي
بس طبعا وقفت اللي كنت أسويه

كنت اروح الجم يوميا ساعه و 45 دقيقه باستثناء اليمعه
و ما كنت أكل عيش الا بالسبت ، كنت أكل أي شيء عادي بس بمقدار بسيط
أشرب ماي و المشروبات الغازيه أصلا مبتعده عنها تقريبا بس لازم سفن اب مره فالاسبوع
ما استغنى عنه، اللي اسويه مش رجيم كثر ما انه احافظ على أكلي مش مهم عندي أضعف
بس خلاص احس بنفجر، آخر شي بطير نفس هاك الارنب اظن اللي بالرسوم المتحركه :a068:

ماكو وقت برمضان حق الرياضه، و خاصه نحن الاناث
الصبح دوام، الظهر اذا الوحده فينا بتريح لين العصر و بعدين دخلت المطبخ
بعد الفطور يدوب نتجهز للصلاه، نرجع البيت الا لمة الحريم لين قريب الـ 11 و بعدها نرقد :ohboy:

فرفوش
25-07-10 ||, 03:53 PM
مزن هتان :wink:
لا تنفجرين
:fa34:

أنزين عندج الدايت سفن أب لو تشربينه كل يوم ما يمتن
أبتعدي عن العيش نهائي وعن أي شيء مطبوخ بالطحين
وأبتعدي عن الخبز الأسمر والأبيض وبداله خذي خبز الصويا او خبز الهاي بروتشن
أبتعدي عن السكر الأبيض والأسمر وبداله خذي السويتنر بتحصلينه في الصيدلية
ابتعدي عن الفواكه والحلويات
بالمختصر المفيد أبتعدي عن اي شيء يتعلق بالسكريات والبقوليات
وشوفي النتائج كيف بتصير


عندج المسموح به وهو
البيض
اللحم
السمك
الدياي
النقانق
فقط حليب النوق أو حليب لكتوس المراعي بس مره في اليوم
خبز الصويا او خبز هاي بروتيشن بس مره في اليوم
سكر السويتنر للشاي والقهوة
العصائر والغازات الخالية من السكر يعني (الدايت)
مب مشكله اذا تانج او فيمتو بس شرط ما يكون فيه سكر
الخضره من جميع انواعها
وفاكهة الابوكادو
ومن المكسرات مسموح فقط الفستق الحلبي وجميع أنواع الحب فقط
ومن الشوربة مسموح جميع انواع الشوربة كالسي فود والدجاج والسمك او اللحم او الخضرة
اما شوربة العدس وشوربة الشوفان او الحريريه وشوربة بها عيش او معكرونه فغير مسموح

بينقص وزنج بدون رياضه
بس 1غرام سكر يسوي بلاوي في الجسم
يعني لاتقولين مره وحده او شوي ما يأثر
الاحصائيات اتقول سبب زيادة الوزن في الامارات
90% سكريات

ولكن بعد لازم نوازن يعني الجسم محتاج سكر
فثلاث حبات تمر او رطب في اليوم
او بديله نصف موزه كبيره
او يح حجم كبر كف اليد
او 12 حبه عنب
طبعا اختاري واحد من الفواكه وليس كلهم

دمعة شوق
26-07-10 ||, 02:46 AM
حـلو كلآمــك يـآ فـرفوش
:mf_leia:
يشجـع آلوآحــد
~
قـصوده
وهآلآشيـآآء ماتـمتـن ؟
من غير الحلويآت وبآقي الأشيـآآء
:fa39:
~

مزون
نفس مآقـآل فرفوش خذي الأشياء الدايت وبتشوفين آلفـرق
:redface:

~

آلوآحـد من يخفف آلأكل خلاص بيتعـود
بيتعود أنه يآكل شـوي وبالقدر اللي المعدة تعودت عليـه ،
بـس سآلفـة آلجسـم يتأقـلم ويتعــود ،

")

قصايد غلا
26-07-10 ||, 03:44 AM
فرفووش : كلام جميييل
يا ليت نطبقه


========

دمعة : لا ... عن نفسي ما يأثر فيني في رمضان
تعرفين ؟ .. لاحظت اني يوم اسوي مثل ما قالت مزن (آكل كل شي بس بكميات بسيطة يعني بدون حرمان) أنزل بسررررعــــــة =)
لكن لو وقفت كل شي أحبه أو قمت أخبص ==> في الحالتين أزيد

مزن هتان
26-07-10 ||, 09:13 AM
فرفوش
أحاول ما انفجر، لا تحاتي

كلام جميل و شاكرتلك اضافتك
بس بعقب عليه "هذربان" + وقت مستقطع عن الشغل

1.انا العيش مو مهم عندي، في رمضان ما أكل العيش أبد
2. ماصبر عن الكوكيز أسبوع بدون مبالغه موضوعه شرات السفن، ماحب اني اشرب دايت سفن اب
كأنه مياه غازيه طعمه ماصخ، اترك السفن آب و لا اشرب الدايت
3. المكسرات و الفواكه و الخضره "ما اكل هـ الاشياء"
الخضره أكلها سوتيه "أطري الميمده"، الفواكه بس جيه أحس انه شي مو مهم و المكسرات تسبب لي حساسيه
"عدنا طاوله بالصاله، مستحيل تكون فاضيه.
درابيل، رهش، خنفروش "من كويت" كوكيز + كاكاو "من لندن"، شبس "من البحرين"
بقلاوه و غريبّه "من سوريا" و من غير الكيك اذا بيسون الخدامات و الا معجنات :a116:
أنا ذكرت الاشياء الموجوده عـ الطاوله حاليا

دمعة شوق
ان شاء الله بحاول اخذ بديل الاشياء اللي أحبها دايت

فرفوش
26-07-10 ||, 10:30 AM
آلوآحـد من يخفف آلأكل خلاص بيتعـود
بيتعود أنه يآكل شـوي وبالقدر اللي المعدة تعودت عليـه ،
بـس سآلفـة آلجسـم يتأقـلم ويتعــود ،






دمعة شوق
:fa42:



فرفووش : كلام جميييل
يا ليت نطبقه


========

دمعة : لا ... عن نفسي ما يأثر فيني في رمضان
تعرفين ؟ .. لاحظت اني يوم اسوي مثل ما قالت مزن (آكل كل شي بس بكميات بسيطة يعني بدون حرمان) أنزل بسررررعــــــة =)
لكن لو وقفت كل شي أحبه أو قمت أخبص ==> في الحالتين أزيد
أختي قصايد
ذكرتيني بشخص أعرفه وهو دايم ولازال يخبص بالأكل وياكل كل شيء وما يقدر يستغني عن الاكل
واتبع رياضة الركض نص ساعه كل يوم
جهاز الركض في بيته ومجابل التلفزيون وكل يوم نص ساعه يركض فيه
ونقص وزنه من 110 كيلو إلى 70 كيلو
الرياضه تحرق كل شيء في الجسم وما تعرف سكر ولا دهون








"عدنا طاوله بالصاله، مستحيل تكون فاضيه.
درابيل، رهش، خنفروش "من كويت" كوكيز + كاكاو "من لندن"، شبس "من البحرين"
بقلاوه و غريبّه "من سوريا" و من غير الكيك اذا بيسون الخدامات و الا معجنات :a116:
أنا ذكرت الاشياء الموجوده عـ الطاوله حاليا




أختي مزن هتان
الصراحه هذه الطاولة أرهابية
عدوتج
أحذري منها

،
نسيت أخبرج أن الكورن فلكس والذره بعد من السكريات

المزوحي
26-07-10 ||, 01:52 PM
مادري ليش ما اقتنع بموضوع دايت ( ببسي او سفن . الخ ) او حتى سويتنر ، عندي اخلي المشروب الساخن بليا شي او احط شويه من الشكر العادي ولا استخدم هالشغلات

ومثل ما قال فرفوش إنه الرياضه تحرق الدهون والاكل .. في ناس تاكل دونت وإلا برجر وفي نفس الوقت تحرق هالاشياء

لالا عند جد يبالنا نمشي

قصايد غلا
26-07-10 ||, 05:40 PM
فرفوووش : ماشاااء الله علييييه 40 كيلووو برياضة نص ساعة ، وااايد زييييين

لا عاد أنا مب ما أقدر أستغنى عن الأكل =p
أنا أطري إني بدال لا آكل فاكهة ، آكل قطعة ككاو مع إني مب من محبي الككاو بخبال
أو بدال لا أشرب لي عصير فرش باااارد أقوم أشرب لي كراميل فرابتشينو ينعشني =D
و الأكل مثلا بدال لا آكل شي صحي آكل فاست فود

على فكرة ترى الربع يأثرون واااايد ، أنا من أطلع ويا بنات خالي واااايد أخبص >.<
في بيتنا ما تدخل المشروبات الغازية ، بس يوم أطلع أشربها لأن بنات خالي يقولون لي اشربــي بس اليوم (و أنا نفسي ضعيفة لووول)

مزن هتان
29-07-10 ||, 08:31 AM
سجلت بالجم البارحه =)
هالفتره بروح العصر و في رمضان بعد التراويح مباشره بإذن الله تعالى

المزوحي
01-08-10 ||, 09:42 AM
زين ماشاء الله، نص الرياضه وتخفيف الوزن في الحركه

حلم الطفوله
01-08-10 ||, 11:55 PM
لفتتني إضافة مزن هتان

نحن عدنا نفس الطاوله بصالتنا

كل ما تشتهيه العين 24 ساعه

مهما حاولت أحتج لوجودها .... يطنشوني

لدرجة إني عاندت هالفتره وما علمت الشغاله أي نوع من أنواع لسويتات

ناقصين سويتات نحن !!

مزن هتان
05-08-10 ||, 01:36 PM
زدت كيلو =) هذا يوم الاحد
اليوم اظن بترجع تاخذ لي الوزن و من عقبها راح يكون كل اسبوعين
حاليا اروح الجم ساعتين و الى 3 ساعات و الابو معترض ليه يوميا تعب عليج

حلم الطفوله
شلينا كل اللي عـ الطاوله، استعدادا لـ رمضان

المزوحي
10-08-10 ||, 07:47 PM
مزن كيف استعداد لرمضان، في رمضان بتستوي طاولتين كلها حلويات !

رمضان فرصه إنه الجسم يرتاح من الاكل، ونحن نزيد المعده من الاكل والدسم والحلو

وعلى فكره مب شرط العيش يمتن ...

مــهــابه
16-08-10 ||, 04:06 PM
^
لآتكثرون آكل ف رمضـان

وحاولوا تمشون ولو نص ساعه قبل الاذان او ساعه وانتوا صايمين بعد زين

المزوحي
22-08-10 ||, 08:16 PM
مهابه للأسف وايد ناس تزيد وزنها في رمضان ، من الدسم والحلو

مزن هتان
23-08-10 ||, 08:20 AM
غيرت وقت الجم صرت اروح قبل الافطار بـ ساعه
زميلتي اللي بدوام تقول ما ينفع اروح قبل، هل هذا صحيح ؟ اللي سمعتوا انو العكس وايد زين

حتى كاهي مهابه تقول انه قبل الافطار أفضل

صريح
23-08-10 ||, 10:44 AM
الرياضية وقت الصيام غير صحية و ممكن تكون خطرة على بعض الناس

الصايم جسمة يعتمد على الطاقة المخزنة فالجسم من اخر وجبة كلها "السحور" عسب يقدر يكمل يومه

فما بالج اذا الواحد اجهد عمره بالرياضة و هو صايم ؟
الرياضية تفقد السوائل فالجسم و بدون السوائل يسبب جفاف و ارهاق للجسم و غير انخفاض السكر فالدم و من الامور الثانية
و في بعض الحالات توفقة القلب من التعب و سرعة دقات القلب

كلام سمعته من دكتور سأل عن نفس الموضوع
^_^

المزوحي
24-08-10 ||, 12:27 AM
أمس شفت واحد يجري الساعه 6:15 قبل الفطور :k_puppyeyes:

دمعة شوق
24-08-10 ||, 05:47 AM
اممم من بداية رمضان كنـآ قبل صـلآة آلتـرآويـح أو فـي وقتهـآ نـطـلع نمشي تجنباً للزحمه
بـس عقب اتفقنا اتينا مدربه للبيت نلعب ايروبيك ،

وعقب لا المشي ولا الايروبيك
"(

وان شاءاالله برد أمشي
يبالنا نحرق اللي ناكله خاصه ان اغلب الاشياء معجنات وسكريات سواء في الاكل او العصاير

مــهــابه
25-08-10 ||, 04:01 AM
مزن حبيبتي انا اعرف انه المشي ماياثر لكن الجم ماعرف ومثل ماقال اخويه صريح
يمكن هالشي مب زين

مــهــابه
25-08-10 ||, 04:09 AM
المزوحي :
انا احس المعده ع حسب ماتعودها ..
يعني لو تعود نفسك انك ماتاكل مابتاكل
بالنسبه لي افطر تمر ولبن وفتوش ويالله هبشت من الثريد ولا ..
مول ماحب اترس بطني احس اني ثجيله عقب

المزوحي
25-08-10 ||, 06:07 PM
مهابه انا اكلي خفيف ، خاصه هرمضان، ماكثر ووقفت عن سوالف الحلو والمقالي قلت اجرب، يعني تمر وشوربه وعقب الصلاة فريد وجان هريس ولا اقرب شي ثاني، مرات عيني روحها تسير صوب الباكوره مب اكثر عن حبتين

حتى الفيمتو قمت اشربه من يومين ولا من بداية رمضان صايم عنه

مــهــابه
26-08-10 ||, 04:31 AM
^
جيـه آحسن لك ..

آنا ع الفطور مثل ماقلت لك تمر وسلطه ولبن ، وجان كلت سمبوسه ولا ..


وخلاف يوم يحطون الفواله ، عـآد ما اقصر لوول ، آهبش وآكل من كل شي =p

هو فطور وهو سحور 2 فــ 1 ..


بس اني آكل عقب الفطور ع طـوول ، مـآقدر

مزن هتان
26-08-10 ||, 08:21 AM
-2 kg =)

المزوحي
05-09-10 ||, 02:04 PM
حد منكم نزل وزنه في رمضان ؟

دمعة شوق
05-09-10 ||, 04:08 PM
حلـو يـآ مـزن :)
عقبآلـنـا
~
اممم انا ماوزنت حاليا آخر مره كـآنت قبل رمضان / احم احم بوزن وببشركم :D

مناير
07-09-10 ||, 12:00 PM
وزني من سنه تقريبا كان 46
الحين وتحديدا من ربع ساعه وزنت 42
رمضان السنه غييييييييير :)
ربي يعيده علينا بالخير

مــهــابه
09-09-10 ||, 04:46 AM
امييين

المزوحي :
انا نزلت لوول
امس وزنت فالعياده انصعقت !
نزلت وايد ، كنت اريد احافظ عـ وزني بين ٤٨ و ال٤٧
وحافظت عليه فتره بس من بدت الاجازه وجييه نزلت مال ٤ كيلووو

ذنـيـنـي
12-09-10 ||, 01:05 PM
انا نقصت فالسفر ٣ كيلو و فرمضان ٢,, بدون رجيم و جم
نفس الاكل العادي الي آكله بس قللت الكميه و امشي

في رمضان كنت معتمد على نظام المله (بروحي مخترع هالشي خخخ)
كنت احط الشوربه في هالمله و يوم اخلص احط سلطة في نفس المله و يوم اخلص من السلطه احط العيش في نفس المله و خلاص ما ازيد شي على هالاكل
طبعا المله صغيره مب كبيره

بستمر على نفس الطريقة بس بـ أكل يكون اقل فالدسم و الدهون مثلا عيش ابيض و صالونه لحم او دياي و اشل الزيت الي فوق المرقه قبل ما احطها عالعيش
فالسلطة معروف انه كمية الزيت الى الخل لازم تكون ٣ ملاعق زيت لكل ملعقة خل او ليمون
بقلل الزيت و بزيد الخل عسب اقلل الدسم
يعني بحاول قد ما اقدر اني اعدل اكلي
========
========


قريت مقال من فتره عن ضرر الاشياء الـ لو فات او الاشياء الي بدون فاتس
ما يقصدون الحليب لأن الحليب يشلون الدسم الي فيه عن طريق التسخين و عقب يشلون القشطه الي فيه و يقل الدسم

الي يقصدونه هو انواع المايونيز الخالية من الدهون لأن المايونيز اساسه عباره عن زيت و بيض, فـ اذا ما كان مصنوع من زيت و بيض بيكون مصنوع من شو؟
اكيد مواد كيماويه لها اول و مالها آخر
نفس الشي ينطبق على صلصات السلطات الي بدون زيت, اذا ما كان فيها زيت شو بيكون فيها ؟؟
سؤال يطرح نفسه

=========

نصيحة خلوا اكلكم طبيعي, بدون اشياء غريبه و عجيبه
كلوا اكلكم العادي بس قللوا من الاشياء الي فيها دهون مثل المقالي و الاشياء الدسمه و السكريات بشكل خاص
و امشوا فاليوم اقل شي ٤٠ دقيقه أقلللللل شي و ما يحتاي انكم تزيدون عن الساعه
قبل المشي سخنوا شوي مع بعض عمليات الاستطاله,, خلصوا من تمارين المقاومه (ضغط - بطن - شوية اوزان خفيفه ) و السبب لهالشي هو انه نحرق السكريات و الكاربوهايدرات الي في جسمنا قبل المشي
لأن السكريات هي مصدر الطاقة الاول في اجسامنا و بعدها الكابروهايرات و تمارين المقاومه تستهلكم و يوم بتبدون بالمشي على طول بتحرقون الدهون

المزوحي
12-09-10 ||, 07:08 PM
مهابه يعني ماتبين تنزلين اكثر ؟؟؟ قصدج هذا الوزن المناسب !

ذنيني ماشاء الله شي طيب إنك نزلت، بس اختراع المله، في حد يسوي

نفس الشي لكن مب في كل شي، بس في موضوع العيش، يعني

بدال مايقطع العيش، ياكل عيش بس ياكل بقياس

وأتمنى ابتدي المشي جريب :whistling:

دمعة شوق
18-09-10 ||, 05:59 AM
آحم آحم آن شآءالله فـ تآريـخ 18/10/2010 بـكـون على الأقـل نآزلـه 4 كيـلو
~

فـ رمضـآن زدنـآ شـوي
:fa39:

يآالله يالمزوحي شـد حيلك ورد أمشـي

:)

ذنيني
حلوه فكرة آلملـه / مآشآءالله عليك كلامك مُـشجع :)
يالله شد حيـلك
:mf_leia:

المزوحي
01-10-10 ||, 03:22 PM
دمعة شوق بنسألج تاريخ 18

انا اتبعت ريجيم فصيلة الدم ، احس بعمري اخف ولله الحمد

شوق القلوب
02-10-10 ||, 05:00 PM
السلام عليكم..

اونه اونه... قررت اني اسوي رجيم.. ع الاقل اوصل لوزني ماقبل الحمل... ومن عزمت كلي بديت اكل بزياده.. لانه في شعور نفسي اني بنحرم من هالسوالف فصار رد فعل عكسي...

المهم.. اليوم قررت اطلبلي دي في دي عن التمارين..و بدورلي واحد للايروبكس.. لانه حاليا صعب اني اطلع من البيت للنادي كل يوم...و انا احب سوالف الايروبكس .. يعطيك حماس...

قصايد غلا
03-10-10 ||, 03:51 PM
^شواقة : طرشي حد كارفور و بيحصلون كللللل شــي خاطرج فيه
شي يخص الآيروبيك و شي مال اليوغا ...إلخ

شوق القلوب
05-10-10 ||, 12:41 PM
انا وصيت من قبل على واحد.. يابولي اياه من فيرجن.. بس ما عيبني.. كانوا باردين و اغلبه يوغا

المزوحي
12-10-10 ||, 03:23 PM
حد يبغي يضعف

تنزلون وزنكم ؟؟


لا

الأكل مغري، وكل يوم نقول بنبتدي باجر .. ويوم عقب يوم والوزن يزيد

يالله لازم تكون عندكم إرادة

بأي شكل حابين تبتدون

رياضة المشي ( سواء برع ) أو على الجهاز في البيت، تسيرون النادي .. الخ

مجرد تخفيف الاكل

مزن هتان
13-10-10 ||, 07:41 AM
البارحه زين ما مت من الوناسه
ماخذه لبس و القياس وايد وايد فرق عن قبل
:a049:
مع انه وزني ما نزل وايد أبد بس الجسم انشدّ الحمدلله

دمعة شوق
14-10-10 ||, 03:01 PM
^
شعوووور جداً جميل يامزن
ذكرتيـني بعمري لوول
~

يالله شدوا الهمه

مــهــابه
16-10-10 ||, 06:01 PM
^
دخلت هنيه اتحراج تقولين تبين تضعفين

جيـه آآوكي

وآيد بيرفكت والله =p


.



.

المزوحي
18-10-10 ||, 06:38 PM
من يومين بديت المشي

دمعة شوق شو اخبارج ؟؟؟ اليوم تاريخ 18

المزوحي
02-01-11 ||, 03:20 PM
اشوفكم متجاهلين الموضوع !! :ohboy:

انا رفعت الموضوع من اجل صحة الجميع :fa56: وأولكم أنا :fa34:

صدق فترة طويلة وقفت عن المشي والرياضة :bye2:

مزن هتان
03-01-11 ||, 07:53 AM
تاريخ 3 نوفمبر وزنت
و رجعت و زنت تاريخ 1-1

نازله 5 كيلو، بس مش رجيم من الدواء اللي آخذه

المزوحي
03-01-11 ||, 06:29 PM
الله يعطيج الصحة اختي مزن

دمعة شوق
03-01-11 ||, 08:51 PM
المزوحي ،، آلحمدالله نقـصت هآلـ 4 كيلو ، بس حآلياً عشآن أوصل للوزن آلمثآآلي يبآلي بس 5 كيـلو وبـقـوول بـس خلآص
بس حالياً أخفف من الأكل ومآ أخربـط وآآيد وأبتعد عن الغازيات والحلويآت بس تبا الصدق انقطعت عن المشي وآلريآآضة :(
يبآلنـآآ نرد نمشي على الأقل آلنفسية تتحسن شـوي
:)
يآلله شـد حيـلك وخبرنآ شو يصير عندك
~

مزن
ربي يعطيج الصحة والعآفيـة

مــهــابه
11-01-11 ||, 11:07 PM
من زمآآآآآن ماوزنت ..

اللهم آعلم مّتنت ولآ ضعفت ><

مزن هتان
12-01-11 ||, 01:54 PM
يعافيكم ربي اخواني

بما انه الدواء يسد نفسي فـ صرت ما اتغدى و ريوقي يكون جبن و الا زعتر و كورن فليكس
العشاء سندويجه جبن و الا بيضتين مسلوقات يوم اليمعه اتغدى =)
باسكن روبنز ماصبر عنه

شي ثاني فيني النقرص يعني بعيد عن اللحوم الحمراء، مادري اذا قلت لكم
يعني غصب عن خشمي اصير نباتيه

و نهاية هالشهر بتشوف الدكتوره
يقولون فيني أعراض قولون عصبي بعيد عنكم، من الحين حارميني من الاكل الحار !

شوق القلوب
17-01-11 ||, 01:31 PM
مروا علي اربع ايام.. اكلي كان كله من المطاعم ... يعني غدا + سويت و كوفي.... زود وزني ٣ كيلو !!!!!!!!! مع انه حتى ويبه الغدا شي بسيط.. بس صدق انه حتى لو المطاعم كانت زينه بعد تعتبر جنك فود !!!

المزوحي
17-01-11 ||, 06:25 PM
جسمي اصبح مب رياضي ، شو هذا !!!

دمعة شوق
02-02-11 ||, 02:38 AM
^
ليش مآتمشـي نفس قـبل ؟
أو تـدخل آلصآآلـه ؟
~

الحمدالله رحت واشتركت في النآدي ، وأمس رحت واكتشفت آني لازم آضعف ضعف آللي كنت حآطتنه فـ بآآلي :(
كنت حآطه فـ بآلي 5 كيلـو لازم أنقص بس آكتشفت آنه آكثـر ، لانهم شافوا كم نسبة الدهون والماي
وهالاشياء ف الجسم فـ صحياً لازم انقص 10 كيلـو
:d010:
لاااا تعبت !! من فترة تميت محافظة على وزني على أساس بس انقص على 5 بس الحين لازم آشد حيلي نفس قـبل وآنزل :fa43:
~

عقب آسبوعين بآخذ قياسآت وأشوف كم نزلت ، عسى خير آن شآءالله =)
.
شدوا حيلكم حلـوة آلليآقه وآلرشآآقة
:mf_leia:

المزوحي
02-02-11 ||, 05:12 PM
مشكلتي ما احب التزم بالصالات، وبديت أمشي من اسبوع، ووزني نزل نص كيلو بس :sad: انا بعد ابغي انزل 10 كيلو او 12 تقريبا :fa45:

بس تمشين على نظام اكل معين ؟؟ وإلا بس رياضة !

دمعة شوق
03-02-11 ||, 12:20 AM
دآمك مستمر على المشي آنت والخير ربآعـه ،
ماامشي على نظام معين بس آحاسب وايد على أكلي وماأخربط وماشرب غازيات ولا اكل حلويات الا اذا ف الاسبوع مره وحده ، وطبعن من عقب ساعه 8 المسا ماآكل شـي ، بالاضافه إلى الشاهي الأخضر وأكثر من الماي ، والحمدالله وآآيد فآدني هالشي ونقصت وآيد آلحمدالله والحين لازم احافظ واستمر عشان اوصل للي أباه
~
تقريبا في شهرين إلى 3 شهور نقصت 10 كيـلو وسهله صدقني انا كنت بس امشي ساعه يومياً او حتى 45 دقيقه واسوي اروحي تمارين بسيطه
شد حيلك ياخوي بس يبالها إراده وآن شآءالله بتخف
=)

دمعة شوق
03-02-11 ||, 12:22 AM
الكـل يقولي بس خلآآص لاتضعفيـن s=
بس صحياً ونفسياً لازم أضعف واسوي اللي أباه
معنى محد يشجع الا قليل منهم,. ولا الكل يقولي بس خلاص !

المزوحي
03-02-11 ||, 03:31 PM
دمعة شوق هم يقولون لج مب زين، بس انا اقول يعتمد كيف طريقة اكلج، يعني بما إنه ماتشربين مشروبات

غازية+ ما تاكلين حلويات ( اللي هي ممكن تأثر بشكل سريع في وزنا ) وتاكلين الاكل العادي بحيث

تخفين من الكمية، مثل ما قلتي مب عقب الساعه 8 ما تاكلين شي ، هذا شي طيب الصراحة ..

هنيه لا تهتمين بكلام حد، لأنه مب قطعتي الاكل بالمره او تاكلين وجبة وحدة ..


انا شو بديت اسوي ، امتنعت عن الخبز اللحم والدياي والسمج عادي، منتوجات الألبان بنسبة ضئيلة

وأمشي والماي لازم :ohboy: وإن شاء الله نستمر ونحافظ على اجسامنا

دمعة شوق
04-02-11 ||, 03:05 AM
شي حلو بس تقدر تستبدل الخبز العادي بالخبز الاسمر
واذا حبيت تاكل الدياي خذ الصدر والاحسن يكون مشواي ، لان الصدر تكون كمية الدهون فيه قليلة
والحمدالله احاول مااسمع حدلين مااوصل للي اباه =)
،،

:( بس اليوم خربتها كلت من برا وكان الوقت متاخر ع ۱۰
بس بحاول اعوض ف الرياضة ، نفس ما قال الاخ ذنيني من قبل لازم تحط لك هدف عشان تمشي عليه

شد حيلك ياخوي ، عشان عقب ترتاح ويكون بس كيف تحافظ ع وزنك !

المزوحي
04-02-11 ||, 01:37 PM
انا إذا استوى وخربطت، أحاول إني التزم، ما اقول لاااا انا خربت على عمري واهد بعمري

:crazy: غير يوم نلبس التي شيرت والكرشه ناطه

يعني لازم نهتم الصراحه

دمعة شوق
05-02-11 ||, 12:55 AM
^
لوول هذي آلمشـكلـه يوم تبا تعرف نفسك متنت لا تقآيس على آلكنـدورة
ألبس تي شيرت وشـوف
آن شآءالله بتـشد حيـلك ونسمع أخبار حلوة من صـوبـك
")

المزوحي
05-02-11 ||, 09:14 PM
^
آن شآءالله بتـشد حيـلك ونسمع أخبار حلوة من صـوبـك
")

والله شجعتيني يوم قلتي هالكلام :fa56:

مزن هتان
06-02-11 ||, 09:06 AM
صباحووو

أنا بديت برجيم من أسبوع و نزلت كيلوين بس، احباط كنت ابي انزل 4 كيلو عالاقل
مشكلتي مع الجم انه بعد العصر اتهايز فصرت اطلع من الدوام ة على طول عالجم و يعني فالاسبوع
ما روح يوميا بعد يومين و الا ثلاث بس

يارب ما تبرد عزيمتي هالمره، ابّي أضعف

المزوحي
06-02-11 ||, 03:09 PM
واصلي مزن، نحن ماعندنا إراده مادري شو السبب !

دمعة شوق
07-02-11 ||, 05:48 PM
المزوحـي
آن شاءالله وآآنت قـدهـآ ، وفيـك الإرادة اذا تبا فـ شـد حيلـك

مزون
شـدي حيـلج ،، آاانا نفسج اتعايز مرات بس اضغط على عمري واروح لان ادري عقب بقعد أتلوم اقول ليش مارحت فـ الآحسن آني أروح
يالله شدي حيلج وآن شآءالله ربي يوفقج

المزوحي
07-02-11 ||, 08:28 PM
إن شاء الله دمعة شوق، بس تدرين شو المشكلة !! :ohboy:

الواحد لازم يحرق أكثر من إنه يزيد الكلوري ، وإذا بناكل قطعة بيتزا على سبيل المثال، لازم

أمشي ساعه عشان احرق اللي كلته .. فيبالي حماس واضاعف الرياضة لأنه جيه ماينفع :a116:

دمعة شوق
07-02-11 ||, 08:42 PM
ترا هذي المشكله ، بس تدري أنت شد حيلك طول الاسبوع وحاسب على أكلك يعني لاتخربـط وآآيد ، وفنهايـة الأسبوع حـاول تكافىء نفسك بأنك تآكل قطعه بيتزا أو تتعشا من برا أو تاكل من الاشياء الممنوعة طول الأسبوع
جي بتحافظ على أكلك + مابتحرم نفسك من اللي تحبه + تحس أنك سويت شـي
:)

المزوحي
08-02-11 ||, 02:58 PM
متابعين الموضوع وإن شاء الله اوصل للي أباه

مزن هتان
16-02-11 ||, 07:36 AM
هالاسبوع ما وزنت لاني خبصت، أحمممم
بشوف يوم السبت ان شاء الله

دمعة شوق
05-03-11 ||, 02:20 AM
امس وزنت وللأسف ما تغير شي ،،
شكلي بخلي الجم وبرد امشي ^^'

مــهــابه
06-03-11 ||, 09:09 PM
مرررحبآ


گنت بخبرگم عن الگرفس يقولوون انه وااايد اوگ للرجيم


عني آنا وزني يالس ينقص :(

آخر مره وزنت الاربعا لي طاف وگان ٤٦.٨

حلم الطفوله
06-03-11 ||, 09:56 PM
يالله ...المشي مفيد للصحة الجسميه والنفسيه

واضبووو عليه وإن شاء الله خير

المزوحي
09-03-11 ||, 02:41 PM
دمعة شوق حتى انا وزني مب طايع ينزل

مهابه بسير اشتري كرفس ، ليش انت شو تسوين عشان تنزلين، نفسيا وإلا متبعه نظام معين ؟

حلم الطفوله .. كلام سليم 100%

عفاريتووو
11-03-11 ||, 06:33 PM
انا خلاص قررت اني مابا اضعف
لان اتم شهووور عشان اضعف و ما اتنهى الا كم من يوم و ارد امتن
شوو ها !!!
احباط !!

اصلا الحياة من دون اكل ما تسوى
لا للرجييم p=

مــهــابه
11-03-11 ||, 10:15 PM
^
لوول

المزوحي: هذه ، آنا اسويه شوربه بس ما آحب اشربهآ
لاوالله مش متبعه نظام ولا شياته ..

گنت مضغوطه الفتره لي طااافت ونزلت

المزوحي
16-03-11 ||, 03:14 PM
عفاريتووو :k_puppyeyes: دخلت الموضوع ابغي اتحمس والله اخترب النظام عندي، ابغي آكل وابغي

اسوي ريجيم

انا بخفف اكل و بمشي كل يوم :sad:


مهابه .. الله يعينج :ohboy:

دمعة شوق
02-05-11 ||, 10:33 PM
نزلت ٣ كيلو ف أسبوع !!

المزوحي
18-05-11 ||, 11:10 PM
منو بيمشي ويايه ؟؟؟ يعني نبتدي من الاحد ونشوف لآخر الاسبوع ،، ولو النتيجة ماتظهر بــ هالسرعه ، بس نبغي حماس

اشوف تجاهلتوا الموضوع، مع إني متأكد وايدين يبون يخفون وزنهم ومب رايمين ، فخلونا نشجع بعض من خلال هالموضوع

مــهــابه
13-12-11 ||, 06:17 AM
هالموضوع برجـع له عقب فـتررره وبـ قوه عقب ما انشش بالسلامه ان شاء الله


لاني قاعده افكر كيف اخسر الوزن لي كسبته ، خصوصا اني طوووفت الـ ٥٥ لووول..


الله بيضعفني ^^

المزوحي
15-12-11 ||, 03:11 PM
لا إله إلا الله

مايهزك ريح
18-12-11 ||, 02:38 PM
لا إله إلا الله .. محمد رسول الله ..

انا رديت امشي في الفريج ما بين اذان المغرب والعشا ..

المزوحي
18-12-11 ||, 03:03 PM
تراني ودرت المشي من العام وكل يوم اقول باجر ببتدي

إن شاء الله ابتدي من اليوم :fa46:

بسبس
23-12-11 ||, 10:19 PM
ربي يعطيكم العافيه على هالموضوع المميز ...و إن شاء الله كل الي في بالكم يتحقق بإذن الله ...

مزن هتان
27-12-11 ||, 01:12 PM
نزلت 4 كيلو بالفترة اللي تعبت فيها
رُبّ ضارةِ نافٍعه :vampire:

مــهــابه
28-12-11 ||, 10:37 AM
^
خاااطري اوزن والقى وزني نازل لوول


انا حاليا اسسسوي رياضه خفيفه
مشي ساعتين من ٦-٨
ومن ٤-٦ اسير اسوي بعد بعض التمارين مال الحوامل..


يقولون صعفانه كـ شگل لكن ماوزنت من الاسبوع لي طاف..

المزوحي
07-01-12 ||, 05:00 PM
" الي يبا يضعــف يدخل هنــــي الحيين "

زين ، ودخلنا ، وأشوف الوزن قام يزيد ، ماعرف شو أسوي !!!! أمشي بس ماشي فايده

مزن هتان
08-01-12 ||, 02:07 PM
السلام عليك أخوي مروان

لا يكون انت بعد من اللي صاروا يتعشون مرتين بالشتاء ؟!!
الساعة كم تكون وجباتك الثلاث ؟ وقت تقريبي حط لي
احس لازم يكون بين كل وجبه و الثانية اقل شي 5 ساعات
و العشاء قبل الساعة 8ونص و يفضل الساعه سبع لانه وقت مناسب لين حزت الرقاد
تكون خفيف تقدر اذا يعت بعد هالوقت تاكل لك تفاحة و الا تشرب لك حليب بارد


برجع اكملك اذا ما نسيت !
من الصبح فاتحه الصفحه من 10:51 و كل شوي اكتب
خلص الدوام

المزوحي
08-01-12 ||, 03:07 PM
مزن والله مادري في البرد قمت ايوع شو اسوي بعمري :ohboy: الصبح الساعه تسع والظهر الساعه 3 والعشاء الساعه 8 تقريبا ولازم من بينهم اخربط شويه

وهالشويه زدنا فيها :fa43:

مزن هتان
22-01-12 ||, 12:08 PM
كلنا نيوع بالبرد :fa46: عادي
لا تترك الجاهي الأخضر أخوي أقل شي اشربه مرتين باليوم
أنا اشربه مرتين و الا 3 مرات باليوم و كوب زهورات قبل النوم احيانا !

الممشى تحت راسك يا أخوي لا تتثاقل

في أشياء ما صبر عنها أبدا :
الكوكيز، كابتشينو بالكراميل "ستار بكس" و حليب طازج و لازم "full fat"
:9:أحاول أخفف منهم


نزلت كيلو الاسبوع اللي فات، احس ماكو فايدة لان قام انزل وزن من دون رياضة !!

المزوحي
23-01-12 ||, 03:49 PM
نزلت نص كيلو بس ، لازم اشد حيلي